Scilab/C2/Scripts-and-Functions/Kannada

Time	Narration
00:01	ಸೈಲ್ಯಾಬ್ ನ Scripts and Functions ಕುರಿತಾದ ಸ್ಪೋಕನ್ ಟ್ಯುಟೋರಿಯಲ್ ಗೆ ನಿಮಗೆಲ್ಲಾ ಸ್ವಾಗತ.
00:06	ಈಗ ಸೈಲ್ಯಾಬ್ ನಲ್ಲಿರುವ file format ಗಳ ಪರಿಚಯದಿಂದ ಪ್ರಾರಂಭಿಸೋಣ.
00:12	ಹಲವಾರು ಕಮಾಂಡ್ ಗಳನ್ನು ಎಕ್ಸಿಕ್ಯೂಟ್ ಮಾಡಬೇಕಾದಾಗ, ಈ ಸ್ಟೇಟ್ಮೆಂಟ್ ಗಳನ್ನು ಸೈಲ್ಯಾಬ್ ಎಡಿಟರ್ ನ ಮೂಲಕ ಫೈಲ್ ನಲ್ಲಿ ಬರೆದುಕೊಳ್ಳುವುದು ಸುಲಭ ಮಾರ್ಗ.
00:21	ಇವುಗಳನ್ನು SCRIPT ಫೈಲ್ ಗಳು ಎಂದು ಕರೆಯುತ್ತಾರೆ.
00:24	ಇಂತಹ ಸ್ಕ್ರಿಪ್ಟ್ ಫೈಲ್ ಗಳಲ್ಲಿ ಬರೆದ ಕಮಾಂಡ್ ಗಳನ್ನು ಎಕ್ಸಿಕ್ಯೂಟ್ ಮಾಡಲು, exec ಫಂಕ್ಷನ್ ನ ನಂತರ ಸ್ಕ್ರಿಪ್ಟ್ ಫೈಲ್ ನೇಮ್ ಅನ್ನು ಬಳಸಬೇಕು.
00:34	ಈ ಫೈಲ್ ಗಳು ಅದರ ಕಂಟೆಂಟ್ ಗಳ ಆಧಾರದ ಮೇಲೆ .sce ಅಥವಾ .sci, ಎಕ್ಸ್ಟೆನ್ಷನ್ ಅನ್ನು ಹೊಂದಿರುತ್ತವೆ.
00:42	.sci ಎಕ್ಸ್ಟೆನ್ಷನ್ ಅನ್ನು ಹೊಂದಿದ ಫೈಲ್ ಗಳು ಸೈಲ್ಯಾಬ್ ಫಂಕ್ಷನ್ ಮತ್ತು ಯೂಸರ್ ಡಿಫೈನ್ಡ್ ಫಂಕ್ಷನ್ ಗಳನ್ನು ಹೊಂದಿರುತ್ತವೆ.
00:51	ಈ ಫೈಲ್ ಗಳನ್ನು ಎಕ್ಸಿಕ್ಯೂಟ್ ಮಾಡಿದಾಗ, ಇವು ಫಂಕ್ಷನ್ ಗಳನ್ನು ಸೈಲ್ಯಾಬ್ ಎನ್ವಿರೋನ್ಮೆಂಟ್ ಗೆ ಲೋಡ್ ಮಾಡುತ್ತವೆ. (ಆದರೆ ಅವುಗಳನ್ನು ಎಕ್ಸಿಕ್ಯೂಟ್ ಮಾಡುವುದಿಲ್ಲ), ಆದರೆ,
01:00	.sce ಎಕ್ಸ್ಟೆನ್ಷನ್ ಅನ್ನು ಹೊಂದಿದ ಫೈಲ್ ಗಳು ಸೈಲ್ಯಾಬ್ ಫಂಕ್ಷನ್ ಮತ್ತು ಯೂಸರ್ ಡಿಫೈನ್ಡ್ ಫಂಕ್ಷನ್ ಗಳನ್ನು ಹೊಂದಿರುತ್ತವೆ.
