LibreOffice-Suite-Base/C4/Design-Refine-Database-Design-and-Normalization-Rules/Kannada

Time	Narration
00:02	ಲಿಬರ್ ಆಫಿಸ್ ಬೇಸ್ ನ ಸ್ಪೋಕನ್ ಟ್ಯುಟೋರಿಯಲ್ ಗೆ ಸ್ವಾಗತ.
00:06	ಈ ಟ್ಯುಟೋರಿಲ್, ಡೇಟಾಬೇಸ್ ಡಿಸೈನ್ ಕುರಿತ ಹಿಂದಿನ ಟ್ಯುಟೋರಿಯಲ್ ನ ಮುಂದುವರಿದ ಭಾಗವಾಗಿದೆ.
00:11	ಇಲ್ಲಿ ನಾವು ಈ ಕೆಳಗಿನ ವಿಷಯಗಳನ್ನು ಕಲಿಯಲಿದ್ದೇವೆ:
00:15	7. ಡೇಟಾಬೇಸ್ ಡಿಸೈನ್ ಪರಿಷ್ಕರಿಸುವುದು,
00:18	8. ನಾರ್ಮಲೈಸೇಶನ್ ನಿಯಮಗಳನ್ನು ಅನ್ವಯಿಸುವುದು,
00:21	9. ಮತ್ತು ಡೇಟಾಬೇಸ್ ಡಿಸೈನ್ ಅನ್ನು ಪರೀಕ್ಷಿಸುವುದು.
00:25	ಕಳೆದ ಟ್ಯುಟೋರಿಯಲ್ ನಲ್ಲಿ ನಾವು, ಟೇಬಲ್ ಸಂಬಂಧಗಳನ್ನು ಸ್ಥಾಪಿಸುವುದಕ್ಕಾಗಿ ಪ್ರೈಮರಿ ಕೀಗಳು ಮತ್ತು ಫಾರಿನ್ ಕೀಗಳನ್ನು ವ್ಯವಸ್ಥೆಗೊಳಿಸುವುದನ್ನು ಕಲಿತೆವು.
00:34	ನಾವೀಗ `ಡೇಟಾಬೇಸ್ ಡಿಸೈನ್’ ಪ್ರಕ್ರಿಯೆಯನ್ನು ಮುಂದುವರಿಸೋಣ.
00:38	ಮೊದಲಿಗೆ, ನಮ್ಮ ಡೇಟಾಬೇಸ್ ಡಿಸೈನ್ ಅನ್ನು ಪರಿಷ್ಕರಿಸೋಣ.
00:42	ನಾವು ಆರಂಭಿಕ ವಿನ್ಯಾಸವನ್ನು ಹೊಂದಿರುವುದರಿಂದ, ನಾವು ಮಾದರಿ ಡೇಟಾದ ಜೊತೆ ಟೇಬಲ್ ಗಳನ್ನು ರಚಿಸಿ ನೆಲೆಸಬಹುದು.
00:50	ನಾವು ಮಾದರಿ ಕ್ವೆರಿಗಳು, ಫಾರ್ಮ್ ಗಳು ಮತ್ತು ರಿಪೋರ್ಟ್ ಗಳನ್ನು ರಚಿಸಬಹುದು ಮತ್ತು ನಮ್ಮ ಆರಂಭಿಕ ಪ್ರಶ್ನೆಗಳಿಗೆ ಉತ್ತರಿಸಲಾಗಿದೆಯೇ ಎಂಬುದನ್ನು ನೋಡಬಹುದು.
00:59	ಅನಗತ್ಯ ಡುಪ್ಲಿಕೇಶನ್ ಗಳನ್ನು ನಾವು ಪರೀಕ್ಷಿಸಬಹುದು ಮತ್ತು ವಿನ್ಯಾಸವನ್ನು ಮಾರ್ಪಾಡು ಮಾಡಿ ಅವುಗಳನ್ನು ಅಳಿಸಿ ಬಿಡಬಹುದು.
01:06	ನಾವು ಮರೆತು ಬಿಟ್ಟಿರುವ ಕಾಲಂಗಳನ್ನು ಸೇರಿಸಬಹುದು.
