Git/C2/The-git-checkout-command/Kannada

Time	Narration
00:01	git checkout command (ಗಿಟ್ ಚೆಕ್-ಔಟ್ ಕಮಾಂಡ್) ಎಂಬ 'ಸ್ಪೋಕನ್ ಟ್ಯುಟೋರಿಯಲ್'ಗೆ ನಿಮಗೆ ಸ್ವಾಗತ.
00:06	ಈ ಟ್ಯುಟೋರಿಯಲ್ ನಲ್ಲಿ, ನಾವು: * ಒಂದಕ್ಕಿಂತ ಹೆಚ್ಚು ಫೈಲ್ ಗಳನ್ನು ‘ಗಿಟ್ ರಿಪೊಸಿಟರಿ’ಗೆ ಸೇರಿಸುವುದು
00:12	'ಗಿಟ್ ರಿಪೊಸಿಟರಿ'ಯಿಂದ ಫೈಲನ್ನು ತೆಗೆದುಹಾಕುವುದು
00:16	ತೆಗೆದುಹಾಕಿದ ಫೈಲನ್ನು ಪುನಃ ಸೇರಿಸುವುದು
00:18	ಫೈಲ್ ನಲ್ಲಿ ಮಾಡಿದ ಬದಲಾವಣೆಗಳನ್ನು ತ್ಯಜಿಸುವುದು ಮತ್ತು
00:21	ಹಿಂದಿನ ಪರಿಷ್ಕರಣೆಗೆ (ರಿವಿಜನ್) ಹಿಂದಿರುಗುವುದು ಇತ್ಯಾದಿಗಳನ್ನು ಮಾಡುವುದರ ಬಗ್ಗೆ ಕಲಿಯುವೆವು.
00:25	ಈ ಟ್ಯುಟೋರಿಯಲ್ ಗಾಗಿ, ನಾನು: 'Ubuntu Linux' (ಉಬಂಟು ಲಿನಕ್ಸ್) 14.04
00:31	'Git' 2.3.2. ಮತ್ತು 'gedit' ಟೆಕ್ಸ್ಟ್ ಎಡಿಟರ್ ಇವುಗಳನ್ನು ಬಳಸುತ್ತಿದ್ದೇನೆ.
00:36	ನಿಮಗೆ ಇಷ್ಟವಾದ ಯಾವುದೇ ಎಡಿಟರ್ ಅನ್ನು ನೀವು ಬಳಸಬಹುದು.
00:40	ಈ ಟ್ಯುಟೋರಿಯಲ್ ಅನ್ನು ಅನುಸರಿಸಲು, ನೀವು ಟರ್ಮಿನಲ್ ನ ಮೇಲೆ ಲಿನಕ್ಸ್ ಕಮಾಂಡ್ ಗಳನ್ನು ರನ್ ಮಾಡಲು ತಿಳಿದಿರಬೇಕು.
00:47	ಇಲ್ಲದಿದ್ದಲ್ಲಿ, ಸಂಬಂಧಿತ 'Linux' ಟ್ಯುಟೋರಿಯಲ್ ಗಳಿಗಾಗಿ ದಯವಿಟ್ಟು ನಮ್ಮ ವೆಬ್ಸೈಟ್ ಅನ್ನು ನೋಡಿ.
00:52	ಈಗ, ನಾವು ಒಂದಕ್ಕಿಂತ ಹೆಚ್ಚು ಫೈಲ್ ಗಳನ್ನು ‘ಗಿಟ್ ರಿಪೊಸಿಟರಿ’ಗೆ ಹೇಗೆ ಸೇರಿಸುವುದು ಎಂಬುದನ್ನು ನೋಡೋಣ.
00:58	ಟರ್ಮಿನಲ್ ಅನ್ನು ಓಪನ್ ಮಾಡಲು 'Ctrl+Alt+T' ಕೀಗಳನ್ನು ಒಟ್ಟಿಗೇ ಒತ್ತಿ.
01:02	ನಾವು ಈಮೊದಲು ಕ್ರಿಯೇಟ್ ಮಾಡಿದ "mywebpage" ಎಂಬ ನಮ್ಮ ‘ಗಿಟ್ ರಿಪೊಸಿಟರಿ’ಯ ಒಳಗೆ ಹೋಗುವೆವು.
01:09	ಹೀಗೆ ಟೈಪ್ ಮಾಡಿ: 'cd space mywebpage' ಮತ್ತು 'Enter' ಅನ್ನು ಒತ್ತಿ.
01:14	ಇಲ್ಲಿ ಪ್ರದರ್ಶಿಸಲು, ನಾನು 'html' ಫೈಲ್ ಗಳನ್ನು ಬಳಸುವುದನ್ನು ಮುಂದುವರೆಸುವೆನು.
01:19	ನೀವು, ನಿಮಗೆ ಇಷ್ಟವಾದ ಯಾವುದೇ ಪ್ರಕಾರದ ಫೈಲನ್ನು ಬಳಸಬಹುದು.
01:23	ನಾವು ಈಗ ಎರಡು 'html' (ಎಚ್ ಟಿ ಎಮ್ ಎಲ್) ಫೈಲ್ ಗಳನ್ನು ಕ್ರಿಯೇಟ್ ಮಾಡುವೆವು.
01:27	ಆದ್ದರಿಂದ, ಹೀಗೆ ಟೈಪ್ ಮಾಡಿ: 'gedit space mystory.html space mynovel.html space ampersand'.
