Health-and-Nutrition/C2/General-guidelines-for-Complementary-feeding/Tamil

Time	Narration
00:02	கூடுதல் உணவிற்கான பொதுவான வழிகாட்டுதல்கள் குறித்த ஸ்போகன் டுடோரியலுக்கு நல்வரவு.
00:09	இந்த டுடோரியலில் நாம் கற்கப்போவது
00:14	6 மாத குழந்தைகளுக்கு கூடுதல் உணவைத் தொடங்குவதன் முக்கியத்துவம்
00:19	மற்றும் 6 முதல் 24 மாத குழந்தைகளுக்கான கூடுதல் உணவு பற்றிய வழிகாட்டுதல்கள்.
00:27	இப்போது தொடங்குவோம்
00:29	ஒரு குழந்தைக்கு பிறந்த நேரம் முதல் 6 மாதங்கள் வரை பிரத்தியேகமாக தாய்ப்பால் கொடுக்கப்பட வேண்டும்.
00:37	6 மாத வயது என்பது குழந்தையின் வாழ்க்கையின் 6 வது மாதத்தின் தொடக்கத்தை குறிக்காது.
00:45	அவள் 6 மாதங்களை பூர்த்திசெய்து தனது வாழ்க்கையின் 7 வது மாதத்தைத் தொடங்கும் போது தான்.
00:52	இந்த வயதில், ஒரு குழந்தைக்கு பிரத்யேக தாய்ப்பால் போதாது.
00:59	தாய்ப்பால் சேர்த்து, சத்தான வீட்டில் சமைத்த உணவை குழந்தைக்கு கொடுக்க வேண்டும்.
01:06	இதுவே கூடுதல் உணவு என்று அழைக்கப்படுகிறது.
01:11	இது 6 மாதங்கள் முதல் 24 மாதங்கள் வரை ஒரு குழந்தைக்கு கொடுக்கப்பட வேண்டும்.
01:18	குழந்தையை உயரமாகவும், ஆரோக்கியமாகவும், புத்திசாலித்தனமாகவும் உருவாக்குவதில் இது முக்கிய பங்கு வகிக்கிறது.
01:26	6 மாத வயதில் கூடுதல் உணவைத் தொடங்குவது முக்கியம்.
01:33	இல்லையெனில், குழந்தையின் வளர்ச்சி மற்றும் அபிவிருத்தி தடைப்படும்.
01:39	குழந்தை பிற்காலத்தில் திட உணவை நிராகரிக்கும் வாய்ப்புகளும் உள்ளன.
01:47	கூடுதல் உணவு தாய்ப்பாலூட்டுவதை ஆதரிக்கிறது என்பதை நினைவில் கொள்க.
01:53	எனவே, குறைந்தபட்சம் 2 வயது வரை தாய்ப்பால் கொடுக்கப்பட வேண்டும்.
02:00	வகை,
02:02	நிலைத்தன்மை
02:04	மற்றும் கூடுதல் உணவின் அளவு குழந்தையின் வயதுக்கு ஏற்ப மாறுபடும்.
02:10	ஒவ்வொரு வயதினருக்கும் குறிப்பிட்ட பரிந்துரைகள் உள்ளன.
02:16	இதே தொடரின் மற்றொரு டுடோரியலில் அவை விரிவாக விவாதிக்கப்பட்டுள்ளன.
02:23	இப்போது, எல்லா வயதினருக்கும் கூடுதல் உணவளிப்பதற்கான முக்கியமான வழிகாட்டுதல்களைப் பற்றி விவாதிக்கலாம்.
02:31	எந்தவொரு புதிய உணவும் முதலில் ஒரு குழந்தைக்கு தனியாக கொடுக்கப்பட வேண்டும்.
02:37	இது பிற உணவுகளுடன் பின்னர் சேர்க்கப்பட வேண்டும்.
02:42	ஒரு குறிப்பிட்ட உணவுக்கு குழந்தைக்கு ஒவ்வாமை இருக்கிறதா என்பதை மதிப்பீடு செய்ய இது உதவும்.
02:48	நல்ல ஊட்டச்சத்துக்கு, பலவகையான உணவுகளை உட்கொள்வது அவசியம்.
02:54	ஒவ்வொரு 4 வது நாளிலும், குழந்தையின் உணவில் ஒரு புதிய உணவைச் சேர்க்கவும்.
03:01	முன்பு கொடுக்கப்பட்ட உணவுடன் 1 தேக்கரண்டி புதிய உணவை தொடங்கவும்.
03:08	படிப்படியாக ஒவ்வொரு நாளும் அதன் அளவை அதிகரிக்கவும்.
