Java/C3/Static-Variables/Kannada

Time	Narration
00:01	ಸ್ಟಾಟಿಕ್ ವೇರಿಯೇಬಲ್ ಗಳ ಕುರಿತ ಸ್ಪೋಕನ್ ಟ್ಯುಟೋರಿಯಲ್ ಗೆ ಸ್ವಾಗತ.
00:05	ಈ ಟ್ಯುಟೋರಿಯಲ್ ನಲ್ಲಿ ನಾವು ಸ್ಟಾಟಿಕ್ ವೇರಿಯೇಬಲ್ ಗಳು ಎಂದರೇನು,
00:10	ಸ್ಟಾಟಿಕ್ ವೇರಿಯೇಬಲ್ ಗಳ ರಚನೆ ಮತ್ತು ಸ್ಟಾಟಿಕ್ ವೇರಿಯೇಬಲ್ ಗಳನ್ನು ಬಳಸುವ ಕುರಿತು ಕಲಿಯಲಿದ್ದೇವೆ
00:17	ಈ ಟ್ಯುಟೋರಿಯಲ್ ಗಾಗಿ ನಾನು: ಉಬಂಟು 12.04 ಜೆ.ಡಿ.ಕೆ 1.7 ಮತ್ತು ಎಕ್ಲಿಪ್ಸ್ 4.3.1 ಬಳಸಲಿದ್ದೇನೆ
00:27	ಈ ಟ್ಯುಟೋರಿಯಲ್ ಅನುಸರಿಸಲು ನೀವು ಜಾವಾ ಮತ್ತು ಎಕ್ಲಿಪ್ಸ್ ಐ.ಡಿ.ಇ ಯ ಮೂಲಭೂತ ಜ್ಞಾನವನ್ನು ಹೊಂದಿರಬೇಕು.
00:35	ನೀವು ಕ್ಲಾಸುಗಳು, ಅಬ್ಜೆಕ್ಟ್ ಗಳು ಮತ್ತು ಇನ್ಸ್ಟನ್ಸ್ ವೇರಿಯೇಬಲ್ ಗಳ ಜ್ಞಾನವನ್ನು ಹೊಂದಿರಬೇಕು.
00:42	ಇಲ್ಲದಿದ್ದಲ್ಲಿ, ಸಂಬಂಧಿತ ಜಾವಾ ಟ್ಯುಟೋರಿಯಲ್ ಗಳಿಗಾಗಿ ದಯವಿಟ್ಟು ಇಲ್ಲಿ ತೋರಿಸಿರುವ ಲಿಂಕ್‌ ಗೆ ಭೇಟಿ ನೀಡಿ.
00:49	ಸ್ಟಾಟಿಕ್ ವೇರಿಯೇಬಲ್ ಎನ್ನುವುದು ಇಡೀ ಕ್ಲಾಸ್ ಜೊತೆ ಒಡಗೂಡುವ ವೇರಿಯೇಬಲ್ ಆಗಿದೆ.
00:55	ಇದನ್ನು ಕ್ಲಾಸ್ ವೇರಿಯೇಬಲ್ ಎಂದು ಸಹ ಕರೆಯಲಾಗುತ್ತದೆ.
00:58	ಇದನ್ನು static ಕೀವರ್ಡ್ ಬಳಸಿ ಘೋಷಿಸಲಾಗುತ್ತದೆ.
01:02	ಹಿಂದಿನ ಟ್ಯುಟೋರಿಯಲ್ ನಲ್ಲಿ ನಾವು ಸಂಕ್ಷಿಪ್ತವಾಗಿ ಸ್ಟಾಟಿಕ್ ವೇರಿಯೇಬಲ್ ಕುರಿತು ನೋಡಿದ್ದೇವೆ.
01:08	ಈ ಟ್ಯುಟೋರಿಯಲ್ ನಲ್ಲಿ ನಾವು ಇದನ್ನು ವಿವರವಾಗಿ ಕಲಿಯಲಿದ್ದೇವೆ.
01:11	ನಾವೀಗ ಎಕ್ಲಿಪ್ಸ್ ನತ್ತ ಸಾಗೋಣ ಮತ್ತು StaticVariableDemo ಎಂಬ ಹೊಸ ಪ್ರಾಜೆಕ್ಟ್ ಅನ್ನು ರಚಿಸೋಣ.
