Health-and-Nutrition/C2/Powder-recipes-for-6-to-24-months-old-children/Kannada

Time	Narration
00:00	Nutritious powder recipes for 6 to 24 months old children ಎಂಬ ಈ ಸ್ಪೋಕನ್ ಟ್ಯುಟೋರಿಯಲ್ ಗೆ ನಿಮಗೆ ಸ್ವಾಗತ.
00:08	ಈ ಟ್ಯುಟೋರಿಯಲ್ ನಲ್ಲಿ ನಾವು, ಕೆಳಗೆ ಹೇಳಿದ ವಿವಿಧ ಪೌಷ್ಟಿಕ ಪುಡಿಗಳ ಪಾಕವಿಧಾನವನ್ನು ಕಲಿಯುವೆವು.
00:15	ಅಮೈಲೇಸ್ (Amylase) ಪುಡಿ,
00:17	ಕಾಳುಗಳ ಪುಡಿ,
00:18	ಎಣ್ಣೆಬೀಜಗಳ ಪುಡಿ,
00:20	ದ್ವಿದಳ ಧಾನ್ಯಗಳ ಪುಡಿ,
00:22	ಕರಿಬೇವಿನ ಎಲೆಗಳ ಪುಡಿ ಮತ್ತು
00:24	ನುಗ್ಗೆ ಎಲೆಗಳ ಪುಡಿ.
00:27	ಹೆಚ್ಚು ಪ್ರಯತ್ನವಿಲ್ಲದೆ, ಮನೆಯಲ್ಲಿಯೇ ತಯಾರಿಸಬಹುದಾದ ಅನೇಕ ಪೌಷ್ಟಿಕ ಪುಡಿಗಳು ಇರುತ್ತವೆ.
00:33	ಈ ಪೌಷ್ಟಿಕ ಪುಡಿಗಳನ್ನು ಹೇಗೆ ತಯಾರಿಸುವುದೆಂದು ನಾವು ಕಲಿಯೋಣ.
00:38	ಈ ಪುಡಿಗಳು ಶಿಶುಗಳ ಬೆಳವಣಿಗೆ ಮತ್ತು ಅಭಿವೃದ್ಧಿಗೆ ಸಹಾಯ ಮಾಡುವ ಪೋಷಕಾಂಶಗಳನ್ನು ಹೊಂದಿವೆ.
00:44	ಮಗುವಿನ ವಯಸ್ಸು 6 ತಿಂಗಳು ಆದ ನಂತರ, ಈ ಪುಡಿಗಳನ್ನು ಮಗುವಿಗೆ ಕೊಡಲು ಶಿಫಾರಸು ಮಾಡಲಾಗುತ್ತದೆ.
00:52	ಮಗುವಿಗೆ ಒಂದು ಹೊಸ ಆಹಾರವನ್ನು ಆರಂಭಿಸಿದಾಗಲೆಲ್ಲ, ಅದನ್ನು ೩ - ೪ ದಿನಗಳವರೆಗೆ ಸತತವಾಗಿ ಕೊಡಬೇಕು.
01:00	೩ ಅಥವಾ ೪ ದಿನಗಳ ನಂತರ, ಮಗುವಿಗೆ ಹೊಸ ಆಹಾರವನ್ನು ಆರಂಭಿಸಿ.
01:05	ಈ ಎರಡೂ ಆಹಾರಗಳನ್ನು ಒಟ್ಟಿಗೆ ಸೇರಿಸಬಹುದು ಆದರೆ ಎರಡನ್ನೂ ಪ್ರತ್ಯೇಕವಾಗಿ ಪ್ರಯತ್ನಿಸಿರಬೇಕು. ಮತ್ತು, ಮಗುವಿನ ಮುಖ ಮತ್ತು ದೇಹದ ಮೇಲೆ ದದ್ದುಗಳು (rashes) ಅಥವಾ ಊತದಂತಹ (swelling) ಯಾವುದೇ ಅಲರ್ಜೀ ಆಗಿರಬಾರದು.
01:20	ಬೀಜಗಳಂತಹ (nuts) ಅಲರ್ಜೆನ್ ಗಳನ್ನು ಹೊಂದಿರುವ ಹೊಸ ಆಹಾರವನ್ನು ಮಗುವಿಗೆ ಪರಿಚಯಿಸಿದಾಗಲೆಲ್ಲ, ಟೀಚಮಚದ ತುದಿಯಷ್ಟು ಸಣ್ಣ ಪ್ರಮಾಣದೊಂದಿಗೆ ಪ್ರಾರಂಭಿಸಿ.
01:30	10 ನಿಮಿಷಗಳವರೆಗೆ ಕಾಯ್ದು ನಂತರ ಅದನ್ನು ನಿಧಾನವಾಗಿ ಮಗುವಿಗೆ ತಿನ್ನಿಸಬೇಕು.
01:35	ಮಗುವಿಗೆ ಒಂದು ವರ್ಷ ಆಗುವವರೆಗೆ, ದಯವಿಟ್ಟು, ಅದರ ಆಹಾರದಲ್ಲಿ ಸಕ್ಕರೆ, ಉಪ್ಪು ಅಥವಾ ಯಾವುದೇ ರೀತಿಯ ಮಸಾಲೆಗಳನ್ನು ಸೇರಿಸಬೇಡಿ.
