Health-and-Nutrition/C2/Feeding-expressed-breastmilk-to-babies/Tamil

Time	Narration
00:01	வெளிக்கொணரப்பட்ட தாய்ப்பாலை குழந்தைகளுக்கு கொடுப்பது குறித்த Spoken tutorial க்கு நல்வரவு.
00:07	இந்த டுடோரியலில் நாம் கற்கப்போவது: சேமிக்கப்பட்ட தாய்ப்பாலை ஒரு குழந்தை குடிப்பதற்கு ஏற்ப எப்படி தயாராக வைப்பது
00:14	மற்றும் வெளிக்கொணரப்பட்ட தாய்ப்பாலை ஒரு குழந்தைக்கு எப்படி கொடுப்பது.
00:19	இப்போது தொடங்குவோம். தாய்ப்பாலை வெளிக்கொணர்வது குழந்தைக்கும் தாய்க்கும் பல நன்மைகளைத் தருகிறது.
00:26	தாய்ப்பாலை வெளிக்கொணர்வதும் பாதுகாப்பாக சேமிப்பதும் மற்ற பயிற்சிகளில் விளக்கப்பட்டுள்ளன.
00:34	இப்போது, சேமிக்கப்பட்ட தாய்ப்பாலை ஒரு குழந்தை குடிப்பதற்கு ஏற்ப எப்படி தயாராக வைப்பது என்று கற்போம்.
00:42	தாய்ப்பாலைக் கையாளும் முன், பராமரிப்பாளர்-சோப்பு மற்றும் தண்ணீரில் தங்கள் கைகளை கழுவி, கைகளை நன்றாக உலர வைக்க வேண்டும்.
00:52	மிகவும் பழைய, சேமிக்கப்பட்ட தாய்ப்பால் எப்போதும் முதலில் பயன்படுத்தப்பட வேண்டும் என்பதை நினைவில் கொள்ளவும்.
00:59	உறைந்த தாய்ப்பாலைப் பயன்படுத்தும் போது, ​​அதை ஒரே இரவில் குளிர்சாதன பெட்டியின் மிகக் குறைந்த அலமாரியில் வைப்பதன் மூலம் பனி நீக்கம் செய்வது சிறந்ததாகும்.
01:08	மேலும், இந்த பனி நீக்கம் செய்யப்பட்ட பாலை அடுத்த 24 மணி நேரத்திற்குள் பயன்படுத்தவும்.
01:15	ஆனால் உறைந்த தாய்ப்பால் விரைவாக தேவைப்பட்டால், அதை குளிர்சாதன பெட்டியின் வெளியே வைத்து பனி நீக்கம் செய்யவும்- முதலில், குளிர்ந்த நீரை கொண்ட ஒரு பாத்திரத்தில் அதை வைத்து,
01:25	பின்னர், சற்று வெதுவெதுப்பான நீரை கொண்ட ஒரு பாத்திரத்தில் அதை வைக்கவும்.
01:31	வெதுவெதுப்பான நீரில் அதை பனி நீக்கம் செய்யும்போது- தாய்ப்பாலை கொண்ட பாத்திரத்தை மெதுவாகவும் அவ்வப்போதும் அசைக்கவும்.
01:38	அதை வேகமாகவும் தொடர்ச்சியாகவும் அசைக்க வேண்டாம்.
01:42	தாய்ப்பாலை கொண்ட பாத்திரத்தை பயன்படுத்துவதற்கு முன் , அதன் வெளிப்புறத்தை சுத்தமான துணியால் உலர வைக்கவும்.
01:48	இந்த பனி நீக்கப்பட்ட தாய்ப்பாலை 2 மணி நேரத்திற்குள் பயன்படுத்தவும், பயன்படுத்தப்படாத எந்த பாலையும் தூக்கி எறியவும்.
