Arduino/C2/Electronic-components-and-connections/Kannada

Time	Narration
00:01	ಎಲೆಕ್ಟ್ರಾನಿಕ್ ಕಾಂಪೋನೆಂಟ್ ಗಳು ಮತ್ತು ಸಂಪರ್ಕಗಳ ಕುರಿತ ಸ್ಪೋಕನ್ ಟ್ಯುಟೋರಿಯಲ್ ಗೆ ಸ್ವಾಗತ.
00:07	ಈ ಟ್ಯುಟೋರಿಯಲ್ ನಲ್ಲಿ ನಾವು, ಬ್ರೆಡ್ ಬೋರ್ಡ್ ಮತ್ತು ಇದರ ಆಂತರಿಕ ಸಂಪರ್ಕಗಳು,
00:14	ಬ್ರೆಡ್ ಬೋರ್ಡ್ ನಲ್ಲಿ ಎಲ್.ಇ.ಡಿ, ಬ್ರೆಡ್ ಬೋರ್ಡ್ ನಲ್ಲಿ ಪುಶ್ ಬಟನ್ ಮತ್ತು ಸೆವೆನ್ ಸೆಗ್ಮೆಂಟ್ ಡಿಸ್ಪ್ಲೇ ಬಳಸಲು ಕಲಿಯಲಿದ್ದೇವೆ.
00:23	ಈ ಸರಣಿಯನ್ನು ಅನುಸರಿಸಲು ನೀವು ರೆಸಿಸ್ಟರ್ ಗಳು, ಪುಶ್ ಬಟನ್, ಎಲ್.ಇ.ಡಿ, ಓಪನ್ ಸರ್ಕಿಟ್, ಕ್ಲೋಸ್ಡ್ ಸರ್ಕಿಟ್,
00:34	ಸರಣಿ ಮತ್ತು ಸಮಾಂತರ ಸಂಪರ್ಕಗಳು,
00:38	ಬ್ಯಾಟರಿಗಳು, ಪಾಸಿಟಿವ್ ಮತ್ತು ನೆಗೆಟಿವ್ ವೋಲ್ಟೆಜ್ -
00:41	ಮುಂತಾದ ಎಲೆಕ್ಟ್ರಾನಿಕ್ ಘಟಕಗಳ ಮೂಲಭೂತ ಜ್ಞಾನ ಹೊಂದಿರಬೇಕು.
00:47	ಈ ಕೆಳಗಿನ ಘಟಕಗಳನ್ನು ಬಳಸಿ ಈ ಟ್ಯುಟೋರಿಯಲ್ ಅನ್ನು ರೆಕಾರ್ಡ್ ಮಾಡಲಾಗಿದೆ: ಬ್ರೆಡ್ ಬೋರ್ಡ್,
00:54	ಎಲ್.ಇ.ಡಿ, ಅಥವಾ ಟ್ರೈಕಲರ್ ಎಲ್.ಇ.ಡಿ, ಪುಶ್ ಬಟನ್,
01:00	ರೆಸಿಸ್ಟರ್ ಮತ್ತು ಸೆವೆನ್ ಸೆಗ್ಮೆಂಟ್ ಡಿಸ್ಪ್ಲೇ.
01:06	ಬ್ರೆಡ್ ಬೋರ್ಡ್ ಈ ರೀತಿ ಕಾಣಿಸುತ್ತದೆ.
01:11	ಬ್ರೆಡ್ ಬೋರ್ಡ್ ಎನ್ನುವುದು ಒಂದು ಸಾಧನವಾಗಿದ್ದು, ಸರ್ಕಿಟ್ ನ ಘಟಕಗಳನ್ನು ಹಿಡಿದಿಟ್ಟು ಕೊಳ್ಳುತ್ತದೆ ಮತ್ತು ಅವುಗಳನ್ನು ಒಟ್ಟಿಗೆ ಸಂಪರ್ಕಿಸುತ್ತದೆ.
