Health-and-Nutrition/C2/Nipple-conditions/Korku
| Border-1 | Time- | Narration-
| - | 00:01 | रिटाकेन आंटे गा 'बुचू सम्मा केंडे गोल भागो' (निप्पल) इनी स्पोकन ट्युटोरिअलेन आपे सोबईकू गा स्वागत. | - | 00:06 | इनी ट्यटोरिअलेन आबु इठुवा कासु लक्केन डो जखम डोयेन बुचू भागो (निप्पल) डो. | - | 00:11 | टालान दबाके बुचू सम्मा केंडे भागो (निप्पल) येने बारेन इठुवा. | - | 00:15 | पहिला स्थिती होय - कासु लक्केन डो जखम डायेन बुचू भागो. | - | 00:20 | इनी म्या इफीर स्थिती होय डेनेन आंटे बुचू लियेन जखम डऊवा डो खून ओडवा. | - | 00:26 | येनेटे बुचू लिया भागो भभाटा वा डो साडूवा. | - | 00:30 | नाका आबु कासु लक्केन डो जखम डायेन बुचू भागो लिया कई सवाल बारेन मांडीवा. | - | 00:36 | बुरशी डो कातड्या के बुचू आणू, | - | 00:38 | जंतुकु गा फैलाव, | - | 00:41 | बुचू आणू डायेन बादोन बुचू साफ-सफाई डाडा आदत डो, | - | 00:45 | कातड्या चिपकाकेन लाज बारेन माहिती सावा. | - | 00:47 | आबु कातड्या के बुचू आणू तरिका टे सुरुवात डाडावा. | - | 00:50 | कातड्या के बुचू आणू, कासु लक्केन डो जखम डायेन बुचू भागो इनी के समझा टे सासा ज्यादा जरुरी होय. | - | 00:56 | कातड्या के बुचू आणू बेरान कातड्या चाबु टाला कडक भागोन बुचू सम्मा केंडे गोल भागो घसावगूवा. | - | 01:03 | कातड्या चाबु टाला कडक भागो टे बुचू सम्मा केंडे गोल भागो के दबावगेवा. | - | 01:08 | डो डे वाजाटे आंटेन कातड्या के बुचू आणू बेरान बेभाव परेशानी डऊवा. बुचू लियेन जखम डऊवा. | - | 01:17 | कातड्या बुचू लिया बरोबर पकड़ बन्ने गा इनी परिणाम होय. | - | 01:20 | कातड्या के बुचू आणू के बादोन बेभाव बुचू कासुवा, डे घलया येने सेबई टे बचाटिंयु घलया कातड्या बुचू लिया सही पकड़ खोप जरुरी होय. | - | 01:29 | ध्यान डोकी, आले इनी का ट्युटोरिअला दुसरा ट्युटोरिअलेन 'बुचू लियेन कातड्या टी पक्का पकड़ गा सही तरिका बारेन' घलकेन होय. | - | 01:37 | कासु लक्केन डो जखम डायेन बुचू लिया भागो के कातड्या बरोबर उठाके तासो भी बुचू कासुवा. | - | 01:43 | आंटे बुचू लियेन कातड्या टी पकड़ हमेशा बरोबर तासो बुचू आरोम्बो-आरोम्बो टे सारिऊवा. | - | 01:51 | सम्मान आबु बुरशी डो जंतुकू गा फैलाव येने बारेन मांडीवा. | - | 01:56 | अगर आंटेन बुरशी डो जंतुकू गा संसर्ग (रोगो) डायेन तासो डाज डॉक्टरगा मांडी आयुम होना. | - | 02:03 | बकी आंटेकून बुचू आणू सुटू बुचू आबुंया आदत थाड़वा. | - | 02:09 | येने वाजाटे बुचू सकाड़ाव वा. | - | 02:13 | डी वाजाटे येनी आदतो टे बचावगू होना. | - | 02:16 | ध्यान डोककी की, आगूज बेरान आंटे हेजा बुचू साफ-सफाई डाय सकता वा. | - | 02:21 | अगर बुचून जखम डायेन की, हर बार बुचू आणू डायेन बादोन बुचू के डा टे आबुंज होना. | - | 02:28 | बुचू के आबुयेन बादोन बुचू लिया जखम लियेन आंटे चिको डीडोम येंड़ होना. | - | 02:32 | टऊ डीडोमेन कुछ इफीर चीजों थाड़वा की डी जखम के ससरी घलया मदत डाडावा. | - | 02:39 | इनी