03:12	அனைத்து 8 உணவுக் குழுக்களிடமிருந்தும், ஊட்டச்சத்து நிறைந்த உணவு படிப்படியாக சேர்க்கப்பட வேண்டும்.
03:20	முதல் உணவுக் குழு தானியங்கள், வேர்கள் மற்றும் கிழங்குகளாகும்.
03:27	பருப்பு வகைகள், விதைகள் மற்றும் கொட்டைகள் இரண்டாவது குழுவில் உள்ளன.
03:32	மூன்றாவது குழு, பால் பொருட்களை கொண்டிருக்கிறது
03:37	நான்காவது குழு இறைச்சி, மீன் மற்றும் கோழி.
03:42	ஐந்தாவது குழு முட்டை.
03:46	வைட்டமின் ஏ நிறைந்த பழங்கள் மற்றும் காய்கறிகள் ஆறாவது குழு.
03:52	ஏழாவது குழு மற்ற பழங்கள் மற்றும் காய்கறிகள்.
03:57	கடைசியாக, தாய்ப்பால் கொடுப்பது எட்டாவது குழு. ஆனால் மிக முக்கியமான ஒன்றாகும்.
04:04	இது மற்ற உணவுக் குழுக்களுடன் தினமும் சேர்க்கப்பட வேண்டும்.
04:11	ஒரு குழந்தையின் உணவில் அனைத்து 8 உணவுக் குழுக்களும் இருக்க வேண்டும்.
04:17	ஒரு குழந்தையின் உணவில் இந்த குழுக்களில் 5 க்கும் குறைவாக இருந்தால், அது கடுமையான பிரச்சினைக்கு வழிவகுக்கும்.
04:24	அதை உடனடியாக சரி செய்யப்பட வேண்டும்.
04:28	சில குழந்தைகளுக்கு தாய்ப்பால் கிடைப்பதில்லை.
04:33	மீதமுள்ள 7 குழுக்களிடமிருந்து உணவை, ஒவ்வொரு நாளும் திட்ட உணவில் சேர்த்துக் கொள்ளுங்கள்.
04:40	மேலும், அவர்களுக்கு ஒரு நாளைக்கு 500 மில்லி விலங்கின் பால் மற்றும் 2 கூடுதல் நேர உனவை கொடுக்கவும்.
04:49	விலங்குகளின் பாலை குழந்தைக்கு கொடுப்பதற்கு முன்பு எப்போதும் கொதிக்க வைக்கவும்.
04:55	இப்போது, குழந்தையின் உணவில் புதிய உணவுக் குழுக்களைச் சேர்ப்பதற்கான வரிசையைப் பற்றி விவாதிக்கலாம்.
05:02	தாய்ப்பாலுடன், முதல் 5 குழுக்களிடமிருந்து கூடுதல் உணவைக் கொடுக்கத் தொடங்குங்கள்.
05:09	6 வயதிற்குப் பிறகு குழந்தைக்கு அதிக அளவு ஊட்டச்சத்துக்கள் தேவை.
05:16	இருப்பினும், ஆரம்ப நாட்களில் கொடுக்கக்கூடிய உணவின் அளவு சிறியதாக இருக்க வேண்டும்.
05:24	எனவே, முதல் 5 குழுக்களிடமிருந்து ஊட்டச்சத்து நிறைந்த உணவை வழங்கலாம்.
05:31	இந்த உணவுகளில் புரதம் மற்றும் நல்ல கொழுப்புகள் போன்ற ஊட்டச்சத்துக்கள் நிறைந்துள்ளன.
05:38	குழந்தையின் உயரம் மற்றும் தசை எடையின் வளர்ச்சிக்கு அவை முக்கியம்.
05:45	குழந்தையின் மூளை வளர்ச்சிக்கு நல்ல கொழுப்புகள் முக்கியம்.
05:50	இந்த உணவுகளுக்குப் பிறகு, காய்கறிகளையும் பழங்களையும் கொடுக்கத் தொடங்குங்கள்.
05:57	காய்கறிகள் மற்றும் பழங்களில் வைட்டமின்கள் மற்றும் தாதுக்கள் அதிகம் உள்ளன.
06:03	இருப்பினும், அவை முதல் 5 குழுக்களைப் போல புரதம் மற்றும் கொழுப்பு நிறைந்ததாக இல்லை.
06:11	எனவே, எடை தேக்கம் அல்லது எடை இழப்பைத் தவிர்ப்பதற்காக அவை பின்னர் தொடங்கப்படுகின்றன.
06:18	மேலும், பழங்கள் சுவைக்க இனிமையானவை.
