Linux/C2/Desktop-Customization-16.04/Kannada

Time	Narration
00:01	Ubuntu Linux 16.04 operating system ನಲ್ಲಿ Desktop Customization ಎಂಬ ಈ ಸ್ಪೋಕನ್ ಟ್ಯುಟೋರಿಯಲ್ ಗೆ ನಿಮಗೆ ಸ್ವಾಗತ.
00:11	ಈ ಟ್ಯುಟೋರಿಯಲ್ ನಲ್ಲಿ, ನಾವು: Launcher (ಲಾಂಚರ್) ಬಗ್ಗೆ, ಲಾಂಚರ್ ನಲ್ಲಿ ಅಪ್ಲಿಕೇಶನ್ ಗಳನ್ನು ತೆಗೆದುಹಾಕುವುದು ಮತ್ತು ಸೇರಿಸುವುದು,
00:21	ಅನೇಕ ಡೆಸ್ಕ್-ಟಾಪ್ ಗಳನ್ನು ಹೇಗೆ ಬಳಸುವುದು, ಡೆಸ್ಕ್-ಟಾಪ್ ನ ಥೀಮ್ ಅನ್ನು ಬದಲಾಯಿಸುವುದು,
00:27	ಇಂಟರ್ನೆಟ್ ಸಂಪರ್ಕ, ಸೌಂಡ್ ಸೆಟ್ಟಿಂಗ್ಸ್,
00:32	ಟೈಮ್ ಆಂಡ್ ಡೇಟ್ ಸೆಟ್ಟಿಂಗ್ಸ್, ಬೇರೆ ಯೂಸರ್ ಅಕೌಂಟ್ ಗಳಿಗೆ ಬದಲಾಯಿಸುವುದು ಇವುಗಳ ಬಗ್ಗೆ ಕಲಿಯುವೆವು.
00:39	ಈ ಟ್ಯುಟೋರಿಯಲ್ ಗಾಗಿ ನಾನು Ubuntu Linux 16.04 ಆಪರೇಟಿಂಗ್ ಸಿಸ್ಟಂ ಅನ್ನು ಬಳಸುತ್ತಿದ್ದೇನೆ.
00:46	Launcher (ಲಾಂಚರ್) ನೊಂದಿಗೆ ಆರಂಭಿಸೋಣ.
00:49	'ಉಬುಂಟು ಲಿನಕ್ಸ್ ಡೆಸ್ಕ್ಟಾಪ್' ನಲ್ಲಿ, ಲಾಂಚರ್, ಡೀಫಾಲ್ಟ್ ಆಗಿ ಎಡಭಾಗದ ಪ್ಯಾನೆಲ್ ಆಗಿದೆ. ಇದು ಡೀಫಾಲ್ಟ್ ಆಗಿ ಕೆಲವು ಅಪ್ಲಿಕೇಶನ್ ಗಳನ್ನು ಹೊಂದಿದೆ.
00:59	ಆಗಾಗ್ಗೆ ಬಳಸುವ ಅಪ್ಲಿಕೇಶನ್‌ಗಳನ್ನು ಆಕ್ಸೆಸ್ (access) ಮಾಡುವುದನ್ನು ಲಾಂಚರ್ ಸುಲಭಗೊಳಿಸುತ್ತದೆ.
01:05	ಹೀಗಾಗಿ, ಲಾಂಚರ್ ಮೇಲಿನ ಅದರ 'ಡೆಸ್ಕ್ಟಾಪ್ ಶಾರ್ಟ್‌ಕಟ್' ಅನ್ನು ಕ್ಲಿಕ್ ಮಾಡುವ ಮೂಲಕ ನಾವು ಪ್ರೋಗ್ರಾಂ ಅನ್ನು ಪ್ರಾರಂಭಿಸಬಹುದು.
01:12	ಡೀಫಾಲ್ಟ್ ಆಗಿ, ಲಾಂಚರ್ ಕೆಲವು ಅಪ್ಲಿಕೇಶನ್‌ ಗಳನ್ನು ಹೊಂದಿದೆ.
