Inkscape/C2/Create-and-edit-multiple-objects/Kannada

Time	Narration
00:01	ನಮಸ್ಕಾರ, ಕ್ರಿಯೇಟ್ ಆಂಡ್ ಎಡಿಟ್ ಮಲ್ಟಿಪಲ್ ಆಬ್ಜೆಕ್ಟ್ಸ್ ಎನ್ನುವ ಇಂಕ್-ಸ್ಕೇಪ್-ನ ಟ್ಯುಟೊರಿಯಲ್-ಗೆ ಸ್ವಾಗತ
00:08	ಈ ಟ್ಯುಟೋರಿಯಲ್ ನಲ್ಲಿ, ನಾವು ಕಲಿಯುವ ಅಂಶಗಳು : ಆಬ್ಜೆಕ್ಟ್ ಗಳನ್ನು ಕಾಪಿ ಮತ್ತು ಪೇಸ್ಟ್ ಮಾಡುವುದು
00:13	ನಕಲು ಮಾಡುವುದು ಮತ್ತು ತದ್ರೂಪವನ್ನು ಸೃಷ್ಟಿಸುವುದು.
00:16	ವಿವಿಧ ಆಬ್ಜೆಕ್ಟ್ ಗಳನ್ನು ಗುಂಪು ಮಾಡುವುದು ಮತ್ತು ಜೋಡಿಸುವುದು.
00:19	ಅನೇಕ ಆಬ್ಜೆಕ್ಟ್ ಗಳ ಆಯ್ಕೆ ಮತ್ತು ಆಯ್ಕೆಯನ್ನು ತಿರುವುಮುರುವುಗೊಳಿಸುವುದು.
00:22	ಕತ್ತರಿಸುವುದು ಮತ್ತು ಮರೆಮಾಚುವುದು.
00:25	ಈ ಟ್ಯುಟೋರಿಯಲ್ ಅನ್ನು ರೆಕಾರ್ಡ್ ಮಾಡುವಾಗ, ನಾನು ಉಬುಂಟು ಲಿನಕ್ಸ್ ನ 12.04 ನೇ ಆವೃತ್ತಿಯ ಆಪರೇಟಿಂಗ್ ಸಿಸ್ಟಮ್ ಮತ್ತು ಇಂಕ್ ಸ್ಕೇಪ್ ನ 0.48.4 ನೇ ಆವೃತ್ತಿಯನ್ನು ಉಪಯೋಗಿಸಿದ್ದೇನೆ.
00:35	ಡ್ಯಾಶ್ ಹೋಮ್ ಗೆ ಹೋಗಿ, ಇಂಕ್ ಸ್ಕೇಪ್ ಎಂದು ಟೈಪ್ ಮಾಡಿ.
00:39	ಲೋಗೋ ಅನ್ನು ಡಬಲ್ ಕ್ಲಿಕ್ ಮಾಡಿ ಇಂಕ್ ಸ್ಕೇಪ್ ಅನ್ನು ಓಪನ್ ಮಾಡಬಹುದು.
00:42	ನಾವು ಈ ಮೊದಲು ರಚಿಸಿದ ಅಸೈನ್ಮೆಂಟ್ ಅಂಡರ್ಸ್ಕೋರ್ ಒನ್ ಡಾಟ್ ಎಸ್ ವಿ ಜಿ ಯನ್ನು ಓಪನ್ ಮಾಡೋಣ.
00:49	ಇದನ್ನು ನಾವು ಮೈ ಡಾಕ್ಯುಮೆಂಟ್ಸ್ ಎಂಬ ಫೋಲ್ಡರ್ ನಲ್ಲಿ ಸೇವ್ ಮಾಡಿದ್ದೇನೆ.
00:52	ಮೊದಲು ನಾವು, ಆಬ್ಜೆಕ್ಟ್ ಗಳನ್ನು ಕಾಪಿ ಮತ್ತು ಪೇಸ್ಟ್ ಮಾಡುವುದನ್ನು ಕಲಿಯೋಣ.
00:56	ಇದಕ್ಕಾಗಿ, ಮೊದಲು ನಾವು ಆಬ್ಜೆಕ್ಟ್ ಅನ್ನು ಸೆಲೆಕ್ಟ್ ಮಾಡಬೇಕು. ಹಾಗಾಗಿ, ಪೆಂಟಗಾನ್ ನ ಮೇಲೆ ಕ್ಲಿಕ್ ಮಾಡಿ.
01:02	ಈಗ, ಇದನ್ನು ಕಾಪಿ ಮಾಡಲು, ನಿಮ್ಮ ಕೀ ಬೋರ್ಡ್ ನಲ್ಲಿ, ctrl ಮತ್ತು c(ಸಿ) ಕೀಯನ್ನು ಒತ್ತಿ.
01:07	ಈಗ ಆಬ್ಜೆಕ್ಟ್ ಅನ್ನು ಪೇಸ್ಟ್ ಮಾಡಲು, ctrl ಮತ್ತು v(ವಿ) ಕೀಯನ್ನು ಒತ್ತಿ. ಈಗ ನೀವು ಕ್ಯಾನ್ವಾಸ್ ನ ಮೇಲೆ, ಪೆಂಟಗಾನ್ ನ ಪ್ರತಿಯನ್ನು ನೋಡಬಹುದು.
