C-and-Cpp/C2/Increment-And-Decrement-Operators/Kannada

Time	Narration
00:01	ಸಿ ಮತ್ತು ಸಿ ಪ್ಲಸ್ ಪ್ಲಸ್ (C++) ನಲ್ಲಿ ಇಂಕ್ರಿಮೆಂಟ್ ಮತ್ತು ಡಿಕ್ರಿಮೆಂಟ್ ಆಪರೇಟರ್ ಗಳು ಎಂಬ ಟ್ಯುಟೋರಿಯಲ್ ಗೆ ಸ್ವಾಗತ.
00:08	ಈ ಟ್ಯುಟೋರಿಯಲ್ ನಲ್ಲಿ ನಾವು ಕಲಿಯುವ ಅಂಶಗಳು :
00:10	ಇಂಕ್ರಿಮೆಂಟ್ ಮತ್ತು ಡಿಕ್ರಿಮೆಂಟ್ ಆಪರೇಟರ್ ಗಳು,
00:12	++(ಪ್ಲಸ್ ಪ್ಲಸ್), ಉದಾಹರಣೆಗೆ a++ (ಎ ಪ್ಲಸ್ ಪ್ಲಸ್), ಇದು ಪೋಸ್ಟ್ ಫಿಕ್ಸ್ ಇಂಕ್ರಿಮೆಂಟ್ ಆಪರೇಟರ್
00:18	++a , ಇದು ಪ್ರಿಫಿಕ್ಸ್ ಇಂಕ್ರಿಮೆಂಟ್ ಆಪರೇಟರ್
00:22	(ಮೈನಸ್ ಮೈನಸ್), a- - ಇದು ಪೋಸ್ಟ್ ಫಿಕ್ಸ್ ಡಿಕ್ರಿಮೆಂಟ್ ಆಪರೇಟರ್
00:27	- -a ಇದು ಪ್ರಿಫಿಕ್ಸ್ ಡಿಕ್ರಿಮೆಂಟ್ ಆಪರೇಟರ್.
00:31	ನಾವು ಟೈಪ್ ಕಾಸ್ಟಿಂಗ್ ನ ಬಗ್ಗೆಯೂ ತಿಳಿಯೋಣ.
00:35	ಈ ಟ್ಯುಟೋರಿಯಲ್ ಅನ್ನು ರೆಕಾರ್ಡ್ ಮಾಡುವಾಗ, ನಾನು ಉಬುಂಟು ಆಪರೇಟಿಂಗ್ ಸಿಸ್ಟಮ್ನ11.10 ನೇಆವೃತ್ತಿ ಮತ್ತು gccಮತ್ತುg++ಕಂಪೈಲರ್ನ4.6.1 ನೇಆವೃತ್ತಿಯನ್ನು ಅನ್ನು ಉಪಯೋಗಿಸಿದ್ದೇನೆ.
00:48	++ ಆಪರೇಟರ್, ಆಪರಂಡ್(operand) ನ ಮೌಲ್ಯಕ್ಕೆ ಒಂದನ್ನು ಸೇರಿಸುತ್ತದೆ.
00:54	a++ ಮತ್ತು ++a ಎಂದರೆ, a ಈಸ್ ಏಕ್ವಲ್ ಟು a ಪ್ಲಸ್ ಒಂದು ಎಂದರ್ಥ.
01:00	-- ಆಪರೇಟರ್, ಆಪರಂಡ್ ನ ಮೌಲ್ಯದಲ್ಲಿ ಒಂದನ್ನು ಕಡಿಮೆ ಮಾಡುತ್ತದೆ.
01:06	a- - ಮತ್ತು - -a ಎಂದರೆ, a ಈಸ್ ಏಕ್ವಲ್ ಟು a ಮೈನಸ್ ಒಂದು ಎಂದರ್ಥ.
01:13	ನಾನೀಗ, ಇಂಕ್ರಿಮೆಂಟ್ ಮತ್ತು ಡಿಕ್ರಿಮೆಂಟ್ ಆಪರೇಟರ್ ಗಳನ್ನು ಉಪಯೋಗಿಸುವ ಬಗೆಯನ್ನು c ಪ್ರೊಗ್ರಾಮ್ ನ ಸಹಾಯದಿಂದ ತೋರಿಸುತ್ತೇನೆ.
01:19	ನಾನೀಗಾಗಲೇ ಪ್ರೊಗ್ರಾಮ್ ಅನ್ನು ಬರೆದಿದ್ದೇನೆ, ಹಾಗಾಗಿ ಕೋಡ್ ಅನ್ನು ವಿವರಿಸುತ್ತೇನೆ.
