Health-and-Nutrition/C2/Cross-cradle-hold/Konkani

Time	Narration
00:01	आयच्या स्पोकन ट्युटोरियलांत तुमकां सगळ्यांक येवकार. आयचो विशय आसा -- “ स्तनपाना खातीर क्रॉस क्रेडल आसन.”
00:07	आज आमी शिकया, भुरग्याक दुदाक धरतना आवयन खंयच्या योग्य आसनाची निवड करप ती.
00:16	भुरग्याक दुदाक धरचे पयलीं आवयची तयारी आनी
00:20	क्रॉस क्रेडल आसनाची योग्य पद्दत.
00:24	तर सुरवात करया-
00:26	जगभर आवयो भुरग्याक दुदाक धरतना वेग-वेगळ्या आसनांचो वापर करतात.
00:32	आवय आनी भुरग्याक सगळ्यात उत्तम दूद दिवपाचें आसन म्हळ्यार जातूंतल्यान दोगांयकय स्तनपान सोपमेरेन सुशेग मेळटा तें.
00:43	तशेंच भुरगें आवयच्या स्तनाकडल्यान सुटूंक जायना.
00:48	आनी भुरग्याक चडांत चड दूद मेळपाक जाय.
00:51	आयज आमी दुदाक धरपाचे क्रॉस क्रेडल पद्दतीविशीं जाणून घेवया.
00:56	क्रॉस क्रेडल आसन हें सगळ्यांत बरें आसन कित्याक तर भुरग्याचे पुराय कुडीचेर नियंत्रण उरता . आवयच्या स्तनाक सारकें धरपा खातीर भुरग्याक फायदेशीर पडटा आनी ताका स्तनाचेर (फकत चिंवेचेरच ऩ्हय) घट्ट पकड मेळटा.
01:06	दुदाक धरचे पयलीं आवयन आपले हात नितळ उदकान धुवन सुकोवचे.
01:12	उपरांत सळसळावन थंड केल्लें पेलोभर उदक पिवचें.
01:16	स्तनपान करपी आवय दिसाक 750 - 850 मिलिलीटर दूद तयार करता.
01:24	देखून तिणें भरपूर उदक पिवंक जाय.
01:29	चलात तर आतां पळोवया , आवयन स्तनपान करतना कशें बसप तें.
01:33	तिणें खाटीर वा जमनीर मांडी घालून बसचें.
01:38	खुर्चेरुय बसूं येता, पूण तिचे पांय जमनीक तेंकपाक जाय.
01:43	जर खुर्चेर बसून पांय जमनीक तेंकना तर ल्हान स्टूल वा उशें दवरून ताचेर पांय दवरचे.
01:54	बसतना कांय गजाली मतींत दवरच्यो, त्यो म्हळ्यार – फाट सरळ उरतली अशे तरेन बसचें, म्हणजे मागीर फाट दुखची ना.
02:03	आपले खांदे सैल सोडचे आनी एका समान पातळेर दवरचे.
02:08	हें आरामदायी आसन स्तनपान सोंपमेरेन दवरचें.
02:13	सुरवातीक ज्या स्तनाक भुरग्याक दुदाक धरपाचें आसा ते उक्तें करचे.
02:19	ब्लावजाक वा ब्राक लागून स्तनाचेर दाब येवपाक दिवचें न्हय.
02:26	वेवस्थीत बसल्या उपरांत भुरग्याक आवय म्हऱ्यांत हाडचें.
02:31	दाव्या स्तनाक दुदाक धरपाचें आसल्यार उजव्या हातान आवयन भुरग्याचे तकलेक आदार दिवचो.
02:39	आनी उजव्या हाताच्या खाक्यांत भुरग्याचे पांय घालचे.
02:45	ह्या चित्रांत आवय तिच्या भुरग्याक उजवे बाजूक दुदाक धरतली , देखून भुरग्याचे पांय आवयच्या दाव्या खाक्यांत दवरल्यात.
