LibreOffice-Suite-Base/C4/Database-Design-Purpose-OrganizeTables/Assamese
From Script | Spoken-Tutorial
| Time | Narration |
| 00:00 | নমস্কাৰ দৰ্শক সকল. লিবাৰঅফিছ বেছ সম্পৰ্কীয় স্পকেন টিউটৰিয়েললৈ স্বাগতম |
| 00:04 | এই টিউটৰিয়েলত, আমি ডাটাবেছ ডিজাইন সম্পৰ্কত এই বিষয়কেইটা শিকিম: |
| 00:09 | আমাৰ ডাটাবেছৰ উদ্দেশ্য নিৰ্ধাৰণ কৰা |
| 00:12 | দৰকাৰ হোৱা তথ্য বিচৰা আৰু সজোৱা |
| 00:15 | তথ্যবিলাক টেবুলত বিভক্ত কৰা |
| 00:19 | ডাটাবেছ ডিজাইন কি? |
| 00:21 | কোনো এটা ডাটাবেছৰ বিস্তাৰিত ডাটা মডেল তৈয়াৰ কৰাৰ প্ৰক্ৰিয়াটোক ডাটাবেছ ডিজাইন বুলি কোৱা হয় |
| 00:28 | এটা ভালদৰে ডিজাইন কৰা ডাটাবেছে |
| 00:32 | একেবাৰে শেহতীয়া, নিৰ্ভুল আৰু সম্পূৰ্ণ তথ্য আগবঢ়াব পাৰে |
| 00:37 | ইয়াৰ অৰ্থ হৈছে, বিভিন্ন পৰ্যায়ত আমাৰ তথ্যৰ শুদ্ধতা সম্পৰ্কে আমি নিশ্চিত হ’ব পাৰোঁ |
| 00:43 | ডাটা প্ৰচেচিং আৰু ৰিপৰ্টিঙৰ ক্ষেত্ৰত আমাৰ প্ৰয়োজনীয়তা পূৰণ কৰে |
| 00:48 | আৰু সহজে সাল-সলনি গ্ৰহণ কৰে |
| 00:51 | ডাটাবেছ ডিজাইন প্ৰক্ৰিয়া এইকেইটা ধাপেৰে গঠিত হৈছে— |
| 00:57 | আমাৰ ডাটাবেছৰ প্ৰয়োজনীয়তা নিৰ্ধাৰণ কৰা |
| 01:00 | দৰকাৰী তথ্য বিচৰা আৰু সজোৱা |
| 01:04 | তথ্যসমূহ টেবুলত বিভক্ত কৰা |
| 01:07 | তথ্যৰ বিষয়বস্তু কলমলৈ পৰিৱৰ্তন কৰা |
| 01:11 | প্ৰাইমেৰী কী নিৰ্ধাৰণ কৰা |
| 01:14 | টেবুল ৰিলেশ্বনশ্বিপ চেটআপ কৰা |
| 01:17 | আমাৰ ডিজাইনৰ অশুদ্ধি দূৰ কৰা |
| 01:20 | নৰমেলাইজেশ্যন ৰুল প্ৰয়োগ কৰা |
| 01:23 | আৰু শেষত, ডাটাবেছটো পৰীক্ষা আৰু ৰান কৰা আৰু ইয়াক মেইনটেইন কৰা |
| 01:28 | ঠিক আছে, প্ৰথমটো ধাপলৈ যোৱা যাওক, সেইটো হৈছে |
| 01:32 | আমাৰ ডাটাবেছৰ প্ৰয়োজনীয়তা নিৰ্ধাৰণ কৰা |
| 01:35 | এটা চিম্পল লাইব্ৰেৰী এপ্লিকেশ্যন লোৱা যাওক |
| 01:38 | এটা লাইব্ৰেৰীত সাধাৰণতে কিতাপ থাকে |
| 01:41 | আৰু এই কিতাপবোৰ লাইব্ৰেৰীৰ ৰেজিষ্টাৰ্ড সদস্যলৈ ইছ্যু কৰা হয় |
