LibreOffice-Suite-Base/C4/Database-Design-Primary-Key-and-Relationships/Kannada

Time	Narration
00:00	ಲಿಬರ್ ಆಫಿಸ್ ಬೇಸ್ ನ ಸ್ಪೋಕನ್ ಟ್ಯುಟೋರಿಯಲ್ ಗೆ ಸ್ವಾಗತ.
00:04	ಈ ಟ್ಯುಟೋರಿಯಲ್, ಡೇಟಾಬೇಸ್ ಡಿಸೈನ್ ಮೇಲಿನ ಹಿಂದಿನ ಟ್ಯುಟೋರಿಯಲ್ ನ ಮುಂದುವರಿಕೆಯಾಗಿದೆ.
00:10	ಇಲ್ಲಿ ನಾವು ಈ ಕೆಳಗಿನ ವಿಷಯಗಳನ್ನು ಕಲಿಯಲಿದ್ದೇವೆ:
00:13	ಮಾಹಿತಿ ಐಟಂಗಳನ್ನು ಕಾಲಂಗಳಾಗಿ ಪರಿವರ್ತಿಸುವುದು,
00:17	ಪ್ರೈಮರಿ ಕೀಗಳನ್ನು ನಿರೂಪಿಸುವುದು,
00:20	ಮತ್ತು ಟೇಬಲ್ ರಿಲೇಶನ್ ಶಿಪ್ ಗಳನ್ನು ವ್ಯವಸ್ಥೆಗೊಳಿಸುವುದು.
00:23	ಕಳೆದ ಟ್ಯುಟೋರಿಯಲ್ ನಲ್ಲಿ ನಾವು, ಸರಳವಾದ ಲೈಬ್ರರಿ ಅಪ್ಲಿಕೇಶನ್ ಗೆ ಡೇಟಾಬೇಸ್ ಡಿಸೈನ್ ನ ಪ್ರಕ್ರಿಯೆಯನ್ನು ಪ್ರಾರಂಭಿಸಿದ್ದೆವು.
00:30	ಮೊದಲಿಗೆ ನಾವು ಲೈಬ್ರರಿ ಡೇಟಾಬೇಸ್ ನಿರ್ಮಿಸುವ ಉದ್ದೇಶವನ್ನು ನಿರ್ಣಯಿಸಿದೆವು.
00:36	ನಂತರ ನಾವು ಲೈಬ್ರರಿ ಕುರಿತ ಮಾಹಿತಿಯನ್ನು ಕಂಡುಹುಡುಕಿ ಮತ್ತು ಅಣಿಗೊಳಿಸಿ ಈ ಪ್ರಕ್ರಿಯೆಯನ್ನು ಮುಂದುವರಿಸಿದೆವು,
00:44	ಮತ್ತು ಮಾಹಿತಿಯನ್ನು ಟೇಬಲ್ ಗಳಾಗಿ ವಿಂಗಡಿಸಿದೆವು.
00:49	ಅಲ್ಲದೆ, ನಾವು ನಮ್ಮ ಲೈಬ್ರರಿ ಡೇಟಾಬೇಸ್ ಅನ್ನು ನಾಲ್ಕು ಟೇಬಲ್ ಗಳಾಗಿ ಗುರುತಿಸಿದೆವು. ಅವೆಂದರೆ: ಬುಕ್ಸ್, ಆಥರ್ಸ್, ಪಬ್ಲಿಕೇಶನ್ಸ್ ಮತ್ತು ಮೆಂಬರ್ಸ್.
01:00	ಈಗ ನಾವು ಮಾಹಿತಿಯ ಐಟಂಗಳನ್ನು ಕಾಲಂಗಳಾಗಿ ಪರಿವರ್ತಿಸುವ ಮುಂದಿನ ಹಂತಕ್ಕೆ ಹೋಗೋಣ.
01:07	ಇಲ್ಲಿ ನಾವು, ಪ್ರತಿ ಟೇಬಲ್ ನಲ್ಲಿ ಯಾವ ಮಾಹಿತಿಯನ್ನು ಶೇಖರಿಸಬೇಕು ಎಂಬುದನ್ನು ನಿರ್ಧರಿಸಲಿದ್ದೇವೆ.