01:18	ಯಾವುದೇ ಬೆಸುಗೆ ಮಾಡದೆಯೇ ನಾವು ಬ್ರೆಡ್ ಬೋರ್ಡ್ ಮೇಲೆ ಎಲೆಕ್ಟ್ರಾನಿಕ್ ಸರ್ಕಿಟ್ ಅನ್ನು ನಿರ್ಮಿಸಬಹುದು.
01:25	ಮೇಲಿನ ಎರಡು ರೇಲ್ ಗಳು ಮತ್ತು ಕೆಳಗಿನ ಎರಡು ರೇಲ್ ಗಳನ್ನು ಪವರ್ ರೇಲ್ ಗಳೆಂದು ಕರೆಯಲಾಗುತ್ತದೆ.
01:31	ಮೇಲಿನ ಎಲ್ಲಾ ತೂತುಗಳ ಸಾಲನ್ನು ಒಟ್ಟಿಗೆ ಸಂಪರ್ಕಿಸಲಾಗಿದೆ ಮತ್ತು ಇವುಗಳನ್ನು ಕೆಂಪು ಚುಕ್ಕೆಗಳು ಮತ್ತು ನೀಲಿ ಚುಕ್ಕೆಗಳಿಂದ ಗುರುತಿಸಲಾಗಿದೆ.
01:41	ಬ್ರೆಡ್ ಬೋರ್ಡ್ ನ ನಡುವೆ ಸಂಪರ್ಕವು ಬೇರ್ಪಡಿಸುತ್ತದೆ ಎಂಬುದನ್ನು ಗಮನಿಸಿ.
01:46	ಇದರ ನಡುವೆ ತಂತಿಗಳ ಸಾಲುಗಳನ್ನು ಒಟ್ಟಿಗೆ ಸಂಪರ್ಕಿಸಲಾಗಿದೆ.
01:51	ಉದಾಹರಣೆಗೆ, ಹಸಿರು ಬಣ್ಣದಿಂದ ಗುರುತಿಸಿದ ಎಲ್ಲಾ ತೂತುಗಳನ್ನು ಒಟ್ಟಿಗೆ ಸಂಪರ್ಕಿಸಲಾಗಿದೆ. ಆದರೆ ಅವುಗಳನ್ನು ಹಳದಿ ತೂತುಗಳಿಗೆ ಸಂಪರ್ಕಿಸಿಲ್ಲ.
02:02	ನಾವೀಗ ಎಲ್.ಇ.ಡಿ ಕುರಿತು ಕಲಿಯೋಣ. ಎಲ್.ಇ.ಡಿ ಎಂದರೆ ಲೈಟ್ ಎಮಿಟಿಂಗ್ ಡಯೋಡ್ ಎಂದರ್ಥ.
02:11	ತನ್ನ ಮೂಲಕ ವಿದ್ಯುತ್ ಪ್ರವಾಹ ಹರಿದಾಗ ಇದು ಬಣ್ಣದ ಬೆಳಕನ್ನು ಹೊರಸೂಸುತ್ತದೆ.
02:16	ಎಲ್.ಇ.ಡಿ ಯು ಆನೋಡ್ ಮತ್ತು ಕ್ಯಾಥೋಡ್ ಎಂಬ ಎರಡು ಲೀಡ್ ಗಳನ್ನು ಹೊಂದಿದೆ.
02:22	ಆನೋಡ್ ಲೀಡ್ ಹೆಚ್ಚು ಉದ್ದವಿದೆ. ಇದನ್ನು ಪಾಸಿಟಿವ್ ವೋಲ್ಟೇಜ್ ಗೆ ಸಂಪರ್ಕಿಸಬೇಕು.
02:29	ಕ್ಯಾಥೋಡ್ ಲೀಡ್ ಗಿಡ್ಡದಾಗಿದೆ. ಇದನ್ನು ಗ್ರೌಂಡ್ ಗೆ ಸಂಪರ್ಕಿಸಬೇಕು.
02:35	ಟ್ರೈ-ಕಲರ್ ಎಲ್.ಇ.ಡಿ ಎನ್ನುವುದು ಎಲ್.ಇ.ಡಿ ಯ ಸುಧಾರಿತ ಆವೃತ್ತಿಯಾಗಿದ್ದು, ಇದು ಮೂರು ವಿಭಿನ್ನ ಬಣ್ಣಗಳನ್ನು ಹೊರಸೂಸುತ್ತದೆ.