01:08	.sce ಮತ್ತು .sci ಎಂದು ಹೆಸರಿಸುವುದು ನಿಯಮವಲ್ಲ ಆದರೆ ಸೈಲ್ಯಾಬ್ ಸಮುದಾಯದವರು ಈ ನಿಯಮವನ್ನು ಪಾಲಿಸುತ್ತಾರೆ.
01:21	ಕಂಪ್ಯೂಟರ್ ನಲ್ಲಿ ಸೈಲ್ಯಾಬ್ ವಿಂಡೋ ವನ್ನು ಓಪನ್ ಮಾಡೋಣ.
01:27	ಕಮಾಂಡ್ ಪ್ರಾಮ್ಟ್ ನಲ್ಲಿ pwd ಕಮಾಂಡ್ ಅನ್ನು ಟೈಪ್ ಮಾಡಿ ಪ್ರೆಸೆಂಟ್ ವರ್ಕಿಂಗ್ ಡೈರಕ್ಟರಿಯನ್ನು ಕಂಡುಹಿಡಿಯಿರಿ.
01:35	ಸೈಲ್ಯಾಬ್ ಎಡಿಟರ್ ಅನ್ನು ತೆರೆಯಲು, ಸೈಲ್ಯಾಬ್ ಕನ್ಸೋಲ್ ವಿಂಡೋ ನ ಟಾಸ್ಕ್ ಬಾರ್ ಗೆ ಹೋಗಿ ಮತ್ತು Editor ಆಪ್ಷನ್ ಅನ್ನು ಕ್ಲಿಕ್ ಮಾಡಿ.
01:49	ನಾನು ಈ ಫೈಲ್ ನಲ್ಲಿ ಈಗಾಗಲೇ ಕಮಾಂಡ್ ಗಳನ್ನು ಟೈಪ್ ಮಾಡಿದ್ದೇನೆ ಮತ್ತು ಅದನ್ನು helloworld.sce ಎಂದು ಸೇವ್ ಮಾಡಿದ್ದೇನೆ, ಹಾಗಾಗಿ ನಾನು ಆ ಫೈಲ್ ಅನ್ನು Open ಷಾರ್ಟ್ ಕಟ್ ಐಕಾನ್ ಅನ್ನು ಒತ್ತಿ ಓಪನ್ ಮಾಡುತ್ತೇನೆ.
02:03	helloworld.sce ಫೈಲ್ ಅನ್ನು ಆರಿಸಿಕೊಂಡು 'Open' ನ ಮೇಲೆ ಕ್ಲಿಕ್ ಮಾಡಿ.
02:10	ನೀವು ಕಮಾಂಡ್ ಗಳನ್ನು ಹೊಸ ಫೈಲ್ ನಲ್ಲಿ ಬರೆದು, 'File' ಮೆನ್ಯುವಿನ ಮೂಲಕ ಕರೆಂಟ್ ವರ್ಕಿಂಗ್ ಡೈರಕ್ಟರಿಯಲ್ಲಿ helloworld.sce ಎಂದು ಸೇವ್ ಮಾಡಬಹುದು.
02:20	ಸೈಲ್ಯಾಬ್ ಎಡಿಟರ್ ನ ಮೆನ್ಯು ಬಾರ್ ನಲ್ಲಿ Execute ಬಟನ್ ಗೆ ಹೋಗಿ ಮತ್ತು Load into Scilab ಆಯ್ಕೆಯನ್ನು ಆರಿಸಿಕೊಳ್ಳಿ.
02:29	ಇದು ಫೈಲ್ ಅನ್ನು ಸೈಲ್ಯಾಬ್ ಕನ್ಸೋಲ್ ಗೆ ಲೋಡ್ ಮಾಡುತ್ತದೆ.
02:34	ಫೈಲ್ ಅನ್ನು ಕನ್ಸೋಲ್ ಗೆ ಲೋಡ್ ಮಾಡಿಯಾದ ನಂತರ ಸ್ಕ್ರಿಪ್ತ್ ಔಟ್ಪುಟ್ ಅನ್ನು ಈ ರೀತಿ ಕೊಡುತ್ತದೆ.
