Spoken-Tutorial-Technology/C2/Editing-using-Audacity/Kannada

Time	Narration
00:01	ನಮಸ್ಕಾರ. Editing using Audacity ಕುರಿತು ಇರುವ ಈ ಸ್ಪೋಕನ್ ಟ್ಯುಟೋರಿಯಲ್ ಗೆ ನಿಮಗೆ ಸ್ವಾಗತ.
00:08	ಈ ಟ್ಯುಟೋರಿಯಲ್, ಒಂದು ಆಡಿಯೋ ಫೈಲ್ ಅನ್ನು ಹೇಗೆ ಎಡಿಟ್ ಮಾಡುವುದೆಂದು ವಿವರಿಸುವುದು.
00:14	ನಾವು: ಓಡಾಸಿಟೀ ಯಲ್ಲಿ ಆಡಿಯೋ ಫೈಲ್ ಅನ್ನು ಹೇಗೆ ತೆರೆಯುವುದು
00:16	ಸ್ಟೀರಿಯೋ ಫೈಲ್ ಅನ್ನು ಮೋನೊ ಗೆ (mono) ಹೇಗೆ ಪರಿವರ್ತಿಸುವುದು ಲೇಬಲ್ ಗಳನ್ನು ಹೇಗೆ ಲಗತ್ತಿಸುವುದು ಆಡಿಯೋವನ್ನು 'Cut, delete, move' ಮತ್ತು 'amplify' (ಆಂಪ್ಲಿಫೈ) ಹೇಗೆ ಮಾಡುವುದು ಹಿನ್ನಲೆಯಲ್ಲಿಯ ಶಬ್ದವನ್ನು ಹೇಗೆ ಫಿಲ್ಟರ್ (Filter) ಮಾಡುವುದು ಆಡಿಯೋ ಫೈಲ್ ಅನ್ನು ಹೇಗೆ ಸೇವ್ ಮತ್ತು ಎಕ್ಸ್ಪೋರ್ಟ್ ಮಾಡುವುದು ಇತ್ಯಾದಿಗಳನ್ನು ಕಲಿಯುವೆವು.
00:27	ಈ ಟ್ಯುಟೋರಿಯಲ್ ಗಾಗಿ, ನಾನು Ubuntu Linux (ಉಬಂಟು ಲಿನಕ್ಸ್) ಆವೃತ್ತಿ 10.04 ಆಪರೇಟಿಂಗ್ ಸಿಸ್ಟಂ ಮತ್ತು Audacity ಆವೃತ್ತಿ 1.3 ಇವುಗಳನ್ನು ಬಳಸುತ್ತಿದ್ದೇನೆ.
00:36	ಓಡಾಸಿಟಿ' (Audacity),
00:39	* WAV (Windows Wave format)
00:41	* AIFF (Audio Interchange File Format)
00:43	* Sun Au / NeXT
00:46	* RCAM (Institut de Recherce et Coordination Acoustique / Musique)
00:49	* MP3 (MPEG I, layer 3) (export ಗೆ ಪ್ರತ್ಯೇಕ ಎನ್ಕೋಡರ್ ನ ಅಗತ್ಯವಿದೆ. Lame Installation ಅನ್ನು ನೋಡಿ) Ogg Vorbis ಗಳಂತಹ ಅನೇಕ ಆಡಿಯೋ ಫಾರ್ಮ್ಯಾಟ್ ಗಳನ್ನು ಬೆಂಬಲಿಸುತ್ತದೆ.
00:53	ನಾವು Audacity ಗೆ, ಮೇನ್ ಮೆನ್ಯು ಐಟಂ ಮೂಲಕ ಹೀಗೆ ಹೋಗೋಣ. ಕ್ರಮವಾಗಿ 'Applications >> Sound & Video >> Audacity'.
01:04	ಒಂದು 'Audacity Help box' ತೆರೆದುಕೊಳ್ಳುತ್ತದೆ. ನಾವು 'OK' ಯನ್ನು ಕ್ಲಿಕ್ ಮಾಡೋಣ.
01:09	ಒಂದು ಆಡಿಯೋ ಫೈಲ್ ಅನ್ನು ಎಡಿಟ್ ಮಾಡಲು, ಮೊದಲು ನಾವು ಅದನ್ನು Audacity ಯಲ್ಲಿ ಇಂಪೋರ್ಟ್ ಮಾಡಬೇಕು. ಹೀಗೆ ಮಾಡಲು, ಕ್ರಮವಾಗಿ 'File >> Import >> Audio' ಗಳಿಗೆ ಹೋಗಿ.
