Linux/C2/Ubuntu-Desktop-16.04/Tamil

From Script | Spoken-Tutorial
Revision as of 14:27, 25 June 2019 by Jayashree (Talk | contribs)

(diff) ← Older revision | Latest revision (diff) | Newer revision → (diff)
Jump to: navigation, search
Time Narration
00:01 Ubuntu Linux Desktop 16.04 குறித்த ஸ்போகன் டுடோரியலுக்கு நல்வரவு.
00:09 இந்த டுடோரியலில் நாம் கற்கப்போவது: gnome சூழலில் Ubuntu Linux Desktop
00:17 மற்றும் Ubuntu Desktopல் உள்ள சில பொதுவான applicationகள்.
00:22 இந்த டுடோரியலை பதிவு செய்ய நான், Ubuntu Linux 16.04 O S.ஐ பயன்படுத்துகிறேன்.
00:29 Ubuntu desktop இவ்வாறு காணப்படும்.
00:33 திரையின் இடது பக்கத்தில் நீங்கள், launcherஐ காண்பீர்கள்.
00:37 நாம் launcherஐ எப்படி மறைப்பது?
00:40 அதைச் செய்ய, இடது பக்கத்தில் உள்ள launcher க்கு செல்லவும். System Settings icon.ஐ க்ளிக் செய்யவும்.
00:47 System Settings windowவில், Appearanceஐ க்ளிக் செய்யவும்.
00:51 Appearance windowவில், Behavior tabஐ க்ளிக் செய்யவும்.
00:56 இங்கு, Auto-hide the Launcher ON நிலைக்கு மாற்றவும்.
01:01 இப்போது, launcher மறைக்கப்படும்.
01:04 இங்கு காட்டப்பட்டுள்ளபடிlauncher மறைக்கப்பட்டிருந்தால், அதை மீண்டும் நாம் புலனாக்கலாம்.
01:10 அதைச் செய்ய, திரையின் இடது முனைக்கோடிக்கு cursorஐ நகர்த்தவும்.
01:15 Launcher புலனாகும்.
01:18 Cursorஐ அங்கிருந்து நகர்த்தினால், launcher மீண்டும் மறைக்கப்படும்.
01:23 Appearance windowவுக்கு திரும்பச் சென்று, Auto-hide the Launcher OFF நிலைக்கு திருப்பவும்.
01:30 Windowவின் மேல் இடது பக்கத்தில் உள்ள சிறிய X iconஐ க்ளிக் செய்து, இந்த windowவை மூடவும்.
01:37 Launcherல் முன்னிருப்பாக சில iconகள் இருப்பதை கவனிக்கவும்.
01:42 Launcherன் மேல், Dash home iconஐ நீங்கள் காணலாம்.
01:47 Dash home என்பது, Ubuntu Linux,ல் உள்ள எல்லா applicationகளுக்கான அணுகலை, ஒரே திரையினுள் கொடுக்கின்ற ஒரு interface ஆகும்.
01:55 Dash home, ஐ திறக்க, அதை க்ளிக் செய்யவும்.
01:59 Search bar fieldஐ , நீங்கள் தெளிவாக மேலே காணலாம்.
02:04 இப்போது, ஒரு குறிப்பிட்ட applicationஐ எப்படி கண்டறிவது? நீங்கள் தேடுகின்ற applicationனின் பெயரை டைப் செய்தால், உடனே அதை நீங்கள் காண்பீர்கள். இது மிகவும் எளிதானது.
02:16 Calculator applicationஐ கண்டறிய முயற்சிப்போம்.
02:20 அதனால், search bar fieldல் டைப் செய்க: C a l c.
02:26 தங்கள் பெயரில், c a l c என்பதை கொண்டுள்ள எல்லா applicationகளும் பட்டியலிடப்படும்.
02:32 இங்கு, LibreOffice Calc மற்றும்Calculator பட்டியலிடப்பட்டிருப்பதை கவனிக்கவும்.
02:37 Calculator iconஐ க்ளிக் செய்யவும். Calculator application இப்போது திரையில் திறக்கிறது.
02:45 எண்கணிதம், அறிவியல் சார்ந்த மற்றும் நிதி பற்றிய கணக்கீடுகளை செய்ய, Calculator உதவி புரிகிறது.
02:52 சில எளிய கணக்கீடுகளை செய்ய முயற்சிப்போம்.
02:55 5 asterix 8 என டைப் செய்து, equal to குறியை க்ளிக் செய்யவும்.
