Linux/C2/File-System/Kannada

Time	Narration
00:00	ಲಿನಕ್ಸ್ ಫೈಲ್ ಸಿಸ್ಟಮ್ ನ ಸ್ಪೋಕನ್ ಟ್ಯುಟೋರಿಯಲ್ ಗೆ ತಮಗೆಲ್ಲರಿಗೂ ಸ್ವಾಗತ.
00:04	ನಾನು ಇಲ್ಲಿ ಉಬಂಟು 10.04 ಅನ್ನು ಬಳಸುತ್ತಿದ್ದೇನೆ.
00:07	ನೀವು ಲಿನಕ್ಸ್ ಆಪರೇಟಿಂಗ್ ಸಿಸ್ಟಮ್ ಅನ್ನು ಆರಂಭಿಸುವುದರ ಬಗ್ಗೆ ಮತ್ತು ಕಮಾಂಡ್ ಗಳ ಬಗ್ಗೆ ಸಾಮಾನ್ಯ ಜ್ಞಾನ ಹೊಂದಿದ್ದೀರಿ ಎಂದು ನಾನು ಭಾವಿಸುತ್ತೇನೆ.
00:13	ನೀವು ಆಸಕ್ತರಿದ್ದಲ್ಲಿ, ಇದು ಈ ಕೆಳಗಿರುವ ವೆಬ್ ಸೈಟ್ ನಲ್ಲಿ ಸಿಗುವ ಇನ್ನೊಂದು ಸ್ಪೋಕನ್ ಟ್ಯುಟೋರಿಯಲ್ ನಲ್ಲಿ ಲಭ್ಯವಿದೆ. http://spoken-tutorial.org
00:25	ಲಿನೆಕ್ಸ್ ಕೇಸ್ ಸೆನ್ಸಿಟಿವ್ ಎಂಬುದನ್ನು ಕೂಡಾ ಗಮನಿಸಿ.
00:28	ಈ ಟ್ಯುಟೋರಿಯಲ್ ನಲ್ಲಿ ಬಳಸುವ ಎಲ್ಲಾ ಕಮಾಂಡ್ ಗಳು ಲೋವರ್ ಕೇಸ್ ನಲ್ಲಿ ಇದೆ, ಇಲ್ಲವಾದಲ್ಲಿ ಉಲ್ಲೇಖಿಸಲಾಗಿದೆ.
00:36	ಲಿನಕ್ಸ್ ನಲ್ಲಿ ಹೆಚ್ಚಿನ ಮಟ್ಟಿಗೆ ಪ್ರತಿಯೊಂದೂ ಕೂಡಾ ಒಂದು ಫೈಲ್ ಆಗಿರುತ್ತದೆ.
00:39	ಹಾಗಾದರೆ, ಫೈಲ್ ಅಂದರೆ ಏನು? ನಿಜ ಜೀವನದಲ್ಲಿ ಫೈಲ್ ಅಂದರೆ, ಅಲ್ಲಿ ನಾವು ನಮ್ಮ ಡಾಕ್ಯುಮೆಂಟ್ ಗಳನ್ನು ಮತ್ತು ಕಾಗದಗಳನ್ನು ಸಂಗ್ರಹಿಸಿ ಇಡಬಹುದು ಎಂದು ತಿಳಿದಿರುತ್ತೇವೆ.
00:47	ಅದೇ ರೀತಿ ಲಿನಕ್ಸ್ ನಲ್ಲಿ ಫೈಲ್ ಅಂದರೆ ಮಾಹಿತಿಗಳನ್ನು ಸಂಗ್ರಹಿಸಿ ಇಡುವಂತಹ ಕಂಟೇನರ್ ಆಗಿದೆ.
00:53	ನಂತರ, ಡೈರೆಕ್ಟರಿ ಅಂದರೆ ಏನು?
00:56	ಡೈರೆಕ್ಟರಿ ಅಂದರೆ ಫೈಲ್ಸ್ ಮತ್ತು ಇತರ ಉಪ ಡೈರೆಕ್ಟರಿಯ ಒಂದು ಸಂಗ್ರಹ ಎಂದು ಅರ್ಥೈಸಿಕೊಳ್ಳಬಹುದು.
01:02	ಡೈರೆಕ್ಟರಿ ನಮ್ಮ ಫೈಲ್ ಅನ್ನು ವ್ಯವಸ್ಥಿತ ರೀತಿಯಲ್ಲಿ ನಿರ್ವಹಿಸಲು ಸಹಾಯ ಮಾಡುತ್ತದೆ.
01:08	ಇದು ವಿಂಡೋಸ್ ನಲ್ಲಿರುವ ಫೋಲ್ಡರ್ ನ ಹಾಗೆ.
01:12	ಇದು ಬೇರೆ ಬೇರೆ ಯೂಸರ್ ಗಳು ಅವರ ಸ್ವಂತ ಡೈರೆಕ್ಟರಿಗಳನ್ನು ಹೊಂದಲು ಮತ್ತು ಅದನ್ನು ಬೇರೆಯವರು ಪ್ರವೇಶಿಸಲು ಅಥವಾ ಮಾರ್ಪಡಿಸಲು ಆಗದಂತೆ ಮಾಡಲು ಅನುಮತಿಸುತ್ತದೆ.
01:20	ಹಾಗೂ, ಒಂದು ವೇಳೆ ಡೈರೆಕ್ಟರಿಗಳು ಇಲ್ಲದಿದ್ದರೆ, ಸಿಸ್ಟಮ್ ನಲ್ಲಿರುವ ಎಲ್ಲಾ ಫೈಲ್ ಗಳು ಒಂದೇ ಹೆಸರನ್ನು ಹೊಂದುತ್ತದೆ ಮತ್ತು ಇದನ್ನು ನಿರ್ವಹಿಸಲು ಕಷ್ಟಕರವಾಗಿರುತ್ತದೆ.