02:57	तिणें आपल्या दाव्या हाताचो आंगठो आनी बोटां भुरग्याचे तकलेक आदार दिवपाक वापरल्यात.
03:05	जर भुरग्याक वयर धरपाची गरज पडली तर मांडयेर उशें दवरचें. ताचो आदार मेळटलो.
03:15	मतीन दवरचें, आवयन पोंग घालून भुरग्याक दूद दिवचें न्हय.
03:21	जर अशें केलेंना तर फाटीच्या कण्याचेर पेज येवन दुखूं येतां.
03:26	आवयन फाट तायट वा सरळ दवरून भुरग्याक स्तनामेरेन हाडचें.
03:33	आतां आवयच्या आंगठ्याची आनी बोटांची योग्य स्थिती ( ठेवण) पळोवया.
03:39	आवयचो आंगठो भुरग्याच्या एका कानाफाटल्यान आनी बाकीचीं बोटां दुसऱ्या काना फाटल्यान आसचीं.
03:46	तिणें आपलीं बोटां आनी आंगठो भुरग्याच्या काना फाटल्यान हालोवन मानेमेरेन हाडचें न्हय.
03:52	आवयच्या हाताचें मनगट भुरग्याच्या खांद्यामदीं दवरचें.
03:56	भुरग्याचे तकलेचो फाटलो भाग आवयन केन्नाच दांबचो न्हय.
04:04	अशेतरेन दूद पितना भुरग्याक सुशेग मेळटलो.
04:08	ल्हान भुरग्याचें आंग वा कूड कशी धरप तें आतां पळोवया.
04:15	भुरग्याचें पोट आवयक तेंकपाक जाय आनी थोडोसो तिचेर दाब पडपाक जाय.
04:20	भुरगें आनी आवय मदीं जितलें अंतर कमी तिंतलें भुरग्याक आवयचे स्तन बरे तरेन मेळटलें.
04:26	आनी भुरग्याक आवयच्या स्तनाची पकड घट्ट करपाक सोंपें जातलें.
04:32	भुरग्याक दुदाक धरतना म्हत्वाची गजाल म्हळ्यार , भुरग्याच्या आंगाची मांडणी .
04:37	आमी जेवतना आमची तकली,मान आनी कूड सरळ आसता.
04:43	पूण जायते फावट अशें पळोवपाक मेळटा की, आवय भुरग्याक फाटीर न्हिदयता आनी ताची तकली आपले वटेन घुंवडावन दूद दिता.
04:50	अशें तरेन दुदाक धरल्यार भुरग्याक त्रास जातलो.
04:55	दुदाक धरतना भुरग्याची तकली, मान आनी कूड सरळ दवरची.
05:01	अशें केल्यार भुरग्याक दूद वोडपाक सोंपें जाता.
05:05	दुदाक धरपाची तिसरी म्हत्वाची गजाल पळोवया.
05:10	दुदाक धरतना भुरग्याच्या पुराय शरीराक आदार दिवपाक जाय.
05:14	अशें केलेना जाल्यार भुरग्याक आवयच्या स्तनाची घट्ट पकड मेळपाक त्रास जातलो.
05:22	दुदाक धरतना भुरग्याचें नाक आनी खाडकी कशी दवरपाक जाय तें पळोवया.
05:28	भुरग्याचें नाक आनी स्तनाची चिंव एके वळीन आसपाक जाय.
05:33	भुरग्याची खाडकी फुडलेवटेन आनी स्तनाच्या खूब लागीं आसपाक जाय.
05:38	हाका लागून भुरगें स्तनाची पकड करतना एरीओलाचो सकयलो भाग चडांत चड तोंडांत घेतलें.
05:45	आनी भुरगें आपलो सकयलो जबडो दूद पिवपाक वापरतलें.
05:51	एरीओला म्हळ्यार चिंवे भोंवतणचो काळसर भाग .
05:57	भुरग्याक योग्य स्थितींत दवरल्या नंतर स्तन कशें धरप तें पळोवया.
