Inkscape/C2/Create-and-edit-multiple-objects/Marathi

Time	Narration
00:01	Inkscape वापरून “Create and edit multiple objects” वरील पाठात आपले स्वागत.
00:08	आपण शिकणार आहोत- * ऑब्जेक्टस कॉपी आणि पेस्ट करणे
00:13	ऑब्जेक्टसची दुसरी प्रत आणि क्लोन बनवणे
00:16	अनेक ऑब्जेक्टसचा संच बनवणे आणि क्रम लावणे
00:19	Multiple selection आणि invert selection
00:22	Clipping आणि Masking.
00:25	या पाठासाठी वापरणार आहोत- * उबंटु लिनक्स 12.04 OS
00:31	इंकस्केप वर्जन 0.48.4
00:35	Dash home वर जाऊन Inkscape टाईप करा.
00:39	लोगोवर क्लिक करून इंकस्केप उघडता येते.
00:42	आपण बनवलेली 'Assignment_1.svg' ही फाईल उघडू.
00:49	ती डॉक्युमेंटस फोल्डरमधे सेव्ह केलेली आहे.
00:52	प्रथम ऑब्जेक्ट कॉपी आणि पेस्ट करण्याबद्दल जाणून घेऊ.
00:56	त्यासाठी प्रथम ऑब्जेक्ट सिलेक्ट करा. पंचकोनावर क्लिक करा.
01:02	कॉपी करण्यासाठी Ctrl + C दाबा.
01:07	ऑब्जेक्ट पेस्ट करण्यासाठी Ctrl + V दाबा. कॅनव्हासवर पंचकोनाची दुसरी प्रत दिसेल.
01:17	ऑब्जेक्टसच्या प्रती बनवण्यासाठी आणखी तीन पध्दती आहेत.
01:21	या तिन्ही पध्दतींमधे मूळ ऑब्जेक्टवरच त्याची प्रत तंतोतंत तयार होते.
01:29	पहिली पध्दत आहे Paste Special.
01:32	आपण Ctrl + C द्वारे ऑब्जेक्ट आधीच कॉपी केले होते.
01:38	ऑब्जेक्ट जिथून कॉपी केले तिथेच पेस्ट करण्यासाठी Ctrl + Alt + V ही बटणे दाबा.
01:47	मूळ ऑब्जेक्ट बघण्यासाठी त्यावरील ऑब्जेक्टची प्रत सरकवू.
01:54	ही दोन्ही ऑब्जेक्टस सरकवून बाजूला ठेवू.
01:57	Duplication ही दुसरी पध्दत आहे. ज्यामधे ऑब्जेक्टची कॉपी करणे आवश्यक नसते.
02:05	पंचकोन सिलेक्ट करून Ctrl + D दाबा.
02:13	पंचकोनाची दुसरी प्रत मूळ ऑब्जेक्टच्या वरच तंतोतंत तयार होईल.
02:19	खालील मूळ ऑब्जेक्ट दिसण्यासाठी त्याची दुसरी प्रत बाजूला सरकवू.
02:25	ऑब्जेक्टच्या बनवलेल्या प्रतीत केलेल्या बदलांचा परिणाम मूळ ऑब्जेक्टवर होत नाही.
02:32	याला हिरवा रंग देऊन आणि आकार छोटा करून तपासू.
02:40	तिसरी पध्दत आहे Cloning.
02:44	ellipse वर क्लिक करून क्लोन बनवण्यासाठी Alt + D दाबा.
02:49	मागीलप्रमाणेच क्लोन केलेले ऑब्जेक्ट मूळ ऑब्जेक्टच्या वर तयार होईल.
02:55	दिसण्यासाठी ते दुसरीकडे सरकवा.
02:58	क्लोन केलेले ऑब्जेक्ट नेहमीच मूळ ऑब्जेक्टला जोडलेले असते.