01:31	ಫೈಲ್ ಗಳ ಮತ್ತು ಡೈರೆಕ್ಟರಿಗಳ ಈ ವ್ಯಾಖ್ಯಾನಗಳು ಅವುಗಳ ಬಗ್ಗೆ ಸಾಮಾನ್ಯ ತಿಳುವಳಿಕೆ ಹೊಂದಲು ಸಹಾಯವಾದರೂ, ಅವು ಸಂಪೂರ್ಣವಾಗಿ ನಿಖರವಾಗುವುದಿಲ್ಲ.
01:42	ಒಂದು ಫೈಲ್ ಗೆ ಒಂದು ಹೆಸರಿರುತ್ತದೆ ಮತ್ತು ಅದು ಕೆಲವು ಪ್ರೊಪರ್ಟಿಸ್ ಗಳನ್ನು ಮತ್ತು ಅದರ ಆಡಳಿತಾತ್ಮಕ ಮಾಹಿತಿಗಳನ್ನು ಅಂದರೆ, ಫೈಲ್ ನ ರಚನೆ ಮತ್ತು ಮಾರ್ಪಡುವಿಕೆಯ ದಿನಾಂಕ ಮತ್ತು ಅದರ ಅನುಮತಿ ಇತ್ಯಾದಿಗಳನ್ನು ಹೊಂದಿರುತ್ತದೆ.
01:55	ಪ್ರೊಪರ್ಟಿಸ್ ಗಳು ಫೈಲ್ ನ ಇನೋಡ್ ನಲ್ಲಿ ಸಂಗ್ರಹವಾಗಿರುತ್ತದೆ. ಇನೋಡ್ ಅಂದರೆ ಫೈಲ್ ಸಿಸ್ಟಮ್ ನಲ್ಲಿರುವ ಡಾಟಾದ ವಿಶಿಷ್ಟ ಬ್ಲಾಕ್ ಆಗಿದ್ದು, ಇದು ಫೈಲ್ ನ ಉದ್ದ ಮತ್ತು ಇದು ಎಲ್ಲಿ ಸಂಗ್ರಹವಾಗಿರುತ್ತದೆ ಎಂಬುವುದನ್ನು ಹೊಂದಿರುತ್ತದೆ.
02:08	ಸಿಸ್ಟಮ್, ಫೈಲ್ಸ್ ನ ಅಸಂಖ್ಯಾತ ಇನೋಡ್ ಗಳನ್ನು ಉಪಯೋಗಿಸುತ್ತದೆ; ಡೈರೆಕ್ಟರಿ ರಚನೆಯು ನಮ್ಮ ಲಾಭಕ್ಕಾಗಿ ಫೈಲ್ಸ್ ಅನ್ನು ಹೆಸರಿಸುವುದರಿಂದ, ನಮಗೆ ದೊಡ್ಡ ಸಂಖ್ಯೆಗಳಿಗಿಂತ ಹೆಸರನ್ನು ನೆನಪಲ್ಲಿಡಲು ಸಹಾಯ ಮಾಡುತ್ತದೆ.
02:23	ವಾಸ್ತವವಾಗಿ, ಡೈರೆಕ್ಟರಿಯು ಇತರ ಫೈಲ್ಸ್ ಅನ್ನು ಸಂಗ್ರಹಿಸುವುದಿಲ್ಲ, ಮತ್ತು ಇದೇ ಒಂದು ಫೈಲ್ ಆಗಿದ್ದು, ಇದು ಇತರ ಫೈಲ್ಸ್ ಗಳ ಇನೋಡ್ ಸಂಖ್ಯೆಗಳನ್ನು ಮತ್ತು ಹೆಸರನ್ನು ಹೊಂದಿರುತ್ತದೆ. ಈ ವ್ಯಾಖ್ಯೆಯು ಇದರ ಸರಳೀಕೃತ ವ್ಯಾಖ್ಯಾನಕ್ಕೆ ವಿರುದ್ಧವಾಗಿದೆ.
02:37	ಅಲ್ಲದೇ, ಲಿನಕ್ಸ್ ನಲ್ಲಿ ಫೈಲ್ಸ್ ನ ಮೂರು ವಿಧಗಳಿವೆ:
02:41	1 ರೆಗ್ಯುಲರ್ ಫೈಲ್ಸ್ ಅಥವಾ ಆರ್ಡಿನರಿ ಫೈಲ್ಸ್: ಇದು ಕೆವಲ ಅಕ್ಷರಗಳ ಮಾಹಿತಿಯನ್ನು ಹೊಂದಿರುತ್ತದೆ.
02:48	2 ಡೈರೆಕ್ಟರಿಗಳು: ಇದು ಈಗಷ್ಟೇ ಹಿಂದಿನ ಸ್ಲೈಡ್ಸ್ ನಲ್ಲಿ ನೋಡಿದಂತೆ.
02:52	3 ಡಿವೈಸ್ ಫೈಲ್ಸ್: ಇಲ್ಲಿ ಲಿನಕ್ಸ್ ನಲ್ಲಿನ ಎಲ್ಲಾ ಹಾರ್ಡ್ವೇರ್ ಡಿವೈಸ್ ಗಳನ್ನು ಮತ್ತು ಪೆರಿಫೆರಲ್ಸ್ ಗಳನ್ನು ಫೈಲ್ಸ್ ನ ರೂಪದಲ್ಲಿ ಪ್ರದರ್ಶಿಸುತ್ತದೆ.
02:59	ಲಿನಕ್ಸ್ ನಲ್ಲಿ CD, ಹಾರ್ಡ್ ಡಿಸ್ಕ್ ಅಥವಾ ಯು ಎಸ್ ಬಿ ಸ್ಟಿಕ್ ಇವೆಲ್ಲವೂ ಕೂಡಾ ಫೈಲ್ ಗಳಾಗಿರುತ್ತದೆ. ಆದರೆ ಯಾಕೆ ಇದು ಹೀಗೆ ಎಂದರೆ, ಇದರಿಂದಾಗಿ ಈ ಉಪಕರಣಗಳನ್ನು ಸಾಮಾನ್ಯ ಫೈಲ್ ನಂತೆ ಓದಲು ಮತ್ತು ಬರೆಯಲು ಆಗುತ್ತದೆ.