01:10	ಅಲ್ಲದೆ, ಡೇಟಾಬೇಸ್ ಇಂಟೆಗ್ರಿಟಿಯನ್ನು ಕಾರ್ಯಗತಗೊಳಿಸಲು ಲೈಬ್ರರಿ ಡೇಟಾಬೇಸ್ ಗೆ ಬ್ಯುಸಿನೆಸ್ ರೂಲ್ ಗಳನ್ನು ಸೇರಿಸಬಹುದು.
01:19	ಉದಾಹರಣೆಗೆ, ಬುಕ್ಸ್ ಟೇಬಲ್ ನ ಪ್ರೈಸ್ ಕಾಲಂ ಅಂಕಿಗಳನ್ನು ಹೊಂದಿರಬೇಕು.
01:24	ಇನ್ನೊಂದು ಬ್ಯುಸಿನೆಸ್ ರೂಲ್: ಪುಸ್ತಕವೊಂದನ್ನು ನೀಡಿದ ಒಂದು ತಿಂಗಳ ನಂತರವೇ ರಿಟರ್ನ್ ಡೇಟ್ ಬರುವಂತೆ ಮಾಡಬಹುದು.
01:32	ಅಥವಾ, ನಿರ್ದಿಷ್ಟ ಕ್ರಿಯೆ ಉಂಟಾದ ಸಂದರ್ಭದಲ್ಲಿ, ಮುಂದಿನ ಕ್ರಮಗಳನ್ನು ಪ್ರಚೋದಿಸಬೇಕು.
01:39	ಹೀಗೆ, ಪುಸ್ತಕ ಹಿಂತಿರುಗಿಸುವ ದಿನಾಂಕ ಮೀರಿದ್ದರೆ, ಸದಸ್ಯರಿಗೆ ಜ್ಞಾಪಿಸುವ ಇಮೇಲ್ ಅನ್ನು ಕಳುಹಿಸಲು ಡೇಟಾಬೇಸ್ ನಲ್ಲಿ ನಾವು ಕ್ರಮಗಳನ್ನು ವ್ಯವಸ್ಥೆಗೊಳಿಸಬಹುದು.
01:50	ಈ ರೀತಿ ನಾವು ಮರುವಿನ್ಯಾಸಗೊಳಿಸಿದಂತೆ, ಹೊಸ ಟೇಬಲ್ ಗಳು, ಕಾಲಂಗಳು, ನಿಯಮಗಳು ಅಥವಾ ನಿರ್ಬಂಧಗಳನ್ನು ನಾವು ಪರಿಚಯಿಸಬಹುದು.
01:58	ಹಾಗೂ, ಡೇಟಾ ಇಂಟೆಗ್ರಿಟಿಯ ನಷ್ಟವಾಗಿಲ್ಲ ಎನ್ನುವುದನ್ನು ಖಚಿತಪಡಿಸಿಕೊಳ್ಳಲು ನಾವು ಹಿಂದಿನ ಹಂತಕ್ಕೆ ಹೋಗಬೇಕಾಗುತ್ತದೆ.
02:07	ನಂತರ ನಾವು ನಾರ್ಮಲೈಸೇಶನ್ ನಿಯಮಗಳನ್ನು ಅನ್ವಯಿಸಬಹುದು.
02:13	ಈ ಕೆಳಗಿನವುಗಳನ್ನು ನೋಡಲು ಇವುಗಳನ್ನು ಬಳಸಲಾಗುತ್ತದೆ:
02:17	a) ವ್ಯವಸ್ಥಿತವಾಗಿ ಜೋಡಿಸಲಾಗಿದೆಯೇ ಎಂದು ಮತ್ತು,
02:20	b)ನಾವು ಹಿಂದೆ ನೋಡಿದ ತಿದ್ದುಪಡಿಯ ಅನೊಮಲಿಗಳಿಂದ ಮುಕ್ತವಾಗಿದೆಯೇ ಎಂದು.
