Linux-Old/C2/Ubuntu-Desktop-10.10/Marathi

Time	Narration
00:00	उबंटू डेस्कटॉपवरील या स्पोकन ट्युटोरियलमध्ये आपले स्वागत आहे.
00:04	या ट्युटोरियलद्वारे आपण GNOME च्या पार्श्वभूमीवर उबंटू डेस्कटॉपचा परीचय करून घेऊया.
00:12	यासाठी मी उबंटू १०.१० या version चा वापर करत आहे.
00:19	आता तुम्हाला उबंटूचा डेस्कटॉप दिसत आहे.
00:24	तुम्हाला डावीकडे वरच्या बाजूला मेन मेन्यू दिसेल.
00:31	तुम्ही Alt+F1 वापरून, किंवा ‘अप्लिकेशन’ मधील त्या पर्यायावर क्लिक करून तो उघडू शकता.
00:40	अप्लिकेशन मेनूमध्ये, पूर्वीच इन्स्टॉल असलेल्या सर्व अप्लिकेशन्सचे वर्गीकरण आहे
00:48	या अप्लिकेशन मेनू मधील काही महत्त्वाच्या अप्लिकेशन्सची ओळख करून घेऊ या.
00:55	यासाठी अप्लिकेशन मधून अक्सेसरिजमध्ये व तेथून कॅल्क्युलेटर मध्ये जा.
01:04	कॅल्क्युलेटर गणितीय, शास्त्रीय व आर्थिक आकडेमोड करण्यास उपयोगी पडतो.
01:12	'कॅल्क्युलेटर' या पर्यायावर क्लिक करा.
01:18	काही सोप्या आकडेमोडी करून बघूया.
01:22	५ (गुणिले) ८ असे टाईप करून नंतर ‘बरोबर’ या चिन्हाची कळ दाबा.
01:32	‘बरोबर’ चिन्हाऐवजी तुम्ही एन्टर की दाबू शकता.
01:39	आता ‘क्लोज’ बटन दाबून कॅल्क्युलेटरमधून बाहेर पडा.
01:46	आता आपण आणखी एक अप्लिकेशन पाहू या.
01:50	त्यासाठी पुन्हा अप्लिकेशन्स मधून अक्सेसरिज मध्ये जा.
01:59	अक्सेसरिजमधील ‘टेक्स्ट एडिटर’ उघडण्यासाठी, त्यावर क्लिक करा.
02:09	आता तुम्हाला स्क्रीनवर जी-एडिट हा टेक्स्ट एडिटर दिसत आहे.
02:16	आता मी इथे काही वाक्ये टाईप करून ती सेव्ह करते. हॅलो वर्ल्ड असे टाईप करा.
02:28	Ctrl आणि s वापरून अथवा ‘File’ मधील ‘Save’ वर क्लिक करून हे सेव्ह करता येईल. आपण फाईल मेनूमध्ये जाऊन हे सेव्ह करुया.
02:45	आता एक छोटा ‘डायलॉग बॉक्स’ दिसेल. त्यात फाईलचे नाव व ती सेव्ह करण्याचे स्थान विचारले असेल.
02:56	तर, आता मी Hello.txt असे नाव type करते व फाईल सेव्ह करण्यासाठी ‘Desktop’ पर्याय निवडून ‘Save’ हे बटन दाबते.
03:15	आता जी-एडिट बंद करून आपली फाईल डेस्कटॉपवर सेव्ह झाली आहे का ते पाहू या. जी-एडिट बंद करा.
03:24	आता डेस्कटॉपवर तुम्हाला ‘Hello.txt’ ही फाईल दिसेल.
03:30	याचा अर्थ आपली टेक्स्ट फाईल व्यवस्थित सेव्ह झाली आहे.
03:35	आता मी Double क्लिक करून ही फाईल उघडते.
03:40	वा! आपण लिहिलेल्या मजकुरासह आपली फाईल उघडली गेली आहे.
03:44	इंटरनेटवर जी-एडिट टेक्स्ट एडिटरबद्दल बरीच माहिती उपलब्ध आहे.
03:50	या विषयावरचे स्पोकन ट्युटोरियल http://spoken-tutorial.org/ या लिंकवर मिळेल.
04:00	आता टेक्स्ट एडिटर बंद करून अॅक्सेसरिजमधील ‘Terminal’ हे अॅप्लिकेशन पाहू या.
04:12	पुन्हा एकदा अॅप्लिकेशन्समधील अॅक्सेसरिजमध्ये जाऊन, तिथून टर्मिनलमध्ये जाऊ या.
04:19	टर्मिनलला कमांड लाईन असेही म्हटले जाते, कारण इथून तुम्ही कॉम्प्युटरला आज्ञा देऊ शकता.
04:25	खरे तर टर्मिनल हे जी.य़ू.आय. पेक्षा अधिक प्रभावी आहे.
