Biopython/C2/Parsing-Data/Kannada

Time	Narration
00:01	ಎಲ್ಲರಿಗೂ ನಮಸ್ಕಾರ. Parsing Data ಕುರಿತ ಈ ಟ್ಯುಟೋರಿಯಲ್ ಗೆ ನಿಮಗೆ ಸುಸ್ವಾಗತ.
00:06	ಈ ಟ್ಯುಟೋರಿಯಲ್ ನಲ್ಲಿ ನಾವು, NCBI ಡೇಟಾಬೇಸ್ ವೆಬ್ಸೈಟ್ ನಿಂದ FASTA ಮತ್ತುGenBank ಫೈಲ್ಗಳನ್ನು ಡೌನ್ಲೋಡ್ ಮಾಡಲು ಕಲಿಯುವೆವು.
00:14	ಮತ್ತು, ಸೀಕ್ವೆನ್ಸ್ ಇನ್ಪುಟ್ / ಔಟ್ಪುಟ್ ಮಾಡ್ಯೂಲ್ ನಲ್ಲಿಯ ಫಂಕ್ಷನ್ ಗಳನ್ನು ಬಳಸಿ, ಡೇಟಾ ಫೈಲ್ಗಳನ್ನು ಪಾರ್ಸ್ ಮಾಡಲು ಕಲಿಯುವೆವು.
00:19	ಈ ಟ್ಯುಟೋರಿಯಲ್ ಅನ್ನು ಅರ್ಥ ಮಾಡಿಕೊಳ್ಳಲು, ನೀವು ಪದವಿಪೂರ್ವ ಜೀವರಸಾಯನಶಾಸ್ತ್ರ ಅಥವಾ ಬಯೋಇನ್ಫರ್ಮ್ಯಾಟಿಕ್ಸ್,
00:26	ಮತ್ತು ಬೇಸಿಕ್ Python ಪ್ರೊಗ್ರಾಮಿಂಗ್ ಇವುಗಳನ್ನು ಅರಿತಿರಬೇಕು.
00:30	ಲಿಂಕ್ ನಲ್ಲಿ ಕೊಟ್ಟಿರುವ ಪೈಥಾನ್ ಟ್ಯುಟೋರಿಯಲ್ ಗಳನ್ನು ನೋಡಿ.
00:34	ಈ ಟ್ಯುಟೋರಿಯಲ್ ಅನ್ನು ರೆಕಾರ್ಡ್ ಮಾಡಲು, ನಾನು Ubuntu OS ನ 14.10 ನೇ ಆವೃತ್ತಿ,
00:40	Python ನ 2.7. 8 ನೇ ಆವೃತ್ತಿ,
00:44	Ipython interpreter ನ 2.3.0 ನೇ ಆವೃತ್ತಿ,
00:48	Biopython ನ 1.64 ಆವೃತ್ತಿ, ಮತ್ತು Mozilla Firefox ಬ್ರೌಸರ್ ನ 35.0 ನೇ ಆವೃತ್ತಿ, ಇವುಗಳನ್ನು ಉಪಯೋಗಿಸಿದ್ದೇನೆ.
00:56	ಜೀವಶಾಸ್ತ್ರದಲ್ಲಿಯ ವೈಜ್ಞಾನಿಕ ಡಾಟಾವನ್ನು ಸಾಮಾನ್ಯವಾಗಿ FASTA, GenBank, EMBL, Swiss-Prot ಮುಂತಾದ ಟೆಕ್ಸ್ಟ್ ಫೈಲ್ಗಳಲ್ಲಿ ಸಂಗ್ರಹಿಸಲಾಗುತ್ತದೆ.
01:07	ಡೇಟಾ ಫೈಲ್ಗಳನ್ನು, ಡೇಟಾಬೇಸ್ ವೆಬ್ಸೈಟ್ಗಳಿಂದ ಡೌನ್ಲೋಡ್ ಮಾಡಬಹುದು.
