Introduction-to-Computers/C2/Introduction-to-Gmail/Maithili

Time	Narration
00:01	Introduction to Gmail क स्पोकन ट्यूटोरियलमे अहाँक स्वागत अछि‍।
00:06	अइ ट्यूटोरियलमे हम सब सीखब--
00:09	नब गूगल अकाउंट बनाएब।
00:12	गूगल अकाउंटक प्रयोग द्वारा gmail लॉगिन करब।
00:16	ईमेल लिखब।
00:18	ईमेल पठाएब।
00:20	ईमेल देखब।
00:22	आ जीमेल सँ लॉगआउट हएब।
00:24	हम इनबॉक्स (Inbox) सनक कि‍छु महत्त्वकपूर्ण मेलबॉक्सक मादे सेहो सीखब।
00:30	अइ ट्यूटोरियल लेल, अहाँकें प्रयोजन हैत—एकटा वर्किंग इंटरनेट कनेक्शनक
00:35	आ एकटा वेब ब्राउज़रक।
00:37	उदाहरण लेल, हम फायरफॉक्स वेब ब्राउज़रक प्रयोग करब।
00:42	हालहि‍मे, गूगल अपन समस्त उत्पाद लेल एकटा सिंगल अकाउंट प्रदान केलक अछि‍, जेना कि‍
00:48	Gmail (जीमेल),YouTube (यू ट्यूब)
00:50	Google Play (गूगल प्ले),Google Docs/Drive (गूगल डॉक्स अथवा ड्राइव)
00:53	Google Calendar (गूगल कैलेंडर) एवं अन्य।
00:57	तें, एकहि‍ लॉगिनसँ, अहाँ अइमे सँ ककरहु ऑपरेट क' सकै छी।
01:02	आब एकटा नब गूगल अकाउंट बनाएब शुरुह करी।
01:06	अपन वेब ब्रॉउज़र खोलू और टाइप करू http colon slash slash gmail dot com (http://gmail.com)
01:16	अइसँ हम आइ पेज पर जाएब, जतए ऊपर दहि‍ना दि‍श दू टा विकल्प देखाएत--
01:22	Create an account आ Sign in
01:25	एना तखन हैत, जखन अपन मशीनसँ अहाँ पहि‍ल बेर एहन प्रयास करब।
01:32	जँ ई पेज अहाँक मशीनसँ पहि‍नहुँ एक्सेस भ' चुकल अछि‍, त' पेजमे देखएत--
01:39	अहाँक email यूज़रनेम आ पासवर्ड प्रविष्ट करबाक वि‍कल्प‍।
01:46	एकटा पैघ बटन जे Sign In कर' लेल कहत--
01:50	तकर नीचाँ, अहाँ एकटा लिंक देखब Create an account
01:55	ओइ Create an account लिंक पर क्लिक करू।
01:59	आब हमसब Google Account क्रिएशन पेज पर छी।
02:03	दहि‍ना दि‍श एकटा फॉर्म देखाएत, जाहि‍मे अपन अकाउंट सम्ब न्धीे आ व्यक्तिगत विवरण भरबाक अछि‍।
02:11	आब सम्बन्‍धित टेक्स्ट बॉक्स सभमे अपन प्रथम आ अन्तिन‍म नाम भरबाक अछि‍।
02:17	हम अपन नाम Rebecca Raymond प्रविष्ट करब।
02:23	आगू, Username (यूज़रनेम) चुनबाक अछि‍।
02:27	यूज़रनेम अद्वितीय हेबाक चाही, आ अक्षर अथवा अल्फा-न्यूमेरिक संयोजनसँ बनाओल जेबाक चाही।
02:37	'Username (यूज़रनेम)'मे 'becky0808' भरै छी।
02:43	जँ ई यूज़रनेम पहि‍नहि‍ कि‍ओ भरि‍ चुकल अछि‍, त' ओतए देखाएत--
02:49	ई यूज़रनेम पहि‍नहि‍सँ कि‍नकहु अछि‍, अहाँ दोसर प्रयास करू।
02:54	हमरा लोकनि‍ द्वारा भरल प्रथम आ अन्ति ‍म नाम'क आधार पर 'गूगल' कि‍छु 'यूसरनेम्स' सुझाएत।