01:25	ಇಂಕ್ರಿಮೆಂಟ್ ಮತ್ತು ಡಿಕ್ರಿಮೆಂಟ್ ಆಪರೇಟರ್ ಗಳನ್ನು c ಯಲ್ಲಿ ಉಪಯೋಗಿಸಲು ಇಲ್ಲಿ ಕೋಡ್ ಇದೆ.
01:30	ಇಲ್ಲಿ, a ಎಂದು ಒಂದು ಇಂಟಿಜರ್ ವೇರಿಯೇಬಲ್ ಅನ್ನು ತೆಗೆದುಕೊಂಡಿದ್ದೇನೆ ಮತ್ತು ಇದರ ಮೌಲ್ಯ ಒಂದು.
01:35	ಈ ರೀತಿಯಾಗಿ, a ನ ಮೌಲ್ಯದಲ್ಲಾಗುವ ಬದಲಾವಣೆಗಳನ್ನು ನಾವು ಗಮನಿಸಬಹುದು.
01:39	ಈ ರೀತಿ ಮಾಡುವುದರಿಂದ, ಆಪರೇಟರ್ ಗಳು ಹೇಗೆ ಕೆಲಸ ಮಾಡುತ್ತವೆ ಎಂಬುದನ್ನು ಸುಲಭವಾಗಿ ತಿಳಿಯಬಹುದು.
01:47	ಪೋಸ್ಟ್ ಫಿಕ್ಸ್ ಇಂಕ್ರಿಮೆಂಟ್ ಆಪರೇಟರ್ ಹೇಗೆ ಕೆಲಸ ಮಾಡುತ್ತದೆ ಎಂದು ನೋಡೋಣ.
01:51	ಈ ಪ್ರಿಂಟ್ ಎಫ್ ಸ್ಟೇಟ್ಮೆಂಟ್ ನ ಔಟ್ ಪುಟ್ ಒಂದು.
01:55	ಮೌಲ್ಯ ಬದಲಾಗುವುದಿಲ್ಲ.
01:57	ಏಕೆಂದರೆ, ಆಪರಂಡ್ ನ ಮೌಲ್ಯವನ್ನು ಪ್ರಿಂಟ್ ಮಾಡಿದ ನಂತರ ಪೋಸ್ಟ್ ಫಿಕ್ಸ್ ಆಪರೇಶನ್ ಆಗುತ್ತದೆ.
02:04	a++ ನ ಮೇಲೆ ಯಾವುದಾದರೂ ಆಪರೇಶನ್ ಮಾಡುವುದಿದ್ದರೆ, ಅದು ಸದ್ಯದ a ಯ ಮೌಲ್ಯದ ಮೇಲೆ ಆಗುತ್ತದೆ.
02:10	ನಂತರ, a ಯ ಮೌಲ್ಯ ಹೆಚ್ಚಾಗುತ್ತದೆ.
02:17	ಈಗ, ಇಲ್ಲಿ ನಾವು a ಯ ಮೌಲ್ಯವನ್ನು ನೋಡಿದರೆ, ಅದು ಒಂದು ಜಾಸ್ತಿಯಾಗಿರುವುದನ್ನು ಗಮನಿಸಬಹುದು.
02:27	ವ್ಯತ್ಯಾಸವನ್ನು ಗುರುತಿಸಲು, ನಾವು a ಯ ಮೌಲ್ಯವನ್ನು ಪುನಃ ಒಂದು ಎಂದು ಇನಿಶಿಯಲೈಸ್ ಮಾಡುತ್ತೇವೆ.
02:35	ನಾವೀಗ ಪ್ರಿಫಿಕ್ಸ್ ಇಂಕ್ರಿಮೆಂಟ್ ಆಪರೇಟರ್ ನೋಡುತ್ತೇವೆ,
02:38	ಈ ಪ್ರಿಂಟ್ ಎಫ್ ಸ್ಟೇಟ್ಮೆಂಟ್ ಎರಡು ಎಂದು ಸ್ಕ್ರೀನ್ ನ ಮೇಲೆ ಪ್ರಿಂಟ್ ಮಾಡುತ್ತದೆ.
02:42	ಏಕೆಂದರೆ, ಆಪರಂಡ್ ಇವ್ಯಾಲ್ಯುಯೇಟ್ ಆಗುವ ಮೊದಲು, ಪ್ರಿಫಿಕ್ಸ್ ಆಪರೇಶನ್ ಆಗುತ್ತದೆ.
