Linux/C2/Working-with-Linux-Process/Tamil

Time	Narration
0:00	லீனக்ஸ் ப்ராசஸ்கள் குறித்த ஸ்போகன் டுடோரியலுக்கு நல்வரவு.
0:05	நான் உபுண்டு 10.04 ஐ பயன்படுத்துகிறேன்.
0:09	லீனக்ஸ் ஆபரேடிங் சிஸ்டம் குறித்த துவக்க பாடங்களை அறிந்து இருப்பீர்கள் என்று நம்புகிறேன். கமாண்ட் கள் குறித்த அடிப்படை அறிவும் இருக்கும் என்று நம்புகிறேன்.
0:16	உங்களுக்கு ஆர்வம் இருந்தால் அது இதே தளத்தில் வேறு ஸ்போக்கன் டுடோரியலில் உள்ளது. http://spoken-tutorial.org/
0:28	லீனக்ஸில் எல்லா கமாண்ட் களும் மேல் கீழ் எழுத்து நிலையை உணரும், அவற்றை சார்ந்து வேலை செய்யும் என நினைவில் கொள்க. இந்த டுடோரியலில் குறிப்பாக சொன்னால் ஒழிய எல்லாம் கீழ் நிலை எழுத்துக்கள் ஆகும்.
0:38	ப்ராசஸ் என்பதென்ன என்று புரிந்து கொள்ள ஒரு சிறு விளக்கம் தருகிறேன்.
0:42	லீனக்ஸ் இல் இயங்கும் எல்லாமே ஒரு ப்ராசஸ்.
0:46	நம் கமாண்ட்களை ஏற்று இயக்கும் ஷெல் ஒரு ப்ராசஸ்.
0:51	டெர்மினல் இல் நாம் டைப் செய்யும் கமாண்ட்கள் இயங்கும்போது ப்ராசஸ்கள் ஆகின்றன.
0:56	இப்போது இந்த டுடோரியலை விடியோவில் பார்கிறீர்களே இது ஒரு ப்ராசஸ்.
1:00	ஸ்போக்கன் டுடோரியல் வலைத்தளத்தை திறந்த ப்ரௌசர் ஒரு ப்ராசஸ்.
1:05	இயங்கும் ஷெல் ஸ்கிரிப்டுகள் ப்ராசஸ்கள்.
1:11	ஆக ப்ராசஸ் என்பது இயங்கும் அல்லது ஓடும் ஒரு ப்ரோக்ராம் என வரையறுக்கலாம்.
1:17	ப்ராசஸ்கள் நம்மை போலவே, பிறக்கும், இறக்கும். அவற்றுக்கு தாய் உண்டு, குழந்தைகள் உண்டு!
1:28	முதலில் நாம் ஷெல் ப்ராசஸ் பற்றி கற்றுக்கொள்ளலாம்.
1:31	நாம் கணினியுள் நுழைந்த உடனேயே லீனக்ஸ் கெர்னல் ஷெல் ப்ராசஸ் ஐ துவக்குகிறது.
1:36	லீனக்ஸ் கெர்னல் என்பது லீனக்ஸ் ஆபரேடிங் சிஸ்டமின் உள்கரு என்று அறிவது இப்போதைக்கு போதுமானது.
1:43	லீனக்ஸ் ஐ இயக்கும் மிக முக்கிய தொகுதிகள் இதில் இருக்கின்றன. ஷெல் மற்ற எல்லா பயனர் கமாண்ட் ப்ராசஸ்களையும் உருவாக்குகிறது.
1:53	ஒரு டெர்மினல் ஐ திறக்கலாம்.
1:57	டெர்மினல் இல் நாம் காண்கிற டாலர் குறி கமாண்ட் ப்ராம்ப்ட் ஆகும்.
2:03	இது ஷெல் ப்ராசஸ் இன் வேலை ஆகும்.