01:12	ಯಾವುದೇ ವೆಬ್ ಬ್ರೌಸರ್ನಲ್ಲಿ, ಕೆಳಗೆ ಕೊಟ್ಟ ವೆಬ್ಸೈಟ್ ಲಿಂಕ್ ಅನ್ನು ತೆರೆಯಿರಿ.
01:17	ಒಂದು ವೆಬ್-ಪೇಜ್ ಓಪನ್ ಆಗುತ್ತದೆ.
01:19	ನಾವು ಮಾನವನ ಇನ್ಸುಲಿನ್ ಜೀನ್ ಗಾಗಿ, FASTA ಮತ್ತು GenBank ಫೈಲ್ ಗಳನ್ನು ಡೌನ್ಲೋಡ್ ಮಾಡೋಣ.
01:25	ಸರ್ಚ್ ಬಾಕ್ಸ್ನಲ್ಲಿ, “human insulin” ಎಂದು ಟೈಪ್ ಮಾಡಿ. Search ಬಟನ್ ಅನ್ನು ಕ್ಲಿಕ್ ಮಾಡಿ.
01:31	ಮಾನವನ ಇನ್ಸುಲಿನ್ ಜೀನ್ ಗಾಗಿ, ವೆಬ್ ಪೇಜ್, ಅನೇಕ ಫೈಲ್ಗಳನ್ನು ತೋರಿಸುತ್ತದೆ.
01:35	ಇಲ್ಲಿ ವಿವರಣೆಗಾಗಿ, ನಾನು Homo sapiens Insulin mRNA ಎಂದು ಹೆಸರಿರುವ 4 ಫೈಲ್ಗಳನ್ನು ಆಯ್ಕೆಮಾಡುತ್ತೇನೆ.
01:43	500 ಬೇಸ್ ಪೇರ್ ಗಳಿಗಿಂತ ಕಡಿಮೆ ಇರುವ ಫೈಲ್ಗಳನ್ನು ನಾನು ಆಯ್ಕೆಮಾಡುತ್ತೇನೆ.
01:48	ಡೌನ್ಲೋಡ್ ಮಾಡಲಿಕ್ಕಾಗಿ ಫೈಲ್ ಅನ್ನು ಆಯ್ಕೆ ಮಾಡಲು, ಚೆಕ್-ಬಾಕ್ಸ್ ಮೇಲೆ ಕ್ಲಿಕ್ ಮಾಡಿ.
01:56	ಕರ್ಸರ್ ಅನ್ನು ಪೇಜ್ ನ ಮೇಲಿನ ಬಲ ಮೂಲೆಯಲ್ಲಿರುವ Send to ಎಂಬ ಆಯ್ಕೆಗೆ ತನ್ನಿ.
02:02	Send to ಬಟನ್ ನ ಬದಿಯಲ್ಲಿರುವ, ಡೌನ್ ಆರೋ ಇರುವ ಸಣ್ಣ ಸೆಲೆಕ್ಷನ್ ಬಟನ್ ಅನ್ನು ಒತ್ತಿ.
02:09	Choose destination ಎಂಬ ಶೀರ್ಷಿಕೆಯ ಕೆಳಗಿರುವ File ಎಂಬ ಆಯ್ಕೆಯನ್ನು ಒತ್ತಿ.
02:13	format ಎಂಬ ಡ್ರಾಪ್-ಡೌನ್ ಲಿಸ್ಟ್ ಬಾಕ್ಸ್ ನಲ್ಲಿರುವ ಯಾವುದೇ ಫೈಲ್ ಫಾರ್ಮಾಟ್ ನಲ್ಲಿ, ನೀವು ಈ ಫೈಲ್ ಅನ್ನು ಸೇವ್ ಮಾಡಬಹುದು.
02:21	ಕೊಟ್ಟಿರುವ ಆಯ್ಕೆಗಳಲ್ಲಿ, FASTA ಅನ್ನು ಆರಿಸಿ.
02:25	ನಂತರ Create file ಆಯ್ಕೆಯನ್ನು ಒತ್ತಿ.
02:29	ಸ್ಕ್ರೀನ್ ನ ಮೇಲೆ ಒಂದು ಡೈಲಾಗ್ ಬಾಕ್ಸ್ ಕಾಣುತ್ತದೆ.
