Difference between revisions of "Health-and-Nutrition/C2/Breastfeeding-latching/Konkani"
From Script | Spoken-Tutorial
| Line 322: | Line 322: | ||
|हें ट्युटोरियल आतां सोपपाक आयलां. | |हें ट्युटोरियल आतां सोपपाक आयलां. | ||
|- | |- | ||
| − | |11: | + | |11:39 |
| − | | | + | |हांव वर्षा नायक,अणकार करपी, आहारतज्ञ आनी असिस्टंट प्रोफेसर ह्या ट्युटोरियलांत भाग घेतल्या बद्दल तुमकां देव बरें करूं म्हण्टां. |
| − | + | |- | |
| − | + | |} | |
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | + | ||
| − | हांव वर्षा नायक,अणकार करपी, आहारतज्ञ आनी असिस्टंट प्रोफेसर ह्या ट्युटोरियलांत भाग घेतल्या बद्दल तुमकां देव बरें करूं म्हण्टां. | + | |
Latest revision as of 17:35, 14 August 2020
| Time | Narration |
| 00:02 | ब्रेस्ट लॅचींगच्या ह्या स्पोकन ट्युटोरियलांत तुमकां सगळ्यांक येवकार. |
| 00:07 | ह्या टुट्योरियलांत भुरग्यान दूद वोडपाची योग्य पद्दत तशेंच आवयन भुरग्याक कितलेदां दुदाक धरपाचें तें पळोवया. |
| 00:20 | फुडें वच्चे पयलीं एक गजाल लक्षांत दवरया– फायदेशीर स्तनपानाखातीर भुरग्यान स्तनाची घट्ट पकड घेवप खूब म्हत्वाचें. |
| 00:29 | स्तनाची जर घट्ट पकड मेळ्ळी ना तर भुरगें फक्त चिंव वोडटलें. |
| 00:36 | हाका लागून भुरग्याक दूद खूब उणें मेळटलें. |
| 00:40 | जर एरीओलाचो सकलो भाग भुरग्यान तोंडान घेतलो तर भुरग्याक भरपूर दूद मेळटलें. |
| 00:50 | मतीत दवरात – एरीओला म्हळ्यार चिंवेभोंवतणचो काळसर भाग. |
| 00:56 | आतां सुरवात करूंया- स्तनपान करचे पयलीं आवयन भुरग्याक योग्य आसन पद्दतीन धरचें. |
| 01:05 | हे धरपाचे पद्दतीविशीं सविस्तर पणान हे माळेंतल्या दुसऱ्या व्हिडियोंत सांगलां. |
| 01:11 | ह्या ट्युटोरियलांतली फुडली माहिती क्रॉस क्रॅडल आसनच लक्षांत घेवन तुमकां दितली. |
| 01:16 | लक्षांत दवरात, स्तनाची घट्ट पकड मेळपाक आनी फायटेशीर स्तनपाना खातीर भुरग्याक योग्य पद्दतीन धरप गरजेचें . |
| 01:24 | ह्या चित्रांत आवयन भुरग्याक योग्य पद्दतीन क्रॉस क्रेडल आसनात धरलां. |
| 01:31 | आनी भुरगें स्तन घट्ट धरून दूद वोडपाक तयार आसा. |
| 01:35 | स्तनाक घट्ट धरचे पयलीं भुरग्यान तोंड व्हड उगडप म्हत्वाचें. |
| 01:42 | कित्याक ? हें कळपा खातीर आमी वडापाव वा बर्गर खावपाचें उदाहरण घेवया. |
| 01:49 | आमी वडापाव वा बर्गराचो घांस घेतात तेन्ना तोंड व्डड उक्तें करतात. |
| 01:56 | तेच तरेन – व्हड तोंड उक्तें केल्ल्यान , भुरग्याक स्तनाचो चडांत चड भाग तोंडांत घेवपाक आदार जातलो. |
| 02:04 | भुरग्याक तोंड व्हड उक्तें करपाक खातीर – आवयन स्तनाची चिंव भुरग्याच्या वेल्या ओंठार , हळूच तोंड उक्तें करसर घांसची. |