02:25	ಡೇಟಾಬೇಸ್ ಡಿಸೈನ್ ಗೆ ನಿಯಮಗಳು ಅಥವಾ ನಾರ್ಮಲ್ ಫಾರ್ಮ್ ಗಳನ್ನು ಅನ್ವಯಿಸುವ ಪ್ರಕ್ರಿಯೆಯನ್ನು ನಾರ್ಮಲೈಸೇಶನ್ ಎಂದು ಕರೆಯಲಾಗುತ್ತದೆ.
02:33	ನಮ್ಮ ಟ್ಯುಟೋರಿಯಲ್ ನಲ್ಲಿ ಮೊದಲ ಮೂರು ನಾರ್ಮಲ್ ಫಾರ್ಮ್ ಗಳನ್ನು ನೋಡೋಣ.
02:38	ಫಸ್ಟ್ ನಾರ್ಮಲ್ ಫಾರ್ಮ್ ಅನ್ನು ನಾವೀಗ ನೋಡೋಣ. ಎಲ್ಲಾ ಕಾಲಂ ಮೌಲ್ಯಗಳು ಅಟೋಮಿಕ್ ಆಗಿರಬೇಕು ಎಂದು `ಫಸ್ಟ್ ನಾರ್ಮಲ್ ಫಾರ್ಮ್’ ಅಥವಾ 1NF ಹೇಳುತ್ತದೆ.
02:51	ಉದಾಹರಣೆಗೆ, ಬುಕ್ಸ್ ಟೇಬಲ್ ನಲ್ಲಿರುವ ಪ್ರೈಸ್ ಕಾಲಂ ನ ಪ್ರತಿ ಸೆಲ್ ಸಹ ಒಂದು ಮೌಲ್ಯವನ್ನು ಮಾತ್ರ ಹೊಂದಿರಬೇಕು.
02:59	ಅಂದರೆ, ಆ ಕಾಲಂ, ಪುಸ್ತಕದ ಒಂದು ಬೆಲೆಯನ್ನು ಹೊರತುಪಡಿಸಿ ಬೇರೆ ಏನನ್ನೂ ಹೊಂದಿರಬಾರದು.
03:07	ಇದೇ ರೀತಿ, ಆಥರ್ಸ್ ಟೇಬಲ್ ನ ಪ್ರತಿ ಫಸ್ಟ್ ನೇಮ್ ಸೆಲ್, ಲೇಖಕರ ಮೊದಲ ಹೆಸರನ್ನು ಮಾತ್ರ ಹೊಂದಿರಬೇಕು.
03:16	ಕಾಲಂಗಳ ಗುಂಪುಗಳ ಪುನರಾವರ್ತನೆ ಆಗಬಾರದು ಎಂದು ಸಹ ಫಸ್ಟ್ ನಾರ್ಮಲ್ ಫಾರ್ಮ್ ಹೇಳುತ್ತದೆ.
03:23	ಉದಾಹರಣೆಗೆ, ಪ್ರಕಾಶಕರೊಬ್ಬರು ಮೂರು ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ ಎಂದು ಭಾವಿಸೋಣ.
03:29	ಈಗ, ಪಬ್ಲಿಷರ್ಸ್ ಟೇಬಲ್ ರಚನೆಯು ಈ ಕೆಳಗಿನ ಕಾಲಂಗಳನ್ನು ಹೊಂದಿರುತ್ತದೆ:
03:34	ಪಬ್ಲಿಷರ್ Id, ಪಬ್ಲಿಷರ್, ಬುಕ್1, ಆಥರ್ 1, ಬುಕ್ 2, ಆಥರ್ 2, ಬುಕ್ 3, ಆಥರ್ 3.
03:47	ಇಲ್ಲಿ 'ಬುಕ್' ಮತ್ತು 'ಆಥರ್' ಗುಂಪುಗಳು ಮೂರು ಬಾರಿ ಪುನರಾವರ್ತನೆಯಾಗುವುದನ್ನು ಗಮನಿಸಿ.