01:17	ಆಬ್ಜೆಕ್ಟ್ ನ ಪ್ರತಿಯನ್ನು ಸೃಷ್ಟಿಸಲು ೩ ವಿಧಾನಗಳಿವೆ.
01:21	ಈ ಮೂರೂ ವಿಧಾನಗಳಲ್ಲೂ, ಆಬ್ಜೆಕ್ಟ್ ನ ಪ್ರತಿಯು ಮೂಲದ ಮೇಲೆಯೇ ಸೃಷ್ಟಿಯಾಗುತ್ತದೆ.
01:29	ಮೊದಲನೇಯ ವಿಧಾನ : ಪೇಸ್ಟ್ ಸ್ಪೆಶಲ್
01:32	ನಾವೀಗಾಗಲೇ ಆಬ್ಜೆಕ್ಟ್ ಅನ್ನು ಕಾಪಿ ಮಾಡಲು ctrl ಮತ್ತು c ಯನ್ನು ಒತ್ತಿದ್ದೇವೆ ಎಂಬುದನ್ನು ನೆನಪಿನಲ್ಲಿಡಿ.
01:38	ಆಬ್ಜೆಕ್ಟ್ ಅನ್ನು ಎಲ್ಲಿಂದ ಕಾಪಿ ಮಾಡಿದ್ದೆವೋ ಅಲ್ಲಿಗೇ ಪೇಸ್ಟ್ ಮಾಡಲು, ctrl, alt(ಆಲ್ಟ್) ಮತ್ತು v ಕೀಗಳನ್ನು ಒತ್ತಿ.
01:47	ಕಾಪಿ ಮಾಡಿದ ಆಬ್ಜೆಕ್ಟ್ ಅನ್ನು ಸರಿಸಿದರೆ, ಅದರ ಕೆಳಗೇ ಇದ್ದ, ಮೊದಲಿನ ಆಬ್ಜೆಕ್ಟ್ ಅನ್ನು ನೋಡಬಹುದು.
01:54	ಇವೆರಡನ್ನೂ ಸರಿಸಿ ಪಕ್ಕದಲ್ಲಿಡೋಣ.
01:57	ಎರಡನೇ ವಿಧಾನ, ಡುಪ್ಲಿಕೇಶನ್. ಡುಪ್ಲಿಕೇಶನ್ ಮಾಡಲು, ಆಬ್ಜೆಕ್ಟ್ ಅನ್ನು ಮೊದಲು ಕಾಪಿ ಮಾಡುವ ಅವಶ್ಯಕತೆ ಇಲ್ಲ.
02:05	ಪೆಂಟಗನ್ ಅನ್ನು ಸೆಲೆಕ್ಟ್ ಮಾಡಿ, ನಿಮ್ಮ ಕೀ ಬೋರ್ಡ್ ನಲ್ಲಿ, ctrl ಮತ್ತು D (ಡಿ) ಕೀಗಳನ್ನು ಒತ್ತಿ.
02:13	ಈಗ, ಮೂಲ ಪೆಂಟಗಾನ್ ನ ಮೇಲೆಯೇ ಪೆಂಟಗಾನ್ ನ ನಕಲು ಪ್ರತಿಯು ರಚಿತವಾಗಿರುತ್ತದೆ.
02:19	ನಕಲು ಪ್ರತಿಯನ್ನು ಸರಿಸಿ ಮೂಲ ಆಬ್ಜೆಕ್ಟ್ ಅನ್ನು ನೋಡೋಣ.
02:25	ನಕಲು ಪ್ರತಿಗೆ ಮಾಡಿದ ಬದಲಾವಣೆಗಳು ಮೂಲ ಪ್ರತಿಗೆ ಪರಿಣಾಮ ಬೀರುವುದಿಲ್ಲ.
02:32	ಇದನ್ನು ಪರೀಕ್ಷಿಸಲು, ಅದರ ಬಣ್ಣವನ್ನು ಹಸಿರಿಗೆ ಬದಲಾಯಿಸಿ, ಗಾತ್ರವನ್ನು ಕಿರಿದುಗೊಳಿಸೋಣ.
02:40	ಮೂರನೇಯ ವಿಧಾನ : ಕ್ಲೋನಿಂಗ್
02:44	ಕ್ಲೋನ್ ಮಾಡಲು, ದೀರ್ಘವೃತ್ತದ ಮೇಲೆ ಕ್ಲಿಕ್ ಮಾಡಿ, alt ಮತ್ತು ಡಿ(D) ಕೀ ಗಳನ್ನು ಒತ್ತಿ.
02:49	ಮೊದಲಿನಂತೆಯೇ, ತದ್ರೂಪವು ಮೂಲ ಪ್ರತಿಯ ಮೇಲೆಯೇ ರಚಿತವಾಗಿರುತ್ತದೆ.
02:55	ಇದನ್ನು ಸರಿಸಿ, ಮೂಲ ಪ್ರತಿಯನ್ನು ನೋಡೋಣ.
