Linux/C2/Working-with-Linux-Process/Telugu

Time	Narration
00:00	లినక్స్ ప్రాసెసెస్‌ పై ఈ స్పోకెన్ ట్యుటోరియల్‌కు స్వాగతం.
00:05	నేను ఉబంటు 10.04 ఉపయోగిస్తున్నాను
00:09	లినక్స్ ఆపరేటింగ్ సిస్టమ్ ప్రారంభించడం మీకు తెలుసని మరియు కమాండ్ల గురించి మీకు ప్రాధమిక అవగాహన ఉందని మేము భావిస్తున్నాము.
00:16	మీకు ఆసక్తి ఉంటే, అది క్రింది వెబ్‌సైట్‌లో మరొక స్పోకెన్ ట్యుటోరియల్‌లో లభ్యమౌతుంది.http://spoken-tutorial.org/ http://spoken-tutorial.org.
00:28	లినక్స్ కేస్ సెన్సిటివ్ అని కూడా గమనించండి. ప్రత్యేకంగా సూచించబడితే తప్ప ఈ ట్యుటోరియల్‌లోని అన్ని కమాండ్లు లోయర్ కేసులోనే ఉన్నాయి.
00:38	ఒక ప్రాసెస్ అంటే ఏమిటో అర్ధమవడానికి నేను మీకు ఒక క్లుప్తమైన వివరణ ఇస్తాను.
00:42	లినక్స్ లో అమలు అవుతున్నది ఏదైనా ఒక ప్రాసెస్‌
00:46	పనిచేస్తూ, కమాండ్లు తీసుకునే షెల్ ఒక ప్రాసెస్.
00:51	టెర్మినల్‌ పై మనం టైప్ చేసిన కమాండ్లు పని చేస్తున్నపుడు అవి ప్రాసెస్‌లు.
00:56	మీరు ఈ ట్యుటోరియల్ ను చూస్తున్న వీడియో ఒక ప్రాసెస్.
01:00	మీరు ఈ స్పోకెన్ ట్యుటోరియల్ వెబ్‌సైట్ ను తెరచిన బ్రౌజర్ ఒక ప్రాసెస్.
01:05	పనిచేస్తున్న షెల్ స్క్రిప్టులు మొదలైనవి ప్రాసెస్‌లు.
01:11	అమలు చేయబడిన అనగా పని చేస్తున్న ఒక ప్రోగ్రామ్‌ను ప్రాసెస్‌గా నిర్వచించవచ్చు.
01:17	ప్రాసెస్‌లు చాలా వరకు మనవంటివే. అవి పుడతాయి, మరణిస్తాయి. వాటికి తల్లిదండ్రులు మరియు పిల్లలు ఉన్నారు.
01:28	ముందుగా మనం షెల్ ప్రాసెస్ గురించి నేర్చుకుందాం.
01:31	మనం సిస్టంలోకి లాగిన్ అవ్వగానే ఈ షెల్ ప్రాసెస్ లినక్స్ కెర్నెల్‌చే ప్రారంభించబడుతుంది.
01:36	ఈ దశలో లినక్స్ కెర్నెల్ అనేది లినక్స్ ఆపరేటింగ్ సిస్టమ్‌లో కీలకమైనదని తెలుసుకుంటే సరిపోతుంది.
01:43	అది లినక్స్ పనిచేయడానికి అత్యంత అవసరమైన అంశాలను కలిగి ఉంటుంది. షెల్ అన్ని ఇతర యూజర్ కమాండ్ ప్రాసెస్‌లను సృష్టిస్తుంది లేదా ఉత్పత్తి చేస్తుంది
01:53	మనం ఒక టెర్మినల్‌ను తెరుద్దాం.
01:57	కమాండ్ ప్రాంప్ట్ ను ఒక డాలర్ గుర్తు రూపంలో మనం టెర్మినల్‌ పై చూడవచ్చు.
02:03	ఇది షెల్ ప్రాసెస్ యొక్క పని.
02:07	ఇప్పుడు మనం ఏదైనా కమాండ్ టైప్ చేద్దాం, ఉదాహరణకు “డేట్” టైప్ చేసి, ఎంటర్ నొక్కండి.
02:13	మనం ఇది చేయగానే షెల్ ప్రాసెస్, డేట్ అనే ఒక ప్రాసెస్‌ని సృష్టిస్తుంది.
02:18	ఇప్పుడు షెల్ ప్రాసెస్, డేట్ ప్రాసెస్‌కి జన్మనిచ్చినందు వలన, షెల్ ప్రాసెస్ డేట్ ప్రాసెస్ యొక్క తల్లి అని మరియు డేట్ ప్రాసెస్ షెల్ ప్రాసెస్ యొక్క బిడ్డ అని చెప్పవచ్చు.
