Digital-Divide/C2/First-Aid-on-Snake-Bite/Kannada

Time	Narration
00:01	ನಿಮ್ಮಲ್ಲಿ ಬಹಳಷ್ಟು ಜನ ನಿಮ್ಮ ಹಳ್ಳಿಯಲ್ಲಿಯ ಈ ದೃಶ್ಯದೊಂದಿಗೆ ಪರಿಚಿತರಿರಬೇಕು: ಒಂದು ಮೈದಾನದಲ್ಲಿ ಮಕ್ಕಳು ಆಡುತ್ತಿದ್ದಾರೆ.
00:09	ಚೆಂಡಿನ ಬೆನ್ನಟ್ಟಿರುವ ಈ ಹುಡುಗನನ್ನು ನೋಡಿ.
00:12	ಅವನು ಸಮೀಪದಲ್ಲಿರುವ ಪೊದೆಗಳಿರುವ ಪ್ರದೇಶವನ್ನು ಪ್ರವೇಶಿಸುತ್ತಾನೆ.
00:16	ಅಲ್ಲಿ ಒಂದು ಹಾವನ್ನು ನೋಡುತ್ತಾನೆ.
00:18	ಶೀಘ್ರದಲ್ಲಿಯೇ ಅದು ತನ್ನ ಹುತ್ತದಿಂದ ಹೊರಬರುತ್ತದೆ.
00:21	ಹೆದರಿದ ಹುಡುಗನು ಕಲ್ಲು ಎಸೆದು ಹಾವನ್ನು ಓಡಿಸಲು ಪ್ರಯತ್ನಿಸುತ್ತಾನೆ.
00:26	ಹಾವು ಹೋಗುವುದಿಲ್ಲ.
00:29	ಬದಲಾಗಿ ಅದು ಹುಡುಗನೆಡೆಗೆ ಬಂದು ಅವನ ಪಾದವನ್ನು ಕಚ್ಚುತ್ತದೆ.
00:34	ಹುಡುಗನು ಸಹಾಯಕ್ಕಾಗಿ ಕೂಗಿಕೊಳ್ಳುತ್ತಾನೆ.
00:36	ಅವನ ಗೆಳೆಯರು ಸಹಾಯಮಾಡಲು ಅವನ ಬಳಿಗೆ ಓಡುತ್ತಾರೆ.
00:39	ಅವರು ಎರಡು ಕೆಂಪು ಚುಕ್ಕೆಗಳನ್ನು ಅವನ ಪಾದದ ಮೇಲೆ ನೋಡುತ್ತಾರೆ.
00:42	ಅವರು ಹುಡುಗನನ್ನು ಪೊದೆಯಿಂದ ಹೊರಗೆ ತರುತ್ತಾರೆ.
00:45	ಅಲ್ಲಿ ಸ್ವಲ್ಪ ಗೊಂದಲವಾಗುತ್ತದೆ.
00:47	ಎಲ್ಲ ಮಕ್ಕಳು ಪ್ರಥಮ ಚಿಕಿತ್ಸೆಯ ಬಗ್ಗೆ ವಿಭಿನ್ನ ಅಭಿಪ್ರಾಯಗಳನ್ನು ಕೊಡುತ್ತಾರೆ.
00:52	ಹಾವು ಕಡಿತದ ಸಂದರ್ಭದಲ್ಲಿ ಪ್ರಥಮ ಚಿಕಿತ್ಸೆಯನ್ನು ತಿಳಿದಿರುವ ಮಹತ್ವವು ಇಲ್ಲಿ ಕಂಡುಬರುತ್ತದೆ.
00:57	First Aid on Snake Bites (ಫಸ್ಟ್ ಏಡ್ ಆನ್ ಸ್ನೇಕ್ ಬೈಟ್ಸ್) ಎಂಬ spoken tutorial (ಸ್ಪೋಕನ್ ಟ್ಯುಟೋರಿಯಲ್) ಗೆ ನಿಮಗೆ ಸ್ವಾಗತ.
01:02	ಈ ಟ್ಯುಟೋರಿಯಲ್ ನಲ್ಲಿ, ನಾವು:
01:04	* ಪ್ರಥಮ ಚಿಕಿತ್ಸೆಯು ಎಷ್ಟು ಮುಖ್ಯವಾಗಿದೆ ಮತ್ತು
01:07	* ಹಾವು ಕಡಿತದ ಸಂದರ್ಭದಲ್ಲಿ ಸರಿಯಾದ ಪ್ರಥಮ ಚಿಕಿತ್ಸೆಯನ್ನು ಹೇಗೆ ಕೊಡುವುದು, ಇವುಗಳನ್ನು ನೋಡುತ್ತೇವೆ.