06:23	இனிப்பு சுவைக்கு முன் குழந்தைகள் பலவிதமான சுவைகளை சுவைப்பது முக்கியம்.
06:31	வெவ்வேறு சுவைகளை சுவைப்பது, குழந்தைகள் அதிக உணவுகளை ஏற்க உதவுகிறது.
06:37	இது பின்னர் அவர்கள் சில வகை உணவுகளை மட்டுமே உண்பவராக மாறுவதற்கான வாய்ப்புகளை குறைக்கிறது.
06:44	எனவே, மற்ற எல்லா வகையான உணவுகளையும் சேர்த்த பிறகு பழங்கள் குழந்தையின் உணவில் சேர்க்கப்படுகின்றன.
06:51	புதிய, பருவகால, உள்ளூர் பழங்களை ஒரு நாளைக்கு ஒரு முறை அல்லது இரண்டு முறை கொடுக்க பரிந்துரைக்கப்படுகிறது.
06:59	வழக்கமான உணவுக்குப் பிறகு பழத்தை இனிப்பாக கொடுக்கலாம்.
07:05	பழச்சாறு குழந்தையின் வழக்கமான உணவில் கலக்கப்படக்கூடாது.
07:11	இந்த வயதினருக்கு பழச்சாறு பரிந்துரைக்கப்படுவதில்லை.
07:16	இதில் வீட்டில் தயாரிக்கப்பட்ட மற்றும் ரெடிமேட் பழச்சாறு இரண்டும் உள்ளடங்கும்.
07:23	தாய்ப்பால் கொடுப்பதை 2 ஆண்டுகள் வரை தொடர நினைவில் கொள்ளவும்.
07:28	ஒரு குழந்தை மூச்சுத் திணறக் கூடிய அளவிற்கு கடினமான உணவுகளை வழங்குவதைத் தவிர்க்கவும்.
07:34	முழு கொட்டைகள், திராட்சை, சுண்டல் மற்றும் பச்சையான கேரட் துண்டுகள் போன்ற உணவுகள் எடுத்துக்காட்டுகள் ஆகும்.
07:44	புதிதாக சமைத்த, வீட்டில் சுகாதாரமாக தயாரிக்கப்பட்ட உணவே குழந்தைக்கு சிறந்தது.
07:51	குழந்தை உணவு சேமிக்கப்பட வேண்டுமானால், பாதுகாப்பான சேமிப்பு குறித்த எங்கள் டுடோரியலைப் பாருங்கள்.
07:57	குழந்தை உணவை பாதுகாப்பான முறையில் தயாரிப்பது மற்றும் பரிமாறுவதும் அதே டுடோரியலில் விளக்கப்பட்டுள்ளது.
08:06	மேலும் விவரங்களுக்கு எங்கள் வலைத்தளத்தைப் பார்வையிடவும்.
08:10	உணவுடன், கொதித்த பின் குளிவிக்கப்பட்ட நீரையும் 6 மாத குழந்தைக்கு கொடுக்கலாம்.
08:18	ஒரு நாளைக்கு இரண்டு முறை 30 முதல் 60 மில்லி தண்ணீர் வீதம் கொடுக்கத் தொடங்கலாம்.
08:25	வெப்பமான காலநிலையில் குழந்தையின் தேவைக்கேற்ப இது அதிகரிக்கப்பட வேண்டும்.
08:31	தாய்ப்பால் மற்றும் நீர், குழந்தைக்கு சிறந்த பானங்கள் ஆகும்.
08:37	இருப்பினும், அவை சரியாக நேரத்திற்கு கொடுக்கப்பட வேண்டும்.
08:42	உணவுக்கு முன் ஒரு குழந்தைக்கு தாய்ப்பால் கொடுக்கவோ அல்லது தண்ணீர் கொடுக்கவோ வேண்டாம்.
08:48	பசியுள்ள குழந்தை புதிய உணவுகளை சுவைக்க அதிக வாய்ப்புள்ளது.
08:54	உணவு கொடுத்த 20 முதல் 30 நிமிடங்கள் கழித்து குழந்தைக்கு தாய்ப்பால் அல்லது தண்ணீர் கொடுக்கலாம்.
09:02	ஒரு குழந்தை நன்றாக வளர போதுமான கூடுதல் உணவு அவசியம்.
09:08	இத்துடன் நாம் இந்த டுடோரியலின் முடிவுக்கு வந்துவிட்டோம். இந்த டுட்டோரியலை தமிழாக்கம் செய்தது ஜெயஸ்ரீ, குரல் கொடுத்தது ஆர்த்தி. கலந்துகொண்டமைக்கு நன்றி

Contributors and Content Editors

Arthi, Jayashree