Linux/C2/Basic-Commands/Kannada

Time	Narration
00:00	ಪ್ರಿಯ ಸ್ನೇಹಿತರೆ, ಲಿನಕ್ಸ್ ಆಪರೇಟಿಂಗ್ ಸಿಸ್ಟಮ್ ನ ಸ್ಪೋಕನ್ ಟ್ಯುಟೋರಿಯಲ್ ಗೆ ತಮಗೆಲ್ಲರಿಗೂ ಸ್ವಾಗತ.
00:05	ಈ ಟ್ಯುಟೋರಿಯಲ್ ನಲ್ಲಿ, ನಾವು ಕೆಲವು ಮೂಲಭೂತ ಕಮಾಂಡ್ ಗಳ ಬಗ್ಗೆ ಕಲಿಯುತ್ತೇವೆ.
00:10	ನಾನು ಉಬಂಟು 10.04 ಅನ್ನು ಬಳಸುತ್ತಿದ್ದೇನೆ.
00:12	ನೀವು ಲಿನಕ್ಸ್ ಆಪರೇಟಿಂಗ್ ಸಿಸ್ಟಮ್ ಅನ್ನು ಹೇಗೆ ಆರಂಭಿಸುವುದು ಎಂಬುದನ್ನು ತಿಳಿದಿರುವಿರಿ ಎಂದು ಭಾವಿಸುತ್ತೇವೆ.
00:17	ನೀವು ಆಸಕ್ತರಿದ್ದಲ್ಲಿ, ಈ ಕೆಳಗಿನ ವೆಬ್ಸೈಟ್ ನಲ್ಲಿರುವ ಇನ್ನೊಂದು ಸ್ಪೋಕನ್ ಟ್ಯುಟೋರಿಯಲ್ ನಲ್ಲಿ ಇದು ಲಭ್ಯವಿದೆ.
00:26	ಈ ಟ್ಯುಟೋರಿಯಲ್ ನಲ್ಲಿ, ನಾವು ಕಮಾಂಡ್ ಗಳು ಮತ್ತು ಕಮಾಂಡ್ ನ ಇಂಟರ್-ಪ್ರಿಟರ್ ಎಂದರೇನು ಎಂಬುವುದನ್ನು ನೋಡುತ್ತೇವೆ.
00:33	ನಂತರ ನಾವು ಮ್ಯಾನ್ ಕಮಾಂಡ್ ನ್ನು ಬಳಸಿಕೊಂಡು ಲಿನಕ್ಸ್ ನಲ್ಲಿ ಸಹಾಯ ಪಡೆಯುವ ಬಗ್ಗೆ ಕಲಿಯೋಣ.
00:39	ಈಗ ಮೊದಲ ಪ್ರಶ್ನೆ "ಕಮಾಂಡ್ ಗಳು ಎಂದರೇನು?".
00:43	ಸರಳ ಪದಗಳಲ್ಲಿ ಹೇಳುವುದಾದರೆ, ಯಾವ ಶಬ್ದಗಳನ್ನು ಉಪಯೋಗಿಸಿದಾಗ ಕೆಲವು ಕ್ರಿಯೆಗಳು ಕಾರ್ಯಗತಗೊಳ್ಳುತ್ತವೆಯೋ ಅವುಗಳೇ ಲಿನೆಕ್ಸ್ ನ ಕಮಾಂಡ್ ಗಳು.
00:52	ls, who, ps ಮುಂತಾದವುಗಳಂತೆ, ಲಿನಕ್ಸ್ ಕಮಾಂಡ್ ಗಳು ನಾಲ್ಕು ಅಕ್ಷರಗಳಿಗಿಂತ ಹೆಚ್ಚಾಗಿರುವ ಸಾಧ್ಯತೆ ಕಡಿಮೆ.
00:59	ಕಮಾಂಡ್ ಗಳು ಲೋವರ್ ಕೇಸ್ ನಲ್ಲಿ ಇರುತ್ತವೆ ಮತ್ತು ಅವು ಕೇಸ್ ಸೆನ್ಸಿಟಿವ್ ಆಗಿರುತ್ತದೆ. ಈಗ ಒಂದು ಉದಾಹರಣೆ ನೋಡೋಣ.
01:05	Applications ಮೆನ್ಯುವಿಗೆ ಹೋಗಿ.
01:08	Accessories ಅನ್ನು ಸೆಲೆಕ್ಟ್ ಮಾಡಿ ನಂತರ ಲಭ್ಯವಿರುವ ಆಯ್ಕೆಗಳಲ್ಲಿ Terminal ಅನ್ನು ಕ್ಲಿಕ್ ಮಾಡಿ.