02:43	ಇದು ನಾಲ್ಕು ಪಿನ್ ಗಳನ್ನು ಹೊಂದಿದೆ. ಅತ್ಯಂತ ದೀರ್ಘ ಲೀಡ್ ಅನ್ನು ಕಾಮನ್ ಲೀಡ್ ಎನ್ನಲಾಗುತ್ತದೆ.
02:50	ಉಳಿದ ಮೂರು ಪಿನ್ ಗಳು ಕೆಂಪು, ಹಸಿರು, ಮತ್ತು ನೀಲಿ ಬಣ್ಣದ ಎಲ್.ಇ.ಡಿ ಗಳಿಗಾಗಿ ಇವೆ.
02:57	ಎರಡು ಪ್ರಕಾರದ ಟ್ರೈ-ಕಲರ್ ಎಲ್.ಇ.ಡಿ ಗಳಿವೆ: ಅವೆಂದರೆ ಕಾಮನ್ ಆನೋಡ್ ಮತ್ತು ಕಾಮನ್ ಕ್ಯಾಥೋಡ್.
03:07	ಕಾಮನ್ ಆನೋಡ್ ಆವೃತ್ತಿಯಲ್ಲಿ ಕಾಮನ್ ಲೀಡ್ ಅನ್ನು ಪಾಸಿಟಿವ್ ವೋಲ್ಟೇಜ್ ಗೆ ಸಂಪರ್ಕಿಸಬೇಕು.
03:14	ಕಾಮನ್ ಕ್ಯಾಥೋಡ್ ಆವೃತ್ತಿಯಲ್ಲಿ ಕಾಮನ್ ಲೀಡ್ ಅನ್ನು ಗ್ರೌಂಡ್ ಗೆ ಸಂಪರ್ಕಿಸಬೇಕು.
03:21	ನಂತರ ನಾವು ರೆಸಿಸ್ಟರ್ ಕುರಿತು ಕಲಿಯೋಣ.
03:25	ಸರ್ಕಿಟ್ ನಲ್ಲಿ ಹರಿಯುವ ವಿದ್ಯುತ್ ಪ್ರವಾಹವನ್ನು ಮಿತಿಗೊಳಿಸಲು ರೆಸಿಸ್ಟರ್ ಬಳಸಲಾಗುತ್ತದೆ.
03:30	ನಾವೀಗ ಎಲ್.ಇ.ಡಿ, ರೆಸಿಸ್ಟರ್ ಮತ್ತು ಬ್ರೆಡ್ ಬೋರ್ಡ್ ಬಳಸಿ ಸರಳವಾದ ಸರ್ಕಿಟ್ ರಚಿಸೋಣ.
03:37	ಈ ಚಿತ್ರವು ಸರಿಯಾದ ಸಂಪರ್ಕಗಳನ್ನು ತೋರಿಸುತ್ತದೆ.
03:41	9 ವೋಲ್ಟ್ ಬ್ಯಾಟರಿಯ ಪಾಸಿಟಿವ್ ಅನ್ನು ಎರಡನೇ ರೇಲ್ ಗೆ ಸಂಪರ್ಕಿಸಲಾಗಿದೆ.
03:46	9 ವೋಲ್ಟ್ ಬ್ಯಾಟರಿಯ ನೆಗೆಟಿವ್ ಅನ್ನು 1ನೇ ರೇಲ್ ಗೆ ಸಂಪರ್ಕಿಸಲಾಗಿದೆ.
03:51	ಎಲ್.ಇ.ಡಿ ಯ ಆನೋಡ್ (ಅಂದರೆ ಬಲಗಡೆಯ ಲೀಡ್) ಅನ್ನು, ರೆಸಿಸ್ಟರ್ ಮೂಲಕ ಬ್ರೆಡ್ ಬೋರ್ಡ್ ನ 2ನೇ ರೇಲ್ ಗೆ ಸಂಪರ್ಕಿಸಲಾಗಿದೆ.
