Linux/C2/Working-with-Regular-Files/Kannada

Time	Narration
00:00	ಲಿನಕ್ಸ್ ನಲ್ಲಿ ರೆಗ್ಯುಲರ್ ಫೈಲ್ ಗಳ ಜೊತೆ ಕೆಲಸ ಮಾಡುವ ಬಗ್ಗೆ ಇರುವ ಈ ಟ್ಯುಟೋರಿಯಲ್ ಗೆ ಸ್ವಾಗತ.
00:07	ಡೈರಕ್ಟರಿಗಳು ಮತ್ತು ಫೈಲ್ ಗಳು ಒಟ್ಟಿಗೆ ಸೇರಿ ಲಿನಕ್ಸ್ ಫೈಲ್ ಸಿಸ್ಟಮ್ ಅನ್ನು ರಚಿಸುತ್ತವೆ.
00:13	ಡೈರಕ್ಟರಿಗಳ ಜೊತೆ ಹೇಗೆ ಕೆಲಸ ಮಾಡುವುದೆಂದು ಈಗಾಗಲೇ ನಾವು ಹಿಂದಿನ ಪಾಠದಲ್ಲಿ ಕಲಿತಿದ್ದೇವೆ. ನೀವು ಆ ಪಾಠವನ್ನು ಈ ವೆಬ್ಸೈಟ್ ನಲ್ಲಿ ನೋಡಬಹುದು.
00:25	ಈ ಪಾಠದಲ್ಲಿ ನಾವು ರೆಗ್ಯುಲರ್ ಫೈಲ್ ಗಳನ್ನು ಹೇಗೆ ನಿಯಂತ್ರಿಸುವುದೆಂದು ತಿಳಿಯುತ್ತೇವೆ.
00:31	ನಾವು ಈ ಹಿಂದೆ ಬೇರೊಂದು ಟ್ಯುಟೋರಿಯಲ್ ನಲ್ಲಿ cat ಆದೇಶವನ್ನು ಉಪಯೋಗಿಸಿ ಫೈಲ್ ಅನ್ನು ರಚಿಸುವುದು ಹೇಗೆ ಎಂದು ತಿಳಿದಿದ್ದೇವೆ. ಅದರ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ಈ ವೆಬ್ಸೈಟ್ ಗೆ ಭೇಟಿ ಕೊಡಿ.
00:46	ಈಗ ಫೈಲ್ ಅನ್ನು ಒಂದು ಜಾಗದಿಂದ ಮತ್ತೋಂದು ಜಾಗಕ್ಕೆ ಹೇಗೆ ಕಾಪಿ ಮಾಡುವುದೆಂದು ನೋಡೋಣ. ಇದಕ್ಕಾಗಿ ನಾವು cp ಎಂಬ ಆದೇಶವನ್ನು ಹೊಂದಿದ್ದೇವೆ.
00:55	ಹಾಗಾದರೆ ಈ ಆದೇಶವನ್ನು ಹೇಗೆ ಉಪಯೋಗಿಸುವುದೆಂದು ನೋಡೋಣ.
01:00	ಯಾವುದಾದರೊಂದು ಫೈಲ್ ಅನ್ನು ಕಾಪಿ ಮಾಡಲು ಹೀಗೆ ಟೈಪ್ ಮಾಡಿ - cp ಸ್ಪೇಸ್ ಒಂದು ಅಥವಾ ಹೆಚ್ಚು ವಿಕಲ್ಪಗಳು, ಸ್ಪೇಸ್, ಕಾಪಿ ಮಾಡಬೇಕಾದ ಫೈಲ್ ನ ಸೋರ್ಸ್ ನ ಹೆಸರು ಸ್ಪೇಸ್, ಫೈಲ್ ಕಾಪಿ ಆಗಬೇಕಾದ ಡೆಸ್ಟಿನೇಶನ್ ನ ಹೆಸರು.
01:15	ಒಟ್ಟಿಗೇ ಅನೇಕ ಫೈಲ್ ಗಳನ್ನು ಕಾಪಿ ಮಾಡಲು ಹೀಗೆ ಟೈಪ್ ಮಾಡೋಣ - cp ಸ್ಪೇಸ್ ಒಂದು ಅಥವಾ ಹೆಚ್ಚಿನ ವಿಕಲ್ಪಗಳು ಸ್ಪೇಸ್ ಕಾಪಿ ಮಾಡಬೇಕಾದ ಫೈಲ್ ನ ಸೋರ್ಸ್ ನ ಹೆಸರು ಸ್ಪೇಸ್, ಫೈಲ್ ಕಾಪಿ ಆಗಬೇಕಾದ ಡೆಸ್ಟಿನೇಶನ್ ನ ಹೆಸರು.
01:34	ಈಗ ಉದಾಹರಣೆಯನ್ನು ನೋಡೋಣ. ಮೊದಲಿಗೆ ಟರ್ಮಿನಲ್ ಅನ್ನು ತೆರೆಯೋಣ.
01:42	ಈಗಾಗಲೇ ನಮ್ಮ ಹತ್ತಿರ /home/anirban/arc/ ಎಂಬ ಸೋರ್ಸ್ ನಲ್ಲಿ test1 ಎಂಬ ಫೈಲ್ ಇದೆ.
01:49	test1 ನ ಒಳಗೆ ಏನಿದೆ ಎಂದು ನೋಡಲು "$ cat test1" ಎಂದು ಟೈಪ್ ಮಾಡಿ enter ಒತ್ತಿ.
