Git/C2/Inspection-and-Comparison-of-Git/Kannada

Time	Narration
00:01	'Inspection and comparison of Git' ಎಂಬ 'ಸ್ಪೋಕನ್ ಟ್ಯುಟೋರಿಯಲ್'ಗೆ ನಿಮಗೆ ಸ್ವಾಗತ.
00:06	ಈ ಟ್ಯುಟೋರಿಯಲ್ ನಲ್ಲಿ ನಾವು: 'git diff' (ಗಿಟ್ ಡಿಫ್) 'git show' (ಗಿಟ್ ಶೋ) 'git blame' (ಗಿಟ್ ಬ್ಲೇಮ್) ಹಾಗೂ 'git help' (ಗಿಟ್ ಹೆಲ್ಪ್) ಮುಂತಾದ ಕಮಾಂಡ್ ಗಳ ಬಗ್ಗೆ ಕಲಿಯುವೆವು.
00:17	ಈ ಟ್ಯುಟೋರಿಯಲ್ ಗಾಗಿ, ನಾನು: Ubuntu Linux (ಉಬಂಟು ಲಿನಕ್ಸ್) 14.04 Git (ಗಿಟ್) 2.3.2 ಹಾಗೂ gedit Text Editor (ಜಿ-ಎಡಿಟ್ ಟೆಕ್ಸ್ಟ್-ಎಡಿಟರ್) ಇವುಗಳನ್ನು ಬಳಸುತ್ತಿದ್ದೇನೆ.
00:29	ನಿಮಗೆ ಇಷ್ಟವಾದ ಯಾವುದೇ ಎಡಿಟರ್ ಅನ್ನು ನೀವು ಬಳಸಬಹುದು.
00:33	ಈ ಟ್ಯುಟೋರಿಯಲ್ ಅನ್ನು ಅನುಸರಿಸಲು, ನೀವು ಟರ್ಮಿನಲ್ ನ ಮೇಲೆ ಲಿನಕ್ಸ್ ಕಮಾಂಡ್ ಗಳನ್ನು ರನ್ ಮಾಡುವುದನ್ನು ತಿಳಿದಿರಬೇಕು.
00:40	ಇಲ್ಲದಿದ್ದರೆ, ಸಂಬಂಧಿತ Linux ಟ್ಯುಟೋರಿಯಲ್ ಗಳಿಗಾಗಿ ದಯವಿಟ್ಟು ನಮ್ಮ ವೆಬ್ಸೈಟ್ ಅನ್ನು ನೋಡಿ.
00:46	ನಾವು 'git diff' ಕಮಾಂಡ್ ನೊಂದಿಗೆ ಆರಂಭಿಸೋಣ.
00:50	ಈ 'ಕಮಾಂಡ್', ಫೈಲ್ ಗಳ ಈಗಿನ ಸ್ಟ್ಯಾಟಸ್ ನ ಬದಲಾವಣೆಗಳನ್ನು ತೋರಿಸುವುದು.
00:55	ಈಗ, ಇದು ಕೆಲಸಮಾಡುವ ಬಗೆಯನ್ನು ನಾನು ನಿಮಗೆ ತೋರಿಸುವೆನು. 'ಟರ್ಮಿನಲ್' ಅನ್ನು ತೆರೆಯಲು 'Ctrl+Alt+T' ಕೀಗಳನ್ನು ಒತ್ತಿ.
01:03	ಈಮೊದಲು ಕ್ರಿಯೇಟ್ ಮಾಡಿರುವ ನಮ್ಮ 'mywebpage' ಎಂಬ ‘Git ‘ರಿಪಾಸಿಟರಿ’ ಗೆ ನಾವು ಹೋಗುವೆವು.
01:09	ಹೀಗೆ ಟೈಪ್ ಮಾಡಿ: 'cd space mywebpage' ಮತ್ತು ‘Enter’ ಅನ್ನು ಒತ್ತಿ.
01:15	ಪ್ರದರ್ಶಿಸಲು, ನಾನು 'html' ಫೈಲ್ ಗಳನ್ನು ಬಳಸುವುದನ್ನು ಮುಂದುವರೆಸುವೆನು.
01:20	ನಿಮಗೆ ಇಷ್ಟವಾದ ಯಾವುದೇ ಪ್ರಕಾರದ ಫೈಲ್ ಅನ್ನು ನೀವು ಬಳಸಬಹುದು.
