Linux-Old/C2/Ubuntu-Desktop-10.10/Gujarati

Time	Narration
0:00	ઉબુન્ટુ ડેસ્કટોપના આ મૌખિક ટ્યુ્ટોરીઅલમાં સ્વાગત છે.
0:04	આ ટ્યુ્ટોરીઅલ દ્વારા,આપણે "જીનોમ એન્વાર્નમેન્ટ" પર ઉબુન્ટુ ડેસ્કટોપથી પરિચિત થઇશું.
0:12	આ હેતુ માટે,હું ઉબુન્ટુ ૧૦.૧૦નો ઉપયોગ કરી રહી છું.
0:19	હવે તમે જે જોઈ રહ્યા છો તે ઉબુન્ટુ ડેસ્કટોપ છે.
0:24	તમે ઉપરના ડાબી બાજુના ખૂણામાં "મુખ્ય યાદી"(main menu) જોઈ શકો છો.
0:31	આને ખોલવા,તમે "Alt+F1" દબાવી શકો અથવા "એપ્લીકેશન" પર જઈ તેના ઉપર દબાવો.
0:40	એપ્લીકેશન યાદી બધી સંસ્થાપિત એપ્લીકેશનોને વર્ગીકૃત રૂપમાં ધરાવે છે.
0:48	આ એપ્લીકેશન યાદીમાં,ચાલો મહત્વની એપ્લીકેશનોથી પરિચિત થઈએ.
0:55	તો ચાલો એપ્લીકેશન પર જઈ એક્સેસરીઝ->કેલ્કયુલેટર પર જઈએ.
1:04	કેલ્કયુલેટર અંકગણિત,વૈજ્ઞાનિક અથવા નાણાંકીય ગણતરીઓ અમલમાં મુકે છે.
1:12	ચાલો તે ખોલવા કેલ્કયુલેટર પસંદ કરીએ.
1:18	થોડી સરળ ગણતરી કરીએ.
1:22	"૫*(ગુણ્યા)૮" લખી "બરાબર ચિહ્ન"(=) દબાવો.
1:32	"બરાબર ચિહ્ન"(=) દબાવાને બદલે,તમે "enter કળ" પણ દબાવી શકો.
1:39	હવે આ કેલ્કયુલેટરથી બહાર નીકળવા "બંધ કરવાનું બટન" દબાવો.
1:46	હવે ચાલો બીજી અન્ય એપ્લીકેશન જોઈએ.
1:50	તેના માટે ફરી એપ્લીકેશન પર જઈ અને એક્સેસરીઝ પર જઈએ.
1:59	એક્સેસરીઝમાં,ચાલો "ટેક્સ્ટ એડિટર" ખોલીએ.તેના ઉપર દબાવીએ.
2:09	હવે તમે પડદા ઉપર જે જોઈ રહ્યા છો તે "જીએડિટ ટેક્સ્ટ એડિટર" છે.
2:16	હું અહીં કંઈક લખું દાખલા તરીકે "H-e-l-l-o W-o-r-l-d" અને તેનો સંગ્રહ કરું.
2:28	તેનો સંગ્રહ કરવા,હું "Clt+s" અથવા ફાઈલના "સેવ" બટનને દબાવી શકું.તો ચાલો હું ફાઈલ ઉપર જઈ સેવ દબાઉં.
2:45	એક નાનો ડાયલોગ બોક્સ ખુલે છે જે ફાઈલનું નામ અને સ્થાન પૂછે છે જ્યાં આ ફાઈલનો સંગ્રહ થશે.
2:56	ચાલો તો હું "હેલો.ટીએક્સટી" નામ આપું.સ્થાન માટે ડેસ્કટોપ પસંદ કરું અને સેવ બટન દબાઉ.
3:15	ચાલો જીએડિટને બંધ કરી તપાસીએ કે ડેસ્કટોપ પર આપણી ફાઈલનો સંગ્રહ થયો છે કે નહિ!
3:24	હવે ડેસ્કટોપ ઉપર તમે ફાઈલ "હેલો.ટીએક્સટી" જોઈ શકો છો.