02:49	ಹಾಗಾಗಿ, a ಯ ಮೌಲ್ಯವನ್ನು ಒಂದರಿಂದ ಹೆಚ್ಚಿಸಿ, ನಂತರ ಪ್ರಿಂಟ್ ಮಾಡುತ್ತದೆ.
02:58	a ಯ ಮೌಲ್ಯದಲ್ಲಿ ಬದಲಾವಣೆ ಇದೆಯೇ ಎಂದು ತಿಳಿಯಲು, ಪುನಃ a ಯನ್ನು ಪ್ರಿಂಟ್ ಮಾಡುತ್ತೇವೆ.
03:03	ಈಗ ಕೋಡ್ ಅನ್ನು ಎಕ್ಸಿಕ್ಯೂಟ್ ಮಾಡೋಣ.
03:07	ಕೆಳಗಿನ ಸಾಲುಗಳನ್ನು ನಾನು ಕಮೆಂಟ್ ಮಾಡುತ್ತೇನೆ. ಸ್ಲ್ಯಾಶ್ ಆಸ್ಟರಿಕ್ಸ್, ಆಸ್ಟರಿಕ್ಸ್ ಸ್ಲ್ಯಾಶ್ ಎಂದು ಟೈಪ್ ಮಾಡಿ.
03:19	Save ಅನ್ನುಒತ್ತಿ.
03:22	ನಾನು ನನ್ನ ಫೈಲ್ ಅನ್ನು ಐ ಎನ್ ಸಿ ಆರ್ ಡಿ ಇ ಸಿ ಆರ್ ಡಾಟ್ ಸಿ ಎಂದು ಟೈಪ್ ಮಾಡಿದ್ದೇನೆ.
03:29	ನಿಮ್ಮ ಕೀಬೋರ್ಡ ನಲ್ಲಿCtrl, Alt ಮತ್ತು T ಕೀ ಗಳನ್ನು ಒಮ್ಮೆಗೇ ಒತ್ತಿ, ಟರ್ಮಿನಲ್ ವಿಂಡೊ ಅನ್ನು ಓಪನ್ ಮಾಡಿ.
03:35	ಕಂಪೈಲ್ ಮಾಡಲು, ಹೀಗೆ ಟರ್ಮಿನಲ್ ನಲ್ಲಿ ಟೈಪ್ ಮಾಡಿ. gcc space incrdecr.c space -o incr (Gcc ಸ್ಪೇಸ್ ಐ ಎನ್ ಸಿ ಆರ್ ಡಿ ಇ ಸಿ ಆರ್ ಡಾಟ್ ಸಿ ಸ್ಪೇಸ್ ಮೈನಸ್ ಒ ಸ್ಪೇಸ್ ಐ ಎನ್ ಸಿ ಆರ್).
03:51	ಕೋಡ್ ಅನ್ನು ಎಕ್ಸಿಕ್ಯೂಟ್ ಮಾಡಲು ಡಾಟ್ ಸ್ಲ್ಯಾಶ್ ಐ ಎನ್ ಸಿ ಆರ್ ಎಂದು ಟೈಪ್ ಮಾಡಿ, Enter ಕೀಯನ್ನು ಒತ್ತಿ.
03:59	ಸ್ಕ್ರೀನ್ ನ ಮೇಲೆ ಔಟ್ ಪುಟ್ ತೋರಿಸುತ್ತದೆ.
04:01	ಇದು, a++ ಅನ್ನು ಪ್ರಿಂಟ್ ಮಾಡಿದಾಗ ಬರುವ ಔಟ್ ಪುಟ್ .
04:06	ಇದು, ++a ಅನ್ನು ಪ್ರಿಂಟ್ ಮಾಡಿದಾಗ ಬರುವ ಔಟ್ ಪುಟ್ .
04:09	ಔಟ್ ಪುಟ್, ನಾವು ಮೊದಲೇ ಚರ್ಚಿಸಿದಂತಿರುವುದನ್ನು ನೋಡಬಹುದು.
04:13	ಈಗ ಉಳಿದ ಪ್ರೊಗ್ರಾಮ್ ಗೆ ಹಿಂದಿರುಗೋಣ.
04:16	ನಾನೀಗ ಪೋಸ್ಟ್ ಫಿಕ್ಸ್ ಮತ್ತು ಪ್ರಿ ಫಿಕ್ಸ್ ಡಿಕ್ರೀಮೆಂಟ್ ಆಪರೇಟರ್ ಗಳನ್ನು ವಿವರಿಸುತ್ತೇನೆ.