02:00	ನಾವಿಲ್ಲಿ test1 ನ ಕಂಟೆಂಟ್ ಅನ್ನು ನೋಡುತ್ತಿದ್ದೇವೆ. ನಾವು ಈ ಕಂಟೆಂಟ್ ಅನ್ನು test2 ಎಂಬ ಬೇರೆ ಫೈಲ್ ಗೆ ಕಾಪಿ ಮಾಡಬಯಸಿದಲ್ಲಿ "$ cp test1 test2" ಎಂದು ಟೈಪ್ ಮಾಡಿ enter ಒತ್ತಿ.
02:22	ಈಗ ಫೈಲ್ ಕಾಪಿ ಆಗಿದೆ.
02:25	ಎಲ್ಲಿಯಾದರೂ test2 ಎಂಬ ಫೈಲ್ ಇಲ್ಲದಿದ್ದಲ್ಲಿ ಮೊದಲು ಅದನ್ನು ರಚಿಸಿ ನಂತರ test1 ನ ಕಂಟೆಂಟ್ ಅನ್ನು ಕಾಪಿ ಮಾಡಬೇಕಾಗುತ್ತದೆ.
02:35	ಎಲ್ಲಿಯಾದರೂ test2 ಎಂಬ ಫೈಲ್ ಮೊದಲೇ ಇದ್ದಲ್ಲಿ ಅದು ಓವರ್ ರೈಟ್ ಆಗುತ್ತದೆ. ಕಾಪಿ ಆದ ಫೈಲ್ ಅನ್ನು ನೋಡಲು "$ cat test2" ಎಂದು ಟೈಪ್ ಮಾಡಿ enter ಒತ್ತಿ.
02:52	ನೀವು ಬೇರೆ ಬೇರೆ ಡೈರಕ್ಟರಿಗಳಿಂದ ಬೇರೆ ಬೇರೆ ಡೈರಕ್ಟರಿಗಳಿಗೆ ಕೂಡಾ ಫೈಲ್ ಅನ್ನು ಕಾಪಿ ಮಾಡಬಹುದು. ಉದಾಹರಣೆಗಾಗಿ - "$ cp /home/anirban/arc/demo1 /home/anirban/demo2 " ಎಂದು ಟೈಪ್ ಮಾಡಿ enter ಒತ್ತಿ.
03:31	ಇದೇನು ಮಾಡುತ್ತದೆಯೆಂದರೆ, /home/anirban/arc/ ಎಂಬಲ್ಲಿರುವ demo1 ಎಂಬ ಫೈಲ್ ಅನ್ನು /home/anirban ನಲ್ಲಿ demo2 ಎಂಬ ಹೆಸರಿನಲ್ಲಿ ಕಾಪಿ ಮಾಡುತ್ತದೆ.
03:51	ಅಲ್ಲಿ demo2 ಇದೆಯೋ ಇಲ್ಲವೋ ಎಂದು ನೋಡಲು "ls space /home/anirban" ಎಂದು ಟೈಪ್ ಮಾಡಿ enter ಒತ್ತಿ.
04:13	ಈಗ ಸ್ಕ್ರೋಲ್ ಅಪ್ ಮಾಡುವುದರಿಂದ demo2 ಎಂಬುದನ್ನು ನೋಡಬಹುದು.
04:19	ಮುಂದೆ ಹೋಗುವ ಮೊದಲು ಸ್ಕ್ರೀನ್ ಅನ್ನು ಕ್ಲಿಯರ್ ಮಾಡೋಣ.
04:25	ನೀವು, ಡೆಸ್ಟಿನೇಶನ್ ಡೈರಕ್ಟರಿಯಲ್ಲಿ ಕಾಪಿ ಯಾಗುವ ಫೈಲ್ ನ ಹೆಸರು ಮೂಲ ಫೈಲ್ ನ ಹೆಸರೇ ಇರಬೇಕೆಂದು ಬಯಸಿದಲ್ಲಿ ನೀವು ಆದೇಶದಲ್ಲಿ ಫೈಲ್ ನ ಹೆಸರನ್ನು ಸೂಚಿಸುವ ಅಗತ್ಯವಿಲ್ಲ. ಉದಾಹರಣೆಗೆ -
04:35	"$ cp /home/anirban/arc/demo1 /home/anirban/" ಎಂದು ಟೈಪ್ ಮಾಡಿ enter ಒತ್ತಿ.
05:03	ಈ ಆದೇಶವು /home/anirban/arc/ ಎಂಬಲ್ಲಿರುವ demo1 ಎಂಬ ಫೈಲ್ ನ ಕಾಪಿ ಯನ್ನು /home/anirban ಎಂಬಲ್ಲಿ demo1 ಎಂಬ ಹೆಸರಿನಲ್ಲೇ ಮಾಡುತ್ತದೆ.
05:20	ಮೊದಲಿನಂತೆ, demo1 ಎಂಬ ಫೈಲ್ ಅನ್ನು ನೋಡಲು "ls/home/anirban" ಎಂದು ಟೈಪ್ ಮಾಡಿ enter ಒತ್ತಿ.
05:33	ಇಲ್ಲಿ ಮತ್ತೆ demo1 ಎಂಬ ಫೈಲ್ ನೋಡಲು ಸ್ಕ್ರೋಲ್ ಅಪ್ ಮಾಡಿ.
05:40	ಹಾಗೂ ಮತ್ತೆ ಮುಂದೆ ಹೋಗುವ ಮೊದಲು ಸ್ಕ್ರೀನ್ ಅನ್ನು ಕ್ಲಿಯರ್ ಮಾಡೋಣ.
05:48	ನಾವು ಅನೇಕ ಫೈಲ್ ಗಳನ್ನು ಕಾಪಿ ಮಾಡಬೇಕೆಂದಿದ್ದಾಗಲೂ ಕೂಡಾ ಡೆಸ್ಟಿನೇಶನ್ ಫೈಲ್ ನ ಹೆಸರನ್ನು ಕೊಡುವ ಅಗತ್ಯವಿಲ್ಲ.