01:11	ಪ್ರಥಮ ಚಿಕಿತ್ಸೆಯ ಸಲಹೆ-ಸೂಚನೆಗಳನ್ನು ನೋಡುವ ಮುನ್ನ,
01:15	ಹುಡುಗರು ತಮ್ಮ ಗೆಳೆಯನನ್ನು ಉಳಿಸಲು ಏನು ಮಾಡಿದರು ಎಂಬುದನ್ನು ನಾವು ನೋಡುವೆವು.
01:20	ಅವರು ಹುಡುಗನನ್ನು ಕೆಳಗೆ ಮಲಗಿಸಿದರು.
01:22	ತದನಂತರ ಅವನನ್ನು ಆಸ್ಪತ್ರೆಗೆ ಸಾಗಿಸಲು, ಅವರು ಹಿರಿಯರ ಸಹಾಯವನ್ನು ಪಡೆದರು.
01:28	ಆಮೇಲೆ ಅವರು ಗಾಯದ ಮೇಲ್ಭಾಗದಲ್ಲಿ ಒಂದು ಬಟ್ಟೆಯನ್ನು ಕಟ್ಟಿದರು.
01:32	ಅದು ಸರಿಯಾದ ಪ್ರಥಮ ಚಿಕಿತ್ಸೆ ಆಗಿತ್ತೇ?
01:35	ಹೌದು.. ಒಂದು ರೀತಿಯಲ್ಲಿ ಇದು ಸರಿಯಾಗಿದೆ.
01:39	ಈ ಸಂದರ್ಭದಲ್ಲಿ ಆಸ್ಪತ್ರೆಯು ದೂರವಿರಲಿಲ್ಲ.
01:42	ಹೀಗಾಗಿ, ಹುಡುಗನಿಗೆ ಸರಿಯಾದ ಸಮಯದಲ್ಲಿ ವೈದ್ಯಕೀಯ ಸಹಾಯ ಸಿಕ್ಕಿತು.
01:46	ಹಾವು ಕಡಿತದ ಸಂದರ್ಭದಲ್ಲಿ, ಪ್ರಥಮ ಚಿಕಿತ್ಸೆಯನ್ನು ಕೊಡುವ ಸರಿಯಾದ ರೀತಿಯು ಹೀಗಿದೆ:
01:51	* ವ್ಯಕ್ತಿಯನ್ನು ಸಮತಟ್ಟಾದ ಜಾಗದಲ್ಲಿ ಮಲಗಿಸಿ.
01:55	* ಹಾವು ಕಡಿದ ಜಾಗದಲ್ಲಿ ಒಂದು ಬಟ್ಟೆಯನ್ನು ಸುತ್ತಿ.
01:59	ವಿಷವು ದೇಹದಾದ್ಯಂತ ಹರಡುವುದನ್ನು ತಡೆಗಟ್ಟುವುದು ಈ ಪ್ರಾಥಮಿಕ ಚಿಕಿತ್ಸೆಯ ಮೂಲ ಉದ್ದೇಶವಾಗಿದೆ.
02:07	ನಾವು ಗಾಯದ ಸುತ್ತ ಬಟ್ಟೆಯನ್ನು ಹೇಗೆ ಸುತ್ತಬೇಕು?
02:10	ಕಾಲಿನ ಮೇಲ್ಭಾಗದಿಂದ ಆರಂಭಿಸಿ, ಕೆಳಮುಖವಾಗಿ ಸುತ್ತುವುದನ್ನು ನಡೆಸಿ.
02:15	ಹೆಚ್ಚಿನ ಚಿಕಿತ್ಸೆಗಾಗಿ ವ್ಯಕ್ತಿಯನ್ನು ಬೇಗನೆ ಹತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ.
02:20	ಈ ರೀತಿಯಲ್ಲಿ, ಸಮಯದಲ್ಲಿ ಕೊಡಲಾದ ಪ್ರಥಮ ಚಿಕಿತ್ಸೆಯು ಹಾನಿಯನ್ನು ತಡೆಗಟ್ಟುತ್ತದೆ.
02:26	ನೆನಪಿಡಿ, ತಪ್ಪಾದ ಪ್ರಥಮ ಚಿಕಿತ್ಸೆಯು ಪರಿಸ್ಥಿತಿಯನ್ನು ಗಂಭೀರವಾಗಿಸುತ್ತದೆ.
02:32	ಹಾವು-ಕಡಿತದ ಸಂದರ್ಭದಲ್ಲಿ ಮಾಡಬೇಕಾಗಿರುವ ಅಂಶಗಳು:
02:34	* ಮೊದಲು ಹಾವು ಕಡಿಸಿಕೊಂಡ ವ್ಯಕ್ತಿಯನ್ನು ಕೆಳಗೆ ಮಲಗಿಸಿ.