3:30	આપણી ટેક્સ્ટ ફાઈલ સફળતાપૂર્વક સંગ્રહિત થઇ છે.
3:35	ચાલો આ ફાઈલ ઉપર બે વાર દબાવી તેને ખોલીએ.
3:40	વાહ!આપણા લખાણવાળી ટેક્સ્ટ ફાઈલ ખુલી.
3:44	ઈન્ટરનેટ ઉપર જીએડિટ ટેક્સ્ટ એડિટર વિષે ઘણી માહિતી ઉપલબ્ધ છે.
3:50	આ વિષયના મૌખિક ટ્યુ્ટોરીઅલ પણ http://spoken-tutorial.org પર ઉપલબ્ધ છે.
4:00	ટેક્સ્ટ એડિટરને બંધ કરીએ અને એક્સેસરીઝમાંથી અન્ય એપ્લીકેશન "ટર્મિનલ"ને નિહાળીએ.
4:12	તો ચાલો ફરી એપ્લીકેશન->એક્સેસરીઝ પર જઈ "ટર્મિનલ" પસંદ કરીએ.
4:19	ટર્મિનલને કમાંડ લાઈન કહે છે કારણકે તમે કમ્પ્યુટરને અહીંથી આદેશ આપી શકો.
4:25	હકીકતમાં તે "GUI"(Graphical User Interface) કરતા પણ વધારે સરળ છે.
4:30	ટર્મિનલને સમજવા ચાલો એક સરળ આદેશ આપીએ.
4:36	તો ચાલો 'ls' લખી એન્ટર દબાવીએ.
4:41	તમે જોઈ શકો છો કે તે વર્તમાન ડિરેક્ટરીની બધી ફાઈલો અને ફોલ્ડરોની યાદી આપે છે.
4:48	અહીં આ આદેશ "હોમ ફોલ્ડર"ની ફાઈલો અને ફોલ્ડરો પ્રદર્શિત કરી રહ્યો છે.
4:55	આપણે આ ટ્યુ્ટોરીઅલમાં પછી જોઈશું કે "હોમ ફોલ્ડર" શું છે.
5:01	આપણે ટર્મિનલ માટે વધારે સમય પસાર નહીં કરીએ.ટર્મિનલના આદેશો http://spoken-tutorial.org પરના "લિનક્સના મૌખિક ટ્યુ્ટોરીઅલમાં" વિસ્તારમાં સમજાવેલ છે.
5:17	ટર્મિનલ બંધ કરીએ.
5:20	હવે તે પછીની એપ્લીકેશન જે ફાયરફોકસ વેબ બ્રાઉઝર છે તેના પર જઈએ.તે ખોલીએ.
5:27	તેના માટે એપ્લીકેશન પર જઈ,ઈન્ટરનેટમાં ફાયરફોક્સ ઉપર દબાવીએ.
5:36	ફાયરફોક્સ "વલ્ડ વાઇડ વેબ"ને પ્રાપ્ય કરવા ઉપયોગમાં લેવાય છે.હવે તમે ખૂલેલ ફાયરફોક્સ જોઈ શકો છો.
5:43	ચાલો જીમેલ સાઈટ ઉપર જઈએ.તેના માટે એડ્રેસ બાર પર જાઓ અથવા F6 દબાવો.હું F6 દબાઉં છું.
5:53	ઠીક છે.હું એડ્રેસ બાર પર છું અને હવે તેને સાફ કરવા બેકસ્પેસ દબાવું છું.
6:00	હું "www.gmail.com" લખીશ.
6:04	જેવું હું લખીશ,ફાયરફોક્સ કેટલીક શક્યતાઓ સૂચવે છે.
6:09	તમે આમાંથી કોઈ એક પસંદ કરી શકો છો અથવા પૂરું એડ્રેસ આપી એન્ટર દબાવો.
6:15	ફાયરફોક્સ આ વેબસાઈટ સાથે સીધું જોડાશે અથવા તે "લોગીન અને પાસવર્ડ" પૂછશે.
6:22	હવે ચાલો ઉપયોગકર્તાનું નામ અને પાસવર્ડ આપી એન્ટર દબાવીએ.