01:14	ಅಥವಾ ಟರ್ಮಿನಲ್ ವಿಂಡೋವನ್ನು ತೆರೆಯಲು ನಿಮ್ಮ ಕೀಬೋರ್ಡ್ ನಲ್ಲಿ Ctrl, Alt ಮತ್ತು t ಅನ್ನು ಒಟ್ಟಿಗೆ ಒತ್ತಿ.
01:20	ಈಗ ನಾವು ಪ್ರಾಂಪ್ಟ್ ($) ಮತ್ತು ಅದರ ಮುಂದೆ ಬ್ಲಿಂಕಿಂಗ್ ಕರ್ಸರ್ ಅನ್ನು ನೋಡಬಹುದು. ಇಲ್ಲಿ ನಾವು ಕಮಾಂಡ್ ನ್ನು ಬರೆಯಬೇಕು.
01:29	Who ಎಂಬ ಪದವನ್ನು ಬರೆಯಿರಿ ಮತ್ತು ಎಂಟರ್ ಒತ್ತಿ.
01:34	ನಾವು ಲಾಗ್ ಇನ್ ಆಗಿರುವ ಯುಸರ್ ನ ಹೆಸರುಗಳನ್ನು ನೋಡಬಹುದು. ನಿಜವಾಗಿ ನಾವು ಕೇವಲ who ಎಂಬ ಕಮಾಂಡ್ ನ್ನು ಹೊರಡಿಸಿರುತ್ತೇವೆ, ಇದು ಯಾರೆಲ್ಲ ಸಿಸ್ಟಮ್ ನಲ್ಲಿ ಲಾಗ್ ಇನ್ ಆಗಿರುತ್ತಾರೆ ಎಂಬ ಮಾಹಿತಿಯನ್ನು ನೀಡುತ್ತದೆ.
01:47	ಆದರೆ ಈ ಕಮಾಂಡ್ ನ್ನು ಕ್ರಿಯೆಯನ್ನಾಗಿ ಪರಿವರ್ತಿಸುವ ಕೆಲ ಅಕ್ಷರಗಳ ಆ ಘಟಕವು ಯಾವುದು?
01:54	ಇದು ಕಮಾಂಡ್ ಇಂಟರ್-ಪ್ರಿಟರ್ ನ ಕೆಲಸ. ಇದನ್ನು ಶೆಲ್ ಎಂದು ಕೂಡ ಕರೆಯುತ್ತಾರೆ.
01:59	ನಾವು ಈ ಶೆಲ್ ಅನ್ನು ನಮ್ಮ ಮತ್ತು ಲಿನಕ್ಸ್ ವ್ಯವಸ್ಥೆಯ ನಡುವೆ ಸಂಪರ್ಕ ಕಲ್ಪಿಸುವ ಒಂದು ಪ್ರೊಗ್ರಾಮ್ ಎಂದು ಹೇಳಬಹುದು.
02:08	ನಾವು ಹೊರಡಿಸುವ ಕಮಾಂಡ್ ಗಳನ್ನು ಆಪರೇಟಿಂಗ್ ಸಿಸ್ಟಂ ನಲ್ಲಿ ಎಂಟರ್ ಮಾಡಲು ನಮಗೆ ಅನುವು ಮಾಡಿಕೊಡುತ್ತದೆ.
02:13	ಲಿನಕ್ಸ್ ನಲ್ಲಿ ವಿವಿಧ ಶೆಲ್ ಗಳನ್ನು ಇನ್ಸ್ಟಾಲ್ ಮಾಡಬಹುದಾಗಿದೆ, ಅವುಗಳನ್ನು ಯೂಸರ್ ತನ್ನ ಇಚ್ಛೆಗನುಸಾರವಾಗಿ ಆಯ್ಕೆ ಮಾಡಿಕೊಳ್ಳಬಹುದು.
02:22	ಲಿನಕ್ಸ್ ನಲ್ಲಿ ಸ್ಟ್ಯಾಂಡರ್ಡ್ ಶೆಲ್ ಎನ್ನುವುದು ಯಾವಾಗಲೂ, /bin/sh ಈ ರೀತಿ ಇನ್ಸ್ಟಾಲ್ ಆಗುತ್ತದೆ, ಇದನ್ನು bash ಅಂದರೆ GNU Bourne-Again SHell, ಎಂದು ಕರೆಯಲಾಗುತ್ತದೆ. ಇದು GNU ಟೂಲ್ಸ್ ನಲ್ಲಿ ಇರುತ್ತದೆ.
