Drupal/C2/Overview-of-Drupal/Kannada

Time	Narration
00:01	“Overview of Drupal” ಎಂಬ ಸ್ಪೋಕನ್ ಟ್ಯುಟೋರಿಯಲ್ ಗೆ ನಿಮಗೆ ಸ್ವಾಗತ.
00:06	ಈ ಟ್ಯುಟೋರಿಯಲ್ ನಲ್ಲಿ ನಾವು, Content Management System Drupal
00:13	'ದ್ರುಪಲ್' ನ ಮುಖ್ಯ ವಿಶೇಷತೆಗಳು ಹಾಗೂ ಈ ಪಾಠ-ಸರಣಿಯ ಸಮೀಕ್ಷೆ ಇವುಗಳನ್ನು ತಿಳಿಯಲಿದ್ದೇವೆ.
00:19	ಮೊದಲಿಗೆ ನಾವು 'ದ್ರುಪಲ್' ಎಂದರೇನು ಎಂದು ತಿಳಿಯೋಣ. 'ದ್ರುಪಲ್' ಎಂಬುದು ಫ್ರೀ ಹಾಗೂ ಓಪನ್ ಸೋರ್ಸ್ 'ಕಂಟೆಂಟ್ ಮೇನೆಜ್ಮೆಂಟ್ ಸಿಸ್ಟಮ್' (Content Management System (CMS)) ಆಗಿದೆ.
00:30	CMS ಎಂದರೇನು? ಇಲ್ಲಿ, ಮುಂಚಿನಂತೆ ಹಲವಾರು html ಫೈಲ್ ಗಳನ್ನು ಸರ್ವರ್ ನಲ್ಲಿ ಅಪ್ಲೋಡ್ ಮಾಡಬೇಕಾಗಿಲ್ಲ.
00:40	ಮುಂಚೆ, ಪ್ರತಿಯೊಂದು ವೆಬ್ ಪೇಜ್ ಕೂಡಾ ಅದರದ್ದೇ ಆದ html ಫೈಲ್ ಅನ್ನು ಹೊಂದಿರುತ್ತಿದ್ದವು.
00:47	ಈಗ ಅದು ತುಂಬಾ ಬದಲಾಗಿದೆ. ಪ್ರತಿಯೊಂದು ಪೇಜ್ ಅನ್ನೂ ಕೂಡಾ ಹಲವಾರು ಕಂಪೋನೆಂಟ್ ಗಳನ್ನು ಉಪಯೋಗಿಸಿಕೊಂಡು ತಯಾರಿಸಲಾಗುತ್ತದೆ.
00:55	ಪ್ರತಿಯೊಂದು ಕಂಪೋನೆಂಟ್ ಬೇರೆ ಬೇರೆ ಜಾಗಗಳಿಂದ ಬರಬಹುದು.
01:00	ಈ ಕಾಂಪೋನೆಂಟ್ ಗಳನ್ನು ಕೆಲವು ಪ್ರೋಗ್ರಾಮಿಂಗ್ ಲಾಜಿಕ್ ಗಳನ್ನು ಉಪಯೋಗಿಸಿಕೊಂಡು ಶೀಘ್ರವಾಗಿ ಸಂಯೋಜಿಸಲಾಗುತ್ತದೆ.
01:06	ಹಾಗಾಗಿ, ನೀವು ಯಾವುದರ ಮೂಲಕ ನೋಡುತ್ತಿರುವಿರಿ ಎಂಬುದರ ಆಧಾರದ ಮೇಲೆ ದೃಶ್ಯಾವಳಿಗಳು ವಿಭಿನ್ನವಾಗಿರುತ್ತದೆ. ಅದು ಡೆಸ್ಕ್ಟಾಪ್ ಆಗಿರಬಹುದು ಅಥವಾ ಮೊಬೈಲ್.
01:14	ನೀವು ಎಲ್ಲಿಂದ ನೋಡುತ್ತಿರುವಿರಿ ಎಂಬುದರ ಮೇಲೆ ಕೂಡಾ ಇದು ಬದಲಾಗಬಹುದು. ನೀವು ಒಬ್ಬ ವಿದ್ಯಾರ್ಥಿಯಾಗಿ ಭಾರತದಿಂದ ನೋಡುತ್ತಿರಬಹುದು.
