LibreOffice-Suite-Base/C4/Database-Design-Purpose-OrganizeTables/Kannada

From Script | Spoken-Tutorial
Jump to: navigation, search
Time Narration
00:00 ಲಿಬರ್ ಆಫಿಸ್ ಬೇಸ್ ನ ಸ್ಪೋಕನ್ ಟ್ಯುಟೋರಿಯಲ್ ಗೆ ಸ್ವಾಗತ.
00:04 ಈ ಟ್ಯುಟೋರಿಯಲ್ ನಲ್ಲಿ ನಾವು, ಡೇಟಾಬೇಸ್ ಡಿಸೈನ್ ಮಾಡುವಾಗ:
00:09 ನಮ್ಮ ಡೇಟಾಬೇಸ್ ನ ಉದ್ದೇಶವನ್ನು ನಿರ್ಧರಿಸುವುದು,
00:12 ಬೇಕಾಗಿರುವ ಮಾಹಿತಿಯನ್ನು ಹುಡುಕುವುದು ಹಾಗೂ ಅದನ್ನು ಅಣಿಗೊಳಿಸುವುದು
00:15 ಮತ್ತು ಮಾಹಿತಿಯನ್ನು ಟೇಬಲ್ ಗಳಾಗಿ ವಿಂಗಡಿಸುವುದು ಇವುಗಳ ಬಗ್ಗೆ ಕಲಿಯಲಿದ್ದೇವೆ.
00:19 ಡೇಟಾಬೇಸ್ ಡಿಸೈನ್ ಎಂದರೇನು?
00:21 'ಡೇಟಾಬೇಸ್ ಡಿಸೈನ್' ಎಂದರೆ, ಡೇಟಾಬೇಸ್ ನ ವಿವರವಾದ ಒಂದು ಡೇಟಾ ಮಾಡೆಲ್ ಅನ್ನು ತಯಾರಿಸುವ ಪ್ರಕ್ರಿಯೆಯಾಗಿದೆ.
00:28 ಡೇಟಾಬೇಸ್ ನ ಒಂದು ಉತ್ತಮ ಡಿಸೈನ್,
00:32 ಇತ್ತೀಚಿನ, ನಿಖರವಾದ ಮತ್ತು ಸಂಪೂರ್ಣ ಮಾಹಿತಿಯನ್ನು ಒದಗಿಸಬಲ್ಲದು.
00:37 ಅಂದರೆ, ನಾವು ವಿವಿಧ ಹಂತಗಳಲ್ಲಿ ನಮ್ಮ ಮಾಹಿತಿಯ ಸಮಗ್ರತೆಯನ್ನು (integrity) ಖಚಿತಪಡಿಸಬಹುದು,
00:43 ಡೇಟಾ ಪ್ರೊಸೆಸಿಂಗ್ ಮತ್ತು ರಿಪೋರ್ಟಿಂಗ್ ನ ನಮ್ಮ ಅಗತ್ಯತೆಯನ್ನು ಪೂರೈಸಬಹುದು,
00:48 ಮತ್ತು ಸುಲಭವಾಗಿ ಬದಲಾವಣೆಗೆ ಅವಕಾಶ ಕಲ್ಪಿಸಬಹುದು.