01:37	ಪ್ರಾಂಪ್ಟ್ ಅನ್ನು ಮುಕ್ತಗೊಳಿಸಲು ನಾವು & (ಆಂಪರ್ಸಂಡ್) ಅನ್ನು ಬಳಸುತ್ತೇವೆ. 'Enter' ಅನ್ನು ಒತ್ತಿ.
01:43	ನಾನು ಮೊದಲು ಸೇವ್ ಮಾಡಿದ ನನ್ನ 'Writer' ಡಾಕ್ಯೂಮೆಂಟ್ ನಿಂದ, ಸ್ವಲ್ಪ ಕೋಡ್ ಅನ್ನು ಈ ಫೈಲ್ ಗಳಲ್ಲಿ ಕಾಪಿ ಮತ್ತು ಪೇಸ್ಟ್ ಮಾಡುವೆನು.
01:50	ನಾವು ಈ ಫೈಲ್ ಗಳನ್ನು ಸೇವ್ ಮಾಡೋಣ.
01:53	'ಟರ್ಮಿನಲ್' ನಲ್ಲಿ, 'git space status' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ ಮತ್ತು ಮೊದಲು 'Git ಸ್ಟ್ಯಾಟಸ್' ಅನ್ನು ಪರೀಕ್ಷಿಸಿ.
02:03	ಅದು ಎರಡು ಅನ್ಟ್ರ್ಯಾಕ್ಡ್ (untracked) ಫೈಲ್ ಗಳನ್ನು ತೋರಿಸುತ್ತದೆ.
02:06	ನಾವು ಈಗ ಅನ್ಟ್ರ್ಯಾಕ್ಡ್ ಫೈಲ್ ಗಳನ್ನು ಟ್ರ್ಯಾಕಿಂಗ್ ಗಾಗಿ ಸೇರಿಸುವೆವು.
02:10	ಹೀಗೆ ಟೈಪ್ ಮಾಡಿ: 'git space add space dot' ಮತ್ತು 'Enter' ಅನ್ನು ಒತ್ತಿ.
02:17	'git add dot' ಕಮಾಂಡ್, ಎಲ್ಲ ಅನ್ಟ್ರ್ಯಾಕ್ಡ್ ಫೈಲ್ ಗಳನ್ನು 'ಸ್ಟೇಜಿಂಗ್ ಏರಿಯಾ'ಗೆ ಸೇರಿಸುವುದು.
02:23	ಹೀಗಾಗಿ, "mystory.html" ಹಾಗೂ "mynovel.html" ಈ ಎರಡು ಫೈಲ್ ಗಳನ್ನು ‘ಸ್ಟೇಜಿಂಗ್ ಏರಿಯಾ’ ಗೆ ಸೇರಿಸಲಾಗಿದೆ.
02:32	'git space status' ಎಂದು ಟೈಪ್ ಮಾಡಿ ಮತ್ತು ‘Enter’ ಅನ್ನು ಒತ್ತುವುದರ ಮೂಲಕ ನಾವು 'Git ಸ್ಟ್ಯಾಟಸ್' ಅನ್ನು ಮತ್ತೊಮ್ಮೆ ಪರೀಕ್ಷಿಸೋಣ.
02:40	ಈಗ, ‘ಗಿಟ್ ರಿಪೊಸಿಟರಿ’ಯ ‘ಸ್ಟೇಜಿಂಗ್ ಏರಿಯಾ’ ಗೆ, ನಮ್ಮ ಎರಡೂ ಫೈಲ್ ಗಳು ಸೇರಿಸಲ್ಪಟ್ಟಿವೆ ಎಂಬುದನ್ನು ನಾವು ನೋಡಬಹುದು.
02:47	ನಾವು 'mystory.html' ಹಾಗೂ 'mynovel.html' ಎಂಬ ನಮ್ಮ ಫೈಲ್ ಗಳಿಗೆ ಹಿಂದಿರುಗೋಣ.
02:54	ಈಗ, ನಾವು ಈ ಎರಡು ಫೈಲ್ ಗಳಿಗೆ ಇನ್ನೂ ಕೆಲವು ಸಾಲು ಕೋಡ್ ಅನ್ನು ಸೇರಿಸುವೆವು.
03:00	ಹಿಂದಿನಂತೆ, ನನ್ನ 'Writer' ಡಾಕ್ಯೂಮೆಂಟ್ ನಿಂದ ನಾನು ಕಾಪಿ-ಪೇಸ್ಟ್ ಮಾಡುವೆನು.
03:05	ಮತ್ತೊಮ್ಮೆ ಫೈಲ್ ಗಳನ್ನು ಸೇವ್ ಮಾಡಿ ಹಾಗೂ ಮುಚ್ಚಿ.
03:08	'git space status' ಎಂದು ಟೈಪ್ ಮಾಡಿ ಮತ್ತು ‘Enter’ ಅನ್ನು ಒತ್ತುವುದರ ಮೂಲಕ ನಾವು 'Git ಸ್ಟ್ಯಾಟಸ್'ಅನ್ನು ಮತ್ತೊಮ್ಮೆ ಪರೀಕ್ಷಿಸೋಣ.
03:16	ಇದು “Changes not staged for commit” ಹಾಗೂ “modified: mynovel.html" ಮತ್ತು "mystory.html” ಎಂದು ತೋರಿಸುತ್ತದೆ.