01:44	ಈಗ ನಮ್ಮ ಮೊದಲನೆಯ ಪಾಕವಿಧಾನದೊಂದಿಗೆ ನಾವು ಆರಂಭಿಸೋಣ – ಅಮೈಲೇಸ್ (Amylase) ಪುಡಿ.
01:49	ಆದರೆ, ಮೊದಲು ನಾವು ಅದರ ಪ್ರಯೋಜನಗಳನ್ನು ಚರ್ಚಿಸೋಣ.
01:53	ಅಮೈಲೇಸ್ - ಇದು ಆಹಾರದ ಜೀರ್ಣಕ್ರಿಯೆಗೆ ಅಗತ್ಯವಾದ ಒಂದು ಕಿಣ್ವ (enzyme) ಅಥವಾ ರಾಸಾಯನಿಕ ಆಗಿದೆ.
01:59	ಮಗುವಿನ ದೇಹದಲ್ಲಿ ಇದು ಸೀಮಿತ ಪ್ರಮಾಣದಲ್ಲಿ ಉತ್ಪತ್ತಿಯಾಗುತ್ತದೆ.
02:03	ಈ ಪುಡಿಯು ಹೆಚ್ಚಿನ 'ಅಮೈಲೇಸ್' ಅನ್ನು ಒದಗಿಸುತ್ತದೆ. ಮತ್ತು, ಪೌಷ್ಟಿಕಾಂಶ ಹಾಗೂ ಆಹಾರದಿಂದ ಹೀರುವಿಕೆಯನ್ನು ಹೆಚ್ಚಿಸುತ್ತದೆ.
02:12	ಆದ್ದರಿಂದ, ಮಗುವಿಗೆ 'ಅಮೈಲೇಸ್' ಹೆಚ್ಚಾಗಿರುವ ಹಿಟ್ಟು ಅಥವಾ 'ಅಮೈಲೇಸ್' ಪುಡಿಯನ್ನು ಕೊಡಬೇಕು.
02:18	'ಅಮೈಲೇಸ್' ಪುಡಿಯನ್ನು ತಯಾರಿಸುವ ವಿಧಾನವನ್ನು ತಿಳಿದುಕೊಳ್ಳೋಣ.
02:22	'ಅಮೈಲೇಸ್' ಪುಡಿಯನ್ನು ತಯಾರಿಸಲು ಬೇಕಾಗುವ ಪದಾರ್ಥಗಳು – ಅರ್ಧ ಕಪ್ ಗೋಧಿ,
02:27	ಅರ್ಧ ಕಪ್ ಹೆಸರುಕಾಳು ಮತ್ತು
02:29	ಅರ್ಧ ಕಪ್ ರಾಗಿ.
02:32	ತಯಾರಿಸುವ ವಿಧಾನ: ಮೊದಲು, ಎಲ್ಲ ಕಾಳುಗಳನ್ನು ಪ್ರತ್ಯೇಕವಾಗಿ 10 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ.
02:39	ನೆನೆಸಿಡುವುದರಿಂದ ಕಾಳುಗಳಲ್ಲಿಯ ತೇವಾಂಶವು ಸುಧಾರಿಸುತ್ತದೆ.
02:42	10 ಗಂಟೆಗಳ ನಂತರ ಎಲ್ಲ ಕಾಳುಗಳನ್ನು ಹೊರತೆಗೆಯಿರಿ.
02:46	ಮತ್ತು, ನೀರೆಲ್ಲ ಬಸಿದು ಹೋಗುವಂತೆ ಒಂದು ಜರಡಿಯಲ್ಲಿರಿಸಿ.
02:50	ನಂತರ, ಒಂದೊಂದಾಗಿ ಎಲ್ಲಾ ಪದಾರ್ಥಗಳನ್ನು ಒಂದು ಶುದ್ಧ ಮತ್ತು ಒಣ ಹತ್ತಿ ಬಟ್ಟೆಯಲ್ಲಿ ಹಾಕಿ ಕಟ್ಟಿಡಿ.
02:55	ಅವು ಮೊಳಕೆಯೊಡೆಯುವ ತನಕ ಹಾಗೇ ಬಿಡಿ.
02:58	ಈ ಕ್ರಿಯೆಯನ್ನು ಮೊಳಕೆಯೊಡೆಯುವುದು ಎನ್ನುತ್ತಾರೆ.
03:01	ಮೊಳಕೆಯೊಡೆಯಲು ಕೆಲವೊಂದು ಪದಾರ್ಥಗಳು ಹೆಚ್ಚು ಸಮಯ ತೆಗೆದುಕೊಳ್ಳುತ್ತವೆ ಮತ್ತು ಕೆಲವು ಸ್ವಲ್ಪ ಕಡಿಮೆ ಸಮಯ ತೆಗೆದುಕೊಳ್ಳುತ್ತವೆ ಎಂಬುದನ್ನು ಗಮನಿಸಿ.
03:08	ಇಲ್ಲಿ, ರಾಗಿಗೆ ಉಳಿದ ಕಾಳುಗಳಿಗಿಂತ ಹೆಚ್ಚು ಸಮಯ ಬೇಕು.
03:14	ಮೊಳಕೆಯೊಡೆದ ನಂತರ, ಒಂದು ಅಥವಾ ಎರಡು ದಿನಗಳವರೆಗೆ ಅವುಗಳನ್ನು ಬಿಸಿಲಿನಲ್ಲಿ ಒಣಗಿಸಿ.