03:15	ನಮ್ಮ ಕುಟುಂಬದಲ್ಲಿ ಹೇಗೆ ನಾವು ಪರಸ್ಪರ ಸಂಬಂಧಿಸಿದ್ದೇವೆಯೋ ಹಾಗೇ ಎಲ್ಲಾ ಫೈಲ್ ಗಳು ಲಿನಕ್ಸ್ ಗೆ ಸಂಬಂಧಿಸಿವೆ.
03:22	ಫೈಲ್ಸ್ ಮತ್ತು ಉಪ ಡೈರಕ್ಟರಿಗಳನ್ನು ಹೊಂದಿರುವ ಡೈರೆಕ್ಟರಿಯು ಪರಸ್ಪರ ಜನ್ಯ-ಜನಕಭಾವಸಂಬಂಧವನ್ನು ಹೊಂದಿರುತ್ತದೆ. ಹೀಗೆಯೇ, ಲಿನೆಕ್ಸ್ ನ ಫೈಲ್ ವ್ಯವಸ್ಥೆಯ ರೇಖಾವೃಕ್ಷವು ರಚಿತವಾಗುತ್ತದೆ.
03:34	ಮೇಲ್ಭಾಗದಲ್ಲಿ ರೂಟ್ ಇದೆ, ಅದು ಫ್ರಂಟ್ ಸ್ಲಾಶ್ (/) ನಿಂದ ಗುರುತಿಸಲಾಗಿದೆ. ಇದು ಇತರ ಎಲ್ಲಾ ಫೈಲ್ಸ್ ಮತ್ತು ಡೈರಕ್ಟರಿಗಳನ್ನು ಹೊಂದಿರುತ್ತದೆ.
03:42	ಒಂದು ವೇಳೆ ಸರಿಯಾದ ದಾರಿ ನಮಗೆ ತಿಳಿದಿದ್ದಲ್ಲಿ, ಒಂದು ಫೈಲ್ ನಿಂದ ಅಥವಾ ಒಂದು ಡೈರೆಕ್ಟರಿಯಿಂದ ಸುಲಭವಾಗಿ ಸಂಚರಿಸಲು ಇದು ಸಹಾಯ ಮಾಡುತ್ತದೆ.
03:51	ನಾವು ಲಿನಕ್ಸ್ ಫೈಲ್ ಸಿಸ್ಟಮ್ ನ ಜೊತೆ ಕೆಲಸ ಮಾಡುವಾಗ, ನಾವು ಈ ಟ್ರೀ ಜೊತಗೆ ಚಲಿಸಿದಂತೆ ತೋರುತ್ತದೆ.
03:56	ಒಂದು ಕಮಾಂಡ್ ನಿಂದ ನೀವು ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಚಲಿಸಬಹುದು.
04:01	ನಿಜವಾಗಿಯೂ ಕೇಳಲು ಆಸಕ್ತಿದಾಯಕವಾಗಿದೆ! ಹಾಗೆ ನಾವು ಮುಂದೆ ನೋಡೋಣ.
04:05	ನಾವು ಲಿನಕ್ಸ್ ಸಿಸ್ಟಮ್ ಗೆ ಲಾಗಿನ್ ಆದಾಗ ನಾವು ಡಿಫಾಲ್ಟ್ ಆಗಿ ಹೋಂ ಡೈರೆಕ್ಟರಿ ಅಲ್ಲಿ ಇರುತ್ತೇವೆ.
04:11	ಈಗ ಟರ್ಮಿನಲ್ ಗೆ ಹೋಗಿ.
04:13	ಉಬಂಟುವಿನಲ್ಲಿ ಟರ್ಮಿನಲ್ ಆರಂಭಿಸಲು Ctrl+alt+T ನೆರವಾಗುತ್ತದೆ.
04:17	ಎಲ್ಲಾ ಯುನಿಕ್ಸ್ ಸಿಸ್ಟಮ್ ನಲ್ಲಿ ಈ ಕಮಾಂಡ್ ಕೆಲಸ ಮಾಡುವುದಿಲ್ಲ. ಟರ್ಮಿನಲ್ ತೆರೆಯಲು ಸಾಮಾನ್ಯ ವಿಧಾನವನ್ನು ಈಗಾಗಲೇ ಮತ್ತೊಂದು ಸ್ಪೋಕನ್ ಟ್ಯುಟೋರಿಯಲ್ ನಲ್ಲಿ ವಿವರಿಸಲಾಗಿದೆ.
04:27	ಹೋಂ ಡೈರೆಕ್ಟರಿ ನೋಡಲು, ಕಮಾಂಡ್ ಪ್ರಾಂಪ್ಟ್ ನಲ್ಲಿ,"echo space dollar ದೊಡ್ಡ ಅಕ್ಷರದಲ್ಲಿ H-O-M-E" ಎಂದು ಟೈಪ್ ಮಾಡಿ Enter ಒತ್ತಿ.
04:40	ಇದು ನಮ್ಮ ಹೋಂ ಡೈರೆಕ್ಟರಿಯ ಪಾತ್ ನೇಮ್ ಕೊಡುತ್ತದೆ.
04:44	ನಾವು ಒಂದು ಡೈರೆಕ್ಟರಿಯಿಂದ ಇನ್ನೊಂದು ಡೈರೆಕ್ಟರಿಗೆ ಚಲಿಸಬಹುದಾಗಿದೆ.
04:47	ಆದರೆ, ನಾವು ಯಾವ ಡೈರೆಕ್ಟರಿಯಲ್ಲಿ ಇದ್ದೇವೆಯೋ ಅದನ್ನು ಕರೆಂಟ್ ಡೈರೆಕ್ಟರಿ ಅಥವಾ ವರ್ಕಿಂಗ್ ಡೈರೆಕ್ಟರಿ ಎಂದು ಕರಯುತ್ತೇವೆ. ಈಗ ಸ್ಲೈಡ್ಸ್ ಗೆ ಹಿಂತಿರುಗಿ.
