Avogadro/C3/General-Features-in-Avogadro/Kannada

Time	Narration
00:01	General Features in Avogadro (ಜನರಲ್ ಫೀಚರ್ಸ್ ಇನ್ ಅವೋಗ್ಯಡ್ರೋ) ಎಂಬ ಈ ಸ್ಪೋಕನ್ ಟ್ಯುಟೋರಿಯಲ್ ಗೆ ನಿಮಗೆ ಸ್ವಾಗತ.
00:08	ಈ ಟ್ಯುಟೋರಿಯಲ್ ನಲ್ಲಿ ನಾವು, pH ವ್ಯಾಲ್ಯುಗಳನ್ನು ಬದಲಿಸಿ, ಸಂಯುಕ್ತ ವಸ್ತುಗಳಲ್ಲಿ ಪ್ರೋಟಾನ್ ವರ್ಗಾವಣೆ ಮಾಡುವುದು,
00:16	ಕ್ರಿಸ್ಟಲ್ ರಚನೆಗಳನ್ನು ಲೋಡ್ ಮಾಡುವುದು,
00:19	ವಿವಿಧ Miller plane (ಮಿಲ್ಲರ್ ಪ್ಲೇನ್) ಗಳನ್ನು ತೋರಿಸುವುದು,
00:22	ಸೂಪರ್ ಸೆಲ್ ಗಳನ್ನು ರಚಿಸುವುದು,
00:24	'ಕೋ-ಆರ್ಡಿನೇಷನ್ ಕಂಪೌಂಡ್' ಗಳಲ್ಲಿ (coordination compounds) ಜ್ಯಾಮಿತಿಯನ್ನು ತೋರಿಸುವುದು ಮತ್ತು ನ್ಯಾನೋ ಟ್ಯೂಬ್ ಗಳನ್ನು ರಚಿಸುವುದು – ಇವುಗಳ ಕುರಿತು ಕಲಿಯುವೆವು.
00:31	ಇಲ್ಲಿ ನಾನು , Ubuntu Linux OS, ಆವೃತ್ತಿ 14.04
00:37	Avogadro ಆವೃತ್ತಿ 1.1.1. ಇವುಗಳನ್ನು ಬಳಸುತ್ತಿದ್ದೇನೆ.
00:41	ಈ ಟ್ಯುಟೋರಿಯಲ್ ಅನ್ನು ಕಲಿಯಲು ನೀವು, Avogadro ಇಂಟರ್ಫೇಸ್ ಅನ್ನು ಚೆನ್ನಾಗಿ ತಿಳಿದಿರಬೇಕು.
00:47	ಇಲ್ಲವಾದಲ್ಲಿ, ಸಂಬಂಧಿತ ಟ್ಯುಟೋರಿಯಲ್ ಗಳಿಗಾಗಿ, ನಮ್ಮ ವೆಬ್ಸೈಟ್ ಗೆ ಭೇಟಿ ಕೊಡಿ.
00:52	ಈ ಟ್ಯುಟೋರಿಯಲ್ ನಲ್ಲಿ ಬಳಸಿದ ಉದಾಹರಣೆಯ ಫೈಲ್ ಗಳನ್ನು ಕೋಡ್ ಫೈಲ್ ಗಳೆಂದು ಕೊಡಲಾಗಿದೆ.
00:58	ನಾನು ಒಂದು ಹೊಸ Avogadro ವಿಂಡೋವನ್ನು ಓಪನ್ ಮಾಡಿದ್ದೇನೆ.
01:01	ನಾನು pH value ಗಳನ್ನು ಬದಲಾಯಿಸಿ ಸಂಯುಕ್ತ ಗಳಲ್ಲಿ ಪ್ರೋಟಾನ್ ನ ವರ್ಗಾವಣೆಯನ್ನು ವಿವರಿಸುವೆನು.
01:07	ಇದಕ್ಕಾಗಿ, Fragment library ಯಿಂದ ಅಮಿನೋ ಆಸಿಡ್ ಗಳನ್ನು ಲೋಡ್ ಮಾಡುವೆನು.
01:12	Build ಮೆನ್ಯುವನ್ನು ಬಳಸಿ, Fragment library ಗೆ ಹೋಗಿ.
01:16	Fragment library ಯಲ್ಲಿ, Amino acids ಎಂಬ ಫೋಲ್ಡರ್ ಅನ್ನು ಡಬಲ್ ಕ್ಲಿಕ್ ಮಾಡಿ.
01:21	D-alanine.cml (ಡಿ-ಅಲನೈನ್ ಡಾಟ್ ಸಿಎಮ್ ಎಲ್) ಅನ್ನು ಆಯ್ಕೆಮಾಡಿ ಮತ್ತು Insert ನ ಮೇಲೆ ಕ್ಲಿಕ್ ಮಾಡಿ.
01:26	Insert Fragment ಡೈಲಾಗ್-ಬಾಕ್ಸ್ ಅನ್ನು ಕ್ಲೋಸ್ ಮಾಡಿ.
01:30	ರಚನೆಯನ್ನು ಡಿ-ಸೆಲೆಕ್ಟ್ ಮಾಡಲು, CTRL, SHIFT ಮತ್ತು A ಕೀಗಳನ್ನು ಒಟ್ಟಿಗೆ ಒತ್ತಿ.
01:34	ರಚನೆಯನ್ನು ಸರಿಯಾಗಿ ಹೊಂದಿಸಲು, Navigation ಟೂಲ್ ಅನ್ನು ಬಳಸಿ ಅದನ್ನು ತಿರುಗಿಸಿ.
