Health-and-Nutrition/C2/Breastfeeding-latching/Telugu

Time	Narration
00:02	స్తనపాన సమయంలో బిడ్డ తల్లి రొమ్మును పట్టుకునే తీరుపై ఈ స్పొకెన్ టుటోరియల్ కు స్వాగతం.
00:07	ఈ టుటొరియల్ లో మనం, బిడ్డ తల్లి రొమ్మును నోటితో లోతుగా అందుకుని పట్టుకునిఉండటానికి సరైన మెళకువలను, మరియు తల్లి ఎంత తరచుగా పాలను పట్టిస్తూఉండాలి అనేవాటిని గురించి నేర్చుకుంటాము.
00:20	మనం ప్రారంభించడానికి ముందు,స్తనపానం బాగా జరగడానికి, బిడ్డ స్తనాన్ని నోటితొ సరిగ్గా పట్టుకొవడం అనేది చాలా ముఖ్యం అని దయచేసి గమనించండి.
0:29	బిడ్డ తన నోటితో తల్లి రొమ్మును పట్టుకోవడం అనేది సరిగ్గా లేకపోతే అప్పుడు బిడ్డ చనుమొన దగ్గర నుండి మాత్రమే పాలను తాగగలదు.
00:36	దీనివల్ల బిడ్డకు చాలా తక్కువ పాలు లభిస్తాయి.
00:40	కనుక తల్లి రొమ్ము యొక్కచనుమొన చుట్టూ ఉన్న నల్లని పరిసరం దిగువ భాగాన్ని బిడ్డ తన నోటితో లోతుగా పట్టుకుంటే అది బిడ్డకు తగినన్ని పాలను ఇస్తుంది.
00:50	దయచేసి గమనించండి, అరియోలా అంటే చనుమొన చుట్టూ ఉన్న నల్లనిప్రాంతం.
00:56	ఇప్పుడు, ప్రారంభిద్దాం. ప్రారంభించడానికి,తల్లి తన బిడ్డను పాలివ్వడానికి తగిన విధంలో పట్టుకోవాలి.
01:05	ఇదే సిరీస్‌ యొక్క ఇతర వీడియోలలో ఈ పట్టుకునే విధానాలు వివరంగా వివరించబడ్డాయి.
01:11	ఈ టుటొరియల్ లో (క్రాస్ క్రెడల్ హొల్డ్) శిశువుని చేతితొ ఉయ్యాల లా పట్టుకొవడం గురించి వివరించబడుతుంది.
01:16	తల్లి పాలను చక్కగా పట్టించడానికి, బిడ్డ తల్లి రొమ్మును నోటితో బాగా పట్టుకోవడానికి, బిడ్డను సరైన పద్దతిలో పట్టుకోవడం అవసరం అని గుర్తుపెట్టుకోండి
01:24	ఈ చిత్రం లొ తల్లి శిశువుని క్రాస్ క్రెడల్ విధానం లొ సరిగ్గా పట్టుకు౦ది.
01:31	మరియు శిశువు స్తనపానం కొరకు స్తనాన్ని పట్టుకోవడానికి సిద్దంగా ఉంది.
01:35	బిడ్డ తల్లి రొమ్మును నోటిలో పెట్టుకోవడానికి ముందు, బిడ్డ తన నోటిని ఆవలించేటప్పుడు తెరిచినట్టుగా వెడల్పుగా తెరవాలి.
01:42	ఎందుకు? వడా పావ్ లేదా బర్గర్ ను పెద్దవాళ్ళు తినే విధానాన్ని చూడటం ద్వారా దీనిని అర్థం చేసుకుందాం.
01:49	వడా పావ్ లేదా బర్గర్ యొక్క పెద్ద ముక్కను కొరకడానికి మనం నోటిని వెడల్పు గా తెరుస్తాము.
01:56	అదేవిధంగా, నోటిని బాగా తెరిస్తే అది శిశువుకు తల్లి రొమ్ము యొక్క ఎక్కువ భాగాన్ని తన నోటిలోకి తీసుకోవడానికి సహాయపడుతుంది.
02:04	శిశివు నొరు బాగా తెరిచేటట్లు ప్రెరెపి౦చడానికి, శిశువు నోటిని బాగా తెరిచే వరకు తల్లి తన చనుమొనను శిశువు పై పెదవికి వ్యతిరేకంగా తేలికగా రుద్దుతూ ఉండాలి.
