Digital-Divide/C2/Newborn-Child-Care/Kannada

Time	Narration
00:02	Neonatal Childcare ಎಂಬ 'ಸ್ಪೋಕನ್ ಟ್ಯುಟೋರಿಯಲ್'ಗೆ ನಿಮಗೆ ಸ್ವಾಗತ.
00:06	ಈ ಟ್ಯುಟೋರಿಯಲ್ ನಲ್ಲಿ, ನಾವು:
00:09	* ನವಜಾತ ಶಿಶುವಿನ ಆರೈಕೆಯನ್ನು ಹೇಗೆ ಮಾಡುವುದು
00:12	* ಹೊಸದಾಗಿ ತಾಯಿಯಾದವಳು ಎದುರಿಸುವ ಸಾಮಾನ್ಯ ಸಮಸ್ಯೆಗಳು ಮತ್ತು
00:15	* ಈ ಸಮಸ್ಯೆಗಳನ್ನು ಹೇಗೆ ಬಗೆಹರಿಸುವುದು ಇತ್ಯಾದಿಗಳ ಬಗ್ಗೆ ಕಲಿಯುವೆವು.
00:18	ಡಾ. ಅಂಜಲಿ ಅನಿತಾಳ ಮನೆಗೆ ಬಂದು, ಅವಳ ನವಜಾತ ಶಿಶುವಿನ ಬಗ್ಗೆ ತಮ್ಮ ಸಂತಸವನ್ನು ವ್ಯಕ್ತಪಡಿಸುತ್ತಾರೆ.
00:25	ಅನಿತಾ ತನ್ನ ಮಗುವನ್ನು ತಪ್ಪಾದ ರೀತಿಯಲ್ಲಿ ಎತ್ತಿಕೊಂಡಿರುವುದನ್ನು ಡಾ. ಅಂಜಲಿ ಗಮನಿಸುತ್ತಾರೆ.
00:30	ಮಗುವನ್ನು ಎತ್ತಿಕೊಳ್ಳುವಾಗ ಜಾಗ್ರತೆಯಿಂದಿರಲು ಅನಿತಾಳಿಗೆ ಅವರು ಹೇಳುತ್ತಾರೆ.
00:35	ಮಗುವನ್ನು ಎತ್ತಿಕೊಳ್ಳುವಾಗ ಅಥವಾ ತೊಟ್ಟಿಲಲ್ಲಿ ಮಲಗಿಸುವಾಗ ಮಗುವಿನ ತಲೆಗೆ ಹೇಗೆ ಆಸರೆಯನ್ನು ಕೊಡಬೇಕು ಎಂಬುದನ್ನು
00:41	ಡಾ. ಅಂಜಲಿ ಅವಳಿಗೆ ತೋರಿಸುತ್ತಾರೆ.
00:45	ಮಗುವಿನೊಂದಿಗೆ ಒರಟಾಗಿ ವರ್ತಿಸಬಾರದೆಂದು ವೈದ್ಯೆಯು ಅನಿತಾಳಿಗೆ ಸಲಹೆ ಕೊಡುತ್ತಾರೆ.
00:51	ಇದೆಲ್ಲ ತನಗೆ ಹೊಸದು ಎಂದು ಅನಿತಾ ವೈದ್ಯೆಗೆ ಹೇಳುತ್ತಾಳೆ ಮತ್ತು
00:55	ತನ್ನ ಮಗುವಿನ ಉತ್ತಮ ಆರೈಕೆಯನ್ನು ಮಾಡುವುದರ ಬಗ್ಗೆ ಅವರ ಸಲಹೆಯನ್ನು ಕೇಳುತ್ತಾಳೆ.
01:02	ಡಾ. ಅಂಜಲಿ ಸಂತೋಷದಿಂದ ಒಪ್ಪಿಕೊಳ್ಳುತ್ತಾರೆ.
01:04	ನವಜಾತ ಶಿಶುವನ್ನು ಮುಟ್ಟುವ ಮೊದಲು
01:09	ಸಾಬೂನು ಅಥವಾ ಇದ್ದಿಲುಬೂದಿಯಿಂದ ನಿಮ್ಮ ಕೈಗಳನ್ನು ತೊಳೆದುಕೊಳ್ಳುವುದು
01:13	ಅತ್ಯಂತ ಮುಖ್ಯವಾಗಿದೆ ಎಂದು ಅವರು ಒತ್ತಿ ಹೇಳುತ್ತಾರೆ.