01:39	ನಾನು pH ಅನ್ನು ಬದಲಾಯಿಸಿ, ಅಮಿನೋ ಆಸಿಡ್ ಗಳಲ್ಲಿ ಪ್ರೋಟೋನ್ ಗಳ ವರ್ಗಾವಣೆಯನ್ನು ತೋರಿಸುವೆನು.
01:46	Build ಮೆನ್ಯುವಿಗೆ ಹೋಗಿ ಮತ್ತು Add Hydrogens for pH ಆಯ್ಕೆಮಾಡಿ.
01:51	Add Hydrogens for pH ಎಂಬ ಟೆಕ್ಸ್ಟ್ -ಬಾಕ್ಸ್ ತೆರೆದುಕೊಳ್ಳುತ್ತದೆ. ಇಲ್ಲಿ, ಡಿಫಾಲ್ಟ್ ವ್ಯಾಲ್ಯು,7.4 ಆಗಿದೆ.
01:57	ಈ ಟೆಕ್ಸ್ಟ್ ಬಾಕ್ಸ್ ನಲ್ಲಿ, pH value ವನ್ನು 7.0 ಎಂದು ಬದಲಾಯಿಸಿ ಮತ್ತು OK ಯನ್ನು ಒತ್ತಿ.
02:04	ರಚನೆಯನ್ನು ಗಮನಿಸಿ. ಕಾರ್ಬೋಕ್ಸಿಲಿಕ್ ಗ್ರುಪ್ (COOH), ಕಾರ್ಬೋಕ್ಸಿಲೇಟ್ ಅಯಾನ್ ಆಗಿ ಮಾರ್ಪಟ್ಟಿದೆ.
02:11	ಅಮಿನೋ ಗ್ರುಪ್ (NH2), 'ಪ್ರೊಟೊನೇಟ್' (NH3+) ಆಗಿದೆ.
02:15	Build ಮೆನ್ಯುವಿಗೆ ಹೋಗಿ, Add Hydrogens for pH ಅನ್ನು ಆಯ್ಕೆಮಾಡಿ.
02:20	ಟೆಕ್ಸ್ಟ್ ಬಾಕ್ಸ್ ನಲ್ಲಿ, pH ಅನ್ನು 2.0 ಎಂದು ಬದಲಾಯಿಸಿ, Ok ಯನ್ನು ಕ್ಲಿಕ್ ಮಾಡಿ.
02:26	ಕಾರ್ಬೋಕ್ಸಿಲೇಟ್ ಅಯಾನ್, ಕಾರ್ಬೋಕ್ಸಿಲಿಕ್ ಗ್ರುಪ್ ಆಗಿ ಮಾರ್ಪಟ್ಟಿದೆ.
02:31	Build ಮೆನ್ಯುವಿಗೆ ಹೋಗಿ, Add Hydrogens for pH ಅನ್ನು ಆಯ್ಕೆಮಾಡಿ.
02:35	ಟೆಕ್ಸ್ಟ್ ಬಾಕ್ಸ್ ನಲ್ಲಿ, pH ಅನ್ನು 10.0 ಎಂದು ಬದಲಾಯಿಸಿ, Ok ಯನ್ನು ಕ್ಲಿಕ್ ಮಾಡಿ.
02:41	ಕಾರ್ಬೋಕ್ಸಿಲಿಕ್ ಗ್ರುಪ್, ಕಾರ್ಬೋಕ್ಸಿಲೇಟ್ ಅಯಾನ್ ಆಗಿ ಮಾರ್ಪಟ್ಟಿದೆ.
02:46	'ಅಮಿನೋ ಗ್ರುಪ್' (NH2), 'ಡಿ ಪ್ರೊಟೋನೇಟ್' ಆಗಿದೆ.
02:49	ರಚನೆಯನ್ನು ತೆಗೆದುಹಾಕಲು, Delete ಕೀಯನ್ನು ಒತ್ತಿ.
02:52	ಈಗ ನಾನು, pH ಅನ್ನು ಬದಲಾಯಿಸಿ, ಅಮೈನ್ ಗಳಲ್ಲಿ ಪ್ರೋಟೋನ್ ಗಳ ವರ್ಗಾವಣೆಯನ್ನು ತೋರಿಸುವೆನು.
02:58	ಇದಕ್ಕಾಗಿ, ನಾನು Fragment library ಯಿಂದ ethylamine (ಈಥೈಲಮೈನ್) ರಚನೆಯನ್ನು ಲೋಡ್ ಮಾಡುವೆನು.
03:05	Insert Fragment ಡೈಲಾಗ್-ಬಾಕ್ಸ್ ಅನ್ನು ಕ್ಲೋಸ್ ಮಾಡಿ.
03:09	ರಚನೆಯನ್ನು ಡಿಸೆಲೆಕ್ಟ್ ಮಾಡಲು , CTRL, SHIFT ಮತ್ತು A ಕೀಗಳನ್ನು ಒಟ್ಟಿಗೆ ಒತ್ತಿ.
03:13	ರಚನೆಯನ್ನು ಸರಿಯಾಗಿ ಹೊಂದಿಸಲು, Navigation ಟೂಲ್ ಅನ್ನು ಬಳಸಿ ಮತ್ತು ಅದನ್ನು ತಿರುಗಿಸಿ.
03:18	Build ಮೆನ್ಯುವಿಗೆ ಹೋಗಿ ಮತ್ತು Add Hydrogens for pH ಅನ್ನು ಕ್ಲಿಕ್ ಮಾಡಿ.