04:56	pwd ಕಮಾಂಡ್ ನಮಗೆ ಕರೆಂಟ್ ಡೈರೆಕ್ಟರಿಯನ್ನು ನೋಡಲು ಸಹಾಯ ಮಾಡುತ್ತದೆ. pwd ಯು ಪ್ರಸ್ತುತ ವರ್ಕಿಂಗ್ ಡೈರೆಕ್ಟರಿ ಆಗಿದೆ.
05:03	ಕಮಾಂಡ್ ಪ್ರಾಂಪ್ಟ್ ಅಲ್ಲಿ "pwd" ಎಂದು ಟೈಪ್ ಮಾಡಿ Enter ಒತ್ತಿ. ಈಗ ಇದು ನಮ್ಮ ಪ್ರಸ್ತುತ ವರ್ಕಿಂಗ್ ಡೈರೆಕ್ಟರಿ ಆಗಿದೆ.
05:13	ನಾವು ಒಂದು ಡೈರೆಕ್ಟರಿ ಇಂದ ಇನ್ನೊಂದಕ್ಕೆ ಚಲಿಸಬಹುದು ಎಂದು ಹೇಳಿದ್ದೇವೆ.
05:17	ಆದರೆ ಅದನ್ನು ನಾವು ಹೇಗೆ ಮಾಡಬಹುದು? ಅದಕ್ಕಾಗಿ ನಮ್ಮ ಬಳಿ cd ಕಮಾಂಡ್ ಇದೆ.
05:22	ನೀವು ಸ್ಥಾನಪಲ್ಲಟ ಮಾಡಬೇಕಾದ ಡೈರೆಕ್ಟರಿಯ ಪಾತ್ ನೇಮ್ ಅನ್ನು ಅನುಸರಿಸಿ ಕಮಾಂಡ್ cd ಬರೆಯಬೇಕು.
05:28	ಮತ್ತೊಮ್ಮೆ ಕರೆಂಟ್ ಡೈರೆಕ್ಟರಿ ಗೆ ಹೋಗಲು ಕಮಾಂಡ್ ಪ್ರಾಂಪ್ಟ್ ನಲ್ಲಿ pwd ಟೈಪ್ ಮಾಡಿ ನಂತರ Enter ಒತ್ತಿ.
05:37	ಅಂದ ಹಾಗೆ, ಈಗ ನಾವು ಈ ಡೈರೆಕ್ಟರಿಯಲ್ಲಿ ಇದ್ದೇವೆ.
05:41	ಈಗ ನಾವು slash usr directory ಗೆ ಹೋಗಲಿಚ್ಛಿಸಿದಲ್ಲಿ "cd ಸ್ಪೇಸ್ ಸ್ಲಾಶ್(/) usr" ಎಂದು ಟೈಪ್ ಮಾಡಿ Enter ಒತ್ತಿ. ನೆನಪಿಡಿ ಲಿನೆಕ್ಸ್ನಲ್ಲಿ ಸ್ಲಾಶ್ ಅಂದರೆ ಫ್ರಂಟ್ ಸ್ಲಾಶ್ ಆಗಿದೆ.
05:56	ಈಗ ನಾವು ನಮ್ಮ ಕರೆಂಟ್ ಡೈರೆಕ್ಟರಿಯನ್ನು ನೋಡೋಣ, pwd ಬರೆದು Enter ಒತ್ತಿ.
06:03	ಹೌದು, ಈಗ ನಾವು ಸ್ಲಾಶ್ usr ಡೈರೆಕ್ಟರಿಗೆ ಸ್ಥಳಾಂತರಗೊಂಡಿದ್ದೇವೆ.
06:08	ಇಲ್ಲಿರುವ ಸಮಸ್ಯೆ ಎಂದರೆ ಪಾತ್ ನ ಹೆಸರುಗಳು ತುಂಬಾ ಉದ್ದವಾಗಿರುತ್ತವೆ. ಏಕೆಂದರೆ ಇದು ರೂಟ್ ಡೈರೆಕ್ಟರಿಯಿಂದ ಹಿಡಿದು ಈವರೆಗಿನ ಎಲ್ಲಾ ಫೈಲ್ ಗಳ ಪರಿಪೂರ್ಣ ಹೆಸರನ್ನು ಹೊಂದಿರುತ್ತದೆ.
06:18	ಅದರ ಬದಲಾಗಿ ನೀವು ಕರೆಂಟ್ ಡೈರೆಕ್ಟರಿ ಇಂದ ಪ್ರಾರಂಭವಾಗುವ ಸಂಬಂಧಿತ ಪಾತ್ ನೇಮ್ ಗಳನ್ನು ಉಪಯೋಗಿಸಬಹುದು.
06:23	ಇಲ್ಲಿ ನಾವು ಎರಡು ವಿಶೇಷ ಅಕ್ಷರಗಳನ್ನು ತಿಳಿಯಬೇಕು.ಡಾಟ್ (.) ಎಂಬುದು ಕರೆಂಟ್ ಡೈರೆಕ್ಟರಿಯನ್ನು ಪ್ರತಿನಿಧಿಸುತ್ತದೆ ಮತ್ತು ಡಾಟ್ ಡಾಟ್ (..) ಕರೆಂಟ್ ಡೈರೆಕ್ಟರಿಯ ಮೂಲ ಡೈರೆಕ್ಟರಿಯನ್ನು ಪ್ರತಿನಿಧಿಸುತ್ತದೆ.
06:36	ಈಗ ನಾವು cd ಕಮಾಂಡ್ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಪಡೆಯೋಣ.
06:40	ಯಾವುದೇ ಆರ್ಗ್ಯುಮೆಂಟ್ ಗಳಿಲ್ಲದ cd ಕಮಾಂಡ್ ಅನ್ನು ಹೋಮ್ ಡೈರೆಕ್ಟರಿಗೆ ಹಿಂದಿರುಗಲು ಬಳಸಲಾಗುತ್ತದೆ.
