Drupal/C2/Content-Management-in-Admin-Interface/Kannada

Time	Narration
00:01	ಡ್ರುಪಲ್ ನಲ್ಲಿ, Content Management in Admin Interface ಎನ್ನುವ ಈ ಸ್ಪೋಕನ್ ಟ್ಯುಟೋರಿಯಲ್ ಗೆ ನಿಮಗೆ ಸ್ವಾಗತ.
00:07	ಈ ಟ್ಯುಟೋರಿಯಲ್ ನಲ್ಲಿ ನಾವು 'Drupal ಇಂಟರ್ಫೇಸ್' ನ ಬಗ್ಗೆ ತಿಳಿಯಲಿದ್ದೇವೆ.
00:13	ನಾವು ಕೆಲವು ಮೆನ್ಯುವಿನ ಅಂಶಗಳಾದ Content, Structure ಮತ್ತು Appearance ಇವುಗಳ ಬಗ್ಗೆಯೂ ತಿಳಿಯಲಿದ್ದೇವೆ.
00:23	ಈ ಟ್ಯುಟೋರಿಯಲ್ ಅನ್ನು ರೆಕಾರ್ಡ್ ಮಾಡಲು ನಾನು -Ubuntu Operating System, Drupal 8 ಮತ್ತು Firefox ವೆಬ್-ಬ್ರೌಸರ್ ಅನ್ನು ಉಪಯೋಗಿಸುತ್ತಿದ್ದೇನೆ.
00:34	ನೀವು ನಿಮಗಿಷ್ಟವಾದ ಯಾವುದೇ ಬ್ರೌಸರ್ ಅನ್ನು ಉಪಯೋಗಿಸಬಹುದಾಗಿದೆ.
00:39	ನಾವೀಗ ಈಗಾಗಲೇ ರಚಿಸಿದ ನಮ್ಮ ವೆಬ್ಸೈಟ್ ಅನ್ನು ತೆರೆಯೋಣ.
00:44	'ಡ್ರುಪಲ್ ಇಂಟರ್ಫೇಸ್' ಅನ್ನು ವಿಸ್ತಾರವಾಗಿ ತಿಳಿಯುವ ಮೊದಲು ಕೆಲವು ಪ್ರಮುಖ ಅಂಶಗಳನ್ನು ನಿಮ್ಮ ಮುಂದಿಡಲಿಚ್ಛಿಸುತ್ತೇನೆ.
00:53	ನೆನಪಿಡಿ, ನಾವು ದ್ರುಪಲ್ ಸೈಟ್ ಅನ್ನು ಸೆಟಪ್ ಮಾಡುವುದರಿಂದ ನಾವು ಯೂಸರ್ ನಂಬರ್ ಒನ್ ಅಥವಾ 'ಸೂಪರ್ ಯೂಸರ್' (super user) ಆಗಿರುತ್ತೇವೆ.
01:02	ದ್ರುಪಲ್ ನಲ್ಲಿ 'ಸೂಪರ್ ಯೂಸರ್' ಎಂಬುವವನು ಉಳಿದೆಲ್ಲಾ ಯೂಸರ್ ಗಿಂತ ಮುಖ್ಯನಾಗಿರುತ್ತಾನೆ. ಅವನು, ಮುಂದೆ, ಎಲ್ಲಾ ಅನುಮತಿಗಳನ್ನು ಹೊಂದಿರುವ ಇನ್ನೂ ಕೆಲವು ಅಡ್ಮಿನಿಸ್ಟ್ರೇಟರ್ ಗಳನ್ನು ಸೆಟ್-ಅಪ್ ಮಾಡಬಹುದು.
01:13	ಆದರೆ, 'ಸೂಪರ್ ಯೂಸರ್' ಆದವನು ಆ ಅನುಮತಿಗಳನ್ನು ಹಿಂಪಡೆಯುವುದಾಗಲಿ ನಿರ್ವಹಿಸುವುದಾಗಲೀ ಮಾಡಬಹುದಾಗಿದೆ.
01:20	'ಸೂಪರ್ ಯೂಸರ್' ನ ಅನುಮತಿಗಳನ್ನು ಯಾವತ್ತೂ ಹಿಂಪಡೆಯಲಾಗುವುದಿಲ್ಲ.
01:24	ಇನ್ನೊಂದು ರೀತಿಯಲ್ಲಿ ಹೇಳಬೇಕೆಂದರೆ, 'ದ್ರುಪಲ್ ಸೈಟ್'ನ ಪ್ರತಿಯೊಂದು ಕ್ಷೇತ್ರವನ್ನೂ 'ಸೂಪರ್ ಯೂಸರ್' ಆದವನು ಆಕ್ಸೆಸ್ ಮಾಡಬಹುದಾಗಿದೆ.
