Health-and-Nutrition/C2/How-to-bathe-a-newborn/Tamil

Time	Narration
00:00	பச்சிளம் குழந்தையை எவ்வாறு குளிப்பாட்டுவது குறித்த Spoken tutorial க்கு நல்வரவு.
00:06	இந்த டுடோரியலில் நாம் கற்கப்போவது- குளியலுக்கு முன் மற்றும் குளியலின் போது, ஒரு தாய் அல்லது பராமரிப்பாளருக்கான பாதுகாப்பு உதவிக்குறிப்புகள்
00:15	ஒரு குழந்தையை முதலில் எப்போது குளிப்பாட்டுவது, ஸ்பாஞ் குளியல்,
00:20	வழக்கமான குளியல், பாரம்பரிய குளியல்,
00:23	மலைப்பாங்கான பகுதிகள் அல்லது குளிர்ந்த பகுதிகளில் உள்ள குழந்தைகளுக்கு குளியல் மற்றும் Cradle cap.
00:32	பச்சிளம் குழந்தையை எப்படி குளிப்பாட்டுவது குறித்து பெற்றோர்கள் ஆர்வமாக இருப்பர்.
00:37	குழந்தையை குளிப்பாட்டும் போது, அதிக கவனத்துடன் இருக்க வேண்டும்.
00:42	ஒரு சிறிய தவறு கூட பச்சிளம் குழந்தைக்கு பெரிய தீங்கை விளைவிக்கலாம்.
00:46	தொடங்குவதற்கு முன், ஒரு குழந்தையை குளிப்பாட்டுவதற்கு முன் பின்பற்ற வேண்டிய பாதுகாப்பு உதவிக்குறிப்புகளை அறிந்து கொள்வது அவசியம் -
00:54	தாய் அல்லது குடும்ப உறுப்பினர்- குழந்தையைத் தொடுவதற்கு முன்பு எப்போதும் விரல் நகங்களை வெட்டியிருக்க வேண்டும் மற்றும்
01:02	மோதிரங்கள், வளையல்கள் அல்லது கடிகாரங்களை அணிந்திருக்கக்கூடாது
01:07	இது குழந்தைக்கு காயம் ஏற்படுவதற்கான வாய்ப்புக்களை குறைக்கும்.
01:11	எனவே, ஒரு குழந்தையை முதலில் எப்போது குளிப்பாட்ட வேண்டும்?
01:16	பிரசவத்திற்கு 48 மணி நேரத்திற்குப் பிறகு குழந்தையை ஸ்பாஞ்சினால் குளிப்பாட்ட ஆரம்பிக்கலாம்.
01:22	தொப்புள் கொடி விழும் வரை ஸ்பாஞ்சினால் மட்டுமே குளிப்பாட்ட வேண்டும் என்பதை நினைவில் கொள்ளவும்.
01:29	தொப்பிள் கொடி விழுந்தவுடன், தாய் அல்லது வேறு எந்த குடும்ப உறுப்பினரும் குழந்தையை வழக்கமான முறையில் குளிப்பாட்ட ஆரம்பிக்கலாம்.
01:38	இருப்பினும், ஒரு குழந்தை குறைந்த எடையுடன் பிறந்தால், அத்தகைய குழந்தைக்கு 2 கிலோகிராம் எடை அதிகரிக்கும் வரை ஸ்பாஞ்சினால் குளிப்பாட்ட வேண்டும்.
01:49	ஸ்பாஞ்சினால் எப்படி குளிப்பாட்டுவது என்று பார்ப்போம்.
01:53	தொடங்குவதற்கு முன், மூடிய ஜன்னல்களுடன் அறை போதுமான அளவு சூடாக இருக்க வேண்டும் என்பதை உறுதிப்படுத்தவும்.
02:00	ஒரு ஸ்பாஞ் குளியலுக்கு முன் மிகவும் மென்மையான, சுத்தமான, சிறிய துணியை தயாராக வைத்திருக்கவும்.
02:07	குழந்தையை பாதுகாப்பான, சமமான மேற்பரப்பில் வைக்க வேண்டும்.
02:12	தரை பாதுகாப்பானது.
02:15	குழந்தையை உயர்ந்த மேடையில் வைக்க வேண்டாம்.
02:19	குளிப்பதற்கான நீரின் வெப்பநிலை 37 டிகிரி செல்சியஸுக்கு மேல் இருக்கக்கூடாது.
02:26	தாய் தனது முழங்கை அல்லது மணிக்கட்டைப் பயன்படுத்தி நீரின் வெப்பநிலையை சரிபார்க்க வேண்டும்.
