PHP-and-MySQL/C2/Functions-Advanced/Kannada

Time	Narration
00:03	Advanced Functions ನ ಕುರಿತಾದ ಸ್ಪೋಕನ್ ಟ್ಯುಟೋರಿಯಲ್ ಗೆ ಸ್ವಾಗತ. ಇಲ್ಲಿ ನಾನು ಒಂದು ಚಿಕ್ಕ ಕ್ಯಾಲ್ಕ್ಯುಲೇಟರ್ ಅನ್ನು ರಚಿಸುವುದು ಹೇಗೆಂದು ತೋರಿಸುವೆನು.
00:11	ನಾವು ಒಂದು ವ್ಯಾಲ್ಯು ವನ್ನು ಇನ್ಪುಟ್ ಆಗಿ ತೆಗೆದುಕೊಂಡು, ಗಣಿತದ ಕ್ರಿಯೆಯನ್ನು ಮಾಡಿದ ನಂತರ ಹೊಸ ವ್ಯಾಲ್ಯುವನ್ನು ಪಡೆದುಕೊಳ್ಳುವಂತಹ ಫಂಕ್ಷನ್ ಅನ್ನು ಈಗ ನೋಡುವೆವು.
00:20	ಹಾಗಾಗಿ ನಾವು ಮೊದಲು ಮಾಡಿದಂತೆಯೇ ಒಂದು ಫಂಕ್ಷನ್ ಅನ್ನು ರಚನೆ ಮಾಡೋಣ. ನಾನು ಇದನ್ನು 'calc' ಎಂದು ಕರೆಯುವೆನು.
00:27	ಮತ್ತು ನಾನು ಇಲ್ಲಿ ನನ್ನ ಮೊದಲ ಬ್ಲಾಕ್ ಅನ್ನು ರಚಿಸುವೆನು. ಇಲ್ಲಿ ನಾನು 'number1', 'number2' ಮತ್ತು ಒಂದು 'operator' ಅನ್ನು ಟೈಪ್ ಮಾಡುವೆನು.
00:35	ಇದು ಒಂದು ಸಂಖ್ಯೆಯಾಗಿರುತ್ತದೆ. ಇದು ಬಳಕೆದಾರರ ಇನ್ಪುಟ್ ಅನ್ನು ಅವಲಂಭಿಸಿ, ಇಂಟೀಜರ್(ಪೂರ್ಣಸಂಖ್ಯೆ) ಅಥವಾ ಡೆಸಿಮಲ್(ದಶಮಾಂಶ) ವ್ಯಾಲ್ಯುವಾಗಿರಬಹುದು. ಇದು ಕೂಡ ಅದೇ ರೀತಿ ಒಂದು ಸಂಖ್ಯೆಯಾಗಿರುತ್ತದೆ. ಮತ್ತು ಇದು ಒಂದು ಸ್ಟ್ರಿಂಗ್ ವ್ಯಾಲ್ಯುವಾಗಿದ್ದು, ಸಂಕಲನ, ವ್ಯವಕಲನ, ಗುಣಾಕಾರ ಅಥವಾ ಭಾಗಾಕಾರ ಚಿಹ್ನೆಯಾಗಿರುತ್ತದೆ.
00:52	ಈಗ ನಮ್ಮ ಫಂಕ್ಷನ್ ನ ಒಳಗೆ ನಾವು ಕೋಡ್ ಅನ್ನು ರಚಿಸಲು ಆರಂಭಿಸಬೇಕು. ಈಗ ನಾನು ಇದರಲ್ಲಿ ಒಂದು switch ಸ್ಟೇಟ್ಮೆಂಟ್ ಅನ್ನು ರಚಿಸುವೆನು.
01:00	ಈಗ switch ಎಂದು ಟೈಪ್ ಮಾಡಿ, ನಂತರ ಸ್ವಿಚ್ ಕಂಡಿಷನ್ ಅಂದರೆ ಇಲ್ಲಿ ನಮ್ಮ ಸ್ವಿಚ್ ಗೆ ಇನ್ಪುಟ್ $op ಎಂಬುದನ್ನು ಇಲ್ಲಿ ಟೈಪ್ ಮಾಡಬೇಕು.
01:09	ನಾನು ಇದಕ್ಕೆ ಒಂದು ಬ್ಲಾಕ್ ಅನ್ನು ರಚಿಸುವೆನು. ಅದು case "+" (plus) ಎಂದಿರಲಿ, ಇದನ್ನು ಮುಂದುವರಿಸೋಣ.
