Biogas-Plant/C2/Finance-options-for-Biogas-plant/Marathi

Time	Narration
00:01	नमस्कार. बायोगॅस संयंत्रासाठी अर्थपुरवठा पर्याय यावरील पाठात आपले स्वागत.
00:10	आधीच्या भागात आपण बायोगॅस बद्दल आणि बायोगॅस संयंत्र असण्याचे फायदे जाणून घेतले होते.
00:18	या पाठात बायोगॅस संयंत्र उभारण्यासाठी लागणा-या कर्जासाठीचा अर्ज कसा करायचा हे जाणून घेऊ.
00:29	बायोगॅस संयंत्र तुम्ही स्वखर्चाने किंवा बँकेकडून कर्ज घेऊन उभारू शकता.
00:40	कर्जप्राप्तीसाठी आवश्यक पूर्वतयारी.
00:47	कर्जाच्या अर्जासोबत जोडावयाच्या दस्ताऐवजांची यादी.
00:55	संयंत्र उभारणीतील घटकांवरील खर्च.
01:00	खर्चाच्या अंदाजपत्रकातील सर्वसाधारण विभाजन
01:05	आणि बायोगॅस संयंत्र उभारण्यासाठी भारत सरकारने उपलब्ध करून दिलेली अनुदाने.
01:16	सुरूवात करण्यापूर्वी बायोगॅस संयंत्र तुम्ही स्वखर्चाने किंवा बँकेकडून कर्ज घेऊन उभारू शकता हे माहित असणे आवश्यक आहे.
01:29	तसेच बायोगॅस संयंत्र उभारणीसाठी खर्चाच्या अंदाजपत्रकाची माहिती असणे गरजेचे आहे.
01:38	बायोगॅस संयंत्र उभारणीसाठी अंदाजे २०,०००/- ते २३,०००/- एवढा खर्च होतो.
01:50	बायोगॅस संयंत्र उभारणीची पहिली पायरी म्हणजे खादी ग्रामोद्योग आयोगाच्या संबंधित जिल्हा कार्यालयांना भेट देणे.
02:04	हे कार्यालय KVIC या नावानेही ओळखले जाते.
02:08	प्रत्येक KVIC ला ग्रामीण उर्जा तंत्र विभाग आहे.
02:14	उल्लेख केलेल्या विभागातील ग्रामीण उर्जा तंत्रज्ञाला म्हणजेच RET ला भेटा.
02:22	नियोजित बायोगॅस संयंत्र साईटला भेट देण्याची RET ला विनंती करा.
02:29	पुढे, RET प्रकल्पाला भेट देऊन कर्ज मिळण्यासाठी आवश्यक गोष्टींचे निरीक्षण करेल.
02:38	कर्ज मिळण्यासाठीच्या आवश्यक गोष्टींची यादी अशाप्रकारे आहेः
02:45	जागेची उपलब्धता. उदाहरणार्थ १२ फूट बाय ८ फुटाचा बायोगॅस संयंत्र उभारण्यासाठी १२ फूट बाय १६ फुटाची जागा आवश्यक आहे.
03:00	बायोगॅस संयंत्राला दररोज देण्यासाठी पुरेसा पाणी पुरवठा.
03:06	गाईचे शेण आणि/किंवा विघटन होणा-या (म्हणजेच बायो-डिग्रेडेबल) कच-याच्या स्वरूपातील घनकच-याचे सरासरी प्रमाण.
03:17	कृपया लक्षात घ्या, संयंत्रातील कच-याचे प्रमाण हे संयंत्राच्या आकाराच्या प्रमाणात असते.
03:26	उदाहरणार्थ १२ फूट बाय ८ फूटाच्या बायोगॅस संयंत्रासाठी २५ किलो घनकचरा आणि २५ लिटर पाणी आवश्यक असते.
03:41	RET गाई गुरांची संख्या आणि त्यांचे वय देखील तपासतात.
03:47	उदाहरणार्थ २ घनमीटर बायोगॅस संयंत्रासाठी सरासरी १२ किलो शेण उत्पादित करणा-या कमीत कमी दोन गाईंची आवश्यकता असते.