03:23	Add Hydrogens for pH ಟೆಕ್ಸ್ಟ್ ಬಾಕ್ಸ್ ತೆರೆದುಕೊಳ್ಳುತ್ತದೆ.
03:27	ಟೆಕ್ಸ್ಟ್ ಬಾಕ್ಸ್ ನಲ್ಲಿ, pH ವ್ಯಾಲ್ಯುವನ್ನು 7.0 ಎಂದು ಬದಲಾಯಿಸಿ, OK ಯನ್ನು ಕ್ಲಿಕ್ ಮಾಡಿ.
03:34	ರಚನೆಯನ್ನು ಗಮನಿಸಿ. 'ಅಮಿನೋ ಗ್ರುಪ್', 'ಪ್ರೊಟೋನೇಟ್' ಆಗಿದೆ.
03:39	Build ಮೆನ್ಯುವಿಗೆ ಹೋಗಿ, Add Hydrogens for pH ಅನ್ನು ಕ್ಲಿಕ್ ಮಾಡಿ.
03:43	ಟೆಕ್ಸ್ಟ್ ಬಾಕ್ಸ್ ನಲ್ಲಿ, pH ಅನ್ನು 2.0 ಎಂದು ಬದಲಾಯಿಸಿ ಮತ್ತು OK ಯನ್ನು ಕ್ಲಿಕ್ ಮಾಡಿ.
03:49	ಇಲ್ಲಿ ,ನಾವು ರಚನೆಯಲ್ಲಿ ಯಾವುದೇ ಬದಲಾವಣೆಯನ್ನು ಕಾಣುವುದಿಲ್ಲ.
03:53	ಈಥೈಲಮೈನ್, ಪ್ರತ್ಯಾಮ್ಲ ಮಾಧ್ಯಮದಲ್ಲಿ ಮಾತ್ರ ಪ್ರೋಟಾನ್ ವರ್ಗಾವಣೆಯನ್ನು ತೋರಿಸುತ್ತದೆ.
03:59	Build ಮೆನ್ಯುವಿಗೆ ಹೋಗಿ, Add Hydrogens for pH ಅನ್ನು ಕ್ಲಿಕ್ ಮಾಡಿ.
04:03	ಟೆಕ್ಸ್ಟ್ ಬಾಕ್ಸ್ ನಲ್ಲಿ, pH ಅನ್ನು 10.0 ಎಂದು ಬದಲಾಯಿಸಿ, OK ಯನ್ನು ಕ್ಲಿಕ್ ಮಾಡಿ.
04:09	'ಅಮಿನೋ ಗ್ರುಪ್', 'ಡಿ ಪ್ರೊಟೋನೇಟ್' ಆಗಿದೆ.
04:12	ನಾನು ಈಗ Crystal Library ಯಿಂದ ಕ್ರಿಸ್ಟಲ್ ರಚನೆಗಳನ್ನು ಲೋಡ್ ಮಾಡುವುದನ್ನು ಮತ್ತು ಕೆಲವು ಕ್ರಿಸ್ಟಲ್ ಲಕ್ಷಣಗಳನ್ನು ತೋರಿಸುವೆನು.
04:20	ಒಂದು ಹೊಸ ವಿಂಡೋ ವನ್ನು ಓಪನ್ ಮಾಡಲು, ಟೂಲ್ ಬಾರ್ ನಲ್ಲಿ New ಐಕಾನ್ ಅನ್ನು ಕ್ಲಿಕ್ ಮಾಡಿ.
04:25	ಕ್ರಮವಾಗಿ File ಮೆನ್ಯು >> Import >> Crystal ಗೆ ಹೋಗಿ, Crystal ಅನ್ನು ಆಯ್ಕೆಮಾಡಿ.
04:30	Insert Crystal ಎಂಬ ಡೈಲಾಗ್-ಬಾಕ್ಸ್ ತೆರೆದುಕೊಳ್ಳುತ್ತದೆ.
04:34	ಇಲ್ಲಿ ನಾವು ವಿವಿಧ ಫೋಲ್ಡರ್ ಗಳನ್ನು ನೋಡಬಹುದು.
04:37	halides (ಹೆಲೈಡ್ಸ್) ಫೋಲ್ಡರ್ ಅನ್ನು ಡಬಲ್ ಕ್ಲಿಕ್ ಮಾಡಿ.
04:40	NaCl-Halite.cif (ಎನ್ ಎ ಸಿಎಲ್ ಹೆಲೈಟ್ ಡಾಟ್ ಸಿಐಎಫ್) ಫೈಲ್ ಅನ್ನು ಆಯ್ಕೆಮಾಡಿ, Insert ಮೇಲೆ ಕ್ಲಿಕ್ ಮಾಡಿ.
04:47	Insert Crystal ಡೈಲಾಗ್-ಬಾಕ್ಸ್ ಅನ್ನು ಕ್ಲೋಸ್ ಮಾಡಿ.
04:51	ಸರಿಯಾಗಿ ಕಾಣುವಂತೆ ಮಾಡಲು, ಇಲ್ಲಿ Tool Settings ಮತ್ತು Display Settings ಗಳನ್ನು ಕ್ಲೋಸ್ ಮಾಡುವೆನು.
04:58	ಸೋಡಿಯಂ ಕ್ಲೋರೈಡ್ ನ ಕ್ರಿಸ್ಟಲ್ ರಚನೆಯನ್ನು, ಪ್ಯಾನಲ್ ನ ಮೇಲೆ ತೋರಿಸಲಾಗುತ್ತದೆ.