01:17	ನಮ್ಮ ಅಗತ್ಯತೆಗೆ ತಕ್ಕಂತೆ ನಾವು 'ಲಾಂಚರ್' ಅನ್ನು ಕಸ್ಟಮೈಜ್ ಮಾಡಲು ಕಲಿಯೋಣ.
01:22	ನನ್ನ ಕೆಲಸಕ್ಕಾಗಿ, ನನಗೆ Terminal, LibreOffice Writer, gedit ಇತ್ಯಾದಿ ಅಪ್ಲಿಕೇಶನ್‌ ಗಳ ಅಗತ್ಯವಿದೆ.
01:34	'ಲಾಂಚರ್' ಗೆ ನಾವು ಈ ಅಪ್ಲಿಕೇಶನ್‌ ಗಳನ್ನು ಸೇರಿಸೋಣ.
01:38	ಇದನ್ನು ಮಾಡುವ ಮುನ್ನ, ನನಗೆ ಬೇಡವಾದ ಕೆಲವು ಅಪ್ಲಿಕೇಶನ್‌ ಗಳನ್ನು ತೆಗೆದುಹಾಕುವೆನು.
01:44	'ಲಾಂಚರ್' ನಿಂದ ನನಗೆ Amazon ಅಪ್ಲಿಕೇಶನ್‌ ಅನ್ನು ತೆಗೆದುಬಿಡಬೇಕಾಗಿದೆ ಎಂದುಕೊಳ್ಳಿ.
01:49	Amazon ಅಪ್ಲಿಕೇಶನ್‌ ಐಕಾನ್ ಗೆ ಹೋಗಿ, ರೈಟ್-ಕ್ಲಿಕ್ ಮಾಡಿ ಮತ್ತು Unlock from Launcher ಅನ್ನು ಆಯ್ಕೆಮಾಡಿ.
01:58	'ಲಾಂಚರ್' ನಿಂದ Amazon ಅಪ್ಲಿಕೇಶನ್‌ ಐಕಾನ್ ಅನ್ನು ತೆಗೆದುಬಿಡಲಾಗಿದೆ ಎಂದು ನೀವು ನೋಡಬಹುದು.
02:04	ಇದೇ ರೀತಿ, ನಾವು ಆಗಾಗ್ಗೆ ಬಳಸದಿರುವ ಎಲ್ಲಾ ಶಾರ್ಟ್‌ಕಟ್ ಗಳನ್ನು ತೆಗೆದುಹಾಕಬಹುದು.
02:11	ನೀವು ಇಲ್ಲಿ ನೋಡುವಂತೆ ನಾನು ಕೆಲವು ಅಪ್ಲಿಕೇಶನ್‌ ಗಳನ್ನು 'ಲಾಂಚರ್' ನಿಂದ ತೆಗೆದುಬಿಟ್ಟಿದ್ದೇನೆ.
02:17	ಈಗ, 'ಲಾಂಚರ್' ಗೆ Terminal ಶಾರ್ಟ್‌ಕಟ್ ಅನ್ನು ಸೇರಿಸುವೆನು.
02:22	'ಲಾಂಚರ್' ನ ಮೇಲ್ತುದಿಯಲ್ಲಿ, Dash home ಮೇಲೆ ಕ್ಲಿಕ್ ಮಾಡಿ.
02:26	'ಸರ್ಚ್ ಬಾರ್' ನಲ್ಲಿ, “terminal” ಎಂದು ಟೈಪ್ ಮಾಡಿ. Terminal ಅನ್ನು ತೆರೆಯಲು, ಅದರ ಐಕಾನ್ ಮೇಲೆ ಕ್ಲಿಕ್ ಮಾಡಿ.
02:34	'ಲಾಂಚರ್' ನಲ್ಲಿ, ನೀವು Terminal ಐಕಾನ್ ಅನ್ನು ನೋಡಬಹುದು.