04:00	ಎಲ್.ಇ.ಡಿ ಯ ಕ್ಯಾಥೋಡ್ (ಅಂದರೆ ಎಡಗಡೆಯ ಲೀಡ್) ಅನ್ನು ಬ್ರೆಡ್ ಬೋರ್ಡ್ ನ 1ನೇ ರೇಲ್ ಗೆ ಸಂಪರ್ಕಿಸಲಾಗಿದೆ.
04:08	ಇದು ಎಲ್.ಇ.ಡಿ ಸಂಪರ್ಕಗಳ ಲೈವ್ ಸೆಟಪ್ ಆಗಿದೆ.
04:13	ಎಲ್.ಇ.ಡಿ ಮಿನುಗುತ್ತಿರುವುದನ್ನು ನೀವು ನೋಡಬಹುದು. ಏಕೆಂದರೆ ನಾವು ಬಳಸಿದ ಸಂಪರ್ಕಗಳು ಸರಿ ಇವೆ.
04:21	ಸಂಪರ್ಕ ಮಾಡಲು ಬ್ರೆಡ್ ಬೋರ್ಡ್ ಬಳಸುವಾಗ ಜನರು ಮಾಡುವ ಸಾಮಾನ್ಯ ತಪ್ಪುಗಳತ್ತ ನಾವೀಗ ಗಮನ ಹರಿಸೋಣ.
04:29	ಈ ಸಂಪರ್ಕದಲ್ಲಿ, ಎಲ್.ಇ.ಡಿ ಮಿನುಗುವುದಿಲ್ಲ. ಏಕೆಂದರೆ ಸಂಪರ್ಕಗಳು ಸರಿ ಇಲ್ಲ.
04:36	ರೆಸಿಸ್ಟರ್ ಮತ್ತು ಎಲ್.ಇ.ಡಿ ಗಳನ್ನು ಅಕ್ಕಪಕ್ಕ ಇಡಲಾಗಿದೆ.
04:41	ಪವರ್ ರೇಲ್ ಗಳನ್ನು ಹೊರತುಪಡಿಸಿ, ಬ್ರೆಡ್ ಬೋರ್ಡ್ ನಲ್ಲಿ ಉಳಿದ ತೂತುಗಳನ್ನು ಕಾಲಂ ಪ್ರಕಾರ ಸಂಪರ್ಕಿಸಲಾಗಿದೆ.
04:47	ಹೀಗಾಗಿ ಎಲ್.ಇ.ಡಿ ಯ ಆನೋಡ್ ಮತ್ತು ರೆಸಿಸ್ಟರ್ ಲೀಡ್ ನಡುವೆ ಸಂಪರ್ಕ ಏರ್ಪಟ್ಟಿಲ್ಲ. ಇದು ಎಲ್.ಇ.ಡಿ ಯನ್ನು ಪ್ರತ್ಯೇಕಿಸುತ್ತದೆ.
04:57	ಮುಂದಿನ ಸಂಪರ್ಕದಲ್ಲಿ, ಎಲ್.ಇ.ಡಿ ಯ ಕ್ಯಾಥೋಡ್ ಅನ್ನು 2ನೇ ರೇಲ್ ಗೆ ಸಂಪರ್ಕಿಸಲಾಗಿದೆ.
05:04	ಎಲ್.ಇ.ಡಿ ಯ ಆನೋಡ್ ಅನ್ನು ರೆಸಿಸ್ಟರ್ ಮೂಲಕ 1ನೇ ರೇಲ್ ಗೆ ಸಂಪರ್ಕಿಸಲಾಗಿದೆ.
05:10	ಈ ಸರ್ಕಿಟ್ ನಲ್ಲಿ ಸಂಪರ್ಕಗಳು ಹೇಗಿರಬೇಕಿತ್ತೋ, ಅದಕ್ಕೆ ತದ್ವಿರುದ್ಧವಾಗಿದೆ. ಹೀಗಾಗಿ ಎಲ್.ಇ.ಡಿ ಮಿನುಗುತ್ತಿಲ್ಲ.
05:18	ನಾವೀಗ ಪುಶ್ ಬಟನ್ ಗಳ ಕುರಿತು ಕಲಿಯೋಣ.