02:43	ಇದು ಕಮಾಂಡ್ ಗಳು ಮತ್ತು ಅವಕ್ಕೆ ಸಂಬಂಧಿತ ಔಟ್ಪುಟ್ ಗಳನ್ನು ಹೊಂದಿದೆ.
02:49	ಈಗ a ಯ ವ್ಯಾಲ್ಯೂವನ್ನು 1 ಎಂದು ಬದಲಿಸೋಣ.
02:55	ಎಡಿಟರ್ ನಲ್ಲಿ File ಮೆನ್ಯುಗೆ ಹೋಗಿ Save ಅನ್ನು ಕ್ಲಿಕ್ ಮಾಡಿ.
03:02	ನಾವು ಸ್ಕ್ರಿಪ್ಟ್ ಅನ್ನು ಸೈಲ್ಯಾಬ್ ಇಂಟರ್-ಪ್ರಿಟರ್ ನ ಮೂಲಕ exec ಕಮಾಂಡ್ ಅನ್ನು ಬಳಸಿ ನೇರವಾಗಿ ಎಕ್ಸಿಕ್ಯೂಟ್ ಮಾಡಬಹುಉದು ಮತ್ತು ಸ್ಕ್ರಿಪ್ಟ್ ಫೈಲ್ ಗೆ ಪಾಥ್ ಅನ್ನು ಈ ರೀತಿಯಾಗಿ ಕೊಡಬೇಕು:
03:12	exec into brackets into double quotes helloworld.sce , ಅಂದರೆ ಫೈಲ್ ನೇಮ್, ನಂತರ Enter ಅನ್ನು ಒತ್ತಿ.
03:31	ಸ್ಕ್ರಿಪ್ಟ್ ಫೈಲ್ exec ಫಂಕ್ಷನ್ ನ ಔಟ್ಪುಟ್ ನಂತೆಯೆ ಔಟ್ಪುಟ್ ಅನ್ನು ಕೊಡುತ್ತದೆ.
03:37	ಈಗ function ಗಳ ಕುರಿತು ಮಾತನಾಡೋಣ.
03:39	ಫಂಕ್ಷನ್ ನ ಡೆಫಿನೇಶನ್ function ಕೀವರ್ಡ್ ನೊಂದಿಗೆ ಪ್ರಾರಂಭವಾಗಿ endfunction ಕೀವರ್ಡ್ ನೊಂದಿಗೆ ಕೊನೆಗೊಳ್ಳುತ್ತದೆ.
03:46	ನಾನು ಫಂಕ್ಷನ್ ಫೈಲ್ function.sci ಯನ್ನು ಸೈಲ್ಯಾಬ್ ಎಡಿಟರ್ ಅನ್ನು ಬಳಸಿ ಈಗಾಗಲೇ ಸೇವ್ ಮಾಡಿದ್ದೇನೆ.
03:57	ನಾನು ಆ ಫೈಲ್ ಅನ್ನು ಓಪನ್ ಮಾಡುತ್ತೇನೆ.
04:03	ಫಂಕ್ಷನ್ ಅನ್ನು ಡಿಫೈನ್ ಮಾಡಿದ್ದನ್ನು ನೀವು ಇಲ್ಲಿ ನೋಡಬಹುದು.
04:08	ಇವುಗಳಲ್ಲಿ, degrees ಇದು ಔಟ್ಪುಟ್ ಪ್ಯಾರಾಮೀಟರ್ ಮತ್ತು radians ಇದು ಇನ್ಪುಟ್ ಪ್ಯಾರಾಮೀಟರ್.
04:21	ಫಂಕ್ಷನ್ ನ ಹೆಸರು radians2degrees.
04:26	ನಾನು ಈ ಫಂಕ್ಷನ್ ಅನ್ನು Execute ಮೆನು ಆಪ್ಷನ್ ಅನ್ನು ಬಳಸಿ ಸೈಲ್ಯಾಬ್ ನಲ್ಲಿ ಲೋಡ್ ಮಾಡುತ್ತೇನೆ.
04:40	ಸೈಲ್ಯಾಬ್ ಕನ್ಸೋಲ್ ನಲ್ಲಿ ಈಗ ಫಂಕ್ಷನ್ ಲೋಡ್ ಆಗಿದೆ.