01:13	ಈ ಹಿಂದೆ ನಾವು ಗುರುತಿಸಿದ ಪ್ರತಿಯೊಂದು ಮಾಹಿತಿಯು ಇಲ್ಲಿ ಫೀಲ್ಡ್ ಆಗುತ್ತದೆ ಮತ್ತು ಟೇಬಲ್ ನಲ್ಲಿ ಕಾಲಂ ಆಗಿ ಇದನ್ನು ಡಿಸ್ಪ್ಲೇ ಮಾಡಲಾಗುತ್ತದೆ.
01:23	ಸ್ಕ್ರೀನ್ ನಲ್ಲಿರುವ ಚಿತ್ರದಲ್ಲಿ ತೋರಿಸಿರುವಂತೆ, ಬುಕ್ಸ್ ಟೇಬಲ್ ಐದು ಕಾಲಂಗಳನ್ನು ಹೊಂದಿದ್ದು ಇವುಗಳನ್ನು ಫೀಲ್ಡ್ ಗಳು ಎಂದು ಸಹ ಕರೆಯಲಾಗುತ್ತದೆ.
01:31	ಹೀಗೆ, ಇಲ್ಲಿನ ಪ್ರತಿ ಸಾಲು ಅಥವಾ ಕಾಲಂ, ತನ್ನ ಕಾಲಂನಲ್ಲಿ ನಿಖರವಾಗಿ ಒಂದು ಪುಸ್ತಕದ ಕುರಿತು ಮಾತ್ರ ಮಾಹಿತಿಯನ್ನು ಹೊಂದಿರುತ್ತದೆ.
01:40	ಇದೇ ರೀತಿ, ಆಥರ್ಸ್ ಟೇಬಲ್ ನ ಪ್ರತಿ ರೆಕಾರ್ಡ್, ಒಬ್ಬ ಲೇಖಕರ ಕುರಿತು ಮಾತ್ರ ಮಾಹಿತಿಯನ್ನು ಹೊಂದಿರುತ್ತದೆ.
01:49	ಮತ್ತು ಪಬ್ಲಿಷರ್ಸ್ ಟೇಬಲ್ ನಲ್ಲಿನ ಪ್ರತಿ ರೆಕಾರ್ಡ್, ಒಬ್ಬ ಪ್ರಕಾಶಕರ ಕುರಿತು ಮಾತ್ರ ಮಾಹಿತಿಯನ್ನು ಹೊಂದಿರುತ್ತದೆ.
01:58	ಈಗ, ನಮ್ಮ ಅಗತ್ಯತೆಗಳಿಗೆ ತಕ್ಕುದಾಗಿ ಕಾಲಂಗಳನ್ನು ಇನ್ನಷ್ಟು ಪರಿಷ್ಕರಿಸಬಹುದು.
02:04	ಉದಾಹರಣೆಗೆ, ನಾವು Author name ಅನ್ನು First Name ಮತ್ತು Last Name ಆಗಿ ಪ್ರತ್ಯೇಕಿಸಬಹುದು. ಹೀಗೆ ಮಾಡಿದರೆ ಈ ಕಾಲಂಗಳ ಮೂಲಕವೇ ನಾವು ಹುಡುಕಬಹುದು ಅಥವಾ ವಿಂಗಡಿಸಬಹುದು.
02:17	ಅಲ್ಲದೆ, ಎಣಿಕೆಗಳ ಫಲಿತಾಂಶಗಳನ್ನು ಟೇಬಲ್ ಗಳಲ್ಲಿ ಪ್ರತ್ಯೇಕವಾಗಿ ಶೇಖರಿಸುವ ಅಗತ್ಯವಿರುವುದಿಲ್ಲ.
02:24	ಏಕೆಂದರೆ, ನಾವು ಫಲಿತಾಂಶವನ್ನು ನೋಡಲು ಇಚ್ಛಿಸಿದಾಗಲೆಲ್ಲ, ಬೇಸ್ ಎಣಿಕೆಗಳನ್ನು ಮಾಡಬಹುದು.