01:23	ಅಥವಾ, ಸಿಂಗಾಪೂರ್ ನಿಂದ ಒಬ್ಬ ಗ್ರಾಹಕನಾಗಿ ನೋಡುತ್ತಿರಬಹುದು. ಪ್ರತಿಯೊಬ್ಬನಿಗೂ ಕೂಡಾ ವಿಭಿನ್ನ ಪೇಜ್ ತೋರಬಹುದು.
01:32	CMS ಎಂಬುದೇ ಈ ತರಹನಾದ ವೀಕ್ಷಣೆಗೆ ಕಾರಣವಾಗಿರುವ ಪ್ರೊಗ್ರಾಮ್ ಆಗಿದೆ.
01:37	ಇದು PHP, Ajax (ಎಜಾಕ್ಸ್), Javascript ಮುಂತಾದ ವಿವಿಧ ಹೆಚ್ಚು ಕ್ಷಮತೆಯುಳ್ಳ ಪ್ರೊಗ್ರಾಮಿಂಗ್ ಗಳನ್ನು ಉಪಯೋಗಿಸಿಕೊಳ್ಳುತ್ತದೆ.
01:47	ಎಲ್ಲಾ CMS ಗಳು ಸಾಮಾನ್ಯವಾಗಿ ಕಂಟೆಂಟ್ ಮಾಹಿತಿಗಳನ್ನು ಡೇಟಾಬೇಸ್ ನಲ್ಲಿ ಯಾವುದೇ ಫಾರ್ಮ್ಯಾಟಿಂಗ್ ಇಲ್ಲದೇ ಸಂಗ್ರಹಿಸುತ್ತವೆ.
01:55	ಕಂಟೆಂಟ್ ನ ಫಾರ್ಮ್ಯಾಟಿಂಗ್ ಪ್ರತ್ಯೇಕವಾಗಿ ಆಗುತ್ತದೆ.
02:00	ತಂತ್ರಜ್ಞಾನದ ಅರಿವು ಇಲ್ಲದವರೂ ಕೂಡಾ CMS ಎಂಬುದರ ಉಪಯೋಗದಿಂದ ಸುಲಭವಾಗಿ ವೆಬ್ಸೈಟ್ ಅನ್ನು ವ್ಯವಸ್ಥಿತಗೊಳಿಸಬಹುದಾಗಿದೆ.
02:07	ದ್ರುಪಲ್ (Drupal) ಎಂಬುದು ಒಂದು ಒಪನ್ ಸೋರ್ಸ್ CMS ಆಗಿದೆ, ಅಂದರೆ ಇದರ ಕೋಡ್ ನಿಃಶ್ಶುಲ್ಕವಾಗಿ ದೊರೆಯುತ್ತದೆ.
02:15	ಯಾರು ಬೇಕಾದರೂ ಅದನ್ನು ಡೌನ್ಲೋಡ್ ಮಾಡಿ ಬದಲಾಯಿಸಲೂ ಬಹುದು.
02:18	ದ್ರುಪಲ್ ಅನ್ನು 2000 ರಲ್ಲಿ Dries Buytaert (ಡ್ರೀಈಸ್ ಬ್ಯೂಟಾರ್ಟ್) ಎಂಬುವವನು ತನ್ನ ವಿದ್ಯಾರ್ಥಿಯ ದಶೆಯಲ್ಲಿ ಕಂಡುಹಿಡಿದ.
02:24	ಹಾಗೂ, ಇದು ಓಪನ್ ಸೋರ್ಸ್ ಆದ್ದರಿಂದ ಸಾವಿರಾರು ಜನ ಈ ಕೋಡ್ ಅನ್ನು ಮಾರ್ಪಡಿಸುವಲ್ಲಿ ಕೈ ಜೋಡಿಸಿದ್ದಾರೆ.
02:32	ಸ್ವಲ್ಪ ಮಟ್ಟಿಗೆ ಅದನ್ನು ಉತ್ತಮವಾಗಿಸಿ ಪುನಃ ಆ ಸಮುದಾಯಕ್ಕೆ ಹಿಂತಿರುಗಿಸಿದ್ದಾರೆ.
02:37	ದ್ರುಪಲ್ ಸಮುದಾಯವು ದೊಡ್ಡದಾದ ಹಾಗೂ ನಿಕಟವಾದ ಓಪನ್ ಸೋರ್ಸ್ ಸಮುದಾಯಗಳಲ್ಲಿ ಒಂದಾಗಿದೆ.