04:44	ಇದನ್ನು exec ಕಮಾಂಡ್ ಅನ್ನು ಬಳಸಿ ಕೂಡ ಲೋಡ್ ಮಾಡಬಹುದು.
04:47	ಒಮ್ಮೆ ಫಂಕ್ಷನ್ ಲೋಡ್ ಆದರೆ, ನಂತರ ಇದನ್ನು ಬೇರೆ ಸೈಲ್ಯಾಬ್ ಫಂಕ್ಷನ್ ಗಳಂತೆ, ನಿರ್ದಿಷ್ಟವಾದ ಆರ್ಗ್ಯುಮೆಂಟ್ ಗಳನ್ನು ಪಾಸ್ ಮಾಡುವುದರ ಮೂಲಕ ಕಾಲ್ ಮಾಡಬಹುದು.
04:56	ಪರ್ಸಂಟ್ ಚಿಹ್ನೆಯನ್ನು (%) ಮಾನಸಿಕವಾಗಿ ನೆನಪಿಸಿಕೊಳ್ಳಿ ಮತ್ತು ಅದರ ಬಳಕೆಯ ಕಾರಣವನ್ನು ನೆನಪಿಸಿಕೊಳ್ಳಿ.
05:02	ಈಗ ನಾವು radians2degrees of %pi/2 ಮತ್ತು radians2degrees of (%pi/4) ಗಳ ವ್ಯಾಲ್ಯೂ ಗಳನ್ನು ಕಂಡುಹಿಡಿಯೋಣ.
05:17	percent pi/2 ಮತ್ತು radians2degrees percent pi by 4 (%pi/4).
05:28	ಈಗ ನಾವು ಒಂದಕ್ಕಿಂತ ಹೆಚ್ಚು ಇನ್ಪುಟ್ ಮತ್ತು ಔಟ್ಪುಟ್ ಆರ್ಗ್ಯುಮೆಂಟ್ ಗಳಿರುವ ಫಂಕ್ಷನ್ ಗಳನ್ನು ನೋಡೋಣ.
05:33	ಈ ಫಂಕ್ಷನ್ polar coordinates ಗಳನ್ನು ಇನ್ಪುಟ್ ಆಗಿ ಪಡೆದುಕೊಂಡು, rectangular coordinates ಗಳನ್ನು ಔಟ್ಪುಟ್ ಆಗಿ ಕೊಡುತ್ತದೆ.
05:44	ನಾನು ಈಗಾಗಲೇ ಟೈಪ್ ಮಾಡಿಟ್ಟಿರುವ ಫೈಲ್ ಅನ್ನು ಓಪನ್ ಮಾಡುತ್ತೇನೆ.
05:51	ಇಲ್ಲಿ , polar2rect ಫಂಕ್ಷನ್ ಗೆ x ಮತ್ತು y ಗಳು ಔಟ್ಪುಟ್ ಪ್ಯಾರಾಮೀಟರ್ ಗಳು ಮತ್ತು r ಮತ್ತು theta ಗಳು ಇನ್ಪುಟ್ ಪ್ಯಾರಾಮೀಟರ್ ಗಳು.
06:06	exec ಆಯ್ಕೆಯ ಮೂಲಕ ಈಗ ಇದನ್ನು ಲೋಡ್ ಮಾಡೋಣ.
06:21	ಒಮ್ಮೆ ಫಂಕ್ಷನ್ ಲೋಡ್ ಆದರೆ, ನಾವು ಫಂಕ್ಷನ್ ಅನ್ನು ಕಾಲ್ ಮಾಡಬೇಕು. ಈ ಫಂಕ್ಷನ್ ಗೆ ಎರಡು ಇನ್ಪುಟ್ ಆರ್ಗ್ಯುಮೆಂಟ್ ಗಳು ಮತ್ತು ಔಟ್ಪುಟ್ ಆರ್ಗ್ಯುಮೆಂಟ್ ಗಳು ಬೇಕು.