02:32	குளிக்கும் போது, ​​முதலில் சுத்தம் செய்ய சோப்பு நீரைப் பயன்படுத்தவும்.
02:37	சோப்பு நீரை உருவாக்க எப்போதும் லேசான, நிறமற்ற மற்றும் மணமற்ற சோப்பு அல்லது குழந்தை சோப்பை பயன்படுத்தவும்.
02:45	பின்னர் சோப்பை அகற்ற சுத்தமான தண்ணீரைப் பயன்படுத்தவும்.
02:50	சிறிய, மென்மையான துணியை தண்ணீரில் நனைத்து அதிகப்படியான தண்ணீரை பிழிந்து நீக்கவும்.
02:56	இப்போது குழந்தையின் கண்ணை உள் மூலையில் இருந்து வெளிப்புற விளிம்பு வரை துடைக்கவும்.
03:02	மற்ற உடல் பாகங்களைத் துடைக்க அதே துணியைப் பயன்படுத்த வேண்டாம்.
03:06	மற்ற உடல் பாகங்களை சுத்தம் செய்ய எப்போதும் புதிய மற்றும் மென்மையான துணியைப் பயன்படுத்துங்கள்.
03:12	மேலும், மடிப்புகளை சுத்தம் செய்ய மறக்காதீர்கள் - அக்குள் பகுதி, காதுகளுக்கு பின்னால்,
03:18	கழுத்து, கை விரல்கள் மற்றும் கால்விரல்களுக்கு இடையில் மற்றும் பிறப்புறுப்பு பகுதியில்.
03:25	ஸ்பாஞ் குளியல் என்றால் என்ன என்பதை பார்த்தோம், இப்போது வழக்கமான குளியல் பற்றி அறிந்து கொள்வோம்.
03:31	தொப்புள் கொடி விழுந்தபின் ஆரோக்கியமான எல்லா குழந்தைகளையும் வழக்கமான முறையில் குளிப்பாட்ட வேண்டும் என்பதை நினைவில் கொள்ளவும்.
03:39	ஒரு வழக்கமான குளியலின் போது, ​​நீங்கள் ஒரு குளியல் தொட்டியைப் பயன்படுத்துகிறீர்கள் என்றால் - முதலில், குளியல் தொட்டியின் 2 அங்குலங்கள் வரை சோப்பு நீரால் நிரப்பவும்.
03:48	சோப்பு நீரை உருவாக்க, முன்பு விளக்கியபடி எப்போதும் லேசான நிறமற்ற மற்றும் மணமற்ற சோப்பு அல்லது குழந்தை சோப்பை பயன்படுத்தவும்.
03:58	மற்றொரு தொட்டியில் நல்ல தண்ணீரை நிரப்பி தயாராக வைத்திருக்கவும்.
04:03	பின்னர், இரண்டு தொட்டிகளிலும் உள்ள தண்ணீரின் வெப்பநிலையை உங்கள் முழங்கையால் சரிபார்க்கவும்.
04:09	நீரின் வெப்பநிலையை சரிபார்த்த பிறகு, குழந்தையை மிகவும் கவனமாக சோப்பு நீரைக் கொண்ட தொட்டியில் வைக்கவும், தலையை எப்போதும் தாங்கி பிடித்துக்கொள்ள உறுதிப்படுத்தவும்.
04:22	குழந்தை ஏற்கனவே தொட்டியில் இருக்கும்போது கூடுதல் தண்ணீரை சேர்க்க வேண்டாம்.
04:27	முதலில், மணமற்ற மற்றும் நிறமற்ற குழந்தை ஷாம்பு அல்லது சோப்பைப் பயன்படுத்தி குழந்தையின் தலையைக் கழுவுங்கள்.
04:35	பின்னர் மெதுவாக நல்ல தண்ணீரில் சோப்பை கழுவவும்.
04:39	அடுத்து, மிகவும் அசுத்தம் அடையக்கூடிய, மடிப்புக்கள், பிறப்புறுப்பு பகுதி மற்றும் உடலின் எஞ்சிய பகுதிகளையும் சுத்தம் செய்யவும்.
04:47	இறுதியில், உடலின் மற்ற பகுதிகளை மெதுவாக நல்ல தண்ணீரில் கழுவவும்.
04:53	அடுத்து, தாய் அல்லது பராமரிப்பாளர் பாரம்பரிய இந்திய முறையில் குழந்தையை குளிப்பாட்ட விரும்பினால் , உங்கள் கால்களை நீட்டி தரையில் உட்கார்ந்து கொள்ளுங்கள்.
05:06	பின்னர், குழந்தையை உங்கள் காலில் வைக்கவும்.