02:58	ತದ್ರೂಪವು ಯಾವಾಗಲೂ, ಮೂಲ ಆಬ್ಜೆಕ್ಟ್ ನೊಂದಿಗೆ ಸಂಪರ್ಕ ಹೊಂದಿರುತ್ತದೆ ಎಂಬುದನ್ನು ಗಮನದಲ್ಲಿಡಿ.
03:04	ಮೂಲ ಆಬ್ಜೆಕ್ಟ್ ಅನ್ನು ಇದರ ಪೋಷಕ ಎನ್ನುತ್ತಾರೆ.
03:08	ಮೂಲ ಆಬ್ಜೆಕ್ಟ್ ಗೆ ಮಾಡಲಾದ ಎಲ್ಲ ಬದಲಾವಣೆಗಳು, ಉದಾಹರಣೆಗೆ, ಗಾತ್ರ, ಬಣ್ಣ ಇತ್ಯಾದಿ, ತದ್ರೂಪ ಪ್ರತಿಗೆ ಪರಿಣಾಮ ಬೀರುತ್ತದೆ.
03:16	ಇದನ್ನು ಪರೀಕ್ಷಿಸಲು, ಮೂಲ ಪ್ರತಿಗೆ ಗುಲಾಬಿ ಬಣ್ಣವನ್ನು ತುಂಬಿ, ಅದನ್ನು ತಿರುಗಿಸಿ, ಗ್ರಾತ್ರವನ್ನು ಕಡಿಮೆ ಮಾಡಿ.
03:30	ಇದೇ ಬದಲಾವಣೆಗಳು, ತದ್ರೂಪಿ ಪ್ರತಿಯಲ್ಲಿಯೂ ತಾನಾಗಿಯೇ ಆಗುವುದನ್ನು ನೀವು ಗಮನಿಸಬಹುದು.
03:36	ತದ್ರೂಪ ಮತ್ತು ಮೂಲ ಆಬ್ಜೆಕ್ಟ್ ನ ಸಂಪರ್ಕ ತಪ್ಪಿಸಲು, ತದ್ರೂಪವನ್ನು ಆಯ್ಕೆ ಮಾಡಿ, Shift, Alt ಮತ್ತು D ಕೀಗಳನ್ನು ಒತ್ತಿ.
03:44	ಈಗ, ಪುನಃ ಮೂಲ ಆಬ್ಜೆಕ್ಟ್ ಅನ್ನು ಆಯ್ಕೆ ಮಾಡಿ ಮತ್ತು ಅದರ ಗಾತ್ರದ ಬದಲಾವಣೆ ಮಾಡಿ.
03:50	ತದ್ರೂಪ ಆಬ್ಜೆಕ್ಟ್ ನಲ್ಲಿ ಯಾವುದೇ ಬದಲಾವಣೆ ಆಗದಿರುವುದನ್ನು ನೀವು ಗಮನಿಸಬಹುದು.
03:54	ಇಲ್ಲಿ ತೋರಿಸಿದಂತೆ, ಈ ಕಾರ್ಯ ನಿರ್ವಹಿಸಲು ಶಾರ್ಟ್ ಕಟ್ ಐಕಾನ್ ಗಳು ಕಮಾಂಡ್ ಬಾರ್ ನಲ್ಲಿ ಇರುತ್ತವೆ.
04:01	ಅನೇಕ ಆಬ್ಜೆಕ್ಟ್ ಗಳನ್ನು ಆಯ್ಕೆ ಮಾಡಲು, shift ಕೀಯನ್ನು ಒತ್ತಿ, ನೀವು ಆಯ್ಕೆ ಮಾಡಾಬೇಕಾದ ಆಬ್ಜೆಕ್ಟ್ ಗಳನ್ನು ಕ್ಲಿಕ್ ಮಾಡಿ.
04:08	ನಾನು ಮೊದಲಿಗೆ ಒಂದು ದೀರ್ಘವೃತ್ತವನ್ನು ಆಯ್ಕೆ ಮಾಡುತ್ತೇನೆ. ನಂತರ, shift ಕೀಯನ್ನು ಒತ್ತಿ, ಇನ್ನೊಂದು ದೀರ್ಘವೃತ್ತವನ್ನು ಆಯ್ಕೆ ಮಾಡುತ್ತೇನೆ.
04:15	ಈಗ, ಎರಡೂ ಆಬ್ಜೆಕ್ಟ್ ಗಳೂ ಆಯ್ಕೆ ಆಗಿರುವುದನ್ನು ನೋಡಬಹುದು.
04:19	ಈಗ, ctrl ಮತ್ತು G ಕೀಗಳನ್ನು ಒತ್ತಿ, ಇವುಗಳನ್ನು ಗುಂಪು ಮಾಡಬಹುದು.
04:24	ದೀರ್ಘವೃತ್ತಗಳು, ಈಗ ಒಂದೇ ಆಬ್ಜೆಕ್ಟ್ ಆಗಿರುವುದನ್ನು ನೀವು ಗಮನಿಸಬಹುದು.
04:28	ನೀವು ಅವುಗಳನ್ನು ಸರಿಸಿದರೆ , ಎರಡೂ ಆಬ್ಜೆಕ್ಟ್ ಗಳೂ ಒಂದೇ ಆಬ್ಜೆಕ್ಟ್ ನಂತೆ ಚಲಿಸುವುದನ್ನು ನೀವು ಗಮನಿಸಬಹುದು.