02:35	ನಾವು ಈ ಟ್ಯುಟೋರಿಯಲ್ ನಲ್ಲಿ ಕನ್ವರ್ಟ್ ಮಾಡಲು ಹೊರಟಿರುವ ಕಮಾಂಡ್ ಗಳು ವಿಶಿಷ್ಟವಾಗಿದ್ದು, ಇದನ್ನು ನಾವು ಸ್ವಲ್ಪ ಬದಲಾವಣೆಯೊಂದಿಗೆ ಹೆಚ್ಚಿನ ಲಿನಕ್ಸ್ ಶೆಲ್ ನಲ್ಲಿ ಚಲಾವಣೆ ಮಾಡಬಹುದು.
02:44	ಆದರೂ ನಾವು ಈ ಟ್ಯುಟೋರಿಯಲ್ ನಲ್ಲಿ ಶೆಲ್ ನ ರೂಪದಲ್ಲಿ ಬಾಶ್ ಅನ್ನು ಪ್ರದರ್ಶನಕ್ಕಾಗಿ ಉಪಯೋಗಿಸುತ್ತಿದ್ದೇವೆ.
02:51	ಏಕೆಂದರೆ ಬಾಶ್ ತುಂಬಾ ಜನಪ್ರಿಯವಾದ ಶೆಲ್ ಆಗಿದ್ದು ಬಹಳ ಮಟ್ಟಿಗೆ ಎಲ್ಲ UNIX ಗೆ ಪೋರ್ಟೆಬಲ್ ಆಗಿರುತ್ತದೆ.
02:58	Bourne ಶೆಲ್ ಅನ್ನು, ಒಳಗೊಂಡಿರುವ ಇತರ ಶೆಲ್ ಗಳೆಂದರೆ ಒರಿಜಿನಲ್ ಯುನಿಕ್ಸ್ ಶೆಲ್, C ಶೆಲ್ ಮತ್ತು Korn ಶೆಲ್.
03:08	ನಾವು ಯಾವ ಶೆಲ್ ಉಪಯೋಗಿಸುತ್ತಿದ್ದೇವೆ ಎಂದು ನೋಡಲು
03:11	ಟರ್ಮಿನಲ್ ಗೆ ಹೋಗಿ echo space dollar, ಮತ್ತು ಕ್ಯಾಪಿಟಲ್ ಅಕ್ಷರದಲ್ಲಿ, SHELL ಎಂದು ಕಮಾಂಡ್ ನ್ನು ಬರೆದು ಎಂಟರ್ ಒತ್ತಿ.
03:27	ಸಾಮಾನ್ಯವಾಗಿ ಫಲಿತಾಂಶ /bin/bash ಎಂದು ನಮಗೆ ಬಾಶ್ ಶೆಲ್ ನೀಡುತ್ತದೆ.
03:34	ವಿವಿಧ ಶೆಲ್ ಅನ್ನು ಕಾರ್ಯಗತ ಮಾಡಬಹುದಂತಹ ಹಲವು ರೀತಿಗಳು ಇವೆ. ಅವುಗಳನ್ನು ಟ್ಯುಟೋರಿಯಲ್ ನ ಮುಂದುವರಿದ ಭಾಗದಲ್ಲಿ ನಾವು ನೋಡಬಹುದು.
03:42	ಕಮಾಂಡ್ ಗಳು ಸಾಮಾನ್ಯವಾಗಿ c ಭಾಷೆಯಲ್ಲಿ ಬರೆದಿರುವ ಪ್ರೊಗ್ರಾಮ್ ಫೈಲ್ ಗಳಾಗಿವೆ.
03:47	ಈ ಫೈಲ್ಸ್ ಗಳು ಡೈರೆಕ್ಟರಿ ಗಳಲ್ಲಿ ಇರುತ್ತವೆ. ಕಮಾಂಡ್ ಗಳು ಎಲ್ಲಿ ಸಂಗ್ರಹವಾಗಿದೆ ಎಂದು ತಿಳಿಯಲು ನಾವು type ಕಮಾಂಡ್ ನ್ನು ಉಪಯೋಗಿಸಬಹುದು.
03:55	ಕಮಾಂಡ್ ಪ್ರಾಂಪ್ಟ್ ನಲ್ಲಿ Type space ps ಎಂದು ಟೈಪ್ ಮಾಡಿ ಎಂಟರ್ ಒತ್ತಿ.
04:03	ps ನಿಜವಾಗಿ /bin directory ಯಲ್ಲಿ ಸಂಗ್ರಹವಾಗಿದೆ ಎಂದು ಇದು ತೋರಿಸುತ್ತದೆ.