03:26	ನಾವು ಮಾಡಿದ ಬದಲಾವಣೆಗಳನ್ನು ‘ಸ್ಟೇಜಿಂಗ್ ಏರಿಯಾ’ ಗೆ ಸೇರಿಸಲಾಗಿಲ್ಲ ಎಂದು ಇದರ ಅರ್ಥ.
03:32	ನಾವು ಈಗ ನಮ್ಮ ಕೆಲಸವನ್ನು ಈ ಹಂತದಲ್ಲಿ 'ಕಮಿಟ್' ಮಾಡೋಣ.
03:36	ಆದ್ದರಿಂದ, ಹೀಗೆ ಟೈಪ್ ಮಾಡಿ: ‘git space commit space hyphen a space hyphen m space’ ಡಬಲ್ ಕೋಟ್ಸ್ ನಲ್ಲಿ “Added two files” ಮತ್ತು 'Enter' ಅನ್ನು ಒತ್ತಿ.
03:50	ಕಮಿಟ್ ಮಾಡುವ ಮೊದಲು, ನಾವು ಮಾರ್ಪಡಿಸಿದ ಫೈಲ್ ಗಳನ್ನು ‘ಸ್ಟೇಜಿಂಗ್ ಏರಿಯಾ’ಗೆ ಸೇರಿಸಲಿಲ್ಲ ಮತ್ತು
03:57	ನಾವು ಹಿಂದಿನ ಟ್ಯುಟೋರಿಯಲ್ ನಲ್ಲಿ ನೋಡಿದಂತೆ, 'ಕಮಿಟಿಂಗ್ ಮೆಸೇಜ್' ಗಾಗಿ ಎಡಿಟರ್ ಸಹ ತೆರೆದುಕೊಳ್ಳಲಿಲ್ಲ ಎಂಬುದನ್ನು ಗಮನಿಸಿ.
04:03	ಏಕೆಂದರೆ, ಇಲ್ಲಿ ನಾವು 'ಹೈಫನ್ a' ಮತ್ತು 'ಹೈಫನ್ m' ಫ್ಲ್ಯಾಗ್ ಗಳನ್ನು ಬಳಸಿದ್ದೇವೆ.
04:10	ಈ ಫ್ಲ್ಯಾಗ್ ಗಳು ಇರುವದು ಏತಕ್ಕಾಗಿ?
04:13	ನಮ್ಮ ಸ್ಲೈಡ್ ಗಳಿಗೆ ಹಿಂತಿರುಗಿ.
04:15	ಎಲ್ಲ ಮಾರ್ಪಡಿಸಿದ ಫೈಲ್ ಗಳನ್ನು ‘ಸ್ಟೇಜಿಂಗ್ ಏರಿಯಾ’ ಗೆ ಸೇರಿಸಲು 'ಹೈಫನ್ a' ಫ್ಲ್ಯಾಗ್ ಅನ್ನು ಬಳಸಲಾಗುವುದು.
04:21	ನಾವು 'ಹೈಫನ್ a' ಫ್ಲ್ಯಾಗ್ ಅನ್ನು ಬಳಸಿದಾಗ, ಮಾರ್ಪಡಿಸಿದ ಫೈಲ್ ಗಳನ್ನು ‘ಸ್ಟೇಜಿಂಗ್ ಏರಿಯಾ’ ಗೆ ಸೇರಿಸಲು ನಮಗೆ ಮತ್ತೆ 'git add' ಕಮಾಂಡ್ ಅನ್ನು ಬಳಸುವ ಅವಶ್ಯಕತೆ ಇಲ್ಲ.
04:30	'ಕಮಾಂಡ್ ಲೈನ್' ನಲ್ಲಿ 'ಕಮಿಟ್ ಮೆಸೇಜ್' ಅನ್ನು ಕೊಡಲು, 'ಹೈಫನ್ m' ಫ್ಲ್ಯಾಗ್ ಅನ್ನು ಬಳಸಲಾಗುತ್ತದೆ.
04:36	ನಾವು 'ಹೈಫನ್ a' ಮತ್ತು 'ಹೈಫನ್ m' ಫ್ಲ್ಯಾಗ್ ಗಳನ್ನು 'ಹೈಫನ್ am' ಎಂದು ಬಳಸಬಹುದು.
04:42	'ಟರ್ಮಿನಲ್' ಗೆ ಹಿಂದಿರುಗಿ.
04:45	'git space log' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ ಮತ್ತು 'Git log' ಅನ್ನು ನೋಡಿ.
04:52	'ಕಮಿಟ್' ಗಳ ಪಟ್ಟಿಯನ್ನು ನೀವು ನೋಡಬಹುದು.
04:54	ಇತ್ತೀಚಿನ 'ಕಮಿಟ್' ಗಳನ್ನು ಮೊದಲು ಪಟ್ಟಿ ಮಾಡಲಾಗಿದೆ ಎಂಬುದನ್ನು ಗಮನಿಸಿ.
04:58	ಎಂದರೆ, ಕಮಿಟ್ ಗಳನ್ನು ಕಾಲಾನುಕ್ರಮದಲ್ಲಿ ಪಟ್ಟಿ ಮಾಡಲಾಗಿದೆ.
05:03	ಒಂದುವೇಳೆ ನೀವು ‘ಗಿಟ್ ರಿಪೊಸಿಟರಿ’ ಗೆ ತಪ್ಪು ಫೈಲನ್ನು ಸೇರಿಸಿದ್ದರೆ, ಅದನ್ನು ಸುಲಭವಾಗಿ ತೆಗೆದುಹಾಕಬಹುದು.
