LibreOffice-Suite-Base/C2/Modify-a-Report/Khasi

Time	Narration
00:02	Khublei ngi pdiangsngewbha iaphi sha ka “Spoken tutorial” halor ka “LibreOffice Base”.
00:06	Ha kane ka jinghikai, ngin ia pule kumno ban
00:09	Pynkylla ia ka “report” da kaba customize ia ka layout bad ka dur bad ka jinglong jong ka report.
00:16	Na ka bynta kane, to ngin ia peit ia ka nuksa jong ka “Library” database.
00:23	Ha ka jinghikai kaba hashwa, ngi la pule kumno ban shna ia ka “report”.
00:28	Bad ngi shna ia ka report ryngkat bad ka kyrteng ‘Books Issued to Members: Report History’. Mynta ngin ia pule kumno ban pynkylla ia kane ka report.
00:40	Ha ka ‘Library’ database,
00:42	To ngin nion ha “Reports” icon ha ka panel ba sha kadiang.
00:47	Ha ka panel ba sha kamon, ngi iohi ia ka ‘Books Issued to Member: Report History’ report ha ka reports lis.
00:57	To ngin nion ha kamon jong u mouse hangne bad nangta nion ha “Eidt” ban plie ia ka report na ka bynta ban pynkylla lane pynbit pynbiang.
01:08	Ngi iohi ia ka window ba thymma kaba khot ka “Report Builder” window.
01:14	Kane ka “screen” ka kynthup ia lai tylli ki bynta ba kongsan.
01:19	“Page Header” bad ka “Footer” section kiba pynlong ia ka jrong bad ka poh.
01:26	Nangta ka “Header” section
01:29	Bad ka “Detail” section.
01:34	Ngi lah ruh ban pyndap ia ka “record header” bad ka “footer” section
01:40	Da kaba nion ha ka liang kamon ha u mouse ha ka main screen ha ka jaka ba lieh bad nion ha ka “Insert Report Header/Footer”.
01:51	Ngi lah ban pynrit lane pynheh ia kine ki section da kaba nion ar sien ha ka jaka ba rong soh ha ka liang kadiang jong ka screen.
02:00	Shwa ba ngin iaid shakhmat, hangne ki screenshot jong ka “Report design” window.
02:06	Ngin ia pynkylla ia ka report design jong ngi ba kan long ha kane kadur.
02:11	Ngin ia pyndap katto katne ki text label, fonts, formatting bad ban antad ia ki space hapdeng ki bynta ba bun.
02:20	Te, to mynta ngin ia pyndap katto katne ki report headers bad footers.
02:27	Ban leh ia kane, to ngin nion ha u “Label Field” icon
02:31	Ha ka “Report Controls” toolbar, kaba hapoh bad menu bar ba hajrong.
02:40	To ngin dro ia ka ha ka “Report Header” area, kumba la pyni mynta
02:48	Bad nion ar sien ha ka “Label” ban wanrah ia ki properties jong ka sha ka mon.
02:55	Hangne, to ngin type: “Books Issued to Members:
03:00	“Report Histroy” marpyrshah bad ka “Label” bad shon “Enter”.
03:07	To ngin ia pynkylla ruh ia ka font style, ngin ia jied “Arial Black”, “Bold” bad “Size 12”
03:17	Bad nion ha u “OK” button.
03:21	Hadien kane, to ngin pyndap sa ia kiwei ki label ha ka report footer kumba la pyni ha ka screen.
03:31	Kum ka nuksa – to ngin type: “Report Prepared by Assistant Librarian”
03:42	Bad nangta pynkylla ia ka font style sha “Arial, Bold Italic” bad “Size 8”.
03:51	Mynta, ngin ia leh biang kijuh ki step sa shisien ban add ia ka label ha ka “Page Footer” area.
03:59	Mynta ka sien, ngin ia type: “Nehru Library, New Delhi” mar pyrshah ia ka label
04:09	Bad pynkylla ia ka “font Style” sha “Arial, Bold Italic” bad “Size 8”.
04:20	Mynta, to ngin ia pynbiang ia ki spacing.
04:24	Nyngkong, to ngin pynrit ia ka “Page Header” area da kaba nion ar sien ha u lain ba rong bthuh hapdeng ka “Page Header” bad “Report Header”.
04:37	Bad ngin rah ia kata baroh shajrong duh da kaba pyndonkam da ka rukom kaba nion, tan bad pynhap.
04:47	Hadien kane, to ngin pynrit ia ka “Report Header” area
04:52	Da kaba nion ar sien ha u lain uba bthuh hapdeng jong ka report header bad ka header.
05:01	Ngin ia leh biang ia kane kajuh ka step ban pynrit ia ka spacing hapdeng ka “Report footer” and ka “Page footer” ruh.