03:02 equal to குறியை க்ளிக் செய்வதற்கு பதிலாக, keyboardல் உள்ள Enter ஐயும் நீங்கள் அழுத்தலாம்.
03:09 Calculatorல் பதில் காட்டப்படுகிறது.
03:13 இவ்வாறே, Calculator applicationஐ பயன்படுத்தி எல்லா விதமான கணக்கீடுகளை நாம் செய்யலாம்.
03:20 இப்போது, windowவின் மேல் இடது பக்கத்தில் உள்ள இந்த சிறிய X iconஐ க்ளிக் செய்து, இந்த Calculator ல் இருந்து வெளிவரவும்.
03:28 Ubuntu Linux OSல் உள்ள, வேறு சில முக்கியமான applicationகளைப் பற்றி பார்ப்போம்.
03:34 அதற்கு, நாம் Dash home.க்கு திரும்பச் செல்வோம்.
03:38 Search barல், gedit என டைப் செய்வோம். gedit , Ubuntu Linux OSன், முன்னிருப்பான Text Editor ஆகும்.
03:48 Text Editor icon கீழே தோன்றுகிறது. அதை திறக்க, அதை க்ளிக் செய்வோம்.
03:55 நீங்கள் திரையில் தற்போது காண்பது, gedit Text Editor window ஆகும்.
04:00 இங்கு நான் சில textஐ டைப் செய்கிறேன். உதாரணத்திற்கு, டைப் செய்க: "Hello World".
04:07 Fileஐ சேமிக்க, Ctrl மற்றும் S keyகளை ஒன்றாக அழுத்தவும்.
04:14 மாறாக, File ஐ க்ளிக் செய்து, பின் Saveஐ க்ளிக் செய்யலாம்.
04:20 இப்போது, “Save as” என்று பெயரிடப்பட்ட ஒரு dialog box திறக்கிறது. அது ஒரு filename ஐயும், fileஐ சேமிக்க வேண்டிய இடத்தையும் கேட்கிறது.
04:31 அதனால், பெயரை "Hello.txt". என டைப் செய்வோம்.
04:36 .txt , text fileன் முன்னிருப்பான நீட்டிப்பு ஆகும்.
04:41 இடத்திற்கு, Desktop.ஐ தேர்தெடுப்போம். பின், கீழுள்ள Save பட்டனை க்ளிக் செய்யவும்.
04:49 Windowவின் மேல் இடது பக்கத்தில் உள்ள சிறிய X iconஐ க்ளிக் செய்து, இந்த gedit windowவை இப்போது மூடுவோம்.
04:57 file Hello.txtஐ நாம் Desktop,ல் காணலாம். இதன் பொருள், நமது text file வெற்றிகரமாக சேமிக்கப்பட்டுவிட்டது என்பதாகும்.
05:05 இந்த fileஐ நான், டபுள்-க்ளிக் செய்து திறக்கிறேன்.
05:09 நாம் எழுதிய textஉடன், நமது text file திறந்திருப்பதை காணலாம்.
05:14 Internet, gedit Text Editor பற்றி பல தகவல்களை கொண்டிருக்கிறது.
05:19 இந்த தலைப்பில் சில ஸ்போகன் டுடோரியல்கள், இந்த வலைத்தளத்தில் உள்ளன.
05:25 இந்த text editorஐ மூடி, மற்றொரு applicationஐ பார்ப்போம், அதாவது, Terminal.
05:32 அதனால், Dash home, க்கு மீண்டும் செல்வோம். Search bar fieldல், terminal என்ற சொல்லை டைப் செய்யவும்.
05:41 கீழே தோன்றுகின்ற, Terminal iconஐ க்ளிக் செய்யவும்.
05:45 Terminal window திரையில் திறக்கிறது. Terminal ஐ திறப்பதற்கானshortcut, Ctrl+Alt+T keyகளாகும் என்பதை கவனிக்கவும்.
05:55 Terminal, command line. எனவும் அழைக்கப்படுகிறது. ஏனெனில், இங்கிருந்து நீங்கள் கணினிக்கு கட்டளையிட முடியும்.
06:02 இது, GUIஐ விட அதிக சக்தி வாய்ந்ததாகும்.
06:06 நான் Terminal windowக்கு மாறுகிறேன்.
06:09 Terminal.ஐ பற்றி தெரிந்து கொள்ள, இப்போது ஒரு எளிய commandஐ டைப் செய்வோம். டைப் செய்க: 'ls' . பின், Enter.ஐ அழுத்தவும்.
06:18 தற்போதைய directoryல், fileகள் மற்றும் folderகளின் ஒரு பட்டியலை நீங்கள் காணலாம்.