05:10	ಉದಾಹರಣೆಗೆ, ನನಗೆ 'mypage.html' ಫೈಲನ್ನು ತೆಗೆದುಹಾಕಬೇಕಾಗಿದೆ.
05:16	ಹೀಗೆ ಟೈಪ್ ಮಾಡಿ: 'git space rm space hyphen hyphen cached space mypage dot html' ಮತ್ತು 'Enter' ಅನ್ನು ಒತ್ತಿ.
05:26	ಈ ಕಮಾಂಡ್, 'mypage.html' ಫೈಲನ್ನು ‘ಸ್ಟೇಜಿಂಗ್ ಏರಿಯಾ’ದಿಂದ ತೆಗೆದುಹಾಕುವುದು.
05:32	'git space status' ಎಂದು ಟೈಪ್ ಮಾಡಿ ಮತ್ತು ‘Enter’ ಅನ್ನು ಒತ್ತುವುದರ ಮೂಲಕ ನಾವು 'Git ಸ್ಟ್ಯಾಟಸ್'ಅನ್ನು ಈಗ ಪರೀಕ್ಷಿಸುವೆವು.
05:40	'mypage.html' ಫೈಲ್ ಅನ್ಟ್ರ್ಯಾಕ್ಡ್ ಎಂದು ಇದು ಹೇಳುತ್ತಿದೆ.
05:45	ಈಗ, 'rm space mypage dot html' ಎಂದು ಟೈಪ್ ಮಾಡಿ ಹಾಗೂ 'Enter' ಅನ್ನು ಒತ್ತಿ
05:49	ನಾವು ಫೈಲ್ ಸಿಸ್ಟಂನಿಂದ ಫೈಲನ್ನು ತೆಗೆದುಹಾಕಬಹುದು.
05:55	ಈ ಕಮಾಂಡ್, 'mywebpage' ಫೋಲ್ಡರ್ ನಿಂದ ಫೈಲನ್ನು ಪೂರ್ತಿಯಾಗಿ ತೆಗೆದುಹಾಕುವುದು.
06:00	ಈಗ, ನಾವು ‘ಗಿಟ್ ರಿಪೊಸಿಟರಿ’ ಯಿಂದ ಫೈಲನ್ನು ತೆಗೆದುಹಾಕಲಾಗಿದೆಯೇ ಎಂದು ಪರೀಕ್ಷಿಸುವೆವು.
06:06	ಆದ್ದರಿಂದ, ಹೀಗೆ ಟೈಪ್ ಮಾಡಿ: 'git space status' ಮತ್ತು 'Enter' ಅನ್ನು ಒತ್ತಿ.
06:12	ಇದು “deleted: mypage.html” ಎಂಬ ಮೆಸೇಜನ್ನು ತೋರಿಸುತ್ತದೆ.
06:16	ಈಗ, "ls" ಎಂದು ಟೈಪ್ ಮಾಡಿ 'Enter' ಅನ್ನು ಒತ್ತಿ ಹಾಗೂ ಫೈಲ್ ಗಳನ್ನು ಲಿಸ್ಟ್ ಮಾಡಿ.
06:21	ಇಲ್ಲಿ, 'mypage.html' ಫೈಲನ್ನು ಡಿಲೀಟ್ ಮಾಡಿರುವುದರಿಂದ ಇನ್ನುಮುಂದೆ ನಾವು ಅದನ್ನು ನೋಡಲು ಸಾಧ್ಯವಿಲ್ಲ.
06:28	ಈ ಹಂತದಲ್ಲಿ, ನಾವು ನಮ್ಮ ಕೋಡ್ ಅನ್ನು ಫ್ರೀಝ್ ಮಾಡೋಣ.
06:32	'ಕಮಿಟ್' ಮಾಡಲು, ಹೀಗೆ ಟೈಪ್ ಮಾಡಿ: 'git space commit space hyphen am space' ಡಬಲ್ ಕೋಟ್ಸ್ ನಲ್ಲಿ “Deleted mypage.html” ಹಾಗೂ 'Enter' ಅನ್ನು ಒತ್ತಿ.
06:45	ನಾವು 'git space log' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ, 'Git log' ಅನ್ನು ನೋಡೋಣ.
06:51	ಹೊರಬರಲು ನಿಮ್ಮ ಕೀಬೋರ್ಡ್ ಮೇಲಿನ 'q' ಕೀಯನ್ನು ಒತ್ತಿ.
06:55	ಇಲ್ಲಿ, ನಾವು ಕಮಿಟ್ ಮೆಸೇಜನ್ನು ಓದಿ ಇತ್ತೀಚೆಗಿನ ಕಮಿಟ್ ನ್ನು ನೋಡಬಹುದು.
06:59	ಈಗ, ಒಂದುವೇಳೆ, ಆಕಸ್ಮಿಕವಾಗಿ ನಾವು 'mypage.html' ಅನ್ನು ಡಿಲೀಟ್ ಮಾಡಿದ್ದರೆ ಮತ್ತು ಅದನ್ನು ಈಗ ಮರಳಿ ಪಡೆಯಬೇಕಾಗಿದ್ದರೆ,
07:08	ನಾವು ಏನು ಮಾಡಬಹುದು?