04:09	ನಾವು ಕಮಾಂಡ್ ಪ್ರಾಂಪ್ಟ್ ನಲ್ಲಿ ಕಮಾಂಡ್ ನ್ನು ಬರೆಯುವಾಗ, ಡೈರೆಕ್ಟರಿಗಳ ಪಟ್ಟಿಯಲ್ಲಿ ಇರುವ ಕಮಾಂಡ್ ಗೆ ಹೊಂದಾಣಿಕೆ ಆಗುವಂತಹ ಫೈಲ್ ಅನ್ನು ಶೆಲ್ ಹುಡುಕುತ್ತದೆ.
04:18	ಒಂದು ವೇಳೆ ಇದು ಕಂಡು ಬಂದ್ದಲ್ಲಿ ಫೈಲ್ ಗೆ ಅನುಗುಣವಾದ ಪ್ರೋಗ್ರಾಮ್ ಕಾರ್ಯನಿರ್ವಹಿಸುತ್ತದೆ, ಇಲ್ಲದಿದ್ದಲ್ಲಿ “command not found” ಎಂಬ ಎರರ್ ಕಾಣಿಸುತ್ತದೆ.
04:27	ಹುಡುಕಲ್ಪಟ್ಟ ಡೈರೆಕ್ಟರಿ ಗಳ ಪಟ್ಟಿಯು PATH variable ನಿಂದ ಸೂಚಿಸಲ್ಪಟ್ಟಿದೆ. ಇದನ್ನು ನಾವು ನಂತರ ನೋಡೋಣ.
04:34	ಈಗ ನಾವು ಲಿಸ್ಟ್ ನೋಡಲು ಬಯಸಿದಲ್ಲಿ, echo space dollar ಕ್ಯಾಪಿಟಲ್ ನಲ್ಲಿ PATH ಎಂದು ಕಮಾಂಡ್ ನ್ನು ಟೈಪ್ ಮಾಡಿ ಎಂಟರ್ ಒತ್ತಿ.
04:52	ಕಮಾಂಡ್ ಗಳ ಬಗ್ಗೆ ಮಾತಾಡುವಾಗ, ನಾವು ತಿಳಿಯಬೇಕಾದ ಒಂದು ಮುಖ್ಯ ವಿಷಯವೆಂದರೆ,
04:57	ಲಿನಕ್ಸ್ ಕಮಾಂಡ್ ನಲ್ಲಿ ಎಕ್ಸ್ಟರ್ನಲ್ ಕಮಾಂಡ್ ಮತ್ತು ಇಂಟರ್ನಲ್ ಕಮಾಂಡ್ ಎಂದು ಎರಡು ವಿಧಗಳಿವೆ.
05:02	ಈಗ ಎಕ್ಸ್ಟರ್ನಲ್ ಕಮಾಂಡ್ ಗಳು ಪ್ರತ್ಯೇಕ ಫೈಲ್ ಅಥವಾ ಪ್ರೊಗ್ರಾಮ್ ಗಳಂತೆ ಅಸ್ತಿತ್ವದಲ್ಲಿರುತ್ತದೆ.
05:07	ಲಿನಕ್ಸ್ ನಲ್ಲಿ ಹೆಚ್ಚಿನ ಕಮಾಂಡ್ ಗಳು ಇಂತಹ ಲಕ್ಷಣಗಳನ್ನು ಹೊಂದಿದೆ. ಆದರೆ ಕೆಲವು ಕಮಾಂಡ್ ಗಳ ಜಾರಿಗೆ ತರುವುದರ ಬಗ್ಗೆ ಶೆಲ್ ನ ಒಳಗೆಯೇ ಬರೆದಿರುತ್ತದೆ, ಮತ್ತು ಅವು ಪ್ರತ್ಯೇಕ ಫೈಲ್ ಗಳಾಗಿ ಆಸ್ತಿತ್ವದಲ್ಲಿರುವುದಿಲ್ಲ.
05:18	ಇವು ಇಂಟರ್ನಲ್ ಕಮಾಂಡ್ ಗಳು.
05:20	echo ಕಮಾಂಡ್, ಇದನ್ನು ನಾವು ನಂತರ ನೋಡೋಣ, ವಾಸ್ತವವಾಗಿ ಇದು ಇಂಟರ್ನಲ್ ಕಮಾಂಡ್ ಆಗಿದೆ.
