LibreOffice-Suite-Draw/C3/Flow-Charts-Connectors-Glue-Points/Kannada

Time	Narration
00:01	LibreOffice Draw (ಲಿಬ್ರೆ ಆಫೀಸ್ ಡ್ರಾ) ನಲ್ಲಿಯ Flowcharts, Glue Points and Beizer curves (ಫ್ಲೋ ಚಾರ್ಟ್ಸ್, ಗ್ಲು ಪಾಯಿಂಟ್ಸ್ ಆಂಡ್ ಬೇಝಿಯರ್ ಕರ್ವ್ಸ್) ಎಂಬ 'ಸ್ಪೋಕನ್ ಟ್ಯುಟೋರಿಯಲ್' ಗೆ ನಿಮಗೆ ಸ್ವಾಗತ.
00:08	ಈ ಟ್ಯುಟೋರಿಯಲ್ ನಲ್ಲಿ ನೀವು, 'ಬೇಝಿಯರ್ ಕರ್ವ್ಸ್' ಮತ್ತು 'ಫ್ಲೋ ಚಾರ್ಟ್ಸ್ ' ಗಳನ್ನು ಡ್ರಾ ಮಾಡಲು ಕಲಿಯುವಿರಿ.
00:14	ಅಲ್ಲದೆ, 'ಕನೆಕ್ಟರ್' (Connectors) ಗಳನ್ನು ಮತ್ತು 'ಗ್ಲು ಪಾಯಿಂಟ್' ಗಳನ್ನು (Glue points) ಬಳಸಿ, 'ಫ್ಲೋ ಚಾರ್ಟ್' ಗಳನ್ನು ಜೋಡಿಸುವುದನ್ನು ಸಹ ಕಲಿಯುವಿರಿ.
00:20	ಇಲ್ಲಿ, ನಾವು: Ubuntu Linux ಆವೃತ್ತಿ 10.04 ಮತ್ತು LibreOffice Suite ಆವೃತ್ತಿ 3.3.4 ಇವುಗಳನ್ನು ಬಳಸುತ್ತಿದ್ದೇವೆ.
00:29	ನಾವು 'ಬೇಝಿಯರ್ ಕರ್ವ್ಸ್' ಬಗ್ಗೆ ತಿಳಿದುಕೊಳ್ಳೋಣ.
00:33	'ಬೆಝಿಯರ್ ಕರ್ವ್ಸ್' ಅನ್ನು ಮುಖ್ಯವಾಗಿ ಕಂಪ್ಯೂಟರ್ ಗ್ರಾಫಿಕ್ಸ್ ನಲ್ಲಿ ವಕ್ರರೇಖೆಗಳನ್ನು ನಯಗೊಳಿಸಲು ಬಳಸಲಾಗುತ್ತದೆ.
00:40	ವಕ್ರಾಕೃತಿಗಳ ಆಕಾರ ಮತ್ತು ಗಾತ್ರದೊಂದಿಗೆ ಪ್ರಯೋಗ ಮಾಡಲು, ನೀವು ಈ ವಕ್ರಾಕೃತಿಗಳನ್ನು ಬಳಸಬಹುದು.
00:45	ಎಲ್ಲಾ ವಕ್ರಾಕೃತಿಗಳು ಪ್ರಾರಂಭದ ಮತ್ತು ಅಂತಿಮ ಬಿಂದುವನ್ನು ಹೊಂದಿವೆ.
00:50	ವಕ್ರರೇಖೆಯ ಮೇಲಿನ ಬಿಂದುಗಳನ್ನು 'ನೋಡ್' ಎಂದು ಕರೆಯಲಾಗುತ್ತದೆ.
00:54	ನಮ್ಮ 'Routemap' ಎಂಬ ಫೈಲ್ ಗೆ ಹೋಗೋಣ.
00:58	ನಾವು Home ನಿಂದ, Commercial Complex ಗೆ ಹೋಗೋಣ.
01:03	ಇದಕ್ಕಾಗಿ, ನಾವು Parking Lot ನಿಂದ ಬಲಗಡೆಗೆ ಹೋಗಬೇಕು.
01:08	ನೆನಪಿನಲ್ಲಿಡಿ, ಈ ಹಿಂದೆ ನಾವು ಡ್ರಾಯಿಂಗ್ ಅನ್ನು ಗುಂಪು ಮಾಡಿದ್ದೆವು. ಹಾಗಾಗಿ, ನಾವು ಅದನ್ನು ungroup (ಅನ್-ಗ್ರುಪ್) ಮಾಡೋಣ.
01:14	ಈಗ, Drawing ಟೂಲ್ ಬಾರ್ ನಿಂದ, Curve ಅನ್ನು ಕ್ಲಿಕ್ ಮಾಡಿ ಮತ್ತು Curve ಅನ್ನು ಆಯ್ಕೆಮಾಡಿ.