01:30	ನೆನಪಿಡಿ, ಯಾವುದೇ 'ದ್ರುಪಲ್ ಸೈಟ್'ನ 'ಯೂಸರ್ ನಂಬರ್ ಒನ್' ಆದವನು 'ಸೂಪರ್ ಯೂಸರ್' ಆಗಿರುತ್ತಾನೆ.
01:36	ಇದು administrative ಟೂಲ್ ಬಾರ್ ಆಗಿದೆ.
01:40	ನಾವು Manage ನ ಮೇಲೆ ಕ್ಲಿಕ್ ಮಾಡಿದಾಗ, ಸಬ್ ಮೆನ್ಯುವನ್ನು ಕಾಣುತ್ತೇವೆ. ಇಲ್ಲಿ ನಾವು Content, Structure,Appearance ಮುಂತಾದವುಗಳನ್ನು ನೋಡಬಹುದಾಗಿದೆ ಹಾಗೂ ನಾವಿವುಗಳ ಬಗ್ಗೆ ಮುಂದೆ ತಿಳಿಯಲಿದ್ದೇವೆ.
01:55	ನಾವಿಲ್ಲಿ Shortcuts ಎಂಬುದರ ಮೇಲೆ ಕ್ಲಿಕ್ ಮಾಡಿದಲ್ಲಿ Shortcuts tool bar ಅನ್ನು ಕಾಣಬಹುದು. ಅದರ ಬಗ್ಗೆಯೂ ಮುಂದೆ ತಿಳಿಯಲಿದ್ದೇವೆ.
02:06	ನಾವು admin ನ ಮೇಲೆ ಕ್ಲಿಕ್ ಮಾಡಿದ ಪಕ್ಷದಲ್ಲಿ ನಮ್ಮ profile ನ ಹಾಗೂ Log out ನ ಲಿಂಕ್ ಅನ್ನು ಕಾಣುತ್ತೇವೆ.
02:13	ಟೂಲ್ ಬಾರ್ ನಲ್ಲಿ admin ಎಂದು ಕಾಣಿಸುತ್ತಿದೆ. ಏಕೆಂದರೆ, ನಾನು ಅದನ್ನೇ ನನ್ನ ಯೂಸರ್ ನೇಮ್ ಆಗಿ ಕೊಟ್ಟಿದ್ದೆ. ನಿಮ್ಮದು ಭಿನ್ನವಾಗಿರಬಹುದು.
02:23	ಮತ್ತೊಮ್ಮೆ ಹೇಳುತ್ತೇನೆ, ಇದು administration ಟೂಲ್ ಬಾರ್ ಆಗಿದೆ ಹಾಗೂ ಇದು ನಮ್ಮ ಡ್ರುಪಲ್ administration ನ ಬಹಳ ಪ್ರಮುಖವಾದ ಭಾಗವಾಗಿದೆ.
02:33	Shortcut bar ಗೆ ಎನನ್ನಾದರೂ ಸೇರಿಸುವುದು ಬಹಳ ಸುಲಭ.
02:38	ಉದಾಹರಣೆಗಾಗಿ, ನಾವು ಕ್ರಮವಾಗಿ Manage, Content >> Add Content ನಲ್ಲಿ ಇದ್ದೇವೆ ಅಂದುಕೊಳ್ಳಿ.
02:45	ಹಾಗೂ, ನಾನು ನನ್ನ ವೆಬ್ಸೈಟ್ ನಲ್ಲಿ ಒಂದು ಲೇಖನವನ್ನು ಸೇರಿಸಲಿಚ್ಛಿಸುತ್ತೇನೆ. ಇಲ್ಲಿ ಗಮನಿಸಿ, ಇಲ್ಲಿರುವ ಸ್ಟಾರ್ ಭರ್ತಿಯಾಗಿಲ್ಲ.
02:55	ಆ star ನ ಮೇಲೆ ಕ್ಲಿಕ್ ಮಾಡುವುದರಿಂದ ನಾನದನ್ನು Shortcuts ಗೆ ಸೇರಿಸಬಹುದು.
03:01	ಈಗ ನಾವು Shortcuts ನ ಮೇಲೆ ಕ್ಲಿಕ್ ಮಾಡಿದರೆ ಅಲ್ಲಿ ನಮಗೆ Create Article ಎಂಬ ಮೆನ್ಯು ಐಟಮ್ ಕಾಣಸಿಗುತ್ತದೆ.