02:38	Terminal ಐಕಾನ್ ಅನ್ನು 'ಲಾಂಚರ್' ಮೇಲೆ ಸ್ಥಿರವಾಗಿಸಲು, ಮೊದಲು ಅದರ ಮೇಲೆ ರೈಟ್-ಕ್ಲಿಕ್ ಮಾಡಿ. ಆಮೇಲೆ Lock to Launcher ಅನ್ನು ಆಯ್ಕೆಮಾಡಿ.
02:47	ಲಾಂಚರ್ ನಲ್ಲಿ ಅಪ್ಲಿಕೇಶನ್‌ ಶಾರ್ಟ್‌ಕಟ್‌ಗಳನ್ನು ಇರಿಸುವ ಇನ್ನೊಂದು ವಿಧಾನ, dragging and dropping ಮೂಲಕ ಆಗಿದೆ. ನಾನು ಈಗ ಇದನ್ನು ಮಾಡಿತೋರಿಸುವೆನು.
02:57	Dash Home ಅನ್ನು ತೆರೆಯಿರಿ. ಸರ್ಚ್-ಬಾರ್ ನಲ್ಲಿ gedit ಎಂದು ಟೈಪ್ ಮಾಡಿ.
03:03	gedit ಐಕಾನ್ ಅನ್ನು ಲಾಂಚರ್ ಮೇಲೆ ಎಳೆಯಿರಿ (drag).
03:07	ಈಗ, gedit ಐಕಾನ್ ಅನ್ನು ಲಾಂಚರ್ ಮೇಲೆ ಹಾಕಿರಿ (drop). gedit ಶಾರ್ಟ್‌ಕಟ್‌ ಅನ್ನು ಲಾಂಚರ್ ಗೆ ಸೇರಿಸಿರುವುದನ್ನು ನೀವು ನೋಡಬಹುದು.
03:16	ಲಾಂಚರ್‌ನಲ್ಲಿ ನಾವು ಶಾರ್ಟ್‌ಕಟ್‌ಗಳನ್ನು ಹೀಗೆ ಸೇರಿಸಬಹುದು.
03:21	'ಉಬಂಟು ಲಿನಕ್ಸ್ ಓ ಎಸ್' ನಲ್ಲಿನ ಪ್ರಮುಖ ವೈಶಿಷ್ಟ್ಯವೆಂದರೆ, ಅನೇಕ 'ವರ್ಕ್-ಸ್ಪೇಸ್' ಗಳು ಅಥವಾ 'ಡೆಸ್ಕ್ಟಾಪ್' ಗಳಾಗಿವೆ.
03:28	ಕೆಲವೊಮ್ಮೆ ನಾವು ಅನೇಕ ಅಪ್ಲಿಕೇಶನ್‌ ಗಳಲ್ಲಿ ಕೆಲಸ ಮಾಡುತ್ತಿರಬಹುದು.
03:33	ಮತ್ತು, ಒಂದು ಅಪ್ಲಿಕೇಶನ್‌ ನಿಂದ ಇನ್ನೊಂದಕ್ಕೆ ಬದಲಾಯಿಸಲು ನಮಗೆ ಕಷ್ಟವಾಗಬಹುದು.
03:38	ಅದನ್ನು ಸುಲಭವಾಗಿಸಲು, ನಾವು Workspace Switcher ಅನ್ನು ಬಳಸಬಹುದು.
03:42	ನಾವು Desktop ಗೆ ಹಿಂದಿರುಗೋಣ.
03:45	Ubuntu 16.04 ನಲ್ಲಿ, multiple workspace ಗಳು ಡೀಫಾಲ್ಟ್ ಆಗಿ ಕಾಣಿಸುವುದಿಲ್ಲ.
03:51	ಅದನ್ನು ಸಕ್ರಿಯಗೊಳಿಸಲು, System Settings ಮೇಲೆ, ನಂತರ Appearance ಮೇಲೆ ಕ್ಲಿಕ್ ಮಾಡಿ.
03:58	Appearance ವಿಂಡೋದಲ್ಲಿ, Behavior ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ.