02:31	ಈಗ ನಮಗೆ ಟೇಬಲ್ ಗಳು ಮತ್ತು ಕಾಲಂಗಳ ಕುರಿತು ಸ್ಪಷ್ಟ ಚಿತ್ರಣ ದೊರಕಿರುವುದರಿಂದ, ಪ್ರೈಮರಿ ಕೀಗಳನ್ನು ನಾವು ಹೇಗೆ ನಿರೂಪಿಸಬಹುದು ಎಂಬುದನ್ನು ನೋಡೋಣ.
02:41	ಪ್ರೈಮರಿ ಕೀ ಅಂದರೇನು?
02:44	ಪ್ರತಿಯೊಂದು ಟೇಬಲ್, ಇದರಲ್ಲಿ ಶೇಖರಿಸಿರುವ ಪ್ರತಿ ಸಾಲನ್ನು ವಿಶಿಷ್ಟವಾಗಿ ಗುರುತಿಸುವ ಕಾಲಂ ಅಥವಾ ಕಾಲಂಗಳ ಸೆಟ್ ಅನ್ನು ಒಳಗೊಂಡಿರಬೇಕು.
02:54	ಈ ಕಾಲಂ ಅಥವಾ ಕಾಲಂಗಳ ಸೆಟ್ ಅನ್ನು ಟೇಬಲ್ ನ ಪ್ರೈಮರಿ ಕೀ ಎಂದು ಕರೆಯಲಾಗುತ್ತದೆ.
03:00	ಇದು ಕೆಲವೊಮ್ಮೆ ಬುಕ್ ಐಡಿ ಅಥವಾ ಆಥರ್ ಐಡಿ ತರ ವಿಶಿಷ್ಟ ಗುರುತಿನ ಸಂಖ್ಯೆಯಾಗಿರುತ್ತದೆ.
03:08	ನಾವು `ಪ್ರೈಮರಿ ಕೀ’ ಫೀಲ್ಡ್ ಗಳನ್ನು, ಅನೇಕ ಟೇಬಲ್ ಗಳಿಂದ ಲಾಜಿಕಲ್ ಸಂಬಂಧಿತ ಡೇಟಾವನ್ನು ಬೇಗನೇ ಒಡಗೂಡಲು ಮತ್ತು ನಮಗಾಗಿ ಡೇಟಾವನ್ನು ಒಟ್ಟಿಗೆ ತರಲು ಬಳಸಬಹುದು.
03:21	ಹಾಗೂ, ನಾವು ಪ್ರೈಮರಿ ಕೀಯಲ್ಲಿ ಡುಪ್ಲಿಕೇಟ್ ಮೌಲ್ಯಗಳನ್ನು ಹೊಂದಿರುವಂತಿಲ್ಲ.
03:26	ಉದಾಹರಣೆಗೆ, ನಾವು ಜನರ ಹೆಸರುಗಳನ್ನು ಪ್ರೈಮರಿ ಕೀ ಆಗಿ ಬಳಸುವಂತಿಲ್ಲ, ಏಕೆಂದರೆ ಹೆಸರುಗಳು ವಿಶಿಷ್ಟ ಅಲ್ಲ.
03:34	ಒಂದೇ ಟೇಬಲ್ ನಲ್ಲಿ ಒಂದೇ ಹೆಸರಿನ ಇಬ್ಬರು ಇರಬಹುದು.
03:40	ನಂತರ, ಪ್ರೈಮರಿ ಕೀಯು ಯಾವಾಗಲೂ ಮೌಲ್ಯವನ್ನು ಹೊಂದಿರಬೇಕು.
03:45	ಒಂದುವೇಳೆ ಇದು ಖಾಲಿ ಅಥವಾ ನಲ್ ಆಗಿದ್ದರೆ, ನಾವು ಇದನ್ನು `ಪ್ರೈಮರಿ ಕೀ’ ಎಂಬುದಾಗಿ ಪರಿಗಣಿಸಲಾಗದು.
03:52	ಮತ್ತು ಪ್ರೈಮರಿ ಕೀ ಕಾಲಂ ಯಾವಾಗಲೂ ಮೌಲ್ಯವನ್ನು ಹೊಂದಲು ನಾವು ಫೋರ್ಸ್ ಮಾಡಬಹುದು. ಇದಕ್ಕಾಗಿ ಕಾಲಂನ ಡೇಟಾ ಟೈಪ್ ಅನ್ನು ‘AutoNumber’ ಆಗಿ ವ್ಯವಸ್ಥೆಗೊಳಿಸಬೇಕು. ಇದನ್ನು ಬೇಸ್ ಸ್ವಯಂಚಾಲಿತವಾಗಿ ರಚಿಸುತ್ತದೆ.