06:46	ಪ್ರಾಂಪ್ಟ್ ನಲ್ಲಿ "cd" ಎಂದು ಕಮಾಂಡ್ ಬರೆದು Enter ಒತ್ತಿ.
06:51	ಈಗ ನಿಮ್ಮ ಕರೆಂಟ್ ಡೈರೆಕ್ಟರಿಯನ್ನು pwd ಕಮಾಂಡ್ ಮೂಲಕ ಚೆಕ್ ಮಾಡಿ.
06:55	ಈಗ ನಾವು ನಮ್ಮ ಹೋಂ ಡೈರೆಕ್ಟರಿಯಲ್ಲಿ ಇದ್ದೇವೆ./home/gnuhata [narration- ಸ್ಲಾಶ್ ಹೋಂ ಸ್ಲಾಶ್ gnuhata]
07:01	ಈಗ ಮ್ಯೂಸಿಕ್ ಡೈರೆಕ್ಟರಿಗೆ ಚಲಿಸೋಣ. ಕಮಾಂಡ್ ಪ್ರಾಂಪ್ಟ್ ಅಲ್ಲಿ "cd ಸ್ಪೇಸ್ Music (M ಕ್ಯಾಪಿಟಲ್ ನಲ್ಲಿ) ಸ್ಲಾಶ್" ಎಂದು ಬರೆದು Enter ಒತ್ತಿ.
07:13	ಈಗ pwd ಕಮಾಂಡ್ ನಿಂದ ನಮ್ಮ ಕರೆಂಟ್ ಡೈರೆಕ್ಟರಿಯನ್ನು ಪರಿಶೀಲಿಸಿ. pwd ಬರೆದು Enter ಒತ್ತಿ. ನೋಡಿ, ನಾವು ಈಗ /home/gnuhata/Music ಗೆ ಬಂದೆವು.
07:26	ನಾವು ಮ್ಯೂಸಿಕ್ ಡೈರೆಕ್ಟರಿಯಿಂದ ಮೂಲ ಡೈರೆಕ್ಟರಿಗೆ ಹೋಗೋಣ. ಅದಕ್ಕಾಗಿ ನೀವು cd ಕಮಾಂಡ್ ಜೊತೆ ಡಾಟ್ ಡಾಟ್ (..) ಅನ್ನು ಬಳಸಬೇಕು.
07:33	ಕಮಾಂಡ್ ಪ್ರಾಂಪ್ಟ್ ನಲ್ಲಿ cd ಸ್ಪೇಸ್ ಡಾಟ್ ಡಾಟ್ (..) ಎಂದು ಟೈಪ್ ಮಾಡಿ Enter ಕೀಯನ್ನು ಓತ್ತಿರಿ.
07:40	ಈಗ pwd ಯನ್ನು ಟೈಪ್ ಮಾಡುವ ಮೂಲಕ ನಮ್ಮ ಪ್ರಸ್ತುತ ಡೈರೆಕ್ಟರಿಯನ್ನು ಪರಿಶೀಲಿಸೋಣ. ನಾವು ಮತ್ತೊಮ್ಮೆ /home/gnuhata ದಲ್ಲಿ ಇದ್ದೇವೆ.
07:51	ಈಗ ಡಾಟ್ ಬಳಸಿಕೊಂಡು ಕರೆಂಟ್ ಡೈರೆಕ್ಟರಿಯ ಒಂದು ಉಪ ಡೈರೆಕ್ಟರಿಯನ್ನು ಸ್ಥಳಾಂತರಿಸಲು ಪ್ರಯತ್ನಿಸೋಣ.
07:58	ಕಮಾಂಡ್ ಪ್ರಾಂಪ್ಟ್ ನಲ್ಲಿ cd ಸ್ಪೇಸ್ ಡಾಟ್ (.) ಸ್ಲಾಶ್ (/) Dacuments (D ಕ್ಯಾಪಿಟಲ್ ನಲ್ಲಿ) ಸ್ಲಾಶ್ (/) ಎಂದು ಟೈಪ್ ಮಾಡಿ Enter ಕೀಯನ್ನು ಒತ್ತಿ.
08:09	pwd ಯನ್ನು ಬರೆಯುವ ಮೂಲಕ ನಮ್ಮ ಕರೆಂಟ್ ಡೈರೆಕ್ಟರಿಯನ್ನು ಪರಿಶೀಲಿಸಿ. ನಾವು ಇವಾಗ /home/gnuhata/Documents ನಲ್ಲಿ ಇದ್ದೇವೆ.
08:19	control L ಅನ್ನು ಬಳಸಿ ಸ್ಕ್ರೀನ್ ಅನ್ನು ಖಾಲಿ ಮಾಡೋಣ. ಇದರಿಂದ ನೀವು ಸ್ಪಷ್ಟವಾಗಿ ನೋಡಬಹುದು.
08:23	cd ಎಂದು ಟೈಪ್ ಮಾಡಿ Enter ಪ್ರೆಸ್ ಮಾಡಿ.
08:32	ಮತ್ತೊಮ್ಮೆ pwd ಕಮಾಂಡ್ ನ ಮೂಲಕ ನಮ್ಮ ಕರೆಂಟ್ ಡೈರೆಕ್ಟರಿಯನ್ನು ಪರಿಶೀಲಿಸಿ. ನಾವು /home/gnuhata ಗೆ ಹಿಂದಕ್ಕೆ ಬಂದೆವು
08:41	ನಾವು ಸ್ಲಾಶ್ (/) ನಿಂದ ಬೇರ್ಪಟ್ಟಿರುವ ಎಷ್ಟು ಡಾಟ್ ಡಾಟ್ (..) ಗಳನ್ನೂ ಕೂಡಾ ಅದಕ್ಕೆ ಸಂಬಂಧಿಸಿದ ಮಾರ್ಗದಲ್ಲಿ ಒಂದುಗೂಡಿಸಬಹುದು.