02:32	Open with ಅನ್ನು ಆಯ್ಕೆಮಾಡಿ, OK ಅನ್ನು ಒತ್ತಿ.
02:36	ಟೆಕ್ಸ್ಟ್-ಎಡಿಟರ್ ನಲ್ಲಿ, ಒಂದು ಫೈಲ್ ಒಪನ್ ಆಗುತ್ತದೆ.
02:39	ನಾವು ನಾಲ್ಕು ಫೈಲ್ಗಳನ್ನು ಡೌನ್ಲೋಡ್ ಮಾಡಲು ಆಯ್ಕೆಮಾಡಿದ್ದರಿಂದ, ಈ ಫೈಲ್, 4 ರೆಕಾರ್ಡ್ ಗಳನ್ನು ತೋರಿಸುತ್ತದೆ,
02:46	ಪ್ರತಿಯೊಂದು ರೆಕಾರ್ಡ್ ನಲ್ಲಿ, ಮೊದಲ ಲೈನ್, ಐಡೆಂಟಿಫೈಯರ್ ಲೈನ್ ಆಗಿರುತ್ತದೆ.
02:50	ಅದು greater than (>) ಚಿಹ್ನೆಯಿಂದ ಆರಂಭವಾಗುತ್ತದೆ.
02:53	ಇದರ ನಂತರ sequence ಇರುತ್ತದೆ.
02:56	ಫೈಲ್ ಅನ್ನು ನಿಮ್ಮ home ಫೋಲ್ಡರ್ ನಲ್ಲಿ, sequence.fasta ಎಂದು Save ಮಾಡಿ.
03:01	ಟೆಕ್ಸ್ಟ್-ಎಡಿಟರ್ ಅನ್ನು ಕ್ಲೋಸ್ ಮಾಡಿ.
03:03	ಮೊದಲು ಆಯ್ಕೆ ಮಾಡಿದ ಫೈಲ್ ಗಳನ್ನು, GenBank ಫಾರ್ಮಾಟ್ ನಲ್ಲಿ ಡೌನ್ಲೋಡ್ ಮಾಡಲು, ಮೇಲಿನ ಹಂತಗಳನ್ನೇ ಅನುಸರಿಸಿ.
03:12	file format ಅನ್ನು GenBank ಎಂದು ಆಯ್ಕೆಮಾಡಿ.
03:16	ಒಂದು ಫೈಲ್ ಅನ್ನು ಕ್ರಿಯೇಟ್ ಮಾಡಿ, ಟೆಕ್ಸ್ಟ್ ಎಡಿಟರ್ ನಲ್ಲಿ ಓಪನ್ ಮಾಡಿ.
03:21	GenBank ಫಾರ್ಮಾಟ್ ನಲ್ಲಿರುವ ಸೀಕ್ವೆನ್ಸ್ ಫೈಲ್, FASTA ಫೈಲ್ ನಲ್ಲಿ ಇರುವುದಕ್ಕಿಂತ ಹೆಚ್ಚಿನ ವೈಶಿಷ್ಟ್ಯಗಳನ್ನು ಹೊಂದಿರುವುದನ್ನು ಗಮನಿಸಿ.
03:27	ಈ ಫೈಲ್ ಅನ್ನು, ನಿಮ್ಮ home ಫೋಲ್ಡರ್ ನಲ್ಲಿ, sequence.gb ಎಂದು ಸೇವ್ ಮಾಡಿ. ಟೆಕ್ಸ್ಟ್ ಎಡಿಟರ್ ಅನ್ನು ಕ್ಲೋಸ್ ಮಾಡಿ.
03:34	ಇಲ್ಲಿ ವಿವರಣೆಗಾಗಿ, ನಮಗೆ ಒಂದೇ ಒಂದು ರೆಕಾರ್ಡ್ ಇರುವ FASTA ಫೈಲ್ ನ ಅವಶ್ಯಕತೆ ಇದೆ.