01:20	Draw ಪೇಜ್ ನ ಮೇಲೆ, ದಾರಿಯು ಆರಂಭವಾಗುವಲ್ಲಿ ಕ್ಲಿಕ್ ಮಾಡಿ - ಇದು Home ಆಗಿದೆ.
01:27	ಲೆಫ್ಟ್-ಮೌಸ್-ಬಟನ್ ಅನ್ನು ಒತ್ತಿ ಹಿಡಿದು Play Ground ವರೆಗೂ ಎಳೆಯಿರಿ.
01:32	ನೀವು ಒಂದು ಸರಳ ರೇಖೆಯನ್ನು ನೋಡುವಿರಿ.
01:36	ಮೌಸ್-ಬಟನ್ ಅನ್ನು ಬಿಟ್ಟುಬಿಡಿ.
01:39	ಈಗ, ಪಾಯಿಂಟರ್ ಅನ್ನು Commercial Complex ಗೆ ಸರಿಸಿ.
01:43	ಮೌಸ್ ಸರಿದಂತೆಲ್ಲ ರೇಖೆಯು ವಕ್ರವಾಗುವುದು.
01:47	ಕೊನೆಯಲ್ಲಿ, ಎಂದರೆ, 'ಕಮರ್ಷಿಯಲ್ ಕಾಂಪ್ಲೆಕ್ಸ್' ಮೇಲೆ ಡಬಲ್-ಕ್ಲಿಕ್ ಮಾಡಿ.
01:52	ನಾವು ಒಂದು ವಕ್ರರೇಖೆಯನ್ನು ಎಳೆದಿದ್ದೇವೆ!
01:55	ಕರ್ವ್ ನ ಮಾರ್ಪಾಟು ಸರಾಗವಾಗಿರುವುದನ್ನು ಗಮನಿಸಿ.
01:59	ಈಗ, ನಾವು Edit Points ಟೂಲ್-ಬಾರ್ ಅನ್ನು ಬಳಸಿ, ಈ ವಕ್ರರೇಖೆಯ ಮೇಲಿರುವ ಪಾಯಿಂಟುಗಳನ್ನು ಎಡಿಟ್ ಮಾಡೋಣ.
02:05	ಕರ್ವ್ ಮೇಲೆ ಕ್ಲಿಕ್ ಮಾಡಿ.
02:07	Edit Points ಟೂಲ್-ಬಾರ್ ಅನ್ನು ಸಕ್ರಿಯಗೊಳಿಸಲು, ಕರ್ವ್ ಮೇಲೆ ರೈಟ್-ಕ್ಲಿಕ್ ಮಾಡಿ ಮತ್ತು Edit Points ಅನ್ನು ಆರಿಸಿಕೊಳ್ಳಿ.
02:14	ವಕ್ರರೇಖೆಯ ತುದಿ-ಬಿಂದುಗಳಲ್ಲಿ ನೀಲಿ ಬಾಕ್ಸ್ ಗಳು ಕಾಣಿಸಿಕೊಂಡಾಗ, ನಾವು ವಕ್ರರೇಖೆಯನ್ನು ಎಡಿಟ್ ಮಾಡಬಹುದು.
02:21	ಕರ್ವ್ ನ ಪ್ರಾರಂಭದ ಬಿಂದುವಿನ ಮೇಲೆ ಕ್ಲಿಕ್ ಮಾಡಿ.
02:24	ನೀವು ಒಂದು ಕಂಟ್ರೋಲ್ ಪಾಯಿಂಟ್ ನೊಂದಿಗೆ, ಚುಕ್ಕೆಗಳ ಒಂದು ರೇಖೆಯನ್ನು ನೋಡುತ್ತೀರಿ.
02:29	ಅಗತ್ಯಕ್ಕೆ ತಕ್ಕಂತೆ, ವಕ್ರರೇಖೆಯನ್ನು ಮೊಟಕುಗೊಳಿಸಲು ಅಥವಾ ವಿಸ್ತರಿಸಲು ನೀವು ಈಗ ಚುಕ್ಕೆಗಳ ರೇಖೆಯನ್ನು ಎಳೆಯಬಹುದು.
02:35	ನೀವು ಬದಲಾವಣೆ ಮಾಡಿದ ನಂತರ, 'ಡ್ರಾ' ಪೇಜ್ ನಲ್ಲಿ ಎಲ್ಲಿಯಾದರೂ ಡಬಲ್-ಕ್ಲಿಕ್ ಮಾಡಿ.
02:41	ನಯವಾದ ಕರ್ವ್ ಅನ್ನು ಪಡೆಯಲು, ವಕ್ರರೇಖೆಯ ಮೇಲೆ ಬಿಂದುಗಳನ್ನು ಸೇರಿಸಲು, ಸರಿಸಲು ಅಥವಾ ತೆಗೆದುಬಿಡಲು ನೀವು Edit Points ಟೂಲ್-ಬಾರ್ ಅನ್ನು ಬಳಸಬಹುದು.