01:56	பனி நீக்கப்பட்ட தாய்ப்பால் புதிய தாய்ப்பாலைக் காட்டிலும் வித்தியாசமாக வாசனை மற்றும் சுவை கொண்டதாக இருக்கும்.
02:03	குழந்தை அதை ஏற்றுக்கொண்டால், அது நல்லது.
02:08	தாய்ப்பாலை குழந்தைக்கு கொடுப்பதற்கு முன், பராமரிப்பாளர் எப்போதும் அதை நுகர்ந்து பார்க்க வேண்டும்.
02:16	பாலில் புளிப்பு வாசனை இருந்தால், அதைப் பயன்படுத்த வேண்டாம்.
02:20	தாய்ப்பால் சேமிக்கப்படும் போது, அதன் பாலேடு தனித்து, மேலே உயர்ந்து நிற்கும்.
02:28	இது சாதாரணமானது. பாலேடு மீண்டும் பாலில் கலக்க மெதுவாக குலுக்கவும்.
02:36	குழந்தைக்கு கொடுப்பதற்கு சற்று முன்பு தாய்ப்பாலை சூடேற்ற- தாய்ப்பாலை கொண்ட பாத்திரத்தை, 20 முதல் 30 நிமிடங்கள் சற்று வெதுவெதுப்பான தண்ணீரை கொண்ட ஒரு கிண்ணத்தில் வைக்கவும்.
02:47	மணிக்கட்டில் சிறிது பாலை ஊற்றுவதன் மூலம், அது எவ்வளவு சூடாக இருக்கிறது என்பதை சோதிக்கவும். அது இளஞ்சூட்டில் இருந்தால், சரியாக உள்ளது என்பதாகும்.
02:56	தாய்ப்பாலை சூடாக்க சூடான நீரைப் பயன்படுத்த வேண்டாம். குளிர்சாதன பெட்டியிலிருந்து நேராக சேமிக்கப்பட்ட தாய்ப்பாலை பயன்படுத்த முயற்சிக்கவும்.
03:05	அதிக வெப்பம் மற்றும் தீக்காயங்கள் ஏற்படும் அபாயங்களைத் தவிர்க்க இது உதவும்.
03:12	தாய்ப்பாலை நேரடியாக அடுப்பில் அல்லது மைக்ரோவேவில் வைத்திருப்பதன் மூலம் அதை சூடாக்க வேண்டாம்.
03:19	நேரடி வெப்பம் தாய்ப்பாலில் உள்ள பல தொற்று-விரட்டும் காரணிகளை அழிக்கிறது.
03:27	தாய்ப்பால் தயாரானதும், அதை குழந்தைக்கு கொடுக்கவும்.
03:32	அவ்வாறு செய்ய, பின்வரும் பாத்திரங்களைப் பயன்படுத்தலாம்:ஒரு பாலடாய், ஒரு சிறிய கிண்ணம், ஒரு கரண்டி அல்லது நிஃப்டி கப்.
03:42	இவற்றில், குழந்தைக்கு கொடுக்க, ஒரு கரண்டி அல்லது ஒரு கிண்ணத்தை பயன்படுத்துவது விரும்பத்தக்கது.
03:49	முதலாவதாக, பராமரிப்பாளர் தேர்ந்தெடுக்கப்பட்ட பாத்திரத்தை சோப்பு மற்றும் தண்ணீரில் கழுவ வேண்டும். பின்னர் காற்றினால் அதை முழுமையாக உலர வைக்க வேண்டும் அல்லது சுத்தமான பயன்படுத்தப்படாத துணியால் உலர வைக்க வேண்டும்.
04:02	பின்னர், பராமரிப்பாளர் தங்கள் கைகளை சரியாக கழுவி உலர வைக்க வேண்டும்.
04:10	அவர்கள், தேர்ந்தெடுக்கப்பட்ட பாத்திரத்தை தாய்ப்பாலால், அரை நிரப்ப வேண்டும் அல்லது மூன்றில் இரண்டு பங்கு நிரப்ப வேண்டும்.