रोंगो, कातड्या चाबु टाला जंतुकू बुचू जखम लियेन फैलागू टे रोकाटिंजूवा. | - | 02:46 | डेने बादोन आबु कातड्या चिपका के लान बारेन मांडीवा. | - | 02:50 | कातड्या चिपकाव केन लान इनी म्या इफीर स्थिती होय. डेनेन कातड्या लाना सम्मा भागो चाबू टाला इटा बाजू टे जुड़ावकू वा. | - | 02:58 | इनी खिजा स्थिती कम का डोडोगेन हाजेवा. | - | 03:01 | डो कातड्या लान चिपकाकेन थाडवा डी कातड्या बुचू सम्मा केंडे गोल भागो बुचू नुणू टेमोन डुगूवा. | - | 03:06 | कातड्या लान चिपकावकेन तासो सिर्फ बरोबर पकड़ काफी बन डऊ डे घलया ऑपरेशन डाडा जरुरी होय. | - | 03:16 | डे वाजाटे इफीर डायेन की, आंटे डॉक्टर टे येने बारेन मांडी होना. | - | 03:22 | नाका कासू लक्केन डो जखम डायेन बुचू इलाज बारेन मांडीवा. | - | 03:27 | अगर आंटे बुचू कासू लक्केन डो जखम डायेन तासो आरोग्य कर्मचारीकू आंटे गा छाती डो बुचू तपासोया होना. | - | 03:37 | आंटे बुचू आणू सुटू हेज टी टे सुरुवात डीडोम के ओडा घलया मांडी होना. | - | 03:42 | डेनेटे बुचून नरमपणा हाजेवा डो कातड्या आसानी टे बुचू के उठाय सकता वा. | - | 03:47 | टी टे डीडोम आतरके की जंतुकू फैलाव, बुचू लिया जखम डो, बुचू गा जलन कमुवा. | - | 03:55 | बादोन आंटे हेजा कातड्या के बुचू टे बरोबर गठीऊ घलया मदत डाडा होना. | - | 04:01 | ध्यानेन डोकी की, बार-बार बुचू आणू इनी बुचू डीडोमा पुपराव ठहराटिंजेवा. | - | 04:09 | डी घलया आंटे बुचू आणू प्रक्रिया चालु का डोकी होना. | - | 04:13 | बुचू आणू बेरान आंटे कम कासु लक्केन बुचू धेड़ा टे बुचू आणू सुरुवात डाय. | - | 04:20 | अगर फिर भी बुचू आणू बेरान तकलीफ डाऊ लक्केन तासो आंटे हेज टी टे बुचू डीडोम रोजे सकता वा डो डी के चम्मच या कोपो टे कातड्या के आणोय सकतावा. | - | 04:32 | येठा पहिला घाल्ले खिजा हर बार बुचू आणू डायेन बादोन चिको डीडोम कुछ बूँदो जखम लियेन आँडा होना. | - | 04:42 | ध्यान डोकी की, इनी चीजों कासु लक्केन डो जखम डायेन डो साजा बुचू लियेन बकी डाडा होना. | - | 04:49 | साबु, सुनूम, लोशन, झडु बाम डो अत्तर येनेन जानेन तकलिफ डऊ रोंगो चीजो थाड़ सकता. | - | 04:54 | अगर आंटेन कासू लक्केन डो बुचू जखम डायेन होंगा तासो डी स्थिती ज्यादा का सुरइगूवा. | - | 05:03 | नाजूक परिस्थितीन आंटे डॉक्टर या आरोग्य कर्मचारीकू टे सलाह सा सकतावा. | - | 05:09 | कासू लक्केन डो जखम डाकेन बुचू भागो कासू कमू घलया, रिटायेन बादोन तुरतो का कातड्या के बुचू आणू सुरुवात डाय. | - | 05:15 | रोज बुचू आणू बेरान, कातड्या बुचू के बरोबर उठा के की बन डी डोया. | - | 05:22 | सम्मान आबु टालान ओलेन बुचू लिया केंडे गोल भागो बारेन मांडीवा. | - | 05:28 | टालान ओलेन बुचू सम्मा केंडे गोल भागो एरिओला (बुचू सम्मा केंडे गोल भागो) आसोपासो भागो टे लियेन बन थाड़. | - | 05:33 | पर टालान ओलेन बुचू सम्मा केंडे गोल भागो कभी-कभी टाला बाजूटे मोड़ाटिंज थाड़वा. | - | 05:38 | आंटे घलया सच्चो मांडी चूज होय डी समजाव टे सा जरुरी होय - बुचू