02:16	కొన్నిసార్లు, శిశువు నోటిని బాగా తెరవడానికి కొన్ని సెకన్ల నుండి 2 నిమిషాల సమయం పడుతుంది కనుక ఓర్పు తొ ఉండాలి.
02:25	ఏ విధానంలో పాలివ్వటానికైనా, తల్లి యొక్క వేళ్లు మరియు రొమ్మును పట్టుకున్న బొటనవేలు ఎల్లప్పుడూ శిశువు పెదాలకు సమాంతరంగా ఉండాలని గుర్తుంచుకోండి.
02:36	శిశువు నోటిని బాగా తెరిచినప్పుడు, బిడ్డ క్రింది పెదవి చనుమొన పరిసరం యొక్క కిందిభాగం వద్ద ఉండాలి.
02:43	మరియు చనుమొన అనేది బిడ్డ నోటి పైభాగానికి అందేలా ఉండాలి అంతేకాని నోటి మధ్యలోకి వచ్చేలా కాదు.
02:50	ఇప్పుడు, తల్లి త్వరగా తన స్తనాన్ని బిడ్డ నోటిలో ఉంచాలి.
02:55	ఆమె మొదట బిడ్డ యొక్క తలని కొద్దిగా బయటికి వంచి బిడ్డ గడ్డాన్ని స్వల్పంగా రొమ్ములోకి నొక్కాలి.
03:02	బిడ్డ నోటిలోకి స్తనాన్ని చేర్చడానికి ఆమె వెనుకకు వంగడం లేదా స్తనాన్ని నోటిలోకి నెట్టడం లాంటివి చేయకూదడదు.
03:08	శిశువు భుజాల వెనుక నుండి సున్నితంగా నెట్టడం ద్వారా శిశువును తల్లి రొమ్ము వద్దకు తీసుకురావాలి.
03:15	బిడ్డ తల్లి రొమ్మును నోటితో లోతుగా అందుకుని పట్టుకుని ఉండాలంటే ముఖ్యంగా తల్లియొక్క చనుమొన పరిసరం కిందిభాగం అనేది బిడ్డ నొటిలొ ఉండాలి.
03:25	ఇది చనుమొన అనేది శిశువు నోటిలోని సౌకర్యవంతమైన ప్రాంతానికి చేరుకోవడానికి సహాయపడుతుంది.
03:31	బిడ్డ తన నాలుకను తన క్రిందిపెదవి దగ్గర ఉన్న చనుమొన పరిసర భాగానికి వ్యతిరేకంగా నొక్కాలి.
03:37	ఇది పెద్ద పాల నాళాలపై ఒత్తిడి తెస్తుంది దానివల్ల ఎక్కువ పాలు బయటకు వస్తాయి.
03:42	తదుపరి దశ అనేది శిశువు తల్లి రొమ్మును లోతుగా పట్టుకునివుందో లేదో తనిఖీ చేయడం.
03:48	బిడ్డ తల్లి రొమ్మును లోతుగా పట్టుకుని ఉందని నిర్దారించుకోవడానికి, తల్లి ఈ క్రింది సంకేతాలను గమనించాలి:
03:54	బిడ్డ యొక్క నోరు బాగా తెరుచుకుని ఉంటుంది,
03:57	శిశువు యొక్క పై పెదవి దగ్గర కనిపించే చనుమొన పరిసరభాగం అనేది దిగువ పెదవి దగ్గర కనిపించేదానికంటే ఎక్కువ ఉంటుంది.
04:06	శిశువు యొక్క క్రింది గడ్డం పూర్తిగా తల్లి రొమ్ములో పొదిగి ఉంటుంది.
04:11	బిడ్డ పాలు మింగేటప్పుదు బిడ్డ దవడ వద్ద పాలచుక్కలు స్పష్టంగా ఉంటాయి.
04:16	మరియు, శిశువు యొక్క దిగువ పెదవి బయటి దిశలో వంకరగా ఉంటుంది.
04:22	అయినా నోటితో స్థనాన్ని లోతుగా పట్టుకున్న బిడ్డలో ఇది తల్లి రొమ్ములో దాగి పోతుంది.