02:30	ఒకసారి డేట్ ప్రాసెస్ సిస్టమ్‌ యొక్క డేట్ మరియు టైమ్ చూపిన తరువాత, అది చనిపోతుంది.
02:40	ఒక షెల్ మరొక షెల్ ప్రాసెస్‌కు కూడా జన్మ నిస్తుంది . ఒక ప్రాసెస్‌కు జన్మనివ్వడం లేదా సృష్టించడం ప్రాసెస్ ఉత్పత్తిగా కూడా పిలువబడుతుంది.
02:50	మరొక షెల్ ప్రాసెస్‌ను ఉత్పత్తి చేయటానికి, టెర్మినల్‌కు వెళ్లి “sh” అని టైప్ చేసి ఎంటర్ నొక్కండి.
03:00	మనం టెర్మినల్‌ పై ఒక నూతన ప్రాంప్ట్ కనిపించడాన్ని చూస్తాం. ఇప్పుడు షెల్ 1 అని పిలవబడే మన అసలు షెల్, ఒక బిడ్డ షెల్ లేదా సబ్ షెల్‌కు జన్మనిచ్చింది, దానిని మనం షెల్ 2 అని పిలుద్దాం.
03:13	ఇప్పుడు మీరు కొత్త కమాండ్ ప్రాంప్ట్ లో కమాండ్ ను రన్ చేయవచ్చు . ఈ నూతన కమాండ్ ప్రాంప్ట్ లో మనం ls కమాండ్ రన్ చేద్దాం
03:20	ఇప్పుడు కమాండ్ ప్రాంప్ట్ వద్ద “ls” అని టైప్ చేసి ఎంటర్ నొక్కుదాం. మనం ఫైల్స్ మరియు డైరక్టరీల జాబితాను చూడవచ్చు.
03:32	ఇప్పుడు 'ls' అనే పేరుతో ఒక కొత్త ప్రాసెస్ సృష్టించబడింది.
03:35	ఇక్కడ షెల్ 2, 'ls' యొక్క పేరెంట్. షెల్ 1, 'ls' యొక్క గ్రాండ్ పేరెంట్. ls షెల్ 2 యొక్క బిడ్డ, కాగా షెల్ 2 షెల్ 1 యొక్క బిడ్డ
03:56	షెల్ 2ను చంపడానికి నూతన ప్రాంప్ట్ వద్ద “exit” టైప్ చేసి ఎంటర్ నొక్కండి.
04:04	ఇది షెల్ 2ను చంపుతుంది మరియు మనం మన అసలు కమాండ్ ప్రాంప్ట్ వద్దకు తిరిగి వెళ్తాం..
04:12	ప్రాసెసెస్‌కు మనకు మధ్య మన సాదృశ్యాన్ని కొనసాగిద్దాం, మనలో ప్రతి ఒక్కరికీ ప్రత్యేక గుర్తింపును ఇచ్చే కొన్ని attributes ఉన్నాయని మనకు తెలుసు. అవి మన పేరు, తల్లిదండ్రుల పేరు, జన్మించిన తేదీ, PAN కార్డు సంఖ్య మొదలైనవి కావచ్చు.
04:26	అదేవిధంగా ప్రాసెసెస్ కూడా PID(ప్రాసెస్ ID), PPID(పేరెంట్ ప్రాసెస్ ID), స్టార్ట్ టైమ్ వంటి attributes కలిగి ఉన్నాయి.
04:38	ఈ attributes లో చాలా వరకు ప్రాసెస్ టేబుల్‌లోని కెర్నెల్‌చే నిర్వహించబడతాయి.
04:43	ప్రతి ప్రాసెస్ PIDగా పిలువబడే ఒక ప్రత్యేక పూర్ణసంఖ్యచే ప్రత్యేకంగా గుర్తించబడుతుంది. ఈ PID ప్రాసెస్ పుట్టినపుడు కెర్నెల్‌చే కేటాయించబడుతుంది.
04:51	పేరెంట్ ప్రాసెస్ యొక్క PIDచే ఉత్పత్తి చేయబడిన ఒక నూతన ప్రాసెస్ P1, అది P1 ప్రాసెస్ యొక్క PPIDగా పిలువబడుతుంది.
05:00	ప్రస్తుత షెల్ యొక్క PIDని చూడటానికి ప్రాంప్ట్ వద్ద “echo space dollar dollar” టైప్ చేసి ఎంటర్ నొక్కండి.
05:11	ఒక సంఖ్య కనిపిస్తుంది. ఇది ప్రస్తుత షెల్ యొక్క PID.