04:35	ಈ ಗುಂಪಿನ ಗಾತ್ರ ಬದಲಾವಣೆ ಮಾಡಿ, ಎರಡೂ ಆಬ್ಜೆಕ್ಟ್ ಗಳ ಗಾತ್ರವೂ ಬದಲಾವಣೆ ಹೊಂದುವುದನ್ನು ನೀವು ಗಮನಿಸಬಹುದು.
04:43	ಬಣ್ಣವನ್ನು ನೀಲಿ ಗೆ ಬಲಾಯಿಸಿ. ಎರಡೂ ಆಬ್ಜೆಕ್ಟ್ ಗಳ ಬಣ್ಣ ಒಂದೇ ಬಣ್ಣಕ್ಕೆ ತಿರುಗುವುದನ್ನು ನೀವು ಗಮನಿಸಬಹುದು.
04:53	ಒಂದು ಗುಂಪಿನಲ್ಲಿರುವ ಒಂದು ಆಬ್ಜೆಕ್ಟ್ ನ ಗುಣಗಳನ್ನು ಬದಲಾಯಿಸಲು ಬಯಸಿದರೆ ನಾವು ಏನು ಮಾಡಬೇಕು?
05:01	ಒಂದು ಗುಂಪಿನಲ್ಲಿರುವ ಒಂದು ಆಬ್ಜೆಕ್ಟ್ ಅನ್ನು ಆಯ್ಕೆ ಮಾಡಲು, ctrl ಕೀಯನ್ನು ಒತ್ತಿ, ಆಬ್ಜೆಕ್ಟ್ ಅನ್ನು ಕ್ಲಿಕ್ ಮಾಡಿ.
05:08	ಹೀಗೆ ಮಾಡುವುದರಿಂದ, ನಾವು ಗುಂಪಿನ ಒಳಗೆ ಹೋಗಿ, ಪ್ರತಿಯೊಂದು ಆಬ್ಜೆಕ್ಟ್ ಅನ್ನು ಆಯ್ಕೆ ಮಾಡಬಹುದು.
05:13	ಈ ಗುಂಪಿನಿಂದ ಹೊರಬರಲು, ಕ್ಯಾನ್ವಾಸ್ ನ ಮೇಲೆ ಖಾಲಿ ಜಾಗದಲ್ಲಿ ಕ್ಲಿಕ್ ಮಾಡಿ.
05:18	ಆಬ್ಜೆಕ್ಟ್ ಗಳನ್ನು ಗುಂಪಿನಿಂದ ಹೊರತೆಗೆಯಲು, ಮೊದಲು ಗುಂಪನ್ನು ಆಯ್ಕೆ ಮಾಡಿ, ನಂತರ, Ctrl, Shift ಮತ್ತು ಜಿ ಅಥವಾ Ctrl ಮತ್ತು u ಕೀಗಳನ್ನು ಒತ್ತಿ.
05:28	ಈಗ ದೀರ್ಘವೃತ್ತಗಳು ಗುಂಪಾಗಿಲ್ಲ.
05:31	ಇಲ್ಲಿ ತೋರಿಸಿದಂತೆ, ಈ ಕಾರ್ಯಗಳನ್ನು ನಿರ್ವಹಿಸಲು, ಶಾರ್ಟ್ ಕಟ್ ಐಕಾನ್ ಗಳು ಕಮಾಂಡ್ ಬಾರ್ ನಲ್ಲಿ ಇವೆ.
05:36	ಕ್ಯಾನ್ವಾಸ್ ನ ಮೇಲಿರುವ ಎಲ್ಲ ಆಬ್ಜೆಕ್ಟ್ ಗಳನ್ನು ಆಯ್ಕೆ ಮಾಡಲು, Ctrl ಮತ್ತು A ಕೀಗಳನ್ನು ಒತ್ತಿ.
05:42	ಯಾವ ಆಬ್ಜೆಕ್ಟ್ ಗಳೂ ಆಯ್ಕೆ ಆಗಿರದಂತೆ ಮಾಡಲು, ಕ್ಯಾನ್ವಾಸ್ ನ ಮೇಲೆ ಖಾಲಿ ಜಾಗದಲ್ಲಿ ಕ್ಲಿಕ್ ಮಾಡಿ.
05:48	ನಾವು ಒಂದು ಆಬ್ಜೆಕ್ಟ್ ಅನ್ನು ಬಿಟ್ಟು, ಉಳಿದ ಎಲ್ಲ ಆಬ್ಜೆಕ್ಟ್ ಗಳನ್ನು ಆಯ್ಕೆ ಮಾಡಲು, ಇನ್ವರ್ಟ್ ಸೆಲೆಕ್ಷನ್ ಎಂಬುದನ್ನು ಬಳಸಬಹುದು.