08:47	ಈ ಸ್ಲೈಡ್ ನಲ್ಲಿ, ನಾವು ಫೈಲ್ ಸಿಸ್ಟಮ್ ಕ್ರಮಾನುಗತವನ್ನು ನೋಡಬಹುದು. ಮೇಲ್ಗಡೆ ರೂಟ್ ಅಥವಾ / ಇದೆ. ಹೋಂ ಮತ್ತು ಬಿನ್ ಎಂಬುದು ರೂಟ್ ನ ಕೆಳಗಿರುವ ಉಪ ಡೈರೆಕ್ಟರಿಗಳು. ಯುಸರ್ ನೇಮ್ ನಲ್ಲಿ, gnuhata ಎಂಬ ಹೆಸರಿನ ಸಬ್ ಡೈರೆಕ್ಟರಿಯು ಹೋಂ ನ ಕೆಳಗಿದೆ.
09:05	ಆದ್ದರಿಂದ, ಈಗ ನಾವು /home/gnuhata ದಲ್ಲಿ ಇರುತ್ತೇವೆ. ಈಗ ನಾವು ಬಿನ್ ಡೈರೆಕ್ಟರಿಗೆ ಹೋಗಲು ಹೇಗೆ ಸಾಧ್ಯ?
09:12	ಕಮಾಂಡ್ ಪ್ರಾಂಪ್ಟ್ ನಲ್ಲಿ"cd ಸ್ಪೇಸ್ ಡಾಟ್ ಡಾಟ್ (..) ಸ್ಲಾಶ್ (/) ಡಾಟ್ ಡಾಟ್ (..) ಸ್ಲಾಶ್ (/) bin" ಎಂದು ಬರೆದು Enter ಒತ್ತಿ.
09:23	pwd ಕಾಮಂಡ್ ನ ಮೂಲಕ ನಮ್ಮ ಕರೆಂಟ್ ಡೈರೆಕ್ಟರಿಯನ್ನು ಪರಿಶೀಲಿಸೋಣ.ನಾವು ಈಗ /bin ನಲ್ಲಿ ಇರುತ್ತೇವೆ.
09:30	ಮೊದಲ ಡಾಟ್ ಡಾಟ್ (..) ನಮ್ಮನ್ನು ಸ್ಲಾಶ್ (/) home ಸ್ಲಾಶ್ (/) gnuhata ದಿಂದ ಸ್ಲಾಶ್ (/) home ಗೆ ಕರೆದೊಯ್ಯುತ್ತದೆ.
09:37	ಮುಂದೆ ನಮ್ಮನ್ನು ಸ್ಲಾಶ್ (/) home ನಿಂದ root ಗೆ ಕರೆದೊಯ್ಯುತ್ತದೆ.
09:43	ಈಗ ನಾವು ಸ್ಲಾಶ್ (/) ಅಥವಾ root ನಿಂದ, ಸ್ಲಾಶ್ (/) bin ಡೈರೆಕ್ಟರಿ ಗೆ ಸ್ಥಳಾಂತರಗೊಂಡಿದ್ದೇವೆ.
09:48	ಕಮಾಂಡ್ cd ಯ ಮೂಲಕ ನಮ್ಮ ಹೋಂ ಡೈರೆಕ್ಟರಿ ಗೆ ಹಿಂದಿರುಗಿ.
09:52	ಒಂದು ಡೈರೆಕ್ಟರಿಯನ್ನು ರಚಿಸಲು ನಾವು mkdir ಕಮಾಂಡ್ ಅನ್ನು ಬಳಸುತ್ತೇವೆ.
09:56	ನೀವು ಕಮಾಂಡ್ ಮತ್ತು ರಚಿಸಬೇಕಾದ ಡೈರೆಕ್ಟರಿಯ ಹೆಸರನ್ನು ಟೈಪ್ ಮಾಡಬೇಕು, ಆಗ ಒಂದು ಡೈರೆಕ್ಟರಿಯು ಕರೆಂಟ್ ಡೈರೆಕ್ಟರಿಯ ಕೆಳಗೆ ರಚಿಸಲ್ಪಡುತ್ತದೆ.
10:04	testdir ಎಂಬ ಹೆಸರಿನ ಡೈರೆಕ್ಟರಿ ರಚಿಸಲು "mkdir ಸ್ಪೇಸ್ testdir" ಎಂದು ಕಮಾಂಡ್ ಟೈಪ್ ಮಾಡಿ Enter ಒತ್ತಿ.
10:15	ಇದು testdir ಡೈರೆಕ್ಟರಿಯನ್ನು ಯಶಸ್ವಿಯಾಗಿ ರಚಿಸುತ್ತದೆ.
10:19	ಗಮನಿಸಿ, ಇಲ್ಲಿ ಡೈರೆಕ್ಟರಿಯನ್ನು ಯಶಸ್ವಿಯಾಗಿ ರಚಿಸಿದ್ದಕ್ಕೆ ಅಥವಾ ತೆಗೆದದ್ದಕ್ಕೆ ಯಾವುದೇ ಸ್ಪಷ್ಟ ಸೂಚನೆ ಇರುವುದಿಲ್ಲ.
10:25	ನೀವು ಯಾವುದೇ ಎರರ್ ಸಂದೇಶವನ್ನು ಪಡೆಯದಿದ್ದಲ್ಲಿ, ಇದು ಯಶಸ್ವಿ ನಿರ್ವಹಣೆಯನ್ನು ಸೂಚಿಸುತ್ತದೆ.
10:30	ಟ್ರೀಯಲ್ಲಿ ನಾವು ಎಲ್ಲಾದರೂ ಒಂದು ಡೈರೆಕ್ಟರಿಯನ್ನು ರಚಿಸಲು ಸಂಬಂಧಿತವಾದ ಅಥವಾ ಸಂಪೂರ್ಣವಾದ ಪಾತ್ ನೇಮ್ ಅನ್ನು ಬಳಸಬಹುದಾಗಿದೆ, ಆದರೆ ನಾವು ಹಾಗೆ ಮಾಡಲು ಅನುಮತಿ ಇರಬೇಕು ಹಾಗೂ ಆ ಹೆಸರಿನ ಡೈರೆಕ್ಟರಿಯು ಈಗಾಗಲೇ ಅಸ್ತಿತ್ವದಲ್ಲಿರಬಾರದು.