04:09	ಸ್ಕ್ರೀನ್ ನಲ್ಲಿರುವ ಚಿತ್ರದಲ್ಲಿ ತೋರಿಸಿರುವಂತೆ, ನಮ್ಮ ಟೇಬಲ್ ಗಳಿಗೆ ಪ್ರೈಮರಿ ಕೀಗಳನ್ನು ಈ ಕೆಳಗಿನಂತೆ ವ್ಯವಸ್ಥೆಗೊಳಿಸಬಹುದು:
04:20	ಬುಕ್ಸ್ ಟೇಬಲ್ ಗೆ BookId,
04:24	ಆಥರ್ಸ್ ಟೇಬಲ್ ಗೆ AuthorId,
04:28	ಪಬ್ಲಿಷರ್ಸ್ ಟೇಬಲ್ ಗೆ PublishersId.
04:33	ಇದೇ ರೀತಿ, ಇಲ್ಲಿ ತೋರಿಸದಿದ್ದರೂ, ಮೆಂಬರ್ಸ್ ಟೇಬಲ್ ಗೆ MemberId ಯು ಪ್ರೈಮರಿ ಕೀ ಎನಿಸಲಿದೆ.
04:42	ಅಂತಿಮವಾಗಿ, ಟೇಬಲ್ ಗಳಲ್ಲಿ ಪ್ರೈಮರಿ ಕೀಗಳನ್ನು ವ್ಯವಸ್ಥೆಗೊಳಿಸಿ, ನಾವು ಎಂಟಿಟಿ ಇಂಟೆಗ್ರಿಟಿಯನ್ನು ಕಾರ್ಯಗತಗೊಳಿಸುತ್ತವೆ.
04:52	'ಎಂಟಿಟಿ ಇಂಟೆಗ್ರಿಟಿ'ಯು, ಟೇಬಲ್ ನ ಒಳಗೆ ಯಾವುದೇ ಡುಪ್ಲಿಕೇಟ್ ರೆಕಾರ್ಡ್ ಗಳು ಇಲ್ಲ ಎಂಬುದನ್ನು ಖಚಿತಪಡಿಸುತ್ತದೆ.
05:00	ಅಲ್ಲದೆ, ಪ್ರತಿ ಟೇಬಲ್ ಒಳಗೆ ಫೀಲ್ಡ್ ಅನ್ನು ಗುರುತಿಸುವ ಫೀಲ್ಡ್ ವಿಶಿಷ್ಟವಾಗಿದೆ ಮತ್ತು ಯಾವ ಕಾರಣಕ್ಕೂ ನಲ್ ಆಗಿಲ್ಲ ಎಂಬುದನ್ನು ಇದು ಖಾತರಿಪಡಿಸುತ್ತದೆ.
05:10	ಈಗ ನಾವು ಮುರು ಟೇಬಲ್ ಗಳಲ್ಲಿ ಪ್ರೈಮರಿ ಕೀಗಳನ್ನು ಹೊಂದಿರುವುದರಿಂದ, ರಿಲೇಶನ್ ಶಿಪ್ ಗಳನ್ನು ವ್ಯವಸ್ಥೆಗೊಳಿಸುವ ಮೂಲಕ ನಾವು ಅವೆಲ್ಲವುಗಳನ್ನು ಒಟ್ಟಿಗೆ ತರಬಹುದು.
05:20	ಈ ಕಲ್ಪನೆಯನ್ನು ಬೇಸ್ ಬೆಂಬಲಿಸುವುದರಿಂದ, ಬೇಸ್ ಅನ್ನು ರಿಲೇಶನಲ್ ಡೇಟಾಬೇಸ್ ಮ್ಯಾನೇಜ್ಮೆಂಟ್ ಸಿಸ್ಟಂ ಅಥವಾ ಸಂಕ್ಷಿಪ್ತವಾಗಿ ಆರ್.ಡಿ.ಬಿ.ಎಂ.ಎಸ್ ಎಂದು ಕರೆಯಲಾಗುತ್ತದೆ.