05:25	ಟರ್ಮಿನಲ್ ಗೆ ಹೋಗಿ ಕಮಾಂಡ್ ಬರೆಯಿರಿ,
05:33	type space echo ಎಂದು ಬರೆದು ಎಂಟರ್ ಒತ್ತಿ.
05:40	ಫಲಿತಾಂಶವು echo is a shell bulletin ಎಂದು ತೋರಿಸುತ್ತದೆ.
05:43	ಇಲ್ಲಿ ಫೈಲ್ ನ ಹೆಸರು ಕಾಣಿಸುವುದಿಲ್ಲ ಬದಲಿಗೆ, echo ಕಮಾಂಡ್ ನ ಕಾರ್ಯಾನ್ವಯನವು ಶೆಲ್ ನ ಒಳಗೆ ಆಗಿದೆ ಎಂದು ತೋರಿಸುತ್ತದೆ. ಆದುದರಿಂದ ಇದನ್ನು ಇಂಟರ್ನಲ್ ಕಮಾಂಡ್ ಎಂದು ಕರೆಯುತ್ತೇವೆ.
05:56	ಮತ್ತೊಂದು ಮುಖ್ಯವಾದ ವಿಷಯ ನಾವು ಅರ್ಥ ಮಾಡಿಕೊಳ್ಳಬೇಕಾದದ್ದು ಏನೆಂದರೆ, ಮೈನಸ್ (-) ಕಮಾಂಡ್ ಗಳ ಸಂರಚನೆ.
06:01	ಕಮಾಂಡ್ ಗಳು ಒಂದು ಪದ ಅಥವಾ ಅನೇಕ ಪದಗಳನ್ನು ಹೊಂದಿದ್ದು ಅವು ಸ್ಪೇಸ್ ನಿಂದ ಪ್ರತ್ಯೇಕಿಸಲ್ಪಟ್ಟಿರುತ್ತವೆ.
06:08	ಎಲ್ಲಿ ಅನೇಕ ಪದಗಳು ಇವೆಯೋ ಅಲ್ಲಿ ಮೊದಲನೇಯ ಪದವು ನಿಜವಾದ ಕಮಾಂಡ್ ಆಗಿದ್ದು ಉಳಿದವುಗಳು arguments ಗಳಾಗಿರುತ್ತವೆ.
06:16	arguments ಗಳು ವಿಕಲ್ಪಗಳಾಗಿರಬಹುದು, ಎಕ್ಸ್ಪ್ರೆಶನ್ ಗಳಾಗಿರಬಹುದು ಅಥವಾ ಫೈಲ್ ನ ಹೆಸರಾಗಿರಬಹುದಾಗಿದೆ.
06:20	ಒಂದು ಕಮಾಂಡ್ ಸೂಚಿತವಾದ ಆಯ್ಕೆಯ ಆಧಾರದ ಮೇಲೆ ಬೇರೆ ಬೇರೆ ಕೆಲಸಗಳನ್ನು ನಿರ್ವಹಿಸುತ್ತದೆ.
06:26	ಅವು ಸಾಮಾನ್ಯವಾಗಿ ಸಿಂಗಲ್ ಅಥವಾ ಡಬಲ್ ಮೈನಸ್ (-) ಚಿನ್ಹೆ ಇಂದ ತೋರಿಸಲ್ಪಡುತ್ತದೆ ಅಂದರೆ ಅನುಕ್ರಮವಾಗಿ ಸಣ್ಣ ಮತ್ತು ದೊಡ್ಡ ಆಯ್ಕೆಗಳು.
06:35	ಟರ್ಮಿನಲ್ ವಿಂಡೋ ಗೆ ಹೋಗಿ ಕಮಾಂಡ್ ನ್ನು ಬರೆದು ಫಲಿತಾಂಶವನ್ನು ನೋಡಿ.
06:40	ಟರ್ಮಿನಲ್ ವಿಂಡೋ ಅನ್ನು ಕ್ಲಿಯರ್ ಮಾಡಲು "Clear" ಎಂದು ಬರೆಯಿರಿ.
06:44	Is ಎಂದು ಟೈಪ್ ಮಾಡಿ ಎಂಟರ್ ಒತ್ತಿ.
06:49	ಪುನಃ clear ಎಂದು ಟೈಪ್ ಮಾಡಿ ಎಂಟರ್ ಒತ್ತಿ.
06:55	Is space minus ಎಂದು ಟೈಪ್ ಮಾಡಿ ಎಂಟರ್ ಒತ್ತಿ.
07:04	ಟರ್ಮಿನಲ್ ವಿಂಡೋ ಅನ್ನು ಕ್ಲಿಯರ್ ಮಾಡಲು "Clear" ಎಂದು ಬರೆಯಿರಿ.