04:28	అలాంటి సంధర్భాలలో, బిడ్డ క్రింది పెదవి దగ్గరగల స్తనాన్ని తేలికగా నొక్కి బిడ్డ యొక్క క్రింది పెదవి బయటి దిశలో వంకరగా ఉందో లేదో తనిఖీ చేయండి.
04:41	తరువాత, శిశువు యొక్క ముక్కును చూడండి.ఒకవేళ శిశువు యొక్క ముక్కు తల్లి రొమ్ముకు వ్యతిరేకంగా నొక్కితే, అప్పుడు-
04:49	తల్లి బిడ్డ యొక్క తలని కొద్దిగా బయటికి వంచవచ్చు, దానివల్ల శిశువు గడ్డం రొమ్ములోకి మరింత నెట్టబడుతుంది.
04:58	మరియు బిడ్ద ముక్కు ఇంకా నుదురు తల్లి రొమ్ము నుండి దూరం అవుతాయి.
05:04	ఇలా చేస్తే, బిడ్డ తల్లి రొమ్మును నోటితో పట్టుకోవడాన్ని మరింత లోతుగా ఉండేలా చేస్తుంది.
05:09	బిడ్డ యొక్క మొత్తం ముఖాన్ని రొమ్ము నుండి దూరంగా లాగవద్దు.
05:13	ఇది చనుమొన నుండి పాలను త్రాగటానికికారణమవుతుంది.
05:16	పాలను పట్టించడం అనేది తల్లికి సౌకర్యవంతంగా ఉండాలని గుర్తుంచుకొండి.
05:21	ఆమెకు చనుమొనపై లాగినట్టు, గిల్లినట్లు లేదా రుద్దినట్లు అనిపించకూడదు.
05:27	ఒకవేళ పాలివ్వడం అనేది తల్లికి నొప్పిని కలిగిస్తే, అప్పుడు బిడ్డ తల్లి రొమ్మును లోతుగా పట్టుకోవడానికి అవ్వదు.
05:35	బిడ్డ తల్లి రొమ్మును సరిగ్గా పట్టుకొక పొవడానికి ఒక సాధారణ కారణాన్ని చూద్దాం.
05:40	చాలా మంది తల్లులు వారి చనుమొన పరిసరాన్ని నొక్కి, చనుమొనను మాత్రమే బిడ్డ యొక్కనోటి మధ్యలో పెడతారు.
05:48	ఇక్కడ, బిడ్డ యొక్కనోరు బాగా తెరచి ఉండదు.
05:52	బిడ్డకేవలం చనుమొనని మాత్రమే నోటిలో పెట్టుకొని ఉంటుంది.
05:56	ఇక్కడ, శిశువు యొక్క ఎగువ మరియు దిగువ పెదవి దగ్గర చనుమొన పరిసరం అనేది సమానంగా కనిపిస్తుంది.
06:04	బిడ్డ గడ్డం రొమ్ము నుండి బయటకు ఉంటుంది,
06:07	బిడ్డ పాలను త్రాగడానికి, ఆపకుండా త్వరత్వరగా రొమ్మును చీకే పద్దతి కలిగిఉంటుంది.
06:14	చీకేటప్పుడు బిడ్డ బుగ్గలు సొట్టలు పడి ఉంటాయి.
06:17	బిడ్డ పాలను మింగుతున్నట్లుగా దవడల నుండి పాలచుక్కలు స్పష్టంగా ఉండవు.
06:23	మరియు, చనుమొన అనేది బిడ్ద నోటిలోని గట్టి భాగానికి వ్యతిరేకంగా గిచ్చినట్టు, నొక్కినట్టు అవుతుంది.
06:31	ఇది తల్లికి చాలా నొప్పిగా ఉంటుంది మరియు చనుమొనకు గాయం కావొచ్చు.
06:37	అలాగే, చనుమొన నుండి మాత్రమే పాలని తాగేటప్పుడు, బిడ్డ అరియోలా క్రింద ఉన్న పెద్ద పాల నాళాల నుండి పాలను పొందలేదు.
06:45	అందువల్ల, బిడ్డకు తగినన్ని పాలు లభించవు.