06:04	दुसऱ्या हाताच्या बोटांचो वापर करून U (यू) अक्षराच्या आकारान आवयन आपलें स्तन धरचें.
06:12	हें चित्र पळयात. आवयन आपल्या उजव्या हातान आपलें उजवें स्तन धरलां.
06:19	आवयच्या हाताचो आंगठो आनी बोटां कशीं आसपाक जाय हें समजुवपाक एक देख दितां. आवयच्या स्तनार एक घडयाळ आसा आनी चिंव तिचो केंद्रबिंदू, असें चिंतया.
06:31	ह्या घडयाळाचो 9 आंकडो आसा, त्या जाग्यार उजव्या हाताचो आंगठो दवरचो.
06:38	आनी आंगठ्याच्या उपरांतचीं दोन बोटां घडयाळाचो 3 आंकडो आसता थंय दवरचीं.
06:46	आवयच्या हाताचीं बोटां आनी भुरग्याचे ओंट एका दिशेन आसपाक जाय. अशें कित्याक ?
06:51	हें समजुवपाक तुमकां परत एक सोंपें उदाहरण दितां.
06:56	जेन्ना आमी वडापाव वा बर्गर खातात तेन्ना आमचे ओंट आडवें उगडटात.
07:02	तशेंच तें आमी आडवें धरता म्हणजे आमी व्हड घांस घेवपाक शकतलें.
07:08	हांगा आमचीं बोटां आनी ओंट समांतर आसता.
07:12	आमी जर वडापाव वा बर्गर उबो धरीत तर व्हड घांस घेवपाक शकचीनात.
07:19	आमी आतां भुरग्याच्या ओंटांचे दिकेकडेन पळोवया.
07:25	हांगा ताणें ओंट लांबायेन उगडिल्ले आसात. देखून आवयन आपल्या बोटांकूय स्तनांचेर लांबायेन दवरपाची गरज आसा.
07:34	अशें केल्यार भुरग्याक एरिओलाचो चडांत चड भाग तोंडांत घेवपाक मेळटा.
07:39	आवयचो आंगठो आनी बोटां भुरग्याच्या ओंटाच्या समांतर आसपाक जा. ते भायर तीं चिंवेकडच्यान 3 बोटां पयस आसपाक जाय.
07:50	जर आमी बोटां वडापाव वा बर्गर खावपाच्या भागाक तेंकून घरलीं तर बोटांची आडखळ येवन आमी व्हड घांस घेवपाक शकचीनात.
08:00	आनी आमी बोटां खूब पयस धरलीं जाल्यारूय खावपाक त्रास जातले.
08:07	देखून व्हड घांस घेवपाक वडापाव वा बर्गर योग्य अंतराचेर धरप गरजेचें.
08:12	तशेंच ह्या चित्रान दाखयल्लें प्रमाण भुरग्याक दुदाक धरतना चिंवेपासून 3 बोटां पयस धरचें.
08:20	आनी हाचेपासत बोटांची आडखळ येनास्तना भुरग्याक ऐरीओलाचो चडांत चड भाग तोंडांत घेवपाक मेळटलो.
08:29	आवयन फक्त चिंवेक दांबल्यार भुरग्याक उणें दूद मेळटलें.
08:35	आवयन ऐरीओलाच्या सकल आशिल्ल्या दुग्धनासिकेर इल्लो दाब दीत तर चड दूद भायर येता.
08:42	आनी स्तनाक योग्य आकार मेळून भुरग्याक घट्ट पकड करपाक मदत जाता.
08:49	भुरग्याचें नाक आसा ते वटेन वयलो आंगठो स्तनाच्या तीन बोटां पयस आसचो.
08:59	आनी तिचीं दोन बोटां चिंवेपासून तीन आंगळां पयस , भुरग्याची खाडकी आसा ते वटेन आसचीं.
09:09	आतां आमी परत वडापाव वा बर्गर हाची देख घेवया.
09:13	व़डापाव वा बर्गर सारखो धरल्या उपरांत व्हड घांस घेवपाक आमी ताका दांबतात.