03:19	ಆಮೇಲೆ, ಎಲ್ಲ ಪದಾರ್ಥಗಳನ್ನು ಪೂರ್ತಿಯಾಗಿ ಒಣಗುವವರೆಗೆ ಸಣ್ಣ ಉರಿಯ ಮೇಲೆ ಹುರಿಯಿರಿ.
03:25	ನೆನಪಿಡಿ, ಹುರಿಯುವಾಗ ನಿರಂತರವಾಗಿ ಮಗುಚುತ್ತಿರಬೇಕು.
03:30	ಆಮೇಲೆ, ಶುಚಿಯಾದ ಕೈಗಳ ನಡುವೆ ಉಜ್ಜುವ ಮೂಲಕ ಎಲ್ಲಾ ಪದಾರ್ಥಗಳ ಹೊರಗಿನ ಸಿಪ್ಪೆಯನ್ನು ಪ್ರತ್ಯೇಕಿಸಿ.
03:36	ಹೊರಗಿನ ಸಿಪ್ಪೆಯನ್ನು ತೆಗೆದ ನಂತರ ಎಲ್ಲ ಪದಾರ್ಥಗಳನ್ನು ಮಿಶ್ರಣ ಮಾಡಿ.
03:41	ಈಗ, ಗ್ರೈಂಡರ್ ಅನ್ನು ಬಳಸಿ ಈ ಮಿಶ್ರಣದ ಪುಡಿಯನ್ನು ಮಾಡಿ.
03:45	ಮತ್ತು, 'ಅಮೈಲೇಸ್' ಪುಡಿ ತಯಾರಾಗಿದೆ.
03:48	ಈ 'ಅಮೈಲೇಸ್' ಪುಡಿಯನ್ನು ಗಾಳಿತೂರದ ಜಾಡಿಯಲ್ಲಿ ಸಂಗ್ರಹಿಸಿಡಿ.
03:52	ಮಗುವಿನ ಆಹಾರವನ್ನು ತಯಾರಿಸುವಾಗ, ೧ ಟೀಚಮಚದಷ್ಟು 'ಅಮೈಲೇಸ್' ಪುಡಿಯನ್ನು ಸೇರಿಸಬಹುದು.
03:59	ಅಥವಾ, 'ಅಮೈಲೇಸ್' ಪುಡಿಯ ಗಂಜಿಯನ್ನು ಕೂಡ ಮಾಡಬಹುದು.
04:03	೧ ಟೀಚಮಚ 'ಅಮೈಲೇಸ್' ಪುಡಿಯು, ಸುಮಾರು 18 ಕ್ಯಾಲೊರಿ ಮತ್ತು 0.6 ಗ್ರಾಂ ಪ್ರೋಟೀನ್ ಗಳನ್ನು ಕೊಡುತ್ತದೆ.
04:10	100 ಗ್ರಾಂ 'ಅಮೈಲೇಸ್' ಪುಡಿಯು, ಸುಮಾರು 360 ಕ್ಯಾಲೊರಿ ಮತ್ತು 12 ಗ್ರಾಂ ಪ್ರೋಟೀನ್ ಗಳನ್ನು ಕೊಡುತ್ತದೆ.
04:17	'ಅಮೈಲೇಸ್' ಪುಡಿಯು, ಕೆಲವು ವಿಶಿಷ್ಟ ಗುಣಗಳನ್ನು ಹೊಂದಿದೆ. ಆದ್ದರಿಂದ ಇದು ಮಗುವಿಗಾಗಿ ವಿಶೇಷವಾಗಿದೆ.
04:23	ಇದು ಆಹಾರದ ಗಾಢತೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಮಗುವಿಗಾಗಿ ಇದು ಹೆಚ್ಚು ರುಚಿಕರವಾಗಿಸುತ್ತದೆ.
04:28	ಅಲ್ಲದೆ, ಆಹಾರದ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ ಮತ್ತು ಮಗುವಿನ ಆಹಾರದ ಶಕ್ತಿಯ ಸಾಂದ್ರತೆಯನ್ನು ಹೆಚ್ಚಿಸುತ್ತದೆ.
04:34	ಆಮೇಲೆ, ನಾವು ಕಾಳುಗಳ ಪುಡಿಯನ್ನು ತಯಾರಿಸುವ ವಿಧಾನವನ್ನು ಕಲಿಯುವೆವು.
04:38	ಈ ಪುಡಿಯಲ್ಲಿ ಸತುವು (Zinc), ನಾರು (fiber), ಮೆಗ್ನೀಸಿಯಮ್ ಮತ್ತು ಕ್ಯಾಲ್ಸಿಯಂ ಗಳು ಸಮೃದ್ಧವಾಗಿವೆ.
04:44	ಈ ಪೋಷಕಾಂಶಗಳು ಮೂಳೆಯ ಬೆಳವಣಿಗೆಗೆ ಸಹಾಯ ಮಾಡುತ್ತವೆ ಮತ್ತು ಮಗುವಿನ ಶಕ್ತಿಯನ್ನು ಸುಧಾರಿಸುತ್ತದೆ.
04:50	ಅಲ್ಲದೆ, ಈ ಪುಡಿಯು ಉತ್ತಮ ಕೊಬ್ಬಿನ ಮೂಲವಾಗಿದ್ದು ಮಕ್ಕಳ ಮೆದುಳಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ.