आणू घलया टालान ओलेन बुचू सम्मा केंडे गोल भागो अड़थड़ा बन होय. | - | 05:48 | जैसा की, बुचू लियेन बरोबर पकड़ डाडा बेरान कातड्या बुचू लिया केंडे भागो के उछायवा, बुचू सम्मा केंडं गोल भागो के बन्ने. | - | 05:56 | ध्यान जे, टालान ओलेन बुचू सम्मा केंडे गोल भागो बारेन - रिटाऊ पहिला हफ्तान आंटे के मदत गा गरज थाड़वा. | - | 06:03 | डी बेरान - आरोग्य कर्मचारीकू आंटे के सही बुचू उठा बारेन माहिती जू होना. | - | 06:08 | डेटे डीजा आत्मविश्वास बढ़ावगूवा. | - | 06:11 | ध्यानेन डोकी, अगर आंटे गा बुचू सम्मा केंडे गोल भागो टालान ओलेन होय सही पकड़ घलया "क्रॉस क्रेडल होल्ड (बुचू के आडा टे उठा) इनी अच्छा तरिका होय. | - | 06:22 | नाका 'Football' पकड़ डो आदा टेकाकेन आंटे बुचू बारेन येनेन आबु मांडीवा. | - | 06:26 | सुटू ट्युटोरिअलेन घालके रोंगो टुनिका भी बुचू उठा तरिकान इनी जरुरी होय की - आंटे हेज बुचू के बरोबर तरिका टे इठा होना. | - | 06:37 | डेन कातड्या मू डो आंटे बोटो म्या लाईनेन होना. | - | 06:42 | ध्यान डोकी - गलत उठा वाजाटे कासू लक्केन बुचून तकलिफ डऊवा. | - | 06:47 | येठा ध्यानेन डोकी की, डीडोम बोटल या रबर बुचू ढक्कन रोंगो चीजो (निप्पल शिल्ड) वापार बकी डाडा. | - | 06:52 | येने वाजाटे कातड्या के टालान ओलेन बुचू सम्मा केंडे गोल भागो टे बुचू नुणून अडचन सेनेवा. | - | 07:00 | आंटे डो कातड्या जान ज्यादा टे ज्यादा मिलावगू वा. | - | 07:04 | येने वाजाटे आंटे मेनेन ऑक्सिटोसिन रेफ्लक्स (बिचार) त्यारुवा डो बुचू टाला गीगोम डीडोम आरोम्बो टे का ओलेडवा. | - | 07:12 | सदा का ध्यानेन डोय की, इनी सेबई का बुचू बारेन स्थिती टे बचाऊ घलया बुचू आणू सही पकड़ घलया जरुरी मांडी होय. | - | 07:19 | आबु रिटाकेन आंटेगा बुचू सम्मा केंडे गोल भागो स्थिती इनी ट्युटोरिअलगा आखरी टप्पान हेन होय. | - | 07:26 | इनी ट्युटोरिअलेन आबु कासू लक्केन डो जखम डायेन बुचू भागो (निप्पल) डो | - | 07:31 | टालान ओलेन बुचू सम्मा केंडे गोल भागो बारेन इठुकेन होय. | - | 07:34 | इनी ट्युटोरिअल घलया मदत स्पोकन ट्युटोरिअल प्रोजेक्ट आयआयटी बॉम्बेकू कोनेटे घाटाकेन होय | - | 07:40 | स्पोकन ट्युटोरिअल प्रोजेक्ट के भारत सरकारकू गा NMEICT MHRP इनकु कोनटे योगदान मदत घाटाकेन होय. | - | 07:47 | इनी मिशन बारेन ज्यादा माहिती इनी लिंकेन घाटाऊवा. | - | 07:52 | स्पोकन ट्युटोरिअल के व्हील्स ग्लोबल फाऊणडेशन इनकु कोनटे भी अनुदान घाटाकेन होय. | - | 07:59 | इनी ट्युटोरिअल आंटे डो कातड्या पालन-पोषण प्रोजेक्ट गा भाग होय | - | 08:04 | इनी ट्युटोरिअल कार्यक्षेत्र परीक्षक होय - डॉ. रुपल दलाल, एमडी बालरोग चिकित्सक होय.डो डॉक्टर तरु जिंदल,एमएस प्रसूतितज्ञ डो स्रीरोगतज्ञ इनकींज होय. इनी स्क्रिप्ट गा कोरकू मांडीन भाषांतर रामगोपाल रामलाल भिलावेकर, रोशन रा. जांबु, गोविंदा सावलकर, हिरामण भिलावेकर इनकू डाके, आयआयटी बॉम्बेकु कोनटे इंज रंजना ऊके आपे सेबईकु टे बिदा साबा. धन्यवाद.......!!
