LibreOffice-Suite-Calc/C2/Introduction-to-LibreOffice-Calc/Khasi
From Script | Spoken-Tutorial
| Time | Narration |
| 00:00 | Ngi pdiang sngewbha ia phi sha ka Spoken Tutorial halor ka Jingsdang iaka LibreOffice Calc |
| 00:06 | Ha kane ka jinghikai ngin pule shaphang ka : |
| 00:08 | Ka jingsdang jong ka LibreOffice Calc |
| 00:12 | Ki tiar pyndonkam(toolbars) ha ka LibreOffice Calc. |
| 00:18 | Kumno ban plié iaka Dokumen ba la don lypa |
| 00:21 | Kumno ban save bad khang iaka dokumen ha ka Calc |
| 00:26 | LibreOffice Calc kadei ka spreadsheet kaba long kum shi bynta jongka LibreOfficeSuite. |
| 00:32 | Kumba ki nongthoh ki pyniadei lane pyndonkam bad ki jingthoh Alphabet kumta ruh ka spreadsheet la pyniadei bad ki Nombar. |
| 00:40 | Ngi lah ban ong ba kane ka Software ka don jingiadei bad ka ktien jong ki Nombar. |
| 00:44 | Ka ia syriem bad ka Microsoft Excel ha ka Microsoft Office Suite. |
| 00:49 | Kadei ka Software kaba ngi lah ban iohei, te ngi lah ban bud(copy) bad pyndonkam ia kaba la don lypa, bad ruh sam sha kiwei khlem jingsiew eiei. |
| 00:57 | Te shwa ban sdang iaka LibreOffice Suite, ngi lah ban pyndonkam da ka Microsoft Windows 2000 lane ki bershon jong ka Operating System kiba mih hadien jong ka kum ka MS Windows XP lane MS Windows 7 lane phi lah ban pyndonkam da ka GNU/Linux. |
| 01:14 | Hangne ngi pyndonkam da ka Ubuntu Linux bershon 10.04 kum ka Opeating System jong ngi bad ka LibreOffice Suite 3.3.4 |
| 01:26 | Lada phim pat dep install iaka LibreOffice Suite, phi lah ban pyndonkam da ka Synaptic Package Manager ban install ia ka Calc. |
| 01:35 | Na ka bynta ki jingtip ba kham bniah shaphang ka Synaptic Package Manager, Phi lah ban peit iaka Ubuntu Linux Tutorial ha kane ka website bad download iaka LibreOffice Suite Da kaba bud ia ki jingbatai ba la ai ha kane ka website. |
| 01:50 | Ki jingbatai ba kham bniah ki don ha ka jinghikai ba nyngkong jong ka LibreOffice Suite. |
| 01:56 | Phi dei ban kynmaw haba phi install, pyndonkam da ka “Complete” installation naka bynta ka Calc |
| 02:01 | Lada phi lah dep install lypa iaka LibreOffice Suite, phin sa shem ia ka LibreOffice Calc da kaba klik ia u opshon “Applications” hajrong ha ka liang ka diang jong ka screen bad sa klik “Office”bad hadien kata sa klik biang ha u opshon “LibreOffice”. |
| 02:17 | Ka dialog box ba thymmai ka plié ryngkat bad shibun ki bynta jong ka LibreOffice. |
| 02:22 | Ban ioh pyndonkam iaka LibreOffice Calc,klik ha ka bynta ”Spreadsheet” ha ka dialog box ba thymmai. |
| 02:30 | Kane kan sa plié ia kawei ka dokumen bym pat don eiei ha ka Calc Window. |
| 02:35 | Te mynta ngin ia pule shaphang ki bynta ba kongsan jong ka Calc Window. |
| 02:40 | Iaka dokumen ha ka Calc la khot ka Workbook.Ka wokbook ka don shibun ki sheet ia kiba ju khot spreadsheets. |