03:01	हम कोनो मनपसंद यूज़रनेम द' कए ओकर उपलब्धता जाँचि‍ सकै छी।
03:07	आब हम 'यूज़रनेम'मे ray.becky.0808 प्रविष्ट करी
03:18	स्वीकार्य भेला पर ओतए देखएत--यूज़रनेम उपलब्ध अछि‍।
03:24	आब अइ अकाउंट लेल हमरा पासवर्ड बनेबाक अछि‍।
03:30	बाम भाग'क इनफॉर्मेशन बॉक्ससँ पता चलत जे पासवर्ड कते टा हेबाक चाही।
03:36	अपना पसि‍नसँ एकटा उचित 'Password (पासवर्ड)' टाइप करू।
03:41	फेर पासवर्ड कन्फर्म कर' लेल ओकरा दोबारा टाइप करू।
03:44	तकर बाद Birthday पर आउ।
03:48	ड्राप-डाउनसँ महीना चुनू।
03:51	फेर सम्बन्‍धित टेक्स्ट बॉक्सेसमे दिन और वर्ष टाइप करू।
03:57	आब अपन जेण्‍डर चुनू।
04:00	हम मेल चुनि‍ रहल छी।
04:03	अगि‍ला क्षेत्र Mobile phone (मोबाइल फ़ोन) थि‍क।
04:06	तत्काल एकरा छोड़ि‍ दै छी।
04:08	एकर बाद, एकटा टेक्स्ट बॉक्सअछि‍; जे current अर्थात् मौजूदा email address पूछैत अछि‍।
04:14	जे एखन अहाँ बना रहल छी; तकर अलावा जँ अहाँक कोनो अन्य ईमेल एड्रेस अछि‍, त' एतए से टाइप करू।
04:21	जँ कोनो आन मेल आईडी नइँ अछि‍ त' एकरा खाली छोड़ि‍ दी।
04:23	आब शेष विवरण देखै छी।
04:26	अगि‍ला खण्डखमे Prove you're not a robot दू गोट सत्यापन अछि‍।
04:32	फ़ोन वेरिफ़िकेशन
04:34	आ पज़ल वेरिफ़िकेशन
04:36	हम सब अइ दुनू विकल्पमे सँ कोनो एक के संगें आगू बढ़ि‍ सकै छी।
04:40	हम पज़ल वेरिफ़िकेशन संगें आगू बढ़ब।
04:43	Type the text टेक्स्ट बॉक्सआमे इमेजमे देखाओल टेक्स्ट अथवा संख्या टाइप करू।
04:49	'Location' ड्राप-डाउनमे, डिफ़ॉल्ट रूपसँ अहाँक देश देखाओल गेल अछि‍।
04:55	हम इंडियामे रहै छी, तें हमर लोकेशन ड्राप डाउनमे India देखाइत अछि‍।
05:02	अन्‍तमे, I Agree to the Google Terms and Privacy Policy चेक बॉक्समे टिक करै लेल क्लिक करू।
05:10	फॉर्ममे अपेक्षि‍त स'ब जानकारी भरि‍ देलाक बाद, Next Step बटन पर क्लिक करबाक अछि‍।
05:17	मुदा एखन हम से नइँ करब।
05:20	आब देखी जे 'फ़ोन वेरीफिकेशन' चुनला पर की‍ होइत अछि।
05:25	Phone Verification may be required वि‍कल्परमे Skip this verification चेक बॉक्स पर क्लिक करू।
05:32	लोकेशनमे India (भारत) क्लिर‍क करू।
05:35	फेर I Agree to the Google Terms and Privacy Policy चेक बॉक्समे क्लिक करू।
05:41	आ अन्‍तमे, Next Step पर क्लिक करू।
05:45	ई फ़ोन वेरिफिकेशन पेज पर ल' जाएत।
05:50	ड्राप-डाउनसँ देशक झण्‍डा चुनू, हम इंडिया चुनि‍ रहल छी।
05:55	देल गेल टेक्स्ट बॉक्समे अपन मोबाइल नंबर भरू।
06:00	'Text messageमे SMS विकल्प चुनू। ई स्वतयमेव डिफ़ॉल्ट रूपें चुना जाएत।