01:15	ಏಕೆಂದರೆ ಹಸುಳೆಗಳ ರೋಗನಿರೋಧಕ ಶಕ್ತಿಯು ಇನ್ನೂ ಸಾಕಷ್ಟು ಬಲವಾಗಿರುವುದಿಲ್ಲ.
01:19	ಹೀಗಾಗಿ, ಅವುಗಳಿಗೆ ಸೋಂಕುರೋಗಗಳು ತಗುಲುವ ಸಾಧ್ಯತೆ ಹೆಚ್ಚಾಗಿರುತ್ತದೆ.
01:24	ಅನಿತಾ ವೈದ್ಯೆಯನ್ನು ಕೇಳುತ್ತಾಳೆ: “ನಾನು ಮಗುವಿಗೆ ಎಷ್ಟು ಬಾರಿ ಆಹಾರವನ್ನು ಕೊಡಬೇಕು?”.
01:28	ಮಗುವಿಗೆ ಪ್ರತಿ 2 ರಿಂದ 3 ಗಂಟೆಗಳಿಗೊಮ್ಮೆ ಫೀಡ್ ಮಾಡುವುದು ಅವಶ್ಯಕ ಎಂದು ವೈದ್ಯೆ ಅನಿತಾಳಿಗೆ ಹೇಳುತ್ತಾರೆ.
01:37	ಮಗುವಿಗೆ ಎದೆಹಾಲು ಉಣಿಸುವುದು, ಮಗುವಿನ ಆರೋಗ್ಯಕ್ಕೆ ಮತ್ತು
01:43	ರೋಗನಿರೋಧಕ ಶಕ್ತಿಯ ಬೆಳವಣಿಗೆಗೆ ಅತ್ಯಂತ ಮುಖ್ಯವಾಗಿದೆ.
01:46	ಅಲ್ಲದೇ, ನೀವು ಎದೆಹಾಲು ಉಣಿಸುತ್ತಿದ್ದರೆ, ಮಗುವಿಗೆ ಪ್ರತಿಯೊಂದು ಸ್ತನದಲ್ಲಿ ಸುಮಾರು 10-15 ನಿಮಿಷಗಳಷ್ಟು ಸ್ತನಪಾನ ಮಾಡಲು ಅವಕಾಶವನ್ನು ಕೊಡಬೇಕು ಎಂದು ಅವರು ವಿವರಿಸುತ್ತಾರೆ.
01:56	ಆಗ ಅನಿತಾ ವೈದ್ಯೆಯನ್ನು ಮಗುವಿಗೆ 'ಫಾರ್ಮುಲಾ ಫೀಡಿಂಗ್' ಕೊಡುವುದರ ಬಗ್ಗೆ ಕೇಳುತ್ತಾಳೆ.
02:00	ಉದಾಹರಣೆಗೆ, ಒಂದುವೇಳೆ ನೀವು ನಿಮ್ಮ ಮಗುವಿಗೆ ಹಾಲಿನ ಪರ್ಯಾಯಗಳಂತಹ ಫಾರ್ಮುಲಾ ಆಹಾರವನ್ನು ಕೊಡುತ್ತಿದ್ದರೆ
02:08	ಆಗ, ಮಗು ಪ್ರತಿಸಲ ಸುಮಾರು 60 ರಿಂದ 90 ಗ್ರಾಂಗಳಷ್ಟು ಆಹಾರವನ್ನು ತೆಗೆದುಕೊಳ್ಳುವ ಸಾಧ್ಯತೆ ಇದೆ ಎಂದು ವೈದ್ಯೆಯು ಹೇಳುತ್ತಾರೆ.
02:14	ನಂತರ ಅನಿತಾ, ಯಾವಾಗ ಮತ್ತು ಹೇಗೆ ಮಗುವಿಗೆ ಸ್ನಾನ ಮಾಡಿಸಬೇಕೆಂದು ವೈದ್ಯೆಯನ್ನು ಕೇಳುತ್ತಾಳೆ.