01:21	ಬ್ರೌಸರ್ ವಿಂಡೋ ತೆರೆದುಕೊಂಡಾಗ, ಎಡಿಟ್ ಮಾಡಬೇಕಾಗಿರುವ ಆಡಿಯೋ ಫೈಲ್ ಗಾಗಿ ಬ್ರೌಸ್ ಮಾಡಿ ಮತ್ತು 'Open' ಮೇಲೆ ಕ್ಲಿಕ್ ಮಾಡಿ.
01:31	Audacity ವಿಂಡೋನಲ್ಲಿ ಫೈಲ್ ತೆರೆದುಕೊಳ್ಳುತ್ತದೆ.
01:36	ಕ್ರಮವಾಗಿ 'File >> Save Project As' ಗಳ ಮೇಲೆ ಕ್ಲಿಕ್ ಮಾಡಿ, ಈ ಫೈಲ್ ಅನ್ನು 'a u p' ಫೈಲ್ (i.e. Audacity project File) ನ ಹಾಗೆ ಸೇವ್ ಮಾಡಿ.
01:47	ಈಗ ತೆರೆದುಕೊಳ್ಳುವ ಬಾಕ್ಸ್ ನಲ್ಲಿ 'OK' ಯನ್ನು ಕ್ಲಿಕ್ ಮಾಡಿ.
01:51	ನಿಮ್ಮ ಫೈಲ್ ಗೆ ಒಂದು ಹೆಸರನ್ನು ಕೊಡಿ. ಇಲ್ಲಿ ನಾವು “Editing in Audacity” ಎಂದು ಟೈಪ್ ಮಾಡುವೆವು.
01:55	ಫೋಲ್ಡರ್ ಅನ್ನು ಚೆಕ್ ಮಾಡಿ ಮತ್ತು 'Save' ಮೇಲೆ ಕ್ಲಿಕ್ ಮಾಡಿ.
02:00	'Copy All Audio into Project (safer)' ಎಂಬ ಆಯ್ಕೆಯನ್ನು ಆರಿಸಿಕೊಳ್ಳಿ.
02:05	ಇದು, ಎಲ್ಲ ಓಡಾಸಿಟೀ ಪ್ರೊಜೆಕ್ಟ್ ಡೇಟಾ ಫೈಲ್ ಗಳನ್ನು ಒಳಗೊಂಡಿರುವ ಒಂದು ಫೋಲ್ಡರ್ ಅನ್ನು ತಯಾರಿಸುತ್ತದೆ.
02:11	'ಟ್ರ್ಯಾಕ್'ಗಳನ್ನು ನೋಡಿ. ಒಂದುವೇಳೆ ಟ್ರ್ಯಾಕ್ ಒಂದೇ ಒಂದು ಇದ್ದರೆ, ಆಗ ಆಡಿಯೋ 'MONO' (ಮೋನೊ) ದಲ್ಲಿ ಇರುತ್ತದೆ.
02:16	ಇದನ್ನು ಎಡಭಾಗದ ಪ್ಯಾನೆಲ್ ನ ಮೇಲೆ 'Label' ನಲ್ಲಿ ಸಹ ಉಲ್ಲೇಖಿಸಲಾಗುವುದು.
02:21	ಈಗ, ನಾವು ಇನ್ನೊಂದು ಆಡಿಯೋ ಫೈಲ್ ಅನ್ನು ತೆರೆಯೋಣ.
02:35	ಒಂದುವೇಳೆ ಇಲ್ಲಿ 2 ಟ್ರ್ಯಾಕ್ ಗಳಿದ್ದರೆ, ಆಗ ಆಡಿಯೋ 'STEREO' ನಲ್ಲಿ ಇರುತ್ತದೆ. ಮತ್ತೆ, ಎಡಭಾಗದ ಪ್ಯಾನೆಲ್ ನ ಮೇಲೆ 'Label' ನಲ್ಲಿ ಇದನ್ನು ಉಲ್ಲೇಖಿಸಲಾಗುವುದು.
02:45	ಒಂದು ಟ್ರ್ಯಾಕ್ ಅನ್ನು ಸಂಪೂರ್ಣವಾಗಿ ತೆಗೆದುಹಾಕಲು - ಟ್ರ್ಯಾಕ್ ಅನ್ನು ಆಯ್ಕೆಮಾಡಿ, 'Tracks' ಟ್ಯಾಬ್ ನ ಮೇಲೆ ಕ್ಲಿಕ್ ಮಾಡಿ ಮತ್ತು 'Remove Tracks' ಅನ್ನು ಆಯ್ಕೆಮಾಡಿ.
02:59	ಪರ್ಯಾಯವಾಗಿ, ಎಡತುದಿಯಲ್ಲಿ 'X' ನ ಮೇಲೆ ಕ್ಲಿಕ್ ಮಾಡಿ ಟ್ರ್ಯಾಕ್ ಗಳನ್ನು ಡಿಲೀಟ್ ಮಾಡಿ.