03:39	ಇದಕ್ಕಾಗಿ, ಚೆಕ್ ಬಾಕ್ಸ್ ಗಳ ಮೇಲೆ ಪುನಃ ಕ್ಲಿಕ್ ಮಾಡಿ, ಮೊದಲು ಮಾಡಿದ ಆಯ್ಕೆಯನ್ನು ಕ್ಲಿಯರ್ ಮಾಡಿ.
03:48	ಈಗ, Human insulin gene complete cds ಎಂಬ ಫೈಲ್ ಅನ್ನು ಆಯ್ಕೆ ಮಾಡಿ.
03:54	ಚೆಕ್ ಬಾಕ್ಸ್ ಮೇಲೆ ಕ್ಲಿಕ್ ಮಾಡಿ,
03:57	ಮತ್ತು ಫೈಲ್ ಅನ್ನು home ಫೋಲ್ಡರ್ ನಲ್ಲಿ ಸೇವ್ ಮಾಡಲು, ಮೊದಲು ತೋರಿಸಿದ ಹಂತಗಳನ್ನು ಅನುಸರಿಸಿ.
04:01	ಫೈಲ್ ಅನ್ನು insulin.fasta ಎಂದು ಸೇವ್ ಮಾಡಿ.
04:08	Biopython ಲೈಬ್ರರಿಗಳನ್ನು ಬಳಸಿ, ಈ ಫೈಲ್ಗಳಲ್ಲಿ ಸಂಗ್ರಹ ಮಾಡಿದ ಬಯಲಾಜಿಕಲ್ ಡೇಟಾವನ್ನು ಮರಳಿ ಪಡೆಯಬಹುದು ಮತ್ತು ಮಾರ್ಪಡಿಸಬಹುದು.
04:16	ಟೆಕ್ಸ್ಟ್ ಎಡಿಟರ್ ಅನ್ನು ಕ್ಲೋಸ್ ಮಾಡಿ.
04:19	ಡೇಟಾ ಫೈಲ್ಗಳಿಂದ ಡೇಟಾವನ್ನು ಪಡೆಯುವುದನ್ನು Parsing ಎಂದು ಕರೆಯಲಾಗುತ್ತದೆ.
04:23	SeqIO ಮಾಡ್ಯೂಲ್ನಲ್ಲಿ ಲಭ್ಯವಿರುವ ಫಂಕ್ಷನ್ ಗಳನ್ನು ಬಳಸಿಕೊಂಡು, ಹೆಚ್ಚಿನ ಫೈಲ್ ಫಾರ್ಮ್ಯಾಟ್ಗಳನ್ನು ಪಾರ್ಸ್ ಮಾಡಬಹುದು.
04:30	ಸಾಮಾನ್ಯವಾಗಿ ಬಳಸಲಾಗುವ, SeqIO ಮಾಡ್ಯೂಲ್ನ ಫಂಕ್ಷನ್ ಗಳು ಹೀಗಿವೆ: parse, read, write ಮತ್ತು convert.
04:38	Ctrl, Alt ಮತ್ತು t ಕೀಗಳನ್ನು ಒಟ್ಟಿಗೆ ಒತ್ತುವ ಮೂಲಕ ಟರ್ಮಿನಲ್ ಅನ್ನು ತೆರೆಯಿರಿ.
04:44	ಪ್ರಾಂಪ್ಟಿನಲ್ಲಿ “ipython” ಅನ್ನು ಟೈಪ್ ಮಾಡುವ ಮೂಲಕ ipython ಅನ್ನು ಪ್ರಾರಂಭಿಸಿ. Enter ಕೀಯನ್ನು ಒತ್ತಿ.
04:51	ನಂತರ, Bio ಪ್ಯಾಕೇಜ್ನಿಂದ SeqIO ಮಾಡ್ಯೂಲ್ ಅನ್ನು ಇಂಪೋರ್ಟ್ ಮಾಡಿ.
04:56	ಪ್ರಾಂಪ್ಟ್ ನಲ್ಲಿ, “from Bio import SeqIO” ಎಂದು ಟೈಪ್ ಮಾಡಿ. Enter ಕೀಯನ್ನು ಒತ್ತಿ.
