Digital-Divide/D0/First-aid-measures-for-ChickenPox/Marathi

Time	Narration
00:07	अशोक शेतावरून घरी परतला. त्याने ताप आल्याचे व अंग दुखत असल्याचे सांगितले.
00:13	त्याची पत्नी, अनिताला, त्याच्या हाता-पायांवर फोड आल्याचे दिसले.
00:19	ती घाबरली. तिच्या पतीवर देवीचा कोप झाला आहे असे म्हणू लागली.
00:25	तिने मुलांना ताबडतोब घराबाहेर जाण्यास सांगितले.
00:30	आई आणि मुले यांनी घराबाहेर येऊन दरवाजा बंद केला.
00:35	त्याचवेळी, गावातल्या दवाखान्यातील डॉक्टर त्यांच्या घराजवळून जात असताना ते अनिताला अभिवादन करतात.
00:44	अनिता व मुले यांचे घाबरलेले चेहरे पाहून त्यांनी त्याबद्दल चौकशी केली.
00:51	पतीवर देवीचा कोप झाल्याचे ती डॉक्टरांना सांगते.
00:57	डॉक्टर तिच्या पतीला भेटण्याची इच्छा व्यक्त करतात.
01:02	परंतु अनिता, तिच्या पतिला भेटू नये असे, सांगून नकार देते.
01:08	तिच्याकडे दुर्लक्ष करून डॉक्टर घरात जातात. त्यांच्या मागोमाग अनिताही डळमळीत आत जाते.
01:16	डॉक्टर अशोकला तपासतात आणि त्याला कांजिण्या झाल्याचे सांगतात.
01:22	परंतु,त्या दोघांना कांजिण्याबद्दल काहीच माहिती नव्हती.
01:26	ते प्रश्नार्थक नजरेने डॉक्टरांकडे पहात होते.
01:30	digital divide चे अंतर भरून काढणार्‍या स्पोकन ट्युटोरियलमध्ये स्वागत.
01:34	येथे आपण कांजिण्या, त्याची लक्षणे, कारणे, त्यावेळी काय करावे आणि काय टाळावे हे जाणून घेणार आहोत.
01:43	प्रथम कांजिण्या म्हणजे काय ते पाहू.
01:47	कांजिण्या म्हणजे विषाणूंचा संसर्ग ज्यामधे व्यक्तीच्या शरीरावर खाज येणारे फोड येतात.
01:53	कांजिण्यांची लस रोगाला प्रतिबंध करण्याचे चांगले कार्य करते.
01:59	काही व्यक्तींना लस घेऊन देखील कांजिण्या होतात.
02:03	परंतु त्याची तीव्रता कमी असते.
02:06	सामान्यतः कांजिण्या सौम्य असून त्या जीवघेण्या नसतात.
02:10	परंतु काही वेळा त्या गंभीर असू शकतात, आणि हॉस्पिटलमधे भरती करावे लागते किंवा त्या व्यक्तीचा मृत्यूही होऊ शकतो.
02:18	कांजिण्यांचा परिणाम ह्यांच्यावर होऊ शकतो,
02:21	* गर्भवती महिला,
02:23	* नवजात बालके,
02:26	* मुले आणि प्रौढ व्यक्ती,
02:29	* प्रतिकार शक्ती कमी असलेल्या व्यक्ती.
02:32	एकदा कांजिण्या होऊन गेल्यावर शक्यतो ह्या विषाणूंचा प्रादुर्भाव पुन्हा होत नाही.
02:38	जर एखाद्या व्यक्तीला दुस-यांदा कांजिण्या झाल्यास त्याला shingles असे म्हणतात.
02:45	आता कांजिण्याची काही लक्षणे पाहू.
02:50	दोन दिवसांपेक्षा जास्त दिवस ताप असणे.
02:54	त्वचा लाल, गरम आणि दुखरी असणे.
02:58	घरगुती उपायांनी बरी न होणारी तीव्र खाज असणे,
03:03	दोन आठवड्यांपेक्षा जास्त काळ पुरळ राहणे.
03:08	आता कांजिण्यांचा कालावधी व संसर्गाबद्दल जाणून घेऊ.
03:13	कांजिण्यांचे फोड 3ते 5 दिवसात तयार होतात आणि 7 ते 10 दिवसात त्यांना खपली धरते.