05:23	ప్రాసెసెస్ గురించి మాట్లాడుతున్నపుడు మనం ఎక్కువగా ఉపయోగించే కమాండ్ 'ps' కమాండ్.
05:29	'ps' లేదా ప్రాసెస్ స్టేటస్ అనే కమాండ్, సిస్టం నడుస్తున్న ప్రాసెస్లను చూపుతుంది.
05:34	ఏ విధమైన ఎంపికలు లేకుండా ఈ కమాండ్‌ను నడిపితే ఏమి జరుగుతుందో చూద్దాం.
05:40	ఇప్పుడు కమాండ్ ప్రాంప్ట్ వద్ద “ps” టైప్ చేసి ఎంటర్ నొక్కండి.
05:47	సాధరణంగా, ఈ విధంగా మనం ప్రోగ్రామ్ నడిపే యూజర్ కు స్వంతమైన అన్ని ప్రాసెస్‌ల జాబితాను చూడవచ్చు.
05:54	CMD శీర్షిక క్రింద ఉన్న ప్రాసెస్ పేరును మీరు చూడవచ్చు.
05:58	ఇది కాక మీరు PID, TTY లేదా ప్రాసెస్ నడుస్తున్న కన్సోల్‌, TIMEను చూడవచ్చు
06:06	అనగా ఆ ప్రక్రియ మొదలయినప్పటి నుండి ఉపయోగించబడిన మొత్తం ప్రాసెసర్ యొక్క సమయం
06:12	నా మెషీన్‌ పై అది రెండు ప్రాసెస్‌లను చూపుతుంది.
06:16	ఒకటి మనం ఉపయోగిస్తున్న షెల్ ప్రాసెస్ బాష్. మరొకటి ps ప్రాసెస్.
06:25	గమనించదగిన మరొక ముఖ్యమైన విషయం షెల్ ప్రాసెస్ యొక్క PID మరియు echo space dollar dollar కమాండ్‌చే చూపబడినది రెండు ఒకటే.
06:35	మనం ఒక సబ్‌షెల్ ఉత్పత్తి చేస్తే ఏం జరుగుతుందో ఇప్పుడు చూద్దాం. టెర్మినల్ వద్ద “sh” టైప్ చేసి ఎంటర్ నొక్కండి.
06:42	ఇప్పుడు కొత్త లైనుపై కనిపించే కొత్త ప్రాంప్ట్ వద్ద, “ps” టైప్ చేసి ఎంటర్ నొక్కండి.
06:51	ఇప్పుడు మనం జాబితాలో 3 ప్రాసెస్‌లను చూడవచ్చు. Sh ప్రాసెస్ చేర్చబడింది.
06:57	ఇక్కడ మరలా బాష్ ప్రాసెస్ యొక్క PID మరియు ఇది వరకు ఉన్నద ఒకటేనని గమనించండి.
07:05	మనం తరువాత చూడబోతున్నట్లు ps అనేక ఎంపికలతో వస్తుంది. మనం చూడబోయే మొదటి ఎంపిక జాబితాలోని ప్రాసెసెల యొక్క మరిన్ని లక్షణాలను చూపుతుంది.
07:13	ఇప్పుడు ప్రాంప్ట్ వద్ద “ps space minus f” అని టైప్ చేసి ఎంటర్ నొక్కండి. ముందరి లాగే ఇది మరలా మూడు ప్రాసెస్‌లను చూపుతుంది.
07:28	బాష్, sh మరియు ps -f.
07:31	ఒకే ఒక తేడా ఏంటంటే ఇప్పుడు మరిన్ని ఎక్కువ లక్షణాలు పొందుపరచబడ్డాయి..
07:36	UID, ప్రాసెస్ ను ప్రారంభించిన యూజర్ యొక్క యూజర్ నేమ్ ను ఇస్తుంది. అంతేకాక అది PPIDని చూపుతుంది, అనగా ప్రాసెస్ ను సృష్టించిన పేరెంట్ ప్రాసెస్ యొక్క PID.
07:47	ఉదాహరణకు, బాష్ ప్రాసెస్ 'sh' ప్రాసెస్ యొక్క పేరెంట్, అందువలన బాష్ యొక్క PID మరియు sh ప్రాసెస్ యొక్క PPID ఒకటే.
08:00	అదేవిధంగా sh ప్రాసెస్ ps ప్రాసెస్ యొక్క పేరెంట్ అయినందువలన, sh ప్రాసెస్ యొక్క PID మరియు ps –f ప్రాసెస్ యొక్క PPID ఒకటే.
08:17	C ప్రాసెసర్ వినియోగాన్ని సూచిస్తుంది. ప్రస్తుతం ఇది ప్రాసస్ జీవితకాలంలో ప్రాసెసర్ ఉపయోగ శాతం యొక్క పూర్ణసంఖ్యా విలువ.