05:04	ನಾವು ಬಹು ಮುಖ್ಯವಾದ parse ಫಂಕ್ಷನ್ ನಿಂದ ಪ್ರಾರಂಭಿಸೋಣ.
05:07	ಇಲ್ಲಿ ವಿವರಣೆಗಾಗಿ, ಡೇಟಾಬೇಸ್ನಿಂದ ಈ ಮೊದಲೇ ಡೌನ್ಲೋಡ್ ಮಾಡಿದ, ಹಲವಾರು ರೆಕಾರ್ಡ್ ಗಳನ್ನು ಹೊಂದಿರುವ FASTA ಫೈಲ್ ಅನ್ನು ನಾನು ಬಳಸುತ್ತೇನೆ.
05:17	ಸರಳ FASTA ಪಾರ್ಸಿಂಗ್ ಗಾಗಿ, ಕೆಳಗಿನವುಗಳನ್ನು ಪ್ರಾಂಪ್ಟಿನಲ್ಲಿ ಟೈಪ್ ಮಾಡಿ.
05:22	ಇಲ್ಲಿ ನಾವು, sequence.fasta ಫೈಲ್ ನಲ್ಲಿರುವುದನ್ನು ಓದಲು (ರೀಡ್ ಮಾಡಲು), parse ಫಂಕ್ಷನ್ ಅನ್ನು ಬಳಸುತ್ತಿದ್ದೇವೆ.
05:30	ಔಟ್ಪುಟ್ ಗಾಗಿ, record id, ರೆಕಾರ್ಡ್ನಲ್ಲಿ ಇರುವ ಸೀಕ್ವೆನ್ಸ್ ಮತ್ತು ಸೀಕ್ವೆನ್ಸ್ ನ ಉದ್ದವನ್ನು ಪ್ರಿಂಟ್ ಮಾಡಿ.
05:41	ಅಲ್ಲದೆ, ಸೀಕ್ವೆನ್ಸ್ ಡೇಟಾ ವನ್ನು Sequence record objects ನಂತೆ ರೀಡ್ ಮಾಡಲು parse ಫಂಕ್ಷನ್ ಅನ್ನು ಬಳಸಲಾಗುತ್ತದೆ ಎಂಬುದನ್ನು ಗಮನಿಸಿ.
05:48	ಸಾಮಾನ್ಯವಾಗಿ, ಇದನ್ನು for ಲೂಪ್ ನೊಂದಿಗೆ ಬಳಸಲಾಗುತ್ತದೆ.
05:52	ಇದು 2 ಆರ್ಗ್ಯೂಮೆಂಟ್ ಗಳನ್ನು ಪಡೆಯಲು ಸಾಧ್ಯವಿದೆ. ಮೊದಲನೆಯದು, ಡೇಟಾವನ್ನು ರೀಡ್ ಮಾಡಲು ಬೇಕಾದ ಫೈಲ್ ನೇಮ್.
05:59	ಎರಡನೇಯದು, ಫೈಲ್ ಫಾರ್ಮಾಟ್ ಅನ್ನು ಸೂಚಿಸುತ್ತದೆ.
06:02	ಔಟ್ಪುಟ್ ಅನ್ನು ಪಡೆಯಲು, Enter ಕೀಯನ್ನು ಎರಡುಸಲ ಒತ್ತಿ.
06:07	ಔಟ್ಪುಟ್, ಐಡೆಂಟಿಫೈಯರ್ ಲೈನ್, ಫೈಲ್ ನಲ್ಲಿರುವ ಸೀಕ್ವೆನ್ಸ್ ಮತ್ತು ಫೈಲ್ ನಲ್ಲಿರುವ ಎಲ್ಲ ರೆಕಾರ್ಡ್ ಗಳ ಸೀಕ್ವೆನ್ಸ್ ಗಳ ಉದ್ದ ಇವುಗಳನ್ನು ತೋರಿಸುತ್ತದೆ.