02:50	ಇಲ್ಲಿ ನಿಮಗಾಗಿ ಒಂದು ಸಣ್ಣ ಅಸೈನ್ಮೆಂಟ್ ಇದೆ.
02:54	Edit Points ಟೂಲ್-ಬಾರ್ ಅನ್ನು ಬಳಸಿಕೊಂಡು, ಎಲ್ಲ ಆಯ್ಕೆಗಳನ್ನು ಉಪಯೋಗಿಸಿ,
02:59	ಒಂದು 'ಬೇಝಿಯರ್ ಕರ್ವ್' ಅನ್ನು ರಚಿಸಿ.
03:02	ಈಗ, ನಾವು 'ಫ್ಲೋಚಾರ್ಟ್' ಗಳನ್ನು ರಚಿಸಲು ಕಲಿಯೋಣ.
03:05	ನಾವು RouteMap ಫೈಲ್ ಗೆ 2 ಹೊಸ ಪೇಜ್ ಗಳನ್ನು ಸೇರಿಸೋಣ.
03:10	Draw, 'ಫ್ಲೋಚಾರ್ಟ್ಸ್' ಗಾಗಿ, Drawing ಟೂಲ್-ಬಾರ್ ನಲ್ಲಿ ಒಂದು ಪ್ರತ್ಯೇಕ ಆಯ್ಕೆಯನ್ನು ಒದಗಿಸುತ್ತದೆ.
03:17	ಈ ಫ್ಲೋಚಾರ್ಟ್, 'ಸ್ಪೋಕನ್ ಟ್ಯುಟೋರಿಯಲ್' ಪ್ರಕ್ರಿಯೆಯಲ್ಲಿರುವ ಎಲ್ಲಾ ಹಂತಗಳನ್ನು ತೋರಿಸುತ್ತದೆ.
03:22	ನಾವು ಈ ಫ್ಲೋಚಾರ್ಟ್ ಅನ್ನು ರಚಿಸೋಣ.
03:26	Drawing ಟೂಲ್-ಬಾರ್ ನಿಂದ, Flowcharts ಮೇಲೆ ಕ್ಲಿಕ್ ಮಾಡಿ.
03:30	ಸಣ್ಣ ಕಪ್ಪು ತ್ರಿಕೋನದ ಮೇಲೆ ಕ್ಲಿಕ್ ಮಾಡಿ ಮತ್ತು Flowchart: Process ಅನ್ನು ಆಯ್ಕೆಮಾಡಿ.
03:37	ಕರ್ಸರ್ ಅನ್ನು Draw ಪೇಜ್ ನಲ್ಲಿ ಇರಿಸಿ, ಎಡ ಮೌಸ್-ಬಟನ್ ಅನ್ನು ಒತ್ತಿ ಹಿಡಿದುಕೊಂಡು, ಅದನ್ನು ಕೆಳಗೆ ಎಳೆಯಿರಿ.
03:44	ನೀವು ಒಂದು 'ಪ್ರೊಸೆಸ್' (Process) ಬಾಕ್ಸ್ ಅನ್ನು ರಚಿಸಿದ್ದೀರಿ.
03:47	'ಪ್ರೊಸೆಸ್' ಬಾಕ್ಸ್, ಸಂಪೂರ್ಣ ಪ್ರಕ್ರಿಯೆಯಲ್ಲಿಯ ಒಂದು ಹಂತ ಅಥವಾ ಕ್ರಿಯೆಯನ್ನು ಪ್ರತಿನಿಧಿಸುತ್ತದೆ.
03:54	ಫ್ಲೋಚಾರ್ಟ್ ಆಬ್ಜೆಕ್ಟ್ ಗಳಲ್ಲಿ, ನಾವು ಟೆಕ್ಸ್ಟ್ ಅನ್ನು ಸಹ ಸೇರಿಸಬಹುದು.
03:59	ನಾವು Process ಬಾಕ್ಸ್ ನ ಮೇಲೆ ಡಬಲ್ ಕ್ಲಿಕ್ ಮಾಡಿ, ಅದರೊಳಗೆ ಹೀಗೆ ಟೈಪ್ ಮಾಡೋಣ: "Create the Tutorial Outline to chunk content into 10-minute scripts".
04:13	'ಫ್ಲೋಚಾರ್ಟ್ಸ್' ಗಾಗಿ ಫಾರ್ಮ್ಯಾಟಿಂಗ್ ಆಯ್ಕೆಗಳು, ಇತರ ಆಬ್ಜೆಕ್ಟ್ ಗಳಿಗೆ ಇದ್ದಂತೆಯೇ ಇರುತ್ತವೆ.
04:20	ಈಗ, ನಾವು 'ಪ್ರೊಸೆಸ್' ಬಾಕ್ಸ್ ನ ಒಳಗೆ, ಟೆಕ್ಸ್ಟ್ ಅನ್ನು ಅಲೈನ್ ಮಾಡೋಣ.
