Health-and-Nutrition/C2/Basics-of-newborn-care/Oriya

Time	Narration
00:00	"ନବଜାତଙ୍କ ମୌଳିକ ଯତ୍ନ" ଉପରେ ସ୍ପୋକନ୍ ଟ୍ୟୁଟୋରିଆଲକୁ ସ୍ୱାଗତ
00:05	ଏହି ଟ୍ୟୁଟୋରିଆଲରେ ଆମେ ଶିଖିବା - ଗୋଟିଏ ନବଜାତକୁ କିପରି ସମ୍ଭାଳିବେ
00:11	ଗର୍ଭନାଡ଼ର ଯତ୍ନ ନବଜାତକୁ ଖୁଆଇବା ଓ ହେଉଡ଼ି ମରାଇବା
00:15	ଶିଶୁର କନା ବଦଳାଇବା ଓ ଡାଇପର୍ ରାଶ୍
00:19	ଗୋଟିଏ ନବଜାତର ଶୋଇବା ଶୈଳୀ
00:23	ନବଜାତ ଶିଶୁର ଜନ୍ମରେ ସମଗ୍ର ପରିବାର ଉତ୍ସାହିତ ଥାଆନ୍ତି ଏବଂ ସମସ୍ତେ ଶିଶୁଟିକୁ ଦେଖିବାକୁ ଓ ଧରିବାକୁ ଚାହିଁଥା’ନ୍ତି
00:34	ସେଥିପାଇଁ, ନବଜାତ ଶିଶୁକୁ ସମ୍ଭାଳିବା ସମୟରେ କେତେକ ମୁଖ୍ୟ ନିୟମ ଧାର୍ଯ୍ୟ କରିବା ଜରୁରୀ ଅଟେ
00:40	ନବଜାତମାନଙ୍କର ଦୃଢ଼ ପ୍ରତିରକ୍ଷା ପ୍ରଣାଳୀ ନଥାଏ. ଏହା ସେମାନଙ୍କୁ ସଂକ୍ରମଣପ୍ରବଣ କରାଇଥାଏ
00:48	ଶିଶୁକୁ ସଂକ୍ରମଣରୁ ରକ୍ଷା କରିବା ପାଇଁ, ତାକୁ ଛୁଇଁବା କିମ୍ୱା ଧରିବା ପୂର୍ବରୁ ହାତକୁ ଭଲ ଭାବେ ଧୋଇବା ଉଚିତ
00:57	ହାତ ସଫା କରିବା ପାଇଁ, ସାବୁନ ଓ ପାଣିରେ ହାତ ସଫା କରନ୍ତୁ ଏବଂ ସଫା କପଡ଼ାରେ ହାତକୁ ଭଲ ଭାବେ ଶୁଖାଇଦିଅନ୍ତୁ
01:07	ଏବେ ପ୍ରଥମ ଜିନିଷ ଶିଖିବାକୁ ଅଛି, ଯାହା ହେଉଛି ଗୋଟିଏ ଶିଶୁକୁ କିପରି ଧରାଯାଏ
01:11	ଶିଶୁର ମୁଣ୍ଡ ଓ ବେକକୁ ଗୋଟିଏ ହାତରେ ଏବଂ ନିତମ୍ୱକୁ ଅନ୍ୟ ହାତରେ ଧରି ଶିଶୁକୁ ଧରନ୍ତୁ
01:19	ଶିଶୁକୁ ତଳେ ଶୁଆଇବା ପାଇଁ, ତା’ର ନିତମ୍ୱକୁ ଧରିରଖିବା ସମେତ ସର୍ବଦା ତା’ର ମୁଣ୍ଡ ଓ ବେକକୁ ଧରି ରଖନ୍ତୁ
01:26	ଅନ୍ୟ ପକ୍ଷରେ, ଗୋଟିଏ ଶୋଇଥିବା ଶିଶୁଟିକୁ ଉଠାଇବା ପାଇଁ ନିମ୍ନଲିଖିତ କରନ୍ତୁ