01:24	ಪ್ರದರ್ಶಿಸಲಿಕ್ಕಾಗಿ, ಮೊದಲು ನಾನು 'history.html' ಎಂಬ ಒಂದು html ಫೈಲ್ ಅನ್ನು ಕ್ರಿಯೇಟ್ ಮಾಡಿ ಅದನ್ನು 'ಕಮಿಟ್' ಮಾಡುವೆನು.
01:32	ಹೀಗೆ ಟೈಪ್ ಮಾಡಿ: 'gedit space history.html space ampersand' ಹಾಗೂ ‘Enter’ ಅನ್ನು ಒತ್ತಿ.
01:41	ಮೊದಲು ಸೇವ್ ಮಾಡಿದ್ದ ನನ್ನ 'Writer' ಡಾಕ್ಯೂಮೆಂಟ್ ನಿಂದ, ಸ್ವಲ್ಪ ಕೋಡ್ ಅನ್ನು ಈ ಫೈಲ್ ನಲ್ಲಿ ನಾನು ಕಾಪಿ ಮತ್ತು ಪೇಸ್ಟ್ ಮಾಡುವೆನು.
01:48	ನಾವು ಫೈಲ್ ಅನ್ನು ಸೇವ್ ಮಾಡಿ, ಕ್ಲೋಸ್ ಮಾಡೋಣ.
01:51	ನಾವು ಫೈಲ್ ಅನ್ನು ಸೇರಿಸಿದಾಗ ಅಥವಾ ತೆಗೆದುಹಾಕಿದಾಗಲೆಲ್ಲ ನಮ್ಮ ಕೆಲಸವನ್ನು 'ಕಮಿಟ್' ಮಾಡಬೇಕು ಎಂಬುದನ್ನು ನೆನಪಿಸಿಕೊಳ್ಳಿ.
01:58	ಫೈಲ್ ಅನ್ನು 'ಸ್ಟೇಜಿಂಗ್ ಏರಿಯಾ' ಗೆ ಸೇರಿಸಲು, ಹೀಗೆ ಟೈಪ್ ಮಾಡಿ: 'git space add space history.html' ಹಾಗೂ ‘Enter’ ಅನ್ನು ಒತ್ತಿ.
02:08	ನಮ್ಮ ಕೆಲಸವನ್ನು ಕಮಿಟ್ ಮಾಡಲು, ಹೀಗೆ ಟೈಪ್ ಮಾಡಿ: 'git space commit space hyphen m space' ಡಬಲ್ ಕೋಟ್ಸ್ ನಲ್ಲಿ “Added history.html” ಮತ್ತು ‘Enter’ ಅನ್ನು ಒತ್ತಿ.
02:21	'git space log' ಎಂದು ಟೈಪ್ ಮಾಡಿ, ‘Enter’ ಅನ್ನು ಒತ್ತಿ, ನಾವು 'Git log' ಅನ್ನು ನೋಡೋಣ.
02:28	ಸಧ್ಯಕ್ಕೆ, ನಮ್ಮ 'ರಿಪಾಸಿಟರಿ' ಯಲ್ಲಿ ಎರಡು 'ಕಮಿಟ್' ಗಳು ಇರುತ್ತವೆ.
02:33	'gedit space mypage.html space history.html space ampersand' ಎಂದು ಟೈಪ್ ಮಾಡಿ, 'mypage.html' ಹಾಗೂ 'history.html' ಈ ಎರಡು ಫೈಲ್ ಗಳನ್ನು ತೆರೆಯಿರಿ.
02:47	ಇಲ್ಲಿ, ' mypage.html', ಹಿಂದಿನ ಟ್ಯುಟೊರಿಯಲ್ ನಲ್ಲಿ ನಾವು ಕ್ರಿಯೇಟ್ ಮಾಡಿದ ಫೈಲ್ ಆಗಿದೆ. ಈಗ, ‘Enter’ ಅನ್ನು ಒತ್ತಿ.
02:56	ನಾವು ಈ ಫೈಲ್ ಗಳಲ್ಲಿ ಕೆಲವು ಸಾಲುಗಳನ್ನು ಸೇರಿಸೋಣ ಮತ್ತು ತೆಗೆದುಹಾಕೋಣ.