2:07	இப்போது ஒரு கமாண்ட் ஐ டைப் செய்யலாம். உதாரணமாக “டேட்[date]”. என்டர் விசையை அழுத்துவோம்.
2:13	இதை நாம் செய்த உடனேயே ஷெல் ப்ராசஸ் டேட் என்ற ப்ராசஸ் ஐ துவக்குகிறது.
2:18	ஷெல் ப்ராசஸ் டேட் ப்ராசஸ் ஐ உருவாக்கியதால் ஷெல் ப்ராசஸ் டேட் ப்ராசஸின் தாய் எனலாம். டேட் ப்ராசஸ் ஷெல் ப்ராசஸ் இன் சேய் எனலாம்.
2:30	டேட் ப்ராசஸ் தேதியையும் நேரத்தையும் காட்டிய பின் இறந்துவிடும்.
2:40	ஷெல் இன்னொரு ஷெல் ப்ராசஸ் ஐ கூட உருவாக்கலாம். இப்படி ப்ராசஸ் ஒன்றை உருவாக்குவதை ஸ்பானிங் எ ப்ராசஸ் என்பர்.
2:50	இன்னொரு ஷெல் ப்ராசஸ் ஐ ஸ்பான் செய்ய டெர்மினல் க்கு போய் "எஸ்ஹெச்" என டைப் செய்து என்டர் விசையை அழுத்துவோம்.
3:00	டெர்மினலில் ஒரு புதிய ப்ராம்ப்ட் தோன்றுவதை காணலாம். இப்போது நம் ஒரிஜினல் ஷெல், அதை ஷெல் 1 எனலாம் - ஒரு சேய் ஷெல் அல்லது சப் ஷெல் ஐ பிரசவித்தது. இதை ஷெல் 2 என அழைக்கலாம்.
3:13	நாம் ஒரு கமாண்ட் ஐ இந்த புதிய கமாண்ட் ப்ராம்ப்ட் இல் உள்ளிடலாம். இந்த புதிய கமாண்ட் ப்ராம்ப்ட் இல் எல்எஸ் கமாண்டை இயக்கலாம்.
3:20	கமாண்ட் ப்ராம்ப்ட் இல் டைப் செய்க: “எல்எஸ்”. என்டர் விசையை அழுத்துவோம். பைல்கள் டிரக்டரிகள் லிஸ்ட் ஐ பார்க்கலாம்.
3:32	இப்போது ஒரு புதிய எல்எஸ் என்ற ப்ராசஸ் உருவாக்கப்பட்டது.
3:35	இங்கு, ஷெல் 2 எல்எஸ் இன் தாய், ஷெல் 1 எல்எஸ் இன் பாட்டி. எல்எஸ் ஷெல் 2 இன் சேய், ஷெல் 2 என்பதே ஷெல்1 இன் சேய்.
3:56	ஷெல் 2 ஐ கொல்ல, புதிய ப்ராம்ப்ட் இல் “எக்சிட்” என டைப் செய்து என்டர் விசையை அழுத்துவோம்.
4:04	ஷெல் 2 இறந்து போகும். நாம் நம் முந்தைய கமாண்ட் ப்ராம்ப்ட் இல் இருப்போம்.
4:12	நமக்கும் ப்ராசஸ்களுக்கும் இருக்கும் ஒற்றுமையை இன்னும் சொல்ல, நமக்கு சில குணங்கள் - அட்ரிப்யூட்ஸ் - இருக்கும். இதை வைத்தே மற்றவர் நம்மை அறிகிறார்கள். இந்த அட்ரிப்யூட்ஸ் நம் பெயரோ, தாய் தந்தை பெயரோ, பிறந்த தேதியோ, பான் அட்டை எண்ணோ ஏதாகிலும் இருக்கலாம்.
4:26	அதே போல ப்ராசஸ்களுக்கும் அட்ரிப்யூட்ஸ் உண்டு. அது பிஐடி[PID](அதாவது ப்ராசஸ் ID), பிபிஐடி[PPID](பேரன்ட் ப்ராசஸ் ஐடி), துவக்கிய நேரம் - இவை போல இருக்கலாம்.
