ExpEYES/C2/Conductivity-of-ionic-solutions/Kannada

Time	Narration
00:01	ನಮಸ್ಕಾರ. Conductivity of ionic solutions ಎಂಬ ‘ಟ್ಯುಟೋರಿಯಲ್’ಗೆ ನಿಮಗೆ ಸ್ವಾಗತ.
00:07	ಈ ‘ಟ್ಯುಟೋರಿಯಲ್’ನಲ್ಲಿ, ನಾವು: 'ಕಂಡಕ್ಟಿವಿಟಿ'ಯನ್ನು (ವಾಹಕತ್ವ) ಅಳೆಯಲು ಮತ್ತು ಅಯಾನಿಕ್ ದ್ರಾವಣಗಳ 'ರಿಜಿಸ್ಟನ್ಸ್' ಅನ್ನು (resistance) ಕಂಡುಹಿಡಿಯಲು ಕಲಿಯುವೆವು.
00:15	ಇಲ್ಲಿ ನಾನು: ExpEYES ಆವೃತ್ತಿ 3.1.0 Ubuntu Linux OS (ಉಬಂಟು ಲಿನಕ್ಸ್ ಒ ಎಸ್) ಆವೃತ್ತಿ 14.04 ಇವುಗಳನ್ನು ಬಳಸುತ್ತಿದ್ದೇನೆ.
00:23	ಈ ‘ಟ್ಯುಟೋರಿಯಲ್’ಅನ್ನು ಅನುಸರಿಸಲು, ನೀವು: ExpEYES Junior ಇಂಟರ್ಫೇಸ್ ಅನ್ನು ಚೆನ್ನಾಗಿ ತಿಳಿದಿರಬೇಕು. ಇಲ್ಲದಿದ್ದರೆ, ಸಂಬಂಧಿತ ‘ಟ್ಯುಟೋರಿಯಲ್’ಗಳಿಗಾಗಿ ದಯವಿಟ್ಟು ನಮ್ಮ ವೆಬ್ಸೈಟ್ ಅನ್ನು ನೋಡಿ.
00:35	ಮೊದಲು, ನಾವು ದ್ರಾವಣದ ‘ಕಂಡಕ್ಟಿವಿಟಿ’ಯನ್ನು (ವಿದ್ಯುತ್ ವಾಹಕತ್ವ) ವ್ಯಾಖ್ಯಾನಿಸೋಣ.
00:38	ದ್ರಾವಣದ ‘ಕಂಡಕ್ಟಿವಿಟಿ’ ಯು ಅದು ತನ್ನ ಮೂಲಕ ವಿದ್ಯುತ್ತನ್ನು ಹರಿಸುವ ಸಾಮರ್ಥ್ಯದ ಅಳತೆಯಾಗಿದೆ.
00:44	ನೀರಿನ ‘ಕಂಡಕ್ಟಿವಿಟಿ’ಯು ಅದರಲ್ಲಿ ಕರಗಿದ ಅಯಾನುಗಳ ಸಾಂದ್ರತೆಗೆ ನೇರವಾಗಿ ಸಂಬಂಧಿಸಿದೆ.
00:51	ಈಗ ನಾವು ನಳದ ನೀರಿನ ‘ಕಂಡಕ್ಟಿವಿಟಿ’ಯನ್ನು (ವಾಹಕತ್ವ) ತೋರಿಸುತ್ತೇವೆ.
00:56	ನಾನು ಸರ್ಕೀಟ್ ಕನೆಕ್ಷನ್ ಗಳನ್ನು ವಿವರಿಸುವೆನು. A1 ಅನ್ನು SINEಗೆ ಜೋಡಿಸಲಾಗಿದೆ.
01:02	SINE ಹಾಗೂ A2 ಗಳ ತಂತಿಗಳನ್ನು (wires) ನಳದ ನೀರನ್ನು ಹೊಂದಿರುವ ಗಾಜಿನ ಲೋಟದಲ್ಲಿ ಮುಳುಗಿಸಲಾಗಿದೆ.