04:02	ಇಲ್ಲಿ, Enable workspaces ಆಯ್ಕೆಯನ್ನು ಆರಿಸಿಕೊಳ್ಳಿ. ಲಾಂಚರ್ ಮೇಲೆ ಇದು multiple workspaces ಐಕಾನ್ ಅನ್ನು ಸಕ್ರಿಯಗೊಳಿಸುವುದು.
04:11	ಈ ವಿಂಡೊ ಅನ್ನು ಮುಚ್ಚಿ.
04:13	ಲಾಂಚರ್ ಮೇಲೆ, Workspace Switcher ಐಕಾನ್ ಅನ್ನು ಗುರುತಿಸಿ ಮತ್ತು ಅದರ ಮೇಲೆ ಕ್ಲಿಕ್ ಮಾಡಿ.
04:19	ಇದು 4 ಡೆಸ್ಕ್ಟಾಪ್‌ ಗಳೊಂದಿಗೆ 4 ಕ್ವಾಡ್ರಂಟ್‌ಗಳನ್ನು ತೋರಿಸುತ್ತದೆ.
04:24	ಡೀಫಾಲ್ಟ್ ಆಗಿ, ಮೇಲಿನ ಎಡಭಾಗದ Desktop ಅಯ್ಕೆಯಾಗಿದೆ.
04:29	ಸದ್ಯಕ್ಕೆ ನಾವು ಅದೇ Desktop ನಲ್ಲಿ ಕೆಲಸ ಮಾಡುತ್ತಿದ್ದೇವೆ.
04:34	ಈಗ ನಾವು, ಎರಡನೆಯ Desktop ಮೇಲೆ ಡಬಲ್-ಕ್ಲಿಕ್ ಮಾಡಿ ಅದನ್ನು ಆಯ್ಕೆಮಾಡೋಣ.
04:39	ನಾನು ಲಾಂಚರ್ ನಲ್ಲಿ terminal ಐಕಾನ್ ಮೇಲೆ ಕ್ಲಿಕ್ ಮಾಡಿ, ಇಲ್ಲಿ terminal ಅನ್ನು ತೆರೆಯುವೆನು.
04:45	ಈಗ, ಮತ್ತೊಮ್ಮೆ Workspace Switcher ಮೇಲೆ ಕ್ಲಿಕ್ ಮಾಡಿ.
04:49	ನೀವು ಟರ್ಮಿನಲ್ ಅನ್ನು ಎರಡನೆಯ 'ವರ್ಕ್-ಸ್ಪೇಸ್' (Workspace) ಮೇಲೆ ಮತ್ತು ನಮ್ಮ Desktop ಅನ್ನು ಮೊದಲನೆಯದರ ಮೇಲೆ ನೋಡಬಹುದು.
04:55	ಈ ರೀತಿಯಾಗಿ, ನೀವು ಅನೇಕ ಡೆಸ್ಕ್ಟಾಪ್‌ಗಳಲ್ಲಿ ಕೆಲಸ ಮಾಡಬಹುದು.
04:59	ಈಗ ನಾವು ಮೊದಲನೆಯ Desktop ಗೆ ಹಿಂದಿರುಗೋಣ.
05:03	ಲಾಂಚರ್ ಮೇಲೆ Trash ಇನ್ನೊಂದು ಮುಖ್ಯವಾದ ಐಕಾನ್ ಆಗಿದೆ.
05:07	Trash, ಡಿಲೀಟ್ ಮಾಡಲಾದ ಎಲ್ಲಾ ಫೈಲ್ ಮತ್ತು ಫೋಲ್ಡರ್ ಗಳನ್ನು ಒಳಗೊಂಡಿದೆ. ಆಕಸ್ಮಿಕವಾಗಿ ನಾವು ಒಂದು ಫೈಲ್ ಅನ್ನು ಡಿಲೀಟ್ ಮಾಡಿದರೆ, ಅದನ್ನು Trash ನಿಂದ ಮತ್ತೆ ಪಡೆಯಬಹುದು.