05:32	ಇಲ್ಲಿ ಕೆಲವು ಪ್ರಕಾರದ ರಿಲೇಶನ್ ಶಿಪ್ ಗಳಿವೆ. ಇವುಗಳನ್ನು ನಾವೀಗ ನೋಡೋಣ.
05:37	ಮೊದಲಿಗೆ ನಾವು ವನ್-ಟು-ಮೆನಿ ರಿಲೇಶನ್ ಶಿಪ್ ಎಂದರೆ ಏನು ಎಂಬುದನ್ನು ನೋಡೋಣ.
05:43	ಚಿತ್ರದಲ್ಲಿ ತೋರಿಸಿರುವಂತೆ, ಬುಕ್ಸ್ ಮತ್ತು ಆಥರ್ಸ್ ಟೇಬಲ್ ಗಳನ್ನು ನಾವೀಗ ಪರಿಗಣಿಸೋಣ.
05:49	ಪುಸ್ತಕವನ್ನು ನಿಖರವಾಗಿ ಒಬ್ಬ ಲೇಖಕರು ಬರೆದಿದ್ದಾರೆ.
05:55	ಆದರೆ ಒಂದೇ ಪುಸ್ತಕವನ್ನು ಇಬ್ಬರು ಅಥವಾ ಅನೇಕ ಲೇಖಕರು ಸೇರಿ ಬರೆದಿರುವ ಪ್ರಸಂಗಗಳು ಎದುರಾಗಬಹುದು.
06:02	ಆದರೆ ನಮ್ಮ ಉದಾಹರಣೆಯನ್ನು ನಾವು ಒಬ್ಬ ಲೇಖಕರು ಒಂದು ಪುಸ್ತಕವನ್ನು ಬರೆದಿರುವುದಕ್ಕೆ ಮಿತಿಗೊಳಿಸುತ್ತೇವೆ.
06:10	ನಮ್ಮ ಉದಾಹರಣೆಯನ್ನು ಮುಂದುವರಿಸೋಣ. ಒಬ್ಬ ಲೇಖಕ ಅನೇಕ ಪುಸ್ತಕಗಳನ್ನು ಬರೆಯಬಹುದು.
06:17	ಹೀಗಾಗಿ, ಆಥರ್ಸ್ ಟೇಬಲ್ ನಲ್ಲಿ ಪ್ರತಿನಿಧಿಸಿರುವ ಒಬ್ಬ ಲೇಖಕನಿಗೆ, ಅದೇ ಲೇಖಕನು ಬರೆದಿರುವ ಅನೇಕ ಪುಸ್ತಕಗಳನ್ನು ಬುಕ್ಸ್ ಟೇಬಲ್ ನಲ್ಲಿ ಪ್ರತಿನಿಧಿಸಬಹುದು.
06:28	ಹೀಗಾಗಿ ಇದು ವನ್-ಟು-ಮೆನಿ ರಿಲೇಶನ್ ಶಿಪ್ ಆಗಿದೆ.
06:32	ಹಾಗೂ ನಾವು ಇದನ್ನು ನಮ್ಮ `ಲೈಬ್ರರಿ ಡೇಟಾಬೇಸ್’ನಲ್ಲಿ ಪ್ರತಿನಿಧಿಸಬಹುದು.
06:36	ಇದಕ್ಕಾಗಿ, `ಪ್ರೈಮರಿ ಕೀ’ ಆಗಿರುವ Author Id ಯನ್ನು ಆಥರ್ಸ್ ಟೇಬಲ್ ನಿಂದ ತೆಗೆದು ಬುಕ್ಸ್ ಟೇಬಲ್ ಗೆ ಸೇರಿಸಬೇಕು. ಅಷ್ಟೇ.
06:46	ಹೀಗಾಗಿ, ಬುಕ್ಸ್ ಟೇಬಲ್ ನಲ್ಲಿರುವ Author Id ಯನ್ನು ಫಾರಿನ್ ಕೀ ಎಂದು ಕರೆಯಲಾಗುತ್ತದೆ.