01:31	ଶିଶୁର ପାଦକୁ କୁତୁକୁତୁ କରନ୍ତୁ କିମ୍ୱା ତାକୁ ଉଠାଇ ବସିବା ସ୍ଥିତିକୁ ଆଣନ୍ତୁ କିମ୍ୱା ହାଲୁକା ଭାବରେ ଶିଶୁର କାନକୁ ଛୁଅଁନ୍ତୁ
01:42	ସର୍ବଦା ମନେରଖନ୍ତୁ ଯେ, ନବଜାତ ଶିଶୁ ବହୁତ କୋମଳ ଥାଏ
01:46	ନବଜାତକୁ ଗାଧୋଇବା ସମୟରେ ଗ୍ରହଣ କରାଯିବାକୁ ଥିବା ସାବଧାନତା- ନବଜାତ କୌଣସି ପ୍ରକାର ଖେଳ ପାଇଁ ପ୍ରସ୍ତୁତ ନଥାଏ
01:55	ସେଥିପାଇଁ, ଶିଶୁକୁ ଆଣ୍ଠୁରେ ପକାଇ ଝୁଲାନ୍ତୁ ନାହିଁ କିମ୍ୱା ତାକୁ ଉପରକୁ ଫୋପାଡ଼ନ୍ତୁ ନାହିଁ
02:01	ଖେଳରେ କିମ୍ୱା ବିରକ୍ତ ହୋଇ କେବେବି ତାକୁ ଦୋହଲାନ୍ତୁ ନାହିଁ
02:05	ଶିଶୁର ବେକକୁ ଆକସ୍ମିକ ଝଟକା ଦିଅନ୍ତୁ ନାହିଁ. ଏହି ସମସ୍ତ, ଶିଶୁକୁ ଆଭ୍ୟନ୍ତରୀଣ ଆଘାତ ଦେଇପାରେ
02:14	ଏବେ ଆମେ, ଘରେ ଗର୍ଭନାଡ଼ର ଯତ୍ନ ନେବା ବିଷୟରେ ଶିଖିବା
02:18	ଶିଶୁ ମା’ ଗର୍ଭରେ ଥିବା ସମୟରେ, ଗର୍ଭନାଡ଼ ହେଉଛି ତା’ର ଜୀବନ. ହେଲେ, ଜନ୍ମ ହୋଇସାରିବା ପରେ ତାହାର ଆଉ ଆବଶ୍ୟକତା ନଥାଏ
02:30	ଜନ୍ମର କିଛି ସମୟ ମଧ୍ୟରେ, ନାଡ଼ର ସ୍ପନ୍ଦନ ବନ୍ଦ ହୋଇଯିବା କ୍ଷଣି, ତାହାକୁ ବାନ୍ଧିଦିଆଯାଏ
02:37	ଶିଶୁ ଯେତେବେଳେ ଡାକ୍ତରଖାନାରୁ ଘରକୁ ଯାଏ, ନାଡ଼ଟି ଶୁଖି ଝାଉଁଳିବା ଆରମ୍ଭ ହୁଏ
02:45	ଗୋଟିଏ-ଦୁଇ ସପ୍ତାହ ମଧ୍ୟରେ ନାଡ଼ଟି ନିଜକୁ ନିଜ ଝଡ଼ିଯାଏ
02:50	ଦୟାକରି ଧ୍ୟାନ ଦିଅନ୍ତୁ ଯେ, ଗର୍ଭନାଡ଼ ମାଧ୍ୟମରେ ଶିଶୁର ଶରୀର ସଂକ୍ରମିତ ହୋଇପାରେ
02:57	ତେଣୁ, ତାହାର ଯତ୍ନ ନେବା ଅତ୍ୟନ୍ତ ଜରୁରୀ ଅଟେ
03:02	ସେଥିପାଇଁ, ଦୟାକରି ଏହା ମନେରଖନ୍ତୁ ଯେ, ଗର୍ଭନାଡ଼ ଶୁଖିଲା ଓ ଖୋଲା ରହିବା ଉଚିତ