05:17	ಇದನ್ನು ವಿವರಿಸಲು, ನನ್ನ Desktop ಮೇಲಿರುವ Hello.txt ಅನ್ನು ನಾನು ಡಿಲೀಟ್ ಮಾಡುವೆನು.
05:23	ಫೈಲ್ ಮೇಲೆ ರೈಟ್- ಕ್ಲಿಕ್ ಮಾಡಿ ಮತ್ತು Move to Trash ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
05:29	ಇದನ್ನು ರಿಸ್ಟೋರ್ ಮಾಡಲು, ಲಾಂಚರ್ ನಲ್ಲಿ Trash ಐಕಾನ್ ಮೇಲೆ ಕ್ಲಿಕ್ ಮಾಡಿ. Trash ಫೋಲ್ಡರ್ ತೆರೆಯುತ್ತದೆ.
05:37	ಫೈಲ್ ಅನ್ನು ಆಯ್ಕೆಮಾಡಿ, ಅದರ ಮೇಲೆ ರೈಟ್- ಕ್ಲಿಕ್ ಮಾಡಿ ಮತ್ತು Restore ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
05:43	Trash ಫೋಲ್ಡರ್ ವಿಂಡೋ ಅನ್ನು ಮುಚ್ಚಿ, Desktop ಗೆ ಹಿಂದಿರುಗಿ.
05:48	ನಾವು ಮೊದಲು ಡಿಲೀಟ್ ಮಾಡಿದ ಫೈಲ್, ಈಗ ಮತ್ತೆ ಸಿಕ್ಕಿರುವುದನ್ನು (restore) ನೋಡಬಹುದು.
05:53	ನಿಮ್ಮ ಸಿಸ್ಟಮ್‌ನಿಂದ ಫೈಲ್ ಅನ್ನು ಶಾಶ್ವತವಾಗಿ ಡಿಲೀಟ್ ಮಾಡಲು, ಮೊದಲು ಅದನ್ನು ಆಯ್ಕೆಮಾಡಿ. ನಂತರ Shift+Delete ಕೀಗಳನ್ನು ಒತ್ತಿ.
06:01	ಒಂದು ಡೈಲಾಗ್-ಬಾಕ್ಸ್ “Are you sure you want to permanently delete Hello.txt?” ಎಂದು ಕೇಳುತ್ತಿದೆ. Delete ಬಟನ್ ಮೇಲೆ ಕ್ಲಿಕ್ ಮಾಡಿ.
06:12	ಮತ್ತೊಮ್ಮೆ Trash ಐಕಾನ್ ಮೇಲೆ ಕ್ಲಿಕ್ ಮಾಡಿ.
06:15	ಫೈಲ್ ಅನ್ನು ನಮ್ಮ ಸಿಸ್ಟಮ್‌ನಿಂದ ಶಾಶ್ವತವಾಗಿ ಡಿಲೀಟ್ ಮಾಡಿರುವುದರಿಂದ, ಅದು Trash ಫೋಲ್ಡರ್‌ನಲ್ಲಿ ನಮಗೆ ಸಿಗುವುದಿಲ್ಲ.
06:23	ಡೆಸ್ಕ್ಟಾಪ್‌ ನ ಅದೇ ಥೀಮ್ ಅನ್ನು ನೋಡಿ ನಿಮಗೆ ಬೇಸರವಾಗಿದೆಯೇ? ಅದನ್ನು ಬದಲಾಯಿಸೋಣ.
06:28	ಲಾಂಚರ್ ಗೆ ಹೋಗಿ. System settings ಆಯ್ಕೆಮಾಡಿ. ಆಮೇಲೆ Appearance ಮೇಲೆ ಕ್ಲಿಕ್ ಮಾಡಿ.
06:35	Appearance ವಿಂಡೋ ತೆರೆಯುತ್ತದೆ.