06:21	FASTA ಫಾರ್ಮ್ಯಾಟ್, ಅಲ್ಫಾಬೆಟ್ ಅನ್ನು ಸೂಚಿಸುವುದಿಲ್ಲ ಎಂಬುದನ್ನು ಗಮನಿಸಿ.
06:26	ಹಾಗಾಗಿ, ಔಟ್ಪುಟ್, ಇದನ್ನು DNA ಸೀಕ್ವೆನ್ಸ್ ಎಂದು ಸೂಚಿಸುವುದಿಲ್ಲ.
06:31	GenBank ಫೈಲ್ ಅನ್ನು ಪಾರ್ಸ್ ಮಾಡಲು, ಈ ಹಂತಗಳನ್ನೆ ಪುನರಾವರ್ತಿಸಬಹುದು.
06:36	ವಿವರಣೆಗಾಗಿ, ನಾವು ಈ ಮೊದಲು ಡೇಟಾಬೇಸ್ ನಿಂದ ಡೌನ್ಲೋಡ್ ಮಾಡಿದ GenBank ಫೈಲ್ ಅನ್ನು ಉಪಯೋಗಿಸುವೆವು.
06:43	ನಾವು ಈಮೊದಲು ಬಳಸಿದ ಕೋಡ್ ನ ಸಾಲುಗಳನ್ನು ಪಡೆಯಲು, up-arrow ಕೀಯನ್ನು ಒತ್ತಿರಿ.
06:49	ಫೈಲ್ ನ ಹೆಸರನ್ನು, sequence.gb ಎಂದು ಬದಲಾಯಿಸಿ.
06:53	ಫೈಲ್ ಫಾರ್ಮ್ಯಾಟ್ ಅನ್ನು, genbank ಗೆ ಬದಲಾಯಿಸಿ.
06:56	ಉಳಿದ ಕೋಡ್, ಮೊದಲಿನಂತೆಯೇ ಇರುತ್ತದೆ.
06:58	ಔಟ್ಪುಟ್ ಅನ್ನು ಪಡೆಯಲು Enter ಕೀಯನ್ನು ಎರಡು ಬಾರಿ ಒತ್ತಿ.
07:03	ಇಲ್ಲಿಯೂ, ಔಟ್ಪುಟ್, record id, ಸೀಕ್ವೆನ್ಸ್ ಮತ್ತು ಫೈಲ್ ನ ಎಲ್ಲ ರೆಕಾರ್ಡ್ಗಳ ಸೀಕ್ವೆನ್ಸ್ ನ ಉದ್ದವನ್ನು ತೋರಿಸುತ್ತದೆ.
07:12	GenBank ಫಾರ್ಮ್ಯಾಟ್, ಸೀಕ್ವೆನ್ಸ್ ಅನ್ನು, DNA ಸೀಕ್ವೆನ್ಸ್ ಎಂದು ಸೂಚಿಸುವುದನ್ನು ಗಮನಿಸಿ.
07:19	ಅಂತೆಯೇ, Swiss-prot ಮತ್ತು EMBL ಫೈಲ್ಗಳನ್ನು, ಮೇಲಿನ ಕೋಡ್ ಅನ್ನು ಬಳಸಿ ಪಾರ್ಸ್ ಮಾಡಬಹುದು.
07:27	ನಿಮ್ಮ ಫೈಲ್, ಒಂದೇ ರೆಕಾರ್ಡ್ ಅನ್ನು ಹೊಂದಿದ್ದರೆ, ಪಾರ್ಸಿಂಗ್ ಗಾಗಿ ಕೆಳಗಿನ ಸಾಲುಗಳನ್ನು ಟೈಪ್ ಮಾಡಿ.
07:34	ಇಲ್ಲಿ, ನಾವು ಹಿಂದೆ ಸೇವ್ ಮಾಡಿದ, ಒಂದೇ ರೆಕಾರ್ಡ್ ಅನ್ನು ಹೊಂದಿರುವ FASTA ಫೈಲ್ ಅನ್ನು ಬಳಸುತ್ತೇವೆ. ಉದಾಹರಣೆಗೆ insulin.fasta.