05:23	ಪುಶ್ ಬಟನ್ ಎನ್ನುವುದು ಸರಳ ಸ್ವಿಚ್ ಮೆಕಾನಿಸಂ ಆಗಿದ್ದು, ಒತ್ತಿದಾಗ ಇದು ಸರ್ಕಿಟ್ ನಲ್ಲಿ ಎರಡು ಪಾಯಿಂಟ್ ಗಳನ್ನು ಸಂಪರ್ಕಿಸುತ್ತದೆ.
05:31	ಪುಶ್ ಬಟನ್ ಸಾಮಾನ್ಯವಾಗಿ ನಾಲ್ಕು ಕಾಲುಗಳೊಂದಿಗೆ ಬರುತ್ತದೆ.
05:35	ಸ್ವಿಚ್ ನ ಸ್ಥಾನ ಯಾವುದೇ ಇರಲಿ, A ಮತ್ತು C ಕಾಲುಗಳು ಯಾವಾಗಲೂ ಸಂಪರ್ಕಿತವಾಗಿರುತ್ತವೆ.
05:43	ಇದೇ ರೀತಿ B ಮತ್ತು D ಕಾಲುಗಳು ಸಂಪರ್ಕಿತವಾಗಿರುತ್ತವೆ.
05:48	ಸ್ವಿಚ್ ಅನ್ನು ಒತ್ತಿದಾಗ, ಎಲ್ಲಾ ನಾಲ್ಕು ಕಾಲುಗಳು ಪರಸ್ಪರ ಸಂಪರ್ಕಕ್ಕೆ ಬರುತ್ತವೆ.
05:53	ನಾವೀಗ ಪುಶ್ ಬಟನ್ ಅನ್ನು ಹಿಂದಿನ ಸರ್ಕಿಟ್ ಗೆ ಸೇರಿಸೋಣ ಮತ್ತು ಎಲ್.ಇ.ಡಿ ಯ ಸ್ಥಾನವನ್ನು ಬದಲಾಯಿಸಲು ಬಳಸೋಣ.
06:02	ಈ ಚಿತ್ರವು ಸರಿಯಾದ ಸಂಪರ್ಕಗಳನ್ನು ತೋರಿಸುತ್ತದೆ. ಎಲ್.ಇ.ಡಿ ಅನೋಡ್ ಅನ್ನು 2ನೇ ಪವರ್ ರೇಲ್ ಗೆ, ಅಂದರೆ ರೆಸಿಸ್ಟರ್ ಮತ್ತು ಪುಶ್ ಬಟನ್ ಮೂಲಕ ಪಾಸಿಟಿವ್ ವೋಲ್ಟೆಜ್ ಗೆ ಸಂಪರ್ಕಿಸಲಾಗುತ್ತದೆ.
06:15	ನಾವೀಗ ಲೈವ್ ಸೆಟಪ್ ಕನೆಕ್ಶನ್ ನೋಡೋಣ.
06:19	ಪುಶ್ ಬಟನ್ ಒತ್ತಿದಾಗ, ಎಲ್.ಇ.ಡಿ ಯು ನಿರೀಕ್ಷೆಯಂತೆ ಮಿನುಗುತ್ತದೆ.
06:25	ಪುಶ್ ಬಟನ್ ನಲ್ಲಿ ನಾಲ್ಕು ಕಾಲುಗಳು ಇರುವುದರಿಂದ, ಸರ್ಕಿಟ್ ಅನ್ನು ಇನ್ನೊಂದು ರೀತಿಯಲ್ಲೂ ನಿರ್ಮಿಸಬಹುದು.
06:32	ಪುಶ್ ಬಟನ್ ನ B ಕಾಲಿನ ಬದಲಿಗೆ ನಾವು D ಕಾಲನ್ನು ಬಳಸುತ್ತಿದ್ದೇವೆ.
06:38	ಅವು ಆಂತರಿಕ ಪರಸ್ಪರ ಸಂಪರ್ಕ ಹೊಂದಿರುವುದರಿಂದ, ಪುಶ್ ಬಟನ್ ಒತ್ತಿದಾಗ ಎಲ್.ಇ.ಡಿ ಮಿನುಗುತ್ತದೆ.