06:07	फेर Continue बटन पर क्लिक करू।
06:10	अहाँक फ़ोन पर एक SMS आबि‍ जाएत।
06:13	अइसँ अहाँ वेरिफिकेशन'क अगि‍ला भागमे पहुँचि‍ जाएब।
06:17	आब SMS द्वारा गूगलसँ प्राप्त वेरिफिकेशन कोड देल गेल टेक्स्ट बॉक्समे टाइप करू।
06:24	Continue पर क्लिक करू।
06:27	आब हम Create your public Google+ profile पेज पर छी।
06:32	एतए अहाँ अपना नाम देखि‍ सकै छी।
06:35	एकर नीचाँ एतए Add a photo विकल्प अछि‍।
06:39	अपन गूगल प्रोफाइल पर फोटो जोड़ै लेल अहाँ अइ पर क्लिक क' सकै छी।
06:44	एतए Create your profile नामक एकटा बटन अछि‍।
06:48	थोड़े काल लेल, हम अइ स्टेप सबकें छोड़ि‍ रहल छी।
06:51	एकर बदला अपन ईमेल अकाउंट कें आगू बढ़बै लेल हम No Thanks बटन पर क्लिक करब।
06:58	आब, हम वेलकम पेज पर छी।
07:02	हमरा देखाइत अछि‍ Welcome, Rebecca
07:06	हमर नया 'ईमेल एड्रेस' ray.becky.0808@gmail.com सेहो देखाइत अछि।
07:16	आब, Continue to Gmail बटन पर क्लिक करू।
07:22	एतए अहाँक मेल अकाउंट लोड हएब शुरुह हैत।
07:24	अहाँक इंटरनेटक स्पीडक आधार पर ई कि‍छु समय ल' सकैत अछि‍।
07:28	जँ हमरा सभक इंटरनेट सुस्तु अछि‍, त' हम Load basic HTML पर क्लिक क' सकै छी।
07:33	ई दहि‍ना कात नीचाँमे उपलब्ध अछि‍।
07:37	ई बि‍ना कोनो ग्राफिकल प्रदर्शन के जीमेल लोड करत।
07:41	स्क्रीन पर कि‍छु इन्फॉर्मेशन बॉक्स सब देखाएत।
07:46	ओकरा पढ़ू अथवा Next बटन पर क्लिक करैत आगू देखू आ फेर ओकरा बंद करू।
07:53	ई अहाँक जीमेल अकाउंटक स्टैण्डर्ड व्यू थि‍क।
07:58	मध्य डिस्प्ले क्षेत्र, जतए हम अपन सबटा मेल्स देख सकै छी--
08:04	ध्यान राखी जे एतए तीन टा टैब्स अछि‍। तकरा मादे हम विस्तारसँ आगूक ट्यूटोरियल्समे सीखब।
08:12	बामा दि‍श, हम कि‍छु मेन्यू आइटम्स देख सकै छी।
08:16	एतए Inbox, Starred, Sent Mail, Drafts आ जीमेलक कि‍छु आओर मुख्य मेलबॉक्से अछि‍।
08:29	डिफ़ॉल्ट रूपें, Inbox क्लिक कएल रहैत अछि‍ आ एकर सामग्री डिस्प्ले क्षेत्रमे प्रदर्शित रहैत अछि‍।
08:36	ध्यान रहए जे Inbox लग ब्रैकेट्मे नंबर 3 अछि‍।
08:41	ई अहाँक आईडीमे आएल नब मेल'क संख्या थि‍क।
08:46	जखन कखनहुँ हम नब गूगल अकाउंट बनबै छी, त' हमरा गूगल टीम दि‍शसँ कि‍छु मेल अबैत अछि‍।
08:52	जीमेलक सुवि‍धा सम्ब न्धीट अधिक जानकारी लेल अहाँ ओकरा पढ़ि‍ सकै छी।
08:58	आब, सीखी जे ईमेल कोना लि‍खल जाए।
09:02	बामा कातक COMPOSE बटन पर क्लिक करू।
09:06	New Message नामसँ एकटा विंडो खुजत।
09:10	अइमे चारि‍ टा खण्ड होइत अछि‍।
09:13	To मे हम ओइ व्यक्तिक ईमेल एड्रेस टाइप करब जि‍नका हम मेल पठब' चाहै छी।