06:53	ಇದೇ ರೀತಿ, ಪಬ್ಲಿಷರ್ಸ್ ಟೇಬಲ್ ನಲ್ಲಿರುವ ಪ್ರೈಮರಿ ಕೀ ಆಗಿರುವ Publisher Id ಯನ್ನು ಬುಕ್ಸ್ ಟೇಬಲ್ ಗೆ ಸೇರಿಸಿದಾಗ ಇದು ಅಲ್ಲಿ ಫಾರಿನ್ ಕೀ ಆಗುತ್ತದೆ.
07:06	ಹೀಗೆ, ಕಾಲಂ ಅಥವಾ ಕಾಲಂಗಳ ಸೆಟ್ ಅನ್ನು ಹಂಚಿಕೊಳ್ಳುವ ಮೂಲಕ ನಾವು ಡೇಟಾಬೇಸ್ ನಲ್ಲಿ ವನ್-ಟು-ಮೆನಿ ರಿಲೇಶನ್ ಶಿಪ್ ಗಳನ್ನು ಪ್ರತಿನಿಧಿಸಬಹುದು.
07:17	ಜೊತೆಗೆ ಫಾರಿನ್ ಕೀಗಳನ್ನು ಬಳಸಿ ಟೇಬಲ್ ರಿಲೇಶನ್ ಶಿಪ್ ಗಳನ್ನು ವ್ಯವಸ್ಥೆಗೊಳಿಸಬಹುದು.
07:23	ಈ ರೀತಿ, ರಿಲೇಶನ್ ಶಿಪ್ ಸಾಧಿಸುವುದಕ್ಕಾಗಿ, ಟೇಬಲ್ ನ `ಪ್ರೈಮರಿ ಕೀ’ಯನ್ನು ಎರಡನೇ ಟೇಬಲ್ ನ `ಫಾರಿನ್ ಕೀ’ಯಾಗಿ ಪ್ರತಿನಿಧಿಸಬಹುದು.
07:34	ಈ ಮೂಲಕ ನಾವು ರೆಫರಲ್ ಇಂಟೆಗ್ರಿಟಿಯನ್ನು ಕಾರ್ಯಗತಗೊಳಿಸಬಹುದು.
07:39	ಅಂದರೆ, ಟೇಬಲ್ ನಲ್ಲಿನ ಪ್ರತಿ ಫಾರಿನ್ ಕೀಯು, ಸಂಬಂಧಿತ ಟೇಬಲ್ ಗಳಲ್ಲಿ, ಸರಿಹೊಂದುವ ಪ್ರೈಮರಿ ಕೀಯ ಮೌಲ್ಯವನ್ನು ಹೊಂದಲಿದೆ.
07:50	ಈಗ, ಮೆನಿ-ಟು-ಮೆನಿ ರಿಲೇಶನ್ ಶಿಪ್ ಅಂದರೆ ಏನು ಎಂಬುದನ್ನು ನೋಡೋಣ.
07:56	ನಾವೀಗ ಟೇಬಲ್ ಡಿಸೈನ್ ಗೆ ವಾಪಸ್ ಹೋಗೋಣ.
07:59	ಒಂದು ಪುಸ್ತಕವನ್ನು ಎಷ್ಟೇ ಸಂಖ್ಯೆಯ ಲೈಬ್ರರಿ ಸದಸ್ಯರಿಗೆ ನೀಡಬಹುದು (ಅನೇಕ ಪ್ರತಿಗಳು ಲಭ್ಯವಿದ್ದಲ್ಲಿ).
08:09	ಇದೇ ರೀತಿ, ಸದಸ್ಯನೊಬ್ಬ ಎಷ್ಟೇ ಸಂಖ್ಯೆಯ ಪುಸ್ತಕಗಳನ್ನು ತೆಗೆದುಕೊಳ್ಳಬಹುದು (ಖಂಡಿತವಾಗಿಯೂ, ಪುಸ್ತಕಗಳ ಲಭ್ಯತೆಯನ್ನು ಪರಿಗಣಿಸಿ).
08:17	ಹೀಗೆ, ಅನೇಕ ಪುಸ್ತಕಗಳನ್ನು ಅನೇಕ ಸದಸ್ಯರಿಗೆ ನೀಡುವ ಉದಾಹರಣೆ ಇಲ್ಲಿದೆ.