03:04	ಒಂದುವೇಳೆ ಆಡಿಯೋ ಫೈಲ್ 'stereo' ಮೋಡ್ ನಲ್ಲಿದ್ದರೆ, ಹಾಗೂ ಸ್ಟೀರಿಯೋ ಔಟ್ಪುಟ್ ಬೇಡವಾಗಿದ್ದರೆ, ಆಗ ನಾವು ಮೋಡ್ ಅನ್ನು 'mono' ಗೆ ಪರಿವರ್ತಿಸಬಹುದು.
03:12	ಇದನ್ನು ಮಾಡಲು, 'Tracks' ಟ್ಯಾಬ್ ಗೆ ಹೋಗಿ ಮತ್ತು 'Mix and Render' ಅನ್ನು ಆಯ್ಕೆಮಾಡಿ.
03:20	ಈಗ, ಆಡಿಯೋ ಫೈಲ್ ನ ಎಡಗಡೆ, ಪ್ಯಾನೆಲ್ ನ ಮೇಲೆ ಡ್ರಾಪ್-ಡೌನ್ ಆರೋದ ಮೇಲೆ ಕ್ಲಿಕ್ ಮಾಡಿ. ಮತ್ತು 'Split stereo to Mono' ಅನ್ನು ಆಯ್ಕೆಮಾಡಿ.
03:30	ಒಂದು ಟ್ರ್ಯಾಕ್ ಅನ್ನು ಡಿಲೀಟ್ ಮಾಡಿ.
03:35	ಒಂದು ಫೈಲ್ ನಲ್ಲಿ, ಝೂಮ್-ಇನ್ ಅಥವಾ ಝೂಮ್-ಔಟ್ ಮಾಡಲು - ಫೈಲ್ ನಲ್ಲಿ, ನಿಮಗೆ ಝೂಮ್ ಮಾಡಬೇಕಾಗಿರುವಲ್ಲಿ ಕರ್ಸರ್ ಅನ್ನು ಕ್ಲಿಕ್ ಮಾಡಿ ಮತ್ತು 'Edit' ಪ್ಯಾನೆಲ್ ನಲ್ಲಿ zoom-in ಅಥವಾ zoom-out ಬಟನ್ ನ ಮೇಲೆ ಕ್ಲಿಕ್ ಮಾಡಿ.
03:52	ಪರ್ಯಾಯವಾಗಿ, ನಿಮಗೆ ಝೂಮ್-ಇನ್ ಅಥವಾ ಝೂಮ್-ಔಟ್ ಮಾಡಬೇಕಾದ ಫೈಲ್ ನ ಭಾಗದ ಮೇಲೆ ಕರ್ಸರ್ ಅನ್ನು ಇರಿಸಿ.
04:03	ಈಗ, 'Ctrl' ಕೀಯನ್ನು ಕೆಳಗೆ ಒತ್ತಿ ಮತ್ತು ಝೂಮ್-ಇನ್ ಅಥವಾ ಝೂಮ್-ಔಟ್ ಮಾಡಲು ನಿಮ್ಮ ಮೌಸ್ ನ ಸ್ಕ್ರೋಲ್-ವ್ಹೀಲ್ ಅನ್ನು ಬಳಸಿ.
04:19	ಒಂದು ಆಡಿಯೋ ಫೈಲ್ ನಲ್ಲಿ- ಬೇಡವಾದ ಭಾಗಗಳನ್ನು ತೆಗೆದುಹಾಕಲು 'ಕಟ್' (cut) ಮಾಡಬಹುದು. ಕಾಪಿ, ಪೇಸ್ಟ್, ಡಿಲೀಟ್ ಮಾಡಬಹುದು ಮತ್ತು ಕೆಲವು ವಿಶಿಷ್ಟ ಪರಿಣಾಮಗಳನ್ನು ಬಳಸಬಹುದು.
04:29	ಫೈಲ್ ನ ಗಾತ್ರವನ್ನು ಸಹ ಹೆಚ್ಚು ಅಥವಾ ಕಡಿಮೆ ಮಾಡಬಹುದು.
04:35	ಎಡಿಟ್ ಮಾಡುವ ಮೊದಲು, ಯಾವಾಗಲೂ, ಪೂರ್ತಿ ಆಡಿಯೋ ಫೈಲ್ ಅನ್ನು ಆಲಿಸಿ. ಕೇಳುತ್ತಿರುವಂತೆಯೇ, ನಿಮಗೆ ಭಾಗಗಳನ್ನು ಲೇಬಲ್ ಮಾಡಬೇಕಾಗಬಹುದು. ಇದರಿಂದ ನಂತರ ರೆಫರೆನ್ಸ್ ಮಾಡುವುದು ಸುಲಭವಾಗುತ್ತದೆ.