05:56	ನಾವು ನಮ್ಮ ಹೋಮ್ ಡೈರಕ್ಟರಿಯಲ್ಲಿ test1 , test2, test3 ಎಂಬ ಮೂರು ಫೈಲ್ ಗಳನ್ನು ಹೊಂದಿದ್ದೇವೆ.
06:04	ಈಗ ನಾವು "$ cp test1 test2 test3 /home/anirban/testdir" ಎಂದು ಟೈಪ್ ಮಾಡಿ enter ಒತ್ತಿ.
06:27	ಈ0 ಆದೇಶವು test1, test2, test3 ಎಂಬ ಮೂರು ಫೈಲ್ ಗಳನ್ನು /home/anirban/testdir ಎಂಬಲ್ಲಿ ಹೆಸರಿನ ಬದಲಾವಣೆ ಇಲ್ಲದೇ ಕಾಪಿ ಮಾಡುತ್ತದೆ.
06:41	ನಿಜವಾಗಲೂ ಈ ಫೈಲ್ ಗಳು ಕಾಪಿಯಾಗಿವೆಯೇ ಎಂದು ನೋಡಲು "ls /home/anirban/testdir " ಎಂದು ಟೈಪ್ ಮಾಡಿ enter ಒತ್ತಿ.
07:03	ಈ ಡೈರಕ್ಟರಿಯಲ್ಲಿ test1, test2, test3 ಎಂಬ ಫೈಲ್ ಗಳಿವೆ ಎಂದು ನೋಡುತ್ತೀರಿ.
07:10	cp ಎಂಬುದರ ಜೊತೆ ಕೆಲಸ ಮಾಡುವ ಅನೇಕ ಆಪ್ಶನ್ ಗಳಿದ್ದಾವೆ. ಅವುಗಳಲ್ಲಿ ಕೆಲವನ್ನು ಇಲ್ಲಿ ನೋಡೋಣ.
07:18	ಮೊದಲಿಗೆ, ಸ್ಲೈಡ್ ಗೆ ಹಿಂತಿರುಗೋಣ.
07:23	ಎಲ್ಲಾ ಆಪ್ಶನ್ ಗಳಲ್ಲಿ -R ಎಂಬುದು ಮಹತ್ವಪೂರ್ಣವಾದ ಆಪ್ಶನ್ ಆಗಿದೆ. ಇದು ಸಂಪೂರ್ಣ ಡೈರಕ್ಟರಿ ರಚನೆಯನ್ನು ಪುನಃ ಪುನಃ ಕಾಪಿ ಮಾಡುವಲ್ಲಿ ಸಹಾಯ ಮಾಡುತ್ತದೆ.
07:33	ಉದಾಹರಣೆಯನ್ನು ನೋಡೋಣ.
07:38	ಈಗ ನಾವು testdir ಎಂಬ ಡೈರಕ್ಟರಿಯ ಎಲ್ಲಾ ಕಂಟೆಂಟ್ ಗಳನ್ನು test ಎಂಬ ಡೈರಕ್ಟರಿಗೆ ಕಾಪಿ ಮಾಡೋಣ.
07:48	ಹೀಗೆ ಮಾಡಲು, "cp testdir/ test" ಎಂದು ಟೈಪ್ ಮಾಡಿ enter ಒತ್ತಿ.
08:02	ನಮಗೆ ಔಟ್ಪುಟ್ ಮೆಸೆಜ್ ನಿಂದ ತಿಳಿಯುವುದೇನೆಂದರೆ,
08:06	ಕೇವಲ cp ಕಮಾಂಡ್ ನಿಂದ ಕಂಟೆಂಟ್ ಇರುವ ಡೈರಕ್ಟರಿಯನ್ನು ನೇರವಾಗಿ ಕಾಪಿ ಮಾಡಲು ಸಾಧ್ಯವಾಗುವುದಿಲ್ಲ.
08:14	ಆದರೆ -R ಎಂಬ ಆಪ್ಶನ್ ನ ಸಹಾಯದಿಂದ ನಾವಿದನ್ನು ಸಾಧಿಸಬಹುದು.
08:19	ಈಗ ನಾವು "cp -R testdir/ test " ಎಂದು ಟೈಪ್ ಮಾಡಿ enter ಒತ್ತಿ.
08:36	ಆ ಫೈಲ್ ಗಳೀಗ ಕಾಪಿಯಾಗಿದೆ. test ಎಂಬ ಡೈರಕ್ಟರಿಯು ನಿಜವಾಗಿಯೂ ಇದೆಯೇ ಎಂದು ಪರೀಕ್ಷಿಸಲು ls ಎಂದು ಟೈಪ್ ಮಾಡಿ enter ಒತ್ತಿ.
08:47	ನೀವು test ಡೈರಕ್ಟರಿ ಇದೆಯೆಂದು ನೋಡಬಹುದು. ಸ್ಕ್ರೀನ್ ಅನ್ನು ಕ್ಲೀನ್ ಮಾಡೋಣ.
08:57	test ನಲ್ಲಿ ಇರುವ ಕಂಟೆಂಟ್ ಗಳನ್ನು ನೋಡಲು, ls test ಎಂದು ಟೈಪ್ ಮಾಡಿ enter ಒತ್ತಿ.
09:08	test ಡೈರಕ್ಟರಿಯ ಕಂಟೆಂಟ್ ಗಳನ್ನು ನೋಡಬಹುದು.
09:13	ಈಗ ಸ್ಲೈಡ್ ಗೆ ಹಿಂತಿರುಗೋಣ.