03:10	ಹಾಗೂ, ಒಮ್ಮೆ ನಾವು ಲೇಖನವನ್ನು ರಚಿಸಿದ ಮೇಲೆ ಅದನ್ನು ಸುಲಭವಾಗಿ ತೆಗೆದುಹಾಕಬಹುದಾಗಿದೆ.
03:15	ವಾಸ್ತವವಾಗಿ, ಇದನ್ನು ನಾವು ಡ್ರುಪಲ್ ಸೈಟ್ ನ ಯಾವುದೇ administration screen ನಿಂದ ಮಾಡಬಹುದಾಗಿದೆ.Shortcuts ನ ಸಹಾಯದಿಂದ ನಾವು ಸುಲಭವಾಗಿ ಉಪಯೋಗಿಸಬಹುದು.
03:25	ಈಗ ನಾವು Appearance ನ ಮೇಲೆ ಕ್ಲಿಕ್ ಮಾಡೋಣ. ಇಲ್ಲಿ ಕೆಲವು ಟ್ಯಾಬ್ ಗಳನ್ನು ಗಮನಿಸಿ. ಈ ತರಹದ ಟ್ಯಾಬ್ ಗಳು ಸೈಟ್ ನ ಎಲ್ಲೆಡೆ ಕಾಣಸಿಗುತ್ತವೆ.
03:36	ಈ ಟ್ಯಾಬ್ ಗಳು ಬಹಳ ಮುಖ್ಯವಾಗಿದ್ದು ಅವುಗಳನ್ನು section tab ಗಳೆಂದು ಕರೆಯುತ್ತೇವೆ.
03:41	ಈ ಟ್ಯಾಬ್ ಗಳು ನಾವು ಯಾವುದೇ ಸ್ಕ್ರೀನ್ ನಲ್ಲಿ ಕೆಲಸ ಮಾಡುತ್ತಿದ್ದರೂ ಆ ಸ್ಕ್ರೀನ್ ನ ವಿಭಿನ್ನ ವಿಭಾಗಗಳಲ್ಲಿ ಕಾಣಸಿಗುತ್ತವೆ.
03:47	ಕೆಲವೊಂದು sections ಇಲ್ಲಿ ಕಾಣಿಸುತ್ತಿರುವಂತೆ sub-section ಬಟನ್ ಗಳನ್ನು ಹೊಂದಿರುತ್ತವೆ.
03:54	Global settings, Bartik (ಬಾರ್ಟಿಕ್), Classy ಮತ್ತು Seven ಇವುಗಳು Settings ಟ್ಯಾಬ್ ನ 'sub-section ಬಟನ್' ಗಳಾಗಿವೆ.
04:02	ಕೊನೆಯದಾಗಿ, ಪ್ರತಿಯೊಂದು Drupal Content ಗಳನ್ನು 'ನೋಡ್' ಗಳೆಂದು ಕರೆಯಲಾಗುತ್ತದೆ.
04:08	ಸದ್ಯಕ್ಕೆ ನಮ್ಮ ಸೈಟ್ ನಲ್ಲಿ ಯಾವುದೇ 'ನೋಡ್'ಗಳು ಅಥವಾ ಯಾವುದೇ content ಗಳು ಇಲ್ಲ.
04:13	ನಾವು ಅವುಗಳನ್ನು ಮುಂಬರುವ ಟ್ಯುಟೋರಿಯಲ್ ಗಳಲ್ಲಿ ರಚಿಸಲಿದ್ದೇವೆ.
04:17	'Administration ಟೂಲ್ ಬಾರ್', ಸಬ್-ಮೆನ್ಯು, section ಟ್ಯಾಬ್ ಗಳು ಹಾಗೂ 'sub-section ಬಟನ್'ಗಳು.
04:23	'ಡ್ರುಪಲ್ ಇಂಟರ್ಫೇಸ್' ನ್ನು ತಿಳಿಯಲು ಈ ಮೇಲಿನ ಅಂಶಗಳನ್ನು ತಿಳಿದಿರುವುದು ಅತ್ಯವಶ್ಯಕವಾಗಿದೆ.
04:30	ನಾವೀಗ ನಮ್ಮ ಟೂಲ್ ಬಾರ್ ನಲ್ಲಿರುವ Content ಲಿಂಕ್ ನ ಬಗ್ಗೆ ತಿಳಿಯೋಣ.
04:35	ನಾವು Content ನ ಮೇಲೆ ಕ್ಲಿಕ್ ಮಾಡಿದಾಗ ಡ್ಯಾಶ್-ಬೋರ್ಡ್ ಗೆ ಹೋಗುತ್ತೇವೆ. ಡ್ಯಾಶ್ ಬೋರ್ಡ್ ನಮಗೆ ಸೈಟ್ ನಲ್ಲಿನ ಎಲ್ಲಾ ವಿಷಯಗಳನ್ನೂ ತೋರಿಸುತ್ತದೆ.