02:21	ಮೊದಲ ಕೆಲವು ವಾರಗಳಲ್ಲಿ ಶಿಶು ಬಹಳ ನಾಜೂಕಾಗಿರುತ್ತದೆ.
02:28	ಮಗುವಿನ-
02:33	* ಹೊಕ್ಕುಳಬಳ್ಳಿ ಬೀಳುವವರೆಗೆ
02:37	* ಗಾಯವು ಮಾಯುವವರೆಗೆ
02:39	* ನಾಭಿಯು ಪೂರ್ತಿಯಾಗಿ ಮಾಯುವವರೆಗೆ ಮಗುವಿಗೆ ನಾವು ಸ್ಪಾಂಜ್-ಬಾಥ್ (ಒದ್ದೆ ಬಟ್ಟೆಯಿಂದ ಒರೆಸುವುದು) ಮಾತ್ರ ಮಾಡಿಸಬೇಕೆಂದು ವೈದ್ಯೆ ಹೇಳುತ್ತಾರೆ.
02:43	ಆನಂತರ, ವಾರದಲ್ಲಿ 2 ರಿಂದ 3 ಸಲ ಸೌಮ್ಯವಾದ ಸಾಬೂನು ಬಳಸಿ ಸ್ನಾನಮಾಡಿಸಿದರೆ ಸಾಕು ಎಂದು ವೈದ್ಯೆಯು ವಿವರಿಸುತ್ತಾರೆ.
02:53	ಮಗುವಿಗೆ ಒಂದು ವರ್ಷವಾಗುವವರೆಗೆ ಇದು ಮುಂದುವರಿಯಬಹುದು.
02:56	ಮೇಲಿಂದ ಮೇಲೆ ಸ್ನಾನ ಮಾಡಿಸುವುದರಿಂದ ಚರ್ಮವು ಒಣಗಬಹುದು.
03:01	ಮಗುವಿಗೆ ಸ್ವಲ್ಪ ಕೆಂಪುಗುಳ್ಳೆಗಳು ಆಗಿರುವುದನ್ನು ಡಾ. ಅಂಜಲಿ ತೋರಿಸುತ್ತಾರೆ.
03:06	ಅನಿತಾ ಹೆದರುತ್ತಾಳೆ.
03:08	ಇದರ ಆರೈಕೆಯನ್ನು ಹೇಗೆ ಮಾಡುವುದೆಂದು ಅವಳು ವೈದ್ಯೆಯನ್ನು ಕೇಳುತ್ತಾಳೆ.
03:13	ಒದ್ದೆಯಾದ 'ಡೈಪರ್'ನಿಂದ ಈ ಕೆಂಪುಗುಳ್ಳೆಗಳು ಆಗಿವೆ ಎಂದು ವೈದ್ಯೆಯು ಹೇಳುತ್ತಾರೆ.
03:19	ನೀವು ನಿಮ್ಮ ಮಗುವಿನ ಬಟ್ಟೆಯ ಡೈಪರನ್ನು ಮೇಲಿಂದ ಮೇಲೆ ಮತ್ತು ಮಲವಿಸರ್ಜನೆಯ ನಂತರ ಸಾಧ್ಯವಿದ್ದಷ್ಟು ಬೇಗನೆ ಬದಲಾಯಿಸಬೇಕು ಎಂದು ಸಹ ಹೇಳುತ್ತಾರೆ.
03:29	ಸೌಮ್ಯವಾದ ಸಾಬೂನು ಮತ್ತು ನೀರಿನಿಂದ ಜಾಗವನ್ನು ಶುದ್ಧಗೊಳಿಸಿದ ಮೇಲೆ ಅದನ್ನು ಒರೆಸಿ.
03:34	ನಂತರ, ಅದನ್ನು ತೇವಾಂಶದಿಂದ ದೂರವಿಡಲು ಅದರ ಮೇಲೆ ಸ್ವಲ್ಪ ಬೇಬಿ ಪೌಡರನ್ನು ಹಚ್ಚಿ.