04:24	ನಾವು ಟೆಕ್ಸ್ಟ್ ಅನ್ನು ಸೆಲೆಕ್ಟ್ ಮಾಡೋಣ.
04:27	'ಕಾಂಟೆಕ್ಸ್ಟ್ ಮೆನ್ಯು' ವನ್ನು (Context menu) ನೋಡಲು ರೈಟ್- ಕ್ಲಿಕ್ ಮಾಡಿ ಮತ್ತು Text ಮೇಲೆ ಕ್ಲಿಕ್ ಮಾಡಿ.
04:32	Text ಎಂಬ ಡೈಲಾಗ್ ಬಾಕ್ಸ್ ಕಾಣಿಸಿಕೊಳ್ಳುತ್ತದೆ.
04:35	Text ಡೈಲಾಗ್ ಬಾಕ್ಸ್ ನಲ್ಲಿ, '"Resize shape to fit text width"' ಎಂಬ ಬಾಕ್ಸ್ ಅನ್ನು ಚೆಕ್ ಮಾಡಿ. OK ಯನ್ನು ಕ್ಲಿಕ್ ಮಾಡಿ.
04:43	ಟೆಕ್ಸ್ಟ್ ಗೆ ಹೊಂದುವಂತೆ, Process ಬಾಕ್ಸ್, ಅದರ ಆಕಾರವನ್ನು ಬದಲಿಸಿದೆ ಎಂದು ನೀವು ನೋಡುತ್ತೀರಿ!
04:49	ಈಗ, ನಾವು Ctrl + Z ಕೀಗಳನ್ನು ಒಟ್ಟಿಗೆ ಒತ್ತುವ ಮೂಲಕ, ಈ ಕ್ರಿಯೆಯನ್ನು undo ಮಾಡೋಣ.
04:55	ಮತ್ತೊಮ್ಮೆ, ನಾವು ಟೆಕ್ಸ್ಟ್ ಅನ್ನು ಆಯ್ಕೆ ಮಾಡೋಣ.
04:59	ಮೇನ್ ಮೆನ್ಯು ಗೆ ಹೋಗಿ, Format ಅನ್ನು ಆಯ್ಕೆ ಮಾಡಿ ಮತ್ತು Text ಮೇಲೆ ಕ್ಲಿಕ್ ಮಾಡಿ.
05:05	Text ಎಂಬ ಡೈಲಾಗ್ ಬಾಕ್ಸ್ ಕಾಣಿಸಿಕೊಳ್ಳುತ್ತದೆ.
05:08	ನಾವು Word wrap text in shape ಎಂಬ ಆಯ್ಕೆಯನ್ನು ಗುರುತು ಹಾಕೋಣ. OK ಮೇಲೆ ಕ್ಲಿಕ್ ಮಾಡಿ.
05:15	Process ಬಾಕ್ಸ್ ನ ಆಕಾರಕ್ಕೆ ಸರಿಹೊಂದುವಂತೆ ಟೆಕ್ಸ್ಟ್, ತನ್ನನ್ನು ಹೊಂದಿಸಿಕೊಂಡಿದೆ.
05:21	ಅದೇ ರೀತಿಯಾಗಿ, ನಾವು ಈಗ ಮೊದಲಿನ Process ಬಾಕ್ಸ್ ನ ಕೆಳಗಡೆ ಇನ್ನೊಂದನ್ನು ರಚಿಸೋಣ.
05:28	ಅದರೊಳಗೆ, ನಾವು "Create Scripts" ಎಂಬ ಟೆಕ್ಸ್ಟ್ ಅನ್ನು ಸೇರಿಸೋಣ.
05:33	ಈಗ, ನಾವು ಒಂದು Decision ಬಾಕ್ಸ್ ಅನ್ನು ರಚಿಸೋಣ ಮತ್ತು ಅದರಲ್ಲಿ "Review Okay?" ಎಂಬ ಟೆಕ್ಸ್ಟ್ ಅನ್ನು ಸೇರಿಸೋಣ.
05:42	Decision ಬಾಕ್ಸ್, ಮಾಡಬೇಕಾದ ನಿರ್ಧಾರವನ್ನು ಪ್ರತಿನಿಧಿಸುತ್ತದೆ.
05:46	ನಿರ್ಧಾರದ ಫಲಿತಾಂಶವನ್ನು ಆಧರಿಸಿ, ಇದು ನಮಗೆ ಮುಂದಿನ ಪ್ರಕ್ರಿಯೆಯನ್ನು ನಿರ್ದೇಶಿಸುತ್ತದೆ.
05:52	ಈಗ ನಾವು Decision ಬಾಕ್ಸ್ ನ ಕೆಳಗೆ, ಇನ್ನೊಂದು Process ಬಾಕ್ಸ್ ಅನ್ನು ರಚಿಸೋಣ.