07:09	ಹಿಂದಿನ ಕಮಿಟ್ ಗಳಿಂದ ಡಿಲೀಟ್ ಮಾಡಿದ ಫೈಲನ್ನು ನಾವು ಮರಳಿ ಪಡೆಯಬಹುದು.
07:13	“Added two files” ಎಂಬ 'ಕಮಿಟ್ ಮೆಸೇಜ್' ಅನ್ನು ಹೊಂದಿರುವ ಎರಡನೆಯ 'ಕಮಿಟ್'ನಿಂದ ನಾವು ನಮ್ಮ ಫೈಲನ್ನು ಮರಳಿ ಪಡೆಯೋಣ.
07:20	ಎರಡನೆಯ 'ಕಮಿಟ್ ಹ್ಯಾಶ್' ನ ಮೊದಲ ಐದು ಅಂಕಿಗಳನ್ನು ಆಯ್ಕೆಮಾಡಿ
07:24	ಮತ್ತು ಅವುಗಳನ್ನು ಕಾಪಿ ಮಾಡಲು 'Ctrl + Shift + C' ಕೀಗಳನ್ನು ಒತ್ತಿ.
07:28	ಮೊದಲ ಐದು ಅಂಕಿಗಳು ಇದ್ದರೆ ಸಾಕು.
07:31	ಆದರೆ, ನೀವು ಇಷ್ಟಪಟ್ಟರೆ ಐದಕ್ಕಿಂತ ಹೆಚ್ಚು ಅಂಕಿಗಳನ್ನು ಸಹ ಕಾಪಿ ಮಾಡಬಹುದು.
07:36	ಹೀಗೆ ಟೈಪ್ ಮಾಡಿ: 'git space checkout space' ಹಾಗೂ 'ಕಮಿಟ್ ಹ್ಯಾಶ್' ಅನ್ನು ಪೇಸ್ಟ್ ಮಾಡಲು 'Ctrl + Shift + V' ಕೀಗಳನ್ನು ಒತ್ತಿ.
07:45	ಈಗ, ಫೈಲ್ ನ ಹೆಸರನ್ನು " mypage.html" ಎಂದು ಟೈಪ್ ಮಾಡಿ ಮತ್ತು 'Enter' ಅನ್ನು ಒತ್ತಿ.
07:51	'git space status' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ, 'Git status' ಅನ್ನು ನೋಡಿ.
07:58	ಈಗ, ನೀವು 'mypage.html' ಫೈಲನ್ನು ನೋಡಬಹುದು.
08:02	ನಾವು ಈ ಹಂತದಲ್ಲಿ ನಮ್ಮ ಕೆಲಸವನ್ನು 'ಕಮಿಟ್' ಮಾಡೋಣ.
08:05	ನಾವು ಯಾವುದೇ ಫೈಲನ್ನು ಸೇರಿಸಿದಾಗ ಅಥವಾ ತೆಗೆದುಹಾಕಿದಾಗಲೆಲ್ಲ, ನಮ್ಮ ಕೆಲಸವನ್ನು 'ಕಮಿಟ್' ಮಾಡುವುದು ಬಹಳ ಮುಖ್ಯವಾಗಿದೆ ಎಂಬುದನ್ನು ಗಮನಿಸಿ.
08:12	ಹೀಗೆ ಟೈಪ್ ಮಾಡಿ: 'git space commit space hyphen am space “Restored mypage.html” ' ಹಾಗೂ 'Enter' ಅನ್ನು ಒತ್ತಿ.
08:22	ಈಗ “ls” ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ, ಫೈಲ್ ಗಳನ್ನು ಲಿಸ್ಟ್ ಮಾಡಿ.
08:28	ನಮ್ಮ ಫೈಲ್ 'mypage.html' ಅನ್ನು ಹಿಂದಿರುಗಿಸಲಾಗಿದೆ ಎಂದು ನಾವು ನೋಡಬಹುದು.
08:33	ನಂತರ, ಫೈಲ್ ನಲ್ಲಿ ಮಾಡಿದ ಬದಲಾವಣೆಗಳನ್ನು ಹೇಗೆ ತ್ಯಜಿಸುವುದೆಂದು ನಾವು ನೋಡುವೆವು.
08:38	'gedit space mypage.html space mystory.html space ampersand' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ, ಫೈಲ್ ಗಳನ್ನು ತೆರೆಯಿರಿ.
08:50	'mypage.html' ಮತ್ತು 'mystory.html' ಗಳಲ್ಲಿ ನಾವು ಕೆಲವು ಬದಲಾವಣೆಗಳನ್ನು ಮಾಡುವೆವು.
08:58	ಎರಡೂ ಫೈಲ್ ಗಳಲ್ಲಿ ನಾವು ಕೆಲವು ಸಾಲುಗಳನ್ನು ಸೇರಿಸೋಣ ಹಾಗೂ ತೆಗೆದುಹಾಕೋಣ.
09:03	ಆಮೇಲೆ ಫೈಲ್ ಗಳನ್ನು ಸೇವ್ ಮಾಡಿ ಹಾಗೂ ಮುಚ್ಚಿ.
09:06	ಕೆಲವು ಸಂದರ್ಭಗಳಲ್ಲಿ, ನಾವು ಈ ಬದಲಾವಣೆಗಳೊಂದಿಗೆ ಮುಂದುವರಿಯಲು ಬಯಸದೆ ಇರಬಹುದು.