04:44	ಇದನ್ನು ಮಾಡಲು, 'Tracks >> Add New' ಮತ್ತು 'Label Track' ಗಳ ಮೇಲೆ ಕ್ಲಿಕ್ ಮಾಡಿ ಒಂದು ಲೇಬಲ್ ಟ್ರ್ಯಾಕ್ ಅನ್ನು ಸೇರಿಸಿ.
04:56	ಒಂದು ಪಾಯಿಂಟ್ ನಲ್ಲಿ ಲೇಬಲ್ ಅನ್ನು ಸೇರಿಸಲು, ಕರ್ಸರ್ ನಿಂದ ಪಾಯಿಂಟ್ ಅನ್ನು ಆಯ್ಕೆಮಾಡಿ, 'Tracks' ಟ್ಯಾಬ್ ಗೆ ಹೋಗಿ
05:05	ಮತ್ತು 'Add Label At Selection' ಅನ್ನು ಆಯ್ಕೆಮಾಡಿ.
05:08	ನೀವು ಲೇಬಲ್ ನ ಒಳಗಡೆ ಟೈಪ್ ಮಾಡಬಹುದು.
05:16	ಪರ್ಯಾಯವಾಗಿ, ಈ ಪಾಯಿಂಟ್ ನಲ್ಲಿ ಕ್ಲಿಕ್ ಮಾಡಿ,
05:24	'Ctrl +B' ಯನ್ನು ಒತ್ತಿ.
05:28	ಇದು ಮೊದಲನೆಯ ಸಲ ಒಂದು ಹೊಸ ಲೇಬಲ್ ಟ್ರ್ಯಾಕ್ ಅನ್ನು ತೆರೆಯುತ್ತದೆ.
05:32	ಕ್ರಮಾನುಗತ 'Ctrl+B', ಇದೇ ಟ್ರ್ಯಾಕ್ ನ ಮೇಲೆ ಹೊಸ ಲೇಬಲ್ ಗಳನ್ನು ತೆರೆಯುವುದು.
05:47	ಟೈಮ್-ಲೈನ್ ನ ಮೇಲೆ ಕರ್ಸರ್ ಅನ್ನು ಇರಿಸಿದಲ್ಲಿ ಒಂದು ಲೇಬಲ್ ತೆರೆದುಕೊಳ್ಳುವುದು.
05:53	ಪ್ರತಿಯೊಂದು ಹೊಸ ಲೇಬಲ್ ಗಾಗಿ, ಬೇಕಾದಲ್ಲೆಲ್ಲ ಕರ್ಸರ್ ಅನ್ನು ಇರಿಸಿ ಮತ್ತು 'Ctrl+B' ಯನ್ನು ಒತ್ತಿ.
06:07	'ಲೇಬಲ್' ಗಳನ್ನು ಸ್ಥಳಾಂತರಿಸಲೂಬಹುದು.
06:15	ಲೇಬಲ್ ಗಳನ್ನು ತೆಗೆದುಹಾಕಲು, ಟೆಕ್ಸ್ಟ್-ಬಾಕ್ಸ್ ನ ಒಳಗೆ ಕ್ಲಿಕ್ ಮಾಡಿ ಮತ್ತು ಲೇಬಲ್ ಡಿಲೀಟ್ ಆಗುವವರೆಗೆ 'ಬ್ಯಾಕ್-ಸ್ಪೇಸ್' ಅನ್ನು ಒತ್ತಿ.
06:27	ಇದನ್ನು ಮಾಡುವ ಇನ್ನೊಂದು ವಿಧಾನ ಹೀಗಿದೆ. ಕ್ರಮವಾಗಿ 'Tracks >> Edit Labels' ಗಳಿಗೆ ಹೋಗಿ.
06:34	ಪಟ್ಟಿಮಾಡಿದ ಎಲ್ಲ ಲೇಬಲ್ ಗಳೊಂದಿಗೆ ಒಂದು ವಿಂಡೋ ಕಾಣಿಸಿಕೊಳ್ಳುವುದು. ತೆಗೆದುಹಾಕಬೇಕಾಗಿರುವ ಲೇಬಲ್ ಗಳನ್ನು ಆಯ್ಕೆಮಾಡಿ ಹಾಗೂ 'Remove' ಬಟನ್ ನ ಮೇಲೆ ಕ್ಲಿಕ್ ಮಾಡಿ ಡಿಲೀಟ್ ಮಾಡಬಹುದು.
06:46	'OK' ಯನ್ನು ಕ್ಲಿಕ್ ಮಾಡಿ.