00:51 ಡೇಟಾಬೇಸ್ ಡಿಸೈನ್ ನ ಪ್ರಕ್ರಿಯೆಯು ಈ ಕೆಳಗಿನ ಹಂತಗಳನ್ನು ಒಳಗೊಂಡಿದೆ:
00:57 ನಮ್ಮ ಡೇಟಾಬೇಸ್ ನ ಉದ್ದೇಶವನ್ನು ನಿರ್ಧರಿಸುವುದು,
01:00 ಅಗತ್ಯವಿರುವ ಮಾಹಿತಿಯನ್ನು ಹುಡುಕುವುದು ಮತ್ತು ಅಣಿಗೊಳಿಸುವುದು,
01:04 ಮಾಹಿತಿಯನ್ನು ಟೇಬಲ್ ಗಳಾಗಿ ವಿಂಗಡಿಸುವುದು,
01:07 ಮಾಹಿತಿಯ ಐಟಂಗಳನ್ನು ಕಾಲಂಗಳಾಗಿ ಮಾಡುವುದು,
01:11 ಪ್ರೈಮರಿ ಕೀಗಳನ್ನು ಗೊತ್ತುಮಾಡುವುದು,
01:14 ‘ಟೇಬಲ್ ರಿಲೇಶನ್ ಶಿಪ್’ಗಳನ್ನು ಸ್ಥಾಪಿಸುವುದು,
01:17 ನಮ್ಮ ಡಿಸೈನ್ ಅನ್ನು ಪರಿಷ್ಕರಿಸುವುದು (Refine),
01:20 ನಾರ್ಮಲೈಸೇಶನ್ ನಿಯಮಗಳನ್ನು ಅನ್ವಯಿಸುವುದು,
01:23 ಕೊನೆಯದಾಗಿ, ಡೇಟಾಬೇಸ್ ಅನ್ನು ಟೆಸ್ಟ್ ಮತ್ತು ರನ್ ಮಾಡುವುದು ಹಾಗೂ ನಿರ್ವಹಣೆ ಮಾಡುವುದು.
01:28 ಸರಿ, ನಾವೀಗ ಮೊದಲ ಹೆಜ್ಜೆಯತ್ತ ಸಾಗೋಣ, ಅದು ಯಾವುದೆಂದರೆ -
01:32 ನಮ್ಮ ಡೇಟಾಬೇಸ್ ನ ಉದ್ದೇಶವನ್ನು ನಿರೂಪಿಸುವುದು.
01:35 ನಾವೀಗ ಸರಳ ಲೈಬ್ರರಿ ಅಪ್ಲಿಕೇಶನ್ ಒಂದನ್ನು ಪರಿಗಣಿಸೋಣ.
01:38 ಲೈಬ್ರರಿಯು ಸಾಮಾನ್ಯವಾಗಿ ಪುಸ್ತಕಗಳನ್ನು ಹೊಂದಿರುತ್ತದೆ.
01:41 ಮತ್ತು ಈ ಪುಸ್ತಕಗಳನ್ನು ಇದರ ನೋಂದಾಯಿತ ಸದಸ್ಯರಿಗೆ ನೀಡಲಾಗುತ್ತದೆ.
01:45 ಹೀಗಾಗಿ, ಪುಸ್ತಕಗಳು ಮತ್ತು ಸದಸ್ಯರ ಪಟ್ಟಿಯ ನಿರ್ವಹಣೆಗೆ ಮತ್ತು
01:51 ಇದರ ಸದಸ್ಯರಿಗೆ ನೀಡಿರುವ ಈ ಪುಸ್ತಕಗಳ ಟ್ರ್ಯಾಕ್ ಮಾಡಲು ನಮಗೆ ಲೈಬ್ರರಿ ಅಪ್ಲಿಕೇಶನ್ ಬೇಕು.
01:56 ಬೇಕಾಗಿರುವ ಮಾಹಿತಿಯನ್ನು ಪತ್ತೆ ಹಚ್ಚಿ ಅಣಿಗೊಳಿಸುವುದು ನಮ್ಮ ಮೊದಲ ಹೆಜ್ಜೆಯಾಗಿದೆ.
02:01 ಡೇಟಾಬೇಸ್ ನಲ್ಲಿ ನಾವು ರೆಕಾರ್ಡ್ ಮಾಡಲಿರುವ ಎಲ್ಲಾ ವಿಧದ ಮಾಹಿತಿಯನ್ನು ನಾವು ಇಲ್ಲಿಯೇ ಸಂಗ್ರಹಿಸುತ್ತೇವೆ.
02:09 ನಾವು `ಲೈಬ್ರರಿ ಅಪ್ಲಿಕೇಶನ್’ನ ಉದ್ದೇಶವನ್ನು ಈಗ ತಿಳಿದಿರುವುದರಿಂದ ಐಟಂಗಳನ್ನು ನಾವೀಗ ಗುರುತಿಸೋಣ.
02:17 ಇಲ್ಲಿ ಪುಸ್ತಕಗಳಿವೆ.