05:02	ರಚನೆಯ ಜೊತೆಗೆ, ಅದರ ಸೆಲ್ ಪ್ಯಾರಾಮೀಟರ್ ಗಳನ್ನು ತೋರಿಸಲಾಗುತ್ತದೆ.
05:07	ಪ್ಯಾನಲ್ ನ ಮೇಲ್ತುದಿಯ ಎಡ ಭಾಗದಲ್ಲಿ ನೀವು, ಸೋಡಿಯಂ ಕ್ಲೋರೈಡ್ ಕ್ರಿಸ್ಟಲ್ ನ: Lattice Type (ಲ್ಯಾಟಿಸ್ ಟೈಪ್), Spacegroup (ಸ್ಪೇಸ್ ಗ್ರುಪ್) ಮತ್ತು Unit cell volume ಇವುಗಳನ್ನು ನೋಡಬಹುದು.
05:18	ಈಗ ಈ ಕ್ರಿಸ್ಟಲ್ ಗಾಗಿ Miller plane ಗಳನ್ನು ತೋರಿಸುವೆನು.
05:22	ಅದರ ಮೊದಲು, ಮಿಲ್ಲರ್ ಇಂಡಿಸಿಸ್ ಗಳ ಬಗ್ಗೆ ಸಂಕ್ಷಿಪ್ತ ಪರಿಚಯವನ್ನು ಮಾಡಿಕೊಡುವೆನು.
05:28	Miller Indices, ಮೂರು ಸಂಖ್ಯೆಗಳ ಒಂದು ಸಮೂಹವಾಗಿದೆ. (hkl).
05:34	ಕ್ರಿಸ್ಟಲ್ ಸಿಸ್ಟಮ್ ಗಳಲ್ಲಿ, ದಿಕ್ಕುಗಳು ಮತ್ತು ಒಳಗೆ ಇರುವ ಪ್ಲೇನ್ ಗಳನ್ನು ಸೂಚಿಸಲು ಇವುಗಳನ್ನು ಬಳಸಲಾಗುತ್ತದೆ.
05:41	ಈಗ ಸೋಡಿಯಂ ಕ್ಲೋರೈಡ್ ಕ್ರಿಸ್ಟಲ್ ನಲ್ಲಿಯ ಮಿಲ್ಲರ್ ಪ್ಲೇನ್ ಗಳನ್ನು ನೋಡೋಣ.
05:45	View ಮೆನ್ಯು ಗೆ ಹೋಗಿ, Crystal View Options ಅನ್ನು ಕ್ಲಿಕ್ ಮಾಡಿ.
05:51	Crystal View Options ಮೆನ್ಯು, ಬಲಭಾಗದಲ್ಲಿ ಲೋಡ್ ಆಗುತ್ತದೆ.
05:56	Miller Indices ಎಂಬ ರೇಡಿಯೋ ಬಟನ್ ಅನ್ನು ಕ್ಲಿಕ್ ಮಾಡಿ.
06:00	ನಾನು 'h', 'k', 'l' ಗಳ ವ್ಯಾಲ್ಯುಗಳನ್ನು, 2, 3, 2 ಎಂದು ಬದಲಾಯಿಸುವೆನು.
06:07	ಕ್ರಿಸ್ಟಲ್ ನಲ್ಲಿಯ ಪ್ಲೇನ್ ಗಳು ಮತ್ತು ಪರಮಾಣುಗಳ ಸ್ಥಾನದಲ್ಲಾದ ಬದಲಾವಣೆಯನ್ನು ಗಮನಿಸಿ.
06:13	ಈಗ ಸೂಪರ್ ಸೆಲ್ ಅನ್ನು ರಚಿಸುವುದು ಹೇಗೆಂದು ವಿವರಿಸುವೆನು.
06:17	Build ಮೆನ್ಯುವಿಗೆ ಹೋಗಿ, Super Cell Builder ಅನ್ನು ಆಯ್ಕೆಮಾಡಿ.
06:22	Super Cell Parameters ಎಂಬ ಡೈಲಾಗ್-ಬಾಕ್ಸ್ ತೆರೆದುಕೊಳ್ಳುತ್ತದೆ.
06:26	Super Cell Option ಗಳಡಿಯಲ್ಲಿ, ಯೂನಿಟ್ ಸೆಲ್ ಪ್ಯಾರಾಮೀಟರ್ ಗಳಾದ 'A', 'B' ಮತ್ತು 'C' ಗಳನ್ನು ನಾವು ಬದಲಾಯಿಸಬಹುದು.
06:34	ನಾನು 'A', 'B' ಮತ್ತು 'C' ಫೀಲ್ಡ್ ಗಳ ವ್ಯಾಲ್ಯುಗಳನ್ನು '2', '2', '2' ಎಂದು ಬದಲಾಯಿಸುವೆನು.
06:43	ನಂತರ Generate cell ಅನ್ನು ಕ್ಲಿಕ್ ಮಾಡಿ. ಡೈಲಾಗ್-ಬಾಕ್ಸ್ ಅನ್ನು ಕ್ಲೋಸ್ ಮಾಡಲು Close ಅನ್ನು ಒತ್ತಿ.
06:50	ಸರಿಯಾಗಿ ಕಾಣುವಂತೆ ಮಾಡಲು, ರಚನೆಯನ್ನು ಝೂಮ್ ಮಾಡಿ.
06:55	ಪ್ಯಾನಲ್ ನಲ್ಲಿ, ಕ್ರಿಸ್ಟಲ್ ಲ್ಯಾಟಿಸ್ ಅನ್ನು ತೋರಿಸಲಾಗಿದೆ.