02:43	ಈ ಸಮುದಾಯದಲ್ಲಿ ಡೆವಲಪರ್ ಗಳು, ಸೈಟ್ ಬಿಲ್ಡರ್ ಗಳು, ಸ್ವಯಂ ಸೇವಕರು ಹೀಗೆ ಬಹಳಷ್ಟು ಜನ ಇದ್ದಾರೆ. ಇವರುಗಳಿಂದಲೇ ದ್ರುಪಲ್ ಇವತ್ತು ಹೀಗೆ ಬೆಳೆದಿದೆ.
02:51	ದ್ರುಪಲ್ ನಲ್ಲಿ ಹೀಗೆ ಹೇಳಿಕೆಯಿದೆ, ನೀವು ಕೋಡ್ ಗಾಗಿ ಬನ್ನಿ ಹಾಗೂ ನಮ್ಮ ಸಮುದಾಯದವರಾಗಿ- “Come for the code, stay for the community”.
02:58	ಬಹುಷಃ ಈ ಕಾರಣಕ್ಕಾಗಿಯೇ ನೀವು ಈ ಸಮುದಾಯದಲ್ಲಿ ಒಂದಾಗಬಯಸುತ್ತೀರಿ.
03:02	ಈಗ ನಾನು ದ್ರುಪಲ್ ನ ಹತ್ತು ಮುಖ್ಯ ವಿಶೇಷತೆಗಳನ್ನು ತಿಳಿಸುತ್ತೇನೆ.
03:06	ಮೊದಲನೆಯದು: ದ್ರುಪಲ್ ಎಂಬುದು ನಿಶ್ಶುಲ್ಕವಾಗಿದೆ ಹಾಗೂ ಸಂಪೂರ್ಣವಾಗಿ ಓಪನ್ ಸೋರ್ಸ್ ಆಗಿದೆ.
03:11	ಯಾರು ಬೇಕಾದರೂ ಇದರ ಕೋಡ್ ಗಳನ್ನು ಡೌನ್ಲೋಡ್ ಮಾಡಿ ಅದನ್ನು ಮಾರ್ಪಡಿಸಬಹುದು.
03:15	ನೀವು ಡೆವಲಪರ್ ಆಗಿದ್ದರೂ ಸಹ ದ್ರುಪಲ್ ನಿಮಗೆ ಉಪಕಾರಿಯಾಗಿದೆ.
03:20	ಎರಡನೇಯದಾಗಿ: ದ್ರುಪಲ್ ಎಂಬುದು ನಿಮ್ಮ ಕೆಲಸಕ್ಕೆ ಅನುಕೂಲವಾಗಿದೆ.
03:24	ದ್ರುಪಲ್ ಎಂಬುದು ಈಗಿನ ತುಂಬಾ ಹೊಂದಿಕೊಳ್ಳಬಲ್ಲ ಸಿಸ್ಟಮ್ ಗಳಲ್ಲಿ ಒಂದಾಗಿದೆ.
03:28	ದ್ರುಪಲ್ ಎಂಬುದು ವಿವಿಧ ಕಸ್ಟಮ್ ಡಾಟಾ ಸ್ಟ್ರಕ್ಚರ್ ಗಳನ್ನು ಒಳಗೊಂಡಿರುವ ಅತ್ಯಾಧುನಿಕವಾದ ವೆಬ್ಸೈಟ್ ಗಳೊಂದಿಗೆ ಚೆನ್ನಾಗಿ ಕೆಲಸ ಮಾಡುತ್ತದೆ.
03:35	ಡೆವಲಪರ್ ಗಳು ಇದನ್ನು CMS ನಂತೆ ಹಾಗೂ ವಿಶಾಲವಾದ web development platform ನಂತೆಯೂ ಉಪಯೋಗಿಸುತ್ತಾರೆ.
03:42	ಮೂರನೇಯದಾಗಿ: ದ್ರುಪಲ್ ಎಂಬುದು ಮೊಬೈಲ್ ನಲ್ಲಿಯೂ ಕೆಲಸ ಮಾಡುತ್ತದೆ.
03:46	ನಾವು ಯಾವುದೇ ಮೊಬೈಲ್ ನಿಂದ ಕೂಡಾ ದ್ರುಪಲ್ ಸೈಟ್ ನ ಎಲ್ಲಾ ಪೇಜ್ ಗಳನ್ನೂ ನೋಡಬಹುದು ಹಾಗೂ ಪರಿಷ್ಕರಿಸಬಹುದು.