09:16	ಎಲ್ಲಿಯಾದರೂ ನಾವು ಒಂದು ಕಡೆಯಿಂದ ಇನ್ನೊಂದು ಕಡೆಗೆ ಒಂದು ಫೈಲ್ ಅನ್ನು ಕಾಪಿ ಮಾಡುವಾಗ ಆ ಫೈಲ್ ಈ ಮೊದಲೇ ಅಲ್ಲಿ ಇದ್ದಲ್ಲಿ ಕಾಪಿ ಮಾಡುವ ಫೈಲ್ ಓವರ್ ರೈಟ್ ಆಗುತ್ತದೆಯೆಂದು ನಾವು ತಿಳಿದಿರುತ್ತೇವೆ.
09:25	ಹೀಗಿರುವಾಗ ಪ್ರಮಾದವಶದಿಂದ ಒಂದು ಮಹತ್ವಪೂರ್ಣವಾದ ಫೈಲ್ ಓವರ್ ರೈಟ್ ಆದಲ್ಲಿ ಏನು ಮಾಡುವುದು?
09:30	ಹೀಗಾಗಬಾರದೆಂದೇ ನಮ್ಮಲ್ಲಿ -b ಎಂಬ ಒಪ್ಶನ್ ಇದೆ.
09:36	ಇದು ಪ್ರತಿಯೊಂದು ಡೆಸ್ಟಿನೇಶನ್ ಡೈರಕ್ಟರಿಯ ಬ್ಯಾಕ್ಅಪ್ ಅನ್ನು ರಚಿಸುತ್ತದೆ.
09:41	ನಾವು -i ಎಂಬ ಇಂಟರಕ್ಟೀವ್ ಆಪ್ಶನ್ ಅನ್ನು ಕೂಡಾ ಬಳಸಬಹುದು. ಇದು ಪ್ರತಿ ಬಾರಿ ಓವರ್ ರೈಟ್ ಮಾಡುವಾಗಲೂ ಸೂಚಿಸುತ್ತದೆ.
09:54	ಈಗ mv ಎಂಬ ಆದೇಶವು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂದು ನೊಡೋಣ.
09:59	ಇದನ್ನು ಫೈಲ ಗಳ ಸ್ಥಾನಾಂತರಣೆಗೆ ಬಳಸಲಾಗುತ್ತದೆ. ಈಗ ಇದನ್ನು ಹೇಗೆ ಉಪಯೋಗಿಸುವುದೆಂದು ನೋಡೋಣ.
10:04	ಇದರ ಎರಡು ಮುಖ್ಯ ಉಪಯೋಗಗಳಿವೆ.
10:07	ಇದು ಫೈಲ್ ನ ಅಥವಾ ಡೈರಕ್ಟರಿಯ ಹೆಸರನ್ನು ಮರುಹೆಸರಿಸುತ್ತದೆ.
10:11	ಹಾಗೆಯೇ ಇದು ಫೈಲ್ ಗಲ ಗುಂಪನ್ನು ಬೇರೆ ಬೇರೆ ಡೈರಕ್ಟರಿಗಳಿಗೆ ಸ್ಥಾನಾಂತರಿಸುತ್ತದೆ.
10:17	mv ಎಂಬುದು ನಾವು ಈ ಮೊದಲು ನೋಡಿದ cp ಗೆ ಸಮನಾಗಿದೆ. ಹಾಗಾದರೆ, ನಾವೀಗ mv ಎಂಬುದು ಹೇಗೆ ಕೆಲಸ ಮಾಡುತ್ತದೆಯೆಂದು ನೋಡೋಣ.
10:29	ನಾವು ಟರ್ಮಿನಲ್ ತೆರೆಯೋಣ. ಅಲ್ಲಿ "$ mv test1 test2" ಎಂದು ಟೈಪ್ ಮಾಡಿ enter ಒತ್ತಿ.
10:43	ಇದು ಹೋಮ್ ಡೈರಕ್ಟರಿಯಲ್ಲಿ ಇರುವ test1 ಎಂಬ ಹೆಸರಿನ ಫೈಲ್ ಅನ್ನು test2 ಎಂದು ಮರುಹೆಸರಿಸುತ್ತದೆ.
10:52	ಎಲ್ಲಿಯಾದರೂ test2 ಎಂಬ ಹೆಸರಿನ ಫೈಲ್ ಈ ಮೊದಲೇ ಇದ್ದಲ್ಲಿ ಅದು ಓವರ್ ರೈಟ್ ಆಗುತ್ತದೆ.
11:00	ನಾವು ಓವರ್ ರೈಟ್ ಆಗುವ ಮೊದಲು ಸೂಚನೆಯನ್ನು ಬಯಸಿದಲ್ಲಿ
11:05	ನಾವು mv ಎಂಬ ಆದೇಶದೊಂದಿಗೆ -i ಎಂಬ ವಿಕಲ್ಪವನ್ನು ಬಳಸಬೇಕು.
11:10	ಈಗ, ನಮ್ಮ ಬಳಿ anirban ಹೆಸರಿನ ಫೈಲ್ ಇದೆ. ಅದನ್ನೂ test2 ಎಂದು ಮರುಹೆಸರಿಸಬೇಕೆಂದುಕೊಳ್ಳೋಣ.
11:20	ಅದಕ್ಕಾಗಿ, 'mv -i anirban test2 " ಎಂದು ಟೈಪ್ ಮಾಡಿ enter ಒತ್ತಿ.
11:32	ನೀವು ನೋಡುತ್ತಿರುವಂತೆಯೇ ಅದು ಓವರ್ ರೈಟ್ ಮಾಡುವ ಮೊದಲು test2 ಎಂದು ಓವರ್ ರೈಟ್ ಮಾಡಬೇಕೇ ಬೇಡವೇ ಎಂದು ಕೇಳುತ್ತಿದೆ.