04:21	ಇಲ್ಲಿ ಮತ್ತು ಇಲ್ಲಿಂದ ಮಲ್ಟಿಲೈನ್ ಕಮೆಂಟ್ ಅನ್ನು ತೆಗೆಯಿರಿ.
04:29	ಪುನಃ ನಾವು a ಗೆ ಒಂದು ಎಂದು ಮೌಲ್ಯವನ್ನು ಕೊಡುತ್ತೇವೆ.
04:35	ಈ printf ಸ್ಟೇಟ್ಮೆಂಟ್, ಮೊದಲೇ ವಿವರಿಸಿದಂತೆ, ಒಂದು ಎಂದು ಔಟ್ ಪುಟ್ ತೋರಿಸುತ್ತದೆ.
04:40	ಇದು ಪೋಸ್ಟ್ ಫಿಕ್ಸ್ ಆಪರೇಶನ್ ಆಗಿರುವುದರಿಂದ, a- - ಇವ್ಯಾಲ್ಯುಯೇಟ್ ಆದ ನಂತರ, a ಯ ಮೌಲ್ಯವು ಒಂದು ಕಡಿಮೆಯಾಗುತ್ತದೆ
04:47	ಮುಂದಿನ ಸ್ಟೇಟ್ಮೆಂಟ್, a ಯ ಮೌಲ್ಯವನ್ನು ಸೊನ್ನೆ ಎಂದು ಪ್ರಿಂಟ್ ಮಾಡುತ್ತದೆ.
04:51	ಈಗ, a ನ ಮೌಲ್ಯವು ಒಂದು ಕಡಿಮೆ ಆಗಿದೆ.
04:54	ಈಗ ಪ್ರಿಫಿಕ್ಸ್ ಡಿಕ್ರಿಮೆಂಟ್ ಆಪರೇಟರ್ ಅನ್ನು ಗಮನಿಸೋಣ.
04:58	ಇದು ಪ್ರಿಫಿಕ್ಸ್ ಆಪರೇಶನ್ ಆಗಿರುವುದರಿಂದ ,ಈ printf ಸ್ಟೇಟ್ಮೆಂಟ್ ನ ಔಟ್ ಪುಟ್ ಸೊನ್ನೆ ಆಗಿರುತ್ತದೆ.
05:05	ಆಪರಂಡ್ ಇವ್ಯಾಲ್ಯುಯೇಟ್ ಆಗುವ ಮೊದಲು ಪ್ರಿಫಿಕ್ಸ್ ಆಪರೇಶನ್ ಆಗುತ್ತದೆ.
05:09	ಈ printfಸ್ಟೇಟ್ಮೆಂಟ್ ನ ಔಟ್ ಪುಟ್ ಸೊನ್ನೆ.
05:11	a ನ ಮೌಲ್ಯದಲ್ಲಿ ಪುನಃ ಬದಲಾವಣೆ ಮಾಡಿಲ್ಲ.
05:15	ರಿಟರ್ನ್ ಝೀರೋ ಎಂದು ಟೈಪ್ ಮಾಡಿ, ಮತ್ತು ಕ್ಲೋಸಿಂಗ್ ಕರ್ಲಿ ಬ್ರಾಕೆಟ್ ಅನ್ನು ಟೈಪ್ ಮಾಡಿ.
05:21	Save ಅನ್ನು ಒತ್ತಿ.
05:24	ಟರ್ಮಿನಲ್ ಗೆ ಹಿಂತಿರುಗಿ.
05:27	ಕಂಪೈಲ್ ಮಾಡಲು, gcc space incrdecr.c space -o space incr (gcc ಸ್ಪೇಸ್ ಐ ಎನ್ ಸಿ ಆರ್ ಡಿ ಇ ಸಿ ಆರ್ ಡಾಟ್ ಸಿ ಸ್ಪೇಸ್ ಮೈನಸ್ ಒ ಸ್ಪೇಸ್ ಐ ಎನ್ ಸಿ ಆರ್) ಎಂದು ಟೈಪ್ ಮಾಡಿ, Enter ಕೀಯನ್ನು ಒತ್ತಿ.
05:42	ಎಕ್ಸಿಕ್ಯೂಟ್ ಮಾಡಲು, ಡಾಟ್ ಸ್ಲ್ಯಾಶ್ ಐ ಎನ್ ಸಿ ಆರ್ ಎಂದು ಟೈಪ್ ಮಾಡಿ, Enter ಕೀಯನ್ನು ಒತ್ತಿ.