04:30	टर्मिनल म्ह्णजे काय हे समजण्यासाठी एखादी सोपी आज्ञा देऊन पाहू.
04:36	त्यासाठी ‘ls’ टाईप करून एंटर दाबा.
04:41	यात Current डिरेक्टरीमधील सर्व फाईल्स आणि फोल्डर्सची यादी तयार झालेली तुम्हाला दिसेल.
04:48	त्यामुळे आता तुम्हाला होम फोल्डरमधील सर्व फाईल्स व फोल्डर्सची ही यादी दिसत आहे.
04:55	होम फोल्डर म्हणजे काय ते आपण याच ट्युटोरियलमध्ये पुढे पाहू या.
05:01	आता आपण टर्मिनलमध्ये आणखी वेळ न घालवता पुढे जाऊया. http://spoken-tutorial.org/ या लिंकमधील लिनक्सवरील स्पोकन ट्युटोरियलमधे टर्मिनल कमांड्स विस्ताराने दिल्या आहेत.
05:17	टर्मिनल बंद करा.
05:20	आता पुढच्या अप्लिकेशनकडे म्हणजेच फायरफॉक्स वेब-ब्राऊझरकडे वळू या.
05:27	त्यासाठी अप्लिकेशन्समधून इंटरनेटमध्ये जा, व फायरफॉक्स वेब-ब्राऊझरवर क्लिक करा.
05:36	'वर्ल्ड वाईड वेब’मध्ये पोहोचण्यास फायरफॉक्सचा उपयोग होतो. आता तुम्हाला फायरफॉक्स उघडलेले दिसेल.
05:43	आता आपण जी-मेलच्या site वर जाऊ या. त्यासाठी address bar वर जा किंवा F6 दाबा. आपण F6 दाबू या.
05:53	आता आपण address bar वर पोहोचलो आहोत. बॅकस्पेस ही की दाबल्याने address bar कोरा होईल.
06:00	मी आता "www.gmail.com" टाईप करत आहे.
06:04	टाईप करत असतानाच फायरफॉक्स काही पर्याय सुचवेल.
06:09	त्यापैकी एखादा पर्याय निवडा किंवा site addressपूर्ण टाईप करून एंटर दाबा.
06:15	फायरफॉक्स एकतर तुम्हाला थेट वेबसाईटला जोडून देईल किंवा Login आणि Password विचारेल.
06:22	आता User name आणि Password टाईप करून एंटर दाबा.
06:36	आता तुम्हाला स्क्रीनवर जी-मेलचे पान दिसेल. ते बंद करून पुढे जाऊ या.
06:45	आता अप्लिकेशन्स मधून ऑफिस मेनूमध्ये जाऊया.
06:53	या ऑफिस मेनू मध्ये आपल्याला ‘ओपनऑफिस’ हा वर्ड-प्रोसेसर, स्प्रेडशीट, आणि प्रेझेंटेशन दिसेल
07:03	या विषयांवरची भरपूर माहिती इंटरनेटवर उपलब्ध आहे.
07:07	आपल्या वेबसाईटवरही या विषयांवरची स्पोकन ट्युटोरियल्स उपलब्ध आहेत.
07:12	आता साऊंड आणि व्हिडिओ मेनूमध्ये काय आहे ते पाहू या. त्यासाठी अप्लिकेशन्स मधून साऊंड and व्हिडिओमध्ये जा.
07:21	यामधे मूव्ही-प्लेअर नावाचे एक application आहे. ते व्हिडीओ व गाणी दोन्हीसाठी वापरले जाते. मूव्ही-प्लेअर हे ओपन फॉरमॅट व्हिडीओ साठीचे सॉफ्टवेअर आहे.
07:35	आता मी माझ्या पेन-ड्राईव्हवरील एक नमुना फाईल दाखवते. मी माझा पेन-ड्राईव्ह यू.एस.बी. स्लॉटमध्ये घातला आहे. पेन-ड्राईव्ह वाचला जात आहे.
07:48	तो न उघडल्यास, डेस्कटॉपवरूनही त्यात प्रवेश मिळवता येईल.
07:53	डावीकडील खालच्या कोपऱ्यातील आयकॉनवर क्लिक करू या. त्यावर एकदा क्लिक केल्यास फक्त डेस्कटॉप दिसेल. पण पुन्हा क्लिक केल्यास सध्या ओपन असलेल्या फाईल्ससह डेस्कटॉप दिसेल.
08:08	’विंडोज-की’ आणि ‘डी’ एकत्र दाबूनसुद्धा आपण डेस्कटॉपवर जाऊ शकतो. तुम्हाला आठवत असेलच, उबंटूच्या जुन्या versions मधे डेस्कटॉप उघडण्यासाठी Clt+Alt+D याच कीज वापरल्या जात. User ने अशा प्रकारचे फरक हाताळण्याची सवय लावून घेणे आवश्यक आहे. आपण विंडॊज की आणि ‘डी’ एकत्र दाबू या.