08:26	ఒకవేళ వినియోగం పరిగణింప తగిన స్థాయిలో లేకపోతే అది 0గా చూపబడుతుంది.
08:32	STIME ఫీల్డ్ ప్రాసెస్ ప్రారంభమైన సమయాన్ని ఇస్తుంది, మిగిలినది మనం ps నడుస్తున్నపుడు చూశాం.
08:42	ప్రాసెస్‌లు రెండు రకాలు: మొదటివి యూజర్ ప్రాసెస్‌లు. ఇవి యూజర్లచే ప్రారంభించబడ్డాయి.
08:49	ఉదాహరణకు 'ps' లేదా మనం టెర్మినల్‌పై వాడే అధిక భాగం కమాండ్లు.
08:54	రెండోవి సిస్టమ్ ప్రాసెస్‌లు. అవి తరచుగా సిస్టమ్ స్టార్ట్ అప్ లేదా యూజర్ లాగిన్ సమయంలో సిస్టమ్‌చే ప్రారంభించబడినవి.
09:05	బాష్‌ను సిస్టమ్ ప్రాసెస్ యొక్క ఉదాహరణగా చెప్పవచ్చు.
09:09	కొన్నిసార్లు మనం అన్ని ప్రాసెస్‌లను, అనగా సిస్టమ్ ప్రాసెస్‌లు మరియు యూజర్ ప్రాసెస్‌లు రెండిటినీ కూడా చూడాలని కోరుకోవచ్చు.
09:17	అప్పుడు మనం మైనస్ e లేదా మైనస్ కాపిటల్ A ఎంపిక ను ఉపయోగిస్తాం.
09:23	టెర్మినల్‌కు వెళ్లి ప్రాంప్ట్ వద్ద “ps space minus e” టైప్ చేసి ఎంటర్ నొక్కండి.
09:32	మనం ప్రాసెసర్ల యొక్క ఒక పెద్ద జాబితాను చూడవచ్చు.
09:35	ఒక మల్టీ పేజ్ ప్రదర్శన కొరకు ప్రాంప్ట్ వద్ద టైప్ చేయండి.
09:40	“ps space minus e space vertical bar space more” టైప్ చేసి ఎంటర్ నొక్కండి.
09:52	మనం ఇంతకు ముందు చూసినట్లు ఒక విండోలో పట్టనన్ని ప్రాసెస్‌లు జాబితాలో ఉంటాయి.
09:58	మనం ఎంటర్ నొక్కగానే ప్రాసెస్‌ల జాబితా నుండి స్క్రోల్ అవుతాము.
10:03	ఈ జాబితాలో మొదటి ప్రాసెస్ ఆసక్తికరంగా ఉంటుంది. అది ' init' ప్రాసెస్‌గా పిలువబడుతుంది.
10:09	దానినుండే దాదాపు అన్ని ఇతర ప్రాసెస్‌లు ఉత్పత్తి అయ్యాయి.
10:12	దాని PID 1.
10:16	ప్రాంప్ట్‌కు తిరిగి రావడానికి q నొక్కండి.
10:24	మనం ఈ ట్యుటోరియల్‌లో ప్రాసెస్, ప్రాసెస్ యొక్క ఉత్పత్తి, ప్రాసెస్ లక్షణాలు మరియు ప్రాసెస్‌లలోని విభిన్న రకాలను గురించి నేర్చుకున్నాం.
10:37	Ps కమాండ్ యొక్క ఉపయోగం గురించి కూడా మనం నేర్చుకున్నాం. దీనితో మనం ఈ ట్యుటోరియల్ ముగింపుకు వచ్చాం.
10:45	స్పోకెన్ ట్యుటోరియల్స్ టాక్ టు ఎ టీచర్‌ ప్రాజెక్ట్ లో భాగం, దీనికి ICT ద్వారా నేషనల్ మిషన్ ఆన్ ఎడ్యుకేషన్, MHRD,భారత ప్రభుత్వము సహాయం అందిస్తోంది.
10:55	దీనిపై మరింత సమాచారం క్రింద ఉన్న లింక్‌లో లభ్యమవుతుంది http://spoken-tutorial.org/NMEICT-Intro.
11:07	ఈ రచనకు సహాయపడినవారు శ్రీహర్ష (అనువాదం చేసినవారి పేరు) మరియు స్రవంతి (రికార్డ్ చేసినవారి పేరు) బళ్ళారి. సెలవు. పాల్గొన్నందుకు ధన్యవాదములు.

Contributors and Content Editors

Madhurig, Udaya, Yogananda.india