03:52	ಹೀಗೆ, ಒಂದುವೇಳೆ ನಾವು ಇಂತಹ ಪುನರಾವರ್ತಿತ ಗುಂಪುಗಳನ್ನು ನೋಡಿದರೆ, ನಮ್ಮ ವಿನ್ಯಾಸವನ್ನು ನಾವು ಮರುಪರಿಶೀಲನೆಗೆ ಒಳಪಡಿಸಬೇಕು.
03:58	ಈಗ, ಒಂದುವೇಳೆ ಪ್ರಕಾಶಕರು ಇನ್ನೂ ಹತ್ತು ಪುಸ್ತಕಗಳನ್ನು ಪ್ರಕಟಿಸಿದರೆ, 20 ಕಾಲಂಗಳನ್ನು ಸೇರಿಸುವ ಮೂಲಕ ನಾವು ಟೇಬಲ್ ರಚನೆಯನ್ನು ಬದಲಾಯಿಸಬೇಕಾಗುತ್ತದೆ.
04:08	ಈ ರೀತಿ, ಡೇಟಾ ಬದಲಾದಂತೆ ಡೇಬಲ್ ವಿನ್ಯಾಸ ಒಂದೇ ರೀತಿ ಇರುವುದಿಲ್ಲ ಎಂಬುದನ್ನು ನಾವು ನೋಡಬಹುದು.
04:14	ಅಲ್ಲದೆ, ಪುಸ್ತಕ ಅಥವಾ ಲೇಖಕರ ಹೆಸರಿನ ಮೂಲಕ ಹುಡುಕುವುದು ಮತ್ತು ವರ್ಗೀಕರಿಸುವುದು ಸುದೀರ್ಘ ಕೆಲಸವೆನಿಸುತ್ತದೆ.
04:23	ಇದಕ್ಕಾಗಿ, ಟೇಬಲ್ ಅನ್ನು ಎರಡು ಅಥವಾ ಮೂರು ಟೇಬಲ್ ಗಳಾಗಿ ವಿಂಗಡಿಸಿ ನಾವು ಈ ನ್ಯೂನತೆಯನ್ನು ಸರಿಪಡಿಸಬಹುದು.
04:30	ನಮ್ಮ ಉದಾಹರಣೆಯಲ್ಲಿ, ಸ್ಕ್ರೀನ್ ನಲ್ಲಿರುವ ಚಿತ್ರದಲ್ಲಿ ತೋರಿಸಿರುವಂತೆ, ಮೇಲಿನ ಟೇಬಲ್ ಅನ್ನು ಪಬ್ಲಿಷರ್ಸ್, ಬುಕ್ಸ್ ಮತ್ತು ಆಥರ್ಸ್ ಆಗಿ ವಿಂಗಡಿಸುತ್ತೇವೆ.
04:41	ಈ ವಿನ್ಯಾಸವು ಟೇಬಲ್ ಅನ್ನು ಫಸ್ಟ್ ನಾರ್ಮಲ್ ಫಾರ್ಮ್ ಗೆ ತರುತ್ತದೆ.
04:47	ಮತ್ತು, ಪ್ರಕಾಶಕರು ಮತ್ತು ಪುಸ್ತಕಗಳ ಕುರಿತ ಡೇಟಾವು ಬದಲಾದಂತೆ ಟೇಬಲ್ ರಚನೆಗಳನ್ನು ಸ್ಥಿರವಾಗಿರಿಸುತ್ತದೆ.
04:56	ನಾವೀಗ ಸೆಕೆಂಡ್ ನಾರ್ಮಲ್ ಫಾರ್ಮ್ ಅನ್ನು ನೋಡೋಣ.
05:00	`ಟೇಬಲ್’ ಒಂದು 1NF ನಲ್ಲಿ ದ್ದರೆ, ಇದನ್ನು ಸೆಕೆಂಡ್ ನಾರ್ಮಲ್ ಫಾರ್ಮ್ ಅಥವಾ 2NF ಎಂದು ಕರೆಯಲಾಗುತ್ತದೆ.