07:11	ಈಗ ls space minus minus all ಎಂದು ಟೈಪ್ ಮಾಡಿ ಎಂಟರ್ ಒತ್ತಿ.
07:19	ಟರ್ಮಿನಲ್ ಅನ್ನು ಕ್ಲಿಯರ್ ಮಾಡಲು clear ಎಂದು ಟೈಪ್ ಮಾಡಿ.
07:23	ಈಗ ls space minus d ಎಂದು ಟೈಪ್ ಮಾಡಿ ಎಂಟರ್ ಒತ್ತಿ.
07:32	ಈ ಹಂತದಲ್ಲಿ ಆಯ್ಕೆಗಳ ಬದಲಾವಣೆಯೊಂದಿಗೆ ಹೇಗೆ ಕಮಾಂಡ್ ನ ವರ್ತನೆಯು ಬದಲಾಗುತ್ತದೆ ಎಂದು ಅರ್ಥಮಾಡಿ ಕೊಂಡರೆ ಸಾಕು.
07:40	ಲಿನಕ್ಸ್ ನಲ್ಲಿ ನಾವು ತುಂಬಾ ಕಮಾಂಡ್ ಗಳನ್ನು ಹೊಂದಿದ್ದೇವೆ.
07:45	ಪ್ರತಿಯೊಂದರಲ್ಲೂ ಬೇರೆ ಬೇರೆ ಆಯ್ಕೆಗಳಿವೆ.
07:48	ಆದೇಶಗಳು ಒಟ್ಟಿಗೆ ಸಂಯೋಜಿತವಾಗಿಯೂ ಕೂಡಾ ಇರಬಹುದು, ಅದನ್ನು ನಂತರ ನೋಡೋಣ. ಎಲ್ಲವನ್ನೂ ಹೇಗೆ ನೆನಪಲ್ಲಿ ಇಟ್ಟುಕೊಳ್ಳಲು ಸಾಧ್ಯ?
07:55	ವಾಸ್ತವವಾಗಿ ನೆನಪಿಡಬೇಕಾಗಿಲ್ಲ, ಏಕೆಂದೆರೆ ಲಿನಕ್ಸ್ ನಲ್ಲಿ ಅತ್ಯುತ್ತಮ ಆನ್ ಲೈನ್ ಸಹಾಯ ಸೌಕರ್ಯ ಲಭ್ಯವಿದೆ.
08:01	ಸಿಸ್ಟಂನಲ್ಲಿ ದೊರಕುವ ಪ್ರತಿಯೊಂದು ಕಮಾಂಡ್ ಗಳ ಮೇಲೆ man ಕಮಾಂಡ್ ದಾಖಲೆಯನ್ನು ಅನ್ನು ಒದಗಿಸುತ್ತದೆ.
08:08	ಉದಾಹರಣೆಗೆ ಹೇಳಬೇಕೆಂದರೆ,ನಿಮಗೆ ls ಆದೇಶದ ಬಗ್ಗೆ ತಿಳಿಯ ಬೇಕಾಗಿದ್ದರೆ ಟರ್ಮಿನಲ್ ಗೆ ಹೋಗಬೇಕಾಗುತ್ತದೆ.
08:16	ಮತ್ತು man ಆದೇಶವನ್ನು ls ಆದೇಶದೊಂದಿಗೆ argument ಆಗಿ ಟೈಪ್ ಮಾಡಿ. ಅಂದರೆ man ಸ್ಪೇಸ್ ls ಬರೆದು ಎಂಟರ್ ಒತ್ತಿ.
08:30	ಹೊರಗೆ ಬರಲು q ಅನ್ನು ಒತ್ತಿ.
08:35	man ಎನ್ನುವುದು ಸಿಸ್ಟಂ ನ manual pager ಆಗಿದೆ. man ಗೆ ಕೊಡುವ ಪ್ರತಿಯೊಂದು argument ಕೂಡಾ ಸಾಮಾನ್ಯವಾಗಿ ಪ್ರೋಗ್ರಾಮ್ ಯುನಿಟಿಯ ಅಥವಾ ಕ್ರಿಯೆಯ ಹೆಸರು ಆಗಿರುತ್ತದೆ.
08:43	ಈ ಪ್ರತಿ argument ಗೂ ಸಂಯೋಗಗೊಂಡ Manual page ನಂತರ ಕಾಣಿಸಿಕೊಳ್ಳುತ್ತದೆ.