04:03	ही तपासणी बायोगॅस संयंत्रासाठी २५ किलो शेणाच्या पुरवठ्याची खात्री करण्यासाठी आहे.
04:13	शेवटी, RET अर्जदाराचे बँक खाते/किंवा कर्ज खाते यांची तपासणी करेल.
04:23	जर सर्व आवश्यक बाबींची पूर्तता झाली तर RET तांत्रिक व्यवहार्यता प्रमाणपत्र जारी करतो.
04:33	एकदा तांत्रिक व्यवहार्यता प्रमाणपत्र प्राप्त झाले की कर्जासाठी जवळच्या बँकेला भेट द्या.
04:43	तुम्ही खाजगी बँकांकडे जाऊ शकता जसे की- आयडीबीआय बँक, कॅनरा बँक, आणि युनियन बँक ऑफ इंडिया
04:57	सहकारी बँका जसे की- सारस्वत बँक, डोंबिवली नगरी सहकारी बँक, साऊथ कॅनरा जिल्हा मध्यवर्ती सहकारी बँक (जी SCDCC नावानेही ओळखली जाते)
05:15	विविध राज्यातील ग्रामीण बँका आणि
05:19	डेव्हलटमेंट क्रेडिट बँक (जी DCB नावानेही ओळखली जाते)इत्यादी.
05:27	आता बँकेकडून एखाद्याला किती रकमेचे कर्ज मिळू शकते?
05:33	बँकेकडून तुम्हाला १००% कर्ज उपलब्ध होऊ शकते हे समजल्यावर तुम्ही आश्चर्यचकित व्हाल.
05:42	तथापि बँकानुसार खालील गोष्टींमधे बदल होऊ शकतात हे लक्षात घेतले पाहिजे.
05:50	कर्जाची रक्कम, मंजूरीचा कालावधी, कर्जावरील व्याज आणि कर्जाची परतफेड
06:01	कर्जाच्या औपचारिकतेची सुरूवात विविध फॉर्म भरण्यापासून होते जसे की ‘कर्जाच्या अर्जाचा फॉर्म’.
06:11	RET ऑफिसर तुम्हाला फॉर्म भरायला मदत करेल.
06:18	येथे दाखविल्याप्रमाणे- अर्जात खालील तपशील भरलेला असायला हवा.
06:26	कर्जाचे कारण म्हणजेच कर्ज कशासाठी हवे
06:30	अर्जदाराचे नाव आणि पत्ता
06:35	संबंधित गावात किती सालापासून रहिवासी
06:44	कामाचे स्वरूप
06:47	वय आणि लिंग
06:51	गट-SC/ST/OBC आणि अशा प्रकारचा इतर तपशील
07:02	आता मी अर्जामधे आवश्यक तो तपशील भरणार आहे.
07:11	भरलेला अर्ज अशाप्रकारे दिसेल.
07:16	कर्जाच्या अर्जासोबत जोडावे लागणारे इतर दस्ताऐवज -
07:25	तांत्रिक व्यवहार्यता प्रमाणपत्र
07:29	जमिनीच्या मालकी हक्काची कागदपत्रे
07:33	शिधापत्रिकेची छायाप्रत आणि
07:39	वार्षिक उत्पन्नाचा दाखला
07:42	अर्ज भरून झाल्यावर तो बँक अधिका-याकडे पडताळणीसाठी सादर करणे आवश्यक असते.
07:53	आपल्याला शाखा व्यवस्थापक किंवा निरीक्षक अधिका-याचा संदर्भ आणि कर्ज मंजूरी प्राप्त होईल.
08:03	संयंत्र उभारणीतील खर्चाच्या घटकांबद्दल चर्चा करू या-
08:10	संयंत्र निर्मितीचा खर्च या घटकांवर अवलंबून असतो- कच्च्या मालाचा खर्च, गवंड्यांचे शुल्क, हार्डवेअरच्या दुकानापासून प्रकल्पाच्या ठिकाणापर्यंत होणारा वाहतूक खर्च.