08:25	ಇದು ಮೆನಿ-ಟು-ಮೆನಿ ರಿಲೇಶನ್ ಶಿಪ್ ಅನ್ನು ಪ್ರತಿನಿಧಿಸುತ್ತದೆ.
08:29	ಇದಕ್ಕಾಗಿ, ಜಂಕ್ಷನ್ ಟೇಬಲ್ ಎನ್ನುವ ಮೂರನೇ ಟೇಬಲ್ ಆದ ಬುಕ್ಸ್ ಇಶ್ಯುಡ್ ಟೇಬಲ್ ಅನ್ನು ರಚಿಸಿ,
08:35	ನಮ್ಮ ಡೇಟಾಬೇಸ್ ನಲ್ಲಿ ಮೆನಿ-ಟು-ಮೆನಿ ರಿಲೇಶನ್ ಶಿಪ್ ಅನ್ನು ನಾವು ಪ್ರತಿನಿಧಿಸಬಹುದು.
08:45	ಹಾಗೂ ಇಲ್ಲಿ, ಬುಕ್ಸ್ ಮತ್ತು ಮೆಂಬರ್ಸ್ – ಇವೆರಡೂ ಟೇಬಲ್ ಗಳಿಂದ ಪ್ರೈಮರಿ ಕೀಗಳನ್ನು ಬುಕ್ಸ್ ಇಶ್ಯುಡ್ ಟೇಬಲ್ ಗೆ ಸೇರಿಸಲಿದ್ದೇವೆ.
08:57	ಇದರ ಪರಿಣಾಮವಾಗಿ, ಸದಸ್ಯರೊಬ್ಬರಿಗೆ ನೀಡಿದ ಪ್ರತಿ ಪುಸ್ತಕವನ್ನು ಬುಕ್ಸ್ ಇಶ್ಯುಡ್ ಟೇಬಲ್ ದಾಖಲಿಸುತ್ತದೆ.
09:05	ಹೀಗೆ, ಮೂರನೇ ಜಂಕ್ಷನ್ ಟೇಬಲ್ ಅನ್ನು ರಚಿಸುವ ಮೂಲಕ ನಾವು ಮೆನಿ-ಟು-ಮೆನಿ ರಿಲೇಶನ್ ಶಿಪ್ ಗಳನ್ನು ಪ್ರತಿನಿಧಿಸಬಹುದು.
09:13	ಅಂತಿಮವಾಗಿ, ವನ್-ಟು-ವನ್ ರಿಲೇಶನ್ ಶಿಪ್ ನೋಡೋಣ.
09:18	ಕೆಲವೊಮ್ಮೆ, ಕೆಲ ಅಟ್ರಿಬ್ಯೂಟ್ ಗಳು ಅಥವಾ ಕಾಲಂಗಳು ನಿರ್ದಿಷ್ಟ ಡೇಟಾಕ್ಕೆ ಸೀಮಿತವಾಗಿರುತ್ತವೆ. ಹೀಗಾಗಿ ಇವು ಯಾವಾಗಲೂ ಡೇಟಾದಿಂದ ತುಂಬಿರುವುದಿಲ್ಲ.
09:30	ಒಬ್ಬ ಲೇಖಕ ಮಾತ್ರ ವೆಬ್ ಸೈಟ್ ವಿಳಾಸ ಹೊಂದಿದ್ದು, ಉಳಿದವರು ಈ ವಿಳಾಸ ಹೊಂದಿರದೆ ಇರುವ ಸಂದರ್ಭವನ್ನು ನಾವು ಪರಿಗಣಿಸೋಣ.
09:38	ಆಥರ್ಸ್ ಟೇಬಲ್ ನಲ್ಲಿ ಹೊಸ ವೆಬ್ ಸೈಟ್ ಕಾಲಂ ಅನ್ನು ನಾವು ಬಹುತೇಕ ಖಾಲಿ ಬಿಡುವುದರಿಂದ ನಾವು ಡಿಸ್ಕ್ ಸ್ಥಳವನ್ನು ಪೋಲು ಮಾಡುತ್ತೇವೆ.