03:04	मूळ ऑब्जेक्टला पालक किंवा पेरेंट असे म्हणतात.
03:08	मूळ ऑब्जेक्ट मधे केलेला बदल म्हणजे आकार, रंग इत्यादी, क्लोन मधेही झालेला दिसेल.
03:16	मूळ ऑब्जेक्टचा रंग गुलाबी करून, तो फिरवून, त्याचा आकार कमी करून हे तपासून बघू शकता.
03:30	हेच बदल क्लोन केलेल्या ऑब्जेक्टवर आपोआप झालेले दिसतील.
03:36	क्लोन आणि मूळ ऑब्जेक्ट यांच्यातील हा जोड काढून टाकण्यासाठी प्रथम क्लोन सिलेक्ट करून Shift + Alt + D दाबा.
03:44	आता पुन्हा मूळ ऑब्जेक्ट सिलेक्ट करून त्याचा आकार बदला.
03:50	क्लोन केलेल्या ऑब्जेक्टमधे आता काही बदल होणार नाहीत.
03:54	कमांड बारमधे दाखवल्याप्रमाणे या सर्व प्रक्रियांसाठी शॉर्टकट आयकॉन उपलब्ध आहेत.
04:01	अनेक ऑब्जेक्टस सिलेक्ट करण्यासाठी Shift चे बटण दाबून हव्या असलेल्या ऑब्जेक्टसवर क्लिक करा.
04:08	मी प्रथम लंबगोल सिलेक्ट करत आहे. नंतर Shift दाबून दुसरे लंबगोल निवडत आहे.
04:15	दोन्ही ऑब्जेक्टस सिलेक्ट झाली आहेत.
04:19	Ctrl + G दाबून त्यांचा एक संच करू शकतो.
04:24	हे दोन्ही लंबगोल आता एकच ऑब्जेक्ट बनले आहे.
04:28	ते हलवून बघितल्यास दोन्ही ऑब्जेक्टस एकत्रित एकच ऑब्जेक्ट म्हणून हलतील.
04:35	या संचाचा आकार बदलून पहा. दोन्ही ऑब्जेक्टसचे आकार प्रमाणात बदललेले दिसतील.
04:43	त्यांचा रंग बदलून निळा करा. दोन्ही ऑब्जेक्टसचा रंग सारखाच झालेला दिसेल.
04:53	समजा संचातील केवळ एकाच ऑब्जेक्टच्या प्रॉपर्टीजमधे बदल करायचा असेल तर काय?
05:01	संचातील एक ऑब्जेक्ट सिलेक्ट करण्यासाठी Ctrl चे बटण दाबून ऑब्जेक्टवर क्लिक करा.
05:08	यामुळे संचाच्या आत शिरून एकेक ऑब्जेक्ट सिलेक्ट करू शकतो.
05:13	संचातून बाहेर पडण्यासाठी कॅनव्हासवर रिकाम्या भागात कुठेही क्लिक करा.
05:18	ऑब्जेक्टसचा संच काढण्यासाठी प्रथम group सिलेक्ट करून Ctrl + Shift + G ही बटणे दाबा किंवा Ctrl + U दाबा.
05:28	आता लंबगोलांचा संच काढून टाकला आहे.
05:31	कमांडबार वर या प्रक्रियांसाठीचे शॉर्टकट उपलब्ध आहेत.
05:36	कॅनव्हासवरील सर्व ऑब्जेक्टस सिलेक्ट करण्यासाठी Ctrl + A दाबा.
05:42	सर्व ऑब्जेक्टसची केलेली निवड रद्द करण्यासाठी कॅनव्हास वरील रिकाम्या भागात क्लिक करा.
05:48	एखादे विशिष्ट ऑब्जेक्ट सोडून इतर सर्व सिलेक्ट करायचे असल्यास Invert Selection पर्याय वापरू शकतो.
05:55	समजा बाणाव्यतिरिक्त सर्व ऑब्जेक्टस निवडायची आहेत.