05:52	ಇದು a- - ಅನ್ನು ಪ್ರಿಂಟ್ ಮಾಡಿದಾಗ ಬರುವ ಔಟ್ ಪುಟ್.
05:56	ಇದು - -a ಅನ್ನು ಪ್ರಿಂಟ್ ಮಾಡಿದಾಗ ಬರುವ ಔಟ್ ಪುಟ್.
05:59	ಇಂಕ್ರಿಮೆಂಟ್ ಮತ್ತು ಡಿಕ್ರಿಮೆಂಟ್ ಆಪರೇಟರ್ ಗಳು ಹೇಗೆ ಕೆಲಸ ಮಾಡುತ್ತವೆ ಎಂದು ನಾವು ನೋಡಿದೆವು.
06:05	ಇದೇ ಪ್ರೊಗ್ರಾಮ್ ಅನ್ನು c++ ನಲ್ಲಿ ಬರೆಯುವುದಾದರೆ, c ಪ್ರೊಗ್ರಾಮ್ ನಲ್ಲಿಯೇ ಕೆಲವು ಬದಲಾವಣೆ ಮಾಡಬಹುದು.
06:10	ಎಡಿಟರ್ ಗೆ ಹಿಂತಿರುಗೋಣ.
06:13	ಇದು c++ಕೋಡ್ ಇರುವ ಫೈಲ್.
06:16	ಇಲ್ಲಿರುವ ಹೆಡರ್, c ಫೈಲ್ ನ ಹೆಡರ್ ಗಿಂತ ಭಿನ್ನವಾಗಿರುವುದನ್ನು ಗಮನಿಸಬಹುದು.
06:20	ಯೂಸಿಂಗ್ ನೇಮ್ ಸ್ಪೇಸ್ ಸ್ಟೇಟ್ಮೆಂಟ್ ಕೂಡಾ ಇದೆ.
06:24	ಮತ್ತು, c++ನ ಔಟ್ ಪುಟ್ ಸ್ಟೇಟ್ಮೆಂಟ್, ಸಿಔಟ್(cout) ಎಂದು ಇರುವುದನ್ನು ಗಮನಿಸಿ.
06:28	ಈ ವ್ಯತ್ಯಾಸಗಳನ್ನು ಹೊರತುಪಡಿಸಿ ಎರಡೂ ಕೋಡ್ ಗಳೂ ಒಂದೇ ರೀತಿಯಾಗಿದೆ.
06:33	ಫೈಲ್ ಅನ್ನು save ಮಾಡಿ. ಫೈಲ್ ಡಾಟ್ cppಎಂಬ ಎಕ್ಸ್ಟೆಂಶನ್ ನೊಂದಿಗೆ Save ಆಗಿದೆ.
06:40	ಕೋಡ್ ಅನ್ನು ಕಂಪೈಲ್ ಮಾಡೋಣ.
06:42	ಟರ್ಮಿನಲ್ ಅನ್ನು ಓಪನ್ ಮಾಡಿ, g++ space incrdec.cpp space -o space incr (g++ ಸ್ಪೇಸ್ ಐ ಎನ್ ಸಿ ಆರ್ ಡಿ ಇ ಸಿ ಆರ್ ಡಾಟ್ ಸಿಪಿಪಿ ಸ್ಪೇಸ್ ಮೈನಸ್ ಒ ಸ್ಪೇಸ್ ಐ ಎನ್ ಸಿ ಆರ್) ಎಂದು ಟೈಪ್ ಮಾಡಿ. Enter ಕೀಯನ್ನು ಒತ್ತಿ.
07:00	ಎಕ್ಸಿಕ್ಯೂಟ್ ಮಾಡಲು, ಡಾಟ್ ಸ್ಲ್ಯಾಶ್ ಐ ಎನ್ ಸಿ ಆರ್ ಎಂದು ಟೈಪ್ ಮಾಡಿ, Enter ಕೀಯನ್ನು ಒತ್ತಿ.
07:07	ಸ್ಕ್ರೀನ್ ನ ಮೇಲೆ ಔಟ್ ಪುಟ್ ಕಾಣುತ್ತದೆ.
07:10	ಇದು, c ಪ್ರೊಗ್ರಾಮ್ ನ ಔಟ್ ಪುಟ್ ನಂತೆಯೇ ಇರುವುದನ್ನು ನೋಡಬಹುದು.