05:58	ಇದರ ಒಳಗೆ ನಾವು "Record Video" ಎಂಬ ಟೆಕ್ಸ್ಟ್ ಅನ್ನು ಸೇರಿಸೋಣ.
06:04	ನಂತರ, "Review Okay?" ಎಂಬ ಟೆಕ್ಸ್ಟ್ ನೊಂದಿಗೆ, ಇನ್ನೊಂದು Decision ಬಾಕ್ಸ್ ನಮಗೆ ಇಲ್ಲಿ ಬೇಕು.
06:12	ನಾವು ಈಮೊದಲು ರಚಿಸಿದ್ದ Decision ಬಾಕ್ಸ್ ಅನ್ನು ಕಾಪಿ ಮಾಡಿ ಅದನ್ನು ಇಲ್ಲಿ ಇಡೋಣ.
06:18	ಆದ್ದರಿಂದ, Decision ಬಾಕ್ಸ್ ಅನ್ನು ಆಯ್ಕೆ ಮಾಡಿ ಮತ್ತು Ctrl + C ಕೀಗಳನ್ನು ಒಟ್ಟಿಗೆ ಒತ್ತಿ.
06:25	ಈಗ, Ctrl + V ಕೀಗಳನ್ನು ಒಟ್ಟಿಗೆ ಒತ್ತಿರಿ.
06:29	ನಾವು ಈ ಬಾಕ್ಸ್ ಅನ್ನು ಹಿಂದಿನ Process ಬಾಕ್ಸ್ ನ ಕೆಳಗೆ ಚಲಿಸೋಣ.
06:35	ಈಗ, ಅದರೊಳಗೆ "Review Okay" ಎಂಬ ಟೆಕ್ಸ್ಟ್ ಅನ್ನು ನಮೂದಿಸಿ.
06:40	ಕೊನೆಯದಾಗಿ, ನಾವು ಒಂದು 'ಫ್ಲೋಚಾರ್ಟ್-ಕನೆಕ್ಟರ್' ಅನ್ನು ರಚಿಸೋಣ ಮತ್ತು ಅದರೊಳಗೆ 'A' ಎಂದು ಟೈಪ್ ಮಾಡೋಣ.
06:48	ಫ್ಲೋಚಾರ್ಟ್-ಕನೆಕ್ಟರ್, ಫ್ಲೋಚಾರ್ಟ್ ನ ಎರಡು ಭಾಗಗಳನ್ನು ಜೋಡಿಸುತ್ತದೆ.
06:53	ಫ್ಲೋಚಾರ್ಟ್ ನ ಮೊದಲ ಭಾಗವು ಒಂದು ಪೇಜ್ ನಲ್ಲಿದೆ
06:58	ಮತ್ತು ಎರಡನೇ ಭಾಗವು ಮತ್ತೊಂದು ಪೇಜ್ ನಲ್ಲಿದೆ ಎಂದುಕೊಳ್ಳೋಣ.
07:02	ನಾವು ಮೊದಲ ಪೇಜ್ ನ ಫ್ಲೋಚಾರ್ಟ್ ನ ಕೊನೆಯಲ್ಲಿ, ಫ್ಲೋಚಾರ್ಟ್-ಕನೆಕ್ಟರ್ ಅನ್ನು ರಚಿಸುತ್ತೇವೆ.
07:08	ನಂತರ, ಎರಡನೇ ಪೇಜ್ ನ ಆರಂಭದಲ್ಲಿ, ನಾವು ಅದೇ ಕನೆಕ್ಟರ್ ಅನ್ನು ರಚಿಸುತ್ತೇವೆ.
07:13	ನಾವು ಈ ಆಬ್ಜೆಕ್ಟ್ ಗಳನ್ನು ಜೋಡಿಸುವ ಮೊದಲು, Draw ನಲ್ಲಿ ಕನೆಕ್ಟರ್, ಲೈನ್ಸ್ ಮತ್ತು ಗ್ಲು-ಪಾಯಿಂಟ್ ಗಳು ಇವುಗಳ ಬಗ್ಗೆ ಕಲಿಯೋಣ.
07:21	'ಕನೆಕ್ಟರ್ಸ್', ಲೈನ್ ಅಥವಾ ಆರೋಗಳಾಗಿದ್ದು, ಇದರ ತುದಿಗಳನ್ನು ಆಬ್ಜೆಕ್ಟ್ ಗೆ ಜೋಡಿಸಲಾಗಿದೆ.
07:28	'ಗ್ಲು ಪಾಯಿಂಟ್ಗಳು' - ಹೆಸರೇ ಸೂಚಿಸುವಂತೆ, ಇವುಗಳು ಕನೆಕ್ಟರ್ ಗಳನ್ನು ಆಬ್ಜೆಕ್ಟ್ ಗಳಿಗೆ ಅಂಟಿಸುತ್ತವೆ.