09:21	तेचबशेन आवयन स्तनाक सकयल्यान यू आकारान धरून ल्हव हातांनी दांबचें.
09:28	अशें केलें जाल्यार भुरग्याक चडांत चड भाग तोंडांत घेवपाक मदत जाता.
09:34	एक गजाल मतीन दवरपाक जाय की आवयन आपलें स्तन व्ही आकारान दांबचें न्हय.
09:39	तशें केल्यार स्तन दुखपाक लागतलें आनी भुरग्याक फक्त चिंवेंतल्यानच दूद मेळटलें.
09:45	तशेंच आंगठ्याचो आनी बोटांचो स्तनाचेर समप्रमाणात दाब येतलो हेंय लक्षांत घेवचें.
09:52	ना जाल्यार चिंव उजवेवटेन वा दावेवटेन सरकून भुरग्याची पकड सदळ जातली.
10:00	लक्षांत दवरात, स्तन वोडून तें भुरग्यालागीं केन्नाच व्हरचें न्हय.
10:08	सदांच भुरग्याक स्तनालागीं हाडचें.
10:12	आतां भुरगें क्रॉस क्रेडल आसनान सुरक्षीत आसा, अशें म्हणूं येतां आनी स्तन तोंडांत घेवपाक भुरगें तयार आसा.
10:18	स्तनाची पकड करपाची योग्य पद्दत हाचेविशीं म्हायती हेच माळेंतल्या दुसऱ्या ट्युटोरियलांतल्यान मेळटली.
10:24	एकदां भुरग्यान आवयच्या स्तनाक बरेतरेन धरलें आनी जर स्तन जड नासत तर तिणें स्तनावयलो हात काडून भुरग्याक आदार दिवपाक वापरूं येता.
10:40	अशे स्थितींत आवयन तिचे दोनय हात कुडीच्या खूब लागीं हाडचे.
10:46	हाकालागून तिका स्तनपान करतना आराम मेळटलो. हें आसन भुरग्याक दुदाक धरपाक योग्य आसा.
10:50	हाकालागून तिका स्तनपान करतना आराम मेळटलो. हें आसन भुरग्याक दुदाक धरपाक योग्य आसा.
10:54	ह्या ट्युटोरियलांत आवय आनी भुरग्याखातीर योग्य आसनाची कशी निवड करप हें शिकलीं.
11:03	दुदाक धरचे आदीं आवयची तयारी आनी क्रॉस क्रेडलची पुराय कार्यपद्दत समजून घेतली.
11:09	ह्या ट्युटोरियलाक स्पोकन ट्युटोरयल संघ IIT Bombay हांचें योगदान आसा.
11:15	स्पोकन ट्युटोरियल संघाक भारत सरकाराच्या NME, ICT, ,MHRD हांचेकडल्यान योगदान मेळिल्लें आसा.
11:23	ह्या मिशनाविशीं अदिक म्हायती -------- ह्या लिंकार उपलब्ध आसा.
11:28	ह्या ट्युटोरियलाक व्हील्स ग्लोबल फांऊडेशन हांचेकडल्यान कांय प्रमाणांत अनुदान मेळिल्लें आसा.
11:34	हें ट्युटोरियल “ माँ और शिशुपोषण “ ह्या प्रकल्पाचो भाग आसा.
11:39	ह्या ट्युटोरियलाचे कार्यक्षेत्र परिक्षक आसात, डॉ. रुपल दलाल, MD - बालरोग तज्ञ.
11:45	ह्या ट्युटोरियलचे ऐनिमेशन शीतल जोशी हांणी केलां. हांव वर्षा नायक , असिस्टंट प्रोफेसर आनी आहारतज्ञ , ह्या स्पोकन ट्युटोरियल संघाचें सदस्य तुमच्या मोलादीक सहभागा खातीर तुमकां देव बरें करूं म्हण्टा.

Contributors and Content Editors

Debosmita, Jyotisolanki, Varsha 18