09:11	ನಮ್ಮ ಕೆಲಸದ ಹಿಂದಿನ ಹಂತಕ್ಕೆ ನಮಗೆ ಹಿಂದಿರುಗಬೇಕಾಗಿದೆ ಎಂದು ಇದರ ಅರ್ಥ.
09:16	ಇದನ್ನು ಹೇಗೆ ಮಾಡುವುದು ಎಂಬುದನ್ನು ನಾವು ತಿಳಿಯೋಣ.
09:19	ಮೊದಲು, ನಾವು 'git space status' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ, 'Git status' ಅನ್ನು ನೋಡುವೆವು.
09:27	ಕೆಲವು ಫೈಲ್ ಗಳನ್ನು ಮಾರ್ಪಡಿಸಲಾಗಿದೆ ಎಂದು ಇದು ಹೇಳುತ್ತದೆ.
09:30	ಈಗ, ಹೀಗೆ ಟೈಪ್ ಮಾಡಿ: 'git space checkout space dot' ಮತ್ತು 'Enter' ಅನ್ನು ಒತ್ತಿ.
09:37	ಈ 'ಕಮಾಂಡ್', ನಮ್ಮ ಕೆಲಸದ ಇತ್ತೀಚಿನ ಬದಲಾವಣೆಗಳನ್ನು ಡಿಲೀಟ್ ಮಾಡುವುದು.
09:41	'git space status' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ, 'Git status' ಅನ್ನು ನೋಡಿ.
09:48	ಇದು, “nothing to commit” ಎಂದು ಹೇಳುತ್ತದೆ.
09:51	ಬದಲಾವಣೆಗಳು ಇನ್ನೂ ಇಲ್ಲಿ ಇವೆಯೇ ಎಂದು ನೋಡಲು ನಾವು ಫೈಲ್ ಗಳನ್ನು ಪರಿಶೀಲಿಸೋಣ.
09:57	ಹೀಗೆ ಟೈಪ್ ಮಾಡಿ: 'gedit space mypage.html space mystory.html &' ಹಾಗೂ 'Enter' ಅನ್ನು ಒತ್ತಿ.
10:07	ನಾವು ಮಾಡಿದ ಬದಲಾವಣೆಗಳನ್ನು ತ್ಯಜಿಸಲಾಗಿದೆ ಎಂಬುದನ್ನು ನೋಡಬಹುದು. ಫೈಲ್ ಗಳನ್ನು ಮುಚ್ಚಿಬಿಡಿ.
10:13	ಈಗ, ನಾವು 'git space log' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ, 'Git log' ಅನ್ನು ನೋಡೋಣ.
10:20	ಇದು 'ಕಮಿಟ್' ಗಳ ಪಟ್ಟಿಯನ್ನು ತೋರಿಸುತ್ತದೆ.
10:23	ಇನ್ನೂ ಹೆಚ್ಚು ನೋಡಲು 'ಡೌನ್-ಆರೋ' ಕೀಯನ್ನು ಒತ್ತಿ.
10:26	ಹೊರಬರಲು, ನಿಮ್ಮ ಕೀಬೋರ್ಡ್ ಮೇಲಿನ 'q' ಕೀಯನ್ನು ಒತ್ತಿ.
10:30	ಒಂದುವೇಳೆ ನಿಮಗೆ 'ಕಮಿಟ್' ಗಳ ಪಟ್ಟಿಯನ್ನು ಒಂದೇ ಸಾಲಿನಲ್ಲಿ ನೋಡಬೇಕಾಗಿದ್ದರೆ, ಹೀಗೆ ಟೈಪ್ ಮಾಡಿ: 'git space log space hyphen hyphen oneline' ಮತ್ತು 'Enter' ಅನ್ನು ಒತ್ತಿ.
10:42	ಇಲ್ಲಿ, ಒಂದೇ ಸಾಲಿನಲ್ಲಿ 'ಕಮಿಟ್' ಗಳ 'ಕಮಿಟ್ ಹ್ಯಾಶ್' ಮತ್ತು 'ಕಮಿಟ್ ಮೆಸೇಜ್' ಗಳಿರುವ ಪಟ್ಟಿಯನ್ನು ನೀವು ನೋಡಬಹುದು.
10:48	ನಮ್ಮ ಕೆಲಸದ ಹಿಂದಿನ ರಿವಿಜನ್ ಗೆ ನಾವು ಹೇಗೆ ಹೋಗಬಹುದು?
10:53	ಪ್ರಸ್ತುತ, ನಾವು 'ರಿಪಾಸಿಟರಿ' ಯಲ್ಲಿ ನಾಲ್ಕು 'ಕಮಿಟ್' ಗಳನ್ನು
10:56	ಎಂದರೆ, ನಮ್ಮ ಕೆಲಸದ ನಾಲ್ಕು ರಿವಿಜನ್ ಗಳನ್ನು (ಪರಿಷ್ಕರಣೆಗಳನ್ನು) ಹೊಂದಿದ್ದೇವೆ.
11:01	ನಮಗೆ “Initial commit” ಹಂತಕ್ಕೆ ಮರಳಿ ಹೋಗಬೇಕಾಗಿದೆ ಎಂದುಕೊಳ್ಳಿ.
11:05	ಆದ್ದರಿಂದ, ಹೀಗೆ ಟೈಪ್ ಮಾಡಿ: 'git space checkout space'. ನಂತರ “Initial commit” ನ 'ಕಮಿಟ್ ಹ್ಯಾಶ್'ಅನ್ನು ಕಾಪಿ-ಪೇಸ್ಟ್ ಮಾಡಿ ಮತ್ತು 'Enter' ಅನ್ನು ಒತ್ತಿ.