05:59	प्रथम बाणावर क्लिक करा. नंतर Edit मेनूखालील Invert selection वर क्लिक करा.
06:08	कॅनव्हासवरील बाणाव्यतिरिक्त सर्व ऑब्जेक्टस निवडली जातील.
06:16	आता ऑब्जेक्टसचा क्रम कसा लावायचा हे पाहू.
06:20	मोठ्या पंचकोनावर छोटा पंचकोन ठेवू.
06:25	आता एक चांदणी काढून ती छोट्या पंचकोनावर ठेवा.
06:36	छोटा पंचकोन सिलेक्ट करा. Object मेनूखालील Raise वर क्लिक करा.
06:42	छोटा पंचकोन उचलला जाऊन तो चांदणीच्यावर ठेवला गेला आहे.
06:47	आता चांदणीवर क्लिक करा. Object मेनूखालील Lower वर क्लिक करा.
06:53	आता चांदणी खालच्या बाजूला गेली आहे. मोठा पंचकोन त्याच्यावरती ठेवला गेला आहे.
07:00	आता मोठ्या पंचकोनावर क्लिक करा. Object मेनूखालील Raise to top वर क्लिक करा.
07:11	पुन्हा Object मेनूखालील Lower to bottom वर क्लिक करून मोठा पंचकोन सगळ्यात मागे गेलेला दिसेल.
07:20	हे पर्याय Tool controls bar वर देखील उपलब्ध आहेत.
07:25	पुढे Clipping कसे करायचे ते पाहू.
07:28	क्लिपिंग वापरून तुम्ही गुंतागुंतीची ऑब्जेक्टस
07:31	दुस-या घटकाशी किंवा रचनेच्या आकाराशी
07:35	पटकन आणि सोप्या पध्दतीने जुळवून घेऊ शकता.
07:39	हे करून बघण्यासाठी मी image वापरणार आहे. नव्या इंकस्केप फाईलमधे ही इमेज आहे.
07:45	या इमेजवर लंबगोलाचा आकार काढा.
07:49	आता इमेज आणि लंबगोल सिलेक्ट करा.
07:53	Object मेनूखालील Clip वर क्लिक करून Set वर क्लिक करा.
07:59	आता इमेज लंबगोलाच्या आकारात कापली गेली आहे.
08:04	क्लिपिंगमधे क्लिप म्हणून वापरले गेलेले ऑब्जेक्ट दृश्य भागाचे क्षेत्र ठरवते.
08:09	क्लिप काढण्यासाठी Object मेनूखालील Clip वर क्लिक करा. नंतर Release वर क्लिक करा.
08:17	clip काढली गेली आहे.
08:19	Masking बद्दल जाणून घेऊ.
08:22	Masking हे Clipping सारखेच आहे.
08:25	मास्किंगमधे एका ऑब्जेक्टची पारदर्शकता किंवा फिकटपणा दुस-या ऑब्जेक्टची अपारदर्शकता ठरवतात.
08:32	Masking करण्यासाठी gradient टूल वापरून प्रथम लंबगोल अर्धपारदर्शक करून घेऊ.
08:38	आता लंबगोल सिलेक्ट करा.
08:40	Object मेनूखालील Fill and stroke वर क्लिक करा.
08:44	Radial gradient वर क्लिक करून नंतर Edit वर क्लिक करा.
08:50	पांढ-या रंगासाठी RGB स्लायडर्स सगळ्यात उजवीकडे सरकवा.
09:00	Stop च्या ड्रॉपडाऊनवर क्लिक करून दुसरा Stop पर्याय निवडा.
09:05	काळ्या रंगासाठी RGB स्लायडर्स सगळ्यात डावीकडे सरकवा आणि alpha व्हॅल्यू बदलून 255 करा.
09:15	त्यात आणखी एक रंग समाविष्ट करण्यासाठी Add stop वर क्लिक करा.