06:45	ನಂತರ, ಪುಶ್ ಬಟನ್ ಗಳನ್ನು ಬಳಸುವಾಗ ಜನರು ಮಾಡುವ ಸಾಮಾನ್ಯ ತಪ್ಪುಗಳನ್ನು ನಾವು ನೋಡೋಣ.
06:52	ಈ ಚಿತ್ರವನ್ನು ನೋಡಿ. ಎಲ್.ಇ.ಡಿ ಯ ಅನೋಡ್ ಅನ್ನು ಪುಶ್ ಬಟನ್ ನ A ಮತ್ತು C ಕಾಲುಗಳ ಮೂಲಕ 2ನೇ ಪವರ್ ರೇಲ್ ಗೆ ಸಂಪರ್ಕಿಸಲಾಗಿದೆ.
07:03	A ಮತ್ತು C ಪುಶ್ ಬಟನ್ ಗಳು ಆಂತರಿಕವಾಗಿ ಸಂಪರ್ಕಿತವಾಗಿವೆ ಎಂಬುದನ್ನು ನೆನಪಿಸಿ.
07:10	ಹೀಗೆ, ಪುಶ್ ಬಟನ್ ಹೇಗೂ ಇರಲಿ, ಎಲ್.ಇ.ಡಿ ಯ ಆನೋಡ್ ಯಾವಾಗಲೂ 2ನೇ ಪವರ್ ರೇಲ್ ಗೆ ಸಂಪರ್ಕಿತವಾಗಿರುತ್ತದೆ.
07:19	ಪುಶ್ ಬಟನ್ ಆಫ್ ಆಗಿದ್ದರೂ ಸಹ, ಸರ್ಕಿಟ್ ನಲ್ಲಿ ಎಲ್.ಇ.ಡಿ ಯಾವಾಗಲೂ ಮಿನುಗುತ್ತದೆ.
07:26	ನಾವೀಗ ಸೆವೆನ್-ಸೆಗ್ಮೆಂಟ್ ಡಿಸ್ಪ್ಲೇಗೆ ಸಾಗೋಣ.
07:31	ಸೆವೆನ್ ಸೆಗ್ಮೆಂಟ್ ಡಿಸ್ಪ್ಲೇಯು, ಎಂಟರ ಅಂಕಿಯ ಆಕಾರದಲ್ಲಿ ಅಣಿಗೊಳಿಸಿರುವ ಏಳು ಎಲ್.ಇ.ಡಿ ಗಳನ್ನು ಹೊಂದಿದೆ.
07:38	ಎರಡು ವಿಧದ ಸೆವೆನ್-ಸೆಗ್ಮೆಂಟ್ ಡಿಸ್ಪ್ಲೇಗಳಿವೆ. ಅವೆಂದರೆ ಕಾಮನ್ ಅನೋಡ್ ಮತ್ತು ಕಾಮನ್ ಕ್ಯಾಥೋಡ್ ಸೆವೆನ್ ಸೆಗ್ಮೆಂಟ್ ಡಿಸ್ಪ್ಲೇ.
07:49	ಕಾಮನ್ ಕ್ಯಾಥೋಡ್ ಸೆವೆನ್-ಸೆಗ್ಮೆಂಟ್ ಡಿಸ್ಪ್ಲೇಯಲ್ಲಿ a, b, c, d, e, f, g ಮತ್ತು dot ಪಿನ್ ಗಳು +5 ವೋಲ್ಟ್ಸ್ ಗೆ ಸಂಪರ್ಕ ಹೊಂದಿರಬೇಕು.
08:02	ಎರಡು COM ಪಿನ್ ಗಳು ಗ್ರೌಂಡ್ (GND) ಗೆ ಸಂಪರ್ಕಿಸಿರಬೇಕು.
08:07	ಕಾಮನ್ ಆನೋಡ್ ಡಿಸ್ಪ್ಲೇಯು ಇದಕ್ಕೆ ತದ್ವಿರುದ್ಧವಾಗಿರುತ್ತದೆ.