05:09	குழந்தையின் தலை, தாய் அல்லது பராமரிப்பாளரின் பாதத்தின் அருகில் இருக்க வேண்டும்.
05:14	குழந்தையின் கால்கள் தாய் அல்லது பராமரிப்பாளரின் அடிவயிற்றின் அருகில் இருக்க வேண்டும்.
05:20	இப்போது குழந்தை குளிக்க சரியான நிலையில் உள்ளது.
05:24	குளித்த பிறகு, மென்மையான மற்றும் சுத்தமான துண்டுகளைப் பயன்படுத்தி குழந்தையை உடனடியாக துடைக்கவும்.
05:30	முன்பு விளக்கியபடி மடிப்புகளை துடைக்க நினைவில் கொள்ளவும்.
05:35	டால்கம் பவுடர் அல்லது பேபி பவுடர் பயன்படுத்துவதையும் தவிர்க்கவும்.
05:40	பேபி பவுடர்கள் பச்சிளம் குழந்தைகளுக்கு சுவாச சிரமத்தை ஏற்படுத்தக்கூடும்.
05:45	கண்களில் ஒருபோதும் மையை பயன்படுத்த வேண்டாம்.
05:49	மையின் பயன்பாடு பச்சிளம் குழந்தைகளுக்கு ஈய விஷம் மற்றும் தொற்றுநோய்க்கு வழிவகுக்கும்.
05:56	மலைப்பாங்கான பகுதிகளிலோ அல்லது குளிர்ந்த பகுதிகளிலோ வாழும் குழந்தைகளுக்கு சிறப்பு கவனம் செலுத்தப்பட வேண்டும்.
06:04	அத்தகைய இடங்களில் உள்ள குழந்தைகளுக்கு, தொப்புள் கொடி விழுவதற்கு முன்பு விரைவாக ஸ்பாஞ்சினால் குளிப்பாட்டலாம்.
06:11	இருப்பினும், குழந்தையை துடைத்த உடனேயே, தாய் அல்லது பராமரிப்பாளர் குழந்தைக்கு தோலுடன் தோல் தொடர்பை வழங்க வேண்டும்.
06:20	இது குழந்தைகளில் குளிர் நடுக்கம் வராமல் பாதுகாக்கும்.
06:25	வாரத்திற்கு இரண்டு முறை, ஷாம்பு பயன்படுத்தினால் போதும் என்பதை நினைவில் கொள்க.
06:30	எல்லா நாட்களும் ஷாம்பூவை பயன்படுத்த வேண்டாம், ஏனெனில் இது உச்சந்தலையில் வறட்சியை ஏற்படுத்தும்.
06:35	பிறந்த குழந்தைக்கு உச்சந்தலையில் மிருதுவான திட்டுகள் அல்லது செதில்கள் இருக்கலாம். இது, Cradle cap என்று அழைக்கப்படுகிறது.
06:45	இந்த திட்டுகள் அல்லது செதில்களைச் சுற்றி சிறிது சிவந்து இருக்கலாம்.
06:50	Cradle cap பற்றி கவலைப்பட ஒன்றுமில்லை என்பதை நினைவில் கொள்க.
06:54	அது தானாகவே போய்விடும். அதற்கு, சிகிச்சையளிக்க தேவையில்லை.
06:59	குழந்தை எண்ணெய், செதில்களை மென்மையாக்க உதவும்.
07:04	எண்ணெயைப் பயன்படுத்தும்போது, ​​சிறிய அளவை மட்டுமே செதில்களில் தேய்க்கவும்.
07:09	அதிகப்படியான எண்ணெய் நிலைமையை மோசமாக்கக்கூடும்.
07:12	கண்ணீரை வரவழைக்காத குழந்தை ஷாம்பூவினால் ஓரிரு மணி நேரத்திற்குள் கழுவ வேண்டும்.
07:20	அதன்பிறகு, மேலும் சேர்வதை தவிர்க்க, ஒரு மணிநேரத்திற்குப் பிறகு சீப்பின் உதவி கொண்டு செதில்களைத் துலக்குங்கள்.
07:27	புண்பட்ட உச்சந்தலை மேலும் தொற்றுநோய்க்கு வழிவகுக்கும் என்பதால் செதில்களை ஒருபோதும் இழுக்காதீர்கள்.
07:33	இத்துடன், இந்த டுடோரியலின் முடிவுக்கு நாம் வந்துவிட்டோம். இந்த டுடோரியலை தமிழாக்கம் செய்தது ஜெயஸ்ரீ. குரல் கொடுத்தது ஆர்த்தி.

Contributors and Content Editors

Arthi, Jayashree