03:09	ଗର୍ଭନାଡ଼ ନ ଖସିବା ପର୍ଯ୍ୟନ୍ତ କେବଳ ସ୍ପଞ୍ଜ ବାଥ୍ ହିଁ ଦେବା ଉଚିତ
03:14	ନାଡ଼କୁ ଶିଶୁର ନାପ୍ପୀ ବାହାରେ ରଖାଯିବା ଉଚିତ କିମ୍ୱା ନାପ୍ପୀର ଉପର ଧାରରେ ମଧ୍ୟ ମୋଡ଼ିକରି ରଖାଯାଇପାରିବ
03:24	ଶିଶୁଠାରେ ନିମ୍ନଲିଖିତ ଦେଖାଦେଲେ, ଦୟାକରି ଡାକ୍ତରଙ୍କ ସହିତ ପରାମର୍ଶ କରନ୍ତୁ - ନାଡ଼ର ମୂଳରେ କିମ୍ୱା ଚର୍ମ ଆଖପାଖରେ ରକ୍ତ
03:32	ପୁଜ ନାହି ଚାରିପାଖରେ ଫୁଲା କିମ୍ୱା ଲାଲିମା
03:36	ନାହି ସ୍ଥାନରେ ଯନ୍ତ୍ରଣା ହେଉଥିବାର ସଂକେତ
03:41	ଏବଂ ମାସେ ବିତିଯିବା ପରେ ମଧ୍ୟ ଯଦି ନାଡ଼ ନ ଝଡ଼େ
03:46	ବେଳେବେଳେ ଏହା ମଧ୍ୟ ହୋଇଥାଏ ଯେ, ନାଡ଼ ଝଡ଼ିବାକୁ ଯାଉଥିଲାବେଳେ କିମ୍ୱା ଝଡ଼ିଯିବା ପରେ ଅଳ୍ପ ରକ୍ତ ବାହାରିପାରେ, କିନ୍ତୁ ତାକୁ ତୁରନ୍ତ ବନ୍ଦ କରିଦେବା ଉଚିତ
04:01	ମନେରଖନ୍ତୁ, ନାଡ଼କୁ ଟାଣି ବାହାର କରନ୍ତୁ ନାହିଁ
04:04	କୌଣସି କ୍ରିମ୍ କିମ୍ୱା ପାଉଡର୍ ମଧ୍ୟ ଲଗାନ୍ତୁ ନାହିଁ
04:08	କିମ୍ୱା ନାଡ଼ ଝଡ଼ିଯିବା ପରେ ଶିଶୁର ନାହିଠାରେ ବ୍ୟାଣ୍ଡେଜ୍ ବାନ୍ଧନ୍ତୁ ନାହିଁ
04:13	ନବଜାତର ପୋଷଣ ଦିଗ ପାଇଁ, ଆମେ ଆଲୋଚନ କରିବା - ଶିଶୁକୁ କିପରି ଖୁଆଇବେ
04:20	ପ୍ରସବର 1 ଘଣ୍ଟା ମଧ୍ୟରେ ନବଜାତକୁ ସ୍ତନ୍ୟପାନ କରାଇବା ଉଚିତ
04:25	ପ୍ରଥମ 6 ମାସ ପର୍ଯ୍ୟନ୍ତ କେବଳ ସ୍ତନ୍ୟପାନର ସୁପାରିସ କରାଯାଇଥାଏ
04:30	ଏହା ଅତିରିକ୍ତେ, ମା’ ଶିଶୁକୁ ଚର୍ମ ସ୍ପର୍ଶ ଦେବା ସହ ଶିଶୁର କ୍ଷୁଧା ସଂକେତକୁ ଲକ୍ଷ୍ୟ କରିବା ଉଚିତ
04:40	ଏହି ଶୃଙ୍ଖଳାର ଅନ୍ୟ ଟ୍ୟୁଟୋରିଆଲରେ ଏହି ସମସ୍ତ ପ୍ରସଙ୍ଗ ଆଲୋଚନା କରାଯାଇଛି