4:38	இந்த மாதிரியான அட்ரிப்யூட்ஸ் முக்கால்வாசி கெர்னல் ஆல் ஒரு ப்ராசஸ் டேபிள் என்பதில் பராமரிக்கப்படும்.
4:43	ஒவ்வொரு ப்ராசஸ் க்கும் ஒரு தனித்துவம் உள்ள முழு எண்ணால் அடையாளம் காணப்படும். அதற்கு பிஐடி[PID] எனப்பெயர். பிஐடி[PID] என்பது ப்ராசஸ் பிறக்கும்போது கெர்னல் ஆல் தரப்படும்.
4:51	புதிய ப்ராசஸ் ஐ- அதை P1 எனலாம்- ஸ்பான் செய்த தாயின் பிஐடி[PID]யானது, P1 ப்ராசஸ் இன் பிபிஐடி[PPID] எனப்படும்.
5:00	நடப்பு ஷெல் இன் பிஐடி[PID] ஐ அறிய ப்ராம்ப்ட் இல் டைப் செய்யலாம் “எகோ ஸ்பேஸ் டாலர் டாலர்” பின் என்டர் விசையை அழுத்துவோம்.
5:11	ஒரு எண் காட்டப்படும். இதுவே நடப்பு ஷெல்லின் பிஐடி[PID].
5:23	ப்ராசஸ்கள் பற்றி பேசும்போது நாம் அடிக்கடி பயன்படுத்தக் கூடிய ஒரு கமாண்ட் பிஎஸ் கமாண்ட்.
5:29	பிஎஸ் அல்லது ப்ராசஸ் ஸ்டேடஸ் என்பது கணினியில் இயங்கும் எல்லா ப்ராசஸ்களையும் காட்டும் கமாண்ட் ஆகும்.
5:34	இந்த கமாண்ட் ஐ ஆப்ஷன்கள் ஏதுமின்றி இயக்கும்போது எண்ண நடக்கிறது என்று பார்க்கலாம்.
5:40	கமாண்ட் ப்ராம்ப்ட் இல் டைப் செய்க: “பிஎஸ்” பின் என்டர் விசையை அழுத்துவோம்.
5:47	இந்த வழியில் நாம் ப்ரோக்ராமை இயக்கும் பயனர் துவக்கிய எல்லா இயங்கும் ப்ராசஸ்களின் பட்டியலையும் காணலாம்.
5:54	ப்ராசஸ் களின் பெயரை சிஎம்டி[CMD] தலைப்பில் காணலாம்.
5:58	இதைத்தவிர நீங்கள் பிஐடி[PID], டிடிஒய்[TTY] அல்லது ப்ராசஸ் இயங்கும் கன்சோல், நேரம் அதாவது...
6:06	ப்ராசஸ் எடுத்துகொள்ளும் நேரம், ப்ராசஸ் துவங்கியதிலிருந்து எடுத்துக்கொண்டுள்ள நேரம் ஆகியவற்றை காணலாம்.
6:12	என் கணினியில் அது இரண்டு ப்ராசஸ்களை காட்டுகிறது.
6:16	ஒன்று பாஷ், நாம் பயன்படுத்தும் ஷெல் ப்ராசஸ். இரண்டாவது இயங்கிக்கொண்டு இருக்கும் பிஎஸ் ப்ராசஸேதான்.
6:25	இன்னொரு முக்கிய விஷயம் எகோ ஸ்பேஸ் டாலர் டாலர் கமாண்ட் காட்டும் ஷெல் ப்ராசஸ் இன் பிஐடி[PID] ஐ தான் இதுவும் காட்டுகிறது.
6:35	சப் ஷெல் ஒன்றை ஸ்பான் செய்தால் என்ன நடக்கிறது என்று பார்க்கலாம். டெர்மினலில் “எஸ்ஹெச்” என டைப் செய்து என்டர் விசையை அழுத்துவோம்.