03:54	ನಾಲ್ಕನೇಯದು: ದ್ರುಪಲ್ ಎಂಬುದು ದೊಡ್ಡ ದೊಡ್ಡ ಪ್ರಕಲ್ಪಗಳಿಗೆ ಅತ್ಯುತ್ತಮವಾಗಿದೆ.
04:00	whitehouse.gov ನಿಂದ ಹಿಡಿದು weather.com ಮತ್ತು Dallas Cowboys, (ಡಾಲಸ್ ಕೌಬಾಯ್ಸ್) ನ ವರೆಗಿನ ಯಾವುದೇ ಸ್ತರದ ಪ್ರಕಲ್ಪಗಳನ್ನೂ ದ್ರುಪಲ್ ಸಂಭಾಳಿಸುತ್ತದೆ.
04:08	ದ್ರುಪಲ್, ಹೆಚ್ಚು ಜಟಿಲವಾದ ವೆಬ್ಸೈಟ್ ಗಳನ್ನು ಸಂಭಾಳಿಸುವುದರಲ್ಲಿ ಹೆಸರುವಾಸಿಯಾಗಿದೆ.
04:12	ಯಾರು ಬಹಳ ವೈಶಿಷ್ಟ್ಯಗಳನ್ನೊಳಗೊಂಡ ವೆಬ್ಸೈಟ್ ಅನ್ನು ತಯಾರಿಸಲಿಚ್ಛಿಸುವರೋ ಅವರಿಗೆ ದ್ರುಪಲ್ ಎಂಬುದು ಉತ್ತಮವಾದ ದಾರಿಯಾಗಿದೆ.
04:19	ಹಾಗೂ, ಇದು ದೊಡ್ಡ ದೊಡ್ಡ ಉದ್ಯಮಗಳಿಗೂ ಕೂಡಾ ಬಹಳ ಉಪಯುಕ್ತವಾಗಿದೆ.
04:24	ಐದನೇಯದಾಗಿ: ದ್ರುಪಲ್ ಎಂಬುದು ಸಾಮಾಜಿಕವಾಗಿದೆ ಹಾಗೂ ಹುಡುಕಲು ಅನುಕೂಲಕರವಾಗಿದೆ.
04:29	ದ್ರುಪಲ್ ಜನರಿಗೆ ತನ್ನ ಸೈಟ್ ಅನ್ನು ಹಾಗೂ ತನ್ನ ವಿಷಯಗಳನ್ನು ಹುಡುಕಲು ಸಹಾಯ ಮಾಡುತ್ತದೆ.
04:34	ಹಾಗೂ,ದ್ರುಪಲ್ ಸಂಪಾದಕರಿಗೆ ಟ್ಯಾಗ್, ವಿವರಣೆ, ಕೀವರ್ಡ್ ಗಳು ಹಾಗೂ ಸರಳವಾದ URLs ಗಳನ್ನು ಜೋಡಿಸಲು ಅನುವು ಮಾಡಿಕೊಡುತ್ತದೆ..
04:45	ಆರನೇಯದಾಗಿ: ದ್ರುಪಲ್ ಎಂಬುದು ಸುರಕ್ಷಿತವಾಗಿದೆ.
04:50	ದ್ರುಪಲ್ ನಿಯಮಿತವಾದ ಸುರಕ್ಷಾ ಅಪ್ಡೇಟ್ ಗಳ ಮೂಲಕ ನಮ್ಮ ಸೈಟ್ ಅನ್ನು ಸುರಕ್ಷಿತವಾಗಿರಿಸುತ್ತದೆ.
04:57	'ಹ್ಯಾಶ್ ಪಾಸ್ವರ್ಡ್' ಗಳನ್ನು, 'ಪರ್ಮಿಶನ್ಸ್' ಬದಲಾಗುವಾಗ ಆಗುವ 'ಸೆಷನ್ ID' ಗಳನ್ನು,
05:01	ಟೆಕ್ಸ್ಟ್ ಫಾರ್ಮ್ಯಾಟ್ ನಲ್ಲಿರುವ 'ಪರ್ಮಿಶನ್'ಗಳನ್ನು ಹಾಗೂ ಇನ್ನೂ ಹಲವು ವಿಷಯಗಳಲ್ಲಿ ದ್ರುಪಲ್ ಬಹಳ ಗಂಭೀರವಾಗಿ ಸುರಕ್ಷೆಯನ್ನು ನೀಡುತ್ತದೆ.