04:57	ಈ ಪುಡಿಯನ್ನು ತಯಾರಿಸಲು ಬೇಕಾಗಿರುವ 3 ವಿಧದ ಬೀಜಗಳು- ಅರ್ಧ ಕಪ್ ಕರಿಎಳ್ಳು,
05:03	ಅರ್ಧ ಕಪ್ ಅಗಸೆ ಬೀಜಗಳು ಮತ್ತು
05:05	ಅರ್ಧ ಕಪ್ ಕುಂಬಳಕಾಯಿಯ ಕಚ್ಚಾ ಬೀಜಗಳು.
05:08	ತಯಾರಿಸುವ ವಿಧಾನ: ಒಂದೊಂದಾಗಿ ಎಲ್ಲ ಬೀಜಗಳನ್ನು 4 ರಿಂದ 5 ನಿಮಿಷಗಳವರೆಗೆ ಸಣ್ಣ ಉರಿಯ ಮೇಲೆ ಒಣದಾಗಿ ಹುರಿಯಿರಿ.
05:16	ತಣ್ಣಗಾದ ನಂತರ, ಎಲ್ಲ ಹುರಿದ ಪದಾರ್ಥಗಳ ಪುಡಿಯನ್ನು ತಯಾರಿಸಿ.
05:20	ಈ ಪುಡಿಯನ್ನು ಗಾಳಿತೂರದ ಜಾಡಿಯಲ್ಲಿ ಶೇಖರಿಸಿಡಿ.
05:23	ಮಗುವಿಗೆ ತಿನ್ನಿಸುವ ಮುನ್ನ, ೧ ಟೀಚಮಚದಷ್ಟು ಈ ಪುಡಿಯನ್ನು ಅದರ ಆಹಾರದಲ್ಲಿ ಸೇರಿಸಬೇಕು.
05:29	ಇದು ಸುಮಾರು 30 ಕ್ಯಾಲೊರಿ ಮತ್ತು 2.7 ಗ್ರಾಂ ಪ್ರೋಟೀನ್ ಗಳನ್ನು ಒದಗಿಸುತ್ತದೆ.
05:36	100 ಗ್ರಾಂ ಬೀಜಗಳ ಈ ಪುಡಿಯು, ಸುಮಾರು 600 ಕ್ಯಾಲೊರಿ ಮತ್ತು 55 ಗ್ರಾಂ ಪ್ರೋಟೀನ್ ಗಳನ್ನು ಕೊಡುತ್ತದೆ.
05:43	ನಮ್ಮ ಮುಂದಿನ ಪಾಕವಿಧಾನವು ಎಣ್ಣೆಬೀಜಗಳ ಪುಡಿಯಾಗಿದೆ.
05:47	ಈ ಪುಡಿಯಲ್ಲಿ ಸತುವು (Zinc), ಮೆಗ್ನೀಸಿಯಮ್ ಮತ್ತು ಕಬ್ಬಿಣ ಮುಂತಾದ ಖನಿಜಾಂಶಗಳು ಸಮೃದ್ಧವಾಗಿವೆ.
05:53	ಈ ಖನಿಜಾಂಶಗಳು, ಕೆಂಪು ರಕ್ತಕಣಗಳನ್ನು ಉತ್ಪಾದಿಸುವಲ್ಲಿ ಮುಖ್ಯ ಪಾತ್ರವಹಿಸುತ್ತವೆ.
05:57	ಅಲ್ಲದೆ, ಈ ಪುಡಿಯು ಉತ್ತಮ ಕೊಬ್ಬಿನ ಮೂಲವಾಗಿದ್ದು ಮಕ್ಕಳ ಮೆದುಳಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ.
06:04	ಎಣ್ಣೆಬೀಜಗಳ ಈ ಪುಡಿಯನ್ನು ತಯಾರಿಸಲು ಬೇಕಾಗಿರುವ ಪದಾರ್ಥಗಳು -
06:08	ಅರ್ಧ ಕಪ್ ಕಡಲೆಕಾಯಿ,
06:10	ಅರ್ಧ ಕಪ್ ತುರಿದ ಒಣ ಕೊಬ್ಬರಿ,
06:12	ಅರ್ಧ ಕಪ್ ಅಗಸೆ ಬೀಜಗಳು ಮತ್ತು
06:15	ಅರ್ಧ ಕಪ್ ಕರಿ ಎಳ್ಳು.
06:18	ತಯಾರಿಸುವ ವಿಧಾನ: ಒಂದೊಂದಾಗಿ ಎಲ್ಲ ಎಣ್ಣೆಬೀಜಗಳನ್ನು 4 ರಿಂದ 6 ನಿಮಿಷಗಳವರೆಗೆ ಮಧ್ಯಮ ಉರಿಯ ಮೇಲೆ ಒಣದಾಗಿ ಹುರಿಯಿರಿ.
06:26	ನಂತರ, ಕಲ್ಲಿನ ಗ್ರೈಂಡರ್ ಅಥವಾ ಮಿಕ್ಸರ್ ಗ್ರೈಂಡರ್ ಅನ್ನು ಬಳಸಿ, ಎಲ್ಲ ಹುರಿದ ಬೀಜಗಳ ಪುಡಿಯನ್ನು ತಯಾರಿಸಿ.