11:15	“ls” ಎಂದು ಟೈಪ್ ಮಾಡಿ 'Enter' ಅನ್ನು ಒತ್ತುವುದರ ಮೂಲಕ ಫೈಲ್ ಗಳನ್ನು ಪಟ್ಟಿಮಾಡಿ.
11:19	ಇಲ್ಲಿ, ನಾವು 'mypage.html' ಎಂಬ ಒಂದೇ ಒಂದು ಫೈಲನ್ನು ನೋಡಬಹುದು. ಏಕೆಂದರೆ, ಈ ಹಂತದಲ್ಲಿ ನಮ್ಮ ಹತ್ತಿರ ಈ ಫೈಲ್ ಮಾತ್ರ ಇತ್ತು.
11:28	ಈಗ, 'git space log' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ ಮತ್ತು'Git log' ಅನ್ನು ನೋಡಿ.
11:34	ನಾವು ನೋಡಬಹುದು ಮೊದಲನೆಯ 'ಕಮಿಟ್'ನ್ನು ಮಾತ್ರ ಎಂದರೆ “Initial commit”.
11:39	ಸದ್ಯದ ರಿವಿಜನ್ ಗೆ ಹಿಂದಿರುಗಲು, ಹೀಗೆ ಟೈಪ್ ಮಾಡಿ: 'git space checkout space master' ಮತ್ತು 'Enter' ಅನ್ನು ಒತ್ತಿ.
11:48	ನಾವು 'master' ಎಂಬ ಪದದ ಬಗ್ಗೆ ಮುಂದಿನ ಟ್ಯುಟೊರಿಯಲ್ ಗಳಲ್ಲಿ ಇನ್ನೂ ಹೆಚ್ಚು ತಿಳಿದುಕೊಳ್ಳುವೆವು.
11:53	ನಾವು, 'git space log space hyphen hyphen oneline' ಎಂದು ಟೈಪ್ ಮಾಡಿ,
11:57	'Enter' ಅನ್ನು ಒತ್ತಿ, ಮತ್ತೊಮ್ಮೆ 'Git log' ಅನ್ನು ನೋಡೋಣ.
12:03	ಈಗ ನೀವು ನಾಲ್ಕೂ 'ಕಮಿಟ್' ಗಳನ್ನು ನೋಡಬಹುದು. ಆದ್ದರಿಂದ, ನಾವು ಈಗ ಇತ್ತೀಚಿನ 'ಸ್ಟೇಜ್' ನಲ್ಲಿ ಇದ್ದೇವೆ.
12:10	ನಾವು ಈ ರೀತಿಯಲ್ಲಿ, ನಮ್ಮ ಕೆಲಸದ ಯಾವುದೇ ಹಂತಕ್ಕೆ ಮರಳಿ ಹೋಗಬಹುದು.
12:14	ಹಳೆಯ ರಿವಿಜನ್ ಗೆ ಹೋಗಲು ಇನ್ನೊಂದು ರೀತಿಯಿದೆ.
12:18	ಹೀಗೆ ಟೈಪ್ ಮಾಡಿ: 'git space reset space hyphen hyphen hard'
12:23	ಆಮೇಲೆ, “Initial commit” ನ 'ಕಮಿಟ್ ಹ್ಯಾಶ್'ಅನ್ನು ಕಾಪಿ-ಪೇಸ್ಟ್ ಮಾಡಿ ಮತ್ತು 'Enter' ಅನ್ನು ಒತ್ತಿ.
12:29	'git space log' ಎಂದು ಟೈಪ್ ಮಾಡಿ, 'Enter' ಅನ್ನು ಒತ್ತಿ 'Git log' ಅನ್ನು ನೋಡಿ.
12:35	ನಾವು ಈಗ “Initial commit” ಸ್ಟೇಜ್ ನಲ್ಲಿಇದ್ದೇವೆ ಎಂದು ಇದು ತೋರಿಸುತ್ತದೆ.
12:39	ಈಗ, ನಾವು ಇತ್ತೀಚಿನ ರಿವಿಜನ್ ಗೆ ಹಿಂದಿರುಗಲು ಪ್ರಯತ್ನಿಸೋಣ.
12:43	ಮೊದಲಿನಂತೆ, ಹೀಗೆ ಟೈಪ್ ಮಾಡಿ: 'git space checkout space master' ಹಾಗೂ 'Enter' ಅನ್ನು ಒತ್ತಿ.
12:51	ನಮಗೆ ಇತ್ತೀಚಿನ ರಿವಿಜನ್ ಗೆ ಹಿಂದಿರುಗಲು ಸಾಧ್ಯವಾಗುತ್ತಿಲ್ಲ.
12:55	ಬದಲಾಗಿ, ನಮಗೆ “Already on 'master' ” ಎಂಬ ಮೆಸೇಜ್ ಸಿಗುತ್ತದೆ.
12:58	ಇದು ನಮ್ಮ ಇತ್ತೀಚಿನ ರಿವಿಜನ್ ಆಗಿದೆ ಎಂದು ಇದರ ಅರ್ಥ.