| 01:45 | গতিকে কিতাপ আৰু সদস্যসকলৰ তালিকা মেইনটেইন কৰাৰ বাবে |
| 01:51 | আৰু সদস্যসকললৈ কিতাপ ইছ্যু কৰাটো ট্ৰেক কৰাৰ বাবে আমাক এটা লাইব্ৰেৰী এপ্লিকেশ্যন লাগে |
| 01:56 | আমাৰ প্ৰথম কাম হ’ব প্ৰয়োজনীয় তথ্য বিচাৰি উলিওৱা আৰু সেইবোৰ সজোৱা |
| 02:01 | এয়াই হৈছে সেই ঠাই, য’ত আমাৰ ডাটাবেছত ৰেকৰ্ড কৰিব বিচৰা সকলো ধৰণৰ তথ্য আমি গোট খুৱাওঁ |
| 02:09 | এতিয়া যিহেতু লাইব্ৰেৰী এপ্লিকেশ্যনটোৰ উদ্দেশ্য আমি জানো, গতিকে ইয়াত আইটেমবোৰ চিনাক্ত কৰা যাওক |
| 02:17 | এইবোৰ হৈছে কিতাপ |
| 02:19 | এখন কিতাপৰ এটা শিৰোনাম, এজন লেখক, এজন প্ৰকাশক আৰু এটা মূল্য থাকে |
| 02:24 | আৰু আমি লেখকৰ তথ্যও ৰাখিব পাৰোঁ, যেনে— জন্মৰ তাৰিখ আৰু কোনখন দেশত তেখেতৰ ঘৰ আদি |
| 02:33 | আমি প্ৰকাশকৰ নাম, ঠিকনা আৰু ফোন নম্বৰো ৰাখিব পাৰোঁ |
| 02:38 | ইয়াৰ উপৰি, লাইব্ৰেৰীৰ সদস্যসকল আছে, যিসকলৰ নাম, ফোন নম্বৰ আৰু ঠিকনা আছে |
| 02:45 | যেতিয়া এখন কিতাপ এজন সদস্যলৈ ইছ্যু কৰা হয়, তেতিয়া |
| 02:49 | কিতাপ ইছ্যু কৰা তাৰিখ, ঘূৰাই দিয়া তাৰিখ, প্ৰকৃততে ঘূৰাই দিয়া তাৰিখ আৰু চেকড্ ইন ষ্টেটাচ থাকে |
| 02:56 | এই ইণ্ডিভিজুৱেল আইটেমবিলাকক এট্ৰিবিউটচ্ বুলিও কোৱা হয় |
| 03:01 | ইয়াৰ প্ৰত্যেকটো এট্ৰিবিউটে এখন টেবুলৰ একোটা পটেনচিয়েল কলমক প্ৰতিনিধিত্ব কৰে |
| 03:08 | এই মুহূৰ্তত আমি প্ৰশ্নবিলাকক এই ধৰণে প্ৰণালীবদ্ধ কৰিব পাৰোঁ: |
| 03:12 | কোনো এজন প্ৰকাশকে লাইব্ৰেৰীক যোগান ধৰা নতুন কিতাপৰ এটা চেট সম্পৰ্কত আমি কেনেকৈ তথ্য যোগ দিম? |
| 03:20 | ইয়াৰ সদস্যসকলৰ এখন তালিকা আমি কেনেকৈ মেইনটেইন কৰিম? |
| 03:25 | যদি কোনো এজন সদস্য লাইব্ৰেৰীৰ পৰা ওলাই যায় বা কোনো এজনে তেওঁৰ ঠিকনা সলনি কৰিব বিচাৰে, তেতিয়া কি হ’ব? |
| 03:32 | এজন সদস্যই যেতিয়া এখন কিতাপ ঘূৰাই দিয়ে, সেই তথ্য আমি কেনেকৈ আপডেট কৰিম? |