01:18	ಈ ಪ್ರಾಜೆಕ್ಟ್ ಒಳಗೆ, ಸ್ಟಾಟಿಕ್ ವೇರಿಯೇಬಲ್ ಗಳ ಬಳಕೆಯನ್ನು ತೋರಿಸಲು ನಾವು ಅಗತ್ಯ ಕ್ಲಾಸುಗಳನ್ನು ರಚಿಸಲಿದ್ದೇವೆ.
01:26	ಇದಕ್ಕಾಗಿ src ಫೋಲ್ಡರ್ ಮೇಲೆ ರೈಟ್ ಕ್ಲಿಕ್ ಮಾಡಿ ಮತ್ತು New > Class ಮೇಲೆ ಕ್ಲಿಕ್ ಮಾಡಿ ಮತ್ತು ಮತ್ತು ಕ್ಲಾಸ್ ನ ಹೆಸರನ್ನು StudentEnroll ಎಂದು ಟೈಪ್ ಮಾಡಿ ಮತ್ತು Enter ಒತ್ತಿ.
01:37	ನಾವೀಗ ಸ್ಟಾಟಿಕ್ ವೇರಿಯೇಬಲ್ ಗಳ ಬಳಕೆಯನ್ನು ಉದಾಹರಣೆಯೊಂದಿಗೆ ತೋರಿಸೋಣ.
01:42	ಸಂಸ್ಥೆಯೊಂದರಲ್ಲಿ ವಿದ್ಯಾರ್ಥಿಗಳ ದಾಖಲಾತಿಯನ್ನು ಪ್ರತಿನಿಧಿಸಲು ರಚಿಸಿರುವ ಕ್ಲಾಸ್ ಒಂದನ್ನು ಪರಿಗಣಿಸಿ.
01:49	ಈ ಕ್ಲಾಸು, ದಾಖಲಾದ ವಿದ್ಯಾರ್ಥಿಗಳ ನೇಮ್, ಐ.ಡಿ, ಬ್ರಾಂಚ್ ಮತ್ತು ಟೋಟಲ್ ಕೌಂಟ್ ಅನ್ನು ಒಳಗೊಂಡಿದೆ.
01:56	ಈಗ, ವಿದ್ಯಾರ್ಥಿಗಳ ದಾಖಲಾತಿಯನ್ನು ಮಾಡಿದಾಗ ಏನಾಗುತ್ತದೆ ಎಂಬುದನ್ನು ಕಲ್ಪಿಸೋಣ.
02:02	ಡಿಫಾಲ್ಟ್ ಆಗಿ ಟೋಟಲ್ ಕೌಂಟ್ ಇಲ್ಲಿ 0 ಆಗಿದೆ. ಮೊದಲ ವಿದ್ಯಾರ್ಥಿಯ ಹೆಸರು ADIL ಆಗಿದೆ.
02:09	ಐ.ಡಿ ಯು IT101 ಮತ್ತು ಬ್ರಾಂಚ್ ಇಲ್ಲಿ IT ಆಗಿದೆ.
02:14	ಈಗ ಟೋಟಲ್ ಕೌಂಟ್ ಅನ್ನು 1 ಆಗಿ ಪರಿಷ್ಕರಿಸಲಾಗಿದೆ.
02:18	ಇದೇ ರೀತಿ ಎರಡನೇ ವಿದ್ಯಾರ್ಥಿ AMAL ದಾಖಲಾದಾಗ, ಟೋಟಲ್ ಕೌಂಟ್ ಅನ್ನು 2 ಆಗಿ ಪರಿಷ್ಕರಣೆಯಾಗುತ್ತದೆ.
02:25	ಮೂರನೇ ವಿದ್ಯಾರ್ಥಿ CAROL ದಾಖಲಾದಾಗ ಟೋಟಲ್ ಕೌಂಟ್ 3 ಆಗಿ ಪರಿಷ್ಕರಣೆಯಾಗುತ್ತದೆ.
02:32	ಎಲ್ಲಾ ಅಬ್ಜೆಕ್ಟ್ ಗಳಿಗೆ ಸಾಮಾನ್ಯವಾಗಿರುವ ವೇರಿಯೇಬಲ್ ಟೋಟಲ್ ಕೌಂಟ್ ಏಕ ಮೌಲ್ಯವನ್ನು ಹೊಂದಿದೆ ಎಂಬುದನ್ನು ನಾವೀಗ ಗುರುತಿಸಬಹುದು.
