Digital-Divide/C2/Oral-Dental-Hygiene-and-Care/Kannada

Time	Narration
00:02	ರಾಮು ಬೆಳಿಗ್ಗೆ ಎದ್ದು ಶಾಲೆಗೆ ಹೋಗುವ ಸಿದ್ಧತೆ ನಡೆಸುತ್ತಾನೆ.
00:08	ಅವನು ನಿದ್ದೆಯ ಮಂಪರಿನಲ್ಲಿ ಇದ್ದಾನೆ. ಆದರೂ ತನ್ನ ಬ್ರಶ್ ತೆಗೆದುಕೊಂಡು, ಅದಕ್ಕೆ ಪೇಸ್ಟ್ ಹಚ್ಚಿ ಹಲ್ಲು ಉಜ್ಜಲು ಆರಂಭಿಸುತ್ತಾನೆ.
00:15	ಅವನಿಗೆ ಶಾಲೆಗೆ ಹೋಗಬೇಕಾಗಿದೆ, ಆದ್ದರಿಂದ ಬೇಗನೆ ಹಲ್ಲುಜ್ಜುತ್ತಾನೆ.
00:20	ಬಾಯಿ ಮುಕ್ಕಳಿಸಿ ಸ್ನಾನಮಾಡಲು ಹೋಗುತ್ತಾನೆ ಹಾಗೂ ಸಿದ್ಧನಾಗುತ್ತಾನೆ.
00:25	ರಾಮುವಿನ ತಾಯಿ ಅವನನ್ನು ತಿಂಡಿ ತಿನ್ನಲು ಕರೆಯುತ್ತಾರೆ.
00:28	ರಾಮು ತಿಂಡಿ ತಿನ್ನುತ್ತಾನೆ.
00:31	ತಿನ್ನುವಾಗ ಆಹಾರವು ಅವನ ಹಲ್ಲುಗಳ ನಡುವೆ ಅಂಟಿಕೊಳ್ಳುತ್ತದೆ ಮತ್ತು ಅವನು ಜೋರಾಗಿ ಕಿರಿಚಿಕೊಳ್ಳುತ್ತಾನೆ.
00:36	ತಾಯಿಯು ಅವನಿಗೆ ನೀರನ್ನು ಕೊಡುತ್ತಾಳೆ ಮತ್ತು ಈಗಾಗಲೇ ತಡವಾಗಿರುವುದರಿಂದ ಬೇಗನೆ ಶಾಲೆಗೆ ಹೋಗಲು ಹೇಳುತ್ತಾಳೆ.
00:43	ಇನ್ನೂ ನೋವಿನಲ್ಲಿರುವ ರಾಮು, ತನ್ನ ಚೀಲವನ್ನು ಎತ್ತಿಕೊಂಡು ಮನೆಯಿಂದ ಹೊರಡುತ್ತಾನೆ.
00:48	ದಾರಿಯಲ್ಲಿ ಅವನಿಗೆ ಗೆಳೆಯನು ಸಿಗುತ್ತಾನೆ.
00:51	ನೋವಿನಲ್ಲಿರುವ ಇವನನ್ನು ನೋಡಿದ ಗೆಳೆಯ ಸುರೇಶನು ಕಾರಣವನ್ನು ಕೇಳುತ್ತಾನೆ.
00:56	ರಾಮು ನಡೆದ ಘಟನೆಯನ್ನು ವಿವರಿಸುತ್ತಾನೆ.
00:59	ರಾಮು ಹೇಳುವುದನ್ನು ಸುರೇಶನು ತಾಳ್ಮೆಯಿಂದ ಕೇಳುತ್ತಾನೆ.
01:02	ನಂತರ ಸುರೇಶನು ತನ್ನ ನೆರೆಹೊರೆಯಲ್ಲಿರುವ ಒಬ್ಬ ದಂತವೈದ್ಯರ ಬಗ್ಗೆ ರಾಮುವಿಗೆ ಹೇಳುತ್ತಾನೆ.
01:07	ಶಾಲೆ ಮುಗಿದ ಬಳಿಕ ರಾಮುವನ್ನು ಆ ದಂತವೈದ್ಯರ ಬಳಿಗೆ ಕರೆದೊಯ್ಯುವುದಾಗಿ ಸುರೇಶನು ಭರವಸೆ ಕೊಡುತ್ತಾನೆ.
01:13	Bridging the digital divide ಎಂಬ 'ಸ್ಪೋಕನ್ ಟ್ಯುಟೋರಿಯಲ್'ಗೆ ನಿಮಗೆ ಸ್ವಾಗತ.