| 03:38 | কেনেকুৱা ধৰণৰ ৰিপৰ্ট আমি প্ৰস্তুত কৰিব বিচাৰিম? |
| 03:42 | কোনখন কিতাপ সদস্যসকলৰ মাজত আটাইতকৈ বেছিকৈ পঠিত হৈছে? |
| 03:46 | আৰু সদস্যসকলে ধাৰলৈ নিয়া আৰু সময় মতে ঘূৰাই নিদিয়া কিতাপৰ এখন তালিকা আমি কেনেকৈ জেনেৰেট কৰিম? |
| 03:55 | এতিয়া যিহেতু আমাৰ কিছু ডিটেইলছ্ গোট খালে, তথ্যখিনি কেনেকৈ টেবুলত বিভক্ত কৰিব পৰা যায়, সেইটো চোৱা যাওক |
| 04:02 | আমাৰ তথ্য আইটেম বা এট্ৰিবিউটছবিলাক আমি প্ৰধান এনটিটি বা বিষয়ত ভাগ কৰিম |
| 04:11 | প্ৰত্যেকটো বিষয় তেতিয়া টেবুল হৈ পৰিব |
| 04:14 | গতিকে টেবুলবিলাকৰ প্ৰাথমিক তালিকাখন স্ক্ৰীনত দেখুওৱা ছবিখনৰ দৰে দেখা যাব |
| 04:21 | ইয়াত প্ৰধান বিষয় বা এনটিটি হিচাপে কিতাপ আৰু সদস্যক দেখুওৱা হৈছে |
| 04:26 | গতিকে, দুখন টেবুলৰে আৰম্ভ কৰাটো যুক্তিযুক্ত হ’ব; এখন কিতাপৰ বাবে আৰু আনখন সদস্যসকলৰ বাবে |
| 04:33 | এতিয়া বুকচ্ টেবুলখন পুংখানুপুংখভাৱে চোৱা যাওক |
| 04:37 | ইয়াত ১০টা এট্ৰিবিউট বা কলম আছে, যিবোৰক আমি আগতেই এইধৰণে নিৰ্ধাৰণ কৰিছিলো: |
| 04:43 | টাইটেল, অথৰ, পাব্লিশ্বাৰ, পাব্লিশ্বাৰ এড্ৰেছ, পাব্লিশ্বাৰ চিটি, পাব্লিশ্বাৰ ফোন, পাব্লিশ্ব্ ইয়েৰ, প্ৰাইচ, অথৰ জন্ম তাৰিখ আৰু অথৰ দেশ |
| 04:58 | এতিয়া, এই টেবুলখনত ডাটা কিধৰণে প্ৰদৰ্শিত হৈছে, সেয়া চোৱা যাওক |
| 05:03 | লক্ষ্য কৰক যে প্ৰত্যেকটো ৰ’ বা ৰেকৰ্ডত কিতাপ, ইয়াৰ লেখক আৰু প্ৰকাশক সম্পৰ্কে তথ্য আছে |
| 05:13 | এই ডিজাইনটোত দুটা ফ্ল’ আছে |
| 05:17 | একেজন লেখক বা প্ৰকাশকৰ পৰা বহুতো কিতাপ থাকিব পাৰে |
| 05:23 | গতিকে আমি দেখা পাইছোঁ যে লেখক আৰু প্ৰকাশক সম্পৰ্কীয় তথ্যৰ কেইবাবাৰো পুনৰাবৃত্তি ঘটিছে, |
| 05:31 | যিয়ে কম্পিউটাৰ ডিস্ক স্পেচৰ অপচয় কৰিছে |
| 05:34 | এই ডিজাইনটোৰ ক্ষেত্ৰত দ্বিতীয়টো সমস্যা হৈছে: |
| 05:38 | ই ডাটাবেছত এনোমেলিজ উৎপন্ন কৰাৰ ৰিস্ক বহন কৰিছে |
| 05:44 | এতিয়া কথাটো হ’ল, এনোমেলি কি? |
