Git/C2/Tagging-in-Git/Marathi

Time	Narration
00:01	स्पोकन ट्युटोरियलच्या Tagging in Git वरील पाठात आपले स्वागत.
00:06	या पाठात शिकणार आहोत: टॅगिंग आणि टॅगिंग चे प्रकार.
00:12	या पाठासाठी वापरणार आहोत:उबंटु लिनक्स 14.04, Git 2.3.2 आणि gedit टेक्स्ट एडिटर तुम्ही तुमच्या पसंतीचा एडिटर देखील वापरू शकता.
00:28	या पाठासाठी - टर्मिनलवर वापरल्या जाणा-या लिनक्स कमांडसचे ज्ञान आवश्यक आहे. नसल्यास संबंधित लिनक्स वरील पाठांसाठी आमच्या वेबसाईटला भेट द्या.
00:41	टॅगिंग बद्दल जाणून घेऊ.
00:44	एखाद्या कमिटचा टप्पा महत्वाचा म्हणून चिन्हांकित करणे म्हणजे टॅगिंग.
00:49	पुढील संदर्भासाठी बुकमार्क केल्याप्रमाणे आपण कमिट टॅग करू शकतो.
00:54	सामान्यपणे हे म्हणजे प्रकल्पाचे प्रकाशन v1.0 आहे असे चिन्हांकित करण्यासारखे आहे.
01:02	दोन प्रकारचे टॅग्ज आहेत: Lightweight टॅग आणि Annotated टॅग
01:09	प्रथम lightweight टॅग कसा बनवायचा हे जाणून घेऊ.
01:15	आपण बनवलेल्या mywebpage Git रिपॉझिटरीमधे जाऊ.
01:21	टर्मिनलवर जाऊन टाईप करा: cd space mywebpage आणि एंटर दाबा.
01:30	मी येथे html फाईल्स वापरणार आहे.
01:34	तुम्ही तुमच्या पसंतीची फाईल वापरू शकता.
01:39	Git log तपासण्यासाठी टाईप करा git space log space hyphen hyphen oneline आणि एंटर दाबा.
01:48	सध्या आपल्या रिपॉझिटरीमधे "Added colors, Added history.html" आणि "Initial commit" अशी तीन कमिटस आहेत.
01:59	आता “Added colors” या सर्वात शेवटच्या कमिटमधे lightweight टॅग बनवू.
02:05	आपण टॅग बनवतो तेव्हा डिफॉल्ट रूपात तो सर्वात शेवटच्या कमिटमधे बनतो.
02:12	टाईप करा:git space tag space v1.1 आणि एंटर दाबा.
02:20	येथे मी v1.1 असे टॅगचे नाव देत आहे. तुम्ही कोणतेही देऊ शकता.
02:29	टॅग बघण्यासाठी टाईप करा git space tag आणि एंटर दाबा.
02:35	आता आपल्या रिपॉझिटरीमधे केवळ एकच टॅग आहे.
02:39	पुढे आपण annotated टॅग बनवण्याबद्दल जाणून घेऊ.
02:44	त्यासाठी प्रथम mypage.html या फाईलमधे काही बदल करणार आहोत.
02:52	टाईप करा: gedit space mypage.html space ampersand आणि एंटर दाबा. फाईलमधे काही ओळी समाविष्ट करू.
03:04	नंतर फाईल सेव्ह करून बंद करा.
03:07	या टप्प्यावर आपले काम कमिट करू.
03:11	टाईप करा:git space commit space hyphen a m space डबल कोटसमधे “Added content in mypage.html” आणि एंटर दाबा.
03:25	हा टप्पा प्रोजेक्टसाठी अतिशय महत्वाचा आहे असे समजू.
03:31	त्यामुळे या कमिट पॉईंटवर टॅग बनवणे गरजेचे आहे.
03:35	येथे annotated टॅग बनवणार आहोत.
03:39	टाईप करा:git space tag space hyphen a space v1.2 space hyphen m space डबल कोटसमधे “My Version 1.2” आणि एंटर दाबा.
03:55	-m फ्लॅग वापरून तुम्ही कोणताही टॅग मेसेज देऊ शकता.
04:01	येथे tag मेसेज ऐच्छिक आहे.
04:05	टॅगची सूची बघण्यासाठी टाईप करा:git space tag आणि एंटर दाबा. आता आपल्याकडे दोन टॅग आहेत.
04:14	येथे v1.1 हा lightweight टॅग आहे तर v1.2 हा annotated टॅग आहे.