05:07	ಹಾಗೂ ಪ್ರತಿ ನಾನ್-ಕೀ ಕಾಲಂ, ಇಡೀ ಪ್ರೈಮರಿ ಕೀಯನ್ನು ಅವಲಂಬಿಸಿರುತ್ತದೆ.
05:14	ಒಂದಕ್ಕಿಂತ ಹೆಚ್ಚು ಕಾಲಂ ಹೊಂದಿರುವ ಪ್ರೈಮರಿ ಕೀಯನ್ನು ನಾವು ಹೊಂದಿದ್ದಾಗ ಈ ನಿಯಮ ಅನ್ವಯವಾಗುತ್ತದೆ.
05:22	ಉದಾಹರಣೆಗೆ, ನಾವೀಗ ಈ ಕೆಳಗಿನ ಕಾಲಂಗಳ ಜೊತೆ BooksIssued ಕಾಲಂ ಅನ್ನು ಪರಿಗಣಿಸೋಣ.
05:29	BookId, MemberId, BookTitle ಮತ್ತು 'BookId' ಮತ್ತು 'MemberId' ಜೊತೆ IssueDate, ಟೇಬಲ್ ನಲ್ಲಿ ಪ್ರೈಮರಿ ಕೀ ರೂಪಿಸುತ್ತವೆ.
05:42	ಈಗ BookTitle ಕಾಲಂ ಅನ್ನು ಗಮನಿಸಿ.
05:45	ನಾವು Books ಟೇಬಲ್ ನಲ್ಲಿ `ಬುಕ್ ಐ.ಡಿ’ಯನ್ನು ಸುಧಾರಿಸಿ `ಬುಕ್ ಟೈಟಲ್’ ಪಡೆಯಬಹುದು.
05:52	ಅಂದರೆ, `ಬುಕ್ ಟೈಟಲ್,’ `ಬುಕ್ ಐ.ಡಿ’ಯನ್ನು ಅವಲಂಬಿಸಿದೆಯೇ ಹೊರತು, `ಮೆಂಬರ್ ಐ.ಡಿ’ಯನ್ನಲ್ಲ.
06:00	ಹೀಗೆ, ಇದು ಇಡೀ ಪ್ರೈಮರಿ ಕೀಯನ್ನು ಅವಲಂಬಿಸಿಲ್ಲ.
06:06	ಈ ಟೇಬಲ್ ಅನ್ನು ಸೆಕೆಂಡ್ ನಾರ್ಮಲ್ ಫಾರ್ಮ್ ಗೆ ತರಲು, ನಾವು ಈ ಟೇಬಲ್ ನಿಂದ `ಬುಕ್ ಟೈಟಲ್’ ತೆಗೆಯಬೇಕು.
06:14	ಮತ್ತು `ಪ್ರೈಮರಿ ಕೀ’ ಹಾಗೂ ಕಾಲಂಗಳನ್ನು ಸಂಪೂರ್ಣವಾಗಿ ಅವಲಂಬಿಸಿರುವ ಕಾಲಂಗಳನ್ನು ಮಾತ್ರ ಉಳಿಸಿಕೊಳ್ಳಬೇಕು.
06:23	IssueDate ಕಾಲಂ ಅನ್ನು ಇಲ್ಲಿ ಉಳಿಸಿಕೊಳ್ಳಲಾಗುತ್ತದೆ. ಏಕೆಂದರೆ ಇದು ಸಂಪೂರ್ಣವಾಗಿ ಎರಡೂ `ಪ್ರೈಮರಿ ಕೀ’ ಫೀಲ್ಡ್ ಗಳನ್ನು ಅವಲಂಬಿಸಿದೆ.
06:31	ಈಗ, Third Normal Form ಅಂದರೆ ಏನು ಎಂಬುದನ್ನು ನೋಡೋಣ.
06:35	ಟೇಬಲ್ ಒಂದು 2NF ನಲ್ಲಿ ಇದ್ದರೆ ಮತ್ತು ಎಲ್ಲಾ ನಾನ್-ಕೀ ಕಾಲಂಗಳು ಪರಸ್ಪರ ಮುಕ್ತವಾಗಿದ್ದರೆ
06:42	ಇದನ್ನು Third Normal Form (3NF) ಎಂದು ಕರೆಯಲಾಗುತ್ತದೆ.