| 02:16 | संयम दवरात - केन्ना केन्ना भुरग्याक तोंड उगडपा खातीर थोडो वेळ लागूं येता. |
| 02:25 | लक्षांत दवरात- खंयच्याय स्तनपान आसना खातीर – स्तनाक धरिल्लीं आवयच्या हाताचीं बोटां आनी आंगठो, भुरग्याच्या ओंठाच्या समांतर आसपाक जाय. |
| 02:36 | जेन्ना भुरगें ताचें तोंड व्हडल्यान उक्तें करता , तेन्ना ताचो सकलो ओंठ एरिओलाच्या सकल आसपाक जाय. |
| 02:43 | आनी चिंवेची दिका भुरग्याच्या तोंडाच्या वयर आसची , पूण तोंडाचे मदीं न्हय. |
| 02:50 | आतां, आवयन रोकडेंच तिचें स्तन भुरग्याच्या तोंडांत घालचें. |
| 02:55 | तिणें पयलीं भुरग्याची तकली ल्हवूच बागोवन ताची खाडकी स्तनाचेर दांबची. |
| 03:02 | तिणें तिची फाट बागोवची न्हय वा तिचें स्तन भुरग्याच्या तोंडाकडेन वोडून व्हरचें न्हय. |
| 03:08 | भुरग्याक भुजां फाटल्यान ल्हव धुकलून स्तना मेरेन हाडचें. |
| 03:15 | स्तनपाना खातीर चड म्हत्वाचो भाग म्हळ्यार आवयच्या एरीओलाचो सकलो भाग भुरग्याच्या तोंडांत वेवस्थीत आसपाक जाय. |
| 03:25 | हाका लागून स्तनाची चिंव वेवस्थीत पणान भुरग्याच्या तोंडांत पावपाक आदार जातलो. |
| 03:31 | भुरग्यान सकल्या ओंठाकडल्या एरीओलाच्या भागाचेर आपली जीब दांबपाक जाय. |
| 03:37 | हाका लागून चड दुग्धशिरो पिळपाक आनी चडांत चड दूद येवपाक लागतलें. |
| 03:42 | दुसरी गरजेची गजाल - भुरग्यान आवयच्या स्तनाक घट्ट धरलां काय ना तें पळोवचें. |
| 03:48 | आनी हाची खात्री करपा खातीर आवयन कांय गजाली लक्षांत घेवच्यो, त्यो म्हळ्यार- |
| 03:54 | भुरग्याचें तोंड व्हड उक्तें आसचें. |
| 03:57 | भुरग्याच्या वेल्या वोंठाकडलो एरीओलाचो भाग सकल्या वोंठाकडल्या भागापरस चड दिसचो. |
| 04:06 | भुरग्याची सकली खाडकी पुरायेन आवयच्या स्तना सकल आसची. |
| 04:11 | भुरगें दूद गिळटना ताचो जबडो सकल आसचो. |
| 04:16 | आनी भुरग्याचो सकलो वोंठ भायले वटेन दोडिल्लो आसचो. |
| 04:22 | खरें म्हळ्यार- भुरग्याक स्तनाची घट्ट पकड मेळ्ळी जाल्यार भुरग्याचो सकलो वोंठ चडसो स्तना मदीं लिपिल्लो आसता. |
| 04:28 | अशा वेळार, भुरग्याचो सकलो वोंठ भायले वटेन दोडिल्लो आसा काय ना तें पळोवपा खातीर भुरग्याच्या सकल्या वोंठाकडेन आशिल्लो स्तन हळूच दांबचो. |
| 04:41 | आतां भुरग्याचें नाक पळयात - जर भुरग्याचें नाक आवयच्या स्तनाक लागून चेंपलां तर--- |
| 04:49 | आवयन भुरग्याची मान ल्हव भायल्यान बागोवची जाका लागून ताची खाडकी परत स्तनांत वतली. |
| 04:58 | आनी भुरग्याचें नाक आनी कपल आवयच्या स्तना कडल्यान पयस उरतलें. |
| 05:04 | अशें केल्यार भुरग्याक स्तनपानाची वोड लागतली. |
| 05:09 | भुरग्याचें पुराय तोंड आवयच्या स्तनाकडल्यान पयस वोडनाकात. |
| 05:13 | हाका लागून भुरगें फक्त चिंवच वोडपाक पावतलें. |