01:08	ಒಂದು 10K ರೆಜಿಸ್ಟರನ್ನು A2 ಹಾಗೂ GND ಗಳ ನಡುವೆ ಜೋಡಿಸಲಾಗಿದೆ. ಇದು ಸರ್ಕೀಟ್ ಡೈಗ್ರಾಮ್ ಆಗಿದೆ.
01:16	ನಾವು ಪರಿಣಾಮವನ್ನು 'ಪ್ಲಾಟ್ ವಿಂಡೋ'ದ ಮೇಲೆ ನೋಡೋಣ.
01:20	'ಪ್ಲಾಟ್ ವಿಂಡೋ'ದಲ್ಲಿ, A1 ನ ಮೇಲೆ ಕ್ಲಿಕ್ ಮಾಡಿ ಮತ್ತು CH1 ಗೆ ಎಳೆಯಿರಿ. A1 ಅನ್ನು CH1 ಗೆ ನಿಗದಿಪಡಿಸಲಾಗಿದೆ.
01:28	A2 ದ ಮೇಲೆ ಕ್ಲಿಕ್ ಮಾಡಿ ಮತ್ತು CH2 ಗೆ ಎಳೆಯಿರಿ. A2 ಅನ್ನು CH2 ಗೆ ಅಸೈನ್ ಮಾಡಲಾಗಿದೆ (ನಿಗದಿಪಡಿಸಲಾಗಿದೆ).
01:35	ತರಂಗಗಳನ್ನು ಸರಿಹೊಂದಿಸಲು mSec/div ಎಂಬ ಸ್ಲೈಡರನ್ನು ಬಳಸಿ. ಎರಡು sine ಅಲೆಗಳನ್ನು ರಚಿಸಲಾಗಿದೆ.
01:43	ಕಪ್ಪು ಬಣ್ಣದ್ದು ಮೂಲ sine ತರಂಗವಾಗಿದ್ದು, ಕೆಂಪು ಬಣ್ಣದ ತರಂಗವು ನಳದ ನೀರಿನ ‘ಕಂಡಕ್ಟಿವಿಟಿ’ ಯಾಗಿದೆ.
01:50	CH1 ಮೇಲೆ ಕ್ಲಿಕ್ ಮಾಡಿ ಹಾಗೂ FIT ಗೆ ಎಳೆಯಿರಿ. CH2ಮೇಲೆ ಕ್ಲಿಕ್ ಮಾಡಿ ಹಾಗೂ FIT ಗೆ ಎಳೆಯಿರಿ.
01:56	ವಿಂಡೋದ ಬಲಭಾಗದಲ್ಲಿ ವೋಲ್ಟೇಜ್ ಹಾಗೂ ಫ್ರಿಕ್ವೆನ್ಸಿ ವ್ಯಾಲ್ಯೂಗಳನ್ನು ನೋಡಿ. 'ಇನ್ಪುಟ್ ವೋಲ್ಟೇಜ್' ಗೆ ಹೋಲಿಸಿದರೆ ನಳದ ನೀರಿನ ವೋಲ್ಟೇಜ್, ಅತ್ಯಂತ ಕಡಿಮೆಯಿರುವುದನ್ನು ಗಮನಿಸಿ.
02:08	ವೋಲ್ಟೇಜ್ ಗಳನ್ನು ಮತ್ತು ಅಂಶಗಳಲ್ಲಿ 'ಫೇಜ್ ಡಿಫರನ್ಸ್' ಅನ್ನು (Phase difference) ನೋಡಲು CH1 ಮೇಲೆ ರೈಟ್-ಕ್ಲಿಕ್ ಮಾಡಿ.
02:15	ಈಗ, ನಾವು ತಾಮ್ರದ ಸಲ್ಫೇಟ್ ದ್ರಾವಣದ ‘ಕಂಡಕ್ಟಿವಿಟಿ’ಯನ್ನು ಅಳೆಯುವೆವು. ದ್ರಾವಣವನ್ನು ತಯಾರಿಸಲು, ಒಂದು ಚಮಚ ತಾಮ್ರದ ಸಲ್ಫೇಟ್ ಅನ್ನು 100 ಮಿ.ಲೀ. ನೀರಿನಲ್ಲಿ ಕರಗಿಸಲಾಗಿದೆ.