08:11	ಇಲ್ಲಿ, a, b, c, d, e, f, g ಮತ್ತು dot ಪಿನ್ ಗಳು ಗ್ರೌಂಡ್ ಗೆ ಸಂಪರ್ಕಿಸಿರಬೇಕು. ಮತ್ತು COM ಪಿನ್ ಗಳನ್ನು +5 ವೋಲ್ಟ್ಸ್ ಗೆ ಸಂಪರ್ಕಿಸಿರಬೇಕು.
08:26	ಈಗ, ಸೆವೆನ್-ಸೆಗ್ಮೆಂಟ್ ಡಿಸ್ಪ್ಲೇಯನ್ನು ಬ್ರೆಡ್ ಬೋರ್ಡ್ ನಲ್ಲಿ ಹೇಗೆ ಸಂಪರ್ಕಿಸುವುದು ಮತ್ತು ಎಲ್ಲಾ ಎಲ್.ಇ.ಡಿ ಗಳನ್ನು ಮಿನುಗಿಸುವುದು ಹೇಗೆ ಎಂದು ನೋಡೋಣ.
08:35	ಈ ಚಿತ್ರದಲ್ಲಿ ಬಳಸಿರುವ ಸೆವೆನ್-ಸೆಗ್ಮೆಂಟ್ ಡಿಸ್ಪ್ಲೇಯು ಕಾಮನ್ ಅನೋಡ್ ಆಗಿದೆ.
08:41	ಹೀಗಾಗಿ, ಕಾಮನ್ ಅನೋಡ್ ಅನ್ನು ರೆಸಿಸ್ಟರ್ ಮೂಲಕ 2ನೇ ಪವರ್ ರೇಲ್ ಗೆ ಸಂಪರ್ಕಿಸಲಾಗಿದೆ.
08:48	a, b, c, d, e, f, g, dot ಎಲ್.ಇ.ಡಿ ಪಿನ್ ಗಳನ್ನು 1ನೇ ಪವರ್ ರೇಲ್ ಗೆ ಸಂಪರ್ಕಿಸಲಾಗಿದೆ.
08:56	ಸಂಪರ್ಕ ಸರಿ ಇದ್ದರೆ, ಎಲ್ಲಾ ಎಲ್.ಇ.ಡಿ ಗಳು ಮಿನುಗುವುದನ್ನು ನಾವು ನೋಡಬಹುದು.
09:02	ಲೈವ್ ಸೆಟಪ್ ಸಂಪರ್ಕವನ್ನು ನಾವು ನೋಡೋಣ.
09:05	ಸೆವೆನ್ ಸೆಗ್ಮೆಂಟ್ ಡಿಸ್ಪ್ಲೇಯಲ್ಲಿ ಎಲ್ಲಾ ವಿಭಾಗಗಳು ಮಿನುಗುತ್ತಿರುವುದನ್ನು ನಾವು ನೋಡಬಹುದು.
09:11	ಇದರೊಂದಿಗೆ ಈ ಟ್ಯುಟೋರಿಯಲ್ ನ ಕೊನೆಯ ಹಂತಕ್ಕೆ ನಾವು ತಲುಪಿದ್ದೇವೆ. ನಾವೀಗ ಸಂಕ್ಷೇಪಿಸೋಣ.
09:17	ಈ ಟ್ಯುಟೋರಿಯಲ್ ನಲ್ಲಿ ನಾವು ಬ್ರೆಡ್ ಬೋರ್ಡ್ ಮತ್ತು ಇದರ ಆಂತರಿಕ ಸಂಪರ್ಕಗಳು,
09:24	ಬ್ರೆಡ್ ಬೋರ್ಡ್ ನಲ್ಲಿ ಎಲ್.ಇ.ಡಿ, ಬ್ರೆಡ್ ಬೋರ್ಡ್ ನಲ್ಲಿ ಪುಶ್ ಬಟನ್ ಮತ್ತು ಸೆವೆನ್ ಸೆಗ್ಮೆಂಟ್ ಡಿಸ್ಪ್ಲೇ ಕಲಿತೆವು.