04:45	ನಾವು ಅವುಗಳನ್ನು Published ಹಾಗೂ Unpublished ಎಂದು ಫಿಲ್ಟರ್ ಮಾಡಬಹುದು. ನಾವು Content Type ನ ವಿಧವಾಗಿಯೂ ಫಿಲ್ಟರ್ ಮಾಡಬಹುದು ಅಥವಾ ಯಾವುದೇ Title ಅನ್ನು ಹುಡುಕಬಹುದು ಮತ್ತು ಯಾವುದೇ Language ಅನ್ನು ಆಯ್ಕೆ ಮಾಡಬಹುದು.
04:57	ನಮ್ಮಲ್ಲಿ ಯಾವುದೇ ವಿಷಯಗಳಿಲ್ಲದಿರುವುದರಿಂದ ಈ ಪೇಜ್ ಸ್ವಲ್ಪ ಸೀಮಿತವಾಗಿದೆ.
05:03	ನಾವು ಇಲ್ಲಿನ subtabs ಅನ್ನು ಕ್ಲಿಕ್ ಮಾಡಿದರೆ ಈವರೆಗೂ ಯಾವುದೇ ಕಮೆಂಟ್ ಗಳಿಲ್ಲದಿರುವುದು ತಿಳಿಯುತ್ತದೆ.
05:10	ಮತ್ತು, ನಾವು Files ನ ಮೇಲೆ ಕ್ಲಿಕ್ ಮಾಡಿದರೆ ಅಪ್ಲೋಡ್ ಆದ ಎಲ್ಲಾ ಫೈಲ್ ಗಳ ಸೂಚಿಯನ್ನು ನೋಡಬಹುದು.
05:18	ಇವುಗಳು ಚಿತ್ರಗಳಾಗಿರಬಹುದು ಅಥವಾ ಯಾವುದೇ ತರಹದ ಫೈಲ್ ಗಳಾಗಿರಬಹುದು. ನಾವು ಇದರ ಬಗ್ಗೆ ನಂತರ ಕಲಿಯೋಣ.
05:25	ನಾವೀಗ Add content ನ ಮೇಲೆ ಕ್ಲಿಕ್ ಮಾಡೋಣ ಹಾಗೂ ಸ್ವಾಗತ ಲೇಖನ ವನ್ನು ನಮ್ಮ Home ಪೇಜ್ ಗೆ ಸೇರಿಸೋಣ.
05:32	Article ನ ಮೇಲೆ ಕ್ಲಿಕ್ ಮಾಡಿ ಹಾಗೂ Title ಎಂಬಲ್ಲಿ “Welcome to Drupalville” ಎಂದು ಟೈಪ್ ಮಾಡಿ.
05:40	ನಮ್ಮ ಸೈಟ್ ನ ಹೆಸರು “Drupalville” ಆಗಿದೆ ಹಾಗೂ ಇದು ಡ್ರುಪಲ್ ನ ಬಗೆಗಿನ ಎಲ್ಲಾ ತರಹದ ಮಾಹಿತಿಗಳನ್ನೂ ಕೊಡುತ್ತದೆ.
05:49	"Body" ಎಂಬಲ್ಲಿ ನಾವು ಈ ಕೆಳಗಿನಂತೆ ಟೈಪ್ ಮಾಡೋಣ - “Welcome to our site! We are so glad you stopped by!”.
05:57	ನಾವು ಉಳಿದ ಈ ಸ್ಥಾನಗಳ ಬಗ್ಗೆ ಮುಂದಿನ ಟ್ಯುಟೋರಿಯಲ್ ಗಳಲ್ಲಿ ನೋಡೋಣ.
06:06	ಆದರೆ Tags ಎಂಬಲ್ಲಿ, ನಾವು "welcome, Drupal" ಎಂದು ಸೇರಿಸೋಣ.
06:11	tags ಎಂಬುದು ನಾವು ನೀಡಿದ ಎಲ್ಲಾ ಲೇಖನಗಳ ಸೂಚಿಗೆ ಲಿಂಕ್ ಗಳನ್ನು ರಚಿಸುವುದು.
06:18	ನಾವಿಲ್ಲಿ ಚಿತ್ರವನ್ನೂ ಅಪ್ಲೋಡ್ ಮಾಡಬಹುದಾಗಿದೆ.
06:22	ನಾನು ಈಗಾಗಲೇ Drupal 8 ನ ಲೋಗೋವನ್ನು ನನ್ನ ಕಂಪ್ಯೂಟರ್ ನಲ್ಲಿ ಡೌನ್ಲೋಡ್ ಮಾಡಿ ಸೇವ್ ಮಾಡಿದ್ದೇನೆ.