06:31	ಆದ್ದರಿಂದ r = 2,
06:37	theta = 45;
06:44	ಮತ್ತು ಈಗ ನಾವು ಇದನ್ನು ಕಾಲ್ ಮಾಡೋಣ, x1 comma y1, ಔಟ್ಪುಟ್ ಪ್ಯಾರಾಮೀಟರ್ ಗಳು, is equal to ಫಂಕ್ಷನ್ ನ ಹೆಸರು polar2rect into bracket r comma theta ಮತ್ತು Enter ಅನ್ನು ಒತ್ತಿ.
07:25	ನೀವು x1 ಮತ್ತು y1 ಗಳ ವ್ಯಾಲ್ಯು ವನ್ನು ನೋಡಬಹುದು.
07:29	ಸೈಲ್ಯಾಬ್ ನ ಒಂದು ಆಸಕ್ತಿಕರವಾದ ವಿಶೇಷತೆಯೆಂದರೆ, ಒಂದೇ .sci ಫೈಲ್ ನಲ್ಲಿ ನೀವು ಎಷ್ಟು ಬೇಕಾದರೂ ಫಂಕ್ಷನ್ ಗಳನ್ನು ಡಿಫೈನ್ ಮಾಡಬಹುದು.
07:38	ಇದನ್ನು ಮಾಡುವಾಗ ನೆನಪಿಡಿ, ಡಿಫಾಲ್ಟ್ ಆಗಿ ಫಂಕ್ಷನ್ ನಲ್ಲಿ ಡಿಫೈನ್ ಮಾಡಿದ ಎಲ್ಲಾ ವೇರಿಯೇಬಲ್ ಗಳೂ ಲೋಕಲ್ ಆಗಿರುತ್ತವೆ, ಈ ವೇರಿಯೇಬಲ್ ಗಳ ಸ್ಕೋಪ್, ಫಂಕ್ಷನ್ ಡೆಫಿನೇಷನ್ ನ endfunction ಕೀ ವರ್ಡ್ ನೊಂದಿಗೆ ಕೊನೆಗೊಳ್ಳುತ್ತದೆ.
07:55	ಇದರ ಮುಖ್ಯ ಪ್ರಯೋಜನವೆಂದರೆ, ನಾವು ಒಂದೇ ವೇರಿಯೇಬಲ್ ನ ಹೆಸರನ್ನು ಬೇರೆ ಬೇರೆ ಫಂಕ್ಷನ್ ಗಳಲ್ಲಿ ಉಪಯೋಗಿಸಬಹುದು.
08:05	ನಾವು 'global' ಆಯ್ಕೆಯನ್ನು ಬಳಸುವವರೆಗೂ ಈ ವೇರಿಯೇಬಲ್ ಗಳು ಮಿಶ್ರಗೊಳ್ಳುವುದಿಲ್ಲ.
08:10	ಗ್ಲೋಬಲ್ ವೇರಿಯೇಬಲ್ ಗಳ ಕುರಿತು ತಿಳಿಯಲು help global ಎಂದು ಟೈಪ್ ಮಾಡಿ.
08:18	ಗಮನಿಸಿ ಯಾವುದಾದರೂ ವೇರಿಯೇಬಲ್ ಅನ್ನು "watch" ಮಾಡಬೇಕಾದರೆ ಅಥವಾ ಫಂಕ್ಷನ್ ನಲ್ಲಿ ಮೊನಿಟರ್ ಮಾಡಬೇಕಿದ್ದಲ್ಲಿ, disp ಅವಶ್ಯಕ.
08:26	ಫಂಕ್ಷನ್ ಫೈಲ್ ನಲ್ಲಿ, ಸ್ಟೇಟ್ಮೆಂಟ್ ನ ಕೊನೆಯಲ್ಲಿ ಸೆಮಿಕಾಲನ್( ; ) ಅನ್ನು ಹಾಕುವುದರಿಂದ ಆಗುವ ಪರಿಣಾಮವನ್ನು ನೀವೇ ಪರೀಕ್ಷಿಸಿಕೊಳ್ಳಿ.
08:34	ಇದನ್ನುdisp ಸ್ಟೇಟ್ಮೆಂಟ್ ಗಳಿಗೂ ಪರೀಕ್ಷಿಸಿ.