09:33	ಈ ಕೆಳಗಿನ ಲಿಂಕ್ ನಲ್ಲಿ ಇರುವ ವೀಡಿಯೊ, ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್ ಅನ್ನು ವಿವರಿಸುತ್ತದೆ. ದಯವಿಟ್ಟು ಇದನ್ನು ಡೌನ್ಲೋಡ್ ಮಾಡಿ ವೀಕ್ಷಿಸಿ.
09:41	ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್ ತಂಡವು ಕಾರ್ಯಾಗಾರಗಳನ್ನು ನಡೆಸುತ್ತದೆ ಮತ್ತು ಪ್ರಮಾಣಪತ್ರಗಳನ್ನು ನೀಡುತ್ತದೆ. ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ನಮಗೆ ಬರೆಯಿರಿ.
09:51	ಈ ಸ್ಪೋಕನ್ ಟ್ಯುಟೋರಿಯಲ್ ಕುರಿತು ನಿಮಗೆ ಏನಾದರೂ ಪ್ರಶ್ನೆಗಳಿವೆಯೇ? ದಯವಿಟ್ಟು ಈ ಸೈಟ್ ಗೆ ಭೇಟಿ ನೀಡಿ.
09:57	ನಿಮಗೆ ಪ್ರಶ್ನೆ ಇರುವಲ್ಲಿ ನಿಮಿಷ ಮತ್ತು ಸೆಕೆಂಡನ್ನು ಆರಿಸಿ. ನಿಮ್ಮ ಪ್ರಶ್ನೆಯನ್ನು ಸಂಕ್ಷಿಪ್ತವಾಗಿ ವಿವರಿಸಿ.
10:04	ನಮ್ಮ ತಂಡದಿಂದ ಯಾರಾದರೂ ಒಬ್ಬರು ಅದಕ್ಕೆ ಉತ್ತರ ನೀಡುತ್ತಾರೆ.
10:07	ಸ್ಪೋಕನ್ ಟ್ಯುಟೋರಿಯಲ್ ಫೋರಂ, ಈ ಟ್ಯುಟೋರಿಯಲ್ ಕುರಿತು ನಿರ್ದಿಷ್ಟ ಪ್ರಶ್ನೆಗಳಿಗೆ ಮೀಸಲಾಗಿದೆ. ದಯವಿಟ್ಟು ಅವುಗಳಲ್ಲಿ ಸಂಬಂಧವಿಲ್ಲದ ಮತ್ತು ಸಾಮಾನ್ಯ ಪ್ರಶ್ನೆಗಳನ್ನು ಪೋಸ್ಟ್ ಮಾಡಬೇಡಿ.
10:17	ಇದು ಅಸ್ತವ್ಯಸ್ತತೆಯನ್ನು ಕಡಿಮೆ ಮಾಡಲು ಸಹಕರಿಸಲಿದೆ. ಕಡಿಮೆ ಅಸ್ತವ್ಯಸ್ತತೆಯೊಂದಿಗೆ ನಾವು ಈ ಚರ್ಚೆಯನ್ನು ಕಲಿಕೆಯ ವಸ್ತುವಾಗಿ ಬಳಸಬಹುದು.
10:26	‘ಸ್ಪೋಕನ್ ಟ್ಯುಟೋರಿಯಲ್’ ಪ್ರೊಜೆಕ್ಟ್, NMEICT, MHRD, ಭಾರತ ಸರ್ಕಾರದ ನೆರವು ಪಡೆದಿದೆ. ಈ ಲಿಂಕ್ ನಲ್ಲಿ ಈ ಮಿಶನ್ ಕುರಿತ ಹೆಚ್ಚಿನ ಮಾಹಿತಿ ಲಭ್ಯ.
10.37	ಈ ಸ್ಕ್ರಿಪ್ಟ್ ನ ಅನುವಾದಕರು ಮಂಗಳೂರಿನಿಂದ ಮೆಲ್ವಿನ್ ಮತ್ತು ಧ್ವನಿ ಶ್ರೀ ನವೀನ್ ಭಟ್, ಉಪ್ಪಿನಪಟ್ಟಣ. ಧನ್ಯವಾದಗಳು.

Contributors and Content Editors

Melkamiyar, Sandhya.np14