03:01	ಆಮೇಲೆ ಫೈಲ್ ಗಳನ್ನು ಸೇವ್ ಮಾಡಿ, ಕ್ಲೋಸ್ ಮಾಡೋಣ.
03:05	ಕೆಲವು ಸಂದರ್ಭಗಳಲ್ಲಿ, ನಾವು ನಮ್ಮ ಫೈಲ್ ಗಳಲ್ಲಿ ಮಾಡಿರುವ ಬದಲಾವಣೆಗಳನ್ನು ನೆನಪಿಟ್ಟುಕೊಳ್ಳದೇ ಇರಬಹುದು.
03:11	ನಾವು 'git space status' ಎಂದು ಟೈಪ್ ಮಾಡಿ ಹಾಗೂ ‘Enter’ ಅನ್ನು ಒತ್ತಿ 'ಗಿಟ್ ಸ್ಟ್ಯಾಟಸ್' ಅನ್ನು ಪರೀಕ್ಷಿಸೋಣ.
03:19	ಅದು, ಮಾರ್ಪಡಿಸಿದ ಫೈಲ್ ಗಳ ಹೆಸರುಗಳನ್ನು ತೋರಿಸುತ್ತದೆ. ಆದರೆ, ನಮಗೆ ಇನ್ನಾವುದೇ ವಿವರಗಳನ್ನು ಪಡೆಯಲು ಸಾಧ್ಯವಿಲ್ಲ.
03:26	ನಮಗೆ ಈ ಫೈಲ್ ಗಳಿಗೆ ಮಾಡಲಾದ ನಿಜವಾದ ಬದಲಾವಣೆಗಳನ್ನು ತಿಳಿದುಕೊಳ್ಳಬೇಕಾಗಿದೆ. ಇದನ್ನು ಹೇಗೆ ಮಾಡುವುದೆಂದು ನಾವು ನೋಡೋಣ.
03:35	ಹೀಗೆ ಟೈಪ್ ಮಾಡಿ: 'git space diff' ಮತ್ತು ‘Enter’ ಅನ್ನು ಒತ್ತಿ.
03:40	ಈ ಕಮಾಂಡ್, ಫೈಲ್ ಗಳ ಈಗಿನ ಸ್ಥಿತಿಯನ್ನು ಇತ್ತೀಚಿನ ಕಮಿಟ್ ನೊಂದಿಗೆ ಹೋಲಿಸುವುದು.
03:46	ಇಲ್ಲಿ, 'history.html' ಫೈಲ್ ನ ಎರಡು ಆವೃತ್ತಿಗಳನ್ನು ನೀವು ನೋಡುವಿರಿ.
03:51	'a slash history.html', ಕೊನೆಯ ಕಮಿಟ್ ನ ಆವೃತ್ತಿಯಾಗಿದೆ. ಮತ್ತು, ಇದು ಋಣಾತ್ಮಕ ಚಿಹ್ನೆಯಿಂದ (minus ಚಿಹ್ನೆ) ಸೂಚಿತವಾಗಿದೆ.
04:00	'b slash history.html', ಈಗಿನ ಆವೃತ್ತಿಯಾಗಿದೆ. ಮತ್ತು, ಇದು ಧನಾತ್ಮಕ ಚಿಹ್ನೆಯಿಂದ (plus ಚಿಹ್ನೆ) ಸೂಚಿತವಾಗಿದೆ.
04:09	ಹೀಗಾಗಿ, ಇಲ್ಲಿ, ಋಣಾತ್ಮಕ ಚಿಹ್ನೆ ಹೊಂದಿರುವ ಕೆಂಪುಬಣ್ಣದ ಸಾಲು ಹಳೆಯ ಆವೃತ್ತಿಯಾಗಿದೆ.
04:15	ಮತ್ತು, ಧನಾತ್ಮಕ ಚಿಹ್ನೆ ಹೊಂದಿರುವ ಹಸಿರುಬಣ್ಣದ ಸಾಲು ಹೊಸ ಆವೃತ್ತಿಯಾಗಿದೆ.
04:20	ಇನ್ನೂ ಹೆಚ್ಚು ನೋಡಲು 'ಡೌನ್-ಆರೋ' ಕೀಯನ್ನು ಒತ್ತಿ.