02:27	ಇದೇ ಕನೆಕ್ಷನ್ ನಲ್ಲಿ, SINE ಹಾಗೂ A2 ಗಳಿಂದ ಬರುವ ವೈರ್ ಗಳನ್ನು ತಾಮ್ರದ ಸಲ್ಫೇಟ್ ದ್ರಾವಣದಲ್ಲಿ ಮುಳುಗಿಸಲಾಗಿದೆ.
02:34	'ಪ್ಲಾಟ್ ವಿಂಡೋ' ದಲ್ಲಿ ನಾವು ‘ಕಂಡಕ್ಟಿವಿಟಿ’ ಕರ್ವ್ ಅನ್ನು ನೋಡಬಹುದು.
02:38	ಕೆಂಪು ಬಣ್ಣದಲ್ಲಿರುವುದು ತಾಮ್ರದ ಸಲ್ಫೇಟ್ ದ್ರಾವಣದ ‘ಕಂಡಕ್ಟಿವಿಟಿ’ ಆಗಿದೆ.
02:42	ಹೆಚ್ಚಿದ ‘ಕಂಡಕ್ಟಿವಿಟಿ’ ಗೆ ಕಾರಣ ದ್ರಾವಣದಲ್ಲಿ ಇರುವ ತಾಮ್ರ (copper) ಹಾಗೂ 'ಸಲ್ಫೇಟ್' ಅಯಾನುಗಳು ಆಗಿವೆ.
02:48	ಬಲಭಾಗದಲ್ಲಿ ವೋಲ್ಟೇಜ್ ಹಾಗೂ ಫ್ರಿಕ್ವೆನ್ಸಿ ವ್ಯಾಲ್ಯೂಗಳನ್ನು ಗಮನಿಸಿ.
02:52	ವೋಲ್ಟೇಜ್ ಮತ್ತು ಫೇಜ್ ಡಿಫರನ್ಸ್ ವ್ಯಾಲ್ಯೂಗಳನ್ನು ನೋಡಲು CH1 ಮೇಲೆ ರೈಟ್-ಕ್ಲಿಕ್ ಮಾಡಿ.
02:59	ಈಗ, ನಾವು ದುರ್ಬಲ ಗಂಧಕಾಮ್ಲ ದ್ರಾವಣದ ವಾಹಕತ್ವವನ್ನು (ಕಂಡಕ್ಟಿವಿಟಿ) ಅಳೆಯುವೆವು. ದುರ್ಬಲ ಗಂಧಕಾಮ್ಲದ ಕೆಲವು ಹನಿಗಳನ್ನು ನೀರಿಗೆ ಸೇರಿಸಲಾಗಿದೆ.
03:09	ತಂತಿಗಳನ್ನು ಗಂಧಕಾಮ್ಲದ ದ್ರಾವಣದಲ್ಲಿ ಮುಳುಗಿಸಲಾಗಿದೆ. ‘ಪ್ಲಾಟ್ ವಿಂಡೋ’ದ ಮೇಲೆ ನಾವು ಫಲಿತಾಂಶವನ್ನು ನೋಡೋಣ.
03:17	ಕಪ್ಪು ಮತ್ತು ಕೆಂಪು ಬಣ್ಣದ ತರಂಗಗಳು ಬಹುತೇಕ ಒಂದುಗೂಡುತ್ತಿರುವುದನ್ನು ಗಮನಿಸಿ.
03:23	ದುರ್ಬಲ ಗಂಧಕಾಮ್ಲದ ಕೆಲವು ಹನಿಗಳನ್ನು ಸೇರಿಸಿದ್ದರಿಂದ ನಳದ ನೀರಿನ ವಾಹಕತ್ವವು ಹೆಚ್ಚಾಗಿದೆ.