09:21	एतए हम ओएह ईमेल-id टाइप करब जे हम एखन बनौने छी, अर्थात् ray.becky.0808@gmail.com
09:35	एकर अर्थ भेल जे हम स्वoयंकें मेल पठा रहल छी।
09:39	अगि‍ला खण्ड‍ Subject थि‍क।
09:42	एतए हम मेल'क वि‍षय संक्षेपमे टाइप क' सकै छी।
09:46	जेना 'Welcome mail'
09:50	आगू कंटेंट, अर्थात् विषय वस्तु क्षेत्र अछि‍।
09:53	एतए हमरा ओ बात टाइप करबाक अछि‍, जे हम पठब' चाहै छी।
09:57	आब टाइप करै छी, Greetings to all from the Spoken Tutorial Project
10:03	आखिरी खण्ड मे, नील रंग'क Send बटन अछि‍।
10:08	ईमेल पठेबा लेल अइ पर क्लिक करू।
10:11	ध्यान राखी जे आब इनबॉक्समे प्राप्त मेलक संख्या 4 भ' जाएत।
10:16	कोनो खास मेलकें पढ़' लेल, ओइ पर क्लिक करू।
10:20	एतए ओ मेल अछि‍ जे एखन हम स्वेयं पठौने छी।
10:23	आब एकरा देखै छी।
10:26	'Show Details' एरो पर क्लिक करू।
10:29	एतए मेल पठौनि‍हार आ प्राप्तक केनि‍हार'क ईमेल एड्रेस देखाएत।
10:34	एतए ओ ति‍थि‍ आ समय सेहो देखाएत जखन ईमेल पठाओल गेल अछि‍।
10:39	एतए ईमेलक सब्जेक्ट लाइन अछि‍।
10:43	आ ईमेलक विषय सेहो अछि‍।
10:47	आब, देखब जे इनबॉक्समे बिन पढ़ल मेलक संख्या 3 अछि‍।
10:54	आब सीखी जे Gmail सँ साइन आउट कोना होइ।
10:58	ऊपर दहि‍ना दि‍श, अहाँकें अपन ईमेल-id देखाएत।
11:03	जँ अकाउंट बनबै काल अहाँ अपन फोटो अपलोड केने हएब, त' एतए ओहो देखाएत।
11:08	अइ पर क्लिक करू।
11:10	एतए Sign Out बटन देखाएत। साइन आउट कर' लेल ओइ पर क्लिक करू।
11:17	अहाँ Gmail सँ सफलतापूर्वक साइन आउट भ' गेल छी।
11:21	आब अहाँ अइ ट्यूटोरियलक अन्‍तमे आबि‍ गेल छी।
11:25	संक्षेपमे कही त' हम सब सि‍खलहुँ--
11:28	नब गूगल अकाउंट बनाएब।
11:31	गूगल अकाउंटक प्रयोग करैत gmail मे लॉगिन करब।
11:34	ईमेल लीखब।
11:36	ईमेल पठाएब।ईमेल देखब।
11:39	आ जीमेल सँ लॉगआउट हएब।
11:41	देल गेल लिंक पर उपलब्ध वीडिओ स्पोकन ट्यूटोरियल प्रोजेक्ट'क सारांश थि‍क।
11:45	कृपपूर्वक एकरा डाउनलोड क' कए देखू।
11:49	अइ संचालि‍त कार्यशालामे ऑनलाइन टेस्ट पास केनि‍हार प्रति‍भागीकें प्रमाणपत्र देल जाइत अछि‍।
11:55	अधिक जानकारी लेल, कृपया सम्पमर्क करी।
11:58	स्पोकन ट्यूटोरियल प्रोजेक्ट भारत सरकारक, एम एच आर डीक NMEICT द्वारा समर्थित अछि‍।
12:05	अइ मिशन पर अधिक जानकारी अइ लिंक पर उपलब्ध अछि ।
12:10	अनुवादक प्रतिमा कुमारी एवं कुमारी सीमा संग देवशंकर नवीन आ उज्ज्वल आलोक अहाँसबसँ विदा लैत अछि‍। हमरा सब संग जुड़ल रहबा लेल धन्यवाद।

Contributors and Content Editors

PoojaMoolya, Ujjwalalok