03:22	कांजिण्या झाल्यावर 1 ते 2 दिवसात संसर्गजन्य होतात.
03:27	आणि सर्व फोडांना खपली धरेपर्यंत संसर्गजन्यच राहतात.
03:33	हा अतीशय संसर्गजन्य रोग असून एकापासून दुस-याला त्याची सहज लागण होते.
03:39	आता कांजिण्या होण्याची कारणे पाहू.
03:43	यामुळे कांजिण्या होऊ शकतात,
03:47	* कांजिण्यांच्या फोडातील द्रवाला स्पर्श केल्यास, किंवा
03:52	* रोग्याला सर्दी-खोकला असल्यास ती तुमच्या संपर्कात आल्यास,
03:57	धोका अधिक असतो जर तुम्हाला,
04:00	* पूर्वी कधीही कांजिण्या झालेल्या नसतील तर आणि,
04:03	* जर तुम्ही कांजिण्यांची लस घेतलेली नसेल.
04:08	आता कांजिण्यावर काय करावे ते पाहू.
04:14	शरीरावरील फोड डास किंवा कीटकांनी चावल्यामुळे आहेत का ह्या कांजिण्या आहेत, याची डॉक्टरांकडून खात्री करून घ्या.
04:20	शक्यतो घरी शिजवलेले हलके अन्न घ्या.
04:26	पहिले काही दिवस दर 3 ते 4 तासांनी थंड किंवा कोमट पाण्याने आंघोळ करा.
04:33	आंघोळीच्या पाण्यात कडूनिंबाची पाने टाका. त्यामुळे खाज कमी होते.
04:38	आंघोळ झाल्यावर अंग कोरडे करण्यासाठी ते टिपा.
04:42	शहाळे, बार्ली (जव) किंवा ज्यामुळे थंडावा मिळेल असे भरपूर पाणी प्या.
04:49	संसर्ग टाळण्यासाठी रोग्याचे कपडे वेगळे धुवा.
04:55	जर तुम्हाला कांजिण्या झालेल्या नसतील किंवा तुम्ही लस घेतलेली नसेल तर ती अवश्य घ्या.
05:02	कांजिण्या झाल्यावर काय करू नये हे पाहू.
05:08	लाल खाजणारे फोड खाजवणे टाळा.
05:10	ह्यामुळे विषाणूंचा संसर्ग होऊ शकतो आणि व्रण येऊ शकतात.
05:15	इतर लोकांशी संपर्क टाळा. कारण त्यांना ह्याचा संसर्ग होऊ शकतो.
05:22	आपण पाठाच्या अंतिम टप्प्यात आहोत. लक्षात ठेवा, वैद्यकीय मदत मिळवणे नेहमीच उपयुक्त ठरते.
05:28	सुरक्षित रहा. सहभागाबद्दल धन्यवाद.
05:32	प्रकल्पाची अधिक माहिती, दिलेल्या लिंकवर उपलब्ध आहे.
05:35	ज्यामध्ये तुम्हाला प्रॉजेक्टचा सारांश मिळेल.
05:39	जर तुमच्याकडे चांगली Bandwidth नसेल तर आपण व्हिडिओ download करूनही पाहू शकता.
05:44	स्पोकन ट्युटोरियल प्रॉजेक्ट टीम, Spoken Tutorials च्या सहाय्याने कार्यशाळा चालविते.
05:49	परीक्षा उत्तीर्ण होणा-या विद्यार्थ्यांना प्रमाणपत्रही दिले जाते.
05:53	अधिक माहितीसाठी कृपया contact [at] spoken hyphen tutorial dot org वर लिहा
06:01	"स्पोकन ट्युटोरियल प्रॉजेक्ट" हे "टॉक टू टीचर" या प्रॉजेक्टचा भाग आहे.
06:05	यासाठी अर्थसहाय्य National Mission on Education through ICT, MHRD, Government of India यांच्याकडून मिळालेले आहे.
06:12	यासंबंधी माहिती पुढील साईटवर उपलब्ध आहे.
06:22	ह्या ट्युटोरियलचे भाषांतर मनाली रानडे यांनी केले असून,
06:30	मी रंजना भांबळे आपला निरोप घेते.
06:33	सहभागासाठी धन्यवाद .

Contributors and Content Editors

Kavita salve, Pratik kamble, Ranjana