03:30	ಬಲಭಾಗದಲ್ಲಿ ವೋಲ್ಟೇಜ್ ಹಾಗೂ ಫ್ರಿಕ್ವೆನ್ಸಿ ವ್ಯಾಲ್ಯೂಗಳನ್ನು ನೋಡಿ.
03:34	ವೋಲ್ಟೇಜ್ ಗಳನ್ನು ಮತ್ತು ಅಂಶಗಳಲ್ಲಿ ಫೇಜ್ ಡಿಫರನ್ಸ್ ಅನ್ನು ನೋಡಲು CH1 ಮೇಲೆ ರೈಟ್-ಕ್ಲಿಕ್ ಮಾಡಿ.
03:41	ನಾವು ದುರ್ಬಲ ಪೊಟ್ಯಾಸಿಯಂ ಹೈಡ್ರಾಕ್ಸೈಡ್ ದ್ರಾವಣದ ‘ಕಂಡಕ್ಟಿವಿಟಿ’ಯನ್ನು ಅಳೆಯುವೆವು. ದುರ್ಬಲ ಪೊಟ್ಯಾಸಿಯಂ ಹೈಡ್ರಾಕ್ಸೈಡ್ ದ್ರಾವಣದ ಕೆಲವು ಹನಿಗಳನ್ನು ನೀರಿಗೆ ಸೇರಿಸಲಾಗಿದೆ.
03:52	ಕಪ್ಪು ಮತ್ತು ಕೆಂಪು ಬಣ್ಣದ ತರಂಗಗಳು ಬಹುತೇಕ ಒಂದುಗೂಡುತ್ತಿರುವುದನ್ನು ನಾವು ನೋಡಬಹುದು.
03:58	ಪೊಟ್ಯಾಸಿಯಂ ಹೈಡ್ರಾಕ್ಸೈಡ್ ದ್ರಾವಣದ ಕೆಲವು ಹನಿಗಳನ್ನು ಸೇರಿಸಿದ್ದರಿಂದ ಹೆಚ್ಚಾಗಿರುವ ನಳದ ನೀರಿನ ‘ಕಂಡಕ್ಟಿವಿಟಿ’ಯನ್ನು ಗಮನಿಸಿ.
04:05	ವಿಂಡೋದ ಬಲಭಾಗದಲ್ಲಿ ವೋಲ್ಟೇಜ್ ಹಾಗೂ ಫ್ರಿಕ್ವೆನ್ಸಿ ವ್ಯಾಲ್ಯೂಗಳನ್ನು ಗಮನಿಸಿ.
04:11	ವೋಲ್ಟೇಜ್ ಗಳನ್ನು ಮತ್ತು ಅಂಶಗಳಲ್ಲಿ ಫೇಜ್ ಡಿಫರನ್ಸ್ ಅನ್ನು ನೋಡಲು CH1 ಮೇಲೆ ರೈಟ್-ಕ್ಲಿಕ್ ಮಾಡಿ.
04:18	ವೋಲ್ಟೇಜ್ ವ್ಯಾಲ್ಯೂಗಳನ್ನು ಬಳಸಿ ನಾವು ಅಯಾನಿಕ್ ದ್ರಾವಣಗಳ ರೆಜಿಸ್ಟನ್ಸ್ ಅನ್ನು ಕಂಡುಹಿಡಿದಿದ್ದೇವೆ ಮತ್ತು ಫಲಿತಾಂಶಗಳನ್ನು ಪಟ್ಟಿಮಾಡಿದ್ದೇವೆ.
04:27	ನಳದ ನೀರಿನ ರಿಜಿಸ್ಟನ್ಸ್ ವ್ಯಾಲ್ಯೂ 7.7 KOhm (ಕಿಲೋ ಓಂ) ಮತ್ತು ತಾಮ್ರದ ಸಲ್ಫೇಟ್ ದ್ರಾವಣದ ರಿಜಿಸ್ಟನ್ಸ್ ನ ವ್ಯಾಲ್ಯೂ, 1.2 KOhm ಆಗಿವೆ.
