Health-and-Nutrition/C2/Storage-of-expressed-breastmilk/Korku

Time	Narration
00:01	रोजकेन बुचू दिदोम के डोडो गा सही तरिका इनी स्पोकन ट्युटोरिअलेन आपेगा स्वागत होय.
00:06	इनी ट्युटोरिअलेन अबु इठुवालेन की रोजकेन बुचू दिदोम के बादोन कातड्याके आनू घलजा चुफार अच्छाते डोय सकता वा.
00:14	बो मका नाका आबु जानकारी सवा - रोजकेन बुचू दिदोम कातड्या डो आंटे बारकिन्जा घलजा खोपका फायदा गा थाडवा.
00:21	इनी का भागोंन दुसरा ट्युटोरिअलेन टी टे बुचू दिदोम रोरोज येन जानकारी जिले होय.
00:29	रोजकेन बुचू दिदोम अच्छाटे इस्तमाल डाडा डो बरतनेन उगूरटे डोकी होना.
00:34	इफार डाडा तासो कातड्या घलजा दिदोम गा कस टिटकाव लिये मदद दऊवा.
00:39	बुचू दिदोम आणू सुटू आंटे हेजा टी के सबु डो डा टे आंबुन्जटे ओजोया.
00:46	बुचू दिदोम डोडो घलजा आंटे स्टील या काचो गा अेम्ब्या रोगो बरतन गा इस्तमाल डाडा होना डी बरतन के उगुरटे डोडोगेन भी आसानी डाऊवा.
00:56	स्टील बरतन इस्तमाल बारेन येनेन कानिकेन होय फिर भी कुछ चित्राटालान काचो बरतन गा आबु इस्तमाल डाडा लकेन होय.
01:03	समजोन हेजे घलजा, बरतन दिदोम अबु डोगे सकता वा.
01:09	बादोन आंटे दिदोम डोडो गा बरतन के सबु डो डा टे आबुया.
01:14	डी बरतन के आंटे कम से कम उबलावगू डा टालान गेल मिनिट तभी डोडो होन.
01:21	डे बादोन आंटे म्या नी बरतन के कोयो घईडाय या अच्छा कपडा टे ओजोया.
01:31	बरतन के आटा होंदारा उसरीन इस्तमाल डाडा कपडा टे कभी भी ओजोटे लोलखोडे बाकी.
01:40	बरतन पूरा लोखोयडेन बादोन, रोजकेन दिदोम के डी बरतनेन उखडीकी.
01:48	आंटे टुनिका भी बरतनेन फक्त म्या बार आनू दिदोम पुरता दिदोम या कम से कम 60 ते 90 मिलीलीटर दिदोम डोडो होना.
01:58	अगर आंटे हेजा बुचू दिदोम के जजमाटिन्ज लके तासो डीज बरतन गा लिया बाजून म्या इंच जगा आराकी क्योकि बुचू दिदोम जैसा – जैसा जमटिन्जूवा वैसा - वैसा फैलागू वा.
02:12	डीज हर बरतनेन दिदोम रोजटे डोके गा तारिको डो टेमो ओलके कागदो के चिपकाव की
02:18	बादोन डीज डी बुचू दिदोम टे भरावकेन बरतन के जरूरी होय डेटो थंडा जगान डोडो होना.
02:25	अगर डीज मेरान फ्रीज टाका तासो डेन दिदोम डोडो सबइकू टे अच्छा थाळवा.
02:30	डीज फ्रीज गा सबईकू टे इटा शेल्फज गा टऊन बुचू दिदोम के डोडो होना डी फ्रीज गा सबटे थंडा जगा होय.
02:40	बुचू दिदोम के कभी भी फ्रीज दराजो खाचान डोडो बाकी.
02:44	तापमान चोटो कम थाळवा डेटोका टेमो टायेन दिदोम अच्छा थाळवा.
02:49	अच्छा तरिका डोकेन बुचू दिदोम फ्रीज टालान 7 दिन टायेन डोय सकता वा.
02:56	डी के हमेशा का थंडा डोडो जरूरी का होय.
02:59	इनी मांडी ध्यानेन डोकी की, फ्रीज दराजो के चोटो बार उघडायवा डेटोका बार तापमान / हवामान बढागू सकता वा.
03:07	लाईन ओलेन तासो या कुछ कारण टे दिदोम डोडो बेरान फ्रीज तापमान बढायेन तासो 6 (तुरई) घंटा टालान आंटे टालान बुचू दिदोम गा इस्तमाल डाया होना.
03:18	अगर तुरई घंटा टालान बुचू दिदोम गा इस्तमाल बान डाडू तासो डी दिदोम के टेप्पाकी होना.
03:26	आंटे मेरान फ्रीज बान तासो डीज हेजा दिदोम के हुरान का मिनुकू –सिटाकून बन घटऊ खिजा थंडा डो आंधरा जगान तुरई घंटा टायेन डोय सकता वा.
03:39	खोली गरम तासो डी दिदोम थंडा डा टे भरावकेन कासा बरतनेन या कासा खुबडी मेरान भी डोय सकता वा.
03:50	ताजा आंटे दिदोमेन रोगोराइटे टापान गा घटक थाडवा.
03:57	डे मारेन डी गई दिदोम अपेक्षा जल्दी सुरइगू बाने.
04:03	गरम वातावरणेन डो फ्रीजगा बल्लान भी ताजा बुचू दिदोमेन कम से कम तुरई घंटा तो भी जंतुकू बढावगू बाने.
04:15	बुचू दिदोम फ्रीज बल्लान डोडो गा एहा म्या जगा यानी राबान पिसवी या बरफगा पाकिट मिनी बक्सा इस्तमाल डाडा, डिके 24 घंटा बादोन बदलटिन्जे.
04:27	दिदोम के बरफ गा पाकिट टे लेक्किन डोडो होना बन की डी जमटिन्जूवा ले.
04:33	दिदोम सा घलजा राबान पिसवी भी इस्तमाल डाय सकता वा.
04:38	बुचू दिदोम 7 दिन टे भी ज्यादा टेमो टायेन डोडो तासो दिदोम रोयेन बादोन जितना जल्दी हो सके डेटो जल्दी डीके जमटिन्जा.
04:49	फ्रीज गा फ्रीजर टालान डोकेन बर्फ रोंगो दिदोम 2 महिना घलया अच्छा टाळवा.
04:56	फ्रीज गा फ्रीजर टालान डोकेन दिदोम 3 ते 6 महिना लिये अच्छा टाळवा.
05:04	जमटिन्जके बुचू दिदोम फ्रीज सबइकू टे इटा शेल्फेज राटो भर डोटे पिघलाव के तासो 24 घंटा टालान डेगा इस्तमाल डाया.
05:17	डो जब दिदोम फ्रीज बल्लान पिघलावकेन तासो डीके बारी घंटा टालान इस्तमाल डाय.
05:25	बाकी ट्युटोरिअलेन भी कानिकेन होय की डोकेन बुचू दिदोम कातड्या के नुनू घलजा चुफार ततईयार होना.
05:31	डो रोजकेन बुचू दिदोम कातड्या के चुफार टे आनू होना.
05:37	येने साथोन का आबु इनी ट्युटोरिअलगा आखरी टप्पान हेयेन होय. इनी स्क्रिप्ट गा अनुवाद रामगोपाल भिलावेकर डो रोशन जांबु इंडीकिंज डाके होय. येने लिये आवाज जिऊगा कामाय प्रियंका इंडिज डाके होय. आपे सबइकू इनी कोरकु अनुवाद लिये जुडावकेन घलजा धन्यवाद !

Contributors and Content Editors

Podharni