08:38	Inline Functions: ಫಂಕ್ಷನ್ ಗಳು ಚೆನ್ನಾಗಿ ಡಿಫೈನ್ ಮಾಡಿದ ಇನ್ಪುಟ್, ಔಟ್ಪುಟ್ ಗಳನ್ನು ಮತ್ತು ಲೋಕಲ್ ವೇರಿಯೇಬಲ್ ಗಳನ್ನು ಹೊಂದಿದ ಕೋಡ್ ನ ಸೀಗ್ಮೆಂಟ್ ಆಗಿವೆ.
08:46	ಫಂಕ್ಷನ್ ಅನ್ನು ಡಿಫೈನ್ ಮಾಡುವ ಸರಳ ವಿಧಾನವೆಂದರೆ,deff ಕಮಾಂಡ್ ಅನ್ನು ಬಳಸುವುದು.
08:53	ಸೈಲ್ಯಾಬ್ ಅನ್ನು ಇನ್ಲೈನ್ ಫಂಕ್ಷನ್ ಗಳನ್ನು ರಚಿಸಲು ಬಿಡುತ್ತದೆ ಮತ್ತು ಇವು ಫಂಕ್ಷನ್ ನ ಬಾಡಿಯು ಚಿಕ್ಕದಾಗಿದ್ದಾಗ ಉಪಯುಕ್ತವಾಗಿದೆ.
09:02	ಇದನ್ನು deff() ಫಂಕ್ಷನ್ ನ ಸಹಾಯದಿಂದ ಮಾಡಬಹುದು.
09:07	ಇದು ಎರಡು ಸ್ಟ್ರಿಂಗ್ ಪ್ಯಾರಾಮೀಟರ್ ಗಳನ್ನು ತೆಗೆದುಕೊಳ್ಳುತ್ತದೆ.
09:10	ಮೊದಲನೆಯ ಸ್ಟ್ರಿಂಗ್ ಫಂಕ್ಷನ್ ಗೆ ಇಂಟರ್ಫೇಸ್ ಅನ್ನು ಡಿಫೈನ್ ಮಾಡುತ್ತದೆ ಮತ್ತು ಎರಡನೆಯ ಸ್ಟ್ರಿಂಗ್ ಫಂಕ್ಷನ್ ನ ಸ್ಟೇಟ್ಮೆಂಟ್ ಅನ್ನು ಡಿಫೈನ್ ಮಾಡುತ್ತದೆ.
09:19	deff ಕಮಾಂಡ್ ಸೈಲ್ಯಾಬ್ ನಲ್ಲಿ ಫಂಕ್ಷನ್ ಅನ್ನು ಡಿಫೈನ್ ಮಾಡುತ್ತದೆ ಮತ್ತು ಅದನ್ನು ಲೋಡ್ ಮಾಡುತ್ತದೆ.
09:26	deff ಕಮಾಂಡ್ ಅನ್ನು ಬಳಸಿ ಡಿಫೈನ್ ಮಾಡಿದ ಫಂಕ್ಷನ್ ಗಳನ್ನು ಎಕ್ಸಿಕ್ಯೂಟ್ ಮೆನ್ಯು ಆಪ್ಷನ್ ಅನ್ನು ಬಳಸಿ ಲೋಡ್ ಮಾಡುವ ಅವಶ್ಯಕತೆಯಿಲ್ಲ.
09:34	ಇದನ್ನು ವಿವರಿಸುವ ಒಂದು ಉದಾಹರಣೆಯನ್ನು ನೋಡೋಣ:
09:41	ನಾನು ನನ್ನ ಇನ್ಲೈನ್ ಫಂಕ್ಷನ್ ಅನ್ನು ಬರೆದಿರುವ inline.sci ಫೈಲ್ ಅನ್ನು ಓಪನ್ ಮಾಡುತ್ತೇನೆ.
09:51	ನಾನು ಎಡಿಟರ್ ವಿಂಡೋ ವನ್ನು ರಿಸೈಜ್ ಮಾಡುತ್ತೇನೆ.