06:59	ಈಗ ನಾನು Miller Indices ಅನ್ನು 3, 2, 3 ಎಂದು ಬದಲಾಯಿಸುವೆನು.
07:05	Navigation ಟೂಲ್ ಅನ್ನು ಬಳಸಿ ಸೆಲ್ ಅನ್ನು ತಿರುಗಿಸಿ.
07:09	ಇಲ್ಲಿ ಚುಕ್ಕಿಗಳಿಂದಾದ ಆಕೃತಿಯು, ಪ್ಲೇನ್ ಅನ್ನು ತೋರಿಸುತ್ತದೆ.
07:13	ನೀವು 'h', 'k', 'l' ವ್ಯಾಲ್ಯುಗಳನ್ನು ಬದಲಿಸುವುದರ ಮೂಲಕ ಅನೇಕ ಪ್ಲೇನ್ ಗಳನ್ನು ನೋಡಬಹುದು.
07:20	ಈಗ ನಾನು ಹೆಕ್ಸಾಮೈನ್ ಕೊಬಾಲ್ಟ್ ಥ್ರೀ ಗಾಗಿ, ಆಕ್ಟಾಹೆಡ್ರಲ್ ರೇಖಾಚಿತ್ರವನ್ನು ರಚಿಸುವೆನು.
07:26	ಒಂದು ಹೊಸ ವಿಂಡೋ ವನ್ನು ಓಪನ್ ಮಾಡಲು, ಟೂಲ್ ಬಾರ್ ನಲ್ಲಿ New ಐಕಾನ್ ಅನ್ನು ಕ್ಲಿಕ್ ಮಾಡಿ.
07:31	ಹೆಕ್ಸಾಮೈನ್ ಕೊಬಾಲ್ಟ್ ಥ್ರೀ ಅನ್ನು ರಚಿಸಲು, Draw Tool ಐಕಾನ್ ಅನ್ನು ಕ್ಲಿಕ್ ಮಾಡಿ.
07:37	Element ಎಂಬ ಡ್ರಾಪ್ ಡೌನ್ ನಲ್ಲಿ, Other ಅನ್ನು ಆಯ್ಕೆಮಾಡಿ.
07:41	Periodic table ವಿಂಡೋ ಓಪನ್ ಆಗುತ್ತದೆ.
07:44	ಟೇಬಲ್ ನಲ್ಲಿ Cobalt ಅನ್ನು ಆಯ್ಕೆಮಾಡಿ.
07:47	Periodic table ವಿಂಡೋ ವನ್ನು ಕ್ಲೋಸ್ ಮಾಡಿ.
07:50	ಪ್ಯಾನೆಲ್ ನ ಮೇಲೆ ಕ್ಲಿಕ್ ಮಾಡಿ. Element ಡ್ರಾಪ್ ಡೌನ್ ನಿಂದ, Nitrogen ಅನ್ನು ಆಯ್ಕೆಮಾಡಿ.
07:56	ಕೊಬಾಲ್ಟ್ ಪರಮಾಣುವಿನ ಮೇಲೆ, ಆರು ಬಾಂಡ್ ಗಳನ್ನು ರಚಿಸಲು ಕ್ಲಿಕ್ ಮಾಡಿ ಮತ್ತು ಎಳೆಯಿರಿ.
08:03	ಪ್ರತಿಯೊಂದು ನೈಟ್ರೋಜನ್ ಗೆ (ಸಾರಜನಕ), ಎರಡು ಹೈಡ್ರೋಜನ್ (ಜಲಜನಕ) ಗಳು ಅಂಟಿಕೊಂಡಿರುವುದನ್ನು ಗಮನಿಸಿ.
08:08	'ಹೆಕ್ಸಾಮೈನ್ ಕೊಬಾಲ್ಟ್ ಥ್ರೀ' ರಚನೆಯಲ್ಲಿ, ಪ್ರತಿಯೊಂದು ನೈಟ್ರೋಜನ್ ಗೆ, ಮೂರು ಹೈಡ್ರೋಜನ್ ಗಳು ಅಂಟಿಕೊಂಡಿವೆ.
08:15	Element ಡ್ರಾಪ್ ಡೌನ್ ನಿಂದ, Hydrogen ಅನ್ನು ಆಯ್ಕೆ ಮಾಡಿ.
08:19	ಎಲ್ಲಾ ನೈಟ್ರೋಜನ್ ಪರಮಾಣುಗಳ ಮೇಲೆ ಕ್ಲಿಕ್ ಮಾಡಿ, ಡ್ರ್ಯಾಗ್ ಮಾಡಿ.
08:25	ಪ್ಯಾನಲ್ ನ ಮೇಲೆ, 'ಹೆಕ್ಸಾಮೈನ್ ಕೊಬಾಲ್ಟ್ ಥ್ರೀ' ರಚನೆಯು ಸಿದ್ಧವಾಗಿದೆ.
08:29	Display Settings ಮೆನ್ಯುವನ್ನು ಓಪನ್ ಮಾಡಲು, Display Settings ಬಟನ್ ನ ಮೇಲೆ ಕ್ಲಿಕ್ ಮಾಡಿ.
08:36	ಈಗ ನಾನು 'ಹೆಕ್ಸಾಮೈನ್ ಕೊಬಾಲ್ಟ್ ಥ್ರೀ' ರಚನೆಯ, ಆಕ್ಟಾಹೆಡ್ರಲ್ ರೇಖಾಚಿತ್ರವನ್ನು ತೋರಿಸುವೆನು.