02:40	ಹೀಗೆ, ವೇರಿಯೇಬಲ್ ಟೋಟಲ್ ಕೌಂಟ್ ಅನ್ನು ಸ್ಟಾಟಿಕ್ ವೇರಿಯೇಬಲ್ ಆಗಿ ಪ್ರತಿನಿಧಿಸಬಹುದು.
02:45	ನೇಮ್, ಐ.ಡಿ, ಮತ್ತು ಬ್ರಾಂಚ್ – ಈ ವೇರಿಯೇಬಲ್ ಗಳು ಪ್ರತಿ ಅಬ್ಜೆಕ್ಟ್ ಗಳಿಗೆ ತನ್ನದೇ ಆದ ನಕಲುಗಳನ್ನು ಹೊಂದಿವೆ ಎಂಬುದನ್ನು ನಾವು ನೋಡಬಹುದು.
02:54	ಹಾಗೂ ಅವು ಪ್ರತಿ ಅಬ್ಜೆಕ್ಟ್ ಗೆ ನಿರ್ದಿಷ್ಟ ಮೌಲ್ಯಗಳನ್ನು ಹೊಂದಿವೆ.
02:59	ಹೀಗೆ, ಈ ವೇರಿಯೇಬಲ್ ಗಳನ್ನು ಇನ್ಸ್ಟೆನ್ಸ್ ವೇರಿಯೇಬಲ್ ಗಳಾಗಿ ಪರಿಗಣಿಸಬಹುದು.
03:04	ಈಗ, ಸ್ಟೂಡೆಂಟ್ ಎನ್ರೋಲ್ ಕ್ಲಾಸ್ ಅನ್ನು ಪ್ರತಿನಿಧಿಸುವ ಕೋಡ್ ಅನ್ನು ನೋಡೋಣ.
03:09	ಇನ್ಸ್ಟೆನ್ಸ್ ವೇರಿಯೇಬಲ್ ಗಳನ್ನು ಐ.ಡಿ, ನೇಮ್ ಮತ್ತು ಬ್ರಾಂಚ್ ಗಳಾಗಿ ಘೋಷಿಸಲಾಗಿದೆ.
03:16	ವೇರಿಯೇಬಲ್ ಕೌಂಟ್ ಅನ್ನು ಸ್ಟಾಟಿಕ್ ಆಗಿ ಘೋಷಿಸಲಾಗಿದೆ, ಏಕೆಂದರೆ ಇದು ಇಡೀ ಕ್ಲಾಸಿಗೆ ಸಾಮಾನ್ಯವಾಗಿದೆ.
03:22	ಕ್ಲಾಸ್ ಅನ್ನು ಲೋಡ್ ಮಾಡಿದಾಗ, ಸ್ಟಾಟಿಕ್ ವೇರಿಯೇಬಲ್, ಬಿಡಿಯಾದ ಸ್ಥಿರ ಮೆಮೊರಿ ಸ್ಥಳವನ್ನು ವ್ಯಾಪಿಸುತ್ತದೆ.
03:28	ಆದರೆ ಪ್ರತಿ ಅಬ್ಜೆಕ್ಟ್ ನ ಇನ್ಸ್ಟೆನ್ಸ್ ವೇರಿಯೇಬಲ್, ಪ್ರತ್ಯೇಕ ಮೆಮೊರಿ ಸ್ಥಳಗಳನ್ನು ವ್ಯಾಪಿಸುತ್ತದೆ.
03:35	ಈಗ Source > ಮೇಲೆ ಕ್ಲಿಕ್ ಮಾಡಿ ಮತ್ತು Generate Constructor using Fields ಆರಿಸಿ.
03:41	ರಚನೆಯಾದ ಕೋಡ್ ನಿಂದ super ಕೀವರ್ಡ್ ಅನ್ನು ಡಿಲೀಟ್ ಮಾಡಿ.
03:45	ಐ.ಡಿ, ನೇಮ್ ಮತ್ತು ಬ್ರಾಂಚ್ ಫೀಲ್ಡ್ ಗಳ ಮೌಲ್ಯಗಳನ್ನು ಈ ಕನ್ಸ್ಟ್ರಕ್ಟರ್ ಇನಿಶಿಯಲೈಸ್ (ಅನುಸ್ಥಾಪನೆ) ಮಾಡಬಲ್ಲದು.