01:18	ನಾನು ಇಲ್ಲಿ $total ಎಂಬ ಒಂದು ಹೊಸ ವೇರಿಯೇಬಲ್ ಅನ್ನು ರಚಿಸುವೆನು ಮತ್ತು ಅದು ಇನ್ಪುಟ್ ಗಳಾದ 'num1' ಮತ್ತು 'num2' ಗಳ ಮೊತ್ತವಾಗಿರಲಿ.
01:32	ನಾನು ಇಲ್ಲಿ ಒಂದು ಸೆಮಿಕೋಲನ್ ನೊಂದಿಗೆ , break ಅನ್ನು ಮಾಡುವೆನು. ಸ್ವಿಚ್ ಸ್ಟೇಟ್ಮೆಂಟ್ ಅನ್ನು ಫಂಕ್ಷನ್ ನೊಂದಿಗೆ ಸೇರಿಸುವುದು, ಈ ಕ್ಯಾಲ್ಕ್ಯುಲೇಟರ್ ಪ್ರೊಗ್ರಾಂ ಅನ್ನು ಮಾಡಲು ಒಂದು ಸುಲಭ ಮಾರ್ಗವಾಗಿದೆ.
01:44	ಹಾಗಾಗಿ ನಾವು ಬೇರೆ ಬೇರೆ ಕ್ರಿಯೆಗಳನ್ನು ಬೇರೆ ಸ್ಟೇಟ್ಮೆಂಟ್ ಅಥವಾ ಫಂಕ್ಷನ್ ಗಳ ಒಳಗೆ ಮಾಡಬಹುದು.
01:52	ಹಾಗಾಗಿ ನಾನು ಪ್ಲಸ್ ಗೆ ಒಂದು case ಅನ್ನು ರಚಿಸಿರುವೆನು. ಹಾಗಾಗಿ ಬಳಕೆದಾರರಿಂದ ಒದಗಿಸಿದ ಇದು ಪ್ಲಸ್ ಆಗಿರುವುದರಿಂದ ನಾವು '$num1' ಮತ್ತು '$num2' ಗಳನ್ನು ಕೂಡಿಸಿದ್ದೇವೆ.
02:03	ಈಗ ನಾವು ಕೆಳಗೆ ಹೋಗಿ, 'minus' ಎಂಬ ಇನ್ನೊಂದು case ಅನ್ನು ರಚಿಸುವೆನು. ನಾನು $total = $num1 - $num2; ಎಂದು ಟೈಪ್ ಮಾಡುವೆನು.
02:17	ಕೆಳಕ್ಕೆ ಸ್ಕ್ರೋಲ್ ಮಾಡೋಣ. break ಎಂದು ಟೈಪ್ ಮಾಡಿರುವುದನ್ನು ಖಚಿತಪಡಿಸಿಕೊಳ್ಳಿ.
02:21	ಈ ಕೋಡ್ ಅನ್ನು ಇಲ್ಲಿ ಕೆಳಗೆ ನಕಲು ಮಾಡೋಣ.
02:24	ಮತ್ತು ಇಲ್ಲಿ ನಾವು "*" (ಗುಣಾಕಾರ) ಮತ್ತು "/" (ಭಾಗಾಕಾರ) ಎಂದು ಮಾಡಿ ಮತ್ತುಇಲ್ಲಿ ಚಿಹ್ನೆಯನ್ನು ಬದಲಿಸಿರುವುದನ್ನು ಖಚಿತಪಡಿಸಿಕೊಳ್ಳಿ.
02:34	ಈಗ ನಿಮಗೆ ಅರ್ಥವಾಗದಿದ್ದರೆ, ನಮ್ಮನ್ನು ಇ-ಮೇಲ್ ಮೂಲಕ ಸಂಪರ್ಕಿಸಬಹುದು. ಈ ಮೂಲಕ ನಿಮ್ಮ ಎಲ್ಲ ಸಂದೇಹಗಳನ್ನು ಪರಿಹರಿಸಬಹುದು ಎಂದುಕೊಳ್ಳುತ್ತೇನೆ.
02:45	default ನಲ್ಲಿ ನಾವು "Unknown operator" ಎಂದು echo ಮಾಡೋಣ.
02:51	ಈಗ ಇದನ್ನು ರನ್ ಮಾಡೋಣ. ನಂತರ function ಅನ್ನು ಕಾಲ್ ಮಾಡೋಣ.