06:50	ఒకవేళ బిడ్డకు చనుమొన నుండి మాత్రమే ఆహారాన్నిఇస్తున్నట్లయితే అప్పుడు-
06:54	తల్లి తన శుభ్రమైనచిటికెనవేలిని బిడ్డ నోటిచివరన మూలలో పెట్టాలి.
06:59	దీనిని ఆమె, చనుమొన పై లాగుతున్న బిడ్డనుండి విడిపించడానికి ఉపయోగించాలి.
07:04	తర్వాత ఆమె, బిడ్డ స్థనాన్ని లోతుగా పట్టుకోవడానికి బిడ్డను అదే రొమ్ముపై మళ్ళీ తిరిగి జతచేయాలి.
07:11	స్తనాన్ని సరిగ్గా పట్టించినతర్వాత, ముందుగా వచ్చే ఫొర్ మిల్క్ (నీళ్ళలాంటి పాలు) మరియు తర్వాత వచ్చె హైన్డ్ మిల్క్ (చిక్కటి పాలు) రెండూ బిడ్డకు తగినంతగా లభించేలా తల్లి చూసుకోవాలి.
07:19	ఫొర్ మిల్క్ అంటే స్తనానికి ముందు భాగం లో ఉండే నీళ్ళలాంటి పాలు.
07:25	ఇది ప్రొటీన్ మరియు నీళ్ళతో తయారవుతుంది.
07:29	ఇవి బిడ్డ పెరుగుదలకు మరియు బిడ్డ బలంగా ఎదగడానికి అవసరం.
07:36	హైన్డ్ మిల్క్ అంటే స్తనం యొక్క వెనుక భాగంలో ఉండే చిక్కటి పాలు.
07:42	ఇవి ప్రధానంగా కొవ్వు పదార్ధాలతో తయారవుతాయి.
07:46	ఇది బిడ్డ మెదడు పెరుగుదలకు మరియు బరువు పెరగడానికి అవసరం.
07:53	బిడ్డకు ఫొర్ మిల్క్ (నీళ్ళలాంటి పాలు) మరియు హైన్డ్ మిల్క్(చిక్కటి పాలు) రెండూ లభిస్తున్నాయని నిర్దారించుకోవడానికి- తల్లి మరొక స్తనం నుండి పాలను పట్టించే ముందు ఒక స్తనం నుండి వచ్చే పాలను పూర్తిగా బిడ్డకు పట్టించాలి.
08:05	ఆమె ఒక స్తనం నుండి వచ్చిన మొత్తం పాలను పూర్తిగా బిడ్డకు పట్టించిందో లేదో తనిఖీ చేయడానికి, తల్లి ఆ స్తనాన్ని తన చేతితో నొక్కి పాలు వస్తున్నాయో లేదో చూసుకోవాలి.
08:15	ఒకవేళ ఆ రొమ్ము నుండి పల్చని నీళ్ళ లాంటి పాలు వస్తున్నట్లైతే,
08:19	లేదా ఒకవేళ ఆ రొమ్ము నుండి చిక్కటి హైన్డ్-మిల్క్ బాగా వస్తున్నట్లైతే,
08:24	అప్పుడు తల్లి తన బిడ్డకు అదే రొమ్ముతో తిరిగి పాలను పట్టించాలి.
08:29	చేతితో నొక్కిచూస్తే చిక్కని హైన్డ్ మిల్క్ రావడం అనేది కొన్ని చుక్కలకు తగ్గితే,
08:35	తల్లి ఆ రొమ్ము నుండి వచ్చిన పాలను పూర్తిగా బిడ్డకు పట్టించిందని దాని అర్థం.
08:41	కానీ,ఇంకొక స్తనం నుండి పాలిచ్చేముందు తల్లి బిడ్డను తన ఒడిలో కూర్చోబెట్టడం ద్వారా తేన్పు వచ్చేలా ప్రోత్సహించాలి, ఇప్పుడు బిడ్డ యొక్క మొండాన్ని కొద్దిగా ముందుకు వంచి, బిడ్డ దవడను తన చేతితో కప్పాలి.
09:00	బిడ్డకు 2 నుండి 3 నిముషాలలో తేన్పు రావాలి.