| 02:48 | Kawei pa kawei ka spreadsheet ka kynthup ia ki colom bad pyngkiang lane row. Kawei pa kawei ka row la ithuh da ki nombar bad kawei pa kawei ka colom la ithuh da ki dak alphabet. |
| 02:58 | Kawei ka ing(cell) kaba pyni iaka jingiadei jong ka row bad ka colom la ithuh da ki nombar naka bynta ka row bad da u dak alphabet na bynta ki colom. |
| 03:09 | Ki cell ki lah ban buh ia ki jingtip kum ki jingthoh, ki nombar, ki phormula bad kiwei pat ki jingtip naka bynta ban pyni bad ban khein. |
| 03:18 | Kawei pa kawei ka spreadsheet ka lah ban don shibun ki sheet bad kawei pa kawei ka sheet ka lah ban don la kumno kumno tam khyndiat iaka Shi million ki row bad shi hajar tylli ki colom kiba ai ia ngi la kumno kumno ar billion lane shispah krore tylli ki cell ha kawei ka sheet |
| 03:33 | Ka Calc window ka don shibun ki tiar pyndonkam lane ki toolbar kum ka title bar, ka menu bar, ka standard toolbar, ka formatting toolbar, ka formula bar bad ka status bar. |
| 03:45 | Lait na kine don ruh sa ar tylli kiwei pat kiba la tip kum “Input line” bad”Name box” kiba don hajrong. |
| 03:54 | Ki toolbar ki don ia ki opshon ba ju pyndonkam bha ia kiba ngin sa pule bad tip katba ngi iaid shakhmat ia ka tutorial. |
| 04:02 | Mynta phi lah ban iohi lai tylli ki sheet tab shapoh ha ka bynta kaba sha kadiang jong ka spreadsheet ,”Sheet 1”,”Sheet 2” bad “Sheet 3”. |
| 04:13 | Kine ki tab ki ailad ban ioh rung ha kawei ka sheet ryngkat kawei ka sheet kaba paw kaba don u tab balieh |
| 04:21 | Da kaba klik ha kawei pat ka sheet u tab u pynmih ia kato ka sheet bad u tab jong u u kylla lieh |
| 04:28 | Ka bynta ba kongsan jong ka spreadsheet ha kaba la pynrung ia ki jingthoh ka don shibun ki cell ha ka rukom grid. Kawei pa kawei ka don ka jingiakynduh jong ka colom bad ka row. |
| 04:41 | Hajrong duh jong ki colom bad sha ka liang kadiang jong ki row don ki boxes ba long rong dpei kiba don ia ki dak alphabet bad ki nombar. Kine kidei ki colom bad ki row header. |
| 04:53 | Ki colom ki sdang ha u “A” bad ki bud ter ter shaphang kamon, bad ki row ki sdang naduh”1”bad ki bud ter ter shapoh. |
| 05:01 | Kine ki colom bad ki row header ki pynlong ia ki cell kiba paw ha ka “Name Box” |
| 05:07 | Hadien ba la pule shaphang ki bynta bapher ha Calc, mynta ngin pule kumno ban plié iaka dokumen bathymmai ha LibreOffice Calc |
| 05:17 | Phi lah ban plié iaka dokumen bathymmai da kaba klik ha u ikon”New” ha ka Standard toolbar lane da kaba klik ia u opshon”File”ha ka menu bar bad nangta pat sa klik ia u opshon”New” bad khatduh eh sa klik ha u opshon”Spreadsheet” |
| 05:33 | Ha baroh ar rukom phi iohi ba la plié iaka Calc Window bathymmai |
| 05:39 | Mynta ngin pule kumno ban shna iaka “Personal Finance Tracker” |
| 05:45 | Mynta to ngin iapeit kumno ban pynrung ia ki jingthoh ne ki jingkhein ha ki katto katne ki cell ha ka spreadsheet |
| 05:50 | Te klik ha ka cell ba la ai kyrteng A1 ha ka sheet banyngkong jong ka spreadsheet. |