04:16	பின்னர், அவர்கள் குழந்தையை மடியில் கிட்டத்தட்ட நிமிர்ந்த நிலையில் வைத்திருக்க வேண்டும்.
04:23	அவர்களின் கை குழந்தையின் தலை மற்றும் கழுத்தை தாங்க வேண்டும்.
04:28	குழந்தைக்கு கொடுக்க அவர்கள் ஒரு பாலாடாயைப் பயன்படுத்தினால்- அவர்கள் குழந்தையின் வாயின் மூலையில் பாலாடையின் நுனியை வைக்க வேண்டும்.
04:39	இது குழந்தையின் உதடுகளுக்கு இடையில் லேசாகப் பிடிக்கப்பட வேண்டும்.
04:45	பாலாடையின் நுனி குழந்தையின் மேல் உதட்டை லேசாகத் தொட வேண்டும் .
04:50	இந்த நிலையில், பால் பாலடாயின் கொக்கின் விளிம்பில் இருக்க வேண்டும்
04:58	குழந்தை பாலைத் உறிஞ்சும் போது - பராமரிப்பாளர் பாலாடாயை சிறிது சாய்த்து, பாலை விளிம்பில் வைக்க வேண்டும்.
05:07	கிண்ணத்தின் விளிம்பு குழந்தையின் மேல் உதட்டை லேசாகத் தொட வேண்டும்.
05:22	பால், கிண்ணத்தின் மேல் விளிம்பை அடையும் வரை அவர்கள் கிண்ணத்தை சிறிது சாய்க்க வேண்டும்.
05:28	இது குழந்தை, கிண்ணத்தின் விளிம்பிலிருந்து பாலை எடுக்க அனுமதிக்க வேண்டும்.
05:33	பராமரிப்பாளர் குழந்தைக்கு கொடுக்க ஒரு கரண்டியை பயன்படுத்தினால்- அவர்கள் குழந்தையின் உதடுகளுக்கு இடையில் கரண்டியைப் பிடிக்க வேண்டும்.
05:42	கரண்டியின் விளிம்பு குழந்தையின் மேல் உதட்டை லேசாகத் தொட வேண்டும்.
05:47	பால் கரண்டியின் விளிம்பிற்கு வரும் வரை அவர்கள் கரண்டியை சிறிது சாய்க்க வேண்டும்.
05:54	பிறந்த பிறகு முதல் சில நாட்களுக்கு ஒரு கரண்டியால் பாலூட்டுவது நல்லது.
05:59	ஏனெனில் இந்த நாட்களில் ஒரு சிறிய அளவு பால் மட்டுமே தேவைப்படுகிறது.
06:07	பராமரிப்பாளர் குழந்தைக்கு கொடுக்க, ஒரு நிஃப்டி கப்பை பயன்படுத்துகிறார் என்றால் - அவர்கள் நிஃப்டி கப்பின் சிறிய தேக்கத்தை குழந்தையின் வாய்க்குள் வைக்க வேண்டும்.
06:19	குழந்தை பாலைத் உறிஞ்சும் போது, ​​அவர்கள் கப்பை சற்று மேலே சாய்க்க வேண்டும். இது காலியாகும் போது, தேக்கத்தில் பாலை சேர்க்கும்.
06:31	வெளிக்கொணர்ந்த தாய்ப்பாலை குழந்தைக்கு கொடுக்கும் போது, குழந்தையின் வாயினுள் பாலை ஒருபோதும் கொட்டக்கூடாது.
06:38	இதனால் குழந்தை மூச்சுத் திணறக்கூடும்.
06:40	அதற்கு பதிலாக, பாலை விளிம்பில் வைத்து, பாலூட்டல் முழுவதும் அந்த நிலையில் வைக்கவும்.