07:15	ನಾವೀಗ ಟೈಪ್ ಕಾಸ್ಟಿಂಗ್ ನ ಬಗೆಗೆ ತಿಳಿಯೋಣ.
07:17	ಇದನ್ನು c ಮತ್ತು c++ನಲ್ಲಿ ಒಂದೇ ರೀತಿಯಲ್ಲಿ ಉಪಯೋಗಿಸಬಹುದು.
07:22	ಒಂದು ಟೈಪ್ ನ ವೇರಿಯೇಬಲ್ ಅನ್ನು ಬೇರೊಂದು ಟೈಪ್ ನಂತೆ ವರ್ತಿಸುವಂತೆ ಮಾಡಲು ಟೈಪ್ ಕಾಸ್ಟಿಂಗ್ ಅನ್ನು ಉಪಯೋಗಿಸುತ್ತಾರೆ.
07:27	ಟೈಪ್ ಕಾಸ್ಟ್ ಮಾಡಲು, ನಮಗೆ ಬೇಕಾದ ಡಾಟಾ ಟೈಪ್ ಅನ್ನು ಪ್ಯಾರಾಂಥಿಸಿಸ್ ನ ಒಳಗೆ ಬರೆಯಬೇಕು.
07:33	ಈ ಕಾಸ್ಟ್ ಅನ್ನು, ನಾವು ಕಾಸ್ಟ್ ಮಾಡಬೇಕಾದ ವೇರಿಯೇಬಲ್ ನ ಎದುರು ಬೆರೆಯಬೇಕು.
07:38	ಈ ಟೈಪ್ ಕಾಸ್ಟ್, ಒಂದೇ ಆಪರೇಶನ್ ಗೆ ಮಾತ್ರ ಮಾನ್ಯವಾಗಿರುತ್ತದೆ.
07:42	ಈಗ, ವೇರಿಯೇಬಲ್ a, ಒಂದು ಆಪರೇಶನ್ ನಲ್ಲಿ ಫ್ಲೋಟ್ ವೇರಿಯೇಬಲ್ ಆಗಿ ವರ್ತಿಸುತ್ತದೆ.
07:47	ನಾನೀಗಾಗಲೇ ಬರೆದ ಒಂದು ಉದಾಹರಣೆಯು ಇಲ್ಲಿದೆ.
07:50	ಕೋಡ್ ಅನ್ನು ವಿವರಿಸುತ್ತೇನೆ.
07:54	ಮೊದಲು, a ಮತ್ತು b ಯನ್ನು ಇಂಟಿಜರ್ ಎಂದು, ಮತ್ತು c ಯನ್ನು ಫ್ಲೋಟ್ ಎಂದೂ ಡಿಕ್ಲೇರ್ ಮಾಡೋಣ.
08:00	a ಗೆ ಮೌಲ್ಯ ಐದು ಮತ್ತು b ಗೆ ಮೌಲ್ಯ ಎರಡು ಎಂದೂ ಕೊಟ್ಟಿದ್ದೇವೆ.
08:06	a ಮತ್ತು b ಯನ್ನು ಉಪಯೋಗಿಸಿ ಕಾರ್ಯವನ್ನು ಮಾಡೋಣ.
08:10	a ಯನ್ನು b ಇಂದ ಭಾಗಿಸೋಣ. ಫಲಿತಾಂಶವನ್ನು c ಯಲ್ಲಿ ಇಡೋಣ.
08:14	ಎರಡು ಡೆಸಿಮಲ್ ಪ್ಲೇಸ್ ಗಳ ಪ್ರಿಸಿಶನ್ ಅನ್ನು ಸೂಚಿಸಲು ಪರ್ಸಂಟ್ ಟು ಎಫ್ ಅನ್ನು ಉಪಯೋಗಿಸಿದ್ದೇ೧ವೆ.
08:20	ಎರಡು ಪಾಯಿಂಟ್ ಐದು ಸೊನ್ನೆ ಯ ಬದಲು ಎರಡು ಪಾಯಿಂಟ್ ಸೊನ್ನೆ ಸೊನ್ನೆ ಎಂದು ಫಲಿತಾಂಶ ತೋರಿಸುತ್ತದೆ.
08:25	a ಮತ್ತು b ಗಳು ಇಂಟಿಜರ್ ಗಳಾಗಿರುವುದರಿಂದ, ಫ್ರ್ಯಾಕ್ಷನಲ್ ಭಾಗವು ಮೊಟಕಾಗಿದೆ.