04:46	କେତେକ ମାମଲାରେ, ନବଜାତଙ୍କୁ ବାରମ୍ୱାର ଉଠାଇବାକୁ ପଡ଼ିଥାଏ, ଯେଉଁଥିରୁ ସେମାନଙ୍କୁ ପର୍ଯ୍ୟାପ୍ତ ଖାଦ୍ୟ ଦିଆଯାଇପାରିବ. ବିଶେଷକରି ଛୋଟ - ସମୟ ପୂର୍ବରୁ ଜନ୍ମିତ ଶିଶୁ
04:57	ସୁସ୍ଥ କିମ୍ୱା ସମୟ ପୂର୍ବରୁ ଜନ୍ମିତ ଶିଶୁମାନଙ୍କ କ୍ଷେତ୍ରରେ, ଯଦି ଶୋଷିବା ପାଇଁ ଆଗ୍ରହୀ ନ ଜଣାପଡ଼ୁଥାଏ, ତେବେ ଡାକ୍ତର କିମ୍ୱା ସ୍ୱାସ୍ଥ୍ୟକର୍ମୀଙ୍କ ସହ ପରାମର୍ଶ କରନ୍ତୁ
05:09	ସ୍ତନ୍ୟପାନବେଳେ, ଅଧିକାଂଶ ସମୟରେ ଶିଶୁମାନେ ପବନ ଢୋକିଦିଅନ୍ତି, ଯାହା ସେମାନଙ୍କୁ ଅଣନିଶ୍ୱାସୀ କରିପାରେ
05:15	ଏହାକୁ ରୋକିବା ପାଇଁ, ପ୍ରତ୍ୟେକ ଖାଦ୍ୟ ପରେ ତାକୁ ବସାଇ ହେଉଡ଼ି ମରାନ୍ତୁ
05:20	ଏହି ଶୃଙ୍ଖଳାର ଅନ୍ୟ ଏକ ଟ୍ୟୁଟୋରିଆଲରେ ଏହାକୁ ବ୍ୟାଖ୍ୟା କରାଯାଇଛି
05:25	ଏହାପରେ ହେଉଛି କନା ବଦଳାଇବା (ଡାଇପରିଙ୍ଗ୍): ପ୍ରତ୍ୟେକ ମଳତ୍ୟାଗ ପରେ କିମ୍ୱା ଯଦି କନା ଓଦା ହୋଇଯାଇଥାଏ - ଶିଶୁକୁ ଚିତ୍ କରି ଶୁଆଇଦିଅନ୍ତୁ ଏବଂ ମଇଳା କନା କାଢ଼ିଦିଅନ୍ତୁ
05:37	ଶିଶୁର ଗୁପ୍ତାଙ୍ଗକୁ ସଫା କରିବା ଓ ପୋଛିବା ପାଇଁ ପାଣି ଓ ନରମ କପଡ଼ା ବ୍ୟବହାର କରନ୍ତୁ
05:44	ତା’ ଗୁପ୍ତାଙ୍ଗରେ ସାବୁନ ଲଗାନ୍ତୁନାହିଁ. ଗୋଟିଏ ଝିଅକୁ ପୋଛିବା ସମୟରେ, ପରିସ୍ରା ନଳୀ ସଂକ୍ରମଣକୁ ଏଡ଼ାଇବା ପାଇଁ ତାକୁ ସାମ୍ନାରୁ ପଛ ପର୍ଯ୍ୟନ୍ତ ପୋଛନ୍ତୁ
05:55	କନା ବଦଳାଇବା ପୂର୍ବରୁ ଓ ପରେ ମା’ କିମ୍ୱା ଧାଈ ସର୍ବଦା ଭଲ ଭାବେ ହାତ ଧୋଇବା ଉଚିତ
06:03	ବେଳେବେଳେ ଶିଶୁର କନା କୁଣ୍ଡିଆ ମଧ୍ୟ ହୋଇଥାଏ
06:08	କନା କୁଣ୍ଡିଆ (ଡାଇପର୍ ରାଶ୍) ଏକ ସାଧାରଣ ଚିନ୍ତା ଅଟେ, ବିଶେଷକରି ନାଲି ହୋଇ ଫଳିଯାଇଥିବା କୁଣ୍ଡିଆକୁ ଗରମ ପାଣିରେ ଗାଧୁଆ କଲେ କିଛି ଦିନରେ ଚାଲିଯାଏ