07:43	parse ಫಂಕ್ಷನ್ ನ ಬದಲಿಗೆ, ನಾವು read ಫಂಕ್ಷನ್ ಅನ್ನು ಬಳಸಿದ್ದೇವೆ ಎಂಬುದನ್ನು ಗಮನಿಸಿ. Enter ಅನ್ನು ಒತ್ತಿ.
07:50	ಔಟ್ಪುಟ್, insulin.fasta ಫೈಲ್ ನಲ್ಲಿರುವುದನ್ನು ತೋರಿಸುತ್ತದೆ.
07:55	ಇದು ಸೀಕ್ವೆನ್ಸ್ ಅನ್ನು, sequence record object ನಂತೆ,
07:59	ಮತ್ತು ಇತರ ಆಟ್ರಿಬ್ಯೂಟ್ ಗಳಾದ GI, accession number, description ಗಳನ್ನು ತೋರಿಸುತ್ತದೆ.
08:06	ಈ ರೆಕಾರ್ಡ್ ನ ಪ್ರತ್ಯೇಕ ಗುಣಲಕ್ಷಣಗಳನ್ನು, ನಾವು ಕೆಳಗೆ ಹೇಳಿದಂತೆ ನೋಡಬಹುದು.
08:11	ಪ್ರಾಂಪ್ಟ್ ನಲ್ಲಿ ಹೀಗೆ ಟೈಪ್ ಮಾಡಿ: record dot seq ಮತ್ತು Enter ಅನ್ನು ಒತ್ತಿ.
08:18	ಔಟ್ಪುಟ್, ಫೈಲ್ ನಲ್ಲಿರುವ ಸೀಕ್ವೆನ್ಸ್ ಅನ್ನು ತೋರಿಸುತ್ತದೆ.
08:22	ಈ ರೆಕಾರ್ಡ್ ನ ಐಡೆಂಟಿಫೈಯರ್ ಗಳನ್ನು ನೋಡಲು, ಹೀಗೆ ಟೈಪ್ ಮಾಡಿ : record dot id ಮತ್ತು Enter ಕೀಯನ್ನು ಒತ್ತಿ.
08:29	ಔಟ್ಪುಟ್, GI ನಂಬರ್ ಮತ್ತು ಅಕ್ಸೆಶನ್ ನಂಬರ್ ಮುಂತಾದವುಗಳನ್ನು ತೋರಿಸುತ್ತದೆ.
08:34	ಮೇಲೆ ವಿವರಿಸಿದ ಫಂಕ್ಷನ್ ಅನ್ನು, ನಿಮ್ಮ ಆಯ್ಕೆಯ ಡೇಟಾ ಫೈಲ್ ಗಳನ್ನು ಪಾರ್ಸ್ ಮಾಡಲು ಬಳಸಬಹುದು.
08:40	ಸಂಕ್ಷಿಪ್ತವಾಗಿ,
08:42	ಈ ಟ್ಯುಟೋರಿಯಲ್ ನಲ್ಲಿ ನಾವು: FASTA ಮತ್ತು GenBank ಫೈಲ್ ಗಳನ್ನು NCBI ಡೇಟಾಬೇಸ್ ವೆಬ್ಸೈಟ್ ನಿಂದ ಡೌನ್ ಲೋಡ್ ಮಾಡುವುದು ಮತ್ತು SeqIO ಮಾಡ್ಯೂಲ್ ನ parse ಹಾಗೂ read ಫಂಕ್ಷನ್ ಗಳನ್ನು ಬಳಸುವುದು,
08:55	FASTA ಮತ್ತು GenBank ಫೈಲ್ ಗಳಿಂದ, record id, ವಿವರಣೆ, ಸೀಕ್ವೆನ್ಸ್ ಮುಂತಾದ ಡೇಟಾಗಳನ್ನು ಎಕ್ಸ್ಟ್ರಾಕ್ಟ್ ಮಾಡಲು ಕಲಿತಿದ್ದೇವೆ.