09:04	ఒకవేళ తరువాతి 5 నిముషాలలో తేన్పు రాకపొతే,
09:08	అంటే బిడ్డ తల్లి రొమ్మును చాల బాగా లోతుగా పట్టుకుందని.
09:14	బిడ్డ పాలను త్రాగేటపుడు ఎక్కువ గాలిని తన పొట్ట లోకి తీసుకోలేదు అని అర్ధం.
09:21	ఇప్పుడు, తల్లి తన మరొక స్తనాన్ని పాలని త్రాగేందుకు బిడ్డకు ఇవ్వాలి.
09:26	ఒకవేళ బిడ్డ కు కడుపు నిండితే, బిడ్డ ఇంకొ స్తనం నుండి పాలను తాగకపోవచ్చు.
09:32	కానీ తల్లి ఎప్పుడూ బిడ్డకు తన రెండు స్తనాల నుండి పాలను పట్టించాలి.
09:39	పాలను తాగాలా వద్దా అనే చివరి నిర్ణయాన్నిఆమె బిడ్డకు వదిలేయాలి.
09:45	తల్లి పాలిచ్చేటప్పుడు బిడ్డ నిద్రలోకి వెళితే, తల్లి బిడ్డ యొక్క అరిపాదాలను సున్నితంగా నొక్కడం ద్వారా తల్లి బిడ్డను నిద్రలేపాలి.
09:55	లేదా బిడ్డ యొక్క వెనుకవైపు మెల్లగా చక్కిలిగింత పెట్టాలి.
09:59	లేదా బిడ్డను తేన్పు రావడం కొరకు చూపిన విధంలో కూర్చోపెట్టాలి.
10:04	సరైన పద్దతితో పాటు, తల్లి బిడ్డకు తరచుగా పాలివ్వడం కూడా ముఖ్యం.
10:12	తల్లి తన బిడ్డకు 24 గంటల్లో కనీసం 12 సార్లు పాలివ్వాలి.
10:17	అందులో రాత్రి పూట కనీసం 2 నుండి 3 సార్లు తల్లి తన బిడ్డకు పాలివ్వాలి.
10:24	బిడ్డకు పాలను పట్టించడానికి, తల్లి బిడ్డయొక్క ఆకలి సంకేతాలు – కదలడం.
10:32	నోరు తెరవడం, తల తిప్పడం, తన చేతిని నోట్లొ పెట్టుకోవడం.
10:37	వేళ్ళను చీకడం మరియు వొళ్ళు విరవడం వంటివి చూడాలి.
10:42	ఒకవేళ బిడ్డ తల్లి పాలకోసం ఏడుస్తుంది అంటే అప్పుడు చాలా ఆలస్యం అయ్యిందని అర్థం.
10:49	దయచేసి గమనించండి- 2 వారాలు, 6 వారాలు మరియు 3 నెలల వయస్సులో శిశువు యొక్క పెరుగుదలలో వేగవంతమైన వృద్ధి ఉంటుంది.
10:59	కనుక బిడ్దకు ఇంకా ఎక్కువ పాలు అవసరం అవుతాయి.
11:05	అలాగే, ఒకవేళ తల్లి శిశువుకు ఎక్కువసార్లు పాలను పట్టిస్తుంటే తల్లి యొక్క పాలు కూడా పెరుగుతాయి.
11:12	అందువల్ల, ఇంత వేగంగా పెరుగుదల ఉన్న ఈ సమయంలో తల్లి ఇంకా ఎక్కువసార్లు పాలను పట్టిస్తూఉండాలి.
11:19	జీవితంలో మొదటి 6 నెలలు కొరకు బిడ్డకు తల్లి పాలే ఉత్తమమైన పోషకాహారం అని గుర్తుంచుకోండి.
11:30	మరియు తల్లి పరిపూర్ణంగా పాలివ్వటానికి మంచి అనుబంధం అనేది కీలకం.
11:35	ఇంతటితొ ఈ టుటోరియల్ చివరికి వచ్చాం.
11:37	ఈ టుటొరియల్ ను తెలుగులోనికి అనువదించినది స్రవంతి మరియు నేను ఉదయలక్ష్మి మీ వద్ద సెలవు తీసుకుంటున్నాను. పాల్గొన్నందుకు ధన్యవాదాలు.

Contributors and Content Editors

Debosmita, Simhadriudaya