07:35	ಎಲ್ಲಾ ಆಬ್ಜೆಕ್ಟ್ ಗಳು 'ಗ್ಲು ಪಾಯಿಂಟ್' ಗಳನ್ನು ಹೊಂದಿರುತ್ತವೆ.
07:39	ಇವುಗಳು ಅದೃಶ್ಯವಾಗಿವೆ;
07:41	Drawing ಟೂಲ್-ಬಾರ್ ನಿಂದ ಒಂದು ಕನೆಕ್ಟರ್ ಅನ್ನು ಆಯ್ಕೆ ಮಾಡಿದಾಗ ಅಥವಾ 'ಮೌಸ್ ಪಾಯಿಂಟರ್' ಅನ್ನು ಒಂದು ಆಬ್ಜೆಕ್ಟ್ ನ ಮೇಲೆ ಚಲಿಸಿದಾಗ ಇವುಗಳು ಗೋಚರಿಸುತ್ತವೆ.
07:51	'ಗ್ಲು ಪಾಯಿಂಟ್ಗಳು' ಹ್ಯಾಂಡಲ್ ಗಳಲ್ಲ.
07:54	ಆಬ್ಜೆಕ್ಟ್ ಅನ್ನು ರಿ-ಸೈಜ್ ಮಾಡಲು ನಾವು ಹ್ಯಾಂಡಲ್ ಗಳನ್ನು ಬಳಸುತ್ತೇವೆ.
07:58	ಕನೆಕ್ಟರ್ ಅನ್ನು ಆಬ್ಜೆಕ್ಟ್ ಗೆ ಅಂಟಿಸಲು, 'ಗ್ಲು ಪಾಯಿಂಟ್'ಗಳನ್ನು ಬಳಸಲಾಗುತ್ತದೆ.
08:02	ಈಗ, ನಾವು 'ಕನೆಕ್ಟರ್' ಗಳನ್ನು ಬಳಸಿ, ಫ್ಲೋಚಾರ್ಟ್ ನಲ್ಲಿನ ಆಬ್ಜೆಕ್ಟ್ ಗಳನ್ನು ಜೋಡಿಸೋಣ.
08:07	Drawing ಟೂಲ್ ಬಾರ್ ಗೆ ಹೋಗಿ ಮತ್ತು Connector ಅನ್ನು ಆಯ್ಕೆಮಾಡಿ.
08:12	ವಿವಿಧ ರೀತಿಯ 'ಕನೆಕ್ಟರ್' ಗಳನ್ನು ನೋಡಲು, ಸಣ್ಣ ಕಪ್ಪು ತ್ರಿಕೋನದ ಮೇಲೆ ಕ್ಲಿಕ್ ಮಾಡಿ.
08:18	ನಾವು Straight Connector ends with Arrow ಎಂಬ ಆಯ್ಕೆಯನ್ನು ಆರಿಸಿಕೊಳ್ಳೋಣ.
08:23	Connector ಅನ್ನು ಆಯ್ಕೆಮಾಡಿದಾಗ, 'ಡ್ರಾ' ಪೇಜ್ ನಲ್ಲಿನ ಎಲ್ಲಾ ಆಬ್ಜೆಕ್ಟ್ ಗಳ ಮೇಲೆ ನೀವು ಕ್ರಾಸ್ ಗುರುತನ್ನು ನೋಡುತ್ತೀರಿ.
08:31	ಇವುಗಳು 'ಗ್ಲು ಪಾಯಿಂಟ್' ಗಳಾಗಿವೆ.
08:34	ಈಗ ನಾವು, ಮೊದಲನೆಯ ಪ್ರೊಸೆಸ್ ಬಾಕ್ಸ್ ನ ಗ್ಲು-ಪಾಯಿಂಟ್ ನಿಂದ, ಅದರ ಮುಂದಿನ ಪ್ರೊಸೆಸ್ ಬಾಕ್ಸ್ ನ ಗ್ಲು-ಪಾಯಿಂಟ್ ಗೆ ಒಂದು ರೇಖೆಯನ್ನು ಎಳೆಯೋಣ.
08:44	ನಾವು 'ಕನೆಕ್ಟರ್' ಗಳನ್ನು ಬಳಸಿ, ಎಲ್ಲ ಫ್ಲೋಚಾರ್ಟ್ ಆಬ್ಜೆಕ್ಟ್ಗಳನ್ನು ಮೇಲಿನಿಂದ ಕೆಳಕ್ಕೆ ಜೋಡಿಸುವೆವು.
08:52	ನೀವು ಕರ್ಸರ್ ಅನ್ನು ಎಲ್ಲಿ ಇರಿಸಿದರೂ, ಪ್ರತಿಯೊಂದು ಲೈನ್, ತಂತಾನೆ ಹತ್ತಿರದ 'ಗ್ಲು-ಪಾಯಿಂಟ್' ಗೆ ಸ್ವತಃ ಜೋಡಿಸಿಕೊಳ್ಳುತ್ತದೆ ಎಂದು ನೀವು ಗಮನಿಸಬಹುದು.