04:23	ಇವು ನಾವು ಹೊಸ ಆವೃತ್ತಿಯಲ್ಲಿ ಸೇರಿಸಿದ ಸಾಲುಗಳಾಗಿವೆ.
04:28	ಅಲ್ಲದೇ, ನೀವು 'mypage.html' ಫೈಲ್ ನ ಬದಲಾವಣೆಗಳನ್ನು ಸಹ ನೋಡಬಹುದು. 'ಡೌನ್-ಆರೋ' ಕೀಯನ್ನು ಒತ್ತಿ.
04:35	ಹೊರಬರಲು 'q' ಕೀಯನ್ನು ಒತ್ತಿ.
04:38	ಇಲ್ಲಿ, ಔಟ್ಪುಟ್ ಅನ್ನು ಬಣ್ಣಗಳಲ್ಲಿ ಪ್ರದರ್ಶಿಸಲಾಗಿದೆ.
04:42	ನಮಗೆ ಬಣ್ಣಗಳೊಂದಿಗೆ ಸಾಲುಗಳನ್ನು ನೋಡಲು ಸಾಧ್ಯವಿಲ್ಲದಿದ್ದರೆ ಹೀಗೆ ಟೈಪ್ ಮಾಡಿ: 'git space config space hyphen hyphen global space color dot ui space true' ಮತ್ತು ‘Enter’ ಅನ್ನು ಒತ್ತಿ.
04:57	ನಿಮಗೆ ಬಣ್ಣಗಳನ್ನು ನೋಡುವುದು ಬೇಡವಾಗಿದ್ದರೆ, ದಯವಿಟ್ಟು ಈ ಕಮಾಂಡ್ ನಲ್ಲಿ 'true' ದ ಬದಲಾಗಿ 'false' ಅನ್ನು ಬಳಸಿ.
05:03	'git space diff' ಎಂದು ಟೈಪ್ ಮಾಡಿ ಹಾಗೂ ‘Enter’ ಅನ್ನು ಒತ್ತಿ. ಈಗ, ಔಟ್ಪುಟ್ ಅನ್ನು ಬಣ್ಣಗಳಿಲ್ಲದೇ ಪ್ರದರ್ಶಿಸಲಾಗಿದೆ.
05:13	ಆಮೇಲೆ, ಯಾವುದೇ ಒಂದು ನಿರ್ದಿಷ್ಟ ಫೈಲ್ ನಲ್ಲಿಯ ಬದಲಾವಣೆಗಳನ್ನು ಹೇಗೆ ನೋಡುವುದೆಂದು ನಾನು ನಿಮಗೆ ತೋರಿಸುತ್ತೇನೆ.
05:18	ಹೀಗೆ ಟೈಪ್ ಮಾಡಿ: 'git space diff space history.html' ಮತ್ತು ‘Enter’ ಅನ್ನು ಒತ್ತಿ.
05:25	ಇಲ್ಲಿ, 'history.html' ಫೈಲ್ ನಲ್ಲಿ ಮಾಡಿದ ಬದಲಾವಣೆಗಳನ್ನು ಮಾತ್ರ ನಾವು ನೋಡಬಹುದು.
05:31	ನಾವು ಈಗ ನಮ್ಮ ಫೈಲ್ ಗಳನ್ನು 'ಸ್ಟೇಜಿಂಗ್ ಏರಿಯಾ' ಗೆ ಸೇರಿಸೋಣ. ಹೀಗೆ ಟೈಪ್ ಮಾಡಿ: 'git space add space history.html space mypage.html' ಮತ್ತು ‘Enter’ ಅನ್ನು ಒತ್ತಿ.
05:44	ನಾವು 'git space diff' ಎಂದು ಟೈಪ್ ಮಾಡಿ ಹಾಗೂ ‘Enter’ ಅನ್ನು ಒತ್ತಿ ಮತ್ತೊಮ್ಮೆ 'Git diff' ಅನ್ನು ಪರೀಕ್ಷಿಸೋಣ.
05:52	ಈಸಲ ನಮಗೆ ಯಾವುದೇ ಔಟ್ಪುಟ್ ಸಿಗುವುದಿಲ್ಲ. ಏಕೆಂದರೆ, ನಮ್ಮ ಫೈಲ್ ಗಳು ಸ್ಟೇಜಿಂಗ್ ಏರಿಯಾ ಗೆ ಸೇರಿಸಲ್ಪಟ್ಟಿವೆ.