05:11	ಏಳನೆಯದಾಗಿ: ನಾವು ನಮ್ಮ 'ದ್ರುಪಲ್' ಸೈಟ್ ಅನ್ನು ಸಾವಿರಾರು 'Modules' ಗಳ ಸಹಾಯದಿಂದ ವಿಸ್ತರಿಸಬಹುದು. ಇದರಿಂದಾಗಿ ನಾವು 'ದ್ರುಪಲ್' ಸೈಟ್ ಗೆ ವೈಶಿಷ್ಟ್ಯಗಳನ್ನು ಸೇರಿಸಬಹುದು.
05:18	ನಾವು ಯಾವುದೇ ವೈಶಿಷ್ಟ್ಯಗಳನ್ನು ಬಯಸಿದರೂ ಅದನ್ನು ಯಾರಾದರೊಬ್ಬರು 'ಮೊಡ್ಯೂಲ್'ನ ರೂಪದಲ್ಲಿ ತಯಾರಿಸಿ ನಿಶ್ಶುಲ್ಕವಾಗಿ ಲಭ್ಯವಾಗುವಂತೆ ಮಾಡಿರುತ್ತಾರೆ.
05:27	ನಾವು ವಿವಿಧ Themes ಗಳನ್ನು ಅಥವಾ ಒಂದು 'ಥೀಮ್' ನ ಹಲವಾರು ಆವೃತ್ತಿಗಳನ್ನು ಒಂದೇ ಸೈಟ್ ನಲ್ಲಿ ಪಡೆಯಬಹುದು. ಹಾಗೂ, ನೀವು ನಿಮ್ಮ ಸೈಟ್ ನ ದೃಶ್ಯಾವಳಿಗಳ ಮಾಹಿತಿಯ ಸಂಪೂರ್ಣ ಹಿಡಿತವನ್ನು ಹೊಂದಬಹುದು.
05:40	ಎಂಟನೆಯದಾಗಿ: ನಿಮಗೆ ಸಹಾಯ ಬೇಕಾದಲ್ಲಿ ಸಹಕರಿಸಲು ಬಹಳ ದೊಡ್ಡದಾದ ದ್ರುಪಲ್ ಸಮುದಾಯ ನಿಮಗಾಗಿ ಇದೆ.
05:48	ಸಂಪೂರ್ಣ ವಿಶ್ವದಲ್ಲಿ ದ್ರುಪಲ್ ನ ಆಯೋಜನೆಗಳಿವೆ.
05:52	ಸ್ಥಾನೀಯ ಆಯೋಜನೆಗಳಿಗೆ Drupal camps ಎಂದು ಹೆಸರು.
05:55	ಹಾಗೂ, ಪ್ರತಿ ವರ್ಷವೂ ವಿಶ್ವದೆಲ್ಲೆಡೆ ಪ್ರಮುಖವಾದ DrupalCons ಗಳು ಆಗುತ್ತವೆ.
06:01	ದ್ರುಪಲ್ ನ ಬೆಂಬಲಕ್ಕಾಗಿ ಸಕ್ರಿಯವಾದ Forum ಗಳು, User Group ಗಳು ಹಾಗೂ IRC chats ಗಳು ತಮ್ಮನ್ನು ತಾವು ತೊಡಗಿಸಿಕೊಂಡಿವೆ.
06:08	ಒಂಭತ್ತನೆಯದಾಗಿ: ಕೆಲವು ಬಹಳ ದೊಡ್ಡದಾದ ಹಾಗೂ ಅನುಭವವುಳ್ಳ ಉದ್ಯಮಗಳು ದ್ರುಪಲ್ ನ ಸಮುದಾಯದಲ್ಲಿವೆ.
06:15	ಈ ಪಾಠ ಸರಣಿಯ ಜೊತೆಗಾರ ಉದ್ಯಮವಾದ Acquia, ಎಂಬುದು ದ್ರುಪಲ್ ನ ದೊಡ್ಡ ಉದ್ಯಮವಾಗಿದೆ.