06:33	ಈ ಪುಡಿಯನ್ನು ಗಾಳಿತೂರದ ಜಾಡಿಯಲ್ಲಿ ಶೇಖರಿಸಿಡಿ.
06:36	ಮಗುವಿಗೆ ತಿನ್ನಿಸುವ ಮುನ್ನ, ೧ ಟೀಚಮಚದಷ್ಟು ಈ ಪುಡಿಯನ್ನು ಆಹಾರದಲ್ಲಿ ಸೇರಿಸಬಹುದು.
06:42	ಇದು ಸುಮಾರು 28 ಕ್ಯಾಲೊರಿ ಮತ್ತು 0.9 ಗ್ರಾಂ ಪ್ರೋಟೀನ್ ಗಳನ್ನು ಒದಗಿಸುತ್ತದೆ.
06:48	ಈ ಪುಡಿಯ 100 ಗ್ರಾಂ, ಸುಮಾರು 600 ಕ್ಯಾಲೊರಿ ಮತ್ತು 19 ಗ್ರಾಂ ಪ್ರೋಟೀನ್ ಗಳನ್ನು ಒದಗಿಸುತ್ತದೆ.
06:56	ಈಗ, ದ್ವಿದಳ ಧಾನ್ಯಗಳ ಪುಡಿಯನ್ನು ತಯಾರಿಸುವ ವಿಧಾನವನ್ನು ತಿಳಿಯೋಣ.
06:59	ಈ ಪುಡಿಯು ಪೊಟ್ಯಾಸಿಯಮ್, ಪ್ರೋಟೀನ್, ಫೋಲೇಟ್, ಮೆಗ್ನೀಸಿಯಮ್ ಇತ್ಯಾದಿಗಳನ್ನು ಸಮೃದ್ಧವಾಗಿ ಹೊಂದಿದೆ.
07:05	ಈ ಪೋಷಕಾಂಶಗಳು ಮೂಳೆಯ ಬೆಳವಣಿಗೆಗೆ ಸಹಾಯ ಮಾಡುತ್ತವೆ ಮತ್ತು ಮಗುವಿನ ಶಕ್ತಿಯನ್ನು ಸುಧಾರಿಸುತ್ತವೆ.
07:11	ನಮ್ಮ ದೇಹದಲ್ಲಿ ಕೆಂಪು ರಕ್ತ ಕಣಗಳ ಉತ್ಪಾದನೆಗೆ ಸಹ ಅವು ಅಗತ್ಯವಾಗಿವೆ.
07:16	ದ್ವಿದಳ ಧಾನ್ಯಗಳ ಪುಡಿಯನ್ನು ತಯಾರಿಸಲು ಬೇಕಾದ ಪದಾರ್ಥಗಳು: ಅರ್ಧ ಕಪ್ ಹೆಸರುಕಾಳು,
07:22	ಅರ್ಧ ಕಪ್ ಒಣಗಿದ ಹಸಿರು ವಟಾಣಿ,
07:24	ಅರ್ಧ ಕಪ್ ಕಡಲೆಕಾಳು ಮತ್ತು
07:27	ಅರ್ಧ ಕಪ್ ಮಡಿಕೆ ಕಾಳು.
07:30	ತಯಾರಿಸುವ ವಿಧಾನ: ಮೊದಲು, ಎಲ್ಲ ಕಾಳುಗಳನ್ನು ಪ್ರತ್ಯೇಕವಾಗಿ 10 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ.
07:35	ನೆನೆಸಿಡುವುದರಿಂದ ಕಾಳುಗಳಲ್ಲಿಯ ತೇವಾಂಶವು ಸುಧಾರಿಸುತ್ತದೆ.
07:40	10 ಗಂಟೆಗಳ ನಂತರ, ಎಲ್ಲ ಕಾಳುಗಳನ್ನು ಹೊರತೆಗೆಯಿರಿ.
07:43	ಮತ್ತು, ನೀರೆಲ್ಲ ಬಸಿದು ಹೋಗುವಂತೆ ಕಾಳುಗಳನ್ನು ಒಂದು ಜರಡಿಯಲ್ಲಿರಿಸಿ.
07:47	ನಂತರ, ಒಂದೊಂದಾಗಿ, ಎಲ್ಲಾ ಕಾಳುಗಳನ್ನು ಒಂದು ಶುದ್ಧ ಮತ್ತು ಒಣ ಹತ್ತಿ ಬಟ್ಟೆಯಲ್ಲಿ ಹಾಕಿ ಕಟ್ಟಿಡಿ.
07:52	ಅವು ಮೊಳಕೆಯೊಡೆಯುವ ತನಕ ಹಾಗೇ ಬಿಡಿ.
07:55	ಈ ಸಂಪೂರ್ಣ ಕ್ರಿಯೆಯನ್ನು ಮೊಳಕೆಯೊಡೆಯುವುದು ಎನ್ನುತ್ತಾರೆ.
07:59	ದಯವಿಟ್ಟು ಗಮನಿಸಿ – ಈಮೊದಲೇ ನಾವು ಚರ್ಚಿಸಿದಂತೆ, ಮೊಳಕೆಯೊಡೆಯುವ ಅವಧಿಯು ಪ್ರತಿಯೊಂದು ವಿಧದ ಕಾಳುಗಳಿಗೆ ಬೇರೆಬೇರೆ ಆಗಿರುತ್ತದೆ.