06:38	ಇಲ್ಲಿ, Themes ಟ್ಯಾಬ್ ನ ಅಡಿಯಲ್ಲಿ, ಮೊದಲೇ ಇನ್ಸ್ಟಾಲ್ ಮಾಡಲಾದ ಹಲವು ಥೀಮ್‌ಗಳಿವೆ.
06:44	ನಿಮ್ಮ ಆದ್ಯತೆಗೆ ಅನುಗುಣವಾಗಿ ಈ ಥೀಮ್‌ಗಳನ್ನು ಬಳಸಿ.
06:47	ಯಾವುದೇ ಒಂದನ್ನು ಕ್ಲಿಕ್ ಮಾಡಿದ ತಕ್ಷಣ, ಡೆಸ್ಕ್ಟಾಪ್ ನಲ್ಲಿ ಬದಲಾವಣೆಗಳು ಅನ್ವಯ ಆಗಿರುವುದನ್ನು ನೀವು ನೋಡಬಹುದು.
06:54	ವಿಂಡೋಅನ್ನು ಮುಚ್ಚಲು, ಪುಟ್ಟ X ಐಕಾನ್ ಮೇಲೆ ಕ್ಲಿಕ್ ಮಾಡಿ.
06:58	ಈಗ, Desktop ನ ಮೇಲಿನ ಬಲಮೂಲೆಯಲ್ಲಿ ಲಭ್ಯವಿರುವ ಕೆಲವು ಐಕಾನ್ ಗಳನ್ನು ನೋಡುವೆವು.
07:04	ಮೊದಲನೆಯದು Internet connectivity ಎಂದು ಇದೆ.
07:07	ನೀವು ಯಾವುದೇ Lan (ಲ್ಯಾನ್) ಅಥವಾ Wifi (ವೈಫೈ) ನೆಟ್‌ವರ್ಕ್‌ಗೆ ಸಂಪರ್ಕವನ್ನು ಹೊಂದಿದ್ದರೆ, ನಿಮಗೆ ಕನೆಕ್ಷನ್ ಸಿಗುತ್ತದೆ.
07:13	ಇವುಗಳನ್ನು ಇಲ್ಲಿ ನೀವು ನೋಡಬಹುದು.
07:16	ನಿಮಗೆ ಆಕ್ಸೆಸ್ (access) ಇರುವ 'ನೆಟ್‌ವರ್ಕ್' ಅನ್ನು ನೀವು ಆಯ್ಕೆ ಮಾಡಬಹುದು.
07:20	ನೆಟ್ವರ್ಕ್ ಅನ್ನು Enable ಅಥವಾ Disable ಮಾಡಲು, Enable Networking ಆಯ್ಕೆಯನ್ನು ಚೆಕ್ ಅಥವಾ ಅನ್-ಚೆಕ್ ಮಾಡಿ.
07:27	Edit Connections ಆಯ್ಕೆಯನ್ನು ಬಳಸಿ, ನಾವು ನೆಟ್ವರ್ಕ್ ಗಳನ್ನು ಎಡಿಟ್ ಸಹ ಮಾಡಬಹುದು.
07:32	ಮುಂದಿನ ಐಕಾನ್ Sound ಎಂದು ಇದೆ.
07:35	ನೀವು ಇಲ್ಲಿ ಒಂದು ಸ್ಲೈಡರ್ ಅನ್ನು ನೋಡಬಹುದು.
07:37	ನಮ್ಮ ಆಯ್ಕೆಯ ಪ್ರಕಾರ, ಆಡಿಯೊ ಮಟ್ಟವನ್ನು ಹೆಚ್ಚು ಅಥವಾ ಕಡಿಮೆ ಮಾಡಲು ಇದು ನಮಗೆ ಸಹಾಯ ಮಾಡುತ್ತದೆ.
07:43	Sound Settings ಮೇಲೆ ಕ್ಲಿಕ್ ಮಾಡುವ ಮೂಲಕ, ನಮ್ಮ ಸಿಸ್ಟಂನ ಧ್ವನಿಯ ಮಟ್ಟವನ್ನು ನಾವು ಮತ್ತಷ್ಟು ಹೊಂದಿಸಬಹುದು. ಈ ವಿಂಡೋದಲ್ಲಿನ ಸೆಟ್ಟಿಂಗ್‌ಗಳನ್ನು ನೀವೇ ಸ್ವತಃ ಕಲಿತುಕೊಳ್ಳಿ.