08:42	ಇದಕ್ಕಾಗಿ, ನಾನು Polygon Display Type ಅನ್ನು ಬಳಸುವೆನು.
08:46	Polygon Display Type ಸಕ್ರಿಯವಾಗಿರದಿದ್ದರೆ, Add ಬಟನ್ ಬಳಸಿ ಸಕ್ರಿಯಗೊಳಿಸಿ.
08:52	Polygon Display Type ಚೆಕ್ ಬಾಕ್ಸ್ ಅನ್ನು ಕ್ಲಿಕ್ ಮಾಡಿ.
08:56	ಆಪ್ಟಿಮೈಜ್ ಮಾಡಲು, ಟೂಲ್ ಬಾರ್ ನಲ್ಲಿ Auto Optimization Tool ಅನ್ನು ಕ್ಲಿಕ್ ಮಾಡಿ.
09:01	Force Field ಡ್ರಾಪ್ ಡೌನ್ ನಲ್ಲಿ, UFF ಅನ್ನು ಆಯ್ಕೆಮಾಡಿ.
09:06	ಆಪ್ಟಿಮೈಜ್ ಮಾಡಲು, Start ಬಟನ್ ಅನ್ನು ಒತ್ತಿ.
09:11	Auto optimization ಕ್ರಿಯೆಯನ್ನು ನಿಲ್ಲಿಸಲು, Stop ಅನ್ನು ಒತ್ತಿ.
09:16	ಆಕ್ಟಾಹೆಡ್ರಲ್ ರೇಖಾಚಿತ್ರವನ್ನು ನೋಡಲು, Navigation ಟೂಲ್ ಅನ್ನು ಬಳಸಿ ರಚನೆಯನ್ನು ತಿರುಗಿಸಿ.
09:22	ಹೀಗೆಯೇ, ಇದು 'ಅಯೋಡಿನ್ ಹೆಪ್ಟಾ ಫ್ಲೋರೈಡ್' ನ, 'ಪೆಂಟಾಗೋನಲ್ ಬೈ ಪಿರಾಮಿಡಲ್' ರೇಖಾಚಿತ್ರವಾಗಿದೆ.
09:29	ಈಗ ನಾವು Build ಮೆನ್ಯುವಿನಲ್ಲಿ, Nanotube builder (ನ್ಯಾನೋ ಟ್ಯೂಬ್ ಬಿಲ್ಡರ್) ಎಂಬ ಇನ್ನೊಂದು ವೈಶಿಷ್ಟ್ಯವನ್ನು ನೋಡುವೆವು.
09:35	'ನ್ಯಾನೋ ಟ್ಯೂಬ್', 'ನ್ಯಾನೋ ಮೀಟರ್ ಸ್ಕೇಲ್ ಟ್ಯೂಬ್' ನಂತಹ ಒಂದು ರಚನೆಯಾಗಿದೆ.
09:40	Boron carbon nitrogen (ಬೋರಾನ್ ಕಾರ್ಬನ್ ನೈಟ್ರೋಜೆನ್), Boron carbon ಮತ್ತು Carbon ಗಳು ವಿವಿಧ ನ್ಯಾನೋ ಟ್ಯೂಬ್ ಗಳ ಉದಾಹರಣೆಗಳಾಗಿವೆ.
09:50	ಕಾರ್ಬನ್ ನ್ಯಾನೋಟ್ಯೂಬ್, ಸಿಲಿಂಡರ್ ಆಕಾರದ, ಕಾರ್ಬನ್ ರಚನೆಯ ಒಂದು ಚಿಕ್ಕ ಪ್ರತಿರೂಪವಾಗಿದೆ. ಇದು ಅಂಚುಗಳಲ್ಲಿ, ಷಡ್ಭುಜೀಯ ಗ್ರಾಫೈಟ್ ಅಣುಗಳನ್ನು ಹೊಂದಿದೆ.
10:01	ಒಂದು ಹೊಸ ವಿಂಡೋವನ್ನು ಓಪನ್ ಮಾಡಲು, ಟೂಲ್ ಬಾರ್ ನಲ್ಲಿ New ಐಕಾನ್ ಅನ್ನು ಕ್ಲಿಕ್ ಮಾಡಿ.
10:06	ನ್ಯಾನೋಟ್ಯೂಬ್ ಚೆನ್ನಾಗಿ ಕಾಣಲು, ನಾನು ಬ್ಯಾಕ್ ಗ್ರೌಂಡ್ ಅನ್ನು ನೀಲಿ ಬಣ್ಣಕ್ಕೆ ಬದಲಾಯಿಸುವೆನು.
10:12	View ಗೆ, ನಂತರ Set Background Color ಗೆ ಹೋಗಿ.
10:17	Select Color ಎಂಬ ಡೈಲಾಗ್ ಬಾಕ್ಸ್ ಓಪನ್ ಆಗುತ್ತದೆ.
10:21	ಬಾಕ್ಸ್ ನಲ್ಲಿ, ನೀಲಿ ಬಣ್ಣವನ್ನು ಆಯ್ಕೆಮಾಡಿ, Ok ಯನ್ನು ಕ್ಲಿಕ್ ಮಾಡಿ.
10:26	Build ಮೆನ್ಯುವಿಗೆ ಹೋಗಿ, Nanotube Builder ಅನ್ನು ಆಯ್ಕೆ ಮಾಡಿ.
10:30	ಪ್ಯಾನಲ್ ನ ಕೆಳಗೆ, Nanotube Builder ಮೆನ್ಯು ಓಪನ್ ಆಗುತ್ತದೆ.