06:29	ನಿಮ್ಮ ಅನುಕೂಲಕ್ಕಾಗಿ Drupal 8 ಲೋಗೋವನ್ನು ಈ ಟ್ಯುಟೋರಿಯಲ್ ನ ವೆಬ್ ಪೇಜ್ ನಲ್ಲಿ Code Files ಲಿಂಕ್ ನಲ್ಲಿ ಕೊಡಲಾಗಿದೆ.
06:39	ದಯವಿಟ್ಟು ಡೌನ್ಲೋಡ್ ಮಾಡಿ ಹಾಗೂ ಬಳಸಿ.
06:41	Browse ಅನ್ನು ಕ್ಲಿಕ್ ಮಾಡಿ ಹಾಗೂ ಸೇವ್ ಆದ ಚಿತ್ರವನ್ನು ಹುಡುಕಿ ಹಾಗೂ ಅಪ್ಲೋಡ್ ಮಾಡಿ. ಗಮನಿಸಿ, ಇದು ಅಪ್ಲೋಡ್ ಆಗುತಿದ್ದಂತೆಯೇ ಡ್ರುಪಲ್ ಒಂದು Alternative text ಗಾಗಿ ಕೇಳುತ್ತದೆ.
06:54	ಅಲ್ಲಿರುವ ಸಣ್ಣ ನಕ್ಷತ್ರವು ಇದು ಕಡ್ಡಾಯವಾಗಿ ಬೇಕೆಂಬುದನ್ನು ಸೂಚಿಸುತ್ತದೆ.
07:00	Alternative text ಅನ್ನು ಸ್ಕ್ರೀನ್ ಅನ್ನು ನೋಡುವವರು ನೋಡುತ್ತಾರೆ, ಕಣ್ಣಿಲ್ಲದವರು ಕೇಳುತ್ತಾರೆ ಹಾಗೂ ಗೂಗಲ್ ನಮ್ಮ ಸೈಟ್ ಅನ್ನು ನೋಡಿದಾಗ ಇದನ್ನೇ ಹುಡುಕುತ್ತದೆ.
07:09	"this is the Drupal 8 logo" ಎಂದು ಟೈಪ್ ಮಾಡಿ. ಈಗ Save and publish ಅನ್ನು ಕ್ಲಿಕ್ ಮಾಡಿ.
07:17	ನಾವು ಇದೀಗ ನಮ್ಮ ಮೊದಲ ನೋಡ್ ಅನ್ನು, ನಮ್ಮ ನೂತನ Drupal ಸೈಟ್ ನಲ್ಲಿ ರಚಿಸಿದ್ದೇವೆ.
07:23	ಈಗ, ನಾವು ಯಾವಾಗ Content ನ ಮೇಲೆ ಕ್ಲಿಕ್ ಮಾಡುತ್ತೇವೆಯೋ ಆಗ node ನ ಪಟ್ಟಿ ತೋರುತ್ತದೆ. ಅಲ್ಲಿ ನಾವು ಅದರ ಶೀರ್ಷಿಕೆ, ಕಂಟೆಂಟ್ ನ ಪ್ರಕಾರ, ಯಾರು ರಚಿಸಿದ್ದು, ನೋಡ್ ನ ಸ್ಥಿತಿ ಹಾಗೂ ಕೊನೆಯ ಅಪ್ಡೇಟ್ ನ ಸಮಯ ಹಾಗೂ
07:37	Edit, Delete ನಂತಹ ಕಾರ್ಯಾಚರಣೆಗಳನ್ನು ನೋಡಬಹುದು. ನಾವು ಇವುಗಳ ಬಗ್ಗೆ ಕಲಿಯಲಿದ್ದೇವೆ.
07:47	ಇದು ನಮ್ಮ administrative ಟೂಲ್ ಬಾರ್ ನಲ್ಲಿಯ content.
07:52	Structure ಎಂಬುದು administrative ಟೂಲ್ ಬಾರ್ ನಲ್ಲಿನ ಎರಡನೆಯ ಲಿಂಕ್ ಆಗಿದೆ. ಅದರ ಮೇಲೆ ಕ್ಲಿಕ್ ಮಾಡೋಣ.
07:58	ಡ್ರುಪಲ್ ನಲ್ಲಿ, Structure ಎಂಬುದರಲ್ಲಿ ನಾವು ನಮ್ಮ ಸೈಟ್ ಅನ್ನು ರಚಿಸುತ್ತೇವೆ. ಇದನ್ನು site building ಎಂದೂ ಕರೆಯುತ್ತೇವೆ.