09:57	ಮೊದಲೇ ಹೇಳಿದಂತೆ, ಮೊದಲನೆಯ ಸ್ಟ್ರಿಂಗ್ ಫಂಕ್ಷನ್ ಗೆ ಇಂಟರ್ಫೇಸ್ ಅನ್ನು ಡಿಫೈನ್ ಮಾಡುತ್ತದೆ ಮತ್ತು ಎರಡನೆಯ ಸ್ಟ್ರಿಂಗ್ ಫಂಕ್ಷನ್ ನ ಸ್ಟೇಟ್ಮೆಂಟ್ ಅನ್ನು ಡಿಫೈನ್ ಮಾಡುತ್ತದೆ.
10:13	ನಾವು ಸೈಲ್ಯಾಬ್ ಎಡಿಟರ್ ನಲ್ಲಿ ಈ ಫಂಕ್ಷನ್ ಅನ್ನು ಲೋಡ್ ಮಾಡೋಣ ಮತ್ತು ಇದನ್ನು degrees2radians of 90 ಮತ್ತು degrees2radians of 45 ಗಳನ್ನು ಕಂಡುಹಿಡಿಯಲು ಬಳಸೋಣ.
10:54	ಒಂದು ಫಂಕ್ಷನ್ ಇತರ ಫಂಕ್ಷನ್ ಗಳನ್ನು ಕಾಲ್ ಮಾಡುವುದರ ಜತೆಗೆ ತನ್ನನ್ನೇ ತಾನು ಕಾಲ್ ಮಾಡಿಕೊಳ್ಳಬೇಕು.
11:00	ಇದನ್ನು ಒಂದು ಫಂಕ್ಷನ್ ನ recursive ಕಾಲಿಂಗ್ ಎಂದು ಕರೆಯುತ್ತಾರೆ.
11:03	ಉದಾಹರಣೆಗೆ ಒಂದು ಇಂಟೀಜರ್ ನ ಫ್ಯಾಕ್ಟೋರಿಯಲ್ ಅನ್ನು ಕಂಡುಹಿಡಿಯಲು ಇದು ಅವಶ್ಯಕ.
11:10	ಈಗ ನಮ್ಮ ಚರ್ಚೆಯನ್ನು ಸೈಲ್ಯಾಬ್ ನ ಫೈಲ್ ಫಾರ್ಮ್ಯಾಟ್ ಗಳ ಕುರಿತು ಮುಂದುವರಿಸೋಣ.
11:14	ಮೊದಲೇ ಹೇಳಿದಂತೆ, ಸೈಲ್ಯಾಬ್ ಎರಡು ರೀತಿಯ ಫೈಲ್ ಫಾರ್ಮ್ಯಾಟ್ ಅನ್ನು ಬಳಸುತ್ತದೆ, .sce ಫೈಲ್ ಫಾರ್ಮ್ಯಾಟ್ ಮತ್ತು .sci ಫೈಲ್ ಫಾರ್ಮ್ಯಾಟ್.
11:23	.sce ಫೈಲ್ ಎಕ್ಸ್ಟೆನ್ಷನ್ ಅನ್ನು ಹೊಂದಿದ ಫೈಲ್ ಗಳು, ಇಂಟರ್ ಆಕ್ಟಿವ್ ಸೈಲ್ಯಾಬ್ ಸೆಶನ್ ನಲ್ಲಿ ನಮೂದಿಸಿದ ಸೈಲ್ಯಾಬ್ ಕಮಾಂಡ್ ಗಳನ್ನು ಹೊಂದಿರುತ್ತವೆ.
11:35	ಅವುಗಳು ಫಂಕ್ಷನ್ ಅನ್ನು ಡಾಕ್ಯುಮೆಂಟ್ ಮಾಡುವಾಗ ಬಳಸಿದ ಕಮೆಂಟ್ ಗಳನ್ನು ಹೊಂದಿರಬಹುದು ಮತ್ತು ಅವು ಸ್ಕ್ರಿಪ್ಟ್ ಅನ್ನು ಎಕ್ಸಿಕ್ಯೂಟ್ ಮಾಡಲು exec ಕಮಾಂಡ್ ಅನ್ನು ಬಳಸಬಹುದು.