08:49	ಒಂದು ವೇಳೆ ವಿಭಾಗವನ್ನು ಕಲ್ಪಿಸಿದಲ್ಲಿ, ಆದೇಶವು manual ನ ಆ ವಿಭಾಗದಲ್ಲಿ ಮಾತ್ರ ನೋಡಲು man ಗೆ ಆದೇಶಿಸುತ್ತದೆ.
08:55	ಯಾವುದೇ ಸೂಚನೆ ಇಲ್ಲದಿದ್ದ ಪಕ್ಷದಲ್ಲಿ, ಮೊದಲೇ ನಿರ್ದಿಷ್ಟವಾದ ಆಜ್ಞೆಗಳನ್ನು ಅನುಸರಿಸಿ, ದೊರಕುವ ಎಲ್ಲ ವಿಭಾಗಗಳನ್ನು ಹುಡುಕುವುದು ಮತ್ತು ಹಲವು ವಿಭಾಗದಲ್ಲಿ ಪೇಜ್ ಮೊದಲೇ ಅಸ್ತಿತ್ವದಲ್ಲಿದ್ದರೂ ದೊರಕಿದ ಮೊದಲ ಪೇಜ್ ಅನ್ನು ಮಾತ್ರ ತೋರಿಸುವುದು.
09:07	ನೀವು man ಕಮಾಂಡ್ ನ್ನು ಉಪಯೋಗಿಸಿಕೊಂಡೇ man ಕಮಾಂಡ್ ನ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ತಿಳಿಯಬಹುದು.
09:14	ಟರ್ಮಿನಲ್ ಗೆ ಹೋಗಿ man ಸ್ಪೇಸ್ man ಎಂದು ಬರೆದು ಎಂಟರ್ ಒತ್ತಿ.
09:23	ಹೊರಗೆ ಬರಲು q ಅನ್ನು ಪ್ರೆಸ್ ಮಾಡಿ.
09:26	ಮನ್ ಕಮಾಂಡ್ ತುಂಬಾ ಆಯ್ಕೆಗಳನ್ನು ಹೊಂದಿದೆ.
09:30	ಇಲ್ಲಿ ನಾನು ಕೆಲವು ಮುಖ್ಯವಾದವುಗಳನ್ನು ತಿಳಿಸುತ್ತೇನೆ. ಕೆಲವೊಂದು ಸಲ ನಾವು ಏನು ಮಾಡಬೇಕು ಎಂದು ತಿಳಿದಿರುತ್ತೇವೆ. ಆದರೆ ಸರಿಯಾದ ಕಮಾಂಡ್ ತಿಳಿದಿರುವುದಿಲ್ಲ. ಆಗ ನಾವು ಏನು ಮಾಡಬಹುದು?
09:41	man, -k ಆಯ್ಕೆಯನ್ನು ಒದಗಿಸುತ್ತದೆ. ಇದು ಒಂದು ಕೀ ವರ್ಡ್ ಅನ್ನು ತೆಗೆದುಕೊಂಡು, ಕಮಾಂಡ್ ನ ಸೂಚಿಯನ್ನು ಮತ್ತು ಅದರ ಸಂಪೂರ್ಣ ಉದ್ದೇಶವನ್ನು ತೋರಿಸುತ್ತದೆ.
09:50	ಉದಾಹರಣೆಗೆ ಒಂದು ಡೈರೆಕ್ಟರಿ ಯನ್ನು ರಚಿಸಲು ನಾವು ನಿಖರವಾದ ಕಮಾಂಡ್ ನ್ನು ತಿಳಿದಿರುವುದಿಲ್ಲ,
09:56	ಆಗ ನಾವು, ಕಮಾಂಡ್ ಪ್ರಾಂಪ್ಟ್ ಗೆ ಹೋಗಿ, man ಸ್ಪೇಸ್ minus k ಸ್ಪೇಸ್ directories ಎಂದು ಬರೆದು ಎಂಟರ್ ಒತ್ತಿ.
10:12	ಈಗ ನಾವು ನಮಗೆ ನಿಜವಾಗಿ ಏನು ಅಗತ್ಯವಿದೆಯೋ ಅದನ್ನು ನೋಡಲು ಈ ಪ್ರತಿಯೊಂದು ಕಮಾಂಡ್ ಗಳನ್ನು ಹುಡುಕಬಹುದು.
10:17	apropos ಕಮಾಂಡ್ ನ್ನು ಉಪಯೋಗಿಸಿಕೊಂಡೂ ಕೂಡಾ ಇದನ್ನು ಸಾಧಿಸಬಹುದು.