08:06	ಮೊಳಕೆಯೊಡೆದ ನಂತರ, ಒಂದು ಅಥವಾ ಎರಡು ದಿನಗಳವರೆಗೆ ಅವುಗಳನ್ನು ಬಿಸಿಲಿನಲ್ಲಿ ಒಣಗಿಸಿ.
08:11	ನಂತರ, ಎಲ್ಲ ಕಾಳುಗಳನ್ನು ಪೂರ್ತಿಯಾಗಿ ಒಣಗುವವರೆಗೆ ಮಧ್ಯಮ ಉರಿಯ ಮೇಲೆ ಹುರಿಯಿರಿ.
08:17	ಹುರಿಯುವಾಗ ನಿರಂತರವಾಗಿ ಮಗುಚುತ್ತಿರಬೇಕು.
08:20	ಇದು ಕಾಳುಗಳು ಸುಟ್ಟುಹೋಗದಂತೆ ತಡೆಯುತ್ತದೆ.
08:24	ಹುರಿದ ನಂತರ, ಶುಚಿಯಾದ ಕೈಗಳ ನಡುವೆ ಉಜ್ಜುವ ಮೂಲಕ, ಎಲ್ಲಾ ಒಣಗಿಸಿದ ಕಾಳುಗಳ ಹೊರಗಿನ ಸಿಪ್ಪೆಯನ್ನು ಪ್ರತ್ಯೇಕಿಸಿ.
08:30	ಈಗ, ಎಲ್ಲ ಕಾಳುಗಳನ್ನು ಒಟ್ಟಿಗೆ ಸೇರಿಸಿ ಪುಡಿಮಾಡಿ.
08:34	ಮತ್ತು, ಈ ಪುಡಿಯನ್ನು ಗಾಳಿತೂರದ ಜಾಡಿಯಲ್ಲಿ ಶೇಖರಿಸಿಡಿ.
08:38	ಮಗುವಿನ ಆಹಾರವನ್ನು ತಯಾರಿಸುವಾಗ, ಎರಡು ಟೀಚಮಚದಷ್ಟು ಈ ಪುಡಿಯನ್ನು ಸೇರಿಸಬೇಕು.
08:43	ಈ ಪುಡಿಯ ಎರಡು ಟೀಚಮಚಗಳು, ಸುಮಾರು 33 ಕ್ಯಾಲೊರಿ ಮತ್ತು 1.8 ಗ್ರಾಂ ಪ್ರೋಟೀನ್ ಗಳನ್ನು ಒದಗಿಸುತ್ತದೆ.
08:49	ಈ ಪುಡಿಯ 100 ಗ್ರಾಂ, ಸುಮಾರು 250 ಕ್ಯಾಲೊರಿ ಮತ್ತು 15 ಗ್ರಾಂ ಪ್ರೋಟೀನ್ ಗಳನ್ನು ಒದಗಿಸುತ್ತದೆ.
08:57	ಆಮೇಲೆ, ನಾವು ಕರಿಬೇವಿನ ಎಲೆಗಳ ಪುಡಿಯನ್ನು ಮಾಡುವ ವಿಧಾನವನ್ನು ತಿಳಿದುಕೊಳ್ಳುವೆವು.
09:00	ಕರಿಬೇವಿನ ಎಲೆಗಳು ನಾರು (fibre), ಕಬ್ಬಿಣ, ಕ್ಯಾಲ್ಸಿಯಂ ಮತ್ತು ವಿಟಮಿನ್ C ಗಳನ್ನು ಸಮೃದ್ಧವಾಗಿ ಹೊಂದಿವೆ.
09:06	ಈ ಎಲ್ಲಾ ಪೋಷಕಾಂಶಗಳು, ಜೀರ್ಣಕ್ರಿಯೆ ಮತ್ತು ಹಲ್ಲಿನ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತವೆ.
09:12	ಅಲ್ಲದೆ, ಇವುಗಳು ಮಗುವಿನ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ.
09:16	ಈ ಪುಡಿಯನ್ನು ತಯಾರಿಸಲು ನಮಗೆ ಕರಿಬೇವಿನ ಎಲೆಗಳು ಬೇಕಾಗುವುದು.
09:19	ತಯಾರಿಸುವ ವಿಧಾನ – ಕರಿಬೇವಿನ ಎಲೆಗಳನ್ನು ಶುದ್ಧ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ.
09:23	ಅವುಗಳನ್ನು ನೆರಳಿನಲ್ಲಿ ಒಣಗಲು ಬಿಡಿ.
09:26	ಈಗ, ಈ ಎಲ್ಲ ಒಣಗಿದ ಕರಿಬೇವಿನ ಎಲೆಗಳ ಪುಡಿಯನ್ನು ತಯಾರಿಸಿ ಮತ್ತು ಈ ಪುಡಿಯನ್ನು ಗಾಳಿತೂರದ ಜಾಡಿಯಲ್ಲಿ ಶೇಖರಿಸಿಡಿ.
09:33	ಮಗುವಿಗೆ ತಿನ್ನಿಸುವ ಮುನ್ನ, ಕಾಲು ಟೀಚಮಚದಷ್ಟು ಈ ಪುಡಿಯನ್ನು ಆಹಾರದಲ್ಲಿ ಸೇರಿಸಬಹುದು.