05:59	ಇಂತಹ ಸಂದರ್ಭದಲ್ಲಿ, ನಾವು ಹೀಗೆ ಟೈಪ್ ಮಾಡಬಹುದು: 'git space diff space hyphen hyphen staged'. ‘Enter’ ಅನ್ನು ಒತ್ತಿ.
06:08	ಈಗ, ನಾವು 'git diff' ಕಮಾಂಡ್ ನಲ್ಲಿ ಪಡೆದಂತಹ ಔಟ್ಪುಟ್ ಅನ್ನೇ ನೋಡಬಹುದು.
06:15	ಇದೇ ಪರಿಣಾಮವನ್ನು (result) ಪಡೆಯಲು, ನಾವು 'hyphen hyphen staged' ಗೆ ಬದಲಾಗಿ 'hyphen hyphen cached' ಅನ್ನು ಸಹ ಬಳಸಬಹುದು.
06:23	ನಾವು ಈಗಿರುವ ಸ್ಥಿತಿಯನ್ನು ಹಿಂದಿನ ಯಾವುದೇ ಕಮಿಟ್ ನೊಂದಿಗೆ ಹೇಗೆ ಹೋಲಿಸಬಹುದು?
06:28	ಮೊದಲು, ನಾವು 'git space log space hyphen hyphen oneline' ಎಂದು ಟೈಪ್ ಮಾಡಿ, ‘Enter’ ಅನ್ನು ಒತ್ತಿ 'Git log' ಅನ್ನು ನೋಡುವೆವು.
06:38	ಈಗ ನನಗೆ, ನನ್ನ ಸಧ್ಯದ ಸ್ಥಿತಿಯನ್ನು 'Initial commit' ನೊಂದಿಗೆ ಹೋಲಿಸಬೇಕಾಗಿದೆ ಎಂದುಕೊಳ್ಳಿ.
06:43	ಆದ್ದರಿಂದ, 'git space diff space' ಎಂದು ಟೈಪ್ ಮಾಡಿ. ಆಮೇಲೆ, 'Initial commit' ನ 'ಕಮಿಟ್ ಹ್ಯಾಶ್' ಅನ್ನು ಕಾಪಿ ಮತ್ತು ಪೇಸ್ಟ್ ಮಾಡಿ. 'Enter' ಅನ್ನು ಒತ್ತಿ.
06:52	ಇಲ್ಲಿ, ನಾವು ವ್ಯತ್ಯಾಸವನ್ನು ನೋಡಬಹುದು.
06:55	ಈ ರೀತಿಯಾಗಿ, ನಮ್ಮ ಸಧ್ಯದ ಸ್ಥಿತಿಯನ್ನು ‘ರಿಪಾಸಿಟರಿ’ ಯಲ್ಲಿಯ ಹಿಂದಿನ ಯಾವುದೇ ಕಮಿಟ್ ನೊಂದಿಗೆ ನಾವು ಹೋಲಿಸಬಹುದು.
07:02	ಹೀಗೆ, 'git diff' ಕಮಾಂಡ್ ಅನ್ನು ಬಳಸಿ, ಮಾರ್ಪಡಿಸಲಾದ ಫೈಲ್ ಗಳಲ್ಲಿಯ ಎಲ್ಲ ಬದಲಾವಣೆಗಳನ್ನು ನಾವು ನೋಡಬಹುದು.
07:09	ಕಮಿಟ್ ಮಾಡುವ ಮೊದಲು ನಾವು ಏನನ್ನು ಬದಲಾಯಿಸಿದ್ದೇವೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಇದು ನಮಗೆ ಸಹಾಯಮಾಡುವುದು.
07:15	ನಾವು ಈ ಘಟ್ಟದಲ್ಲಿ ನಮ್ಮ ಕೆಲಸವನ್ನು ಫ್ರೀಜ್ ಮಾಡೋಣ.
07:19	ಕಮಿಟ್ ಮಾಡಲು, ಹೀಗೆ ಟೈಪ್ ಮಾಡಿ: 'git space commit space hyphen m space' ಡಬಲ್ ಕೋಟ್ಸ್ ನಲ್ಲಿ “Added colors” ಮತ್ತು ‘Enter’ ಅನ್ನು ಒತ್ತಿ.