02:56	ನಾವು calculator ಅಥವ ಚಿಕ್ಕದಾಗಿ calc ಎಂದು ಕರೆಯುವ ಫಂಕ್ಷನ್ ನಲ್ಲಿ, ಮೊದಲನೆ ಸಂಖ್ಯೆ, ನಂತರ ಎರಡನೆ ಸಂಖ್ಯೆ ಮತ್ತು ನಂತರ ಆಪರೇಟರ್ – ಇದು 'plus' 'minus' 'multiply' ಅಥವಾ 'divide' ಆಗಿರಬಹುದು- ಇವುಗಳನ್ನು ಇನ್ಪುಟ್ ಆಗಿ ತೆಗೆದುಕೊಳ್ಳುತ್ತದೆ.
03:12	ನೀವು ಇವುಗಳ ಕುರಿತು ನನ್ನ ಮ್ಯಾಥಮೆಟಿಕಲ್ ಆಪರೇಟರ್- ಕ್ಷಮಿಸಿ Arithmetic Operator ಟ್ಯುಟೋರಿಯಲ್ ನಲ್ಲಿ ನೋಡಿರಬಹುದು.
03:20	ಈಗ ಇಲ್ಲಿ ಈ switch ಸ್ಟೇಟ್ಮೆಂಟ್ ನ ಒಳಗೆ ಈ $op ಅನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ. ಇದು ನಾವು ನಮೂದಿಸಿದ್ದನ್ನು ತೆಗೆದುಕೊಳ್ಳುತ್ತದೆ. ಈಗ ಇದು 'ಪ್ಲಸ್'(+) ಆಗಿದ್ದರೆ ಇದು ಈ ಸ್ಟೇಟ್ಮೆಂಟ್ ಗೆ ಸ್ವಿಚ್ ಆಗುತ್ತದೆ. ಇದು ಬರೆಯಲು ಬಹಳ ಸರಳ ಮತ್ತು ಸಮರ್ಥವಾಗಿದೆ.
03:42	ಇದು "+" (ಪ್ಲಸ್) ಆಗಿದ್ದರೆ ನಾವು ಇಲ್ಲಿ 'total' ಎಂಬ ಹೊಸ ವೇರಿಯೇಬಲ್ ಅನ್ನು ರಚಿಸುವೆವು.
03:48	ಇದು ನಮೂದಿಸಿದ ಮೊದಲ ಸಂಖ್ಯೆಯನ್ನು ಮತ್ತು ನಮೂದಿಸಿದ ಎರಡನೆಯ ಸಂಖ್ಯೆಯೊಂದಿಗೆ ಕೂಡಿಸಿದಾಗ ಬರುವ ಮೊತ್ತಕ್ಕೆ ಸಮವಾಗಿರುತ್ತದೆ.
03:56	ಈಗ ಇದು "-" (ಮೈನಸ್) ಆಗಿದ್ದರೆ, ಆಗ ವೇರಿಯೇಬಲ್ 'total' - ನೆನಪಿಡಿ, 'total' ಎನ್ನುವ ವೇರಿಯೇಬಲ್ ಇದು ಪ್ಲಸ್ ಅಥವಾ ಮೈನಸ್ ಯಾವುದೇ ಆದರೂ ಪ್ರತಿಯೊಂದು ಕೇಸ್ ಗೂ ಒಮ್ಮೆ ಸೆಟ್ ಆಗುವುದು – ಹಾಗಾಗಿ ಈ $total ವೇರಿಯೇಬಲ್ ಇಲ್ಲಿ number1 - number2 ಎಂದಾಗುವುದು ಮತ್ತು ಇದೇ ರೀತಿ ಗುಣಾಕಾರ (ಮಲ್ಟಿಪ್ಲೈ) ಮತ್ತು ಭಾಗಾಕಾರ (ಡಿವೈಡ್) ಗಳಿಗೂ ಅನ್ವಯವಾಗುತ್ತದೆ.
04:21	ಈಗ ಇದರಿಂದ ಏನೂ ಆಗುವುದಿಲ್ಲ. ಇದನ್ನು Refresh ಮಾಡಿ. ಈಗ ನಾವು ಈ ಪೇಜ್ ಗೆ ಹೋದರೆ, ಇಲ್ಲಿ ಏನೂ ಇಲ್ಲ ಏಕೆಂದರೆ ನಾವು ಈ ಫಂಕ್ಷನ್ ಅನ್ನು ಕಾಲ್ ಮಾಡಿಲ್ಲ.
04:33	ಈಗ ನಮ್ಮ ಫಂಕ್ಷನ್ ಅನ್ನು ಕಾಲ್ ಮಾಡೋಣ. ಈಗ ಇಲ್ಲ calc(); ಅನ್ನು ಬರೆಯೋಣ ಮತ್ತು ಇಲ್ಲಿ ವ್ಯಾಲ್ಯುಗಳನ್ನು ಇಡೋಣ.