08:31	ಸರಿಯಾದ ಫಲಿತಾಂಶ ಪಡೆಯಬೇಕಾದರೆ, ಎರಡರಲ್ಲಿ ಒಂದು ಆಪರಂಡ್ ಅನ್ನು ಫ್ಲೋಟ್ ಗೆ ಟೈಪ್ ಕಾಸ್ಟ್ ಮಾಡಬೇಕು.
08:35	ಇಲ್ಲಿ, ನಾವು a ಯನ್ನು ಫೋಟ್ ಗೆ ಟೈಪ್ ಕಾಸ್ಟ್ ಮಾಡುತ್ತಿದ್ದೇವೆ. ಈಗ c ಯಲ್ಲಿ ಸರಿಯಾದ ಫಲಿತಾಂಶವು ಇರುತ್ತದೆ.
08:41	ಈಗ, ಸರಿಯಾದ ಭಾಗಾಕಾರದ ಫಲಿತಾಂಶವು ತೋರಿಸುತ್ತದೆ. ನಾವು ಅಂದುಕೊಂಡಂತೆ ಫಲಿತಾಂಶವು ಎರಡು ಪಾಯಿಂಟ್ ಐದು ಸೊನ್ನೆ.
08:47	ರಿಟರ್ನ ಝೀರೋ ಎಂದು ಟೈಪ್ ಮಾಡಿ ಮತ್ತು ಕರ್ಲಿ ಬ್ರಾಕೆಟ್ ಅನ್ನು ಟೈಪ್ ಮಾಡಿ.
08:51	Save ಅನ್ನು ಒತ್ತಿ. ಫೈಲ್ ಅನ್ನು ಡಾಟ್ ಸಿ ಎಂಬ ಎಕ್ಸ್ಟೆಂಶನ್ ನೊಂದಿಗೆ ಸೇವ್ ಮಾಡಿ.
08:55	ನಾನು ನನ್ನ ಫೈಲ್ ಅನ್ನು ಟೈಪ್ ಕಾಸ್ಟ್ ಡಾಟ್ ಸಿ ಎಂದು ಸೇವ್ ಮಾಡಿದ್ದೇನೆ.
08:59	ಟರ್ಮಿನಲ್ ಅನ್ನು ಒಪನ್ ಮಾಡಿ.
09:01	ಕಂಪೈಲ್ ಮಾಡಲು, gcc space typecast.c space -o space type (gccಸ್ಪೇಸ್ ಟೈಪ್ ಕಾಸ್ಟ್ ಡಾಟ್ ಸಿ ಸ್ಪೇಸ್ ಮೈನಸ್ ಒ ಸ್ಪೇಸ್ ಟೈಪ್) ಎಂದು ಟೈಪ್ ಮಾಡಿ. Enter ಕೀಯನ್ನು ಒತ್ತಿ.
09:17	ಎಕ್ಸಿಕ್ಯೂಟ್ ಮಾಡಲು ಡಾಟ್ ಸ್ಲ್ಯಾಶ್ ಟೈಪ್ ಎಂದು ಟೈಪ್ ಮಾಡಿ, Enter ಕೀಯನ್ನು ಒತ್ತಿ.
09:25	ಔಟ್ ಪುಟ್ ಸ್ಕ್ರೀನ್ ನ ಮೇಲೆ ಕಾಣುತ್ತದೆ.
09:27	ಎರಡೂ ಫಲಿತಾಂಶವನ್ನು ನೋಡಿದ ಮೇಲೆ ಟೈಪ್ ಕಾಸ್ಟ್ ನ ಪರಿಣಾಮವನ್ನು ತಿಳಿಯಬಹುದು.
09:32	ಈಗ, ಟ್ಯುಟೋರಿಯಲ್ ನ ಸಾರಾಂಶ ತಿಳಿಯೋಣ.
09:34	ಈ ಟ್ಯುಟೋರಿಯಲ್ ನಲ್ಲಿ ನಾವು ಕಲಿತ ಅಂಶಗಳು :
09:36	ಇಂಕ್ರಿಮೆಂಟ್ ಮತ್ತು ಡಿಕ್ರಿಮೆಂಟ್ ಆಪರೇಟರ್ ಗಳನ್ನು ಉಪಯೋಗಿಸುವುದು ಹೇಗೆ?
09:40	ಪೋಸ್ಟ್ ಫಿಕ್ಸ್ ಮತ್ತು ಪ್ರಿ ಫಿಕ್ಸ್ ಗಳ ವಿವಿಧ ರೋಪಗಳನ್ನು ಕಲಿತೆವು.