03:51	ಪ್ರತಿ ಸಂದರ್ಭದಲ್ಲಿ ಅಬ್ಜೆಕ್ಟ್ ಒಂದನ್ನು ರಚಿಸಿದಾಗ ವೇರಿಯೇಬಲ್ ಕೌಂಟ್ ನ ಮೌಲ್ಯವನ್ನು ನಾವು ಹೆಚ್ಚಿಸಬೇಕು.
03:59	ಇದಕ್ಕಾಗಿ ಕನ್ಸ್ಟ್ರಕ್ಟರ್ ನ ಒಳಗೆ ಈ ರೀತಿ ಟೈಪ್ ಮಾಡಿ: count ++ ಅರ್ಧವಿರಾಮ.
04:05	ನಾವೀಗ ಎಲ್ಲಾ ವೇರಿಯೇಬಲ್ ಗಳ ಮೌಲ್ಯಗಳನ್ನು ಪ್ರಿಂಟ್ (ಮುದ್ರಿಸು) ಮಾಡಲು ಈ ಕ್ಲಾಸ್ ಗೆ showData( ) ವಿಧಾನಗಳನ್ನು ಸೇರಿಸಲಿದ್ದೇವೆ.
04:13	ಹೀಗಾಗಿ public void showData( ) ಎಂದು ಟೈಪ್ ಮಾಡಿ ಮತ್ತು ಐ.ಡಿ, ನೇಮ್, ಬ್ರಾಂಚ್ ಗಳ ಮೌಲ್ಯಗಳು ಮತ್ತು ದಾಖಲಿಸಲಾದ ಒಟ್ಟು ವಿದ್ಯಾರ್ಥಿಗಳ ಸಂಖ್ಯೆಯನ್ನು ಪ್ರಿಂಟ್ ಮಾಡುವುದಕ್ಕಾಗಿ ಈ ಕೋಡ್ ಅನ್ನು ಆವರಣ ಚಿಹ್ನೆಗಳೊಳಗೆ ಟೈಪ್ ಮಾಡಿ.
04:27	ಈಗ default package ಮೇಲೆ ರೈಟ್ ಕ್ಲಿಕ್ ಮಾಡಿ ಮತ್ತು New > Class ಮೇಲೆ ಟೈಪ್ ಮಾಡಿ ಮತ್ತು ಹೆಸರನ್ನು Demo ಎಂದು ಟೈಪ್ ಮಾಡಿ.
04:36	ಈ ಕ್ಲಾಸ್ ನ ಒಳಗಡೆ ನಾವು ಮೇನ್ ಮೆಥಡ್ ಹೊಂದಲಿದ್ದೇವೆ.
04:39	ಇದಕ್ಕಾಗಿ main ಎಂದು ಟೈಪ್ ಮಾಡಿ ಮತ್ತು ಮೇನ್ ಮೆಥಡ್ ರಚಿಸುವುದಕ್ಕಾಗಿ ctrl+space ಒತ್ತಿ.
04:46	ನಾವೀಗ ಸ್ಟೂಡೆಂಟ್ ಎನ್ರೋಲ್ ಮೆಂಟ್ ಡೇಟಾವನ್ನು ಪ್ರಿಂಟ್ ಮಾಡಬೇಕು.
04:50	ವಿದ್ಯಾರ್ಥಿಗಳ ದಾಖಲಾತಿಯನ್ನು ಪ್ರತಿನಿಧಿಸಲು ನಾವು ಸ್ಟೂಡೆಂಟ್ ಎನ್ರೋಲ್ ಕ್ಲಾಸ್ ನ ಕೆಲವು ಅಬ್ಜೆಕ್ಟ್ ಗಳನ್ನು ರಚಿಸಲಿದ್ದೇವೆ.
04:57	ಇದಕ್ಕಾಗಿ ಇಲ್ಲಿ ನೀಡಿರುವ ಕೋಡ್ ಅನ್ನು ಟೈಪ್ ಮಾಡಿ: StudentEnroll s1 equals new StudentEnroll.
05:04	ನಾವೀಗ ವಿವಿಧ ಆರ್ಗ್ಯುಮೆಂಟ್ ಗಳ ಮೌಲ್ಯಗಳನ್ನು ಅಂಗೀಕರಿಸಬಹುದು.