06:47	குழந்தை முழுமையாக விழித்திருப்பதையும், எச்சரிக்கையாக இருப்பதையும், பாலூட்டுதலில் ஆர்வமாகவும் இருப்பதை எப்போதும் உறுதிப்படுத்திக் கொள்ளவும்.
06:54	தேவைப்பட்டால், ஊட்டுபவர் கையில் இருந்து குழந்தை கிண்ணத்தை தட்டுவதைத் தடுக்க, குழந்தையை போர்த்தி விடவும்.
07:03	எப்போதும் குழந்தையை, தனது வேகத்தில் பாலை குடிக்க விடவும்.
07:08	குழந்தை போதுமான பாலை எடுத்துக்கொண்டு விட்டது என்பதைக் காட்டும் அறிகுறிகளை தேடவும்.
07:13	அவள் கைகளை உயர்த்திப் பிடிப்பது.
07:16	தூங்குவது அல்லது வாயை மூடுவது, போன்ற அறிகுறிகள்.
07:21	குழந்தையின் கீழ் உதட்டில் அதிக அழுத்தம் கொடுக்ககாமல் இருக்க நினைவில் கொள்ளவும்.
07:28	பாத்திரத்தின் விளிம்பு எப்போதும் குழந்தையின் மேல் உதட்டை லேசாகத் தொடுமாறு வைக்கவும்.
07:34	கிண்ணம், பாலாடை அல்லது கரண்டி ஆகியவற்றை குழந்தையின் வாய்க்குள் அதிக ஆழமாக செலுத்த வேண்டாம்.
07:41	படுத்திருக்கும் நிலையில் ஒரு குழந்தைக்கு ஒருபோதும் தாய்ப்பாலூட்டக்கூடாது.
07:45	வெளிக்கொணரப்பட்ட தாய்ப்பாலை குழந்தைக்கு கொடுக்க, ஃபீடிங் பாட்டிலை பயன்படுத்த வேண்டாம்.
07:51	குழந்தைக்கு பாலூட்டிய பிறகு, கிண்ணம், பாலாடை அல்லது கரண்டியை சோப்பு மற்றும் சுத்தமான தண்ணீரில் நன்றாக கழுவ வேண்டும். மற்றும் காற்றினால் முழுவதுமாக உலர விடவும்.
08:04	சில குழந்தைகள் வெளிப்படுத்திய தாய்ப்பாலை எடுத்துக்கொள்ள தயங்கும், குறிப்பாக முதலில் சிலரிடமிருந்து.
08:12	வேறொருவர் அதைக் கொடுக்கும்போது, குழந்தை குறைந்த தயக்கத்தை காட்டக்கூடும்.
08:17	வெளிப்படுத்தப்பட்ட பால் குழந்தையால் மறுக்கப்பட்டால், கவலைப்பட வேண்டாம்.
08:22	தாய் வேலையில் இருந்து திரும்பும்போது, குழந்தைக்கு அடிக்கடி அல்லது அதிக நேரம் தாய்ப்பால் கொடுப்பதன் மூலம் தவறவிட்ட எந்தவொரு ஊட்டத்தையும் பெற்றுக்கொள்ளும்.
08:32	பின்வருவனவற்றை பின்பற்றி, தாய்ப்பாலை பாதுகாப்பாக வைத்திருக்க நினைவில் கொள்ளவும்: கைகள்,கிண்ணங்கள் மற்றும் பாத்திரங்களை கழுவுதல், தேவைக்கு விரைவில் பால் கொடுத்தல் அல்லது பாதுகாப்பாக சேமித்தல்.
08:44	இத்துடன், இந்த டுடோரியலின் முடிவுக்கு வந்துவிட்டோம். இந்த டுடோரியலை தமிழாக்கம் செய்தது ஜெயஸ்ரீ. குரல் கொடுத்தது ஆர்த்தி. கலந்துகொண்டமைக்கு நன்றி.

Contributors and Content Editors

Arthi, Jayashree