09:39	ಇದು ಸುಮಾರು 9 ಮಿಲಿಗ್ರಾಂ ನಷ್ಟು ಕ್ಯಾಲ್ಶಿಯಂ ಅನ್ನು ಒದಗಿಸುತ್ತದೆ.
09:42	100 ಗ್ರಾಂ ನಷ್ಟು ಈ ಪುಡಿಯು, ಸುಮಾರು 700 ಮಿಲಿಗ್ರಾಂ ನಷ್ಟು ಕ್ಯಾಲ್ಶಿಯಂ ಅನ್ನು ಒದಗಿಸುತ್ತದೆ.
09:48	ನಂತರ, ನಾವು ನುಗ್ಗೆ ಎಲೆಗಳ ಪುಡಿಯನ್ನು ಮಾಡುವ ವಿಧಾನವನ್ನು ತಿಳಿದುಕೊಳ್ಳೋಣ.
09:53	ಈ ಪುಡಿಯು ಕ್ಯಾಲ್ಸಿಯಂ, ಕಬ್ಬಿಣ, ವಿಟಮಿನ್ C, ವಿಟಮಿನ್ A, ಪ್ರೋಟೀನ್ ಮತ್ತು ಸಲ್ಫರ್ ಗಳನ್ನು (ಗಂಧಕ) ಸಾಕಷ್ಟು ಪ್ರಮಾಣದಲ್ಲಿ ಹೊಂದಿರುತ್ತದೆ.
10:01	ಈ ಪೋಷಕಾಂಶಗಳು ವಸಡುಗಳ ಬೆಳವಣಿಗೆಗೆ ಮತ್ತು ಮಗುವಿನ ಆರೋಗ್ಯಕರ ಕಣ್ಣುಗಳಿಗೆ ಅಗತ್ಯವಾಗಿರುತ್ತದೆ.
10:07	ಇವುಗಳು ಸೋಂಕಿನ ವಿರುದ್ಧ ಹೋರಾಡುತ್ತವೆ ಮತ್ತು ಮಗುವಿನ ಶಕ್ತಿಯನ್ನು ಸುಧಾರಿಸುತ್ತವೆ.
10:12	ಈ ಪುಡಿಯನ್ನು ತಯಾರಿಸಲು ನಮಗೆ ನುಗ್ಗೆ ಎಲೆಗಳು ಬೇಕಾಗುತ್ತದೆ.
10:17	ತಯಾರಿಸುವ ವಿಧಾನ – ಮೊದಲು ಎಲ್ಲ ನುಗ್ಗೆ ಎಲೆಗಳನ್ನು ಶುದ್ಧ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ.
10:22	ಈ ಎಲೆಗಳನ್ನು ನೆರಳಿನಲ್ಲಿ ಒಣಗಿಸಿ.
10:25	ಈಗ, ಎಲ್ಲ ಒಣಗಿದ ಎಲೆಗಳ ಪುಡಿಯನ್ನು ತಯಾರಿಸಿ. ನುಗ್ಗೆ ಎಲೆಗಳ ಪುಡಿಯು ಸಿದ್ಧವಾಗಿದೆ.
10:31	ಈ ಪುಡಿಯನ್ನು ಗಾಳಿತೂರದ ಜಾಡಿಯಲ್ಲಿ ಶೇಖರಿಸಿಡಿ.
10:33	ಮಗುವಿಗೆ ತಿನ್ನಿಸುವ ಮುನ್ನ, ಕಾಲು ಟೀಚಮಚದಷ್ಟು ಈ ಪುಡಿಯನ್ನು ಆಹಾರದಲ್ಲಿ ಸೇರಿಸಬಹುದು.
10:40	ಇದು ಸುಮಾರು 5 ಮಿಲಿಗ್ರಾಂ ನಷ್ಟು ಕ್ಯಾಲ್ಶಿಯಂ ಅನ್ನು ಒದಗಿಸುತ್ತದೆ.
10:44	ಈ ಪುಡಿಯ 100 ಗ್ರಾಂ, ಸುಮಾರು 350 ಮಿಲಿಗ್ರಾಂ ನಷ್ಟು ಕ್ಯಾಲ್ಶಿಯಂ ಅನ್ನು ಒದಗಿಸುತ್ತದೆ.
10:50	ಯಾವಾಗಲೂ ಇವುಗಳನ್ನು ನೆನಪಿನಲ್ಲಿಡಿ: ಈ ಪುಡಿಗಳನ್ನು ತಯಾರಿಸಲು ಸ್ಥಳೀಯ ಮತ್ತು ಕಾಲೋಚಿತ ಎಣ್ಣೆಬೀಜಗಳು, ಕಾಳುಗಳು ಮತ್ತು ದ್ವಿದಳ ಧಾನ್ಯಗಳನ್ನು ಬಳಸಿ.
10:58	ಪ್ರತಿಯೊಂದು ಊಟದಲ್ಲಿ ಒಂದು ಬೇರೆಯ ಪುಡಿ ಇರಬೇಕು.
11:01	ಉದಾಹರಣೆಗೆ, ಒಂದು ಟೀಚಮಚದಷ್ಟು ಎಣ್ಣೆಬೀಜಗಳ ಪುಡಿಯನ್ನು ಬೇಯಿಸಿದ ಆಹಾರದಲ್ಲಿ ಸೇರಿಸಬಹುದು.