06:48	ಉದಾಹರಣೆಗೆ, BooksIssued ಟೇಬಲ್ ಅನ್ನು BooksIssued (ಪ್ರೈಮರಿ ಕೀ ಆಗಿ ಕಾರ್ಯನಿರ್ವಹಿಸುವ),
06:54	BookTitle, Member, IssueDate ಮತ್ತು ReturnDate ಕಾಲಂಗಳ ಜೊತೆ ಪರಿಗಣಿಸೋಣ.
07:03	ಮತ್ತು ಲೈಬ್ರರಿಯ ವಾಪಸಾತಿ ದಿನಾಂಕದ ನೀತಿಯು ಬುಕ್ ಇಶ್ಯು ಡೇಟ್ ನ ನಂತರದ ಒಂದು ತಿಂಗಳು ಎಂದು ಭಾವಿಸೋಣ.
07:11	ಈಗ, ನಾನ್-ಕೀ ಕಾಲಂ ಆಗಿರುವ IssueDate ಕಾಲಂ ಅನ್ನು ಬಳಸಿ ReturnDate ಅನ್ನು ಬೇಸ್ ಲೆಕ್ಕ ಹಾಕುತ್ತದೆ.
07:19	ಅಂದರೆ, `ರಿಟರ್ನ್ ಡೇಟ್’ ನಿಜವಾಗಿಯೂ `ಇಶ್ಯು ಡೇಟ್’ ಅನ್ನು ಅವಲಂಬಿಸಿದೆಯೇ ಹೊರತು ಬೇರೆ ಯಾವುದೇ ಕಾಲಂಗಳನ್ನು ಅಲ್ಲ.
07:26	ಅಲ್ಲದೆ, `ರಿಟರ್ನ್ ಡೇಟ್’ ಫೀಲ್ಡ್ ನಲ್ಲಿ ನಾವು ಬೇರೆ ದಿನಾಂಕವನ್ನು ನಮೂದಿಸಿದರೆ, ಇದು ನಮ್ಮ ಲೈಬ್ರರಿಯ ನೀತಿಯನ್ನು ಉಲ್ಲಂಘಿಸುತ್ತದೆ.
07:37	ಹೀಗಾಗಿ, ಟೇಬಲ್ ಅನ್ನು `ಥರ್ಡ್ ನಾರ್ಮಲ್ ಫಾರ್ಮ್’ನಲ್ಲಿ ಇಡಲು, ನಾವು ಟೇಬಲ್ ನಿಂದ `ರಿಟರ್ನ್ ಡೇಟ್’ ಕಾಲಂ ಅನ್ನು ತೆಗೆದು ಬಿಡುತ್ತೇವೆ.
07:44	ಈಗ, ಮೊದಲು ಮೂರು ನಾರ್ಮಲ್ ಫಾರ್ಮ್ ಗಳನ್ನು ಹೇಗೆ ಅನ್ವಯಿಸಬಹುದು ಎಂಬುದು ನಮಗೆ ತಿಳಿದಿದೆ.
07:49	ಸಾಮಾನ್ಯವಾಗಿ ನಮ್ಮ ಡೇಟಾಬೇಸ್ ವಿನ್ಯಾಸವು 3NF ನಲ್ಲಿ ನಿಲ್ಲುತ್ತದೆ.
07:55	ನಾರ್ಮಲ್ ಫಾರ್ಮ್ ಗಳು ಮತ್ತು ಡೇಟಾಬೇಸ್ ಡಿಸೈನ್ ಕುರಿತ ಹೆಚ್ಚಿನ ಮಾಹಿತಿಗಾಗಿ ಸ್ಕ್ರೀನ್ ನಲ್ಲಿ ತೋರಿಸಿರುವ ವೆಬ್ಸೈಟ್ ಗಳಿಗೆ ಭೇಟಿ ನೀಡಿ.