05:55	ಆರೋ(arrow) ಒಂದನ್ನು ಬಿಟ್ಟು ಉಳಿದ ಎಲ್ಲ ಆಬ್ಜೆಕ್ಟ್ ಗಳನ್ನು ಆಯ್ಕೆ ಮಾಡಬೇಕಾದರೆ,
05:59	ಮೊದಲು, arrow ಅನ್ನು ಆಯ್ಕೆ ಮಾಡಿ. ಈಗ ಎಡಿಟ್(edit) ಮೆನುವಿನಲ್ಲಿ, ಇನ್ವರ್ಟ್ ಸೆಲೆಕ್ಷನ್ ಎಂಬುದನ್ನು ಆಯ್ಕೆ ಮಾಡಿ.
06:08	arrow ಅನ್ನು ಬಿಟ್ಟು, ಕ್ಯಾನ್ವಾಸ್ ನ ಮೇಲಿರುವ, ಎಲ್ಲ ಆಬ್ಜೆಕ್ಟ್ ಗಳೂ ಆಯ್ಕೆಯಾಗಿರುವುದನ್ನು ನೀವು ನೋಡಬಹುದು.
06:16	ಈಗ, ಆಬ್ಜೆಕ್ಟ್ ಗಳನ್ನು ವ್ಯವಸ್ಥಿತಗೊಳಿಸುವುದು ಹೇಗೆ ಎಂಬುದನ್ನು ನೋಡೋಣ.
06:20	ಸಣ್ಣ ಪೆಂಟಗಾನ್ ಅನ್ನು ದೊಡ್ಡ ಪೆಂಟಗಾನ್ ನ ಮೇಲೆ ಸರಿಸುತ್ತೇನೆ.
06:25	ಈಗ, ಒಂದು ಸಣ್ಣ ನಕ್ಷತ್ರವನ್ನು ಬಿಡಿಸಿ, ಸಣ್ಣ ಪೆಂಟಗಾನ್ ನ ಮೇಲೆ ಸರಿಸೋಣ.
06:36	ಸಣ್ಣ ಪೆಂಟಗಾನ್ ಅನ್ನು ಆಯ್ಕೆ ಮಾಡಿ. ಆಬ್ಜೆಕ್ಟ್ ಮೆನುವಿನಲ್ಲಿ, ರೈಸ್(raise) ಅನ್ನು ಕ್ಲಿಕ್ ಮಾಡಿ.
06:42	ಸಣ್ಣ ಪೆಂಟಾಗಾನ್ ಈಗ ಮೇಲೆ ಏರಿ, ನಕ್ಷತ್ರದ ಮೇಲೆ ಬಂದಿದೆ.
06:47	ಈಗ, ನಕ್ಷತ್ರದ ಮೇಲೆ ಕ್ಲಿಕ್ ಮಾಡಿ. ಆಬ್ಜೆಕ್ಟ್ ಮೆನುವಿನಲ್ಲಿ ಲೋಯರ್(lower) ಎಂಬುದನ್ನು ಕ್ಲಿಕ್ ಮಾಡಿ.
06:53	ಈಗ, ನಕ್ಷತ್ರವು ಕೆಳಗಿ ಸರಿಸಲ್ಪಟ್ಟಿದೆ ಮತ್ತು ದೊಡ್ಡ ಪೆಂಟಗಾನ್ ಅದರ ಮೇಲೆ ಕಾಣುತ್ತದೆ.
07:00	ಈಗ, ದೊಡ್ಡ ಪೆಂಟಗಾನ್ ನ ಮೇಲೆ ಕ್ಲಿಕ್ ಮಾಡೋಣ. ಆಬ್ಜೆಕ್ಟ್ ಮೆನುವಿನಲ್ಲಿ, raise ಅನ್ನು ಕ್ಲಿಕ್ ಮಾಡಿ. ಈಗ, ದೊಡ್ಡ ಪೆಂಟಗಾನ್ ಅದರ ಮೇಲೆ ಕಾಣುತ್ತದೆ.
07:11	ಈಗ ಪುನಃ ಆಬ್ಜೆಕ್ಟ್ ಮೆನುವಿನಲ್ಲಿ, ಲೋಯರ್ ಟು ಬಾಟಮ್ ಎಂಬುದನ್ನು ಕ್ಲಿಕ್ ಮಾಡಿ. ದೊಡ್ಡ ಪೆಂಟಗಾನ್ ಕೆಳಗೆ ಸರಿದಿರುವುದನ್ನು ನೀವು ಗಮನಿಸಬಹುದು.
07:20	ನಾವು ಈ ಆಯ್ಕೆಗಳನ್ನು ಟೂಲ್ ಕಂಟ್ರೋಲ್ ಬಾರ್ ನಲ್ಲಿ ಕಾಣಬಹುದು.
07:25	ಈಗ, ಕ್ಲಿಪ್ಪಿಂಗ್ ಅನ್ನು ಹೇಗೆ ಮಾಡುವುದು ಎಂಬುದನ್ನು ಕಲಿಯೋಣ.
07:28	ನಿಮ್ಮ ಸಂಕೀರ್ಣ ಆಬ್ಜೆಕ್ಟ್ ಗಳನ್ನು ರಚಿಸಲು ಕ್ಲಿಪ್ಪಿಂಗ್ ಸಹಾಯ ಮಾಡುತ್ತದೆ.