08:37	इथे तुम्हाला तुमचा पेन-ड्राईव्ह डेस्कटॉपवर आलेला दिसेल.
08:42	त्यावर डबल-क्लिक करून तो उघडू या.
08:46	आता मी तुम्हाला दाखविण्यासाठी ‘उबंटू ह्यूमॅनिटी डॉट ओजीव्ही’ ही व्हिडिओ फाईल निवडत आहे.
08:57	ही पहा माझी फाईल. आता ती उघडण्यासाठी मी त्यावर डबल-क्लिक करत आहे.
09:09	ती सामान्यतः मूव्ही-प्लेअर मध्ये चालू होते. सध्या आपण ती बंद करू या.
09:13	आता या डेस्कटॉपवरील अन्य काही महत्त्वाच्या गोष्टी पाहू या.
09:18	त्यासाठी यावेळी आपण ‘प्लेसेस’ मेनू मध्ये जाऊ या. इथे आपल्याला होम फोल्डर दिसेल.
09:27	तो उघडण्यासाठी होम फोल्डरवर क्लिक करा.
09:29	उबंटूमधे प्रत्येक User चा वेगळा फोल्डर असतो.
09:34	होम फोल्डर हे जणू आपले घरच आहे. तिथे आपण आपल्या फाईल्स व फोल्डर्स store करू शकतो.
09:42	आपण परवानगी दिल्याशिवाय कोणीही तो बघू शकत नाही. ‘फाईल परमिशन’ बद्द्लची आणखी माहिती spoken-tutorial.org या लिंकवरील लिनक्स स्पोकन ट्युटोरियल्समधे उपलब्ध आहे.
09:56	आपल्या होम फोल्डरमधे आपल्याला डेस्कटॉप, डॉक्युमेंट्स, डाऊनलोड्स आणि व्हिडिओ इत्यादि फोल्डर्स दिसतील.
10:08	लिनक्स मध्ये प्रत्येक गोष्ट फाईलच्याच स्वरुपात पाहिली जाते. डेस्कटॉप फोल्डर उघडण्यासाठी त्यावर डबल क्लिक करू या.
10:16	ही पाहा, आपण टेक्स्ट एडिटर मधून सेव्ह केलेली ‘Hello.txt’ फाईल आपल्याला इथे दिसत आहे.
10:25	म्हणजेच हा फोल्डर आणि डेस्कटॉप हे दोन्ही एकच आहेत. आता मी हा फोल्डर बंद करत आहे.
10:31	डेस्कटॉपची एकच थीम बघून तुम्हाला कंटाळा आला असेल ना? चला, आपण ती थीम बदलू या.
10:37	त्यासाठी सिस्टिम मधून प्रेफ्ररन्सेस आणि तिथून अपिअरन्स मध्ये जा आणि तिथे क्लिक करा.
10:44	इथे थीम्स टॅबखाली आधीच इन्स्टॉल केलेल्या अनेक थीम्स आहेत. आपण त्यातील ‘क्लिअरलुक्स’ही थीम घेऊ.
10:52	तुम्ही त्यावर क्लिक केल्यावर, लगेच तुम्हाला तसे बदल झालेले दिसून येतील.
10:58	डावीकडे खाली कोपऱ्यात असणाऱ्या आयकॉनवर क्लिक करून तुम्हाला हे पाहता येईल. याच आयकॉनवर पुन्हा क्लिक करून परत फोल्डरमधे जाऊ या.
11:10	अशाप्रकारे यातील कोणतीही थीम निवडण्याची मजा तुम्हाला लुटता येईल. हवी ती थीम निवडा आणि मग बाहेर पडण्यासाठी ‘एक्झिट’ वर क्लिक करा.
11:18	याबरोबरच आपण आपल्या या ट्युटोरियलचा शेवट करु या.
11:21	आतापर्यंत या ट्युटोरियलमध्ये आपण उबंटू डेस्कटॉप, मेन मेनू आणि उबंटू स्क्रिनवर उपलब्ध असणारे अन्य सर्व आयकॉन्स यांची माहिती करुन घेतली.
11:31	"स्पोकन ट्युटोरियल प्रॉजेक्ट" हे "टॉक टू टीचर" या प्रॉजेक्टचा एक भाग आहे. यासाठी National Mission on Education through ICT, MHRD यांच्याकडून अर्थसहाय्य मिळालेले आहे.
11:41	याबाबतची आधिक माहिती या लिंकवर उपलब्ध आहे.
11:47	या ट्युटोरियलचे भाषांतर मैत्रेयी जोशी यांनी केले असून आवाज .... यांनी दिलेला आहे. आम्ही आपला निरॊप घेतो, धन्यवाद!

Contributors and Content Editors

Nancyvarkey, PoojaMoolya, Pratik kamble, Pravin1389, Sneha