| 05:47 | ইয়াক সাধাৰণভাৱে ডাটাবেছত হোৱা ভুল বা গণ্ডগোল বুলি ক’ব পাৰি |
| 05:53 | এনোমেলিৰ তিনিটা প্ৰকাৰ আছে: |
| 05:57 | প্ৰথমটোক কোৱা হয় ইনচাৰ্টন এনোমেলি, |
| 06:01 | এটা নতুন ৰেকৰ্ড ভৰোৱাৰ সময়ত এইটো ঘটিব পাৰে, |
| 06:06 | অথবা যেতিয়া কোনো এটা এট্ৰিবিউট অন্য এট্ৰিবিউট নথকাকৈ ডাটাবেছত ভৰাব নোৱাৰি, তেতিয়া ই ঘটিব পাৰে |
| 06:14 | উদাহৰণ স্বৰূপে, আমি ধৰি ল’ম যে পেংগুইন নামৰ এজন নতুন প্ৰকাশক আছে |
| 06:21 | এতিয়া আমাৰ ডিজাইনত পেংগুইন প্ৰকাশকৰ বিষয়ে সবিশেষ ভৰাব নোৱাৰি, যেতিয়ালৈকে আমাৰ লাইব্ৰেৰীত তেওঁলোকৰ অন্ততঃ এখন কিতাপো নাথাকে |
| 06:34 | দ্বিতীয়টোক কোৱা হয় ডিলিশ্যন এনোমেলি, |
| 06:39 | যিটো কোনো এটা ৰেকৰ্ড ডিলিট কৰাৰ সময়ত ঘটে |
| 06:43 | ইয়াত, ডাটাবেছৰ এটা ৰ’ বা ৰেকৰ্ড ডিলিট কৰাৰ ক্ষেত্ৰত আমি ডিলিট কৰিব বিচৰাতকৈ বেছি তথ্য ডিলিট কৰে |
| 06:51 | উদাহৰণ স্বৰপে, আমি দেখিছোঁ যে আমাৰ লাইব্ৰেৰীত অৰিয়েণ্ট পাব্লিশ্বাৰৰ ‘পেৰেডাইজ লষ্ট’ নামৰ মাত্ৰ এখন কিতাপ আছে |
| 07:01 | এতিয়া যদি আমি এই গোটেই ৰেকৰ্ডটো ডিলিট কৰোঁ, তেতিয়াহ’লে অৰিয়েণ্ট পাব্লিশ্বাৰ সম্পৰ্কীয় সকলোবোৰ তথ্য আমি হেৰুৱাম |
| 07:10 | আৰু ইয়াৰ লগতে জন মিল্টন নামৰ লেখকজনৰো তথ্য আমি হেৰুৱাম |
| 07:16 | এতিয়া শেষত চোৱা যাওক, আপডেট এনোমেলিনো কি |
| 07:21 | এইটো এটা ৰেকৰ্ড আপডেট কৰাৰ সময়ত ঘটে |
| 07:26 | উদাহৰণ স্বৰপে, ধৰা যাওক যে কেম্ব্ৰিজ পাব্লিশ্বাৰৰ এটা নতুন ঠিকনা হৈছে |
| 07:32 | এতিয়া, এই প্ৰকাশকৰ এড্ৰেছ কলমটোৰ আপডেট কৰাৰ ক্ষেত্ৰত আমি একাধিক ঠাইত সালসলনি কৰিব লগা হ’ব |
| 07:40 | আমাৰ ক্ষেত্ৰত, দুটা ঠাইত |
| 07:43 | আৰু যদিহে কেম্ব্ৰিজে বহুতো কিতাপ যোগান দি থৈছিল, তেনে ক্ষেত্ৰত আমি সেই বহুতো ৰেকৰ্ডতে ঠিকনা সালসলনি কৰিব লাগিব |
| 07:54 | আৰু আমাৰ এনেকুৱাও হ’ব পাৰে যে এটা ঠাইত আমি ঠিকনা ঠিকেই সালসলনি কৰিলো, কিন্তু অন্য এটা ঠাইত সালসলনি কৰিবলৈ পাহৰিলো |