10:35	Nanotube Builder ಮೆನ್ಯುವನ್ನು ನೋಡಲು, ನಾನು Avogadro ವಿಂಡೋ ಅನ್ನು ರಿ-ಸೈಜ್ ಮಾಡುವೆನು.
10:40	ನ್ಯಾನೋಟ್ಯೂಬ್ ನ ವಿಧವನ್ನು ಗುರುತಿಸಲು, ನೀವು 'ಕೈರಾಲಿಟಿ ಇಂಡೆಕ್ಸ್' n, m ಗಳನ್ನು ಹೊಂದಿಸಬಹುದು.
10:47	ನಾನು ಇಂಡೆಕ್ಸ್ ವ್ಯಾಲ್ಯು n ಮತ್ತು m ಗಳನ್ನು, 4 ಮತ್ತು 4 ಎಂದು ಕೊಡುತ್ತೇನೆ.
10:53	Length ಅನ್ನು 4.00 ಗೆ ಬದಲಾಯಿಸಿ (four point zero and zero).
10:57	Unit ಫೀಲ್ಡ್ ಅನ್ನು, Periodic units ಎಂದು ಸೆಟ್ ಮಾಡಿ.
11:01	ನ್ಯಾನೋಟ್ಯೂಬ್ ನಲ್ಲಿ, ಡಬಲ್ ಬಾಂಡ್ ಗಳನ್ನು ತೋರಿಸಲು, Find double bonds ಎಂಬ ಚೆಕ್ ಬಾಕ್ಸ್ ಅನ್ನು ಕ್ಲಿಕ್ ಮಾಡಿ.
11:08	ನಂತರ Build ನ ಮೇಲೆ ಕ್ಲಿಕ್ ಮಾಡಿ.
11:10	ರಚನೆಯನ್ನು ಡಿಸೆಲೆಕ್ಟ್ ಮಾಡಲು, CTRL + SHIFT + A ಕೀ ಗಳನ್ನು ಒಟ್ಟಿಗೆ ಒತ್ತಿ.
11:15	ಸರಿಯಾಗಿ ಕಾಣುವಂತೆ ಮಾಡಲು, Navigation ಟೂಲ್ ಅನ್ನು ಬಳಸಿ, ನ್ಯಾನೋ ಟ್ಯೂಬ್ ಅನ್ನು ತಿರುಗಿಸಿ ಮತ್ತು ಝೂಮ್ ಮಾಡಿ.
11:21	ನಂತರ, 6,6 ಇಂಡೆಕ್ಸ್ ವ್ಯಾಲ್ಯು ಗಳಿರುವ ಒಂದು ನ್ಯಾನೋಟ್ಯೂಬ್ ಅನ್ನು ನಾನು ರಚಿಸುವೆನು.
11:27	Build ಮೆನ್ಯುವಿಗೆ ಹೋಗಿ, Nanotube Builder ಅನ್ನು ಆಯ್ಕೆ ಮಾಡಿ.
11:31	n ಮತ್ತು m ವ್ಯಾಲ್ಯೂಗಳನ್ನು 6 ಮತ್ತು 6 ಎಂದು ಬದಲಾಯಿಸಿ. ನಂತರ Build ನ ಮೇಲೆ ಕ್ಲಿಕ್ ಮಾಡಿ.
11:40	ಒಂದರ ಮೇಲೆ ಇನ್ನೊಂದು ಇರುವ ಎರಡು ನ್ಯಾನೋಟ್ಯೂಬ್ ಗಳನ್ನು ಗಮನಿಸಿ.
11:44	ನ್ಯಾನೋ ಟ್ಯೂಬ್ ಗಳನ್ನು ಆಪ್ಟಿಮೈಜ್ ಮಾಡಲು, Auto Optimization Tool ಅನ್ನು ಕ್ಲಿಕ್ ಮಾಡಿ.
11:50	Force Field ಡ್ರಾಪ್ ಡೌನ್ ನಲ್ಲಿ, MMFF94 ಅನ್ನು ಆಯ್ಕೆಮಾಡಿ.
11:56	ಆಪ್ಟಿಮೈಜ್ ಮಾಡಲು, Start ಬಟನ್ ಅನ್ನು ಒತ್ತಿ.
12:02	auto optimization ಕ್ರಿಯೆಯನ್ನು ನಿಲ್ಲಿಸಲು, Stop ಅನ್ನು ಒತ್ತಿ.
12:07	ರಚನೆಯನ್ನು ಡಿಸೆಲೆಕ್ಟ್ ಮಾಡಲು, CTRL + SHIFT + A ಕೀ ಗಳನ್ನು ಒಟ್ಟಿಗೆ ಒತ್ತಿ.
12:11	ಪ್ಯಾನಲ್ ನ ಮೇಲೆ, ಎರಡು ಗೋಡೆಗಳಿರುವ ಒಂದು ನ್ಯಾನೋಟ್ಯೂಬ್ ಅನ್ನು ತೋರಿಸಲಾಗಿದೆ.
12:16	ಸರಿಯಾಗಿ ಕಾಣುವಂತೆ ಮಾಡಲು, Navigation tool ಅನ್ನು ಬಳಸಿ ನ್ಯಾನೋ ಟ್ಯೂಬ್ ಅನ್ನು ತಿರುಗಿಸಿ.