06:23 இங்கு, Home folderல் இருக்கும் fileகள் மற்றும் folderகளை அது காட்டுகிறது.
06:28 Home folderஐ பற்றி, இந்த டுடோரியலில் பின்னர் காண்போம்.
06:33 இப்போதிலிருந்து, terminalலில் அதிக நேரத்தை நாம் செலவிடமாட்டோம்.
06:37 Windowவின் மேல் இடது பக்கத்தில் உள்ள சிறிய X iconஐ க்ளிக் செய்து, இந்த terminal ஐ மூடவும்.
06:43 இந்த வலைத்தளத்திலுள்ள, Linux ஸ்போகன் டுடோரியல் தொடரில், Terminal commandகள் நன்றாக விளக்கப்பட்டுள்ளன.
06:49 இப்போது, மற்றொரு applicationக்கு செல்வோம். அதாவது, Firefox Web Browser.
06:55 மீண்டும், Dash home.ஐ திறக்கவும். Search barல் டைப் செய்க: Firefox
07:01 Firefox Web Browser iconஐ க்ளிக் செய்யவும்.
07:05 Firefox Web Browser , world wide web.ஐ அணுகப் பயன்படுத்தப்படுகிறது. Firefox browser window இப்போது திறந்திருப்பதை நாம் காணலாம்.
07:15 spoken tutorial வலைத்தளத்திற்கு செல்வோம். அதற்கு, address bar ஐ க்ளிக் செய்யவும் அல்லது keyboardல் F6 ஐ அழுத்தவும்.
07:24 இப்போது, "spoken-tutorial.org" என டைப் செய்து, Enter.ஐ அழுத்துவோம்.
07:31 நீங்கள் Internet இணைப்பை கொண்டிருந்தால், பின் கொடுக்கப்பட்டுள்ள வலைத்தளத்துடன் Firefox இணைத்துக்கொள்ளும்.
07:37 Spoken Tutorial Homepage , browserல் திறக்கிறது.
07:41 முன்பு விளக்கியது போல் இதை மூடி, அடுத்த applicationக்கு செல்வோம்.
07:47 அதனால், மீண்டும் Dash home க்கு சென்று, search barல் டைப் செய்க: office .
07:53 Calc, Impress, Writer மற்றும் Draw போன்ற, LibreOffice ன் பல்வேறு கூறுகளை நீங்கள் காண்பீர்கள்.
08:01 LibreOffice , Ubuntu Linux OSன் முன்னிருப்பான office application ஆகும்.
08:07 இந்த கூறுகளுக்கான மிகச் சிறந்த டுடோரியல்கள், Spoken Tutorial வலைத்தளத்தில் உள்ளன.
08:13 இப்போது, Video தேர்வை ஆராய்வோம்.
08:17 Search barல் டைப் செய்க: video
08:20 காட்டப்பட்டுள்ள பட்டியலில், Videos. என்று பெயரிடப்பட்டapplication ஒன்றுள்ளது.
08:25 Videos , காணொளிகள் மற்றும் பாட்டுக்களை play செய்ய பயன்படுத்தப்படுகிறது. முன்னிருப்பாக அது, open format video fileகளை மட்டும் play செய்கிறது.
08:34 அதனால், எனது pen-driveவில் இருந்து ஒரு மாதிரி fileஐ நான் play செய்கிறேன்.
08:38 இப்போது, எனது கணினியில் உள்ள ஒரு usb slot ல், எனது pen-driveஐ நான் புகுத்துகிறேன். Pen-drive folder தானாகவே திறந்துவிட்டது.
08:47 அது திறக்கவில்லை எனில், அதை launcherல் இருந்து நாம் அணுகலாம்.
08:52 Launcherல், pen-drive iconஐ கண்டறியவும்.
08:56 அதை க்ளிக் செய்தால், pen-driveல் உள்ள fileகள் மற்றும் folderகளை அது காட்டுகிறது.
09:02 இப்போது, play செய்வதற்கு, big buck bunny.ogv என்ற movie fileஐ நான் தேர்ந்தெடுக்கிறேன்.
09:08 இதுவே எனது file. அதை திறக்க, அதை நான் டபுள்-க்ளிக் செய்கிறேன்.
09:14 அது முன்னிருப்பாக, Videosல் திறக்கிறது.
09:17 திரைப்படத்தை நிறுத்துவோம்.
09:20 இப்போது, Desktopக்கு செல்வதற்கு, Ctrl, Windows மற்றும் D keyகளை அழுத்துவோம்.