06:55	ಒಮ್ಮೆ ಅಥವಾ ಹಲವು ಬಾರಿ ಇಡೀ ಆಡಿಯೋ ಫೈಲ್ ಅನ್ನು ಕೇಳಿದ ನಂತರ, ಎಡಿಟ್ ಅನ್ನು ಯಾವ ರೀತಿಯಲ್ಲಿ ಮಾಡಬೇಕು ಎಂಬುದನ್ನು ನಿರ್ಧರಿಸಬಹುದು. ಅವಶ್ಯಕತೆಗೆ ತಕ್ಕಂತೆ ಫೈಲ್ ನ ಕೆಲವು ಭಾಗಗಳನ್ನು ಡಿಲೀಟ್ ಮಾಡಬಹುದು ಅಥವಾ ಸ್ಥಳಾಂತರಿಸಬಹುದು.
07:07	ಪರಿಚಯ, ವಿವರ (body) ಮತ್ತು ತೀರ್ಮಾನ (conclusion) ಗಳಿಗೆ ಸೂಕ್ತವಾದುದನ್ನು ಆಧರಿಸಿ 'edit' ಅನ್ನು ರೂಪಿಸಿ.
07:15	ಪುನರಾವರ್ತಿಸಿರುವುದನ್ನು ಮತ್ತು ಕೆಟ್ಟದಾಗಿರುವ ಧ್ವನಿಯನ್ನು ತೆಗೆದುಹಾಕಿ. ಮೆಸೇಜ್ ನ ಪ್ರಭಾವವನ್ನು ಹೆಚ್ಚಿಸಲು ಪರಿಣಾಮಗಳನ್ನು (effects) ಬಳಸಬಹುದು.
07:21	ಮಾತಿನ ಜೊತೆಗೆ ಅತಿಕ್ರಮಿಸದೇ ಇರುವ ಉಗ್ಗುವ ಮತ್ತು ಕೆಮ್ಮುಗಳಂತಹ ಬೇಡವಾದ ಶಬ್ದಗಳನ್ನು, ಪುನರಾವರ್ತನೆಗಳನ್ನು ಮತ್ತು ದೀರ್ಘ ಮೌನಗಳನ್ನು ತೆಗೆದುಹಾಕಬಹುದು.
07:32	ಡಿಲೀಟ್ ಮಾಡಲು- 'Selection Tool' ಅನ್ನು ಆಯ್ಕೆಮಾಡಿ ಮತ್ತು ಲೆಫ್ಟ್-ಕ್ಲಿಕ್ ಮಾಡಿ ಡಿಲೀಟ್ ಮಾಡಬೇಕಾಗಿರುವ ಆಡಿಯೋದ ಭಾಗವನ್ನು ಆಯ್ಕೆಮಾಡಿ. ಡ್ರ್ಯಾಗ್ ಮಾಡಿ ಮತ್ತು ರಿಲೀಸ್ ಮಾಡಿ. ಆಡಿಯೋದ ಆ ಭಾಗವನ್ನು ತೆಗೆದುಹಾಕಲು 'Delete' ಅನ್ನು ಒತ್ತಿ.
07:50	ಆಡಿಯೋದ ಒಂದು ಭಾಗವನ್ನು (segment) ಇನ್ನೊಂದೆಡೆಗೆ ಸ್ಥಳಾಂತರಿಸಲು - ಆಡಿಯೋದ ಸರಿಸಬೇಕಾದ ಭಾಗವನ್ನು ಲೆಫ್ಟ್-ಕ್ಲಿಕ್ ಮಾಡಿ ಆಯ್ಕೆಮಾಡಿ. ಡ್ರ್ಯಾಗ್ ಮಾಡಿ ಮತ್ತು ರಿಲೀಸ್ ಮಾಡಿ. ಆಮೇಲೆ ಆ ಭಾಗವನ್ನು ಕೀಬೋರ್ಡ್ ಶಾರ್ಟ್ಕಟ್ 'Ctrl+X' ಅನ್ನು ಬಳಸಿ ಕಟ್ ಮಾಡಿ.
08:07	ನಾವು 'Edit' ಟೂಲ್ಸ್ ಪ್ಯಾನೆಲ್ ನಲ್ಲಿ, 'Cut' ಬಟನ್ ನ ಮೇಲೆ ಕ್ಲಿಕ್ ಮಾಡಬಹುದು ಅಥವಾ 'Edit >> Cut' ಆಯ್ಕೆಯ ಮೇಲೆ ಸಹ ಕ್ಲಿಕ್ ಮಾಡಬಹುದು.
08:22	ಆಡಿಯೋದ ಭಾಗವನ್ನು ತೆಗೆದುಕೊಂಡು ಹೋಗಬೇಕಾದ ಜಾಗಕ್ಕೆ ಕರ್ಸರ್ ಅನ್ನು ಸರಿಸಿ.