| 05:16 | याद दवरात- स्तनपान करतना आवयकय सुशेग मेळपाक जाय. |
| 05:21 | तिका तिच्या स्तनाचे चिंवेक चिमटो येता, वोडटा, वा घांसता अशें दिसूंक जायना. |
| 05:27 | जर स्तनपानाचो आवयक त्रास जाता तर भुरगें सारके पद्दतीन दूद वोडना हें समजुवपाचें. |
| 05:35 | भुरगें दूद सारखें कित्याक वोडना ताचें आतां सादें कारण पळयात. |
| 05:40 | जायत्यो आवयो भुरग्याच्या तोंडांमदीं चिंव घालपाक लागून एरीओलाचो भाग चिमटेंत धरतात. |
| 05:48 | हांगा , भुरग्याचें तोंड व्हल्यान उक्तें जायना. |
| 05:52 | भुरग्याच्या तोंडांत फक्त चिंवच वता. |
| 05:56 | हांगा, एरिओलाचो समान भाग वेल्या आनी सकल्या वोंठाकडेन दिसता. |
| 06:04 | भुरग्याची खाडकी स्तना कडल्यान सुट्टा. |
| 06:07 | भुरग्याक बेगी बेगीन दूद वोडपाची क्षमता आसता. |
| 06:14 | दूद वोडटना ताच्या गालांचेर खळयो पडटात. |
| 06:17 | दूद गिळटना ताचो जबडो सकल पडना. |
| 06:23 | आनी आवयच्या स्तनाचे चिंवेक चिमटो येवन भुरग्याच्या तोंडाच्या घट भागांत ती चेंपता. |
| 06:31 | हाचो आवयक त्रास जाता आनी चिंवेक घावो जावूं शकता. |
| 06:37 | शिवाय, अशेतरेच्या फक्त चिंवेंतल्या स्तनपानांत एरीओलाच्या सकल आशिल्ल्या व्हडल्या शिरांतल्यान दूद मेळपाक पावना. |
| 06:45 | ते खातीर भुरग्याक फावो तितकें दूद मेळपाक पावना. |
| 06:50 | भुरगें जर फक्त चिंवेंतल्यानच दूद वोडटा तर, |
| 06:54 | आवयन तिचें ल्हान नितळबोट भुरग्याच्या तोंडाच्या कोनशाक घालचें. |
| 06:59 | स्तनाचे चिंवेवेली भुरग्याची पकड सोडपाक तिणें तशें करचें. |
| 07:04 | मागीर तिणें परत त्याच स्तनाक भुरग्याक दूदाक धरचें आनी ताच्या वोंठाची पकड सारखी जाल्या हाची खात्री करून घेवची. |
| 07:11 | स्तनाची पकड सारखी जातकच आवयन भुरग्याक foremilk and hindmilk सारखें मेळटा काय ना , हाची खात्री करून घेवची. |
| 07:19 | फोरमिल्क म्हळ्यार आवयच्या स्तनाच्या मुखावेल्या भागांत आशिल्लें पातळ दूद. |
| 07:25 | तें उदक आनी प्रोटीन हांचे पासून तयार जाता. |
| 07:29 | भुरग्याचे वाडीक आनी ताचे घटसाणेक पयल्या दुदाची गरज आसता. |
| 07:36 | हायनड (Hind milk ) म्हळ्यार स्तनाचे फाटल्या भागांत आशिल्लें दाट दूद. |
| 07:42 | तातूंत मुखेलपणान चरबी म्हळ्यार फॅट्स आसतात. |
| 07:46 | भुरग्याच्या मेंदूच्या विकासा खातीर आनी वजन धरूंक ताची गरज आसता. |
| 07:53 | भुरग्याक foremilk आनी hindmilk दोनय मेळ्ळां हाची खात्री जावपा खातीर आवयन एका स्तनाचें दूद सोपोवनच दुसऱ्या स्तनाक दुदाक धरचें. |
| 08:05 | आपणें भुरग्याक एका स्तनाचें दूद पुरायेन दिलां कांय ना हें जाणून घेवपा खातीर आवयन तें स्तन हातांनी दांबून दूद येता काय ना तें पळोवचें. |