07:30	ಆಮೇಲೆ ನಾವು, ಎರಡು ಕಮಿಟ್ ಗಳ ನಡುವಿನ ವ್ಯತ್ಯಾಸವನ್ನು ಹೇಗೆ ನೋಡುವುದೆಂದು ತಿಳಿಯೋಣ.
07:35	ನಾವು 'git space log space hyphen hyphen oneline' ಎಂದು ಟೈಪ್ ಮಾಡಿ, ‘Enter’ ಅನ್ನು ಒತ್ತಿ, 'Git log' ಅನ್ನು ನೋಡೋಣ.
07:44	'git space diff space' ಎಂದು ಟೈಪ್ ಮಾಡಿ. ಆಮೇಲೆ, “Initial commit” ನ 'ಕಮಿಟ್ ಹ್ಯಾಶ್' ಅನ್ನು ಕಾಪಿ ಮತ್ತು ಪೇಸ್ಟ್ ಮಾಡಿ, ಸ್ಪೇಸ್, ಈಗ, “Added colors” ನ 'ಕಮಿಟ್ ಹ್ಯಾಶ್' ಅನ್ನು ಕಾಪಿ ಮತ್ತು ಪೇಸ್ಟ್ ಮಾಡಿ ಮತ್ತು ‘Enter’ ಅನ್ನು ಒತ್ತಿ.
07:58	ಕೊಟ್ಟಿರುವ ಎರಡು ಕಮಿಟ್ ಗಳ ನಡುವಿನ ವ್ಯತ್ಯಾಸವನ್ನು ಈಗ ನೋಡಬಹುದು.
08:03	ನಂತರ, ನಾವು ಕೊನೆಯ ರಿವಿಜನ್ ಅನ್ನು, ಅದರ ಹಿಂದಿನ ರಿವಿಜನ್ ನೊಂದಿಗೆ ಹೋಲಿಸುವೆವು.
08:08	ಹೀಗೆ ಟೈಪ್ ಮಾಡಿ: 'git space diff space HEAD space HEAD tilde ' ಮತ್ತು ‘Enter’ ಅನ್ನು ಒತ್ತಿ.
08:16	'HEAD', “Added colors” ಎಂಬ 'ಕಮಿಟ್ ಮೆಸೇಜ್' ಅನ್ನು ಹೊಂದಿರುವ ಕೊನೆಯ ರಿವಿಜನ್ ಅನ್ನು ಸೂಚಿಸುತ್ತದೆ.
08:22	'HEAD tilde' ಕೊನೆಯದರ ಹಿಂದಿನ ರಿವಿಜನ್ ಅನ್ನು ಸೂಚಿಸುತ್ತದೆ. ಇದು, “Added history.html” ಎಂಬ 'ಕಮಿಟ್ ಮೆಸೇಜ್' ಅನ್ನು ಹೊಂದಿರುತ್ತದೆ.
08:30	ಇತ್ತೀಚಿನ ರಿವಿಜನ್ ಯಾವಾಗಲೂ 'HEAD' ಆಗಿರುತ್ತದೆ. ಇದರ ಹಿಂದಿನ ರಿವಿಜನ್ ಯಾವಾಗಲೂ 'HEAD tilde' ಇರುತ್ತದೆ.
08:39	ಹೀಗೆಯೇ, ಇತ್ತೀಚಿನ ರಿವಿಜನ್ ಗಿಂತ ಹಿಂದೆ ಎರಡನೆಯ ರಿವಿಜನ್ 'HEAD tilde 2', ಹಿಂದಿನ ಮೂರನೆಯ ರಿವಿಜನ್ 'HEAD tilde 3' ಹೀಗೆ.
08:50	ಟರ್ಮಿನಲ್ ಗೆ ಹಿಂದಿರುಗಿ.
08:53	ಈಗ, ನಾವು 'git show' ಎಂಬ ಕಮಾಂಡ್ ನ ಬಗ್ಗೆ ಕಲಿಯೋಣ. ಇದು ಕಮಿಟ್ ನ ಸಂಪೂರ್ಣ ವಿವರಗಳನ್ನು ನೋಡಲು ಸಹಾಯಮಾಡುತ್ತದೆ.
09:00	ಹೀಗೆ ಟೈಪ್ ಮಾಡಿ: 'git space show' ಹಾಗೂ 'Enter' ಅನ್ನು ಒತ್ತಿ.