08:31	ಅಲ್ಲಿ ಕ್ಲಿಕ್ ಮಾಡಿ ಮತ್ತು ಆಡಿಯೋ ಭಾಗವನ್ನು (segment) ಪೇಸ್ಟ್ ಮಾಡಿ.
08:33	ಇದನ್ನು ಕೀಬೋರ್ಡ್ ಶಾರ್ಟ್ಕಟ್ 'Ctrl+V' ಅಥವಾ 'Paste' ಬಟನ್ ಗಳಿಂದ
08:40	'Edit' ಟೂಲ್ಸ್ ಪ್ಯಾನೆಲ್ ನಲ್ಲಿ ಅಥವಾ
08:47	'Edit >> Paste' ಆಯ್ಕೆಯಿಂದ ಮಾಡಬಹುದು.
08:52	ಜೋರಾಗಿ ಕೇಳಿಸುವ ಶ್ವಾಸವನ್ನು ಕಡಿಮೆ ಮಾಡಲು: ಆಡಿಯೋ ಸ್ಟ್ರೀಮ್ ನಲ್ಲಿಯ ಶ್ವಾಸದ ಭಾಗವನ್ನು ಆಯ್ಕೆಮಾಡಿ.
09:14	ಲೆಫ್ಟ್-ಕ್ಲಿಕ್ ಮಾಡಿ, ಡ್ರ್ಯಾಗ್ ಮಾಡಿ ಮತ್ತು ರಿಲೀಸ್ ಮಾಡಿ.
09:17	'Effect >> Amplify' ಗಳಿಗೆ ಹೋಗಿ.
09:26	ನಿಮಗೆ ಶಬ್ದವನ್ನು ಎಷ್ಟು ಕಡಿಮೆ ಮಾಡಬೇಕಾಗಿದೆಯೋ ಅದಕ್ಕೆ ಅನುಸಾರವಾಗಿ 'Amplification' ಬಾಕ್ಸ್ ನಲ್ಲಿ -5 ಅಥವಾ -7 ಅಥವಾ ಅದಕ್ಕಿಂತ ದೊಡ್ದದನ್ನು ನಮೂದಿಸಿ. ಮತ್ತು 'OK' ಯನ್ನು ಕ್ಲಿಕ್ ಮಾಡಿ.
09:43	ಮೆತ್ತಗೆ ರೆಕಾರ್ಡ್ ಮಾಡಲಾದ ಭಾಗಗಳ ವಾಲ್ಯೂಮ್ ಅನ್ನು ಹೆಚ್ಚಿಸಲು, ಆಡಿಯೋವನ್ನು ಆಯ್ಕೆಮಾಡಿ. ಕ್ರಮವಾಗಿ 'Effect >> Amplify' ಗಳಿಗೆ ಹೋಗಿ.
09:56	ಈಗಾಗಲೇ ಅಲ್ಲಿ ನೀವು ಒಂದು ವ್ಯಾಲ್ಯೂಅನ್ನು ನೋಡುವಿರಿ. ಈ ವ್ಯಾಲ್ಯೂ, ಈ ಫೈಲ್ ಗಾಗಿ ಅತ್ಯುತ್ತಮ ಆಂಪ್ಲಿಫಿಕೇಶನ್ (amplification) ಆಗಿದೆ. ನೀವು ನಿಮಗೆ ಬೇಕಾದ ಪ್ರಮಾಣವನ್ನು ಸಹ ನಮೂದಿಸಬಹುದು.
10:12	'OK' ಯನ್ನು ಕ್ಲಿಕ್ ಮಾಡಿ.
10:15	ಒಂದುವೇಳೆ, 'OK' ಬಟನ್ ಸಕ್ರಿಯವಾಗಿರದಿದ್ದರೆ, 'Allow Clipping' ಎಂಬ ಆಯ್ಕೆಯನ್ನು ಚೆಕ್ ಮಾಡಿ.
10:34	ಗೊಂದಲದ ಹಿನ್ನೆಲೆ ಶಬ್ದಗಳನ್ನು ಫಿಲ್ಟರ್ ಮಾಡಲು, ಟ್ರ್ಯಾಕ್ ನ ಮೇಲೆ ಶಬ್ದದ ನಮೂನೆಯೊಂದಿಗೆ ಒಂದು ಭಾಗವನ್ನು ಆಯ್ಕೆಮಾಡಿ.
10:47	ಧ್ವನಿಯಿರದ ಒಂದು ಭಾಗವನ್ನು ಆಯ್ಕೆಮಾಡಲು ನೆನಪಿಡಿ.
10:55	ಈಗ, ಕ್ರಮವಾಗಿ 'Effect >> Noise Removal' ಗಳ ಮೇಲೆ ಕ್ಲಿಕ್ ಮಾಡಿ.