09:47	ಹೀಗಾಗಿ, ಈ ಕಾಲಂ ಅನ್ನು, ಆಥರ್ ಐಡಿಯ ಪ್ರೈಮರಿ ಕೀಯನ್ನೇ ಹೊಂದಿರುವ ಹೊಸ ಸಪ್ಲಿಮೆಂಟಲ್ ಟೇಬಲ್ ಗೆ ನಾವು ಈ ಕಾಲಂ ಅನ್ನು ಸರಿಸೋಣ.
09:58	ಸಪ್ಲಿಮೆಂಟಲ್ ಟೇಬಲ್ ನಲ್ಲಿರುವ ಪ್ರತಿ ರೆಕಾರ್ಡ್ ಸಹ, ವನ್-ಟು-ವನ್ ರಿಲೇಶನ್ ಶಿಪ್ ಅನ್ನು ಪ್ರತಿನಿಧಿಸುವ
10:06	ಮುಖ್ಯ ಟೇಬಲ್ ನಲ್ಲಿರುವ ರೆಕಾರ್ಡ್ ಗೆ ಕರಾರುವಕ್ಕಾಗಿ ಹೊಂದಿಕೆಯಾಗುತ್ತದೆ.
10:10	ಹೀಗೆ ನಾವು ನಮ್ಮ ಡೇಟಾಬೇಸ್ ನಲ್ಲಿ ರಿಲೇಶನ್ ಶಿಪ್ ಗಳನ್ನು ವ್ಯವಸ್ಥೆಗೊಳಿಸಲು ಕಲಿತೆವು.
10:15	ಈ ಮೂಲಕ ನಾವು ಲಿಬರ್ ಆಫಿಸ್ ಬೇಸ್ ನಲ್ಲಿ ಡೇಟಾಬೇಸ್ ಡಿಸೈನ್ ಕುರಿತ ಟ್ಯುಟೋರಿಯಲ್ ನ ಎರಡನೇ ಭಾಗದ ಕೊನೆಯ ಹಂತಕ್ಕೆ ಬಂದಿದ್ದೇವೆ.
10:23	ಸಂಕ್ಷಿಪ್ತವಾಗಿ, ನಾವು ಡೇಟಾಬೇಸ್ ಕುರಿತ ಈ ಕೆಳಗಿನ ವಿಷಯಗಳನ್ನು ಕಲಿತೆವು:
10:28	ಮಾಹಿತಿಯನ್ನು ಕಾಲಂಗಳಾಗಿ ಪರಿವರ್ತಿಸುವುದು,
10:32	ಪ್ರೈಮರಿ ಕೀಗಳನ್ನು ನಿರೂಪಿಸುವುದು,
10:34	ಮತ್ತು ಟೇಬಲ್ ರಿಲೇಶನ್ ಶಿಪ್ ಗಳನ್ನು ವ್ಯವಸ್ಥೆಗೊಳಿಸುವುದು.
10:38	‘ಸ್ಪೋಕನ್ ಟ್ಯುಟೋರಿಯಲ್’ ಪ್ರೊಜೆಕ್ಟ್, ‘ಟಾಕ್ ಟು ಎ ಟೀಚರ್’ ಪ್ರೊಜೆಕ್ಟ್ ನ ಒಂದು ಭಾಗವಾಗಿದೆ. ಇದು ರಾಷ್ಟ್ರೀಯ ಸಾಕ್ಷರತಾ ಮಿಷನ್, ICT, MHRD, ಭಾರತ ಸರ್ಕಾರದ ನೆರವು ಪಡೆದಿದೆ.
10:48	ಈ ಪ್ರೊಜೆಕ್ಟ್ ಅನ್ನು ಸಂಯೋಜಿಸಿದವರು: http://spoken-tutorial.org.
10:54	ಕೆಳಗಿನ ಲಿಂಕ್ ನಲ್ಲಿ ಈ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಿದೆ.
10:58	ಈ ಸ್ಕ್ರಿಪ್ಟ್ ನ ಅನುವಾದಕ ಮಂಗಳೂರಿನಿಂದ ಮೆಲ್ವಿನ್, ಮತ್ತು ಧ್ವನಿ ಶ್ರೀ ನವೀನ್ ಭಟ್, ಉಪ್ಪಿನಪಟ್ಟಣ. ಧನ್ಯವಾದಗಳು.

Contributors and Content Editors

Sandhya.np14