Git/C2/Basic-commands-of-Git/Marathi

Time	Narration
00:01	स्पोकन ट्युटोरियलच्या Basic commands of Git वरील पाठात आपले स्वागत.
00:05	या पाठात शिकणार आहोत: Git रिपॉझिटरी आणि Git च्या काही मूलभूत कमांडस.
00:13	या पाठासाठी वापरणार आहोत: उबंटु लिनक्स 14.04 Git 2.3.2 आणि gedit टेक्स्ट एडिटर.
00:23	तुम्ही तुमच्या पसंतीचा एडिटर देखील वापरू शकता.
00:27	या पाठासाठी टर्मिनलवर वापरल्या जाणा-या लिनक्स कमांडसचे ज्ञान आवश्यक आहे.
00:34	नसल्यास संबंधित लिनक्स वरील पाठांसाठी आमच्या वेबसाईटला भेट द्या.
00:40	Git रिपॉझिटरी म्हणजे काय ते पाहू.
00:44	Git रिपॉझिटरी म्हणजे आपल्या प्रोजेक्टचा सर्व डेटा संचित करणारा एक फोल्डर.
00:50	जो तुमच्या स्वतःच्या किंवा दूरच्या मशीनवर स्थित असू शकतो.
00:55	साधारण फोल्डर आणि Git रिपॉझिटरी यामधील फरक म्हणजे-
01:00	साधारण फोल्डरमधे केवळ फाईल्स आणि डिरेक्टरीजचा समावेश असतो.
01:04	परंतु Git रिपॉझिटरी मधे संपूर्ण हिस्ट्रीसहित फाईल्स आणि डिरेक्टरीजचा संच समाविष्ट असतो.
01:11	आता स्वतःच्या मशीनवर Git रिपॉझिटरी तयार करण्याबद्दल जाणून घेऊ.
01:17	टर्मिनल उघडण्यासाठी Ctrl+Alt+T ही बटणे दाबा.
01:22	मी माझ्या मशीनवर Home डिरेक्टरीमधे Git रिपॉझिटरी डिरेक्टरी बनवत आहे.
01:28	तुमच्या मशीनवर तुम्ही हव्या त्या ठिकाणी डिरेक्टरी बनवू शकता.
01:33	डिफॉल्ट रूपात आपण Home डिरेक्टरीमधे आहोत.
01:37	टाईप करा: mkdir space mywebpage आणि एंटर दाबा.
01:44	अशाप्रकारे आपण Home डिरेक्टरीमधे "mywebpage" ही डिरेक्टरी तयार केली आहे.
01:49	या डिरेक्टरीमधे जाण्यासाठी टाईप करा: cd space mywebpage आणि एंटर दाबा.
02:00	"mywebpage" डिरेक्टरीला Git रिपॉझिटरी बनण्यासाठी टाईप करा: git space init आणि एंटर दाबा.
02:08	“Initialized empty Git Repository” असा मेसेज दिसेल.
02:13	हे Git यशस्वीरित्या सुरू झाल्याचे दाखवते.
02:17	आणि हा आपल्या सिस्टीममधील Git रिपॉझिटरीचा पाथ दाखवत आहे.
02:24	इनिशियलायझेशन नंतर mywebpage फोल्डरच्या आत dot git हा हिडन फोल्डर तयार होईल.
02:32	हिडन फोल्डर बघण्यासाठी टाईप करा: ls space hyphen a आणि एंटर दाबा.
02:39	हे dot git फोल्डर दाखवेल. हा dot git फोल्डर डिलीट केल्यावर संपूर्ण रिपॉझिटरी डिलीट होईल.
02:47	त्यामुळे ह्या dot git फोल्डरच्या बाबतीत अधिक जागरूक असणे गरजेचे आहे.
02:51	आता आपल्याला Git साठी ओळख सेट करणे आवश्यक आहे.
02:55	इ-मेल ऍड्रेस सेट करण्यासाठी टाईप करा: git space config space hyphen hyphen global space user dot email space priya[dot]spoken@gmail.com आणि एंटर दाबा.
03:12	येथे मी priya[dot]spoken[at]gmail[dot]com हा इमेल वापरला आहे.
03:18	तुम्ही तुमचा वैध/उपलब्ध इमेल ऍड्रेस वापरू शकता.
03:21	युजरनेम सेट करण्यासाठी टाईप करा: git space config space hyphen hyphen global space user dot name space Priya आणि एंटर दाबा.
03:36	मी "Priya" हे युजरनेम वापरले आहे. "Priya" या नावाच्या जागी तुम्ही तुमचे नाव वापरा.
03:43	आपण सेट केलेले नाव आणि इमेल ऍड्रेस हा Git वर काम करणा-या व्यक्तीची ओळख आहे.
03:51	मी commit मेसेज देण्यासाठी gedit text editor कॉनफिगर करणार आहे.
03:57	टाईप करा: git space config space hyphen hyphen global space core dot editor space gedit आणि एंटर दाबा.
04:09	आता Git वर gedit कॉनफिगर झाले आहे.