08:05	ಅಂತಿಮವಾಗಿ, ನಾವು ಡೇಟಾಬೇಸ್ ವಿನ್ಯಾಸ ಪ್ರಕ್ರಿಯೆಯ ಕುರಿತು ಚರ್ಚಿಸಿರುವುದರಿಂದ ನಾವೀಗ ನಮ್ಮ ಡೇಟಾಬೇಸ್ ವಿನ್ಯಾಸವನ್ನು ಪರೀಕ್ಷಿಸೋಣ.
08:12	ನಾವು ಡೇಟಾಬೇಸ್ ರಚನೆಯನ್ನು ರಚಿಸಬಹುದು.
08:16	ಇಲ್ಲಿ ನಾವು ಟೇಬಲ್ ಗಳು, ರಿಲೇಶನ್ ಶಿಪ್ ಗಳು, ರೂಲ್ ಗಳು ಅಥವಾ ಕಂಸ್ಟ್ರೇನ್ಟ್ ಗಳು (ನಿರ್ಬಂಧ), ಫಾರ್ಮ್ ಗಳು, ಕ್ವೆರಿಗಳು ಮತ್ತು ರಿಪೋರ್ಟ್ ಗಳನ್ನು ರಚಿಸಬಹುದು.
08:24	ಮತ್ತು ನಾವು ಡೇಟಾಬೇಸ್ ಅನ್ನು ನೈಜ ಡೇಟಾ ಮತ್ತು ಬಳಕೆದಾರರೊಂದಿಗೆ ಪರೀಕ್ಷಿಸಬಹುದು.
08:29	ಡೇಟಾಬೇಸ್ ಗೆ ಡೇಟಾ ಸೇರಿಸಲು, ಅಪ್ಡೇಟ್ ಅಥವಾ ಡಿಲೀಟ್ ಮಾಡಲು ಫಾರ್ಮ್ ಗಳನ್ನು ಬಳಸಿ.
08:36	ರಿಪೋರ್ಟ್ ಫಲಿತಾಂಶಗಳು ಸರಿಯಾಗಿವೆಯೇ ಮತ್ತು ನಿಖರವಾಗಿವೆಯೇ ಎಂಬುದನ್ನು ನೋಡಲು ರಿಪೋರ್ಟ್ ಗಳನ್ನು ರನ್ ಮಾಡಿ.
08:42	ಬಳಕೆಗೆ ಡೇಟಾಬೇಸ್ ಸಿದ್ಧಗೊಂಡಂತೆ, ನಾವು ವೇಗಕ್ಕೆ ಸಂಬಂಧಿಸಿದಂತೆ ಕಾರ್ಯಕ್ಷಮತೆಯನ್ನು ಪರೀಕ್ಷಿಸಬಹುದು.
08:50	ಡೇಟಾವನ್ನು ವೇಗವಾಗಿ ಪಡೆಯಲು ನಾವು ಟೇಬಲ್ ಗಳಿಗೆ ಇಂಡೆಕ್ಸ್ ಗಳನ್ನು ಸೇರಿಸಬಹುದು.
08:55	ಮತ್ತು ನಮ್ಮ ಡೇಟಾಬೇಸ್ ಅಪ್ಲಿಕೇಶನ್ ಯಶಸ್ವಿಯಾಗಿ ಕೆಲಸ ಮಾಡಲು, ನಾವು ಆಗಾಗ ಡೇಟಾಬೇಸ್ ನಿರ್ವಹಣೆಯನ್ನು ಮಾಡಬೇಕು.
09:03	ಈಗ ನಾವು ಈ ಹಂತವನ್ನು ಮುಗಿಸಿರುವುದರಿಂದ, ಇಲ್ಲೊಂದು ಅಸೈನ್ ಮೆಂಟ್ ನೀಡಲಾಗಿದೆ:
09:08	Media ಎನ್ನುವ ಎಂಟಿಟಿಯನ್ನು ಲೈಬ್ರರಿ ಡೇಟಾಬೇಸ್ ಡಿಸೈನ್ ಗೆ ಸೇರಿಸಿ.