09:03	ಈಗ, ನಾವು Process ಮತ್ತು Decision ಬಾಕ್ಸ್ ಗಳನ್ನು ಜೋಡಿಸೋಣ.
09:08	Drawing ಟೂಲ್ಬಾರ್ ನಿಂದ, Connector Ends with Arrow ಎಂಬ ಆಯ್ಕೆಯನ್ನು ಆರಿಸಿ.
09:14	Process ಬಾಕ್ಸ್ ನಿಂದ, ನಾವು Decision ಬಾಕ್ಸ್ ಗೆ ಜೋಡಿಸೋಣ.
09:19	ಹೀಗೆಯೇ, ನಾವು Decision ಬಾಕ್ಸ್ ಅನ್ನು ಮುಂದಿನ Process ಬಾಕ್ಸ್ ಗೆ ಜೋಡಿಸೋಣ.
09:25	ನೀವು ಕನೆಕ್ಟರ್ ಗೆ, ಟೆಕ್ಸ್ಟ್ ಅನ್ನು ಕೂಡ ಸೇರಿಸಬಹುದು.
09:29	Decision ಬಾಕ್ಸ್ ನಿಂದ Process ಬಾಕ್ಸ್ ಗೆ ಇರುವ 'ಕನೆಕ್ಟರ್' ನ ಮೇಲೆ, ನಾವು "No" ಎಂದು ಟೈಪ್ ಮಾಡೋಣ.
09:35	connector ಅನ್ನು ಆಯ್ಕೆ ಮಾಡಲು, ಅದರ ಮೇಲೆ ಡಬಲ್ ಕ್ಲಿಕ್ ಮಾಡಿ.
09:39	ಕೊನೆಯಲ್ಲಿರುವ ಕಂಟ್ರೋಲ್ ಪಾಯಿಂಟ್ ಗಳು ಸಕ್ರಿಯವಾಗುತ್ತವೆ
09:43	ಮತ್ತು ಟೆಕ್ಸ್ಟ್ ಕರ್ಸರ್ ಕಾಣಿಸಿಕೊಳ್ಳುತ್ತದೆ.
09:46	ನಾವು "No" ಎಂದು ಟೆಕ್ಸ್ಟ್ ಅನ್ನು ಟೈಪ್ ಮಾಡೋಣ.
09:49	ಬೇರೆ ಕನೆಕ್ಟರ್ ಗಾಗಿ, ನಾವು ಮತ್ತೊಮ್ಮೆ ಇದನ್ನು ಮಾಡೋಣ.
09:54	ನಾವು ಒಂದು ಸರಳವಾದ ಫ್ಲೋಚಾರ್ಟ್ ಅನ್ನು ರಚಿಸಿದ್ದೇವೆ!
09:57	ನಾವು Ctrl + S ಕೀಗಳನ್ನು ಒತ್ತುವ ಮೂಲಕ, ನಮ್ಮ ಫ್ಲೋಚಾರ್ಟ್ ಅನ್ನು ಸೇವ್ ಮಾಡೋಣ.
10:03	ನೀವು ಲೈನ್ಸ್ ಮತ್ತು ಆರೋಗಳನ್ನು ಬಳಸಿ ಸಹ ಆಬ್ಜೆಕ್ಟ್ ಗಳನ್ನು ಜೋಡಿಸಬಹುದು.
10:08	ಆದರೆ ಆ ಸಂದರ್ಭದಲ್ಲಿ, ನೀವು ಆಬ್ಜೆಕ್ಟ್ ಗಳನ್ನು ಗುಂಪು ಮಾಡಬೇಕು.
10:11	ಏಕೆಂದರೆ, ಆರೋಗಳು ಆಬ್ಜೆಕ್ಟ್ ಗಳ ಜೊತೆಗೆ ಜೋಡಿಸಿಕೊಂಡು ಇರುವುದಿಲ್ಲ.
10:16	'ಕನೆಕ್ಟರ್' ಗಳು ಹೇಗೆ ಲೈನ್ಸ್ ಮತ್ತು ಆರೋಗಳಿಂದ ವಿಭಿನ್ನವಾಗಿವೆ?
10:21	'ಕನೆಕ್ಟರ್' ಗಳು, ಲೈನ್ ಅಥವಾ ಆರೋ ಗಳಾಗಿದ್ದು,
10:24	ಇವುಗಳ ಕೊನೆಗಳು ಆಬ್ಜೆಕ್ಟ್ ನ 'ಗ್ಲು ಪಾಯಿಂಟ್'ಗಳಿಗೆ ತಂತಾನೆ ಜೋಡಿಸಲ್ಪಡುತ್ತವೆ.
10:31	ಆದರೆ ಲೈನ್ ಮತ್ತು ಆರೋ ಗಳು ತಂತಾನೇ ಜೋಡಿಸಿಕೊಳ್ಳುವುದಿಲ್ಲ.