10:59	'Get Noise Profile' ಮೇಲೆ ಕ್ಲಿಕ್ ಮಾಡಿ.
11:02	ಇದು ಫಿಲ್ಟರ್ ಮಾಡಬೇಕಾದ ಶಬ್ದದ ನಮೂನೆಯನ್ನು (noise sample) ಗುರುತಿಸುವುದು.
11:06	ಈಗ, ಆಡಿಯೋ ಟ್ರ್ಯಾಕ್ ನ ಮೇಲೆ ಎಲ್ಲಿಯಾದರೂ ಕ್ಲಿಕ್ ಮಾಡಿ, ಪೂರ್ತಿ ಟ್ರ್ಯಾಕ್ ಅನ್ನು ಆಯ್ಕೆಮಾಡಿ.
11:11	ಮತ್ತೊಮ್ಮೆ, ಕ್ರಮವಾಗಿ 'Effect >> Noise Removal' ಗಳ ಮೇಲೆ ಕ್ಲಿಕ್ ಮಾಡಿ.
11:16	'Noise Reduction Level' ಅನ್ನು ಆರಿಸಿಕೊಳ್ಳಿ.
11:26	ಸಪ್ಪಳವನ್ನು ಸಹಿಸಬಹುದಾದ ಮಟ್ಟಕ್ಕೆ ಕಡಿಮೆಮಾಡಬಲ್ಲ ಅತ್ಯಂತ ಕಡಿಮೆ ವ್ಯಾಲ್ಯೂಅನ್ನು ಬಳಸಿ.
11:31	ಹೆಚ್ಚಿನ ವ್ಯಾಲ್ಯೂಗಳು ಸಪ್ಪಳವನ್ನು ಸಂಪೂರ್ಣವಾಗಿ ತೆಗೆದುಹಾಕುವವು. ಆದರೆ ಉಳಿದುಕೊಂಡ ಆಡಿಯೋದ ತಿರುಚುವಿಕೆಯು (distortion) ಪರಿಣಮಿಸುವುದು.
11:37	ನಾವು 'OK' ಯನ್ನು ಕ್ಲಿಕ್ ಮಾಡೋಣ.
11:44	ಆಡಿಯೋವನ್ನು, ಬಾಕ್ಸ್ ನಲ್ಲಿ ಶಿಫಾರಸು ಮಾಡಿದ ವ್ಯಾಲ್ಯೂಗಿಂತ ಬಹಳ ಹೆಚ್ಚು ಆಂಪ್ಲಿಫೈ (amplify) ಮಾಡದಿರುವುದು ಸೂಕ್ತ. ಏಕೆಂದರೆ, ಆಂಪ್ಲಿಫಿಕೇಶನ್ (amplification) ಸಹ ಹಿನ್ನೆಲೆ ಸಪ್ಪಳವನ್ನು ಹೆಚ್ಚಿಸುತ್ತದೆ.
11:54	ಪಿಸುಗುಟ್ಟುವುದು ಹಾಗೂ ಗುಂಯ್ಗುಡುವುದು ಸಹ ಹೆಚ್ಚು ಎದ್ದುಕಾಣುವುದು.
11:57	ಪ್ರೊಜೆಕ್ಟ್ ಫೈಲ್ ಅನ್ನು ನಿಯಮಿತವಾಗಿ ಸೇವ್ ಮಾಡಿ.
12:00:	ಕೊನೆಯದಾಗಿ, ಫೈನಲ್ ಪ್ರೊಜೆಕ್ಟ್ ಅನ್ನು 'wav, mp3' ಗಳಂತಹ ಬೇಕಾದ ಆಡಿಯೋ ಫಾರ್ಮ್ಯಾಟ್ ಗೆ ಎಕ್ಸ್ಪೋರ್ಟ್ ಮಾಡಿ.
12:09	ಹಿಂದಿನ ಟ್ಯುಟೋರಿಯಲ್ ನಲ್ಲಿ ಈ ಭಾಗವನ್ನು ನಾವು ಈಗಾಗಲೇ ವಿವರಿಸಿದ್ದೇವೆ. ದಯವಿಟ್ಟು ವಿವರಗಳಿಗಾಗಿ ಅದನ್ನು ನೋಡಿ.