05:08	ಆವರಣ ಚಿಹ್ನೆಗಳೊಳಗೆ IT101 ಅನ್ನು id ಆಗಿ, ADIL ಅನ್ನು name ಆಗಿ ಮತ್ತು IT ಅನ್ನು branch ಆಗಿ ಟೈಪ್ ಮಾಡಿ.
05:17	ಈಗ ನಾವು ದಾಖಲಾತಿ ವಿವರಗಳನ್ನು ಪ್ರಿಂಟ್ ಮಾಡಲು showData ವನ್ನು ಇನ್ವೋಕ್ (ಜಾರಿಗೊಳಿಸು) ಮಾಡೋಣ.
05:22	ಇದಕ್ಕಾಗಿ s1.showData( ) ಎಂದು ಟೈಪ್ ಮಾಡಿ. ಈಗ ಡೆಮೋ ಪ್ರೋಗ್ರಾಂ ಅನ್ನು ರನ್ ಮಾಡಿ.
05:29	ಈಗ, s1 ಗೆ ಅನುರೂಪವಾದ ಇನ್ಸ್ಟನ್ಸ್ ವೇರಿಯೇಬಲ್ ಗಳ ಮೌಲ್ಯಗಳು ಪ್ರಿಂಟ್ ಆಗುತ್ತಿರುವುದನ್ನು ನಾವು ನೋಡಬಹುದು.
05:36	ಅಲ್ಲದೆ, ದಾಖಲಾದ ವಿದ್ಯಾರ್ಥಿಗಳ ಸಂಖ್ಯೆಯ ಮೌಲ್ಯವು 1 ಆಗಿರುವುದನ್ನು ಗಮನಿಸಿ.
05:42	ಇದು ಏಕೆಂದರೆ ನಾವು ಕೇವಲ 1 ಅಬ್ಜೆಕ್ಟ್ ಮಾತ್ರ ರಚಿಸಿದ್ದೇವೆ.
05:47	ಈಗ, ಇನ್ನೊಂದು ಅಬ್ಜೆಕ್ಟ್ s2 ಅನ್ನು ರಚಿಸಲು ಈ ಕೋಡ್ ಅನ್ನು ಟೈಪ್ ಮಾಡಿ.
05:52	ಇನ್ನೊಮ್ಮೆ s2 ಅನ್ನು ಬಳಸಿ showData ವಿಧಾನವನ್ನು ಜಾರಿಗೊಳಿಸಬಹುದು.
05:56	ಇನ್ನೊಮ್ಮೆ ಡೆಮೋ ಪ್ರೋಗ್ರಾಂ ಅನ್ನು ರನ್ ಮಾಡಿ.
05:59	s2 ಗೆ ಅನುರೂಪವಾದ ಇನ್ಸ್ಟನ್ಸ್ ವೇರಿಯೇಬಲ್ ಗಳ ಮೌಲ್ಯಗಳು ಪ್ರಿಂಟ್ ಆಗುತ್ತಿರುವುದನ್ನು ನಾವು ಗಮನಿಸಬಹುದು.
06:06	ಅಲ್ಲದೆ, s1 ಮತ್ತು s2 ಎರಡರಲ್ಲಿಯೂ ವಿದ್ಯಾರ್ಥಿಗಳ ದಾಖಲಾತಿಯ ಸಂಖ್ಯೆಯ ಮೌಲ್ಯವನ್ನು 2ಕ್ಕೆ ಪರಿಷ್ಕೃತಗೊಂಡಿರುವುದನ್ನು ಗಮನಿಸಿ.
06:14	ಈಗ ಇನ್ನೊಂದು ಅಬ್ಜೆಕ್ಟ್ s3 ಅನ್ನು ರಚಿಸಿ.
06:18	ಮತ್ತೊಮ್ಮೆ s3 ಬಳಸಿ ನಾವು showData ವಿಧಾನವನ್ನು ಇನ್ವೋಕ್ ಮಾಡೋಣ.
06:23	ಮತ್ತೊಮ್ಮೆ ಡೆಮೋ ಪ್ರೋಗ್ರಾಂ ಅನ್ನು ರನ್ ಮಾಡಿ.