11:52	.sci ಫೈಲ್ ಎಕ್ಸ್ಟೆನ್ಷನ್ ಅನ್ನು ಹೊಂದಿದ ಫೈಲ್ ಗಳು, ಫಂಕ್ಷನ್ ಸ್ಟೇಟ್ಮೆಂಟ್ ನಿಂದ ಪ್ರಾರಂಭವಾಗುವ ಫಂಕ್ಷನ್ ಫೈಲ್ ಗಳಾಗಿವೆ.
12:00	ಒಂದು .sci ಫೈಲ್ ಅನೇಕ ಫಂಕ್ಷನ್ ಡೆಫಿನೇಷನ್ ಗಳನ್ನು ಹೊಂದಿರಬಹುದು ಮತ್ತು ಅವು ಬೇಕಾದಷ್ಟು ಸೈಲ್ಯಾಬ್ ಸ್ಟೇಟ್ಮೆಂಟ್ ಗಳನ್ನು ಹೊಂದಿರಬಹುದು, ಮತ್ತು ಈ ಸ್ಟೇಟ್ಮೆಂಟ್ ಗಳು ಫಂಕ್ಷನ್ ಆರ್ಗ್ಯುಮೆಂಟ್ ಗಳ ಮೇಲೆ ಅಥವಾ ಔಟ್ಪುಟ್ ವೇರಿಯೇಬಲ್ ಗಳ ಮೇಲೆ ,ಅವು ಎವೇಲ್ಯುಯೇಟ್ ಆದ ಮೇಲೆ , ಅನೇಕ ಕ್ರಿಯೆಗಳನ್ನು ಮಾಡುತ್ತವೆ.
12:20	ಇಲ್ಲಿಗೆ ಸೈಲ್ಯಾಬ್ ನ Scripts and Functions ನ ಕುರಿತಾದ ಸ್ಪೋಕನ್ ಟ್ಯುಟೋರಿಯಲ್ ನ ಕೊನೆಯನ್ನು ತಲುಪಿದ್ದೇವೆ.
12:25	ಸೈಲ್ಯಾಬ್ ನಲ್ಲಿ ಇನ್ನೂ ಅನೇಕ ಆಪರೇಶನ್ ಗಳಿವೆ ಅವುಗಳನ್ನು ಮುಂದಿನ ಟ್ಯುಟೋರಿಯಲ್ ನಲ್ಲಿ ನೋಡೋಣ.
12:31	ಸೈಲ್ಯಾಬ್ ಲಿಂಕ್ ಅನ್ನು ವೀಕ್ಷಿಸುತ್ತಿರಿ.
12:33	ಈ ಟ್ಯುಟೋರಿಯಲ್ ಅನ್ನು Free and Open Source Software in Science and Engineering Education(FOSSEE) ರಚಿಸಿದ್ದಾರೆ.
12:40	FOSSEE ನ ಕುರಿತಾದ ಹೆಚ್ಚಿನ ಮಾಹಿತಿಗಳನ್ನು http://fossee.in ಅಥವಾ http://scilab.in ಜಾಲತಾಣಗಳಲ್ಲಿ ಪಡೆಯಬಹುದು
12:50	ಇದು ನ್ಯಾಷನಲ್ ಮಿಶನ್ ಆನ್ ಎಜುಕೇಶನ್ , ICT, MHRD,ಭಾರತ ಸರ್ಕಾರದಿಂದ ಪ್ರಮಾಣಿತವಾಗಿದೆ.
12:56	ಇದರ ಕುರಿತು ಹೆಚ್ಚಿನ ವಿವರಗಳು http://spoken-tutorial.org/NMEICT-Intro ನಲ್ಲಿ ದೊರೆಯುತ್ತದೆ.
13:06	ಅನುವಾದ ಮೈಸೂರಿನಿಂದ ಅಂಜನಾ ಅನಂತನಾಗ್ ಮತ್ತು ಧ್ವನಿ ನವೀನ್ ಭಟ್ಟ, ಉಪ್ಪಿನ ಪಟ್ಟಣ.
13:10	ಧನ್ಯವಾದಗಳು

Contributors and Content Editors

Anjana310312, Sandhya.np14