10:43	ಈ ಪ್ರಕ್ರಿಯೆಯನ್ನು ಅನೇಕ ಡೈರೆಕ್ಟರಿಯನ್ನು ಮಾಡಲು ಅಥವಾ ಡೈರೆಕ್ಟರಿಗಳ ಕ್ರಮವನ್ನು ನಿರ್ಧರಿಸಲು ಬಳಸಬಹುದು.
10:49	"mkdir ಸ್ಪೇಸ್ test1 ಸ್ಪೇಸ್ test2" ಎಂದು ಟೈಪ್ ಮಾಡಿ Enter ಒತ್ತಿ, ಇದು ಪ್ರಸ್ತುತ ಡೈರೆಕ್ಟರಿಯ ಕೆಳಗೆ test1 ಮತ್ತು test2 ಎಂಬ ಎರಡು ಡೈರಕ್ಟರಿಗಳನ್ನು ರಚಿಸುತ್ತದೆ.
11:06	"mkdir ಸ್ಪೇಸ್ testtree ಸ್ಪೇಸ್ testtree ಸ್ಲಾಶ್ (/) test3" ಎಂದು ಟೈಪ್ ಮಾಡಿ.
11:20	ಇದು ಒಂದು testtree ಡೈರೆಕ್ಟರಿಯನ್ನು ರಚಿಸುತ್ತದೆ ಮತ್ತು ಇನ್ನೊಂದು ಡೈರೆಕ್ಟರಿ test3 ಇದು testtree ಕೆಳಗೆ ಒಂದು ಉಪ ಡೈರೆಕ್ಟರಿ ಆಗಿದೆ.
11:28	ಆದ್ದರಿಂದ, ನಾವು ಕರೆಂಟ್ ಡೈರೆಕ್ಟರಿಯಲ್ಲಿ 4 ಡೈರಕ್ಟರಿಗಳನ್ನು ತಯಾರಿಸಿದ್ದೇವೆ. ಅವುಗಳೆಂದರೆ testdir, test1, test2 ಮತ್ತು testtree, ಇದರಲ್ಲಿ ಮೊದಲ ಮೂರು ಖಾಲಿಯಾಗಿರುತ್ತದೆ ಮತ್ತು ಕೊನೆಯಲ್ಲಿ ಒಂದು ಉಪಡೈರೆಕ್ಟರಿ ಹೊಂದಿರುತ್ತದೆ ಅವೆಂದರೆ test3.
11:47	mkdir ನ ಹಾಗೆ, rmdir ಕಮಾಂಡ್ ಅನ್ನು ಡೈರೆಕ್ಟರಿ ಅಥವಾ ಡೈರಕ್ಟರಿಸ್ ಗಳನ್ನು ತೆಗೆಯಲು ಬಳಸುತ್ತೇವೆ.
11:56	"rmdir ಸ್ಪೇಸ್ test1" ಕಮಾಂಡ್ test1 ಡೈರೆಕ್ಟರಿಯನ್ನು ಯಶಸ್ವಿಯಾಗಿ ತೆಗೆದುಹಾಕುತ್ತದೆ.
12:09	ಒಂದು ಡೈರೆಕ್ಟರಿಯನ್ನು ತೆಗೆಯಬೇಕಾದರೆ, ನೀವು ಅದರ ಓನರ್ ಆಗಿರಬೇಕು, ನಿಮ್ಮ ಪ್ರಸ್ತುತ ಡೈರೆಕ್ಟರಿಯು ಹೈರಾರ್ಕಿಯಲ್ಲಿ ತೆಗೆಯಬೇಕಾದ ಡೈರೆಕ್ಟರಿಯ ಮೇಲ್ಗಡೆಯಲ್ಲಿರಬೇಕು ಮತ್ತು ಆ ಡೈರೆಕ್ಟರಿಯು ಖಾಲಿ ಆಗಿರಬೇಕು.
12:23	ಈಗ ಕಮಾಂಡ್ ಪ್ರಾಂಪ್ಟ್ ನಲ್ಲಿ "cd ಸ್ಪೇಸ್ testtree ಸ್ಲಾಶ್ (/) test3" ಎಂದು ಟೈಪ್ ಮಾಡಿ.
12:35	ನಾವು ಈಗ testtree ಡೈರೆಕ್ಟರಿಯ ಉಪಡೈರೆಕ್ಟರಿ test3 ಡೈರೆಕ್ಟರಿಯಲ್ಲಿ ಇದ್ದೇವೆ.
12:42	"rmdir ಸ್ಪೇಸ್ testdir" ಕಮಾಂಡ್ ಟೈಪ್ ಮಾಡುವ ಮೂಲಕ testdir ಡೈರೆಕ್ಟರಿಯನ್ನು ತೆಗೆದುಹಾಕಲು ಪ್ರಯತ್ನಿಸೋಣ. Enter ಒತ್ತಿರಿ.
12:55	ಹಾಗೆ ಮಾಡಲು ಸಾಧ್ಯವಿಲ್ಲ ಎಂಬುದನ್ನು ನಾವು ಗಮನಿಸಬಹುದು. ಏಕೆಂದರೆ, ಪ್ರಸ್ತುತ ಡೈರೆಕ್ಟರಿಯು ಹೈರಾರ್ಕಿಯಲ್ಲಿ, ತೆಗೆಯಬೇಕಾಗಿರುವ ಡೈರೆಕ್ಟರಿಯ ಮೇಲ್ಗಡೆ ಇಲ್ಲ.
13:02	ಆದ್ದರಿಂದ ಈಗ ನಾವು ಹೈರಾರ್ಕಿಯಲ್ಲಿ testdir ಡೈರೆಕ್ಟರಿಯ ಮೇಲ್ಗಡೆ ಇರುವ ಡೈರೆಕ್ಟರಿಗೆ ಹೋಗಬೇಕು.