| 05:56 | To ngin thoh ia ka heading kum “SN” kaba kdew ia u serial nombar jong ki tiar(item) kiba ngin pyni ha ka spreadsheet. |
| 06:05 | Mynta klik ha ka cell B1 bad type sa kawei pat ka heading”Items” |
| 06:11 | Baroh ki kyrteng jong ki tiar ba ngin pyndonkam ha kane ka spreadsheet kin long hapoh kane ka heading. |
| 06:18 | Ha kajuh ka rukom klik ha ki cell C1,D1,E1,F1 bad G1 kawei hadien kawei bad thoh ia ki heading kum”Cost”,”Spent”,”Received”,”Date” bad”Account”. |
| 06:33 | Hadien ngin thep ia ki data hapoh kawei kawei ka colom |
| 06:39 | Shisien ba phi la dep thoh ka spreadsheet, phi dei bad save iaka ban ioh pyndonkam hadien habud. |
| 06:44 | Ban save ia kane ka file,klik ha u opshon”File” ha u menu bar bad nangta sa klik ia u opshon” Save As” |
| 06:51 | Kawei ka dialog box kan sa paw ha ka screen ha kaba phin hap pyndap iaka kyrteng jong ka file hapoh ka “Name”. |
| 06:59 | Pyndap iaka kyrteng jong ka file kum”Personal Finance Tracker” |
| 07:04 | Hapoh jong “Name” phi don iaka”Save in folder” ha kaba phin hap ban pyndap iaka kyrteng jong ka thup kaban don iaka file kaba phi lah dep save. |
| 07:14 | Te klik ha u khnam ba shapoh ha ka”Save in folder” |
| 07:18 | Ka list jong ki folder opshon ka mih. Hangne ngi lah ban jied iaka thup ha kaba ngi kwah ban save iaka file. |
| 07:26 | Ngi klik ha u opshon “Desktop” |
| 07:28 | Te ka file kan sa save hapoh ka desktop. |
| 07:34 | Mynta klik ha u opshon”File Type” ha ka dialog box. |
| 07:37 | Kane kan pyni ha phi iaka list jong ki rukom file lane ki extenshon ha kaba phin lah ban save iaka file jong phi. |
| 07:46 | Ka default file type ha LibreOffice Calc kadei ka “ODF Spreadsheet” kaba ai iaka extenshon “dot ods” |
| 07:56 | ODF ka mut Open Dokumen Format kaba long ka open standard. |
| 08:01 | Lait na ka rukom save ha ka jait dot ods kaba lah ban plié ha LibreOffice Calc,phi lah ruh ban save iaka file jong phi ha ka jait dot xml,dot xlsx bad ha ka dot xls kaba lah ban plié ha ka MS Office Excel prokram. |
| 08:20 | Kawei pat ka extenshon kaba kham paw kaba lah ban plié ha bun ki prokram kadei dot csv. |
| 08:28 | Ia kane ngi shait kham pyndonkam ha ka ban lum ia ki spreadsheet data ha ka jait text , kaba iarap ban pynduna ia ka jingheh jong ka bad kalong kaba suk ruh ban pyndonkam ha kiwei ruh ki machine. |
| 08:38 | Ngin klik ha u opshon”ODF Spreadsheet” |
| 08:43 | Phin iohi ia ka file, “ODF Spreadsheet and within brackets, dot ods” kan mih hajan jong ka “File type” opshon. |
| 08:53 | Klik ha u button “Save”. |
| 08:55 | Kane kan sa pynpoi biang ia phi sha ka Calc window ryngkat ka kyrteng jong ka file bad ka extenshon katkum ka jingkwah jong phi ha ka title bar. |
| 09:03 | Ryngkat bad ki rukom save ba ngi la dep iakren, iaka spreadsheet lah ruh ban save ha ka ”dot html” |
| 09:13 | Ia kane lah ban leh ha kajuh ka rukom kumba la batai hashwa. |