06:26	ಈಗ, s3 ಗೆ ಅನುರೂಪವಾದ ಇನ್ಸ್ಟನ್ಸ್ ವೇರಿಯೇಬಲ್ ಗಳ ಮೌಲ್ಯಗಳು ಪ್ರಿಂಟ್ ಆಗುತ್ತಿರುವುದನ್ನು ನಾವು ನೋಡಬಹುದು.
06:32	ಅಲ್ಲದೆ ವಿದ್ಯಾರ್ಥಿಗಳ ದಾಖಲಾತಿಯ ಸಂಖ್ಯೆಯ ಮೌಲ್ಯವನ್ನು ಎಲ್ಲಾ ಕ್ಲಾಸುಗಳಲ್ಲಿ 3ಕ್ಕೆ ಪರಿಷ್ಕೃತಗೊಳಿಸಿರುವುದನ್ನು ಗಮನಿಸಿ.
06:41	ವಿದ್ಯಾರ್ಥಿಗಳ ದಾಖಲಾತಿ ಸಂಖ್ಯೆಯ ಮೌಲ್ಯವು ಎಲ್ಲಾ ಅಬ್ಜೆಕ್ಟ್ ಗಳಿಗೆ ಸಾಮಾನ್ಯವಾಗಿರುತ್ತದೆ ಎಂಬುದನ್ನು ನಾವೀಗ ಅರಿತುಕೊಳ್ಳಬಹುದು.
06:48	ಈಗ ಸ್ಲೈಡ್ ಗಳಿಗೆ ಮರಳಿ.
06:51	ಸ್ಟಾಟಿಕ್ ಮೋಡಿಫಯರ್ ಅನ್ನು ಫೈನಲ್ ಮೋಡಿಫಯರ್ ಜೊತೆಗೆ ಬಳಸಬಹುದು.
06:56	ಇಡೀ ಕ್ಲಾಸಿಗೆ ಸಾಮಾನ್ಯವಾಗಿರುವ ಕಾನ್ಸ್ಟಂಟ್ ಅನ್ನು ನಿರೂಪಿಸಲು ಇದನ್ನು ಮಾಡಲಾಗುತ್ತದೆ.
07:01	ಸಾಂಪ್ರದಾಯಿಕವಾಗಿ, ಇಂತಹ ಕಾನ್ಸ್ಟಂಟ್ ವೇರಿಯೇಬಲ್ ಗಳ ಹೆಸರುಗಳನ್ನು ಅಪ್ಪರ್ ಕೇಸ್ ಲೆಟರ್ ಗಳಿಂದ ಉಚ್ಛರಿಸಲಾಗುತ್ತದೆ.
07:08	ಈಗ ಎಕ್ಲಿಪ್ಸ್ ಗೆ ಮರಳಿ.
07:11	ಸ್ಟೂಟೆಂಟ್ ಎನ್ರೋಲ್ ಕ್ಲಾಸ್ ಅನ್ನು ತೆರೆಯಿರಿ ಮತ್ತು ವೇರಿಯೇಬಲ್ ಡಿಕ್ಲೆರೇಶನ್ ಅನ್ನು public static final String ORG_NAME = “IITB”; ಎಂದು ಟೈಪ್ ಮಾಡಿ.
07:23	ಉದಾಹರಣೆಯಾಗಿ, ಒಂದುವೇಳೆ ಎಲ್ಲಾ ವಿದ್ಯಾರ್ಥಿಗಳು ಒಂದೇ ಸಂಸ್ಥೆಗೆ ದಾಖಲಾದಲ್ಲಿ IITB ಎಂದು ಹೇಳಿ.
07:31	ಇದನ್ನು ORG_NAME ಎನ್ನುವ ಕಾನ್ಸ್ಟಂಟ್ ಸ್ಟಾಟಿಕ್ ವೇರಿಯೇಬಲ್ ಬಳಸಿ ಪ್ರತಿನಿಧಿಸಬಹುದು.
07:38	ಒಂದುವೇಳೆ ಹೆಸರು ಒಂದಕ್ಕಿಂತ ಹೆಚ್ಚು ಪದಗಳನ್ನು ಹೊಂದಿದ್ದರೆ, ಪದಗಳನ್ನು ಅಂಡರ್ ಸ್ಕೋರ್ ಮೂಲಕ ಪ್ರತ್ಯೇಕಿಸಬಹುದು.