04:14	येथे 'global' हा फ्लॅग ऐच्छिक आहे.
04:17	global फ्लॅगबद्दल अधिक जाणून घेण्यासाठी आपल्या स्लाईडवर जाऊ.
04:22	एका मशीनवर अनेक रिपॉझिटरीज बनवता येतात.
04:26	hyphen hyphen global हा फ्लॅग वापरल्यास ही सेटिंग्ज मशीनवरील सर्व रिपॉझिटरीजना लागू होईल.
04:34	त्यामुळे जेव्हा तुम्ही नवी Git रिपॉझिटरी बनवाल तेव्हा ही सेटिंग्ज डिफॉल्ट रूपात लागू होतील.
04:42	तुम्हाला एखाद्या विशिष्ट रिपॉझिटरीजलाच ओळख द्यायची असल्यास hyphen hyphen global फ्लॅग वापरू नका.
04:49	पुन्हा टर्मिनलवर जाऊ.
04:51	आपण मागे सेट केलेल्या ओळखीचा कॉनफिगरेशन तपशील तपासू.
04:57	टाईप करा: git space config space hyphen hyphen list आणि एंटर दाबा.
05:04	आता आपण एडिटरचे नाव, इमेल ऍड्रेस आणि युजरनेम पाहू शकतो.
05:10	मी येथे 'html' फाईल्स वापरणार आहे.
05:14	तुम्ही कोणत्याही प्रकारची फाईल वापरू शकता. उदाहरणार्थ टेक्स्ट किंवा डॉक फाईल्स.
05:22	टर्मिनलवर परत जाऊ. मी प्रॉम्प्ट क्लियर करून घेत आहे.
05:26	आता टाईप करा: gedit space mypage.html space ampersand.
05:34	तुम्ही इतर कुठली फाईल वापरत असल्यास "mypage.html" च्या जागी तुमच्या फाईलचे नाव द्या.
05:41	प्रॉम्प्ट मुक्त करण्यासाठी '&' (अँपरसँड) चा वापर केला आहे. आता एंटर दाबा.
05:47	मी आधीच सेव्ह करून ठेवलेल्या रायटर डॉक्युमेंटमधून काही कोड या फाईलमधे कॉपी-पेस्ट करणार आहे.
05:54	अशाचप्रकारे काही मजकूर तुमच्या फाईलमधे समाविष्ट करा.
05:58	मी फाईल सेव्ह करत आहे.
06:00	आता माझ्याकडे काही कोड लिहिलेली html फाईल आहे.
06:05	एक सूचना: जिथे मी mypage.html वापरत आहे त्या ठिकाणी तुम्ही तुमच्या फाईलचे नाव वापरा.
06:13	आपण Git ला "mypage.html" या फाईलला फॉलो करायला सांगणार आहोत.
06:18	टर्मिनलवर जाऊन टाईप करा: git space add space mypage.html आणि एंटर दाबा.
06:27	आता Git चे स्टेटस तपासून बघू. त्यासाठी टाईप करा: git space status आणि एंटर दाबा.
06:36	“new file: mypage.html” असा मेसेज दिसेल. याचा अर्थ Git ने "mypage.html" या फाईलमधे होणारे बदल फॉलो करायला सुरूवात केली आहे.
06:48	याला tracking असे म्हणतात.
06:51	आपल्या mypage.html या फाईलवर जाऊ.
06:55	आणि या फाईलमधे कोडच्या आणखी काही ओळी समाविष्ट करूया.
06:58	मी Writer फाईलमधून कोड कॉपी-पेस्ट करणार आहे.
07:06	फाईल सेव्ह करून बंद करा.
07:10	पुन्हा टर्मिनलवर जा. मागीलप्रमाणेच Git चे चालू स्टेटस तपासण्यासाठी टाईप करा: git space status आणि एंटर दाबा.
07:21	हे :“Changes not staged for commit:” आणि “modified: mypage.html” असे दाखवत आहे.
07:28	याचा अर्थ आपण केलेले बदल staging area मधे समाविष्ट झालेले नाहीत.
07:34	Staging area बद्दल अधिक जाणून घेण्यासाठी स्लाईडसवर जाऊ.
07:39	Staging area ही एक फाईल आहे जी केलेल्या बदलांची माहिती संचित करते जे कमिट करणे आवश्यक आहे.
07:46	कमिट करण्यापूर्वी फाईलमधील घटक staging area मधे समाविष्ट करणे गरजेचे आहे.
07:51	आपण पुढील पाठात कमिट बद्दल अधिक जाणून घेऊ.
07:56	Git ची जुनी वर्जन्स staging area ऐवजी index ही टर्म वापरत.
08:01	फाईलमधील नवे बदल staging area मधे समाविष्ट कसे करायचे हे जाणून घेऊ.
08:07	टर्मिनलवर जाऊ. प्रॉम्प्ट क्लियर करून घेऊ.
08:11	टाईप करा: git space add space mypage dot html आणि एंटर दाबा.
08:19	Git स्टेटस तपासण्यासाठी टाईप करा: git space status आणि एंटर दाबा.