| 09:18 | Te klik ha ka “File” opshon ha ka menu bar bad sa klik ia u opshon“Save As” |
| 09:24 | Mynta klik ia u opshon “File Type”, bad klik ha u “HTML Document” bad hapoh braces OpenOffice dot org Calc” opshon |
| 09:36 | Une u opshon u ai iaka dokumen iaka extenshon “dot html” |
| 09:41 | Klik ha u “Save”button. |
| 09:44 | Mynta buh dak ha u opshon”Ask when not saving in ODF format” ha u dialog box |
| 09:50 | Ha kaba kut sa klik ha u opshon”Keep Current Format” |
| 09:54 | Phin sa iohi ba ia ka dokumen lah save ha ka extenshon dot html |
| 10:00 | Ia kane ka format la pyndonkam haba ngi kwah pyni iaka spreadsheet jong ngi kum ka web page kaba lah ban plié da ka web browser prokram |
| 10:10 | Ia kane ka dokumen lah ruh ban phah sha ka PDF format da kaba shu klik ia u opshon “Export Directly as PDF” ha u standard tool bar. Kumba long mynshwa, |
| 10:20 | Jied ia ka jaka ha kaba phi kwah ban save. |
| 10:24 | Phi lah ruh ban leh ia kane da kaba klik ia u opshon “File” ha u menu bar bad nangta sa klik ha u opshon”Export as pdf.” |
| 10:33 | Ha ka dialog box uba paw,klik ha u opshon “Export”bad hadien sa klik ia u button”Save” |
| 10:40 | Kan sa mih kawei ka pdf file. |
| 10:44 | To ngin ia khang noh ia kane ka dokumen da kaba klik”File” bad hadien pat klik”Klose” |
| 10:50 | Mynta pat ngin pule bad peit kumno ban plié iaka dokumen ba la don lypa ha LibreOffice Calc |
| 10:56 | Ban plié iaka dokumen ba la don lypa, klik ha u opshon “File”ha u menu bar hajrong bad nangta sa klik ha u opshon”Open” |
| 11:06 | Kawei ka dialog box kan sa paw ha ka screen. |
| 11:09 | Hangne wad iaka folder ha kaba phi lah save iaka dokumen. |
| 11:14 | Te klik ha u let barit uba don shajrong ha ka liang kadiang jong ka dialog box. Ka don ka kyrteng “Type a file name”. |
| 11:23 | Kane kan plié iaka “Location Bar” |
| 11:25 | Hangne , thoh iaka kyrteng jong ka file kaba phi wad. |
| 11:30 | Te ngi thoh iaka kyrteng jong ka file kum”Personal Finance Tracker”. |
| 11:35 | Mynta ha ka list jong ki kyrteng ki file ba paw, jied ia ka“Personal Finance Tracker dot ods” |
| 11:43 | Mynta klik ha u “Open” button. |
| 11:45 | Phin iohi ba ka file Personal Finance Tracker.ods kan sa plié. |
| 11:51 | Phi lah ruh ban plié iaka file ba la don lypa da kaba klik ha u ikon”Open”ha u toolbar uba hajrong bad sa pynbud ia kajuh ka rukom leh. |
| 12:02 | Phi lah ruh ban plié ia ki file kiba don ia ki extenshon”dot xls”bad”dot xlsx” kiba ju pyndonkam da ka Microsoft Excel ha Calc |
| 12:13 | Hadien phin sa iohi kumno ban pynkylla iaka file bad save iaka ha kajuh ka kyrteng. |
| 12:20 | Te mynta to ngin ia pynkylla iaka file da kaba pynlong ia ki heading sha ki dak rben(bold) bad pynheh ia ki font size |
| 12:26 | Nyngkong eh klik ha ka cell ba kyrteng A1. Jied ia ki heading”SN”, ”Cost”, ”Spent”, ”Received”, ”Date” bad ”Account” da kaba klik ha u button ba sha kadiang jong u Mouse bad sa tan lane drag ia u sha ka liang ki heading. |