07:53	ಮುಂದಿನ ಐಕಾನ್ Time & Date ಆಗಿದೆ. ನಾವು ಈ ಐಕಾನ್ ಮೇಲೆ ಕ್ಲಿಕ್ ಮಾಡಿದರೆ, ಕ್ಯಾಲೆಂಡರ್ ತೆರೆದುಕೊಳ್ಳುತ್ತದೆ.
08:00	ನಾವು ಪ್ರಸ್ತುತ ದಿನಾಂಕ, ತಿಂಗಳು ಮತ್ತು ವರ್ಷವನ್ನು ನೋಡಬಹುದು.
08:04	ಆರೋ (arrow) ಬಟನ್ ಗಳು, ನಮಗೆ ಬೇಕಾದ ಇತರ ತಿಂಗಳು ಮತ್ತು ವರ್ಷಗಳಿಗೆ ಹೋಗಲು ಅನುವು ಮಾಡಿಕೊಡುತ್ತವೆ.
08:11	Time & Date Settings ಮೇಲೆ ಕ್ಲಿಕ್ ಮಾಡಿ, ದಿನಾಂಕ ಮತ್ತು ಸಮಯವನ್ನು ನಾವು ಎಡಿಟ್ ಮಾಡಬಹುದು.
08:16	ಈ ಆಯ್ಕೆಯ ಬಗ್ಗೆ ಇನ್ನಷ್ಟು ನೀವೇ ಸ್ವತಃ ಕಲಿತುಕೊಳ್ಳಿ.
08:20	ನಂತರ, wheel ಅಥವಾ Power ಐಕಾನ್ ಮೇಲೆ ಕ್ಲಿಕ್ ಮಾಡಿ.
08:24	ಇಲ್ಲಿ, Log Out ಮತ್ತು Shut Down ಆಯ್ಕೆಗಳೊಂದಿಗೆ ನಾವು ಕೆಲವು ಶಾರ್ಟ್‌ಕಟ್ ಆಯ್ಕೆಗಳನ್ನು ನೋಡಬಹುದು.
08:31	ನಮ್ಮ ಸಿಸ್ಟಮ್ ನಲ್ಲಿ ಲಭ್ಯವಿರುವ ಎಲ್ಲಾ ಯೂಸರ್ ಅಕೌಂಟ್ ಗಳನ್ನು ಸಹ ನಾವು ನೋಡಬಹುದು.
08:36	ನಮಗೆ ಬೇಕಾದ ಯಾವುದೇ ಒಂದು user ಮೇಲೆ ಕ್ಲಿಕ್ ಮಾಡಿ, ಆ ಯೂಸರ್ ಅಕೌಂಟ್ ಗೆ ನಾವು ಬದಲಾಯಿಸಬಹುದು.
08:43	ಇದರೊಂದಿಗೆ ನಾವು ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿದ್ದೇವೆ. ಸಂಕ್ಷಿಪ್ತವಾಗಿ,
08:48	ಈ ಟ್ಯುಟೋರಿಯಲ್ ನಲ್ಲಿ ನಾವು: ಲಾಂಚರ್ ಬಗ್ಗೆ, ಲಾಂಚರ್ ನಲ್ಲಿ ಅಪ್ಲಿಕೇಶನ್ ಗಳನ್ನು ತೆಗೆದುಹಾಕುವುದು ಮತ್ತು ಸೇರಿಸುವುದು,
08:55	ಅನೇಕ ಡೆಸ್ಕ್-ಟಾಪ್ ಗಳನ್ನು ಹೇಗೆ ಬಳಸುವುದು, ಡೆಸ್ಕ್-ಟಾಪ್ ನ ಥೀಮ್ ಅನ್ನು ಬದಲಾಯಿಸುವುದು,
09:01	ಇಂಟರ್ನೆಟ್ ಸಂಪರ್ಕ, Sound ಸೆಟ್ಟಿಂಗ್‌ಗಳು,
09:04	Time and Date ಸೆಟ್ಟಿಂಗ್‌ಗಳು ಮತ್ತು ಬೇರೆ ಯೂಸರ್ ಅಕೌಂಟ್ ಗಳಿಗೆ ಬದಲಾಯಿಸುವುದು ಇವುಗಳ ಬಗ್ಗೆ ಕಲಿತಿದ್ದೇವೆ.