13:08	"cd ಸ್ಪೇಸ್ ಡಾಟ್ ಡಾಟ್ (..)" ಟೈಪ್ ಮಾಡಿ Enter ಒತ್ತಿ.
13:14	ಈಗ, "cd ಸ್ಪೇಸ್ ಡಾಟ್ ಡಾಟ್ (..)" ಕಮಾಂಡ್ ಬರೆಯುವ ಮೂಲಕ ಮೂಲ ಡೈರೆಕ್ಟರಿಗೆ ಹೋಗಿ.
13:20	ಈಗ, ಮತ್ತೊಮ್ಮೆ ಹಿಂದಿನ ಕಮಾಂಡ್ ಅನ್ನು ಪ್ರಯತ್ನಿಸಿ.
13:24	"rmdir ಸ್ಪೇಸ್ testdir" ಎಂದು ಟೈಪ್ ಮಾಡಿ Enter ಒತ್ತಿ.
13:30	testdir ಡೈರೆಕ್ಟರಿ ಯಶಸ್ವಿಯಾಗಿ ಡಿಲಿಟ್ ಆಗಿದೆ. testdir ಡೈರೆಕ್ಟರಿ ಖಾಲಿಯಿದೆ ಎಂಬುದನ್ನೂ ಗಮನಿಸಿ.
13:38	ಅನೇಕ ಡೈರಕ್ಟರಿಗಳನ್ನು ಅಥವಾ ಕ್ರಮಬದ್ಧವಾದ ಡೈರಕ್ಟರಿಗಳನ್ನು ಒಮ್ಮೆಗೇ ತೆಗೆದುಹಾಕಬಹುದು. ಅದ್ದರಿಂದ, ಉಪಡೈರಕ್ಟರಿ test3 ಜೊತೆಗೆ testtree ಡೈರಕ್ಟರಿಯನ್ನೂ ಡಿಲಿಟ್ ಮಾಡಲು ಪ್ರಯತ್ನಿಸಿ.
13:48	ಕಮಾಂಡ್ ಪ್ರಾಂಪ್ಟ್ ನಲ್ಲಿ "rmdir ಸ್ಪೇಸ್ testtree ಸ್ಪೇಸ್ testtree ಸ್ಲಾಶ್ (/) test3" ಎಂದು ಟೈಪ್ ಮಾಡಿ Enter ಒತ್ತಿ.
14:02	ನೋಡಿ, testtree ಖಾಲಿ ಇಲ್ಲದ ಕಾರಣ 'testree' ಡೈರಕ್ಟರಿ ತೆಗೆದುಹಾಕಲು ಸಾಧ್ಯವಿಲ್ಲ ಎಂದು ಎರರ್ ಸಂದೇಶವು ನೀಡುತ್ತದೆ.
14:11	ಆದರೆ, ನೀವು ಒಂದನ್ನು ಮರೆಯಬಹುದು, ಏನೆಂದರೆ, testtree ಅಥವಾ test3 ಖಾಲಿಯಾಗಿರುವ ಕಾರಣ, ಅವುಗಳು ಡಿಲೀಟ್ ಆಗಿರುತ್ತವೆ.
14:19	ಅದನ್ನು ಪರಿಶೀಲಿಸಲು, ಕಮಾಂಡ್ ಪ್ರಾಂಪ್ಟ್ ನಲ್ಲಿ "cd ಸ್ಪೇಸ್ testtree" ಬರೆದು Enter ಒತ್ತಿ.
14:27	ಈಗ "ls" ಎಂದು ಟೈಪ್ ಮಾಡಿ Enter ಒತ್ತಿ. ನೋಡಿ, ಡೈರಕ್ಟರಿಯಲ್ಲಿ ಏನು ಇಲ್ಲ, ಆದ್ದರಿಂದ, test3 ಡಿಲಿಟ್ ಆಗಿದೆ.
14:36	ಈ ಲಿನಕ್ಸ್ ಟ್ಯುಟೋರಿಯಲ್ ನಲ್ಲಿ ನಾವು ಲಿನಕ್ಸ್ ಫೈಲ್ಸ್ ಮತ್ತು ಡೈರಕ್ಟರಿಸ್ ಬಗ್ಗೆ ಕಲಿತೆವು ಮತ್ತು ಡೈರಕ್ಟರಿಗಳ ಜೊತೆ ಹೇಗೆ ಕೆಲಸ ಮಾಡುವುದು, ಅವುಗಳನ್ನು ನೋಡುವುದು, ಅವುಗಳ ನಡುವೆ ಸಂಚರಿಸುವುದು, ತೆಗೆದು ಹಾಕುವುದು, ಮುಂತಾದವುಗಳ ಬಗ್ಗೆ ಕಲಿತೆವು.
14:49	ಇದು ನಮ್ಮನ್ನು ಈ ಟ್ಯುಟೋರಿಯಲ್ ನ ಮುಕ್ತಾಯಕ್ಕೆ ತರುತ್ತದೆ. ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್ Talk to a Teacher ಎಂಬ ಪರಿಯೋಜನೆಯ ಭಾಗವಾಗಿದೆ. ಈ ಪ್ರಕಲ್ಪವನ್ನು ರಾಷ್ಟ್ರಿಯ ಸಾಕ್ಷರತಾ ಮಿಷನ್ ICT, MHRD ಭಾರತ ಸರ್ಕಾರ ಎಂಬ ಸಂಸ್ಥೆಯು ಸಮರ್ಥಿಸಿದೆ.
15:03	ಇದರ ಬಗ್ಗೆ ಹೆಚ್ಚಿನ ಮಾಹಿತಿಯು ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿದೆ.
15:08	ಈ ಪಾಠದ ಅನುವಾದಕ ಮತ್ತು ಪ್ರವಾಚಕ ಐ. ಐ. ಟಿ. ಬಾಂಬೆಯಿಂದ ವಾಸುದೇವ. ಧನ್ಯವಾದಗಳು.

Contributors and Content Editors

Gaurav, Pratik kamble, Udaya, Vasudeva ahitanal