| 08:02 | এনে ক্ষেত্ৰত আমাৰ তথ্য সঠিক নহ’ব আৰু তাৰদ্বাৰা ডাটাৰ একতা (integrity) হেৰাই যাব |
| 08:11 | এই সমস্যাবোৰ আমি কেনেকৈ সমাধান কৰিম? |
| 08:14 | আমি যাতে প্ৰতিটো তথ্য এবাৰতে ৰেকৰ্ড কৰিব পাৰোঁ, সেই ধৰণে আমি ৰিডিজাইন কৰিব লাগিব |
| 08:20 | যদি একেটা তথ্য কেইবাঠাইতো পুনৰাবৃত্তি হয়, তেতিয়াহ’লে আমি সেই তথ্যটো এখন সুকীয়া টেবুলত থোৱাটো উচিত হ’ব |
| 08:29 | এইটো কেনেকৈ কৰা যায়, চোৱা যাওক |
| 08:31 | আমি বুকচ্ টেবুলখন বুকচ্, অথৰচ্ আৰু পাব্লিশ্বাৰ বুলি ৩ ভাগ কৰিলো |
| 08:38 | লক্ষ্য কৰক যে প্ৰত্যেকখন টেবুলৰ কলমবিলাকে সেই এনটিটি বা বিষয়ৰহে মাত্ৰ তথ্য ৰাখিছে |
| 08:47 | এই ধৰণে আমি প্ৰকাশকৰ তথ্য পাব্লিশ্বাৰ টেবুলৰ ভিতৰত মাত্ৰ এবাৰহে ৰেকৰ্ড কৰিব পাৰো |
| 08:55 | একেদৰে, এখন বেলেগ অথৰচ্ টেবুল থাকিলে আমি লেখকৰ তথ্য মাত্ৰ এবাৰহে ৰেকৰ্ড কৰিব লগা হ’ব |
| 09:04 | আৰু আমি এই টেবুলবিলাক কেনেকৈ বুকচ্ টেবুলৰ সৈতে যুক্ত (link) কৰিব পাৰোঁ, সেই বিষয়ে ইয়াৰ পিছৰ টিউটৰিয়েলত শিকিম |
| 09:12 | ইয়াতে লিবাৰঅফিছত ডাটাবেছ ডিজাইনৰ প্ৰথম ভাগ টিউটৰিয়েলৰ সামৰণি পৰিছে |
| 09:19 | সাৰাংশ হিচাপে, আমি ডাটাবেছ ডিজাইনৰ এই বিষয়কেইটা শিকিলো: |
| 09:25 | আমাৰ ডাটাবেছৰ উদ্দেশ্য নিৰ্ধাৰণ কৰা |
| 09:28 | দৰকাৰ হোৱা তথ্য বিচৰা আৰু সজোৱা |
| 09:32 | তথ্যবিলাক টেবুলত বিভক্ত কৰা |
| 09:36 | স্পকেন টিউটৰিয়েল প্ৰকল্প Talk to a Teacher প্ৰকল্পৰ এটা অংগ ইয়াক National Mission on Education through ICT, MHRD, Government of India-ই সহায় কৰিছে |
| 09:48 | এই প্ৰকল্প http://spoken-tutorial.org-এ কোঅৰ্ডিনেট কৰিছে |
| 09:54 | এই সম্পৰ্কত অধিক তথ্য এই লিংকত পোৱা যাব |
| 09:58 | এই স্ক্ৰীপ্তটো আগবঢ়ালে পল্লভ প্ৰান গোস্ৱামীয়ে আৰু এয়া আছিল মৌচুমী মেধি আই আই টি বম্বেৰ পৰা অংশগ্ৰহণৰ বাবে ধন্যবাদ |