06:18	କେତେକ ଡାଇପର୍ କ୍ରିମ୍ ଓ କନା କିମ୍ୱା ଡାଇପର୍ ନ ପିନ୍ଧାଇବା ମଧ୍ୟ କାମ ଦେଇଥାଏ
06:25	ଶିଶୁର ଚର୍ମ କୋମଳ ଥିବାରୁ ଏବଂ ଓଦା କନା କାରଣରୁ ଅଧିକାଂଶ କୁଣ୍ଡିଆ ଦେଖାଦେଇଥାଏ
06:33	ଏହାକୁ ପ୍ରତିରୋଧ କରିବା ପାଇଁ କିମ୍ୱା କନା କୁଣ୍ଡିଆର ଉପଚାର କରିବାକୁ ଶିଶୁର କନାକୁ ବାରମ୍ୱାର ବଦଳାନ୍ତୁ, ବିଶେଷକରି ମଳତ୍ୟାଗ ପରେ
06:41	ନରମ କପଡ଼ା ଓ ପାଣି ଦ୍ୱାରା ସେହି ସ୍ଥାନକୁ କୋମଳ ଭାବେ ସଫା କରନ୍ତୁ. ୱାଇପ୍ସ ବ୍ୟବହାର କରନ୍ତୁ ନାହିଁ, ଯେହେତୁ ତାହା ଉତ୍ତେଜିତ କରିପାରେ
06:50	ଡାଇପର୍ ରାଶ୍ କିମ୍ୱା "ବେରିଅର୍” କ୍ରିମ୍‌ର ଏକ ମୋଟା ପରସ୍ତ ଲଗାନ୍ତୁ
06:55	"ଜିଙ୍କ୍ ଅକ୍ସାଇଡ୍” କ୍ରିମ୍‌ର ପରାମର୍ଶ ଦିଆଯାଏ, ଯେହେତୁ ତାହା ଆର୍ଦ୍ର ବିରୁଦ୍ଧରେ ଅବରୋଧକର କାମ କରିଥାଏ
07:03	ଖାର ଓ ବାସ୍ନା-ମୁକ୍ତ ଡିଟର୍ଜେଣ୍ଟ ବ୍ୟବହାର କରି ଶିଶୁର କନା ସଫା କରନ୍ତୁ
07:08	ଗୋଟିଏ ଓଳି ପାଇଁ ଶିଶୁକୁ ବିନା କନା ବା ଡାଇପର୍ ରେ ରହିବାକୁ ଦିଅନ୍ତୁ. ଏହା ଚର୍ମକୁ, ବାୟୁ ନିର୍ଗତ କରିବାକୁ ଦେଇଥାଏ
07:18	ଯଦି ଡାଇପର୍ ରାଶ୍, 3 ଦିନରୁ ଅଧିକ ପର୍ଯ୍ୟନ୍ତ ଲାଗିରୁହେ କିମ୍ୱା ଅଧିକ ଖରାପ ହେବା ପରି ଜଣାପଡ଼େ, ତେବେ ଦୟାକରି ଡାକ୍ତରଙ୍କୁ ଦେଖାନ୍ତୁ
07:27	ଏହା ଫଙ୍ଗଲ୍ ସଂକ୍ରମଣ କାରଣରୁ ହେଉଥାଇପାରେ, ଯାହା ପାଇଁ ଔଷଧ ଦରକାର
07:33	ଶେଷରେ, ଆସନ୍ତୁ ଶିଶୁର ଶୋଇବା ଶୈଳୀ ବିଷୟରେ ଆଲୋଚନା କରିବା:
07:38	ଗୋଟିଏ ଦିନରେ ଶିଶୁମାନେ ପ୍ରାୟ 14ରୁ 16 ଘଣ୍ଟା କିମ୍ୱା ଅଧିକ ଶୋଇଥା’ନ୍ତି
07:43	ନବଜାତମାନେ ସାଧାରଣତଃ 2-4 ଘଣ୍ଟା ପର୍ଯ୍ୟନ୍ତ ଶୋଇଥା’ନ୍ତି