04:40	ಈಗ ಇದಕ್ಕೆ ಎರಡು ಸಂಖ್ಯೆಗಳನ್ನು ಅಂದರೆ 10 ಹಾಗೂ 10 ಮತ್ತು "+" (ಪ್ಲಸ್) ಎಂದು ಕೊಡೋಣ. ಹಾಗಾಗಿ ಅದು 20 ಆಗುವುದು.ಈಗ ನಾವು refresh ಮಾಡೋಣ. ಏನೂ ಇಲ್ಲ. ಯಾಕೆ?
04:55	ಏಕೆಂದರೆ, ನಾವು ಇದನ್ನು ಇಲ್ಲಿ ಎಕೋ ಮಾಡಿಲ್ಲ. ನಾವು ಇದನ್ನು ಕೇವಲ ವೇರಿಯೇಬಲ್ ಆಗಿ ಸೆಟ್ ಮಾಡಿರುವೆವು.
05:01	ಹಾಗಾಗಿ ನಾವು ಏನು ಮಾಡುವೆವೆಂದರೆ, calc ನಿಂದ ಬಂದ ಔಟ್ಪುಟ್ ಅನ್ನು ಎಕೋ ಮಾಡುವೆವು. ಈಗ refresh ಮಾಡಿದರೆ ನಾವು ಏನನ್ನು ಪಡೆಯುವುದಿಲ್ಲ.
05:11	ಇಲ್ಲಿ ನಾವು ಏನನ್ನೂ ಪಡೆದಿಲ್ಲ ಏಕೆಂದರೆ, ನಾವು ಔಟ್ ಪುಟ್ ಅನ್ನು ರಿಟರ್ನ್ ಮಾಡಿಲ್ಲ. ಹಾಗಾಗಿ ನಾವು ಪ್ರತಿ ಕೇಸ್ ನಲ್ಲೂ return $total; ಎಂದು ಟೈಪ್ ಮಾಡಬೇಕು.
05:24	ಇದು ಏನು ಮಾಡುವುದೆಂದರೆ- ನೀವು ಫಂಕ್ಷನ್ ಅನ್ನು ವೇರಿಯೇಬಲ್ ಎಂದುಕೊಂಡರೆ, ಇದು ಫಂಕ್ಷನ್ ನ ವ್ಯಾಲ್ಯುವನ್ನು $total ಎಂದು ಸೆಟ್ ಮಾಡುವುದು.
05:32	ನೀವು ಯಾವಾಗ return ಎಂದು ಕೊಡುವಿರೋ, ಅಲ್ಲಿ ಯಾವ ವೇರಿಯೇಬಲ್ ಅನ್ನು ಹಾಕುವಿರೋ ಅದಕ್ಕೆ ನಿಮ್ಮ ಫಂಕ್ಷನ್ ಸಮವಾಗಿರುವುದು.
05:39	ಹಾಗಾಗಿ ನಾವು return $total ಎಂದು ಟೈಪ್ ಮಾಡೋಣ ಮತ್ತು ನಾವು ಇದನ್ನು ಎಲ್ಲಾ case ಗಳಿಗೂ ಕಾಪಿ ಪೇಸ್ಟ್ ಮಾಡುವೆವು.
05:47	ಸರಿ. ನಾವು ಇದನ್ನು "Unknown operator" ಗೆ ಬರೆಯಬೇಕಾಗಿಲ್ಲ. ಏಕೆಂದರೆ ಇಲ್ಲಿ ಯಾವುದೇ ಆಪರೇಟರ್ ಅನ್ನು ನೋಡಲಾಗುವುದಿಲ್ಲ.
05:58	ಮತ್ತು ನಾವು ಅದನ್ನು refresh ಮಾಡಬಹುದು.
06:00	ಈಗಲೂ ನಾವು ಏನನ್ನೂ ಪಡೆದಿಲ್ಲ. ಏಕೆಂದು ಊಹಿಸಿ.
06:04	ಇದು ಕೆಲಸ ಮಾಡದಿರಲು ಕಾರಣವೇನೆಂದರೆ ನಾನು ಇದನ್ನು ಫಂಕ್ಷನ್ ನ ಒಳಗಡೆಯೇ ಎಕೋ ಮಾಡಿದ್ದೇನೆ. ಅದುವೇ ತಪ್ಪಾಗಿರುವುದು.