08:29	गवंड्याच्या शुल्काबरोबरच कच्चा माल आणि वाहतूकीच्या खर्चात प्रदेशानुसार बदल होऊ शकतो.
08:42	खर्चाच्या अंदाजपत्रकाची विभागणी अशा प्रकारे असेलः
08:48	अंदाजे ४,०००/- रू. गवंडी आणि त्याच्या कामगारांसाठी
08:55	अंदाजे १,३००/- रू. बायोगॅस बर्नर शेगडीसाठी
09:03	अंदाजे १५०००/- रू. कच्च्या मालासाठी आणि
09:10	अंदाजे २,०००/- रू हार्डवेअरच्या दुकानापासून ते प्रकल्पापर्यंतच्या वाहतुकीचा खर्च.
09:20	बायोगॅस संयंत्र उभारण्याची योजना करत असलेल्यांसाठी एक चांगली बातमी - भारत सरकार बायोगॅस संयंत्र उभारण्यासाठी अनुदान देते.
09:34	अर्जदारांना दिले जाणारे अनुदान अशाप्रकारे आहेः ९,०००/- रू. सर्वसाधारण गटासाठी, ११,०००/- रू. SC/ST गटासाठी, १७,०००/- रू. उत्तर पूर्वीय राज्यांसाठी
09:56	बायोगॅस संयंत्राला शौचालय जोडलेले असल्यास १,२००/- रू चे अतिरिक्त अनुदान मिळते.
10:07	अनुदानाचा लाभ घेण्यासाठी बायोगॅस संयंत्र उभा राहिल्यावर एक अर्ज भरणे आवश्यक असते.
10:15	हा अर्ज स्थानिक ग्राम पंचायतीच्या कार्यालयात उपलब्ध असतो.
10:22	आता मी अर्जातील आवश्यक तपशील भरणार आहे.
10:27	भरलेला अनुदानाचा अर्ज अशाप्रकारे दिसेल.
10:33	कृपया याची नोंद घ्यावी की बायोगॅस संयंत्राचे पुरेसे पुरावे सादर केल्यावरच अनुदान मंजूर केले जाते. जसे की,
10:45	बायोगॅस संयंत्राचे तांत्रिक व्यवहार्यता प्रमाणपत्र आणि
10:51	बायोगॅस संयंत्रासोबत अर्जदाराचे छायचित्र.
10:57	बायोगॅस संयंत्र उभारणीसाठी बँकांव्यतिरिक्त शेतक-यांचे गट देखील आर्थिक मदत करू शकतात.
11:06	देशातल्या विविध राज्यातील स्थित कार्यालयांसाठी दिलेली ही लिंक बघा-
11:16	या पाठात शिकलो ते थोडक्यातः
11:23	बायोगॅस संयंत्र उभारण्यासाठी लागणा-या कर्जासाठी अर्ज करणे.
11:30	बायोगॅस संयंत्र तुम्ही स्वखर्चाने किंवा बँकेकडून कर्ज घेऊन उभारू शकता.
11:42	कर्जप्राप्तीसाठी आवश्यक पूर्वतयारी.
11:49	तसेच आपण हे सुद्धा शिकलो,
11:52	कर्जाच्या अर्जासोबत जोडावयाच्या दस्ताऐवजांची यादी.
12:00	संयंत्र उभारणीतील घटकांवरील खर्च.
12:06	खर्चाच्या अंदाजपत्रकातील सर्वसाधारण तपशील.
12:12	आणि बायोगॅस संयंत्र उभारण्यासाठी भारत सरकारने उपलब्ध करून दिलेली अनुदाने.
12:23	हा व्हिडिओ IIT बॉम्बे, मधील Rural-ICT संघ व स्पोकन ट्युटोरियल संघाच्या सूक्ताने तयार केले आहे.
12:35	यासंबंधी माहिती पुढील साईटवर उपलब्ध आहे.
12:43	ह्या ट्युटोरियलचे भाषांतर मनाली रानडे यांनी केले असून मी रंजना भांबळे आपला निरोप घेते. सहभागासाठी धन्यवाद.

Contributors and Content Editors

PoojaMoolya, Pratik kamble, Ranjana