07:31	ಅವುಗಳ ಆಕಾರವನ್ನು ಸುಲಭ ಮತ್ತು ವೇಗವಾಗಿ,ಇನ್ನೊಂದು ಎಲಿಮೆಂಟ್ ಅಥವಾ ನಿಮ್ಮ ವಿನ್ಯಾಸವನ್ನು ಅನುಕರಣೆ ಮಾಡುವುದು
07:39	ನಾನು ಒಂದು ಚಿತ್ರವನ್ನು ಈ ಟ್ಯುಟೋರಿಯಲ್ ನಲ್ಲಿ ಬಳಸುತ್ತೇನೆ. ಈ ಹೊಸ ಇಂಕ್ ಸ್ಕೇಪ್ ಫೈಲ್ ನಲ್ಲಿ ಒಂದು ಚಿತ್ರವಿದೆ.
07:45	ಈ ಚಿತ್ರದ ಮೇಲೆ ನಾನು ಒಂದು ದೀರ್ಘವೃತ್ತವನ್ನು ರಚಿಸುತ್ತೇನೆ.
07:49	ಈಗ ಚಿತ್ರ ಮತ್ತು ದೀರ್ಘವ್ರುತ್ತವನ್ನು ಆಯ್ಕೆ ಮಾಡಿ.
07:53	ಆಬ್ಜೆಕ್ಟ್ ಮೆನುವಿನಲ್ಲಿ, ಕ್ಲಿಪ್ ಅನ್ನು ಕ್ಲಿಕ್ ಮಾಡಿ, ನಂತರ ಸೆಟ್ ಅನ್ನು ಒತ್ತಿ.
07:59	ಈಗ ಚಿತ್ರವು ದೀರ್ಘವ್ರುತ್ತದ ಆಕಾರಕ್ಕೆ ಕ್ಲಿಪ್ ಆಗಿರುವುದನ್ನು ನೀವು ಗಮನಿಸಬಹುದು.
08:04	ಕ್ಲಿಪ್ಪಿಂಗ್ ನಲ್ಲಿ, ಕ್ಲಿಪ್ ಮಾಡಲು ಬಳಸಲಾದ, ಆಬ್ಜೆಕ್ಟ್ ನ ಆಕಾರವು, ಕ್ಲಿಪ್ ಮಾಡಬೇಕಾದ ಪ್ರದೇಶವನ್ನು ಸೂಚಿಸುತ್ತದೆ.
08:09	ಕ್ಲಿಪ್ ಅನ್ನು ತೆಗೆಯಲು,ಆಬ್ಜೆಕ್ಟ್ ಮೆನುವಿನಲ್ಲಿ, ಕ್ಲಿಪ್ ಅನ್ನು ಕ್ಲಿಕ್ ಮಾಡಿ, ನಂತರ ರಿಲೀಸ್ ಅನ್ನು ಒತ್ತಿ.
08:17	ಈಗ ಕ್ಲಿಪ್ ರಿಲೀಸ್ ಆಗುತ್ತದೆ.
08:19	ಈಗ ಮಾಸ್ಕಿಂಗ್ ನ ಬಗೆಗೆ ತಿಳಿಯೋಣ.
08:22	ಮಾಸ್ಕಿಂಗ್ ಎಂಬುದು ಕ್ಲಿಪ್ಪಿಂಗ್ ಗೆ ಹೋಲುತ್ತದೆ.
08:25	ಮಾಸ್ಕಿಂಗ್ ನಲ್ಲಿ, ಒಂದು ವಸ್ತುವಿನ ಪಾರದರ್ಶಕತೆ ಅಥವಾ ಚುರುಕುತನ ಎರಡನೇ ವಸ್ತುವಿನ ಅಪಾರದರ್ಶಕತೆಯನ್ನು ನಿರ್ಧರಿಸುತ್ತದೆ.
08:32	ಮಾಸ್ಕಿಂಗ್ ನ ಪ್ರಾತ್ಯಕ್ಷಿಕೆಗೆ, ನಾನು ಮೊದಲು, ಒಂದು ದೀರ್ಘವೃತ್ತವನ್ನು, ಗ್ರೇಡಿಯಂಟ್ ಟೂಲ್ ಅನ್ನು ಬಳಸಿ, ಅರೆ ಪಾರದರ್ಶಕವನ್ನಾಗಿ ಮಾಡುತ್ತೇನೆ.
08:38	ಈಗ, ದೀರ್ಘವೃತ್ತವನ್ನು ಆಯ್ಕೆ ಮಾಡಿ.
08:40	ಆಬ್ಜೆಕ್ಟ್ ಮೆನುವಿನಲ್ಲಿ, ಫಿಲ್ ಎಂಡ್ ಸ್ಟ್ರೋಕ್ ಅನ್ನು ಆಯ್ಕೆ ಮಾಡಿ.
08:44	ರೇಡಿಯಲ್ ಗ್ರೇಡಿಯಂಟ್ ಅನ್ನು ಕ್ಲಿಕ್ ಮಾಡಿ, ನಂತರ ಎಡಿಟ್ ಅನ್ನು ಒತ್ತಿ.
08:50	ಬಣ್ಣವನ್ನು ಬಿಳಿ ಮಾಡಲು, RGB ಸ್ಲೈಡರ್ ಅನ್ನು ಬಲತುದಿಗೆ ಸರಿಸಿ.