6:42	புதிய வரியில் துவங்கும் புதிய ப்ராம்ப்ட் இல் “பிஎஸ்” என டைப் செய்து என்டர் விசையை அழுத்துவோம்.
6:51	இப்போது பட்டியலில் 3 ப்ராசஸ்களை பார்க்கலாம்.எஸ்ஹெச் என்ற ப்ராசஸ் சேர்க்கப்பட்டுள்ளது.
6:57	இங்கு மீண்டும் பாஷ் ப்ராசஸ் இன் பிஐடி[PID] முன்னே கண்டதே.
7:05	பிஎஸ் பல ஆப்ஷன் களுடன் வருகிறது. நாம் காணப்போகும் முதல் ஆப்ஷனானது லிஸ்ட் செய்யப்பட்ட ப்ராசஸ்களுக்கு அதிக அட்ரிப்யூட்ஸ் களை காட்டுகிறது.
7:13	இப்போது ப்ராம்ப்ட் இல் டைப் செய்யலாம்: “பிஎஸ் ஸ்பேஸ் மைனஸ் எப்[f]”. என்டர் விசையை அழுத்துவோம். முன் போலவே இதுவும் மூன்று ப்ராசஸ்களை லிஸ்ட் செய்கிறது.
7:28	பாஷ், எஸ்ஹெச் மற்றும் பிஎஸ் மைனஸ் எப்[f]
7:31	ஒரே வித்தியாசம் என்னவென்றால் இன்னும் அதிக அட்ரிப்யூட்ஸ் லிஸ்ட் செய்யப்பட்டுள்ளன.
7:36	யூஐடி[UID] ப்ராசஸ் ஐ துவக்கிய பயனர் பெயரை காட்டுகிறது. அது மேலும் ப்ராசஸ் ஐ உருவக்கிய தாய் பிபிஐடி[PPID] ஐயும் காட்டுகிறது.
7:47	உதாரணமாக பாஷ் ப்ராசஸ் எஸ்ஹெச் ப்ராசஸ் இன் தாய். ஆகவே பாஷ் இன் பிஐடி[PID] எஸ்ஹெச் ப்ராசஸ் இன் பிபிஐடி[PPID] யேதான்.
8:00	அதே போல எஸ்ஹெச் ப்ராசஸ் பிஎஸ் ப்ராசஸ் இன் தாய் என்பதால், எஸ்ஹெச் ப்ராசஸ் இன் பிஐடி[PID] பிஎஸ் மைனஸ் எஃப் ப்ராசஸ் இன் பிபிஐடி[PPID] யேதான்.
8:17	சி[C] என்பது ப்ராசஸர் பயன்பாடு. நடப்பில் இது முழு எண்ணில் குறிக்கப்பட்ட ப்ராசஸின் வாழ்நாளில் ப்ராசஸரின் சத விகித பயன்பாடு.
8:26	பயன்பாடு உதாசீனம் செய்யும் அளவில் இருந்தால் இது 0 எனக்காட்டப்படும்.
8:32	எஸ்டைம் பீல்ட், ப்ராசஸ் துவங்கிய நேரத்தை காட்டுகிறது. மீதி அனைத்தையும் நாம் பிஎஸ் ஐ பார்க்கும் போதே பார்த்தோம்.
8:42	ப்ராசஸ்கள் இரண்டு வகையாகும். முதலாவது யூசர் ப்ராசஸ்கள். இவை பயனர்களால் துவக்கப்படுகின்றன.
8:49	உதாரணமாக 'பிஎஸ்'. அல்லது டெர்மினலில் நாம் இயக்கும் முக்காலே முன்று வீசம் கமாண்ட் களும் இந்த வகைதான்.