07:48	ଅନେକ ନବଜାତମାନଙ୍କ ପାଇଁ ସେମାନଙ୍କର ଦିନ ଓ ରାତି ମିଶାମିଶି ହୋଇଥାଏ
07:52	ସେମାନେ ରାତିରେ ଚାହିଁଥା’ନ୍ତି ଓ ଦିନରେ ଶୋଇଥା’ନ୍ତି
07:58	ସେମାନଙ୍କୁ ରାତିରେ ଅଧିକ ଶୋଇବା ପାଇଁ ସାହାଯ୍ୟ କରିବାକୁ ରାତିରେ ତାକୁ ବେଶୀ ଉତ୍ତେଜିତ କରନ୍ତୁ ନାହିଁ. ଉଦାହରଣସ୍ୱରୂପ, ନାଇଟ୍ ଲ୍ୟାମ୍ପ୍ ବ୍ୟବହାର କରି ଅନ୍ୟ ଲାଇଟ୍‌ଗୁଡ଼ିକୁ କମ୍ ରଖନ୍ତୁ ଏବଂ ଦିନ ସମୟରେ ପିଲା ସହିତ କଥା ହୋଇ ଓ ଖେଳି ତାକୁ ଟିକିଏ ଅଧିକ ସମୟ ଜଗାଇ ରଖନ୍ତୁ
08:17	ମା’ ଓ ଧାଈ ଏହା ମନେରଖିବା ଉଚିତ ଯେ, ପିଲାଟି ଶୋଇବାବେଳେ ସର୍ବଦା ଚିତ୍ ହୋଇ ଶୋଇବ
08:24	ଏହା ଆକସ୍ମିକ ଶିଶୁ ମୃତ୍ୟୁ ସିଣ୍ଡ୍ରୋମ୍‌କୁ ହ୍ରାସ କରିଥାଏ
08:30	ଅନ୍ୟ ସୁରକ୍ଷିତ ଶୋଇବା ଅଭ୍ୟାସ ପାଇଁ, ନିମ୍ନଲିଖିତ ଜିନିଷଗୁଡ଼ିକୁ ତା’ପାଖରେ ରଖନ୍ତୁ ନାହିଁ - ଯେପରି କମ୍ୱଳ, ରେଜେଈ, ମେଣ୍ଢା ଚମ, ତୁଳା ଭର୍ତ୍ତି ଖେଳଣା ଓ ତକିଆ
08:44	ଏହି ସମସ୍ତ ଶିଶୁକୁ ଅଣନିଶ୍ୱାସୀ କରିପାରେ
08:47	ପ୍ରତ୍ୟେକ ରାତିରେ ଶିଶୁର ମୁଣ୍ଡକୁ ବୁଲାଉଥିବାର ମଧ୍ୟ ସୁନିଶ୍ଚିତ କରନ୍ତୁ - ପ୍ରଥମେ ଡାହାଣ, ତା’ପରେ ବାମ ଓ ଏହିପରି
08:58	ଏହା, ଶିଶୁ ମୁଣ୍ଡର ଗୋଟିଏ ପଟକୁ ସମତଳ କରିବା ପ୍ରତିରୋଧ କରିବ
09:04	ଏଥିସହିତ ଆମେ "ନବଜାତଙ୍କ ମୌଳିକ ଯତ୍ନ" ଉପରେ ଏହି ଟ୍ୟୁଟୋରିଆଲର ସମାପ୍ତିକୁ ଆସିଲେ. IIT Bombay ତରଫରୁ ପ୍ରଦୀପ ଚନ୍ଦ୍ର ମହାପାତ୍ରଙ୍କ ସହ ମୁଁ ରଶ୍ମିତା ମହାପାତ୍ର ଆପଣଙ୍କଠାରୁ ବିଦାୟ ନେଉଛି ଆମ ସହିତ ଜଡ଼ିତ ହୋଇଥିବାରୁ ଧନ୍ୟବାଦ

Contributors and Content Editors

Debosmita, Pradeep