09:20	Node tool वर क्लिक करून डायमंड हँडल वरच्या बाजूला सरकवा.
09:27	आता image आणि ellipse सिलेक्ट करा.
09:30	Object मेनू खालील
09:32	Mask आणि नंतर Set वर क्लिक करा.
09:36	इमेजवर मास्क तयार झाला आहे.
09:40	लक्षात घ्या की इमेज, लंबगोल असलेल्या मास्किंग ऑब्जेक्टच्या ट्रान्सपरन्सी प्रॉपर्टीज घेत आहे.
09:47	मास्क काढून टाकण्यासाठी Object मेनूखालील,
09:51	Mask वर क्लिक करून नंतर Release वर क्लिक करा.
09:54	मास्क काढले गेले आहे.
09:56	थोडक्यात, आपण शिकलो: ऑब्जेक्टस कॉपी आणि पेस्ट करणे
10:02	ऑब्जेक्टची दुसरी प्रत आणि क्लोन बनवणे
10:05	अनेक ऑब्जेक्टसचा संच बनवणे आणि क्रम लावणे
10:08	Multiple selection आणि invert selection
10:10	Clipping आणि Masking.
10:12	या दोन असाईनमेंट करा.
10:15	ग्रे रंगाचा उभट लंबगोल आणि काळ्या रंगाचे वर्तुळ काढा.
10:20	लंबगोलाच्या वर मध्यात ते वर्तुळ ठेवा.
10:23	हे डोळ्यासारखे दिसले पाहिजे.
10:25	त्यांचा संच करा.
10:27	पुढे दुस-या डोळ्यासाठी क्लोन बनवा.
10:31	दोन्ही डोळे दिसण्यासाठी तो बाजूला सरकवा.
10:35	निळ्या रंगाचे वर्तुळ आणि लाल रंगाचा चौरस काढा.
10:40	चौरसाची दुसरी प्रत बनवून दोन्ही चौरस विरूध्द दिशेला तिरपे ठेवा.
10:45	दोन्ही चौरस सिलेक्ट करून एक ऑब्जेक्ट करण्यासाठी त्यांचा संच करा.
10:50	चौरसाच्या संचाच्या वरच्या बाजूला बरोबर मध्यात वर्तुळ ठेवा.
10:54	दोन्ही सिलेक्ट करून त्यांची क्लिप बनवा. ते बो (bow) सारखे दिसले पाहिजे.
11:00	असाईनमेंट पूर्ण झाल्यावर ती अशी दिसली पाहिजे.
11:03	स्क्रीनवर दिसत असलेल्या लिंकवर उपलब्ध असलेला व्हिडिओ बघा. ज्यामध्ये तुम्हाला प्रॉजेक्टचा सारांश मिळेल. जर तुमच्याकडे चांगली Bandwidth नसेल तर आपण व्हिडिओ download करूनही पाहू शकता.
11:12	स्पोकन ट्युटोरियल प्रॉजेक्ट टीम, Spoken Tutorial च्या सहाय्याने कार्यशाळा चालविते. ऑनलाईन परीक्षा उत्तीर्ण होणा-या विद्यार्थ्यांना प्रमाणपत्रही दिले जाते.
11:21	अधिक माहितीसाठी कृपया आम्हाला लिहा.
11:23	स्पोकन ट्युटोरियल प्रॉजेक्टसाठी अर्थसहाय्य NMEICT, MHRD, Government of India यांच्याकडून मिळालेले आहे.
11:31	यासंबंधी माहिती पुढील साईटवर उपलब्ध आहे.
11:35	आपण पाठाच्या अंतिम टप्प्यात पोहोचलो आहोत.
11:38	हे भाषांतर मनाली रानडे यांनी केले असून आवाज .... यांनी दिला आहे. सहभागासाठी धन्यवाद.

Contributors and Content Editors

Manali, PoojaMoolya, Ranjana