09:04	ಈ ಕಮಾಂಡ್, ‘ರಿಪಾಸಿಟರಿ’ ಯಲ್ಲಿಯ ಇತ್ತೀಚಿನ ಕಮಿಟ್ ನ ವಿವರಗಳನ್ನು ತೋರಿಸುವುದು.
09:10	ಕಮಿಟ್ ನ ವಿವರಗಳೊಂದಿಗೆ ಫೈಲ್ ಗಳಿಗೆ ಯಾವ ಬದಲಾವಣೆಗಳನ್ನು ಮಾಡಿದೆ ಎಂದು ಇದು ತೋರಿಸುತ್ತದೆ.
09:16	ಈ ವೈಶಿಷ್ಟ್ಯವು ನಾವು ಜತೆಗೂಡಿ ಕೆಲಸಮಾಡುವಾಗ ಉಪಯುಕ್ತವಾಗಿದೆ.
09:20	ಈಗ, ನಾವು 'git space log space hyphen hyphen oneline' ಎಂದು ಟೈಪ್ ಮಾಡಿ, ‘Enter’ ಅನ್ನು ಒತ್ತಿ, 'Git log' ಅನ್ನು ನೋಡೋಣ.
09:30	'Initial commit' ನ ವಿವರಗಳನ್ನು ನೋಡಲು, ಹೀಗೆ ಟೈಪ್ ಮಾಡಿ: 'git space show space'. ಆಮೇಲೆ, 'Initial commit' ನ 'ಕಮಿಟ್ ಹ್ಯಾಶ್' ಅನ್ನು ಕಾಪಿ ಮತ್ತು ಪೇಸ್ಟ್ ಮಾಡಿ ಹಾಗೂ ‘Enter’ ಅನ್ನು ಒತ್ತಿ.
09:42	ಇಲ್ಲಿ, 'Initial commit' ನ ವಿವರಗಳನ್ನು ನೀವು ನೋಡಬಹುದು.
09:46	ಹೀಗೆ, ನಮ್ಮ ‘ರಿಪಾಸಿಟರಿ’ ಯ ಯಾವುದೇ ಕಮಿಟ್ ನ ವಿವರಗಳನ್ನು ನಾವು ನೋಡಬಹುದು.
09:51	ನಂತರ, ಒಂದು ಫೈಲ್ ನ ಸಂಪೂರ್ಣ ಹಿಸ್ಟರಿಯನ್ನು ಹೇಗೆ ನೋಡುವುದೆಂದು ನಾವು ಕಲಿಯೋಣ.
09:56	'mypage.html' ನ ಪೂರ್ಣ ಹಿಸ್ಟರಿಯನ್ನು ನೋಡಲು ಹೀಗೆ ಟೈಪ್ ಮಾಡಿ: 'git space blame space mypage.html' ಮತ್ತು ‘Enter’ ಅನ್ನು ಒತ್ತಿ.
10:07	ಇಲ್ಲಿ, 'mypage.html' ಫೈಲ್ ನ ಪೂರ್ಣ ಹಿಸ್ಟರಿಯನ್ನು, ಅರ್ಥಾತ್, ಕ್ರಿಯೇಟ್ ಮಾಡಿದಾಗಿನಿಂದ ಈಗಿನವರೆಗೆ, ನಾವು ನೋಡಬಹುದು.
10:17	ಹೀಗೆಯೇ, ನಿಮ್ಮ ‘ರಿಪಾಸಿಟರಿ’ ಯಲ್ಲಿಯ ಯಾವುದೇ ಫೈಲ್ ನ ಪೂರ್ತಿ ವಿವರಗಳನ್ನು ನೀವು ನೋಡಬಹುದು.
10:22	ಕೊನೆಯದಾಗಿ, 'Git' ನಿಂದ ಸಹಾಯವನ್ನು (help) ಹೇಗೆ ಪಡೆಯುವುದೆಂದು ನಾವು ನೋಡುವೆವು.