09:00	ಸ್ಟಾಪ್ ಡ್ರಾಪ್ ಡೌನ್ ಆರೋ (arrow) ಅನ್ನು ಕ್ಲಿಕ್ ಮಾಡಿ, ಸ್ಟಾಪ್ ಅನ್ನು ಕ್ಲಿಕ್ ಮಾಡಿ.
09:05	ಬಣ್ಣವನ್ನು ಕಪ್ಪು ಮಾಡಲು, RGB ಸ್ಲೈಡರ್ ಅನ್ನು ಎಡತುದಿಗೆ ಸರಿಸಿ. ಈಗ ಅಲ್ಫಾ ನ ಮೌಲ್ಯವು ಎರಡುನೂರಾ ಐವತ್ತೈದು ಆಗುತ್ತದೆ.
09:15	ಇವೆರಡರ ನಡುವೆ, ಮತ್ತೊಂದು ಬಣ್ಣ ಸೇರಿಸಲು, ಆಡ್ ಸ್ಟಾಪ್(add stop) ನ ಮೇಲೆ ಕ್ಲಿಕ್ ಮಾಡಿ.
09:20	ನೋಡ್ ಟೂಲ್ ನ ಮೇಲೆ ಕ್ಲಿಕ್ ಮಾಡಿ, ಡೈಮಂಡ್ ಹ್ಯಾಂಡಲ್ ಅನ್ನು ಮೇಲಕ್ಕೆ ಸರಿಸಿ.
09:27	ಈಗ, ಚಿತ್ರ ಮತ್ತು ದೀರ್ಘವೃತ್ತವನ್ನು ಆಯ್ಕೆ ಮಾಡಿ.
09:30	ಆಬ್ಜೆಕ್ಟ್ ಮೆನುವಿನಲ್ಲಿ,ಮಾಸ್ಕ್ ಅನ್ನು ಒತ್ತಿ, ನಂತರ ಸೆಟ್ ಅನ್ನು ಕ್ಲಿಕ್ ಮಾಡಿ.
09:36	ಚಿತ್ರದ ಮೇಲೆ ಒಂದು ಮಸುಕು ಮೂಡಿರುವುದನ್ನು ಗಮನಿಸಬಹುದು.
09:40	ಚಿತ್ರವು, ಮಾಸ್ಕಿಂಗ್ ಆಬ್ಜೆಕ್ಟ್ ಆದ, ದೀರ್ಘವೃತ್ತದ, ಪಾರದರ್ಶಕ ಗುಣವನ್ನು ಪಡೆದಿರುವುದನ್ನು ಗಮನಿಸಿ.
09:47	ಮಾಸ್ಕ್ ಅನ್ನು ತೆಗೆಯಲು, ಆಬ್ಜೆಕ್ಟ್ ಮೆನು ಗೆ ಹಿಂತಿರುಗಿ.
09:51	ಮಾಸ್ಕ್ ಅನ್ನು ಕ್ಲಿಕ್ ಮಾಡಿ, ನಂತರ ರಿಲೀಸ್ ಅನ್ನು ಒತ್ತಿ.
09:54	ಈಗ ಮಾಸ್ಕ್ ತೆಗೆಯಲ್ಪಟ್ಟಿದೆ.
09:56	ಸಾರಾಂಶ ತಿಳಿಯೋಣ.
09:57	ಈ ಟ್ಯುಟೋರಿಯಲ್ ನಲ್ಲಿ ನಾವು ತಿಳಿದ ಅಂಶಗಳು : ಆಬ್ಜೆಕ್ಟ್ ಗಳನ್ನು ಕಾಪಿ ಮತ್ತು ಪೇಸ್ಟ್ ಮಾಡುವುದು.
10:02	ನಕಲು ಮತ್ತು ತದ್ರೂಪವನ್ನು ಮಾಡುವುದು.
10:05	ವಿವಿಧ ಆಬ್ಜೆಕ್ಟ್ ಗಳನ್ನು, ಗುಂಪು ಮಾಡುವುದು ಮತ್ತು ವ್ಯವಸ್ಥಿತಗೊಳಿಸುವುದು.
10:08	ಅನೇಕ ಆಬ್ಜೆಕ್ಟ್ ಗಳನ್ನು ಆಯ್ಕೆ ಮಾಡುವುದು ಮತ್ತು ಆಯ್ಕೆಯನ್ನು ತಿರುವುಮುರುವುಗೊಳಿಸುವುದು.
10:10	ಕ್ಲಿಪ್ಪಿಂಗ್ ಮತ್ತು ಮಾಸ್ಕಿಂಗ್
10:12	ನಿಮಗಾಗಿ ಇಲ್ಲಿ ಎರಡು ಅಸೈನ್ಮೆಂಟ್ ಗಳಿವೆ-
10:15	ಒಂದು ಬೂದು ಬಣ್ಣದ ಲಂಬ ದೀರ್ಘವೃತ್ತ, ಮತ್ತು ಒಂದು ಕಪ್ಪು ಬಣ್ಣದ ವೃತ್ತ ರಚಿಸಿ.
10:20	ವೃತ್ತವನ್ನು ದೀರ್ಘವೃತ್ತದ ಮೇಲೆ ಕೇಂದ್ರೀಯವಾಗಿ ಇಡಿ.