08:07	ಇಲ್ಲಿ ಹಲವು ವಿಷಯಗಳಿದ್ದಾವೆ - Block layout, Comment types, Contact forms, Content types, Display modes, Menus, Taxonomy (ಟ್ಯಾಕ್ಸೋನೋಮಿ), Views ಇತ್ಯಾದಿ.
08:21	ಇವುಗಳಿಂದ, ನಮ್ಮ ಸೈಟ್ ಎಂಬುದು ಮುಖ್ಯವಾಗಿ ಈ Structure ಹಾಗೂ Content ಎಂಬ ಮೆನ್ಯುಗಳಿಂದಲೇ ರಚಿಸಲ್ಪಡುತ್ತವೆ ಎಂದು ತಿಳಿಯುತ್ತದೆ.
08:30	ಸದ್ಯಕ್ಕೆ, ನಾವು Block layout ನ ಮೇಲೆ ಕ್ಲಿಕ್ ಮಾಡೋಣ.
08:34	ನಾವು block ಗಳನ್ನು ನಮ್ಮ ಥೀಮ್ ಗೆ ಅನುಗುಣವಾಗಿ ಸೈಟ್ ನ ವಿವಿಧ ಜಾಗಗಳಲ್ಲಿ ಇರಿಸಬಹುದು. ನಾವಿದನ್ನು ಇನ್ನೂ ಹೆಚ್ಚಿನ ವಿಷಯಗಳೊಂದಿಗೆ ಮುಂದೆ ನೋಡೋಣ.
08:45	Custom block library ಯ ಮೇಲೆ ಕ್ಲಿಕ್ ಮಾಡಿ ಮತ್ತು ಇಲ್ಲಿ welcome block ಅನ್ನು ಸೇರಿಸೋಣ.
08:50	Add Custom block ನ ಮೇಲೆ ಕ್ಲಿಕ್ ಮಾಡಿ ಮತ್ತು ಇದನ್ನು Welcome to Drupalville ಎಂದು ಹೆಸರಿಸಿ.
08:57	Body ಎಂಬಲ್ಲಿ, "Welcome to Drupalville. This is where you’ll learn all about Drupal!" ಎಂದು ಟೈಪ್ ಮಾಡಿ.
09:06	ದಯವಿಟ್ಟು ಗಮನಿಸಿ, ಇದು ಕಂಟೆಂಟ್ ಅಲ್ಲ. Blocks ಗಳು ಸ್ವಲ್ಪ ಬೇರೆ ವಿಧವಾಗಿದ್ದು sidebars ನಂತೆ ಇರುತ್ತವೆ.
09:15	ಈಗ, Save ನ ಮೇಲೆ ಕ್ಲಿಕ್ ಮಾಡಿ.
09:18	ಈಗ ನಮ್ಮಲ್ಲಿ block ಇದೆ ಹಾಗೂ ನಾವೀಗ ಇದನ್ನು ಎಲ್ಲಿ ಇಡಬೇಕೆಂದು ನಿರ್ಧರಿಸಬಹುದು.
09:22	Block layout ನ ಮೇಲೆ ಮತ್ತೊಮ್ಮೆ ಕ್ಲಿಕ್ ಮಾಡಿ. ಕೆಳಗೆ Sidebar first ನತ್ತ ಹೊಗಿ ಹಾಗೂ Place block ನ ಮೇಲೆ ಕ್ಲಿಕ್ ಮಾಡಿ.
09:33	ನಮ್ಮ ಡ್ರುಪಲ್ ಸೈಟ್ ನಲ್ಲಿ ಇರಿಸಬೇಕಾದ ಎಲ್ಲಾ ಬ್ಲಾಕ್ಸ್ ಗಳನ್ನು ತೋರಿಸುತ್ತಾ ಒಂದು ಪಾಪ್-ಅಪ್ ವಿಂಡೋ ಕಾಣಿಸಿಕೊಳ್ಳುತ್ತದೆ.
09:41	ಅಲ್ಲಿ, ನಾವು ರಚಿಸಿದ "Welcome to Drupalville" ಎಂಬ Custom ಬ್ಲಾಕ್ ಅನ್ನು ಹುಡುಕಿ. ನಂತರ Place block ನ ಮೇಲೆ ಕ್ಲಿಕ್ ಮಾಡಿ.
09:49	ಇಲ್ಲಿ ಕೆಲವೊಂದು ನಿರ್ಬಂಧಗಳಿವೆ. ಅವುಗಳನ್ನು ನಾವು ಮುಂದೆ ತಿಳಿಯೋಣ. ಈಗ Save block ನ ಮೇಲೆ ಕ್ಲಿಕ್ ಮಾಡಿ.