09:26 இப்போது, Desktopல் உள்ள வேறு சில முக்கியமான விஷயங்களை பார்ப்போம்.
09:31 Launcherல் உள்ள folder iconஐ கவனிக்கவும். அதை க்ளிக் செய்வோம்.
09:37 Home folder திறக்கிறது.
09:39 Ubuntu Linuxல், ஒவ்வொரு userக்கும் ஒரு தனித்த Home folder உள்ளது.
09:44 Home folder ஐ , "our house" எனக் கூறலாம். இங்கு, நமது fileகள் மற்றும் folderகளை நாம் சேமித்துக்கொள்ளலாம். நாம் அனுமதி அளித்தால் மட்டுமே, மற்றவர்கள் அதை பார்க்க முடியும்.
09:56 file permissionகள் பற்றிய மேலும் தகவல், Linux ஸ்போகன் டுடோரியல் தொடரில் உள்ளது.
10:03 திரும்பச் செல்வோம். நமது Home folderல், Desktop, Documents, Downloads, போன்ற மற்ற folderகளை நாம் காணலாம்.
10:14 Linuxல், எல்லாம் ஒரு fileஆக இருக்கும். Desktop folder ஐ டபுள்-க்ளிக் செய்து, திறப்போம்.
10:21 இங்கு, நாம் text editorல் இருந்து சேமித்த அதே "hello.txt" fileஐ காண்கிறோம்.
10:28 அதனால், இந்த folder மற்றும் Desktop இரண்டுமே ஒன்றேயாகும்.
10:32 இந்த folder ஐ நான் இப்போது மூடுகிறேன். இத்துடன், இந்த டுடோரியல் முடிந்துவிட்டது. சுருங்கச் சொல்ல,
10:39 இந்த டுடோரியலில் நாம், Ubuntu Desktop, launcher மற்றும் அவற்றில் உள்ள சில iconகள்
10:49 Calculator, Text Editor, Terminal, Firefox Web Browser, Videos போன்ற சில பொதுவான applicationகள், LibreOffice Suiteன் கூறுகள் மற்றும் Home folderஐ பற்றி கற்றோம்.
11:04 பின்வரும் இணைப்பில் உள்ள காணொளி, Spoken Tutorial திட்டத்தை சுருங்கச் சொல்கிறது. அதை தரவிறக்கி காணவும்.
11:12 ஸ்போகன் டுடோரியல் திட்டக்குழு மற்றும் nbsp குழு, ஸ்போகன் டுடோரியல்களை பயன்படுத்தி, செய்முறை வகுப்புகள் நடத்தி, இணையத்தில் பரீட்சை எழுதி தேர்வோருக்கு சான்றிதழ்கள் தருகிறது. மேலும் விவரங்களுக்கு எங்களுக்கு எழுதவும்.
11:25 இந்த ஸ்போகன் டுடோரியலில் உங்களுக்கு ஏதேனும் கேள்விகள் உள்ளதா? இந்த தளத்தை பார்க்கவும்.
11:30 உங்கள் கேள்விக்கான நிமிடம் மற்றும் நொடியை தேர்வு செய்யவும். உங்கள் கேள்வியை சுருக்கமாக விளக்கவும். எங்கள் குழுவிலிருந்து எவரேனும் ஒருவர் அதற்கு பதிலளிப்பார்.
11:40 ஸ்போகன் டுடோரியல் மன்றம் இந்த டுடோரியலுக்கான குறிப்பிட்ட கேள்விகளுக்காகும். இதில் தொடர்பில்லாத மற்றும் பொதுவான கேள்விகளை கேட்க வேண்டாம்.
11:50 இது குழப்பத்தை குறைக்க உதவும். குழப்பம் குறைந்தால், இந்த விவாதத்தை நாம் பயிற்றுரையாக பயன்படுத்தலாம்.
11:59 ஸ்போகன் டுடோரியல் திட்டத்திற்கு பண ஆதரவு, இந்திய அரசாங்கத்தின், NMEICT, MHRD, மூலம் கிடைக்கிறது. மேலும் விவரங்களுக்கு, கீழ்கண்ட இணைப்பை பார்க்கவும்.
12:11 இந்த டுடோரியலுக்கான ஸ்கிரிப்ட், ஸ்போகன் டுடோரியல் குழுவால் வழங்கப்பட்டுள்ளது. விடை பெற்றுக்கொள்வது, ஐ ஐ டி பாம்பேயிலிருந்து பிரவீன். கலந்துகொண்டமைக்கு நன்றி.

Contributors and Content Editors

Jayashree