05:13	Hadien kane, to ngin buh hapdeng ia ka Header labels.
05:18	Ngin ia leh ia kane da kaba jied shwa nyngkong ia baroh ki labels da kaba nion ha ka “Book Title”
05:26	Bad nangta katba ngi dang shon ia u “Shift” key, ngin ia nion ha baroh ki label kumba la pyni.
05:35	Mynta, to ngin pyndonkam ia u khnam ba kdew shajrong ban pynshong hapdeng ia ki.
05:41	Mynta ngin ia ai ia ka “header” da ka rong blu ba stang ha ka background.
05:47	Ban leh ia kane, ngin ia leit sha ka “Properties” ban pynkylla ia ka “Background transparent” sha “NO”.
05:55	Bad nangta jied “Blue 8” na ka lis na ka bynta ka “Background colour”.
06:03	Ngin ia leh kumjuh bad ka “Detail” section ruh.
06:09	Na ka bynta kane, nyngkong ngin ia pynheh ia ka spacing hapdeng ka “Detail” bad “Report Footer” sections.
06:20	Bad nangta pynshong hapdeng ia ka fields.
06:24	Ngin ia jied Light gray background na ka bynta ka “Detail” section kumba la pyni.
06:32	Hadien kane, ngin ia pynkylla ia ka data formatting na ka bynta ka “Checked In” field.
06:39	Namar ba kane ka shim ia ki Boolean values 1 lane 0, kan pyni “True” lane “False”.
06:47	Ngin ia pynkylla ia kane ba kan pyni ia ka opshon ba sngewtynad “Yes” lane “No”.
06:53	Na ka bynta kane, ngin ia nion ar sien ha ka “Checked In” field ha ka liang kamon, ha ka “Detail” section.
07:01	Mynta, ha ka “properties” ha ka liang kamon, to ngin nion shwa ha ka “Data” tab.
07:08	To ngin ia nion ha u button uba marjan bad ka “Data” field kaba ong “Checked In”.
07:15	Kane kan plie ia ka pop-up window kaba thymmai kaba khot ka “Function” wizard.
07:20	Hangne, to ngin pyn thylli shwa ia ka “Formula” text-box ha trai kamon.
07:27	Nangta nion ha ka “Category” drop-down bad nangta nion ar sien ha ‘IF’.
07:35	Mynta ha ka liang kamon, ngi iohi ia ki controls kiba thymmai.
07:40	To ngin nion ha ka “Select” icon ha kaliang kamon, marjan bad ka text box ba nyngkong.
07:49	Hangne ngin ia nion ar sien ha u “Check In”.
07:53	Hadien kane, to ngin type “Yes” hapoh ki double-quotes ha ka text-box ba ar.
08:01	Bad nangta type “No” ha ka text-box ba lai.
08:12	Mynta ngin leit sha ka “General” tab hapdeng ka “Properties” section
08:18	Bad nion ha u button mar pyrshah ia u “Formatting”, ha trai.
08:24	Hangne, ngin ia nion ha “Text” ha ka “Category” lis
08:28	Bad nangta nion ha u “OK” button.
08:32	Bad mynta, ngin ia “save” ia ka report.
08:36	Te, to ngin ia “run” ia ka report ba la pynkylla mynta.
08:41	Na ka bynta kane, to ngin ia nion ha u “Edit” menu ha jrong bad nangta nion ha u “Execute Report”.
08:50	Bad hangne ka report history kaba itynad jong ngi halor ka “Books issued to the Library member”.
08:57	Phin iohi ia ka “spacing, headers, footers, fonts”
09:01	Bad ka “Checked In” field kaba ong ‘Yes” lane ‘No’.
09:06	Bad ngi la dep bad ka jingpynkylla ia ka report jong ngi.
09:11	Da kane ngi la poi sha kaba kut jong kane ka jinghikai halor “Modifying a Report in LibreOffice Base”.
09:17	Ban kyllum lang, ngi la pule kumno ban:
09:20	Pynkylla ia ka report da kaba customizing ia ka layout bad ka dur bad ka jinglong jong ka report.
09:26	“Spoken Tutorial” project kadei shi bynta jong ka “Talk to a Teacher” project, la kyrshan ia ka da ka National Mission on Education lyngba ka ICT, MHRD, Sorkar India. Ia kane ka project la pynbit pynbiang da ka http://spoken-tutorial.org. Kham bun ki jingtip halor kane kidon ha ka link harum.
09:48	nga dei U Pdiangburom na Shillong nga pynkut ia kane. Khublei shibun ia ka jingsnoh kti jong phi.

Contributors and Content Editors

Pdiangburom