10:23	ಅದು ಒಂದು ಕಣ್ಣಿನಂತೆ ಕಾಣಬೇಕು.
10:25	ಈಗ ಇವನ್ನು ಗುಂಪು ಮಾಡಿ.
10:27	ನಂತರ, ಇನ್ನೊಂದು ಕಣ್ಣಿಗಾಗಿ, ಇದರ ತದ್ರೂಪ ಸೃಷ್ಟಿಸಿ.
10:31	ಎರಡೂ ಕಣ್ಣುಗಳೂ ಕಾಣುವಂತೆ ಮಾಡಲು, ಇದನ್ನು ಸರಿಸಿ.
10:35	ಒಂದು ನೀಲಿ ಬಣ್ಣದ ವೃತ್ತ ಮತ್ತು ಕೆಂಪು ಬಣ್ಣದ ಚೌಕವನ್ನು ರಚಿಸಿ.
10:40	ಚೌಕದ ನಕಲನ್ನು ಸೃಷ್ಟಿಸಿ, ಎರಡನ್ನೂ ಕರ್ಣೀಯವಾಗಿ ವಿರುದ್ಧ ದಿಕ್ಕಿನಲ್ಲಿ ಇಡಿ.
10:45	ಎರಡೂ ಚೌಕಗಳನ್ನೂ ಗುಂಪು ಮಾಡಿ, ಒಂದೇ ಆಬ್ಜೆಕ್ಟ್ ಆಗಿ ಮಾಡಿ.
10:50	ವೃತ್ತವನ್ನು ಕೇಂದ್ರೀಯವಾಗಿ, ಗುಂಪು ಮಾಡಿದ, ಚೌಕಗಳ ಮೇಲೆ ಇಡಿ.
10:54	ಎರಡನ್ನೂ ಆಯ್ಕೆ ಮಾಡಿ ಮತ್ತು ಕ್ಲಿಪ್ ಮಾಡಿ. ಇದು ಬಿಲ್ಲಿನಂತೆ ಕಾಣಬೇಕು.
11:00	ನಿಮ್ಮ ಅಸೈನ್ಮೆಂಟ್ ಈ ರೀತಿ ಕಾಣಬೇಕು.
11:03	ಕೆಳಗಿನ ಲಿಂಕ್ ನಲ್ಲಿರುವ ವೀಡಿಯೋವನ್ನು ನೋಡಿರಿ. ಇದು ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್ ಅನ್ನು ವಿವರಿಸುತ್ತದೆ. ಒಳ್ಳೆಯ ಬ್ಯಾಂಡ್ ವಿಡ್ತ್ ಇಲ್ಲದಿದ್ದಲ್ಲಿ ನೀವು ಇದನ್ನು ಡೌನ್ ಲೋಡ್ ಮಾಡಿ ನೋಡಬಹುದು.
11:12	ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್ ಟೀಮ್, ಸ್ಪೋಕನ್ ಟ್ಯುಟೋರಿಯಲ್ ಗಳನ್ನು ಉಪಯೋಗಿಸಿ ಕಾರ್ಯಗಾರವನ್ನು ನಡೆಸುತ್ತದೆ. ಆನ್ ಲೈನ್ ಪರೀಕ್ಷೆಯಲ್ಲಿ ತೇರ್ಗಡೆಹೊಂದಿದವರಿಗೆ ಸರ್ಟಿಫಿಕೇಟ್ ಕೊಡುತ್ತದೆ.
11:21	ಹೆಚ್ಚಿನ ಮಾಹಿತಿಗಾಗಿ, contact@spoken-tutorial.org ಗೆ ಬರೆಯಿರಿ.
11:23	ಇದು ರಾಷ್ಟ್ರಿಯ ಸಾಕ್ಷರತಾ ಮಿಷನ್ ICT, MHRD ಭಾರತ ಸರ್ಕಾರ ಎಂಬ ಸಂಸ್ಥೆಯಿಂದ ಬೆಂಬಲಿತವಾಗಿದೆ.
11:31	ಈ ನಿಯೋಗದ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಯು ಸ್ಪೋಕನ್ ಹೈಫನ್ ಟ್ಯುಟೋರಿಯಲ್ ಡಾಟ್ ಒ ಆರ್ ಜಿ ಸ್ಲ್ಯಾಶ್ ಎನ್ ಎಮ್ ಇ ಐ ಸಿ ಟಿ ಹೈಫನ್ ಇಂಟ್ರೊ ಎಂಬ ಲಿಂಕ್ ನಲ್ಲಿ ದೊರೆಯುತ್ತದೆ.
11:35	ನಾವು ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿದ್ದೇವೆ.
11:38	ಈ ಟ್ಯುಟೋರಿಯಲ್ ನ ಅನುವಾದಕಿ ಬೆಂಗಳೂರಿನಿಂದ ಚೇತನಾ ಹಾಗೂ ಪ್ರವಾಚಕ ಐ ಐ ಟಿ ಬಾಂಬೆಯಿಂದ ವಾಸುದೇವ. ಧನ್ಯವಾದಗಳು.

Contributors and Content Editors

Chetana, Rakeshkkrao