6:36	હવે તમે ખૂલેલું "જીમેલ વેબ પૃષ્ઠ" જોઈ શકો છો.તેને બંધ કરીએ અને બીજી અન્ય એપ્લીકેશન પર જઈએ.
6:45	હવે એપ્લીકેશન મેનુમાંના "ઓફીસ" વિકલ્પ પર જઈએ.
6:53	આ ઓફીસ મેનુમાં "ઓપનઓફીસ વર્ડ પ્રોસેસર","સ્પ્રેડશીટ" અને "પ્રેઝન્ટેશન" જેવા વિકલ્પો છે.
7:03	ઈન્ટરનેટ ઉપર આના વિષે ઘણી માહિતી ઉપલબ્ધ છે.
7:07	ભવિષ્યમાં અમારી વેબ સાઈટ ઉપર પણ આ વિષયના મૌખિક ટ્યુ્ટોરીઅલ ઉપલબ્ધ થશે.
7:12	હવે "સાઉન્ડ અને વિડીયો મેનુ"નું નિરીક્ષણ કરીએ.તેના માટે એપ્લીકેશનના સાઉન્ડ અને વિડીયો ઉપર જાઓ.
7:21	આમાં એક મહત્વની એપ્લીકેશન છે જે છે,"મુવી પ્લેઅર".તે વિડીયો અને ગીત વગાડવા ઉપયોગમાં લેવાય છે.સામાન્ય રીતે તે માત્ર "ઓપન ફોરમેટ" વિડીયો ફાઈલો જ વગાડે છે.
7:35	નમુના રૂપે હું મારી પેન-ડ્રાઈવમાંથી એક ફાઈલ પસંદ કરું.હું હવે USB ખાંચામાં પેન-ડ્રાઈવ દાખલ કરીએ .પેન-ડ્રાઈવ ખુલે છે.
7:48	જો તે ન ખુલે તો તેને ડેસ્કટોપ ઉપરથી પણ ખોલી શકો છો.
7:53	નીચેના ડાબી બાજુના ખૂણામાંના ચિહ્નને દબાવીએ.જો તેને દબાવીએ તો તે માત્ર ડેસ્કટોપ બતાવે છે.જો તેને ફરી દબાવીએ તો તે પહેલેથી ખુલેલી ફાઈલ સાથેનું ડેસ્કટોપ દર્શાવે છે.
8:08	આપણે ડેસ્કટોપ,વિન્ડોવ્ઝ કળ અને ડી એક સાથે દબાવી પણ ખોલી શકીએ છીએ.નોંધીલો કે ઉબુન્ટુની પહેલાની આવૃત્તિઓમાં ડેસ્કટોપ પર જવા જરૂરી કળોનું સંયોજન "Clt+Alt+D" હતું.ઉપયોગકર્તાએ આવૃત્તિ દર આવૃત્તિના આવા ફેરફારોને તપાસવા તૈયાર રેહવું પડશે.હવે ચાલો વિન્ડોવ્ઝ કળ અને ડી દબાવીએ.
8:37	તમે અહીં તમારી પેન-ડ્રાઈવ ડેસ્કટોપ પર જોઈ શકો છો.
8:42	તેના પર બે વાર માઉસ બટન દબાવી તેને ખોલીએ.
8:46	હવે હું "ઉબુન્ટુ યુમેનીટી.ઓજીવી" મુવી ફાઈલ વગાડીશ.
8:57	આ રહી મારી ફાઈલ,હું તેને ખોલવા તેના ઉપર બે વખત દબાઉં.
9:09	સામાન્ય રીતે તે મુવી-પ્લેઅરમાં ખુલે છે.આને બંધ કરીએ.
9:13	હવે ચાલો આ ડેસ્કટોપ ઉપરની કેટલીક હજી વધુ મહત્વની ચીજો જોઈએ.
9:18	તેના માટે હવે "પ્લેસીસ મેનુ" ઉપર જઈએ.આમાં હોમ ફોલ્ડર છે.
9:27	તેને ખોલીએ અને હોમ ફોલ્ડર ઉપર દબાવીએ.