10:27	ಸಹಾಯವನ್ನು ಪಡೆಯಲು ಸಿಂಟ್ಯಾಕ್ಸ್ ಹೀಗಿದೆ - 'git help <verb> ' ಅಥವಾ 'git <verb> hyphen hyphen help ' ಅಥವಾ 'man git <verb>'
10:40	ಉದಾಹರಣೆಗೆ: 'git help show'
10:44	ನಾನು ಇದನ್ನು ಮಾಡಿ ತೋರಿಸುತ್ತೇನೆ. 'ಟರ್ಮಿನಲ್' ಗೆ ಹಿಂದಿರುಗಿ ಮತ್ತು 'git space help space show' ಎಂದು ಟೈಪ್ ಮಾಡಿ ಮತ್ತು ‘Enter’ ಅನ್ನು ಒತ್ತಿ.
10:55	ಇಲ್ಲಿ, ನಾವು 'show' ಕಮಾಂಡ್ ನ ಕೈಪಿಡಿಯನ್ನು (manual) ನೋಡಬಹುದು.
10:59	ಇದರೊಂದಿಗೆ, ನಾವು ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿರುತ್ತೇವೆ.
11:03	ಸಂಕ್ಷಿಪ್ತವಾಗಿ,
11:04	ಈ ಟ್ಯುಟೋರಿಯಲ್ ನಲ್ಲಿ, ನಾವು: 'git diff' (ಗಿಟ್ ಡಿಫ್) 'git show' (ಗಿಟ್ ಶೋ) 'git blame' (ಗಿಟ್ ಬ್ಲೇಮ್) ಹಾಗೂ 'git help' (ಗಿಟ್ ಹೆಲ್ಪ್) ಮುಂತಾದ ಕಮಾಂಡ್ ಗಳ ಬಗ್ಗೆ ಕಲಿತಿದ್ದೇವೆ.
11:15	ಒಂದು ಅಸೈನ್ಮೆಂಟ್- 'git reflog' (ಗಿಟ್ ರಿಫ್ಲಾಗ್) 'git diff HEAD tilde HEAD' (ಗಿಟ್ ಡಿಫ್ ಹೆಡ್ ಟಿಲ್ಡೆ ಹೆಡ್) 'git show HEAD' (ಗಿಟ್ ಶೋ ಹೆಡ್) ಹಾಗೂ 'man git diff' (ಮ್ಯಾನ್ ಗಿಟ್ ಡಿಫ್) ಈ ಕಮಾಂಡ್ ಗಳ ಬಗ್ಗೆ ತಿಳಿದುಕೊಳ್ಳಿ.
11:29	ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುವ ವಿಡಿಯೋ, ಸ್ಪೋಕನ್ ಟ್ಯುಟೋರಿಯಲ್ ಪ್ರೋಜೆಕ್ಟ್ ನ ಸಾರಾಂಶವಾಗಿದೆ. ದಯವಿಟ್ಟು ಇದನ್ನು ಡೌನ್ಲೋಡ್ ಮಾಡಿ ವೀಕ್ಷಿಸಿ.
11:37	‘ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್’ ತಂಡವು ಕಾರ್ಯಶಾಲೆಗಳನ್ನು ನಡೆಸುತ್ತದೆ ಮತ್ತು ‘ಆನ್ ಲೈನ್ ಟೆಸ್ಟ್’ ನಲ್ಲಿ ಉತ್ತೀರ್ಣರಾದವರಿಗೆ ಪ್ರಮಾಣಪತ್ರವನ್ನು ಕೊಡಲಾಗುತ್ತದೆ. ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಇಲ್ಲಿಗೆ ಬರೆಯಿರಿ: contact@spoken-tutorial.org
11:48	‘ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್’, ICT, MHRD ಮೂಲಕ ರಾಷ್ಟ್ರೀಯ ಸಾಕ್ಷರತಾ ಮಿಷನ್, ಭಾರತ ಸರ್ಕಾರದ ಅನುದಾನವನ್ನು ಪಡೆದಿದೆ.
11:55	ಈ ಮಿಷನ್ನಿನ ಬಗ್ಗೆ ಹೆಚ್ಚಿನ ಮಾಹಿತಿಯು ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿದೆ: [1]
12:00	IIT Bombay ಯಿಂದ, ‘ಸ್ಕ್ರಿಪ್ಟ್’ನ ಅನುವಾದಕಿ ಸಂಧ್ಯಾ ಪುಣೇಕರ್ ಹಾಗೂ ಪ್ರವಾಚಕ….. ವಂದನೆಗಳು.

Contributors and Content Editors

Sandhya.np14