03:39	ನೀವು ಬಟ್ಟೆಯ ಡೈಪರನ್ನು ಬಳಸುತ್ತಿದ್ದರೆ, ಅವುಗಳನ್ನು ಬಿಸಿನೀರು ಮತ್ತು ಡೆಟ್ಟಾಲ್ ಗಳಂತಹ ರೋಗಾಣುನಾಶಕವನ್ನು ಬಳಸಿ ತೊಳೆಯಬೇಕು.
03:49	ದಿನದ ಕೆಲವು ಸಮಯ ಮಗುವಿಗೆ ಡೈಪರ್ ಹಾಕದಿದ್ದರೆ ಒಳ್ಳೆಯದು ಎಂದು ವೈದ್ಯೆಯು ಹೇಳುತ್ತಾರೆ.
03:55	ಅನಿತಾ ಡಾ. ಅಂಜಲಿಗೆ ಅವರ ಸಲಹೆಗಾಗಿ ಧನ್ಯವಾದ ಹೇಳುತ್ತಾಳೆ ಮತ್ತು ತಾನು ಎಲ್ಲವನ್ನು ನೆನಪಿಟ್ಟುಕೊಳ್ಳುವುದಾಗಿ ಹೇಳುತ್ತಾಳೆ.
04:02	ಇದರೊಂದಿಗೆ ನಾವು ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿರುತ್ತೇವೆ.
04:05	ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುವ ವೀಡಿಯೋವನ್ನು ವೀಕ್ಷಿಸಿ.
04:09	ಇದು “ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪದ ಸಾರಾಂಶವಾಗಿದೆ.
04:12	ನಿಮಗೆ ಒಳ್ಳೆಯ ‘ಬ್ಯಾಂಡ್ವಿಡ್ತ್’ ಸಿಗದಿದ್ದರೆ, ನೀವು ಇದನ್ನು ಡೌನ್ಲೋಡ್ ಮಾಡಿ ನೋಡಬಹುದು.
04:18	“ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪದ ತಂಡವು: * 'ಸ್ಪೋಕನ್ ಟ್ಯುಟೋರಿಯಲ್’ಗಳನ್ನು ಬಳಸಿ ಕಾರ್ಯಶಾಲೆಗಳನ್ನು ನಡೆಸುತ್ತದೆ.
04:25	* ಆನ್-ಲೈನ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ ಪ್ರಮಾಣಪತ್ರವನ್ನು ಕೊಡುತ್ತದೆ.
04:29	ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಈ ಲಿಂಕ್ ಗೆ ಬರೆಯಿರಿ: contact@spoken-tutorial.org
04:39	"ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪವು, “ಟಾಕ್ ಟು ಎ ಟೀಚರ್” ಪ್ರಕಲ್ಪದ ಒಂದು ಭಾಗವಾಗಿದೆ.
04:44	ಇದು ICT, MHRD ಮೂಲಕ ರಾಷ್ಟ್ರೀಯ ಸಾಕ್ಷರತಾ ಮಿಷನ್, ಭಾರತ ಸರ್ಕಾರದ ಆಧಾರವನ್ನು ಪಡೆದಿದೆ.
04:53	ಈ ಮಿಷನ್ ನ ಬಗ್ಗೆ ಹೆಚ್ಚಿನ ಮಾಹಿತಿಯು ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುತ್ತದೆ: http://spoken-tutorial.org/NMEICT-Intro.
05:09	ಈ ಸ್ಕ್ರಿಪ್ಟ್, ಅವಿನಾಶ್ ಕುಮಾರ್ ಮತ್ತು ಚಿತ್ರಗಳು ಸೌರಭ್ ಗಾಡ್ಗಿಲ್ ಅವರ ಕೊಡುಗೆ.
05:16	IIT Bombay ಯಿಂದ, ಸ್ಕ್ರಿಪ್ಟ್ ನ ಅನುವಾದಕಿ ಸಂಧ್ಯಾ ಪುಣೇಕರ್ ಹಾಗೂ ಪ್ರವಾಚಕಿ ಗ್ಲೋರಿಯಾ.
05:19	ಧನ್ಯವಾದಗಳು.

Contributors and Content Editors

Sandhya.np14