11:41	ನಾವು y ಟೈಪ್ ಮಾಡಿ enter ಒತ್ತಿದಲ್ಲಿ ಫೈಲ್ ಓವರ್ ರೈಟ್ ಆದೀತು.
11:49	ನಾವು cp ನಂತೆಯೇ mv ಯನ್ನು ಕೂಡಾ ಅನೇಕ ಫೈಲ್ ಗಳ ಜೊತೆ ಉಪಯೋಗಿಸಬಹುದು, ಆದರೆ ಹಾಗೆ ಉಪಯೋಗಿಸುವಾಗ ಡೆಸ್ಟಿನೇಶನ್ ಡೈರಕ್ಟರಿಯು ಒಂದೇ ಆಗಿರಬೇಕು.
11:58	ಮುಂದೆ ಹೋಗುವ ಮೊದಲು ಸ್ಕ್ರೀನ್ ಅನ್ನು ಕ್ಲಿಯರ್ ಮಾಡೋಣ.
12:03	ಈಗ ನಮ್ಮ ಹೋಮ್ ಡೈರಕ್ಟರಿಯಲ್ಲಿ abc.txt, pop.txt ಮತ್ತು push.txt ಎಂಬ ಮೂರು ಫೈಲ್ ಗಳಿವೆ ಎಂದುಕೊಳ್ಳೋಣ.
12:14	ಅದು ಇದೆಯೋ ಅಥವಾ ಇಲ್ಲವೋ ಎಂದು ಪರೀಕ್ಷಿಸಲು ls ಎಂದು ಟೈಪ್ ಮಾಡಿ enter ಒತ್ತಿ.
12:21	ನೋಡಿ, pop.txt, push.txt ಮತ್ತು abc.txt ಎಂಬ ಫೈಲ್ ಗಳು ಇವೆ. ಸ್ಕ್ರೀನ್ ಕ್ಲಿಯರ್ ಮಾಡಿ.
12:36	ಈಗ ನಾವು ಈ ಮೂರು ಫೈಲ್ ಗಳನ್ನು testdir ಎಂಬ ಡೈರಕ್ಟರಿಗೆ ಸ್ಥಾನಾಂತರಿಸೋಣ.
12:46	ಅದಕ್ಕಾಗಿ ನಾವು mv abc.txt pop.txt push.txt ಎಂದು ಟೈಪ್ ಮಾಡಿ ಹಾಗೂ ಡೆಸ್ಟಿನೇಶನ್ ಡೈರಕ್ಟರಿಯ ಹೆಸರನ್ನು ಟೈಪ್ ಮಾಡಿ, ಅದು testdir, ಮತ್ತು enter ಒತ್ತಿ.
13:14	ಆ ಮೂರನ್ನು ನೋಡಲು ls testdir ಎಂದು ಟೈಪ್ ಮಾಡಿ enter ಒತ್ತಿ.
13:20	ನೀವು abc, pop ಮತ್ತು push.txt ಎಂಬ ಫೈಲ್ ಗಳನ್ನು ನೋಡಬಹುದು.
13:27	ಈಗ, mv ಜೊತೆಗಿನ ಕೆಲವು ಆಪ್ಶನ್ ಗಳನ್ನು ನೋಡೋಣ. ಮೊದಲು ಸ್ಲೈಡ್ ಗೆ ಹೋಗೋಣ.
13:37	mv ಎಂಬ ಆದೇಶದೊಂದಿಗೆ -b ಅಥವಾ –backup ಎಂಬ ಆಪ್ಶನ್ ಇದೆ. ಇದು ಡೆಸ್ಟಿನೇಶನ್ ಡೈರಕ್ಟರಿಯಲ್ಲಿ ಫೈಲ್ ಗಳು ಓವರ್ ರೈಟ್ ಆಗುವ ಮೊದಲು ಅವುಗಳ ಬ್ಯಾಕ್ಅಪ್ ಅನ್ನು ಇರಿಸುತ್ತದೆ.
13:48	ಇನ್ನೊಂದು -i ಆಪ್ಶನ್, ಇದು ನಾವು ಈ ಮೊದಲೇ ನೋಡಿದಂತೆ ಫೈಲ್ ಓವರ್ ರೈಟ್ ಮಾಡುವ ಮೊದಲು ಸೂಚಿಸುತ್ತದೆ.
13:58	ನಾವೀಗ rm ಎಂಬ ಆದೇಶದ ಬಗ್ಗೆ ನೋಡೊಣ. ಇದನ್ನು ಫೈಲ್ ಗಳನ್ನು ಡಿಲಿಟ್ ಮಾಡಲು ಉಪಯೋಗಿಸುತ್ತಾರೆ.
14:06	ಟರ್ಮಿನಲ್ ಗೆ ಹೋಗಿ ls testdir ಎಂದು ಟೈಪ್ ಮಾಡಿ.
14:15	ನಾವು faq.txt ಎಂಬ ಫೈಲ್ ಅನ್ನು ನೋಡಬಹುದು. ನಮಗೆ ಅದು ಡಿಲಿಟ್ ಆಗಬೇಕಾಗಿದೆ.
14:23	ಅದಕ್ಕಾಗಿ "$ rm testdir/faq.txt " ಎಂದು ಟೈಪ್ ಮಾಡಿ enter ಒತ್ತಿ.
14:37	ಈ ಆದೇಶವು /testdir ಡೈರಕ್ಟರಿಯಿಂದ faq.txt ಎಂಬ ಫೈಲ್ ಡಿಲಿಟ್ ಮಾಡುತ್ತದೆ.
14:46	ಆ ಫೈಲ್ ನಿಜವಾಗಿಯೂ ಡಿಲಿಟ್ ಆಯಿತೇ ಅಲ್ಲವೇ ಎಂದು ನೋಡಲು ಪುನಃ ls testdir ಎಂದು ಟೈಪ್ ಮಾಡಿ enter ಒತ್ತಿ.