8:54	இரண்டாவது சிஸ்டம் ப்ராசஸ்கள். இவை கணினியே துவக்கிய ப்ராசஸ்கள். கணினி துவக்கப்படும் போது பயனர் லாக் இன் செய்யும் போது இவை துவக்கப்படுகின்றன.
9:05	சிஸ்டம் ப்ராசஸ்க்கு நல்ல உதாரணம் பாஷ்.
9:09	சில சமயம் நாம் எல்லா சிஸ்டம் ப்ராசஸ்கள் மற்றும் யூசர் ப்ராசஸ்களையும் காண விருப்பப் படலாம்.
9:17	அப்போது நாம் மைனஸ் இ[e] அல்லது மைனஸ் மேலெழுத்து ஏ[A] ஆப்ஷன் ஐ பயன்படுத்துவோம்.
9:23	டெர்மினல் க்கு சென்று ப்ராம்ப்ட் இல் டைப் செய்யலாம்:“பிஎஸ் ஸ்பேஸ் மைனஸ் இ[e]” என்டர் விசையை அழுத்துவோம்.
9:32	ப்ராசஸ்களின் பெரிய லிஸ்ட் ஐ காணலாம்.
9:35	வெளியீட்டை பல பக்கங்களில் காண ப்ராம்ப்ட் இல் டைப் செய்க:
9:40	“பிஎஸ் ஸ்பேஸ் மைனஸ் இ ஸ்பேஸ் செங்குத்துகோடு ஸ்பேஸ் மோர்”. என்டர் விசையை அழுத்துவோம்.
9:52	மோர் என குறிப்பிடுவதால் முன்னே நாம் கண்டபடி ஒரு சாளரத்தில் எத்தனை காட்ட முடியுமோ அவ்வளவு ப்ராசஸ்கள் மட்டுமே காட்டப்படுகிறது.
9:58	என்டர் விசையை அழுத்த நாம் ப்ராசஸ்கள் லிஸ்ட் இல் ஸ்க்ரால் செய்து அடுத்ததை காண்போம்.
10:03	ப்ராசஸ்கள் லிஸ்ட் இல் முதலில் நாம் காணும் ப்ராசஸ் சுவாரசியமானது. இது இனிட் ப்ராசஸ்.
10:09	இந்த ப்ராசஸ் இலிருந்துதான் மற்ற எல்லா ப்ராசஸ்களும் ஸ்பான் ஆகின்றன.
10:12	இதன் பிஐடி[PID] 1.
10:16	ப்ராம்ப்ட் க்கு திரும்பி வர க்யூ[q] ஐ அழுத்தவும்.
10:24	இந்த டுடோரியலில் நாம் ப்ராசஸ், ஷெல் ப்ராசஸ், ப்ராசஸ் ஸ்பானிங், ப்ராசஸ் அட்ரிப்யூட்ஸ் ப்ராசஸ்களின் பல் வேறு வகைகள் ஆகியவற்றை கண்டோம்.
10:37	பிஎஸ் கமாண்ட் இன் பயனையும் கண்டோம். இத்துடன் இந்த டுடோரியல் முடிவுக்கு வருகிறது.
10:45	இத்துடன் இந்த டுடோரியல் நிறைவு பெறுகிறது. ஸ்போகன் டுடோரியல் பாடங்கள் டாக்டு எ டீச்சர் திட்டத்தின் முனைப்பாகும். இதற்கு ஆதரவு இந்திய அரசு துவக்கிய ஐசிடி மூலம் தேசிய கல்வித்திட்டத்தின் வழியே கிடைக்கிறது.
10:55	மேற்கொண்டு விவரங்களுக்கு இங்கே செல்லுங்கள்: http://spoken-tutorial.org/NMEICT-Intro.
11:07	இந்த மொழியாக்கம் செய்தது கடலூரில் இருந்து திவா. டப் செய்து இப்போது வந்தனம் கூறி விடை பெறுவது (name of the recorder) from --------------------------(name of the place)

Contributors and Content Editors

Chandrika, Pravin1389, Priyacst