10:21	Output ಅನ್ನು ನೋಡಲು, ಕಮಾಂಡ್ ಪ್ರಾಂಪ್ಟ್ ನಲ್ಲಿ apropos ಸ್ಪೇಸ್ directories ಎಂದು ಬರೆದು ಎಂಟರ್ ಅನ್ನು ಒತ್ತಿ.
10:36	ಕೆಲವೊಂದು ಸಲ ನಮಗೆ ಹೆಚ್ಚು ವಿವರಗಳು ಬೇಕಾಗಿರುವುದಿಲ್ಲ. ನಮಗೆ ಕಮಾಂಡ್ ಏನು ಮಾಡುತ್ತದೆ ಎಂಬುದನ್ನು ಮಾತ್ರ ತಿಳಿಯಬೇಕಾಗಿರುತ್ತದೆ.
10:40	ಇಂತಹ ಸಂದರ್ಭದಲ್ಲಿ ನಾವು whatis ಅಥವಾ man -f ಕಮಾಂಡ್ ನ್ನು ಉಪಯೋಗಿಸಬಹುದು. ಎರಡೂ ಕೂಡಾ, ಕಮಾಂಡ್ ಗಳ ಬಗ್ಗೆ ಒಂದು ಸಾಲಿನ ವಿವರವನ್ನು ನೀಡುತ್ತದೆ.
10:52	ಟರ್ಮಿನಲ್ ವಿಂಡೋ ಅನ್ನು ಕ್ಲಿಯರ್ ಮಾಡಲು "Clear" ಎಂದು ಟೈಪ್ ಮಾಡಿ.
10:58	ಈಗ whatis ಸ್ಪೇಸ್ ls ಎಂದು ಟೈಪ್ ಮಾಡಿ ಎಂಟರ್ ಒತ್ತಿ.
11:06	ಕೆಲವು ಕಮಾಂಡ್ ಗಳು ತುಂಬಾ ಆಯ್ಕೆಗಳನ್ನು ಹೊಂದಿರುತ್ತದೆ. ನಾವು ಒಂದು ಕಮಾಂಡ್ ನ ವಿವಿಧ ಆಯ್ಕೆಗಳ ಸೂಚಿಯನ್ನು ಪಡೆಯಬಯಸಬಹುದು.
11:13	ಹಾಗಿದ್ದಲ್ಲಿ, ನಾವು minus help ಆಯ್ಕೆಯನ್ನು ಉಪಯೋಗಿಸುತ್ತೇವೆ.
11:18	ಈಗ ಕಮಾಂಡ್ ಪ್ರಾಂಪ್ಟ್ ಗೆ ಹೋಗಿ, ls ಸ್ಪೇಸ್ minus minus help ಎಂದು ಬರೆದು ಎಂಟರ್ ಒತ್ತಿ.
11:29	ನಾನು scroll up ಮಾಡುವುದರಿಂದ, ನೀವು manual ಪೇಜ್ ನಲ್ಲಿರುವ ಎಲ್ಲಾ ಆಯ್ಕೆಗಳನ್ನು ನೋಡಬಹುದು.
11:45	ಈ ವಿಭಾಗದ ಲಿನಕ್ಸ್ ಸ್ಪೋಕನ್ ಟ್ಯುಟೋರಿಯಲ್ ಗೆ ಇಷ್ಟು ಸಾಕು. ಈ ಪಾಠವು Talk to a Teacher ಎಂಬ ಪರಿಯೋಜನೆಯ ಭಾಗವಾಗಿದೆ.ಈ ಪ್ರಕಲ್ಪವನ್ನು ರಾಷ್ಟ್ರಿಯ ಸಾಕ್ಷರತಾ ಮಿಷನ್ ICT, MHRD ಭಾರತ ಸರ್ಕಾರ ಎಂಬ ಸಂಸ್ಥೆಯು ಸಮರ್ಥಿಸಿದೆ.
11:56	ಇದರ ಬಗ್ಗೆ ಹೆಚ್ಚಿನ ಮಾಹಿತಿಯು ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿದೆ.
12:00	ಈ ಸ್ಕ್ರಿಪ್ಟ್ ಮಹಾಲಕ್ಷ್ಮಿ ಯ ಕೊಡುಗೆಯಾಗಿದ್ದು , ಇದರ ಪ್ರವಾಚಕ ಐ. ಐ. ಟಿ ಬಾಂಬೆಯಿಂದ ವಾಸುದೇವ. ಧನ್ಯವಾದಗಳು, ಶುಭವಿದಾಯ.

Contributors and Content Editors

Gaurav, Udaya, Vasudeva ahitanal