06:21	ಭಾರತದಲ್ಲಿ ಅರವತ್ತಕ್ಕೂ ಹೆಚ್ಚು ದ್ರುಪಲ್ ನ ಸೇವಾ ಸಂಸ್ಥೆಗಳು ಇರುತ್ತವೆ. ನೂರಾರು ಜನ ದ್ರುಪಲ್ ನ ಸ್ವತಂತ್ರೋದ್ಯೋಗಿಗಳೂ (freelancers) ಇದ್ದಾರೆ.
06:32	ಹತ್ತನೆಯದಾಗಿ: ದ್ರುಪಲ್ ಎಲ್ಲಾ ಕಡೆ ಇದೆ. ಪ್ರಸ್ತುತ (ಟ್ಯುಟೋರಿಯಲ್ ರೆಕಾರ್ಡ್ ಆದ ಸಮಯದಲ್ಲಿ) ಸುಮಾರು 1.2 ಮಿಲಿಯನ್ ಗೂ ಹೆಚ್ಚು ವೆಬ್ಸೈಟ್ ಗಳು ಇವೆ.
06:40	ದ್ರುಪಲ್ ಸಂಪೂರ್ಣ ವೆಬ್ ನ ಕ್ಷೇತ್ರದಲ್ಲಿ 3 ಪ್ರತಿಶತದಷ್ಟು ಸ್ಥಾನ ಗಳಿಸಿದ್ದರೆ ಹತ್ತು ಸಾವಿರ ಸರ್ವೋಚ್ಚ ವೆಬ್ಸೈಟ್ ಗಳಲ್ಲಿ ಇದು 15 ಪ್ರತಿಶತದಷ್ಟು ಸ್ಥಾನ ಗಳಿಸಿದೆ.
06:50	ದ್ರುಪಲ್ ಎಂಬುದು ಸರಕಾರೀ, ಶೈಕ್ಷಣಿಕ, ಲಾಭರಹಿತ ಹಾಗೂ ದೊಡ್ಡ ಉದ್ಯಮ ಕ್ಷೇತ್ರಗಳಲ್ಲಿ ಬಹಳ ಪ್ರಸಿದ್ಧವಾಗಿದೆ.
06:58	ಈ ಟ್ಯುಟೋರಿಯಲ್ ಸರಣಿಯಲ್ಲಿ ನಾವು ಈ ಕೆಳಗಿನ ಅಂಶಗಳನ್ನು ಕಲಿಯಲಿದ್ದೇವೆ - 'ದ್ರುಪಲ್' ನ ಇನ್ಸ್ಟಾಲ್ ಮಾಡುವಿಕೆ.
07:04	ನಾವು 'ದ್ರುಪಲ್' ಹಾಗೂ ಇತರ ಸಂಬಂಧಿತ ಸಾಫ್ಟ್ವೇರ್ ಗಳನ್ನು ಹೇಗೆ ಇನ್ಸ್ಟಾಲ್ ಮಾಡಬೇಕೆಂದು ತಿಳಿಯುವೆವು.
07:10	ಸಾಮಾನ್ಯವಾಗಿ Linux ಅಥವಾ Windows ನ ಅರಿವಿರುವ ಯಾರೇ ಕೂಡಾ ಉಪಯೋಗಿಸಬಹುದು.
07:18	content ನ ಕಾರ್ಯಪ್ರಣಾಲೀ - ಇಲ್ಲಿ ನಾವು ದ್ರುಪಲ್ ನಲ್ಲಿ ಮೂಲಭೂತ ಅಂಶಗಳು ಹೇಗೆ ವ್ಯವಸ್ಥಿತಗೊಂಡಿದೆ ಎಂಬುದನ್ನು ತಿಳಿಯಬಹುದು.
07:26	ನಾವು ವರ್ಡ್ ಪ್ರೊಸೆಸರ್ ನಲ್ಲಿ ಮಾಡಿದಷ್ಟು ಸುಲಭದಲ್ಲಿ ಸಾಮಾನ್ಯವಾದ ಒಂದು ವೆಬ್ಸೈಟ್ ವಿಷಯವನ್ನೂ ಕೂಡಾ ರಚಿಸಲಿದ್ದೇವೆ.
07:34	ನಂತರ ನಾವು ದ್ರುಪಲ್ ನದ್ದೇ ಆದ ಕೆಲವು ಪ್ರಭಾವಶಾಲಿ ವಿಶೇಷತೆಗಳನ್ನು ಕಲಿಯುವೆವು.