04:38	ಗಂಧಕಾಮ್ಲ ದ್ರಾವಣವು 0.17 KOhm ಮತ್ತು ಪೊಟ್ಯಾಸಿಯಂ ಹೈಡ್ರಾಕ್ಸೈಡ್ ದ್ರಾವಣವು 0.14 KOhm ಆಗಿರುತ್ತವೆ. ಅಯಾನಿಕ್ ಸಾಂದ್ರತೆಯು ಹೆಚ್ಚಾದಂತೆ ರಿಜಿಸ್ಟನ್ಸ್ ನ ವ್ಯಾಲ್ಯೂಗಳು ಕಡಿಮೆಯಾಗಿರುವುದನ್ನು ಗಮನಿಸಿ.
04:55	ಸಂಕ್ಷಿಪ್ತವಾಗಿ,
04:57	ಈ ಟ್ಯುಟೋರಿಯಲ್ ನಲ್ಲಿ, ನಾವು: ‘ಕಂಡಕ್ಟಿವಿಟಿ’ಯನ್ನು ಅಳೆಯಲು ಹಾಗೂ ಅಯಾನಿಕ್ ದ್ರಾವಣಗಳ ರೆಸಿಸ್ಟನ್ಸ್ ಅನ್ನು ಕಂಡುಹಿಡಿಯಲು ಕಲಿತಿದ್ದೇವೆ.
05:06	ಒಂದು ಅಸೈನ್ಮೆಂಟ್ - ಸೋಡಿಯಂ ಹೈಡ್ರಾಕ್ಸೈಡ್, ಅಸಿಟಿಕ್ ಆಸಿಡ್ ಮತ್ತು ಸೋಡಿಯಂ ಕ್ಲೋರೈಡ್ ದ್ರಾವಣಗಳನ್ನು ಬಳಸಿ ‘ಕಂಡಕ್ಟಿವಿಟಿ’ಯನ್ನು ಅಳೆಯಿರಿ ಮತ್ತು ಅಯಾನಿಕ್ ದ್ರಾವಣಗಳ ರೆಸಿಸ್ಟನ್ಸ್ ಅನ್ನು ಕಂಡುಹಿಡಿಯಿರಿ.
05:18	ಈ ವೀಡಿಯೋ, ಸ್ಪೋಕನ್ ಟ್ಯುಟೋರಿಯಲ್ ಪ್ರಕಲ್ಪದ ಸಾರಾಂಶವಾಗಿದೆ. ನಿಮಗೆ ಒಳ್ಳೆಯ ‘ಬ್ಯಾಂಡ್‌ವಿಡ್ತ್’ ಸಿಗದಿದ್ದರೆ ನೀವು ಇದನ್ನು ಡೌನ್ಲೋಡ್ ಮಾಡಿ ನೋಡಬಹುದು.
05:26	ನಾವು ‘ಸ್ಪೋಕನ್ ಟ್ಯುಟೋರಿಯಲ್’ಗಳನ್ನು ಬಳಸಿ ಕಾರ್ಯಶಾಲೆಗಳನ್ನು ನಡೆಸುತ್ತೇವೆ ಮತ್ತು ಪ್ರಮಾಣಪತ್ರವನ್ನು ಕೊಡುತ್ತೇವೆ. ದಯವಿಟ್ಟು ನಮ್ಮನ್ನು ಸಂಪರ್ಕಿಸಿ.
05:32	‘ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್’, NMEICT, MHRD, ಭಾರತ ಸರ್ಕಾರದ ಅನುದಾನವನ್ನು ಪಡೆದಿದೆ.
05:39	IIT Bombay ಯಿಂದ, ‘ಸ್ಕ್ರಿಪ್ಟ್’ನ ಅನುವಾದಕಿ ಸಂಧ್ಯಾ ಪುಣೇಕರ್ ಹಾಗೂ ಪ್ರವಾಚಕ ನವೀನ್ ಭಟ್, ಉಪ್ಪಿನಪಟ್ಟಣ. ವಂದನೆಗಳು.

Contributors and Content Editors

Pratik kamble, Sandhya.np14