09:14	'ಮೀಡಿಯಾ'ವು ಡಿ.ವಿ.ಡಿ ಗಳು ಮತ್ತು ಸಿ.ಡಿ ಗಳನ್ನು ಹೊಂದಿದ್ದು ಅವು ಧ್ವನಿ ಅಥವಾ ವೀಡಿಯೋ ರೂಪದಲ್ಲಿರಬಹುದು.
09:21	ಪುಸ್ತಕಗಳಂತೆಯೇ, ಡಿ.ವಿ.ಡಿ ಗಳು ಮತ್ತು ಸಿ.ಡಿ ಗಳನ್ನು ಲೈಬ್ರರಿ ಸದಸ್ಯರಿಗೆ ನೀಡಬಹುದು.
09:28	ಡೇಟಾಬೇಸ್ ಡಿಸೈನ್ ಪ್ರಕ್ರಿಯೆಯನ್ನು ಅನುಸರಿಸಿ.
09:31	ಮತ್ತು ಮೂರು ನಾರ್ಮಲ್ ಫಾರ್ಮ್ ಗಳನ್ನು ನಿಮ್ಮ ವಿನ್ಯಾಸಕ್ಕೆ ಅನ್ವಯಿಸಿ.
09:37	ಇದರೊಂದಿಗೆ ನಾವು ಲಿಬರ್ ಆಫಿಸ್ ಬೇಸ್ ನಲ್ಲಿ ಡೇಟಾಬೇಸ್ ಡಿಸೈನ್ ಕುರಿತ ಟ್ಯುಟೋರಿಯಲ್ ನ ಮೂರನೇ ಭಾಗದ ಕೊನೆಯ ಹಂತಕ್ಕೆ ಬಂದಿದ್ದೇವೆ.
09:45	ಸಂಕ್ಷಿಪ್ತವಾಗಿ ನಾವು, ಡೇಟಾಬೇಸ್ ಡಿಸೈನ್ ಕುರಿತು ಈ ಕೆಳಗಿನ ವಿಷಯಗಳನ್ನು ಕಲಿತೆವು:
09:50	ಡೇಟಾಬೇಸ್ ವಿನ್ಯಾಸವನ್ನು ಪರಿಷ್ಕರಿಸುವುದು,
09:52	ನಾರ್ಮಲೈಸೇಶನ್ ನಿಯಮಗಳನ್ನು ಅನ್ವಯಿಸುವುದು
09:55	ಮತ್ತು ಡೇಟಾಬೇಸ್ ವಿನ್ಯಾಸವನ್ನು ಪರೀಕ್ಷಿಸುವುದು.
09:58	ಸ್ಪೋಕನ್ ಟ್ಯುಟೋರಿಯಲ್ ಯೋಜನೆಯು ಟಾಕ್ ಟು ಎ ಟೀಚರ್ ಯೋಜನೆಯ ಒಂದು ಭಾಗವಾಗಿದೆ. ಇದು ಭಾರತ ಸರ್ಕಾರದ MHRD, ICT ಮೂಲಕ ನ್ಯಾಷನಲ್ ಮಿಷನ್ ಆನ್ ಎಜುಕೇಶನ್ ನಿಂದ ನೆರವು ಪಡೆದಿದೆ.
10:10	ಈ ಯೋಜನೆಯನ್ನು ಸಂಯೋಜಿಸಿದವರು http://spoken-tutorial.org.
10:15	ಮುಂದಿನ ಲಿಂಕ್ ನಲ್ಲಿ ಈ ಕುರಿತು ಹೆಚ್ಚಿನ ಮಾಹಿತಿ ಲಭ್ಯವಿದೆ.
10:20	ಈ ಸ್ಕ್ರಿಪ್ಟ್ ನ ಅನುವಾದಕ ಮೆಲ್ವಿನ್, ಮಂಗಳೂರು ಮತ್ತು ಧ್ವನಿ ಶ್ರೀ ನವೀನ್ ಭಟ್, ಉಪ್ಪಿನಪಟ್ಟಣ. ಧನ್ಯವಾದಗಳು.

Contributors and Content Editors

NaveenBhat, Sandhya.np14