07:40	ಸಾಮಾನ್ಯ ಕಂಟೆಂಟ್ ಗಳು ಹಾಗೂ ಈಗಾಗಲೇ ಇರುವ ಪ್ರೋಗ್ರಾಮ್ ಗಳಿಂದ ಆರಚಿಸಲ್ಪಟ್ಟ ಕಂಟೆಂಟ್ ಗಳ ನಡುವಿನ ಸಂಬಂಧವೇ ಆ ವಿಶೇಷವಾಗಿದೆ.
07:49	ದ್ರುಪಲ್ ಅನ್ನು ಹೇಗೆ extend ಮಾಡುವುದು - ಡ್ರುಪಲ್ ನ ಎರಡನೇಯ ಪ್ರಬಲವಾದ ವೈಶಿಷ್ಟ್ಯವೆಂದರೆ Modules ಅಥವಾ Extensions.
07:56	ಈ ಮೊದಲೇ ತಿಳಿಸಿದಂತೆ, Module ಎಂಬುದು app ಇದ್ದಂತೆ.
08:05	ಲಭ್ಯವಿರುವ ಹತ್ತುಸಾವಿರಕ್ಕೊ ಹೆಚ್ಚಿನ 'ಮೊಡ್ಯೂಲ್' ಗಳಲ್ಲಿ ನಿಮಗೆ ಬೇಕಾದ 'ಮೊಡ್ಯೂಲ್' ಗಳನ್ನು ಹೇಗೆ ಆಯ್ಕೆ ಮಾಡುವುದು ಎಂಬುದನ್ನು ತಿಳಿಸಲಾಗುತ್ತದೆ.
08:13	ಸೈಟ್ ಅನ್ನು ಹೇಗೆ ರೂಪಿಸುವುದು - ಒಮ್ಮೆ ಮೂಲಭೂತ ಅಂಶಗಳು ಹಾಗೂ ವೈಶಿಷ್ಟ್ಯಗಳು ಸಿದ್ಧವಾದುವೆಂದಮೇಲೆ ನಾವು ಅವುಗಳಿಗೆ ಸುಂದರವಾದ ಡಿಸ್ಪ್ಲೇ ರಚಿಸುವ ಅಗತ್ಯವಿರುತ್ತದೆ.
08:24	layout ವಿಭಾಗದಲ್ಲಿ, ದೃಶ್ಯವನ್ನು ಹಾಗೂ ಸೈಟ್ ನ ಸೌಂದರ್ಯವನ್ನು ಬದಲಿಸುವು ಎಷ್ಟು ಸುಲಭವೆಂಬುದನ್ನು ಕಲಿಯುವೆವು.
08:31	Modules ನಂತೆಯೇ, layout ಅಥವಾ Themes ಗಳು ಕೂಡಾ ಸಮುದಾಯದ ಕೊಡುಗೆಯಾಗಿದೆ.
08:38	people ಅನ್ನು ಹೇಗೆ ನಿರ್ವಹಿಸುವುದು -
08:40	ದ್ರುಪಲ್ ಎಂಬುದು ವರ್ಡಪ್ರೆಸ್ಸ್ ನ ತರಹ ಸಿಂಗಲ್-ಯೂಸರ್ ಆಧಾರವಾಗಿರದೆ ಇದರಲ್ಲಿ ಬೇರೆ ಬೇರೆ ಯೂಸರ್ ಗಳು ಬೇರೆ ಬೇರೆ ವಿಷಯಗಳ ಜೊತೆ ಕಾರ್ಯ ನಿರ್ವಹಿಸಬಹುದಾಗಿದೆ.
08:53	people ಎಂಬ ವಿಭಾಗದಲ್ಲಿ, ಹೇಗೆ ವಿಭಿನ್ನ ರೋಲ್ ಗಳನ್ನು ಸೆಟ್ ಮಾಡುವುದು ಹಾಗೂ ಅವರಿಗೆ ಹೇಗೆ ವಿಭಿನ್ನ ಅನುಮತಿಗಳನ್ನು ನೀಡುವುದು ಎಂಬುದರ ಬಗ್ಗೆ ಕಲಿಯುವೆವು.
09:01	ಹೇಗೆ ಸೈಟ್ ಅನ್ನು ಸರಿಯಾಗಿ ನಿರ್ವಹಿದುವುದು – ಕೊನೆಯ ಭಾಗದಲ್ಲಿ ದ್ರುಪಲ್ ನ ಕೋಡ್ ಅನ್ನು ಹೇಗೆ ನಿರ್ವಹಿಸುವುದೆಂದು ಕಲಿಯುವೆವು.