06:10	ನೀವು ಫಂಕ್ಷನ್ ನ ಬ್ರ್ಯಾಕೆಟ್ ಇಲ್ಲಿ ಪ್ರಾರಂಭವಾಗಿ , ಇಲ್ಲಿ ಮುಗಿಯುವುದನ್ನು ನೋಡಬಹುದು.
06:15	ನಾನು ಅದನ್ನು ಇಲ್ಲಿ ಕೆಳಗೆ ಇಟ್ಟು, refresh ಮಾಡುವೆನು. ಇದು 20 ಎಂದಾಗಿದೆ. ಸರಿ ನಾವು ನಮ್ಮ ಫಂಕ್ಷನ್ ನ ಮೂಲಕ 10 + 10 ಎಂದರೆ 20 ಎಂದು ಪಡೆದಿದ್ದೇವೆ.
06:37	ಈಗ ಬೇರೆ ಬೇರೆ ವ್ಯಾಲ್ಯುಗಳನ್ನು ತೆಗೆದುಕೊಳ್ಳೋಣ, ಉದಾಹರಣೆಗೆ 13 ಹಾಗೂ 7 ಮತ್ತು ಭಾಗಿಸು(ಡಿವೈಡ್) ಆಗಿರಲಿ. ಈಗ ನಮಗೆ ಏನು ದೊರೆಯುವುದು ಎಂದು ನೋಡೋಣ.
06:46	ಸರಿ ನಾವು ಸ್ವಲ್ಪ ದೊಡ್ಡ ದಶಮಾಂಶ ಸಂಖ್ಯೆಯನ್ನು ಪಡೆದಿದ್ದೇವೆ. ಹಾಗಾಗಿ ನಾವು ಒಂದು ಒಳ್ಳೆಯ ಫಂಕ್ಷನ್ ಅನ್ನು ಬರೆದಿರುವುದನ್ನು ನೀವು ನೋಡಬಹುದು. ನಾವು ನಮ್ಮ ಮೊದಲ ಸಂಖ್ಯೆ, ಎರಡನೆಯ ಸಂಖ್ಯೆ ಮತ್ತು ಒಂದು ಆಪರೇಟರ್ ಅನ್ನು ಪಡೆದಿದ್ದೇವೆ.
07:00	ನಂತರ switch ಸ್ಟೇಟ್ಮೆಂಟ್ ನ ಮೂಲಕ ಇದು ಯಾವುದು ಎಂದು ಗುರ್ತಿಸಿ, ಸಂಬಂಧಿತ ಕ್ರಿಯೆಯನ್ನು ಮಾಡುತ್ತದೆ.
07:06	ಆಪರೇಟರ್ ಅನ್ನು ಕಂಡುಹಿಡಿಯಲಾಗದಿದ್ದರೆ , "Unknown operator" ಎಂಬ ಎರರ್ ಅನ್ನು ಕೊಡಲಾಗುವುದು.
07:11	ಉದಾಹರಣೆಗೆ ಸರಿಯಾದ ಆಪರೇಟರ್ ಅಲ್ಲದ "a" ಎಂದು ತೆಗೆದುಕೊಳ್ಳೋಣ. ನಾವು refresh ಮಾಡುತ್ತಿದ್ದ ಹಾಗೆ ಅದು unknown operator ಗೆ ಹೋಗುತ್ತದೆ. ಇಲ್ಲಿಗೆ Advanced Functions ಕುರಿತಾದ ಟ್ಯುಟೋರಿಯಲ್ ನ ಕೊನೆಯನ್ನು ತಲುಪಿದ್ದೇವೆ. ಇಲ್ಲಿ ನಾವು ವ್ಯಾಲ್ಯುವನ್ನು ಇನ್ಪುಟ್ ಮಾಡಬಹುದು ಮತ್ತು return ಕಮಾಂಡ್ ಅನ್ನು ಬಳಸಿ ಪಡೆದ ವ್ಯಾಲ್ಯುವನ್ನು ಔಟ್ಪುಟ್ ಮಾಡುವುದನ್ನು ಕಲಿತಿದ್ದೇವೆ.
07:31	ಧನ್ಯವಾದಗಳು. ಸ್ಕ್ರಿಪ್ಟ್ ನ ಅನುವಾದಕಿ, ಮೈಸೂರಿನಿಂದ ಅಂಜನಾ ಅನಂತ್ ನಾಗ್ ಮತ್ತು ಧ್ವನಿ ಶ್ರೀ ನವೀನ್ ಭಟ್, ಉಪ್ಪಿನಪಟ್ಟಣ.

Contributors and Content Editors

Sandhya.np14