12:21	ಈಗ ನಾನು ನ್ಯಾನೋಟ್ಯೂಬ್ ನಲ್ಲಿ, ಕಾರ್ಬನ್ ಹೆಕ್ಸಾಗೊನ್ ರಿಂಗ್ ಗಳನ್ನು ತೋರಿಸುವೆನು.
12:26	Display Types ಮೆನ್ಯುವಿನಲ್ಲಿ, Ring ಚೆಕ್ ಬಾಕ್ಸ್ ಅನ್ನು ಆಯ್ಕೆಮಾಡಿ.
12:31	'ಕಾರ್ಬನ್ ಹೆಕ್ಸಾಗೊನ್' ಗಳನ್ನು ನೋಡಲು, Navigation ಟೂಲ್ ಅನ್ನು ಬಳಸಿ 'ನ್ಯಾನೋಟ್ಯೂಬ್' ಅನ್ನು ತಿರುಗಿಸಿ.
12:38	ಸಂಕ್ಷಿಪ್ತವಾಗಿ,
12:40	ಈ ಟ್ಯುಟೋರಿಯಲ್ ನಲ್ಲಿ ನಾವು :
12:43	pH ವ್ಯಾಲ್ಯುಗಳನ್ನು ಬದಲಾಯಿಸಿ, ಸಂಯುಕ್ತ ವಸ್ತುಗಳಲ್ಲಿ ಪ್ರೋಟೋನ್ ವರ್ಗಾವಣೆ ಮಾಡುವುದು,
12:48	'ಕ್ರಿಸ್ಟಲ್ ಲೈಬ್ರರಿ' ಯಿಂದ ಕ್ರಿಸ್ಟಲ್ ರಚನೆಗಳನ್ನು ಲೋಡ್ ಮಾಡುವುದು,
12:51	ವಿವಿಧ ಮಿಲ್ಲರ್ ಪ್ಲೇನ್ ಗಳನ್ನು ತೋರಿಸುವುದು,
12:54	ಸೂಪರ್ ಸೆಲ್ ಗಳನ್ನು ರಚಿಸುವುದು,
12:56	'ಕೋ-ಆರ್ಡಿನೇಷನ್ ಕಂಪೌಂಡ್' ಗಳಲ್ಲಿ, ಜಾಮೆಟ್ರಿಯನ್ನು ತೋರಿಸುವುದು ಮತ್ತು ನ್ಯಾನೋ ಟ್ಯೂಬ್ ಗಳನ್ನು ರಚಿಸುವುದು – ಇವುಗಳ ಕುರಿತು ಕಲಿತಿದ್ದೇವೆ.
13:03	ಇಲ್ಲಿ ಒಂದು ಅಸೈನ್ಮೆಂಟ್ ಇದೆ : ಸಿಲ್ವರ್ ಕ್ಲೋರೈಡ್ (AgCl) ಕ್ರಿಸ್ಟಲ್ ಸ್ಟ್ರಕ್ಚರ್ ಅನ್ನು ಲೋಡ್ ಮಾಡಿ ಮತ್ತು ಇದರ ಮಿಲ್ಲರ್ ಪ್ಲೇನ್ ಗಳನ್ನು ತೋರಿಸಿ.
13:09	'ಕೋ-ಆರ್ಡಿನೇಷನ್ ಲೈಬ್ರರಿ' ಯಿಂದ ಸ್ಟ್ರಕ್ಚರ್ ಗಳನ್ನು ಲೋಡ್ ಮಾಡಿ ಮತ್ತು ಅದರ ಜ್ಯಾಮಿತಿಗಳನ್ನು ತೋರಿಸಿ.
13:14	'ಕೈರಾಲಿಟಿ ಇಂಡೆಕ್ಸ್' 9,9 ನೊಂದಿಗೆ ನ್ಯಾನೋಟ್ಯೂಬ್ ಅನ್ನು ರಚಿಸಿ.
13:19	ಈ ವೀಡಿಯೋ, ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್ ನ ಸಾರಾಂಶವಾಗಿದೆ. ನಿಮಗೆ ಒಳ್ಳೆಯ ಬ್ಯಾಂಡ್ವಿಡ್ತ್ ಸಿಗದಿದ್ದರೆ, ನೀವು ಇದನ್ನು ಡೌನ್ಲೋಡ್ ಮಾಡಿ ನೋಡಬಹುದು.
13:27	ನಾವು ಸ್ಪೋಕನ್ ಟ್ಯುಟೋರಿಯಲ್ ಗಳನ್ನು ಬಳಸಿ, ಕಾರ್ಯಶಾಲೆಗಳನ್ನು ಏರ್ಪಡಿಸುತ್ತೇವೆ ಮತ್ತು ಪ್ರಮಾಣಪತ್ರವನ್ನು ಕೊಡುತ್ತೇವೆ. ದಯವಿಟ್ಟು ನಮ್ಮನ್ನು ಸಂಪರ್ಕಿಸಿ.
13:34	ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್, NMEICT, MHRD ಮೂಲಕ ಭಾರತ ಸರ್ಕಾರದ ಅನುದಾನವನ್ನು ಪಡೆದಿದೆ.
13:41	ಈ ಸ್ಕ್ರಿಪ್ಟ್ ನ ಅನುವಾದಕಿ ಮೈಸೂರಿನಿಂದ ಅಂಜನಾ ಅನಂತನಾಗ್ ಮತ್ತು ಧ್ವನಿ ನವೀನ್ ಭಟ್ಟ, ಉಪ್ಪಿನ ಪಟ್ಟಣ. ಧನ್ಯವಾದಗಳು.

Contributors and Content Editors

Anjana310312, Sandhya.np14