09:11	ಸ್ಥಿರತೆ ಹಾಗೂ ಸುರಕ್ಷತೆಗಾಗಿ ನಿಮ್ಮ ಸೈಟ್ ಅನ್ನು ಯಾವಾಗಲೂ ಅಪ್ಡೇಟ್ ಆಗಿರಿಸುವುದು ಬಹಳ ಮುಖ್ಯವಾಗಿದೆ.
09:17	* ಸೈಟ್ ಅನ್ನು ಹೆಚ್ಚು ಸುಲಭವಾಗಿರುವಂತೆ ರೂಪಿಸಲು ಹೊಸ ಹೊಸ ವೈಶಿಷ್ಟ್ಯಗಳನ್ನು ಹೊಂದುವುದು ಬಹಳ ಸಹಾಯಕಾರಿ.
09:24	ಇಲ್ಲಿಗೆ ನಾವು ಈ ಟ್ಯುಟೋರಿಯಲ್ ನ ಕೊನೆಗ ಬಂದಿದ್ದೇವೆ.
09:28	ಒಟ್ಟಿನಲ್ಲಿ, ಈ ಟ್ಯುಟೋರಿಯಲ್ ನಲ್ಲಿ ನಾವು ಈ ಕೆಳಗಿನ ಅಂಶಗಳನ್ನು ಕಲಿತೆವು: 'ದ್ರುಪಲ್' ನ ಪರಿಚಯ, 'ದ್ರುಪಲ್' ನ ಪ್ರಮುಖ ಅಂಶಗಳು ಹಾಗೂ 'ದ್ರುಪಲ್' ಪಾಠ ಸರಣಿಯ ಮುನ್ನೋಟ.
09:41	ಈ ವೀಡಿಯೋ Acquia ಹಾಗೂ OSTraining ನಿಂದ ಪಡೆಯಲಾಗಿದ್ದು ಇದನ್ನು Spoken Tutorial Project, IIT Bombay ಇಂದ ಸಂಶೋಧಿಸಲಾಗಿದೆ.
09:51	ಈ ಕೆಳಗಿನ ವೀಡಿಯೋ ಸ್ಪೋಕನ್ ಟ್ಯುಟೋರಿಯಲ್ ಪ್ರಾಜೆಕ್ಟ್ ನ ಬಗ್ಗೆ ಪರಿಚಯಿಸುತ್ತದೆ. ಇದನ್ನು ಡೌನ್ಲೋಡ್ ಮಾಡಿ ಹಾಗೂ ವೀಕ್ಷಿಸಿ.
09:59	ಸ್ಪೋಕನ್ ಟ್ಯುಟೋರಿಯಲ್ ಪ್ರಕಲ್ಪವು ಕಾರ್ಯಶಾಲೆಗಳನ್ನು ಆಯೋಜಿಸುತ್ತದೆ. ಯಾರು ಆನ್ ಲೈನ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುತ್ತರೋ ಅವರಿಗೆ ಪ್ರಮಾಣಪತ್ರವನ್ನೂ ನೀಡುತ್ತದೆ. ಹೆಚ್ಚಿನ ವಿವರಣೆಗಾಗಿ ನಮ್ಮನ್ನು ಸಂಪರ್ಕಿಸಿ.
10:11	ಸ್ಪೋಕನ್ ಟ್ಯುಟೋರಿಯಲ್ ಪ್ರಕಲ್ಪವು: NMEICT, ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ (Ministry of Human Resource Development) ಹಾಗೂ NVLI, ಸಂಸ್ಕೃತಿ ಸಚಿವಾಲಯ (Ministry of Culture), ಭಾರತ ಸರ್ಕಾರ ಇವುಗಳಿಂದ ಅನುದಾನಿತಗೊಂಡಿದೆ.
10:24	ಈ ಪಾಠದ ಅನುವಾದಕ ಹಾಗೂ ಪ್ರವಾಚಕ ಐ ಐ ಟಿ ಬಾಂಬೆ ಯಿಂದ ವಾಸುದೇವ, ಧನ್ಯವಾದಗಳು.

Contributors and Content Editors

PoojaMoolya, Pratik kamble, Sandhya.np14, Vasudeva ahitanal