04:21	टॅगमधील फरक आपल्याला कसा ओळखता येईल?
04:24	git show कमांडच्या सहाय्याने दोन टॅगमधील फरक आपण पाहू शकतो.
04:31	टाईप करा:git space show space v1.1 आणि एंटर दाबा.
04:38	येथे lightweight tag v1.1 चा संपूर्ण तपशील पाहू शकता.
04:44	हे केवळ कमिटचा तपशील आणि फाईलमधील बदल दाखवते.
04:50	पुढे annotated tag v1.2 चा तपशील पाहू. त्यासाठी टाईप करा:git space show space v1.2 आणि एंटर दाबा.
05:03	येथे आपण पाहू शकतो: टॅगचे नाव, टॅगरचा तपशील, कमिट टॅग केल्याची तारीख, टॅग मेसेज, कमिटचा तपशील, फाईलमधील बदल.
05:17	सहका-यांसोबत काम करताना Annotated टॅगचा वापर करणे जास्त उपयोगी ठरेल.
05:23	जुन्या कमिटसमधे टॅग कसे चिन्हांकित करायचे हे जाणून घेऊ.
05:29	प्रथम Git लॉग तपासू. त्यासाठी टाईप करा git space log space hyphen hyphen oneline आणि एंटर दाबा.
05:39	उदाहरणादाखल मला “Added history.html” या दुस-या कमिटमधे टॅग समाविष्ट करायचा आहे.
05:47	टाईप करा: git space tag space hyphen a space v1.0 space. नंतर “Added history.html” space चा commit hash कॉपी करून पेस्ट करा. पुढे टाईप करा:hyphen m space डबल कोटसमधे “'My Version 1.0” आणि एंटर दाबा.
06:09	आता बनवलेला टॅग बघण्यासाठी टाईप करा git space tag आणि एंटर दाबा.
06:19	येथे बनवलेला tag v1.0 बघू शकतो.
06:24	पुढे आपण Git लॉगबरोबर टॅग्ज कसे बघायचे ते जाणून घेऊ.
06:29	टाईप करा:git space log space hyphen hyphen oneline space hyphen hyphen decorate आणि एंटर दाबा.
06:40	आपण टॅगच्या नावांसहित Git लॉग पाहू शकतो.
06:44	आता नको असलेले टॅग कसे डिलिट करायचे ते पाहू.
06:49	समजा आपल्याला tag v1.1 डिलिट करायचा आहे.
06:53	टाईप करा:git space tag space hyphen d space v1.1 आणि एंटर दाबा.
07:02	हे “Deleted tag v1.1” आणि commit hash असा मेसेज दाखवत आहे.
07:08	टॅग डिलिट झाला की नाही हे तपासून पाहू.
07:14	टाईप करा:git space tag आणि एंटर दाबा.
07:19	आपल्याला tag v1.1 दिसत नाही कारण तो यशस्वीरित्या डिलिट झाला आहे.
07:25	आपण पाठाच्या अंतिम टप्प्यात आहोत.
07:29	थोडक्यात, आपण या पाठात शिकलो: टॅगिंग आणि टॅगिंग चे प्रकार.
07:38	असाईनमेंट - lightweight टॅग आणि annotated टॅग बनवा आणि दोन्ही टॅग्ज मधला फरक समजून घ्या.
07:47	स्क्रीनवर दिसत असलेल्या लिंकवरील व्हिडिओ डाऊनलोड करून बघा. ज्यामध्ये तुम्हाला प्रॉजेक्टचा सारांश मिळेल.
07:56	स्पोकन ट्युटोरियल प्रॉजेक्ट टीम, Spoken Tutorial च्या सहाय्याने कार्यशाळा चालविते. ऑनलाईन परीक्षा उत्तीर्ण होणा-या विद्यार्थ्यांना प्रमाणपत्रही दिले जाते.
08:03	अधिक माहितीसाठी कृपया आम्हाला लिहा.
08:08	स्पोकन ट्युटोरियल प्रॉजेक्टसाठी अर्थसहाय्य NMEICT, MHRD, Government of India यांच्याकडून मिळालेले आहे. या मिशनसंबंधी माहिती पुढील साईटवर उपलब्ध आहे.
08:20	हे भाषांतर मनाली रानडे यांनी केले असून मी रंजना भांबळे आपला निरोप घेते. सहभागासाठी धन्यवाद.

Contributors and Content Editors

Manali, PoojaMoolya, Ranjana