09:59	ನಾವೀಗ ನಮ್ಮ Home ಪೇಜ್ ಗೆ ಹೋಗೋಣ ಮತ್ತು "Welcome to Drupalville" ಎಂಬುದನ್ನು ನೋಡೋಣ.
10:04	ಇದೀಗ ನಮಗೆ ಬೇಕಾದ ಕ್ರಮದಲ್ಲಿ ಅಥವಾ ಜಾಗದಲ್ಲಿ ಇಲ್ಲದೇ ಇರಬಹುದು, ಆದರೆ ಪರವಾಗಿಲ್ಲ.
10:13	ಇದು Structure ಮೆನ್ಯುವಿನ site building ಪ್ರಕ್ರಿಯೆಯ ಭಾಗವಾಗಿದೆ.
10:19	ನಾವೀಗ ನಮ್ಮ Administration ಟೂಲ್ ಬಾರ್ ನಲ್ಲಿ ನಂತರದ ಮೆನ್ಯುವಾದ Appearance ನ ಮೇಲೆ ಕ್ಲಿಕ್ ಮಾಡೋಣ.
10:26	ಇದು ನಮಗೆ ನಮ್ಮ Drupal site ಗೆ ಸಿಗುವ ಎಲ್ಲಾ ಥೀಮ್ಸ್ ಗಳ ಒಂದು ಸಮೀಕ್ಷೆಯನ್ನು ನೀಡುತ್ತದೆ. ಇದು ನಮಗೆ ಅಪ್ಡೇಟ್ ಹಾಗೂ ಗ್ಲೋಬಲ್ ಸೆಟ್ಟಿಂಗ್ ಮಾಡಲು ಸಾಮರ್ಥ್ಯವನ್ನೂ ನೀಡುತ್ತದೆ.
10:38	ಸದ್ಯಕ್ಕೆ, Bartik (ಬಾರ್ಟಿಕ್) ನ Settings ಅನ್ನು ಕ್ಲಿಕ್ ಮಾಡಿ.
10:44	ಇಲ್ಲಿಯೇ ನಾವು ನಮ್ಮ ಸೈಟ್ ಗಾಗಿ ಆಯ್ಕೆ ಮಾಡಿದ ಥೀಮ್ ಅನ್ನು ಸುಂದರವಾಗಿಸುವಂತೆ ಮಾಡಲಾಗುತ್ತದೆ.
10:52	ನಾವಿಲ್ಲಿ ಬೇರೆ ಬೇರೆ ಬಣ್ಣಗಳನ್ನು ಆಯ್ಕೆ ಮಾಡುವುದರ ಮೂಲಕ ಬಾರ್ಟಿಕ್ ನ ದೃಶ್ಯವನ್ನು ಅಪ್ಡೇಟ್ ಮಾಡಬಹುದು. ಅಥವಾ ನಾವು ಕೈಯಾರೆ ಬಣ್ಣಗಳನ್ನು ಆರಿಸಬಹುದು.
11:03	ಇದು ನಮಗೆ preview ಅನ್ನು ನೀಡುತ್ತದೆ. ನಾವು ಇದರ ಕೆಲವು ದೃಶ್ಯಾವಳಿಗಳನ್ನೂ ಸಹ ಬದಲಿಸಬಹುದು.
11:12	ಮೇಲಕ್ಕೆ ಹೋಗಿ ಹಾಗೂ ಅಲ್ಲಿ Global settings ನ ಮೇಲೆ ಕ್ಲಿಕ್ ಮಾಡಿ. ಇಲ್ಲಿ, ನಾವು ಹೊಸ ಪಾಥ್ ಅನ್ನು ಕೊಟ್ಟು ಅಥವಾ ಹೊಸ ಚಿತ್ರವನ್ನು ಅಪ್ಲೋಡ್ ಮಾಡಿ ನಮ್ಮ ಸೈಟ್ ನ ಲೋಗೋವನ್ನು ಬದಲಾಯಿಸಬಹುದು.
11:26	ಹೊಸ ಅಪ್ಲೋಡ್ ಮಾಡದಯೇ ನಾವು Save ಅನ್ನು ಕ್ಲಿಕ್ ಮಾಡಿದರೆ ಏನಾಗುವುದು?
11:31	ನಮ್ಮ ಸೈಟ್ ಗೆ ಹಿಂತಿರುಗಿ ಮತ್ತು ಅಲ್ಲಿ ನೋಡಿ, ನಮ್ಮ ಲೋಗೋ ಕಾಣಿಸುವುದಿಲ್ಲ.