01:18	ಇಲ್ಲಿ, ಬಾಯಿಯ ಆರೋಗ್ಯವನ್ನು ಕಾಯ್ದುಕೊಳುವ ರೀತಿಗಳು, ಪ್ರಾಥಮಿಕ ಆರೈಕೆ ಮತ್ತು ದಂತವೈದ್ಯರ ಸಲಹೆ ಪಡೆಯುವುದರ ಬಗ್ಗೆ ನಾವು ಚರ್ಚಿಸುವೆವು.
01:27	ಶಾಲೆಯಿಂದ ಮರಳಿ ಬರುವಾಗ ಸುರೇಶ ಮತ್ತು ರಾಮು ದಂತವೈದ್ಯರನ್ನು ಭೇಟಿಮಾಡುತ್ತಾರೆ.
01:33	ದಂತವೈದ್ಯರು ರಾಮುವಿನ ಹಲ್ಲುಗಳನ್ನು ಪರೀಕ್ಷಿಸಿ, ಅವನ ಹಲ್ಲಿನಲ್ಲಿ ಒಂದು ಸಣ್ಣ ಕುಳಿ ಇದೆ ಎಂದು ಅವನಿಗೆ ಹೇಳುತ್ತಾರೆ.
01:39	ಆಗ ಅವರು ಹುಡುಗರಿಗೆ ಕುಳಿಗಳು ಉಂಟಾಗುವ ಕಾರಣಗಳನ್ನು ಹೇಳುತ್ತಾರೆ:
01:45	* ಹಲ್ಲುಗಳಲ್ಲಿ ಸಿಕ್ಕಿಕೊಂಡ ಆಹಾರ
01:48	* ಹಲ್ಲುಗಳನ್ನು ಸರಿಯಾಗಿ ಉಜ್ಜದೇ ಇರುವುದು
01:52	* ಹೆಚ್ಚಿನ ಪ್ರಮಾಣದಲ್ಲಿ ಸಿಟ್ರಿಕ್-ಆಸಿಡ್ ಅನ್ನು ಹೊಂದಿರುವ ತಂಪು ಪಾನೀಯಗಳು.
01:57	ನಂತರ, ದಂತವೈದ್ಯರು ಈ ತೆರದ ನೋವನ್ನು ತಡೆಗಟ್ಟಲು ಸಹಾಯಮಾಡುವ ಕ್ರಮಗಳನ್ನು ಸೂಚಿಸುತ್ತಾರೆ:
02:04	* ಖನಿಜ ಹಾಗೂ ಕ್ಯಾಲ್ಶಿಯಂಗಳು ಹೇರಳವಾಗಿರುವ ಆಹಾರವನ್ನು ಸೇವಿಸುವುದು
02:08	* ಹಲ್ಲುಗಳನ್ನು ಸರಿಯಾಗಿ ಉಜ್ಜುವುದು
02:11	* ದಿನದಲ್ಲಿ ಎರಡು ಸಲ ಹಲ್ಲು ಉಜ್ಜುವುದು
02:14	* ಆಹಾರ ಸೇವಿಸಿದ ನಂತರ ಪ್ರತಿಸಲ ನಿಮ್ಮ ಬಾಯಿಮುಕ್ಕಳಿಸುವುದು.
02:17	ಪ್ರತಿ ಆರು ತಿಂಗಳಿಗೊಮ್ಮೆ ದಂತವೈದ್ಯರನ್ನು ಭೇಟಿಮಾಡುವುದು, ಎಲ್ಲ ವಯಸ್ಸಿನವರಿಗೂ ಒಳ್ಳೆಯದು ಎಂದು ಪರಿಗಣಿಸಲಾಗುತ್ತದೆ.
02:24	ಈ ಕೆಳಗಿನ ಸಂದರ್ಭಗಳಲ್ಲಿ:
02:25	* ಹಲ್ಲುಗಳು ಅಸಮವಾಗಿದ್ದರೆ, ಒತ್ತೊತ್ತಾಗಿದ್ದರೆ
02:31	* ಹಲ್ಲುಗಳಲ್ಲಿ ಕುಳಿಗಳು ಕಂಡುಬಂದರೆ
02:34	* ತಂಪು ಅಥವಾ ಬಿಸಿಯಾದ ಆಹಾರಕ್ಕೆ ನಿಮ್ಮ ಹಲ್ಲುಗಳು ಸೆನ್ಸಿಟಿವ್ ಆಗಿದ್ದರೆ (ಪ್ರತಿಕ್ರಿಯಿಸಿದರೆ) ದಂತವೈದ್ಯರನ್ನು ಭೇಟಿಮಾಡಿ.
02:38	* ಜಗಿಯುವ ಭಾಗದ ಹೊರ ಮತ್ತು ಒಳಭಾಗಗಳನ್ನು ಮೆತ್ತಗೆ ಬ್ರಷ್ ಮಾಡಿ.