| 12:42 | Kane kan sa jied ia ka text bad pynthaba iaka. Mynta pyllait noh ia u Buton jong u Mouse ba sha kadiang. Ka text kadei ban dang thaba. Mynta klik ia u ikon“Bold” ha U Standard toolbar. |
| 12:56 | Ki heading mynta ki la kylla rben dak |
| 12:59 | To mynta ngin ia pynheh ia u font size jong ki heading. |
| 13:03 | To ngin jied ia ki heading bad sa klik ha u “Font Size”ha u toolbar. |
| 13:09 | Ha ka drop down menu, to ngin jied “14” |
| 13:13 | Bad phin shem ba ka font size jong ki heading ka la heh |
| 13:17 | Mynta to ngin ia pynkylla ia ki font style ba ngin pyndonkam |
| 13:21 | Sa klik ha u khnam ba shapoh ha ka”Font Name”bad sa jied”Bitstream Charter” kum ka kyrteng ka font |
| 13:31 | Ynda la dep leh ia ki jingpynkylla ba donkam, Sa klik ha u ikon”Save” |
| 13:36 | Ynda phi la dep save iaka dokumen bad lada phi kwah ban khang noh iaka, shu leit ha ka Menu bar bad klik “File”, bad sa klik ia u opshon“Close” |
| 13:46 | Kane ka khang noh iaka file jong phi |
| 13:50 | Mynta ngi lah poi sha kaba kut jong ka Spoken tutorial ha ka LibreOffice Calc |
| 13:54 | Khyndiat kumban shu pynkynmaw ia kaba ngi lah dep pule shaphang: |
| 13:57 | Ka jingsdang jong ka LibreOffice Calc |
| 14:01 | Ki tiar pyndonkam(toolbars) ha ka LibreOffice Calc. |
| 14:04 | Kumno ban plie iaka dokumen ba thymmai ha Calc |
| 14:07 | Kumno ban plié iaka dokumen ba lah don lypa |
| 14:10 | Kumno ban save bad khang iaka dokumen ha Calc |
| 14:14 | COMPREHENSIVE ASSIGNMENT -Plie iaka dokumen bathymmai ha Calc |
| 14:20 | Save iaka da kaba ai kyrteng “SpreadSheet Practice.ods” |
| 14:25 | Thoh ia ki heading kum”Serial number”, “Name”,”Department”bad”Salary” |
| 14:31 | Ruid line ia ki heading. Pynheh ia ka font size jong ka heading sha 16. Khang noh ia ka file. |
| 14:39 | Peit iaka video kaba don ha ka link ba lah ai harum |
| 14:42 | Ka batai kyllum iaka Projek jong ka Spoken Tutorial |
| 14:45 | Lada phim don ia ka bandwidth kaba biang, phi lah ban shu download bad peit ia ka hadien |
| 14:49 | Ka kynhun jong ka Spoken Tutorial |
| 14:52 | Ka pyniaid ia ki workshop da kaba pyndonkam ia ki spoken tutorial |
| 14:59 | Ka ai sertiphikate sha kito kiba pass ha ka online test |
| 15:00 | Na ka bynta ki jingtip ba kham bniah, sngewbha thoh sha ka contact@spoken-tutorial.org |
| 15:05 | Ka spoken tutorial Projek kadei ka bynta jong ka projek kaba ki khot Talk to a Teacher |
| 15:10 | Ia kane la kyrshan da ka National Mission on Education lyngba ka ICT,Sorkar India |
| 15:17 | Ia ki jingtip bakham bniah halor kane ka mission lah ban ioh na |
| 15:21 | spoken hyphen tutorial dot org slash NMEICT hyphen Intro |
| 15:28 | Ia kane ka tutorial la pynkylla sha ka ktien Khasi da I Meboreen Mary Thongni
Khublei Shibun ia ka jingiasnohktilang jong phi |