12:17	ಈ ಟ್ಯುಟೋರಿಯಲ್ ನಲ್ಲಿ ಇರುವುದು ಇಷ್ಟೇ. ನಾವು ಇದರ ಸಾರಾಂಶವನ್ನು ನೋಡೋಣ. ಇದರಲ್ಲಿ, ನಾವು ಓಡಾಸಿಟೀಯನ್ನು ಬಳಸಿ ಎಡಿಟ್ ಮಾಡುವುದನ್ನು -
12;26	ಆಡಿಯೋ ಫೈಲ್ ಅನ್ನು ತೆರೆಯುವುದು ಸ್ಟೀರಿಯೋವನ್ನು ಮೋನೊಗೆ ಪರಿವರ್ತಿಸುವುದು ಝೂಮ್-ಇನ್ ಮತ್ತು ಝೂಮ್-ಔಟ್ ಮಾಡುವುದು ಲೇಬಲ್ ಗಳನ್ನು ಲಗತ್ತಿಸುವುದು
12:35	* 'Structure' ಹಾಗೂ ಎಡಿಟ್ ಮಾಡುವುದು ಆಡಿಯೋವನ್ನು 'Cut, delete, move' ಮಾಡುವುದು ಆಡಿಯೋವನ್ನು 'Amplify' ಮಾಡುವುದು ಹಿನ್ನೆಲೆಯ ಶಬ್ದವನ್ನು 'ಫಿಲ್ಟರ್' ಮಾಡುವುದು ಇತ್ಯಾದಿಗಳನ್ನು ಕಲಿತಿದ್ದೇವೆ.
12:50	ಮೇಲೆ ಹೇಳಿದ ಸಲಹೆಗಳನ್ನು ಬಳಸಿಕೊಂಡು, ಮೊದಲನೆಯ ಟ್ಯುಟೋರಿಯಲ್ ನಲ್ಲಿ ನೀವು ರೆಕಾರ್ಡ್ ಮಾಡಿದ ಆಡಿಯೋವನ್ನು ಎಡಿಟ್ ಮಾಡಿ.
12:55	ಅವಶ್ಯವಿದ್ದಲ್ಲಿ fade-out ಹಾಗೂ fade-in ಗಳನ್ನು ಬಳಸಿರಿ.
13:01	ಕೆಳಗೆ ತೋರಿಸಿದ ಲಿಂಕ್ ನಲ್ಲಿ ಲಭ್ಯವಿರುವ ವೀಡಿಯೋ, ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್ ನ ಸಾರಂಶವಾಗಿದೆ.
13:06	http://spoken-tutorial.org/What_is_a_Spoken_Tutorial
13:10	ನಿಮಗೆ ಒಳ್ಳೆಯ ಬ್ಯಾಂಡ್ವಿಡ್ತ್ ಸಿಗದಿದ್ದರೆ, ನೀವು ಇದನ್ನು ಡೌನ್ಲೋಡ್ ಮಾಡಿ ನೋಡಬಹುದು.
13:15	'ಸ್ಪೋಕನ್ ಟ್ಯುಟೋರಿಯಲ್' ತಂಡವು: * 'ಸ್ಪೋಕನ್ ಟ್ಯುಟೋರಿಯಲ್' ಗಳನ್ನು ಬಳಸಿ ಕಾರ್ಯಶಾಲೆಗಳನ್ನು ನಡೆಸುತ್ತದೆ.
13:20	* ಆನ್-ಲೈನ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ ಪ್ರಮಾಣಪತ್ರವನ್ನು ಕೊಡುತ್ತದೆ.
13:25	ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು ಈ ಕೆಳಗಿನ ಲಿಂಕ್ ಗೆ ಸಂಪರ್ಕಿಸಿ: contact@spoken-tutorial.org
13:30	'ಸ್ಪೋಕನ್ ಟ್ಯುಟೋರಿಯಲ್' ಪ್ರಕಲ್ಪವು, 'ಟಾಕ್ ಟು ಎ ಟೀಚರ್' (Talk to a Teacher) ಪ್ರಕಲ್ಪದ ಒಂದು ಭಾಗವಾಗಿದೆ.
13:35	ಈ ಪ್ರಕಲ್ಪವು ರಾಷ್ಟ್ರೀಯ ಸಾಕ್ಷರತಾ ಮಿಷನ್, ICT, MHRD, ಭಾರತ ಸರ್ಕಾರದ ಅನುದಾನವನ್ನು ಪಡೆದಿದೆ.
13:42	ಈ ಮಿಷನ್ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ಕೆಳಗಿನ ಲಿಂಕ್ ಅನ್ನು ನೋಡಿ. http://spoken-tutorial.org/NMEICT-Intro.
13:55	ಇದರೊಂದಿಗೆ ನಾವು ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿದ್ದೇವೆ.
13:58	ಧನ್ಯವಾದಗಳು.
14:01	IIT Bombayಯಿಂದ, ಈ ಸ್ಕ್ರಿಪ್ಟ್ ನ ಅನುವಾದಕಿ ಸಂಧ್ಯಾ ಪುಣೇಕರ್ ಹಾಗೂ ಪ್ರವಾಚಕಿ ಗ್ಲೋರಿಯಾ. ಧನ್ಯವಾದಗಳು.

Contributors and Content Editors

Sandhya.np14