09:44	ಮತ್ತು, ಟೈಪ್ ಕಾಸ್ಟಿಂಗ್ ಮತ್ತು ಅದನ್ನು ಉಪಯೋಗಿಸುವ ವಿಧಾನವನ್ನು ಕಲಿತೆವು.
09:47	ಈ ಕೆಳಗಿನ ಎಕ್ಸ್ಪ್ರೆಶನ್ ಗಳನ್ನು ಬಗೆಹರಿಸಲು, ಪ್ರೊಗ್ರಾಮ್ ಅನ್ನು ಅಸೈನ್ಮೆಂಟ್ ಆಗಿ ಬರೆಯಿರಿ. a ಡಿವೈಡೆಡ್ ಬೈ b ಪ್ಲಸ್ c ಡಿವೈಡೆಡ್ ಬೈ d.
09:56	a, b, c ಮತ್ತು d ಗಳ ಮೌಲ್ಯವನ್ನು ಯೂಸರ್ ನಿಂದ ಪಡೆಯಬೇಕು.
10:01	ಸರಿಯಾದ ಭಾಗಾಕಾರವನ್ನು ಮಾಡಲು, ಟೈಪ್ ಕಾಸ್ಟಿಂಗ್ ಅನ್ನು ಉಪಯೋಗಿಸಿ.
10:05	ಕೆಳಗಿನ ಲಿಂಕ್ ನಲ್ಲಿರುವ ವೀಡಿಯೋವನ್ನು ನೋಡಿರಿ.
10:08	ಇದು ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್ ಅನ್ನು ವಿವರಿಸುತ್ತದೆ.
10:10	ಒಳ್ಳೆಯ ಬ್ಯಾಂಡ್ ವಿಡ್ತ್ ಇಲ್ಲದಿದ್ದಲ್ಲಿ ನೀವು ಇದನ್ನು ಡೌನ್ ಲೋಡ್ ಮಾಡಿ ನೋಡಬಹುದು.
10:15	ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್ ಟೀಮ್,
10:17	ಸ್ಪೋಕನ್ ಟ್ಯುಟೋರಿಯಲ್ ಗಳನ್ನು ಉಪಯೋಗಿಸಿ ಕಾರ್ಯಗಾರವನ್ನು ನಡೆಸುತ್ತದೆ.
10:20	ಆನ್ ಲೈನ್ ಪರೀಕ್ಷೆಯಲ್ಲಿ ತೇರ್ಗಡೆಹೊಂದಿದವರಿಗೆ ಸರ್ಟಿಫಿಕೇಟ್ ಕೊಡುತ್ತದೆ.
10:24	ಹೆಚ್ಚಿನ ಮಾಹಿತಿಗಾಗಿ,contact@spoken-tutorial.org ಗೆ ಬರೆಯಿರಿ.
10:33	ಸ್ಪೋಕನ್ ಟ್ಯುಟೋರಿಯಲ್, ಟಾಕ್ ಟು ಎಟೀಚರ್ ಪ್ರೊಜಕ್ಟ್ ನ ಒಂದು ಭಾಗವಾಗಿದೆ.
10:37	ಇದುರಾಷ್ಟ್ರಿಯ ಸಾಕ್ಷರತಾ ಮಿಷನ್ ICT, MHRD ಭಾರತ ಸರ್ಕಾರ ಎಂಬ ಸಂಸ್ಥೆಯಿಂದ ಬೆಂಬಲಿತವಾಗಿದೆ.
10:44	ಈ ನಿಯೋಗದ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಯು ಸ್ಪೋಕನ್ ಹೈಫನ್ ಟ್ಯುಟೋರಿಯಲ್ ಡಾಟ್ ಒ ಆರ್ ಜಿ ಸ್ಲ್ಯಾಶ್ ಎನ್ ಎಮ್ ಇ ಐ ಸಿ ಟಿ ಹೈಫನ್ ಇಂಟ್ರೊ ಎಂಬ ಲಿಂಕ್ ನಲ್ಲಿ ದೊರೆಯುತ್ತದೆ.
10:55	ಈ ಟ್ಯುಟೋರಿಯಲ್ ನ ಅನುವಾದಕಿ ಬೆಂಗಳೂರಿನಿಂದ ಚೇತನಾ. ಇದರ ಪ್ರವಾಚಕ ಐ ಐ ಟಿ ಬಾಂಬೆಯಿಂದ ವಾಸುದೇವ. ಧನ್ಯವಾದಗಳು.

Contributors and Content Editors

Vasudeva ahitanal