15:00	ನೋಡಿ, faq.txt ಎಂಬ ಫೈಲ್ ಡಿಲಿಟ್ ಆಗಿದೆ.
15:05	ನಾವು ಅನೇಕ ಫೈಲ್ ಗಳ ಜೊತೆ ಕೂಡಾ rm ಆದೇಶವನ್ನು ಉಪಯೋಗಿಸಬಹುದು.
15:10	testdir ಎಂಬ ಡೈರಕ್ಟರಿಯಲ್ಲಿ abc2 ಮತ್ತು abc1 ಎಂಬ ಎರಡು ಫೈಲ್ ಗಳಿವೆ.
15:17	ನಾವು abc2 ಮತ್ತು abc1 ಫೈಲ್ ಗಳನ್ನು ಡಿಲಿಟ್ ಮಾಡಲಿಚ್ಛುಸುತ್ತೇವೆ ಎಂದುಕೊಳ್ಳೋಣ.
15:23	ಅದಕ್ಕಾಗಿ rm testdir/abc1 testdir/abc2 ಎಂದು ಟೈಪ್ ಮಾಡಿ enter ಒತ್ತಿ.
15:45	ಇದರಿಂದಾಗಿ abc2 ಮತ್ತು abc1 ಎಂಬ ಫೈಲ್ ಗಳು testdir ಡೈರಕ್ಟರಿಯಿಂದ ಡಿಲಿಟ್ ಆಗುತ್ತವೆ.
15:53	ಅವೆರಡೂ ಡಿಲಿಟ್ ಆಗಿವೆಯೇ ಎಂದು ಪರೀಕ್ಷಿಸಲು ಪುನಃ ls testdir ಎಂದು ಟೈಪ್ ಮಾಡಿ, abc2 ಮತ್ತು abc1 ಫೈಲ್ ಗಳು ಕಾಣಿಸುವುದಿಲ್ಲ.
16:07	ಮುಂದೆ ಹೋಗುವ ಮೊದಲು ಸ್ಕ್ರೀನ್ ಅನ್ನು ಕ್ಲಿಯರ್ ಮಾಡೋಣ.
16:14	ಈಗ ಸ್ಲೈಡ್ ಗೆ ಹೋಗೋಣ.
16:18	ನಾವು ಈಗ ಹೇಳಿದ್ದನ್ನು ಸಂಕ್ಷಿಪ್ತವಾಗಿ ನೋಡೋಣ.
16:20	ಒಂದು ಫೈಲ್ ಅನ್ನು ಡಿಲಿಟ್ ಮಾಡಲು rm ಎಂದು ಟೈಪ್ ಮಾಡಿ ನಂತರ ಫೈಲ್ ನ ಹೆಸರನ್ನು ಬರೆಯಬೇಕು.
16:27	ಅನೇಕ ಫೈಲ್ಗಳನ್ನು ಡಿಲಿಟ್ ಮಾಡಲು rm ಎಂದು ಟೈಪ್ ಮಾಡಿ ನಂತರ ಆ ಫೈಲ್ ಗಳ ಹೆಸರನ್ನು ಟೈಪ್ ಮಾಡಬೇಕು.
16:34	ಈಗ್ rm ಆದೇಶದ ಕೆಲವು ಆಪ್ಶನ್ ಗಳನ್ನು ನೋಡೋಣ.
16:40	ಕೆಲವು ಬಾರಿ ಕೆಲವು ಫೈಲ್ ಗಳು ರೈಟ್ ಪ್ರೊಟೆಕ್ಟೆಡ್ ಆಗಿರುತ್ತವೆ. ಅಂತಹ ಫೈಲ್ ಗಳನ್ನು rm ಆದೇಶದ ಮೂಲಕ ಡಿಲಿಟ್ ಮಾಡಲು ಸಾಧ್ಯವಾಗುವುದಿಲ್ಲ. ಈ ಸಂದರ್ಭದಲ್ಲಿ ನಾವು -f ಆಪ್ಶನ್ ಅನ್ನು ಉಪಯೋಗಿಸಬಹುದು. ಇದು ಫೈಲ್ ಗಳನ್ನು ಫೋರ್ಸ್ ಡಿಲಿಟ್ ಮಾಡುತ್ತದೆ.
16:57	ಇನ್ನೊಂದು ಸಾಮನ್ಯವಾದ ಆಪ್ಶನ್ ಎಂದರೆ -r ಆಪ್ಶನ್. ಇದನ್ನು ಎಲ್ಲಿ ಉಪಯೋಗಿಸುತ್ತಾರೆಂದು ನೋಡೋಣ.
17:07	ಟರ್ಮಿನಲ್ ಗೆ ಹೋಗೋಣ.
17:12	ಡೈರಕ್ಟರಿಗಳನ್ನು ಡಿಲಿಟ್ ಮಾಡಲು rm ಆದೇಶವನ್ನು ಸಾಮಾನ್ಯವಾಗಿ ಉಪಯೋಗಿಸುವುದಿಲ್ಲ, ಅವನ್ನು ಡಿಲಿಟ್ ಮಾಡಲು rmdir ಎಂಬ ಆದೇಶವನ್ನು ಉಪಯೋಗಿಸುತ್ತೇವೆ.
17:21	ಆದರೆ rmdir ಎಂಬ ಆದೇಶವು ಕೇವಲ ಖಾಲಿ ಡೈರಕ್ಟರಿಯನ್ನು ಡಿಲಿಟ್ ಮಾಡುತ್ತದೆ.