09:03	ಈಗ ಅಸೈನ್ಮೆಂಟ್ ಗಾಗಿ -
09:06	NCBI ಡಾಟಾಬೇಸ್ ನಿಂದ, ನಿಮ್ಮ ಆಯ್ಕೆಯ ನ್ಯೂಕ್ಲಿಯೋಟೈಡ್ ಸೀಕ್ವೆನ್ಸ್ ಗಾಗಿ, FASTA ಫೈಲ್ ಗಳನ್ನು ಡೌನ್ಲೋಡ್ ಮಾಡಿ.
09:13	ಈ ಸೀಕ್ವೆನ್ಸ್ ಗಳ ಫೈಲ್ ಅನ್ನು ಅದರ ರಿವರ್ಸ್ ಕಾಂಪ್ಲಿಮೆಂಟ್ ಗೆ ಪರಿವರ್ತಿಸಿ.
09:17	ನಿಮ್ಮ ಪೂರ್ಣಗೊಂಡ ಅಸೈನ್ಮೆಂಟ್ , ಈ ಕೆಳಗಿನ ಕೋಡ್ ಅನ್ನು ಹೊಂದಿರಬೇಕು.
09:22	FASTA ಫೈಲ್ ನಿಂದ, ನ್ಯೂಕ್ಲಿಯೋಟೈಡ್ ಸೀಕ್ವೆನ್ಸ್ ಅನ್ನು ಲೋಡ್ ಮಾಡಲು, parse ಫಂಕ್ಷನ್ ಅನ್ನು ಉಪಯೋಗಿಸಿ.
09:28	ನಂತರ, ಸೀಕ್ವೆನ್ಸ್ ಆಬ್ಜೆಕ್ಟ್ ನ reverse complement ಎಂಬ ಬಿಲ್ಟ್- ಇನ್ ಮೆಥಡ್ ಅನ್ನು ಉಪಯೋಗಿಸಿ, ರಿವರ್ಸ್ ಕಾಂಪ್ಲಿಮೆಂಟ್ಸ್ ಅನ್ನು ಪ್ರಿಂಟ್ ಮಾಡಿ.
09:37	ಈ ಲಿಂಕ್ ನಲ್ಲಿರುವ ವೀಡಿಯೋ, ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್ ಅನ್ನು ವಿವರಿಸುತ್ತದೆ.
09:42	ದಯವಿಟ್ಟು ಇದನ್ನು ಡೌನ್ಲೋಡ್ ಮಾಡಿ ನೋಡಿ.
09:44	ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್ ಟೀಮ್, ಕಾರ್ಯಶಾಲೆಗಳನ್ನು ನಡೆಸುತ್ತದೆ ಮತ್ತು ಆನ್ಲೈನ್ ಟೆಸ್ಟ್ ನಲ್ಲಿ ತೇರ್ಗಡೆಯಾದವರಿಗೆ ಸರ್ಟಿಫಿಕೇಟ್ ಕೊಡುತ್ತದೆ.
09:51	ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ನಮ್ಮನ್ನು ಸಂಪರ್ಕಿಸಿ.
09:55	ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್, ರಾಷ್ಟ್ರಿಯ ಸಾಕ್ಷರತಾ ಮಿಷನ್ ICT, MHRD ಮೂಲಕ ಭಾರತ ಸರ್ಕಾರದ ಆಧಾರವನ್ನು ಪಡೆದಿದೆ.
10:01	ಈ ಮಿಶನ್ ನ ಬಗೆಗೆ ಹೆಚ್ಚಿನ ಮಾಹಿತಿಯು ಇಲ್ಲಿ ಇರುವ ಲಿಂಕ್ ನಲ್ಲಿ ಲಭ್ಯವಿದೆ.
10:06	ಈ ಟ್ಯುಟೋರಿಯಲ್ ನ ಅನುವಾದಕಿ ಚೇತನಾ ಮತ್ತು ಧ್ವನಿ ನವೀನ್ ಭಟ್, ಉಪ್ಪಿನಪಟ್ಟಣ. ಧನ್ಯವಾದಗಳು.

Contributors and Content Editors

Chetana, Sandhya.np14