02:37	* ನೀವು ಬಟ್ಟೆಯನ್ನು ಸುತ್ತುವಾಗ ಸ್ವಲ್ಪ ಒತ್ತಡವನ್ನು ಹಾಕಿ.
02:41	ಹಾವು-ಕಡಿತದ ಸಂದರ್ಭದಲ್ಲಿ ಮಾಡಬಾರದ ಅಂಶಗಳು:
02:44	* ಕಡಿತದ ಸುತ್ತಲೂ ಇರುವ ಚರ್ಮ ಅಥವಾ ಮಾಂಸವನ್ನು ಕತ್ತರಿಸಬೇಡಿ.
02:49	* ಕಡಿತದ ಮೇಲೆ ಅಥವಾ ಅದರ ಸುತ್ತಮುತ್ತ ಮಂಜುಗಡ್ದೆಯನ್ನು ಸವರಬೇಡಿ.
02:52	* ವ್ಯಕ್ತಿಗೆ ವಿದ್ಯುತ್-ಶಾಕ್ ಅನ್ನು ಕೊಡಬೇಡಿ.
02:56	* ಕಡಿತದಿಂದ ರಕ್ತವನ್ನು ಅಥವಾ ವಿಷವನ್ನು ಹೀರಲು ಪ್ರಯತ್ನಿಸಬೇಡಿ ಮತ್ತು
03:01	* ಬಟ್ಟೆಯನ್ನು ಬಹಳ ಬಿಗಿಯಾಗಿ ಕಟ್ಟಬೇಡಿ. ಇದು ಗ್ಯಾಂಗ್ರೀನ್ ಗೆ ಕಾರಣವಾಗಬಹುದು.
03:07	ಈ ವೀಡಿಯೋ, spoken tutorial ಪ್ರೊಜೆಕ್ಟ್ ನಿಂದ ಪ್ರೇರಿತವಾದ, Bridge the Digital Divide ನ ಭಾಗವಾಗಿದೆ.
03:13	ಸ್ಪೋಕನ್-ಟ್ಯುಟೋರಿಯಲ್ ಪ್ರಕಲ್ಪದ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ
03:15	ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುವ ವೀಡಿಯೋವನ್ನು ವೀಕ್ಷಿಸಿ: http://spoken-tutorial.org/What_is_a_Spoken_Tutorial
03:21	ಇದು “ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪದ ಸಾರಾಂಶವಾಗಿದೆ.
03:25	ನಿಮಗೆ ಒಳ್ಳೆಯ ‘ಬ್ಯಾಂಡ್ವಿಡ್ತ್’ ಸಿಗದಿದ್ದರೆ, ನೀವು ಇದನ್ನು ಡೌನ್ಲೋಡ್ ಮಾಡಿ ನೋಡಬಹುದು.
03:29	“ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪದ ತಂಡವು: * 'ಸ್ಪೋಕನ್ ಟ್ಯುಟೋರಿಯಲ್’ಗಳನ್ನು ಬಳಸಿ ಕಾರ್ಯಶಾಲೆಗಳನ್ನು ನಡೆಸುತ್ತದೆ.
03:33	* ಆನ್-ಲೈನ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ ಪ್ರಮಾಣಪತ್ರವನ್ನು ಕೊಡುತ್ತದೆ.
03:37	ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಈ ಲಿಂಕ್ ಗೆ ಬರೆಯಿರಿ: contact@spoken-tutorial.org
03:44	"ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪವು, “ಟಾಕ್ ಟು ಎ ಟೀಚರ್” ಪ್ರಕಲ್ಪದ ಒಂದು ಭಾಗವಾಗಿದೆ.
03:48	ಇದು ICT, MHRD ಮೂಲಕ ರಾಷ್ಟ್ರೀಯ ಸಾಕ್ಷರತಾ ಮಿಷನ್, ಭಾರತ ಸರ್ಕಾರದ ಆಧಾರವನ್ನು ಪಡೆದಿದೆ.
03:54	ಈ ಮಿಷನ್ ನ ಬಗ್ಗೆ ಹೆಚ್ಚಿನ ಮಾಹಿತಿಯು ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುತ್ತದೆ: http://spoken-tutorial.org/NMEICT-Intro.
04:01	IIT Bombay ಯಿಂದ, ಸ್ಕ್ರಿಪ್ಟ್ ನ ಅನುವಾದಕಿ ಸಂಧ್ಯಾ ಪುಣೇಕರ್ ಹಾಗೂ ಪ್ರವಾಚಕಿ ಗ್ಲೋರಿಯಾ. ಧನ್ಯವಾದಗಳು.

Contributors and Content Editors

Sandhya.np14