11:08	ಅಥವಾ, ಕಾಲು ಟೀಚಮಚದಷ್ಟು ಕರಿಬೇವಿನ ಎಲೆಗಳ ಪುಡಿ ಅಥವಾ ನುಗ್ಗೆ ಎಲೆಗಳ ಪುಡಿಯನ್ನು ಬೇಯಿಸಿದ ಆಹಾರದಲ್ಲಿ ಸೇರಿಸಬಹುದು.
11:14	ಅಥವಾ 2 ಟೀಚಮಚದಷ್ಟು ದ್ವಿದಳ ಧಾನ್ಯಗಳ ಪುಡಿಯನ್ನು ಸೇರಿಸಬಹುದು. ಇದನ್ನು ಆಹಾರದ ಜೊತೆಗೇ ಬೇಯಿಸಬೇಕು.
11:21	ಗಮನಿಸಿ, ಈ ಟ್ಯುಟೋರಿಯಲ್ ನಲ್ಲಿಯ ಪುಡಿಗಳನ್ನು
11:26	ನೆನೆಸುವುದು, ಹುರಿಯುವುದು ಮತ್ತು
11:28	ಮೊಳಕೆ ಬರಿಸುವುದು ಮುಂತಾದ ವಿಧಾನಗಳನ್ನು ಬಳಸಿ ತಯಾರಿಸಲಾಗಿದೆ.
11:30	ಈ ಎಲ್ಲ ವಿಧಾನಗಳು, ಆಹಾರದಿಂದ ಖನಿಜಾಂಶಗಳ ಹೀರುವಿಕೆಯನ್ನು ತಡೆಗಟ್ಟುವ 'ಫೈಟಿಕ್ ಆಸಿಡ್' ಅನ್ನು (Phytic acid) ಕಡಿಮೆ ಮಾಡುತ್ತವೆ.
11:38	ಮತ್ತು, ಆಹಾರದಿಂದ ಪೌಷ್ಟಿಕಾಂಶದ ಹೀರಿಕೊಳ್ಳುವಿಕೆಯನ್ನು ಸುಧಾರಿಸುತ್ತವೆ.
11:42	ಇಲ್ಲಿಗೆ, ನಾವು Nutritious powder recipes for 6 to 24 months old children ಎಂಬ ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿದ್ದೇವೆ.
11:51	ಈ ಟ್ಯುಟೋರಿಯಲ್ ನಲ್ಲಿ ನಾವು, ವಿವಿಧ ಪೌಷ್ಟಿಕಾಂಶದ ಪುಡಿಗಳ ಪಾಕವಿಧಾನಗಳನ್ನು ಕಲಿತಿದ್ದೇವೆ. ಇವುಗಳು ಹೀಗಿವೆ:
11:57	ಅಮೈಲೇಸ್ ಪುಡಿ, ಕಾಳುಗಳ ಪುಡಿ,
12:00	ಎಣ್ಣೆಬೀಜಗಳ ಪುಡಿ,
12:02	ದ್ವಿದಳ ಧಾನ್ಯಗಳ ಪುಡಿ,
12:04	ಕರಿಬೇವಿನ ಎಲೆಗಳ ಪುಡಿ ಮತ್ತು
12:06	ನುಗ್ಗೆ ಎಲೆಗಳ ಪುಡಿ.
12:08	ಈ ಟ್ಯುಟೋರಿಯಲ್, Spoken Tutorial Project, IIT Bombay ಇವರ ಕೊಡುಗೆಯಾಗಿದೆ.
12:14	ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್, NMEICT, MHRD ಮೂಲಕ ಭಾರತ ಸರಕಾರದ ಅನುದಾನವನ್ನು ಪಡೆದಿದೆ. ಈ ಮಿಶನ್ ನ ಬಗ್ಗೆ ಹೆಚ್ಚಿನ ಮಾಹಿತಿಯು ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿದೆ.
12:25	ಈ ಟ್ಯುಟೋರಿಯಲ್, WHEELS Global Foundation ನ ಉದಾರ ಕೊಡುಗೆಯಿಂದ ಭಾಗಶಃ ಅನುದಾನವನ್ನು ಪಡೆದಿದ್ದು,
12:32	Maa aur Shishu Poshan (ಮಾ ಔರ್ ಶಿಶು ಪೋಷಣ್) ಪ್ರೊಜೆಕ್ಟ್ ನ ಒಂದು ಭಾಗವಾಗಿದೆ.
12:36	ಈ ಟ್ಯುಟೋರಿಯಲ್ ನ ಡೊಮೇನ್ ರಿವ್ಯೂ ಮಾಡಿದವರು, Dr. ರೂಪಲ್ ದಲಾಲ್, MD ಪೀಡಿಯಾಟ್ರಿಕ್ಸ್ ಮತ್ತು Ms. ದೀಪಾಲಿ ಫಾರ್ಗಡೆ, ನ್ಯೂಟ್ರಿಶನಿಸ್ಟ್.
12:46	ಈ ಸ್ಕ್ರಿಪ್ಟ್ ನ ಅನುವಾದಕಿ IIT Bombay ಯಿಂದ ಸಂಧ್ಯಾ ಪುಣೇಕರ್ ಹಾಗೂ ಧ್ವನಿ ಶ್ರೀಮತಿ ನಯನಾ ಭಟ್ಟ್. ಧನ್ಯವಾದಗಳು.

Contributors and Content Editors

Nayana, Sandhya.np14