17:27	ಹಾಗಾದರೆ, ಫೈಲ್ ಗಳಿಂದ ಉಪ ಡೈರಕ್ಟರಿಗಳಿಂದ ತುಂಬಿರುವ ಡೈರಕ್ಟರಿಯನ್ನು ಹೇಗೆ ಡಿಲಿಟ್ ಮಾಡುವುದು?
17:35	ಅವನ್ನು ಡಿಲಿಟ್ ಮಾಡಲು rm ಆದೇಶವನ್ನು ಪ್ರಯತ್ನಿಸೋಣ.
17:38	ಈಗ rm ಎಂದು ಟೈಪ್ ಮಾಡಿ ನಂತರ testdir ಎಂದು ಡಿಲಿಟ್ ಮಾಡಬೇಕಾದ ಡೈರಕ್ಟರಿಯ ಹೆಸರನ್ನು ಟೈಪ್ ಮಾಡಿ enter ಒತ್ತಿ.
17:47	ಆಗ ಔಟ್ ಪುಟ್ ಮೆಸೆಜ್ ಮೂಲಕ ತಿಳಿಯುವುದೇನೆಂದರೆ, rm ಎಂಬ ಆದೇಶದಿಂದ ನಾವು testdir ಎಂಬ ಡೈರಕ್ಟರಿಯನ್ನು ಡಿಲಿಟ್ ಮಾಡಲು ಸಾಧ್ಯವಿಲ್ಲವೆಂದು.
17:55	ಆದರೆ, ನಾವು -r ಮತ್ತು -f ಎಂಬ ಆಪ್ಶನ್ ಗಳನ್ನು ಸೇರಿಸಿ ಉಪಯೋಗಿಸಿದಲ್ಲಿ ಇದು ಸಾಧ್ಯವಾಗುತ್ತದೆ.
18:03	rm -rf testdir ಎಂದು ಟೈಪ್ ಮಾಡಿ enter ಒತ್ತಿ.
18:16	ಈಗ testdir ಎಂಬ ಡೈರಕ್ಟರಿಯು ಸಫಲವಾಗಿ ಡಿಲಿಟ್ ಆಗಿದೆ.
18:22	ಈಗ ನಾವು ಮುಂದಿನ ಆದೇಶದ ಬಗ್ಗೆ ಕಲಿಯಲು ಸ್ಲೈಡ್ ಗೆ ಹಿಂತಿರುಗೋಣ.
18:27	cmp ಎಂಬುದೊಂದು ಆದೇಶ.
18:29	ಕೆಲವೊಮ್ಮೆ ನಾವು ಫೈಲ್ಗಳೆರಡು ಸಮಾನವೇ ಎಂದು ಪರೀಕ್ಷಿಸಬಯಸಬಹುದು. ಸಮನಾಗಿದ್ದಲ್ಲಿ ಒಂದನ್ನು ಡಿಲಿಟ್ ಮಾಡಬಹುದಲ್ಲವೇ.
18:37	ಹಾಗೂ ಫೈಲ್ ಮುಂಚಿನ ಸಂಸ್ಕರಣಕ್ಕಿಂತ ಬದಲಾಗಿದೆಯೇ ಎಂದು ಪರೀಕ್ಷಿಸಲಿಚ್ಛಿಸಬಹುದು.
18:44	ಅದಕ್ಕಾಗಿ ಹಾಗೂ ಇನ್ನೂ ಹೆಚ್ಚಿನ ಉಪಯೋಗಕ್ಕಾಗಿ ನಾವು cmp ಆದೇಶವನ್ನು ಉಪಯೋಗಿಸಬಹುದು.
18:49	ಇದು ಎರಡು ಫೈಲ್ ಗಳನ್ನು ಇಂಚಿಂಚಾಗಿ ಹೋಲಿಸುತ್ತದೆ.
18:54	file1 ಮತ್ತು file2 ಎಂಬ ಎರಡು ಫೈಲ್ ಗಳನ್ನು ಪರಸ್ಪರ ಹೋಲಿಸಲು cmp file1 file2 ಎಂದು ಟೈಪ್ ಮಾಡಿ.
19:03	ಎರಡು ಫೈಲ್ ಗಳ ಕಂಟೆಂಟ್ ಗಳಿ ಸಮನಾಗಿದ್ದಲ್ಲಿ ಯಾವ ಮೆಸೆಜ್ ಕೂಡಾ ತೋರಿಸುವುದಿಲ್ಲ.
19:11	ಕೇವಲ ಪ್ರಾಂಪ್ಟ್ ತೋರುತ್ತದೆ.
19:14	ಎರಡು ಫೈಲ್ ಗಳ ಕಂಟೆಂಟ್ ಗಳಲ್ಲಿ ವ್ಯತ್ಯಾಸವಿದ್ದರೆ ಪ್ರಾಂಪ್ಟ್ ನಲ್ಲಿ ವ್ಯತ್ಯಾಸವಿರುವ ಸ್ಥಾನವು ತೋರುತ್ತದೆ.
19:25	ಈಗ cmp ಎಂಬುದು ಹೇಗೆ ಕೆಲಸ ಮಾಡುತ್ತದೆಯೆಂದು ನೋಡೋಣ. ನಾವು ಹೋಮ್ ಡೈರಕ್ಟರಿಯಲ್ಲಿ sample1 ಮತ್ತು sample2 ಎಂಬ ಎರಡು ಫೈಲ್ ಗಳನ್ನು ಹೊಂದಿದ್ದೇವೆ.
19:35	ಅವುಗಳಲ್ಲಿ ಏನಿವೆ ಎಂದು ನೋಡೋಣ.
19:38	cat sample1, ಎಂದು ಟೈಪ್ ಮಾಡಿ enter ಒತ್ತಿ. ಈ ಫೈಲ್ ನಲ್ಲಿ “This is a Linux file to test the cmp command” ಎಂದು ಬರೆದಿದೆ.