07:44	ಸಾಮಾನ್ಯವಾಗಿ ನಾವು ಇಂತಹ ಕಾನ್ಸ್ಟಂಟ್ ಗಳನ್ನು ಪಬ್ಲಿಕ್ ವಿಸಿಬಿಲಿಟಿ ಯ ಜೊತೆ ಘೋಷಿಸುತ್ತೇವೆ.
07:49	ಈಗ ಡೆಮೋ ಕ್ಲಾಸ್ ಗೆ ಹೋಗಿ ಹಾಗೂ ಈ ಕೋಡ್ ಅನ್ನು ಟೈಪ್ ಮಾಡಿ.
07:55	ಇಲ್ಲಿ, ORG_NAME ಅನ್ನು StudentEnroll ಎನ್ನುವ ಕ್ಲಾಸ್ ಹೆಸರು ಬಳಸಿ ಆಕ್ಸೆಸ್ ಮಾಡಬಹುದು.
08:03	ಈಗ ಡೆಮೋ ಪ್ರೋಗ್ರಾಂ ಅನ್ನು ರನ್ ಮಾಡಿ.
08:06	ಆರ್ಗನೈಸೇಶನ್ ಹೆಸರು IITB ಆಗಿ ಪ್ರಿಂಟ್ ಆಗುತ್ತಿರುವುದನ್ನು ನಾವಿಲ್ಲಿ ನೋಡಬಹುದು.
08:11	ಈಗ ಸಂಕ್ಷೇಪಿಸೋಣ. ಈ ಟ್ಯುಟೋರಿಯಲ್ ನಲ್ಲಿ ನಾವು,
08:17	ಸ್ಟಾಟಿಕ್ ವೇರಿಯೇಬಲ್ ಅಂದರೆ ಏನು ಮತ್ತು ಅದನ್ನು ಯಾವಾಗ ಬಳಸಲಾಗುತ್ತದೆ,
08:21	ಸ್ಟಾಟಿಕ್ ವೇರಿಯೇಬಲ್ ಗಳನ್ನು ಹೇಗೆ ರಚಿಸುವುದು ಮತ್ತು ಇನ್ವೋಕ್ ಮಾಡುವುದು ಎಂಬುದನ್ನು ಕಲಿತೆವು.
08:25	ಅಸೈನ್ ಮೆಂಟ್ ಆಗಿ, ಕಾರ್ ಸರ್ವಿಸ್ ಸ್ಟೇಷನ್ ಒಂದನ್ನು ಪ್ರತಿನಿಧಿಸಲು CarService ಎನ್ನುವ ಕ್ಲಾಸ್ ಅನ್ನು ವಿನ್ಯಾಸಗೊಳಿಸಿ.
08:32	ಈ ಕ್ಲಾಸು, ಈ ಕೆಳಗಿನ ವಿವರಗಳನ್ನು ಪ್ರತಿನಿಧಿಸಲು ವೇರಿಯೇಬಲ್ ಗಳನ್ನು ಹೊಂದಿರಬೇಕು: ಸರ್ವಿಸ್ ಸ್ಟೇಷನ್ ನ ಹೆಸರು,
08:39	ಸರ್ವಿಸ್ ಗೆ ಬಂದಿರುವ ಕಾರ್ ಮೇಕ್, ಮಾಡೆಲ್, ಮತ್ತು ರಿಜಿಸ್ಟರ್ ನಂಬರ್.
08:44	ಸರ್ವಿಸ್ ಗಾಗಿ No. of Cars in
08:47	ಇನ್ಸ್ಟೆನ್ಸ್ ವೇರಿಯೇಬಲ್ ಗಳು ಮತ್ತು ಸ್ಟಾಟಿಕ್ ವೇರಿಯೇಬಲ್ ಗಳನ್ನು ಗುರುತಿಸಿ.
08:51	ಸೂಕ್ತ ಕೀವರ್ಡ್ ಗಳನ್ನು ಬಳಸಿ ಅವುಗಳನ್ನು ಘೋಷಿಸಿ.
08:55	ಕಾರ್ ಮೇಕ್, ಮಾಡೆಲ್, ಮತ್ತು ರಿಜಿಸ್ಟರ್ ನಂಬರ್ ಗೆ ಮೌಲ್ಯಗಳನ್ನು ಇನಿಶಿಯಲೈಸ್ ಮಾಡಲು ಕನ್ಸ್ಟ್ರಕ್ಟರ್ ಅನ್ನು ನಿರೂಪಿಸಿ.