11:36	ಅದನ್ನು ಪುನಃ ಕಾಣುವಂತೆ ಮಾಡಲು, ಕ್ರಮವಾಗಿ Appearance > Settings ಹಾಗೂ Global settings ನ ಮೇಲೆ ಕ್ಲಿಕ್ ಮಾಡಿ. Use the default logo ನ ಮೇಲೆ ಕ್ಲಿಕ್ ಮಾಡಿ ಹಾಗೂ Save configuration ನ ಮೇಲೆ ಕ್ಲಿಕ್ ಮಾಡಿ.
11:50	ಈಗ, ನಮ್ಮ ಸೈಟ್ ನಲ್ಲಿ ಎಷ್ಟೇ ಪೇಜ್ ಗಳಿರಲಿ, ನಮ್ಮ ಲೋಗೋ ಎಲ್ಲಾ ಪೇಜ್ ನಲ್ಲೂ ಕಾಣಿಸುತ್ತದೆ.
11:58	ಹೀಗೆ, ನಾವು ನಮ್ಮ ಡ್ರುಪಲ್ ಸೈಟ್ ನಲ್ಲಿ Appearance ಟ್ಯಾಬ್ ನ ಅಡಿಯಲ್ಲಿ ಥೀಮ್ಸ್ ಅನ್ನು ನಿರ್ವಹಿಸುತ್ತೇವೆ. ಇಲ್ಲಿಗೆ ನಾವು ಈ ಟ್ಯುಟೋರಿಯಲ್ ನ ಕೊನೆಗ ಬಂದಿದ್ದೇವೆ.
12:08	ಒಟ್ಟಿನಲ್ಲಿ, ಈ ಟ್ಯುಟೋರಿಯಲ್ ನಲ್ಲಿ ನಾವು ನಮ್ಮ ಡ್ರುಪಲ್ ನ ಇಂಟರ್ಫೇಸ್ ಅನ್ನು ನಿರ್ವಹಿಸಲು ಕಲಿತೆವು.
12:15	ಅದಲ್ಲದೇ, ಮೆನ್ಯು ಅಂಶಗಳಾದ -Content, Structure ಹಾಗೂ Appearance ಗಳ ಬಗ್ಗೆ ಕಲಿತೆವು.
12:33	ಈ ವೀಡಿಯೋ Acquia (ಆಕ್ವಿಯಾ) ಹಾಗೂ OSTraining ನಿಂದ ಪಡೆಯಲಾಗಿದ್ದು ಇದನ್ನು Spoken Tutorial Project, IIT Bombay ಇಂದ ಸಂಶೋಧಿಸಲಾಗಿದೆ.
12:44	ಈ ಕೆಳಗಿನ ವೀಡಿಯೋ, ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್ ನ ಬಗ್ಗೆ ಪರಿಚಯಿಸುತ್ತದೆ. ಇದನ್ನು ಡೌನ್ಲೋಡ್ ಮಾಡಿ ಹಾಗೂ ವೀಕ್ಷಿಸಿ.
12:52	ಸ್ಪೋಕನ್ ಟ್ಯುಟೋರಿಯಲ್ ಪ್ರಕಲ್ಪವು ಕಾರ್ಯಶಾಲೆಗಳನ್ನು ಆಯೋಜಿಸುತ್ತದೆ. ಯಾರು ಆನ್ ಲೈನ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುತ್ತರೋ ಅವರಿಗೆ ಪ್ರಮಾಣಪತ್ರವನ್ನೂ ನೀಡುತ್ತದೆ. ಹೆಚ್ಚಿನ ವಿವರಣೆಗಾಗಿ ನಮ್ಮನ್ನು ಸಂಪರ್ಕಿಸಿ.
13:02	ಸ್ಪೋಕನ್ ಟ್ಯುಟೋರಿಯಲ್ ಪ್ರಕಲ್ಪವು: NMEICT, ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ (Ministry of Human Resource Development) ಹಾಗೂ NVLI, ಸಂಸ್ಕೃತಿ ಸಚಿವಾಲಯ (Ministry of Culture), ಭಾರತ ಸರ್ಕಾರ ಇವುಗಳಿಂದ ಅನುದಾನಿತಗೊಂಡಿದೆ.
13:17	ಈ ಪಾಠದ ಅನುವಾದಕ ಹಾಗೂ ಪ್ರವಾಚಕ ಐ ಐ ಟಿ ಬಾಂಬೆ ಯಿಂದ ವಾಸುದೇವ, ಧನ್ಯವಾದಗಳು.

Contributors and Content Editors

PoojaMoolya, Pratik kamble, Sandhya.np14, Vasudeva ahitanal