19:50	ಬೇರೊಂದು ಫೈಲ್ ಆದ sample2 ನಲ್ಲೂ ಕೂಡಾ ಏನಾದರೂ ಬರೆದಿರಬೇಕಲ್ಲವೇ, ಅದನ್ನು ನೋದಲು cat sample2 ಎಂದು ಟೈಪ್ ಮಾಡಿ enter ಒತ್ತಿ.
20:00	ಈ ಫೈಲ್ ನಲ್ಲಿ “This is a Unix file to test the cmp command.” ಎಂದು ಬರೆದಿದೆ.
20:06	ನಾವೀಗ ಇವೆರಡಕ್ಕೆ cmp ಆದೇಶವನ್ನು ಕೊಡೋಣ.
20:11	cmp sample1 sample2 ಎಂದು ಟೈಪ್ ಮಾಡಿ enter ಒತ್ತಿ.
20:23	ನಾವಿಲ್ಲಿ sample1 ಮತ್ತು sample2 ನಡುವಿನ ಮೊದಲ ವ್ಯತ್ಯಾಸವನ್ನು ನೋಡಬಹುದು.
20:32	ಮುಂದಿನ ಆದೇಶದ ಬಗ್ಗೆ ತಿಳಿಯುವ ಮೊದಲು ಸ್ಕ್ರೀನ್ ಅನ್ನು ಕ್ಲಿಯರ್ ಮಾಡೋಣ.
20:38	ಮುಂದಿನದು wc ಆದೇಶ.
20:43	ಈ ಆದೇಶವನ್ನು ಫೈಲ್ ನಲ್ಲಿ ಎಷ್ಟು ಅಕ್ಷರಗಳಿವೆ, ಎಷ್ಟು ಶಬ್ದಗಳಿವೆ ಹಾಗೂ ಎಷ್ಟು ಲೈನ್ ಗಳಿವೆ ಎಂದು ಲೆಕ್ಕಮಾಡಲು ಉಪಯೋಗಿಸುತ್ತಾರೆ.
20:50	ನಮ್ಮ ಹೋಮ್ ಡೈರಕ್ಟರಿಯಲ್ಲಿ sample3 ಎಂಬ ಫೈಲ್ ಇದೆ.
20:56	ಅದರ ಕಂಟೆಂಟ್ ಗಳನ್ನು ತಿಳಿಯೋಣ. cat sample3 ಎಂದು ಟೈಪ್ ಮಾಡಿ enter ಒತ್ತಿ.
21:05	ಇದು sample3 ಯ ಕಂಟೆಂಟ್ ಆಗಿದೆ.
21:10	ಈಗ ಈ ಫೈಲ್ ನ ಜೊತೆ wc ಆದೇಶವನ್ನು ಉಪಯೋಗಿಸೋಣ.
21:14	ಅದಕ್ಕಾಗಿ wc sample3 ಎಂದು ಟೈಪ್ ಮಾಡಿ enter ಒತ್ತಿ.
21:25	ಈ ಆದೇಶವು ಫೈಲ್ ಎಂಬುದು 6 ಲೈನ್ ಗಳನ್ನು, 67 ಶಬ್ದಗಳನ್ನು ಹಾಗೂ 385 ಅಕ್ಷರಗಲನ್ನು ಹೊಂದಿದೆ ಎಂದು ಸೂಚಿಸುತ್ತದೆ.
21:38	ಕೆಲವು ಆದೇಶಗಳು ಫೈಲ್ ಗಳೊಂದಿಗೆ ಕೆಲಸ ಮಾಡಲು ಸಹಾಯ ಮಾಡುತ್ತವೆ.
21:43	ಇನ್ನೂ ಬಹಳ ಆದೇಶಗಳಿವೆ. ಹೆಚ್ಚಾಗಿ ಪ್ರತಿ ಆದೇಶಗಳೂ ಹಲವು ಆಪ್ಶನ್ ಗಳನ್ನು ಹೊಂದಿವೆ.
21:51	ನಾನು ನಿಮಗೆ ಪ್ರೇರೇಪಿಸುವುದೇನೆಂದರೆ ನೀವು man ಆದೇಶವನ್ನು ಉಪಯೋಗಿಸಿ ಅವುಗಳ ಬಗ್ಗೆ ಹೆಚ್ಚು ತಿಳಿಯಿರಿ.
22:00	ಇಲ್ಲಿಗೀ ಪಾಠವು ಮುಗಿಯಿತು.
22:04	ಸ್ಪೋಕನ್ ಟ್ಯುಟೋರಿಯಲ್ ಎಂಬುದು Talk to a Teacher ಎಂಬ ಪರಿಯೋಜನೆಯ ಭಾಗವಾಗಿದೆ. ಈ ಪ್ರಕಲ್ಪವನ್ನು ರಾಷ್ಟ್ರಿಯ ಸಾಕ್ಷರತಾ ಮಿಷನ್ ICT, MHRD ಭಾರತ ಸರ್ಕಾರ ಎಂಬ ಸಂಸ್ಥೆಯು ಸಮರ್ಥಿಸಿದೆ.
22:17	ಹೆಚ್ಚಿನ ಮಾಹಿತಿಗಾಗಿ spoken hyphen tutorial dot org slash NMEICT hyphen Intro ಇಲ್ಲಿ ನೋಡಿ.
22:34	ಈ ಪಾಠದ ಅನುವಾದಕ ಮತ್ತು ಪ್ರವಾಚಕ ಐ.ಐ.ಟಿ. ಬಾಂಬೆಯಿಂದ ವಾಸುದೇವ. ಧನ್ಯವಾದಗಳು.

Contributors and Content Editors

PoojaMoolya, Vasudeva ahitanal