9:29	દરેક ઉપયોગકર્તા પાસે એક અનન્ય હોમ ફોલ્ડર હોય છે.
9:34	એમ કહી શકીએ કે હોમ ફોલ્ડર આપણું ઘર છે જ્યાં આપણે,આપણી ફાઈલો અને ફોલ્ડરોનો સંગ્રહ કરી શકીએ.
9:42	આપણી પરવાનગી વગર ઉપયોગકર્તા તેને જોઈ ન શકે.ફાઈલની પરવાનગી વિષે વધારે માહિતી http://spoken-tutorial.orgના લિનક્સના મૌખિક ટ્યુ્ટોરીઅલ ઉપર ઉપલબ્ધ છે.
9:56	હોમ ફોલ્ડરમાં,આપણે અન્ય ફોલ્ડર જેવા કે ડેસ્કટોપ,ડોક્યુમેન્ટ,ડાઉનલોડ,વિડિયોઝ વગેરે જોઈ શકીએ છીએ.
10:08	લિનક્સમાં બધું એક ફાઈલ છે.ડેસ્કટોપ ફોલ્ડરને બે વખત દબાવી ખોઇએ.
10:16	આપણે તે જ ફાઈલ,"હેલો. ટીએક્સટી" જેનો ટેક્સ્ટ એડીટરમાં સંગ્રહ કર્યો હતો તે અહીં જોઈ શકીએ છીએ.
10:25	તો આ ફોલ્ડર અને ડેસ્કટોપ બંને સમાન છે.ચાલો હું આ ફોલ્ડર બંધ કરું.
10:31	તમે ડેસ્કટોપનું એક નું એક થીમ જોઇને કંટાળ્યા નથી?ચાલો તેને બદલીએ.
10:37	તેના માટે સિસ્ટમ->પ્રેફ્રન્સીસ->અપીરીઅન્સ પર જાઓ.તેના પર દબાવો.
10:44	અહીં થીમ્સ ટેબમાં,ઘણી પહેલાથી સ્થાપિત થયેલ થીમ્સ છે.તેમાંથી "ક્લીયરલૂકસ"ને પસંદ કરીએ.
10:52	જેવું તમે તેના ઉપર દબાવશો,તમે તમારા કમ્પ્યુટર પર લાગુ પડતા ફેરફારો જોઈ શકો છો.
10:58	તમે આ ફેરફાર નીચે ડાબીબાજુના ખૂણામાંના ડેસ્કટોપ ચિહ્નને દબાવી બરાબર જોઈ શકો છો.આ ચિહ્નને ફરી દબાવી પાછા ફોલ્ડર ઉપર જઈએ.
11:10	તમને જે ગમે તે થીમ પસંદ કરો અને બહાર નીકળવા "ક્લોઝ બટન" પર દબાવો.
11:18	અહીં આ ટ્યુ્ટોરીઅલ સમાપ્ત થાય છે.
11:21	આ મૌખિક ટ્યુ્ટોરીઅલમાં આપણે "ઉબુન્ટુ ડેસ્કટોપ","મુખ્ય યાદી(મૈન મેનુ)" અને બીજા ચિહ્નો જે ઉબુન્ટુના પડદા ઉપર ધ્ર્શ્યમાન છે તેનો વિષે અભ્યાસ કર્યો.
11:31	મૌખિક ટ્યુ્ટોરીઅલ ટોક ટુ અ ટીચર યોજનાનો ભાગ છે.જેને રાષ્ટ્રીય સાક્ષરતા મિશને ICT ના માધ્યમથી સમર્થિત કરેલ છે.
11:41	મિશન વિષે વધુ જાણકારી આ લિંક http://spoken-tutorial.org/NMEICT-Intro ઉપર ઉપલબ્ધ છે.
11:47	IIT Bombay તરફથી હું શિવાની ગડા વિદાય લઉં છું.ટ્યુ્ટોરીઅલમાં ભાગ લેવા આભાર.

Contributors and Content Editors

Chandrika, Nancyvarkey, PoojaMoolya, Pravin1389