08:26	: “Changes to be committed:” असा मेसेज दिसेल.
08:30	याचा अर्थ फाईल staging area मधे समाविष्ट झाली आहे आणि कमिट करण्यासाठी तयार आहे.
08:37	आता आपण या ठिकाणी आपला कोड freeze करू.
08:40	आपले काम एका विशिष्ट स्तरापर्यंत पोहोचले की आपण ते रिपॉझिटरीमधे सेव्ह करू शकतो. त्याला कमिट म्हणतात.
08:49	प्रत्येक कमिट हे युजरनेम, इमेल-आयडी, तारीख, वेळ आणि कमिट मेसेज सहित सेव्ह होते.
08:57	कमिट कसे करायचे ते पाहू. टर्मिनलवर जाऊन टाईप करा: git space commit आणि एंटर दाबा.
09:07	कमिट मेसेज घेण्यासाठी gedit हा टेक्स्ट एडिटर आपोआप उघडेल.
09:13	पहिल्या ओळीवर मी कमिट मेसेज म्हणून “Initial commit” असे टाईप करत आहे.
09:18	तुम्ही कुठलाही माहितीपूर्ण मेसेज टाईप करू शकता.
09:22	येथे hash ने सुरू होणा-या काही ओळी बघू शकतो. तुम्ही त्या तशाच ठेवू शकता किंवा त्या डिलिट करू शकता.
09:30	hash च्या ओळीच्या आधी किंवा नंतर कमिट मेसेज लिहा.
09:35	भविष्यात या कमिट मेसेजच्या सहाय्याने या स्तरापर्यंत आपण काय केले होते हे जाणून घेऊ शकतो.
09:41	एडिटर सेव्ह करून बंद करा.
09:44	आपल्याला काही तपशील बघायला मिळेल: जसे की, commit message आपण किती फाईल्समधे बदल केले आहेत आपण किती गोष्टी समाविष्ट केल्या आणि फाईलचे नाव.
09:56	आता git log कमांड वापरून कमिटचा तपशील बघू शकतो.
10:00	टाईप करा: git space log आणि एंटर दाबा.
10:06	आपल्या रिपॉझिटरीमधे केवळ एकच कमिट आहे.
10:09	हे एक युनिक ID दाखवते ज्याला commit hash किंवा SHA-1 hash म्हणतात.
10:16	SHA-1 hash बद्दल अधिक जाणून घेण्यासाठी स्लाईडसवर जाऊ.
10:20	SHA-1 hash हा 40 अल्फा-न्युमरिक कॅरॅक्टर्स असलेला युनिक आयडी असतो.
10:25	Git त्याच्या डेटाबेसमधे सर्व माहिती hash value म्हणून संचित करतो.
10:31	Git कमिटस हे SHA-1 hash या नावाने ओळखले जातात.
10:35	SHA-1 hash चे महत्व तुम्हाला पुढच्या पाठांत सांगितले जाणार आहे.
10:41	टर्मिनलवर जाऊ.
10:43	येथे कमिट चा तपशील जसे की, लेखकाचे नाव, इमेल ऍड्रेस, तारीख, वेळ आणि आपण आधी दिलेला कमिट मेसेज दाखवत आहे.
10:56	आपण पाठाच्या अंतिम टप्प्यात आहोत.
11:00	थोडक्यात, आपण या पाठात शिकलो: Git रिपॉझिटरी आणि git init, status, commit आणि log सारख्या Git च्या काही मूलभूत कमांडस.
11:14	असाईनमेंट- तुमच्या मशीनवर एक डिरेक्टरी बनवून तिची रिपॉझिटरी बनवा.
11:20	टेक्स्ट फाईल तयार करून त्यात काही मजकूर लिहा.
11:25	Git रिपॉझिटरीच्या staging area मधे ही फाईल समाविष्ट करा.
11:29	तुमच्या रिपॉझिटरी मधे फाईल कमिट करा आणि
11:32	git log कमांड वापरून कमिटचा तपशील पहा.
11:35	स्क्रीनवर दिसत असलेल्या लिंकवरील व्हिडिओ डाऊनलोड करून बघा. ज्यामध्ये तुम्हाला प्रॉजेक्टचा सारांश मिळेल.
11:43	स्पोकन ट्युटोरियल प्रॉजेक्ट टीम, Spoken Tutorial च्या सहाय्याने कार्यशाळा चालविते. ऑनलाईन परीक्षा उत्तीर्ण होणा-या विद्यार्थ्यांना प्रमाणपत्रही दिले जाते. अधिक माहितीसाठी कृपया आम्हाला लिहा.
11:55	स्पोकन ट्युटोरियल प्रॉजेक्टसाठी अर्थसहाय्य NMEICT, MHRD, Government of India यांच्याकडून मिळालेले आहे.
12:02	यासंबंधी माहिती पुढील साईटवर उपलब्ध आहे.
12:08	हे भाषांतर मनाली रानडे यांनी केले असून आवाज .... यांनी दिला आहे. सहभागासाठी धन्यवाद.

Contributors and Content Editors

Manali, PoojaMoolya, Ranjana