13:02	ಆದ್ದರಿಂದ, ಗಮನಿಸಿ: ಒಮ್ಮೆ ನಾವು 'git reset hyphen hyphen hard' ಎಂಬ ಕಮಾಂಡ್ ಅನ್ನು ಬಳಸಿದೆವೆಂದರೆ ಇತ್ತೀಚಿನ ಸ್ಟೇಜ್ ಗೆ ನಾವು ಹಿಂದಿರುಗಲು ಸಾಧ್ಯವಿಲ್ಲ.
13:11	ಆದ್ದರಿಂದ, ನಾವು ಈ ಕಮಾಂಡ್ ನೊಂದಿಗೆ ತುಂಬಾ ಎಚ್ಚರಿಕೆಯಿಂದ ಇರಬೇಕು.
13:15	ಇದರೊಂದಿಗೆ, ನಾವು ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿರುತ್ತೇವೆ.
13:18	ಸಂಕ್ಷಿಪ್ತವಾಗಿ, ಈ ಟ್ಯುಟೋರಿಯಲ್ ನಲ್ಲಿ, ನಾವು: * ಒಂದಕ್ಕಿಂತ ಹೆಚ್ಚು ಫೈಲ್ ಗಳನ್ನು ‘ಗಿಟ್ ರಿಪೊಸಿಟರಿ’ ಗೆ ಸೇರಿಸಲು
13:27	* ‘ಗಿಟ್ ರಿಪೊಸಿಟರಿ’ ಯಿಂದ ಫೈಲನ್ನು ತೆಗೆದುಹಾಕಲು * ತೆಗೆದುಹಾಕಿದ ಫೈಲನ್ನು ಮರಳಿ ಪಡೆಯಲು
13:32	* ಫೈಲ್ ನಲ್ಲಿ ಮಾಡಿದ ಬದಲಾವಣೆಗಳನ್ನು ಅಲಕ್ಷಿಸಲು ಹಾಗೂ * ಮೊದಲಿನ ರಿವಿಜನ್ ಗೆ ಹಿಂದಿರುಗಲು ಕಲಿತಿದ್ದೇವೆ.
13:39	ಒಂದು ಅಸೈನ್ಮೆಂಟ್- ಹಿಂದಿನ ಟ್ಯುಟೋರಿಯಲ್ ನ ಅಸೈನ್ಮೆಂಟ್ ನಲ್ಲಿ ನೀವು ಕ್ರಿಯೇಟ್ ಮಾಡಿದ ನಿಮ್ಮ ‘ಗಿಟ್ ರಿಪೊಸಿಟರಿ’ ಗೆ ಹೋಗಿ.
13:46	ನಿಮ್ಮ ಟೆಕ್ಸ್ಟ್ ಫೈಲ್ ನಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿ.
13:49	ಬದಲಾವಣೆಗಳನ್ನು 'ಕಮಿಟ್' ಮಾಡಿ.
13:52	ನಿಮ್ಮ ಹಳೆಯ ಪರಿಷ್ಕರಣೆಗೆ ಹಿಂದಿರುಗಲು ಪ್ರಯತ್ನಿಸಿ.
13:55	ನಿಮ್ಮ ಟೆಕ್ಸ್ಟ್ ಫೈಲ್ ನಲ್ಲಿ ಮತ್ತೆ ಕೆಲವು ಬದಲಾವಣೆಗಳನ್ನು ಮಾಡಿ ಮತ್ತು ಈ ಬದಲಾವಣೆಗಳನ್ನು ಅಲಕ್ಷಿಸಲು ಪ್ರಯತ್ನಿಸಿ.
14:02	ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುವ ವಿಡಿಯೋ, ಸ್ಪೋಕನ್ ಟ್ಯುಟೋರಿಯಲ್ ಪ್ರೋಜೆಕ್ಟ್ ನ ಸಾರಾಂಶವಾಗಿದೆ. ದಯವಿಟ್ಟು ಇದನ್ನು ಡೌನ್ಲೋಡ್ ಮಾಡಿ ವೀಕ್ಷಿಸಿ.
14:11	‘ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್’ ತಂಡವು ಕಾರ್ಯಶಾಲೆಗಳನ್ನು ನಡೆಸುತ್ತದೆ ಮತ್ತು ‘ಆನ್ ಲೈನ್ ಟೆಸ್ಟ್’ ನಲ್ಲಿ ಉತ್ತೀರ್ಣರಾದವರಿಗೆ ಪ್ರಮಾಣಪತ್ರವನ್ನು ಕೊಡಲಾಗುತ್ತದೆ.
14:18	ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ನಮಗೆ ಬರೆಯಿರಿ.
14:22	‘ಸ್ಪೋಕನ್ ಟ್ಯುಟೋರಿಯಲ್ ಪ್ರೊಜೆಕ್ಟ್’ NMEICT, MHRD, ಭಾರತ ಸರ್ಕಾರದಿಂದ ಅನುದಾನವನ್ನು ಪಡೆದಿದೆ.
14:29	ಈ ಮಿಷನ್ನಿನ ಬಗ್ಗೆ ಹೆಚ್ಚಿನ ಮಾಹಿತಿಯು ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿದೆ: [1]
14:34	IIT Bombay ಯಿಂದ, ‘ಸ್ಕ್ರಿಪ್ಟ್’ನ ಅನುವಾದಕಿ ಸಂಧ್ಯಾ ಪುಣೇಕರ್ ಹಾಗೂ ಪ್ರವಾಚಕ….. ವಂದನೆಗಳು.

Contributors and Content Editors

Sandhya.np14