10:36	ಈ ಟ್ಯುಟೋರಿಯಲ್ ಅನ್ನು ಇಲ್ಲಿ ನಿಲ್ಲಿಸಿ ಮತ್ತು ಈ ಅಸೈನ್ಮೆಂಟ್ ಅನ್ನು ಮಾಡಿ.
10:40	'ಸ್ಪೋಕನ್ ಟ್ಯುಟೋರಿಯಲ್' ಫ್ಲೋಚಾರ್ಟ್ ನ ಎರಡನೇ ಭಾಗವನ್ನು ರಚಿಸಿ.
10:45	ಪ್ರೊಸೆಸ್ ಬಾಕ್ಸ್ ಗಳಿಗೆ ಬಣ್ಣ ತುಂಬಿ.
10:48	'A' ಅಕ್ಷರದೊಂದಿಗೆ ಒಂದು 'ಕನೆಕ್ಟರ್' ಅನ್ನು ರಚಿಸಿ.
10:51	ಈ ಫ್ಲೋಚಾರ್ಟ್ ನಲ್ಲಿ, ಇದು ಮೊದಲನೆಯ ಆಬ್ಜೆಕ್ಟ್ ಆಗಿರಬೇಕು.
10:55	ಅದು ಹೀಗೆ ಕಾಣಬೇಕು.
10:59	ಇದರೊಂದಿಗೆ ನಾವು ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿದ್ದೇವೆ.
11:02	ಈ ಟ್ಯುಟೋರಿಯಲ್ ನಲ್ಲಿ, ನೀವು 'ಫ್ಲೋಚಾರ್ಟ್', 'ಕನೆಕ್ಟರ್' ಮತ್ತು 'ಗ್ಲು ಪಾಯಿಂಟ್' ಇವುಗಳ ಬಗ್ಗೆ ಕಲಿತಿದ್ದೀರಿ.
11:09	ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುವ ವೀಡಿಯೋವನ್ನು ವೀಕ್ಷಿಸಿ.
11:13	ಇದು 'ಸ್ಪೋಕನ್ ಟ್ಯುಟೋರಿಯಲ್' ಪ್ರಕಲ್ಪದ ಸಾರಾಂಶವಾಗಿದೆ.
11:17	ನಿಮಗೆ ಒಳ್ಳೆಯ ‘ಬ್ಯಾಂಡ್‌ವಿಡ್ತ್’ ಸಿಗದಿದ್ದರೆ, ನೀವು ಇದನ್ನು ಡೌನ್ಲೋಡ್ ಮಾಡಿ ನೋಡಬಹುದು.
11:22	ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್ ತಂಡವು:
11:24	ಸ್ಪೋಕನ್ ಟ್ಯುಟೋರಿಯಲ್ ಗಳನ್ನು ಬಳಸಿ ಕಾರ್ಯಶಾಲೆಗಳನ್ನು ನಡೆಸುತ್ತದೆ.
11:28	ಆನ್ಲೈನ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ ಪ್ರಮಾಣಪತ್ರವನ್ನು ಕೊಡುತ್ತದೆ.
11:32	ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಕೆಳಗಿನ ಲಿಂಕ್ ಗೆ ಬರೆಯಿರಿ: contact at spoken hyphen tutorial dot org.
11:40	Spoken Tutorial ಪ್ರಕಲ್ಪವು, Talk to a Teacher ಎಂಬ ಪ್ರಕಲ್ಪದ ಒಂದು ಭಾಗವಾಗಿದೆ.
11:45	ಇದು NMEICT, MHRD ಮೂಲಕ ಭಾರತ ಸರ್ಕಾರದ ಅನುದಾನವನ್ನು ಪಡೆದಿದೆ.
11:53	ಈ ಮಿಷನ್ ನ ಬಗ್ಗೆ ಹೆಚ್ಚಿನ ಮಾಹಿತಿಯು, ಕೆಳಗೆ ತೋರಿಸಿದ ಲಿಂಕ್ ನಲ್ಲಿ ಲಭ್ಯವಿದೆ: spoken hyphen tutorial dot org slash NMEICT hyphen Intro.
12:05	ಈ ಟ್ಯುಟೋರಿಯಲ್, DesiCrew Solutions Pvt. Ltd. ಅವರ ಕೊಡುಗೆಯಾಗಿದೆ. ಸ್ಕ್ರಿಪ್ಟ್ ನ ಅನುವಾದಕಿ IIT Bombay ಯಿಂದ ಸಂಧ್ಯಾ ಪುಣೇಕರ್ ಮತ್ತು ಧ್ವನಿ ಶ್ರೀ ನವೀನ್ ಭಟ್, ಉಪ್ಪಿನಪಟ್ಟಣ. ವಂದನೆಗಳು.

Contributors and Content Editors

Sandhya.np14