02:45	* ಒಳ್ಳೆಯ ಉಸಿರನ್ನು ಕಾಪಾಡಲು ಮತ್ತು ರೋಗಾಣುಗಳಿಂದ ಮುಕ್ತಿ ಪಡೆಯಲು ನಾಲಿಗೆಯನ್ನು ಸಹ ಬ್ರಷ್ ಮಾಡಿ.
02:53	ಮಿಸ್ವಾಕ್, ಪೀಲು ಗಿಡದ ರೆಂಬೆಯಿಂದ ಕತ್ತರಿಸಿದ ಜಗಿಯುವ ಒಂದು ಕಡ್ಡಿಯಾಗಿದೆ.
02:58	* ಈ ಕಡ್ಡಿಯನ್ನು ಜಗಿಯುವುದು ಅವಶ್ಯಕ.
03:01	* ನಂತರ, ಈ ಜಗಿದ ಕಡ್ಡಿಯನ್ನು ನೈಸರ್ಗಿಕ ಬ್ರಷ್ ನ ಹಾಗೆ ಬಳಸಬಹುದು.
03:06	ನೆನಪಿಡಿ, ನಿಮ್ಮ ಹಲ್ಲುಗಳ ಆರೈಕೆ ಮತ್ತು ಕಾಲಕಾಲಕ್ಕೆ ಸರಿಯಾಗಿ ದಂತವೈದ್ಯರನ್ನು ಭೇಟಿಮಾಡುವುದು ಬಾಯಿಯ ಆರೋಗ್ಯವನ್ನು ಕಾಪಾಡಲು ಸಹಾಯಮಾಡುತ್ತದೆ.
03:14	ನಿಮ್ಮ ಆರೋಗ್ಯವನ್ನು ಕಾಯ್ದುಕೊಳ್ಳಿ. ಧನ್ಯವಾದಗಳು.
03:17	ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುವ ವೀಡಿಯೋವನ್ನು ವೀಕ್ಷಿಸಿ.
03:21	ಇದು “ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪದ ಸಾರಾಂಶವಾಗಿದೆ.
03:24	ನಿಮಗೆ ಒಳ್ಳೆಯ ‘ಬ್ಯಾಂಡ್ವಿಡ್ತ್’ ಸಿಗದಿದ್ದರೆ, ನೀವು ಇದನ್ನು ಡೌನ್ಲೋಡ್ ಮಾಡಿ ನೋಡಬಹುದು.
03:29	“ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪದ ತಂಡವು: * 'ಸ್ಪೋಕನ್ ಟ್ಯುಟೋರಿಯಲ್’ಗಳನ್ನು ಬಳಸಿ ಕಾರ್ಯಶಾಲೆಗಳನ್ನು ನಡೆಸುತ್ತದೆ.
03:35	* ಆನ್-ಲೈನ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ ಪ್ರಮಾಣಪತ್ರವನ್ನು ಕೊಡುತ್ತದೆ.
03:38	ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಈ ಲಿಂಕ್ ಗೆ ಬರೆಯಿರಿ: contact@spoken-tutorial.org
03:46	"ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪವು, “ಟಾಕ್ ಟು ಎ ಟೀಚರ್” ಪ್ರಕಲ್ಪದ ಒಂದು ಭಾಗವಾಗಿದೆ.
03:51	ಇದು ICT, MHRD ಮೂಲಕ ರಾಷ್ಟ್ರೀಯ ಸಾಕ್ಷರತಾ ಮಿಷನ್, ಭಾರತ ಸರ್ಕಾರದ ಆಧಾರವನ್ನು ಪಡೆದಿದೆ.
03:57	ಈ ಮಿಷನ್ ನ ಬಗ್ಗೆ ಹೆಚ್ಚಿನ ಮಾಹಿತಿಯು ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುತ್ತದೆ: http://spoken-tutorial.org/NMEICT-Intro.
04:14	ಈ ಟ್ಯುಟೋರಿಯಲ್ ನ ಅನಿಮೇಶನ್, ಶೀತಲ್ ಮತ್ತು ಆರತಿ ಅವರ ಕೊಡುಗೆಯಾಗಿದೆ.
04:21	IIT Bombay ಯಿಂದ, ಸ್ಕ್ರಿಪ್ಟ್ ನ ಅನುವಾದಕಿ ಸಂಧ್ಯಾ ಪುಣೇಕರ್ ಹಾಗೂ ಪ್ರವಾಚಕ ----------- . ಧನ್ಯವಾದಗಳು.

Contributors and Content Editors

Sandhya.np14