| 08:15 | जर पातळ दूद भायर येता तर, |
| 08:19 | वा जर दांबतकच दाट दूद भायर येता तर, |
| 08:24 | आवयन भुरग्याक त्याच स्तनाक परत दुदाक धरचें. |
| 08:29 | जर दांबतकच दाट दुदाचें येवपी थेंबे कमी जायत गेले तर, |
| 08:35 | समजुवचें आवयन भुरग्याक पुरायेन त्या स्तनाचें दूद पिवयलां. |
| 08:41 | दुसऱ्या स्तनाक धरचे पयलीं , आवयन भुरग्याक आपले मांडयेर बसोवन आनी मात्शें फुडें धुकलून ताच्या जबड्याक धरचें आनी धेंकर काडचो. |
| 09:00 | भुरग्यान दोन वा तीन मिनटां भितर धेंकर दिवंक जाय. |
| 09:04 | जर फुडल्या 5 मिनटांत धेकर आयलोना, |
| 09:08 | तर समजुवचें भुरग्याच्या स्तनाची पकड योग्य पद्दतीन जाल्या . |
| 09:14 | आनी भुरग्यान दूद पितना चड वारें पोटांत घेवूना . |
| 09:21 | आतां आवयन ताका दुसऱ्या स्तनाक धरचें. |
| 09:26 | जर भुरग्याचें पोट भरलां तर तिणें दुसऱ्या स्तनांतल्यान दूद दिना जाल्यार जाता. |
| 09:32 | पूण आवयन भुरग्याक सदांच दोनय स्तनांतल्यान दूद दिवचें. |
| 09:39 | पिवप काय ना तें तिणें भुरग्याचेर सोडचें. |
| 09:45 | जर भुरगें दूद पितना न्हिदलें तर आवयन ताच्या पांयांच्या तळव्याचेर ल्हवूच थापटावन ताका उठोवचें. |
| 09:55 | वा ताच्या फाटीचेर ल्हव खातकुल्यो करच्यो. |
| 09:59 | वा भुरग्याक धेंकर काडटना बसयतात ते पद्दतीन बसोवचें. |
| 10:04 | स्तनपान करपाचे पद्दती बरोबरच दूद पिवोवपाच्यो फावटीय तितक्योच म्हत्वाच्यो. |
| 10:12 | आवयन 24 वरांमदीं 12 फावट तरी भुरग्याक स्तनपान करूंक जाय. |
| 10:17 | हाचे मदल्यो 2 ते 3 फावटी रातच्यो आसूंक जाय. |
| 10:24 | भुरग्याक भूक लागल्या हें जाणून घेवपा खातीर आवयन ताचे भुकेच्यो फुडल्यो खुणो नियाळच्य़ो आनी स्तनपान करचें. |
| 10:32 | तोंड उगडप
तकली घुंवडावप ताणें हात तोंडाकडेन व्हरप |
| 10:37 | बोटां चोखप आनी आंग वळप |
| 10:42 | जर भुरगें दुदा खातीर रडटा तर समजुवचें दुदाक धरपाक खूबच वेळ जाला. |
| 10:49 | लक्षांत दवरात, भुरग्याची 2 आठवड्यात , 6 आठवड्यात तशेंच 3 म्हयन्यार वेगान वाड जाता. |
| 10:59 | आनी भुरग्याक चड दूद जाय पडटा. |
| 11:05 | तशेंच भुरग्याक चड फावटी दूद दिल्यार आवयच्या स्तनांत चड दूद तयार जावपाची क्षमता वाडटा. |
| 11:12 | ते खातीर आवयन अशा वेगान वाडीच्या काळांत भुरग्याक चड फावटी दूद दिवंक जाय. |
| 11:19 | लक्षांत दवरात, पयल्या 6 म्हयन्या खातीर आवयचें दूद हो भुरग्याक योग्य आहार आसा. |
| 11:30 | आनी योग्य तरेन भुरग्याक दुदाक धरप हें यशस्वी स्तनपानाचो मंत्र. . |
| 11:36 | हें ट्युटोरियल आतां सोपपाक आयलां. |
| 11:39 | हांव वर्षा नायक,अणकार करपी, आहारतज्ञ आनी असिस्टंट प्रोफेसर ह्या ट्युटोरियलांत भाग घेतल्या बद्दल तुमकां देव बरें करूं म्हण्टां. |