09:01	ಎಲ್ಲಾ ವೇರಿಯೇಬಲ್ ಗಳಿಗೆ ಮೌಲ್ಯಗಳನ್ನು ಪ್ರಿಂಟ್ ಮಾಡಲು show( ) ವಿಧಾನವನ್ನು ನಿರೂಪಿಸಿ.
09:07	ಅಲ್ಲದೆ, ಫಲಿತಾಂಶಗಳನ್ನು ದೃಢೀಕರಿಸಲು ಮೇನ್ ಮೆಥಡ್ ಅನ್ನು ಹೊಂದಿರುವ ಡೆಮೋ ಕ್ಲಾಸ್ ಒಂದನ್ನು ರಚಿಸಿ, ಅಂದರೆ CarService ನ ಕೆಲವು ಅಬ್ಜೆಕ್ಟ್ ಗಳನ್ನು ರಚಿಸಿ.
09:16	ಈ ಅಬ್ಜೆಕ್ಟ್ ಗಳನ್ನು ಬಳಸಿ show( ) ವಿಧಾನವನ್ನು ಜಾರಿಗೊಳಿಸಿ.
09:20	ಇದರೊಂದಿಗೆ, ನೇರವಾಗಿ ಕ್ಲಾಸ್ ಹೆಸರನ್ನು ಬಳಸಿ ಸ್ಟಾಟಿಕ್ ವೇರಿಯೇಬಲ್ ಗಳನ್ನು ಆಕ್ಸೆಸ್ ಮಾಡಿ.
09:25	ಈ ಕೆಳಗಿನ ಲಿಂಕ್ ನಲ್ಲಿ ಇರುವ ವೀಡಿಯೊ, ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್ ಅನ್ನು ಸಂಕ್ಷೇಪಿಸುತ್ತದೆ. ದಯವಿಟ್ಟು ಇದನ್ನು ಡೌನ್ ಲೋಡ್ ಮಾಡಿ ಮತ್ತು ವೀಕ್ಷಿಸಿ.
09:32	ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್ ತಂಡವು ಸ್ಪೋಕನ್ ಟ್ಯುಟೋರಿಯಲ್ ಗಳನ್ನು ಬಳಸಿ ಕಾರ್ಯಾಗಾರಗಳನ್ನು ನಡೆಸುತ್ತದೆ ಮತ್ತು ಆನ್ ಲೈನ್ ಪರೀಕ್ಷೆಗಳಲ್ಲಿ ತೇರ್ಗಡೆ ಹೊಂದಿದವರಿಗೆ ಪ್ರಮಾಣಪತ್ರಗಳನ್ನು ನೀಡುತ್ತದೆ.
09:41	ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ನಮಗೆ ಪತ್ರ ಬರೆಯಿರಿ.
09:45	‘ಸ್ಪೋಕನ್ ಟ್ಯುಟೋರಿಯಲ್’ ಪ್ರೊಜೆಕ್ಟ್, NMEICT, MHRD, ಭಾರತ ಸರ್ಕಾರದ ನೆರವು ಪಡೆದಿದೆ.
09:51	ಕೆಳಗಿನ ಲಿಂಕ್ ನಲ್ಲಿ ಈ ಮಿಷನ್ ಕುರಿತು ಹೆಚ್ಚಿನ ಮಾಹಿತಿ ಲಭ್ಯವಿದೆ.
09:56	ಈ ಸ್ಕ್ರಿಪ್ಟ್, ಅಮಲ್ ಜ್ಯೋತಿ ಕಾಲೇಜ್ ಆಫ್ ಎಂಜಿನಿಯರಿಂಗ್ ನ ಮಾಹಿತಿ ತಂತ್ರಜ್ಞಾನ ವಿಭಾಗದ ಕೊಡುಗೆಯಾಗಿದೆ.
10:03	ಈ ಸ್ಕ್ರಿಪ್ಟ್ ನ ಅನುವಾದಕರು ಮಂಗಳೂರಿನಿಂದ ಮೆಲ್ವಿನ್, ಮತ್ತು ಧ್ವನಿ ಶ್ರೀ ನವೀನ್ ಭಟ್, ಉಪ್ಪಿನಪಟ್ಟಣ. ಧನ್ಯವಾದಗಳು.

Contributors and Content Editors

Sandhya.np14