09:10	ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುವ ವೀಡಿಯೋ, “ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪದ ಸಾರಾಂಶವಾಗಿದೆ. ಇದನ್ನು ಡೌನ್ಲೋಡ್ ಮಾಡಿ ವೀಕ್ಷಿಸಿ.
09:18	“ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪದ ತಂಡವು, 'ಸ್ಪೋಕನ್ ಟ್ಯುಟೋರಿಯಲ್’ಗಳನ್ನು ಬಳಸಿ ಕಾರ್ಯಶಾಲೆಗಳನ್ನು ನಡೆಸುತ್ತದೆ ಮತ್ತು ಆನ್ಲೈನ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ ಪ್ರಮಾಣ ಪತ್ರವನ್ನು ಕೊಡುತ್ತದೆ.
09:27	ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ನಮಗೆ ಬರೆಯಿರಿ.
09:30	ಈ 'ಸ್ಪೋಕನ್ ಟ್ಯುಟೋರಿಯಲ್' ನಲ್ಲಿ ನಿಮಗೆ ಪ್ರಶ್ನೆಗಳಿವೆಯೇ? ದಯವಿಟ್ಟು ಈ ಸೈಟ್ ಗೆ ಭೆಟ್ಟಿಕೊಡಿ:
09:35	ನೀವು ಪ್ರಶ್ನೆಯನ್ನು ಹೊಂದಿರುವ ನಿಮಿಷ ಮತ್ತು ಸೆಕೆಂಡ್ ಅನ್ನು ಆಯ್ಕೆ ಮಾಡಿ. ನಿಮ್ಮ ಪ್ರಶ್ನೆಯನ್ನು ಸಂಕ್ಷಿಪ್ತವಾಗಿ ವಿವರಿಸಿ.
09:41	. ನಮ್ಮ ತಂಡದಿಂದ ಯಾರಾದರೂ ಉತ್ತರಿಸುತ್ತಾರೆ
09:45	"ಸ್ಪೋಕನ್ ಟ್ಯುಟೋರಿಯಲ್” ಪ್ರಕಲ್ಪವು NMEICT, MHRD ಮೂಲಕ ಭಾರತ ಸರ್ಕಾರದ ಅನುದಾನವನ್ನು ಪಡೆದಿದೆ. ಈ ಮಿಷನ್ ನ ಬಗ್ಗೆ ಹೆಚ್ಚಿನ ಮಾಹಿತಿಯು ಈ ಕೆಳಗಿನ ಲಿಂಕ್ ನಲ್ಲಿ ಲಭ್ಯವಿರುತ್ತದೆ.
09:57	ಈ ಸ್ಕ್ರಿಪ್ಟ್, "ಸ್ಪೋಕನ್ ಟ್ಯುಟೋರಿಯಲ್” ತಂಡದ ಕೊಡುಗೆಯಾಗಿದೆ. ಸ್ಕ್ರಿಪ್ಟ್ ನ ಅನುವಾದಕಿ IIT Bombay ಯಿಂದ ಸಂಧ್ಯಾ ಪುಣೇಕರ್ ಮತ್ತು ಧ್ವನಿ ಶ್ರೀ ನವೀನ್ ಭಟ್, ಉಪ್ಪಿನಪಟ್ಟಣ. ಧನ್ಯವಾದಗಳು.

Contributors and Content Editors

Sandhya.np14