02:19 ಪುಸ್ತಕವು ಟೈಟಲ್, ಆಥರ್, ಪಬ್ಲಿಷರ್ ಮತ್ತು ಪ್ರೈಸ್ ಅನ್ನು ಹೊಂದಿರುತ್ತದೆ.
02:24 ಅಲ್ಲದೆ, ಲೇಖಕರ ಹುಟ್ಟಿದ ದಿನಾಂಕ, ಅವರ ದೇಶ ಮುಂತಾದ ಲೇಖಕರ ಕುರಿತ ಮಾಹಿತಿಯನ್ನು ನಾವು ಶೇಖರಿಸಬಹುದು.
02:33 ನಾವು ಪ್ರಕಾಶಕರ ಹೆಸರು, ವಿಳಾಸ ಮತ್ತು ದೂರವಾಣಿ ಸಂಖ್ಯೆಯನ್ನು ಸಹ ಶೇಖರಿಸಬಹುದು.
02:38 ಅಲ್ಲದೆ ಇಲ್ಲಿ `ಲೈಬ್ರರಿ’ ಸದಸ್ಯರಿದ್ದು ಅವರು ಹೆಸರು, ದೂರವಾಣಿ ಸಂಖ್ಯೆ ಮತ್ತು ವಿಳಾಸವನ್ನು ಹೊಂದಿರುತ್ತಾರೆ.
02:45 ಸದಸ್ಯರೊಬ್ಬರಿಗೆ ಪುಸ್ತಕವನ್ನು ನೀಡಿದಾಗ, ಅದು-
02:49 ಪುಸ್ತಕ ನೀಡಿದ ದಿನಾಂಕ, ವಾಪಸ್ ಮಾಡಬೇಕಾದ ದಿನಾಂಕ, ವಾಪಸ್ ಮಾಡಿದ ದಿನಾಂಕ ಮತ್ತು ಚೆಕ್ಡ್-ಇನ್ ಸ್ಥಿತಿಯನ್ನು ಹೊಂದಿರುತ್ತದೆ.
02:56 ಈ ಪ್ರತ್ಯೇಕ ಐಟಂಗಳನ್ನು ಅಟ್ರಿಬ್ಯೂಟ್ ಗಳೆಂದು ಕರೆಯಲಾಗುತ್ತದೆ.
03:01 ಈ ಪ್ರತಿಯೊಂದು ಅಟ್ರಿಬ್ಯೂಟ್, ಟೇಬಲ್ ನಲ್ಲಿ ಸಂಭಾವ್ಯ ಕಾಲಂಗಳನ್ನು ಪ್ರತಿನಿಧಿಸುತ್ತದೆ.
03:08 ಈ ಹಂತದಲ್ಲಿ ನಾವು ಈ ಕೆಳಗಿನ ಪ್ರಶ್ನೆಗಳನ್ನು ಸೂತ್ರೀಕರಿಸಬಹುದು:
03:12 ಪ್ರಕಾಶಕರೊಬ್ಬರು ಲೈಬ್ರರಿಗೆ ಒದಗಿಸಿದ ಹೊಸ ಪುಸ್ತಕಗಳ ಶ್ರೇಣಿಯ ಕುರಿತ ಮಾಹಿತಿಯನ್ನು ನಾವು ಹೇಗೆ ಸೇರಿಸಬಹುದು?
03:20 ಇದರ ಸದಸ್ಯರ ಪಟ್ಟಿಯನ್ನು ನಾವು ಹೇಗೆ ನಿರ್ವಹಿಸಬಹುದು?
03:25 ಸದಸ್ಯರೊಬ್ಬರು ಬಿಡಲು ಇಚ್ಛಿಸಿದರೆ ಅಥವಾ ತನ್ನ ವಿಳಾಸವನ್ನು ಬದಲಾಯಿಸಲು ಇಚ್ಛಿಸಿದರೆ ಏನು ಮಾಡಬೇಕು?
03:32 ಸದಸ್ಯರು ಪುಸ್ತಕವನ್ನು ವಾಪಾಸ್ ಮಾಡಿದಾಗ ನಾವು ಮಾಹಿತಿಯನ್ನು ಹೇಗೆ ಪರಿಷ್ಕರಿಸಬೇಕು?
03:38 ಯಾವ ರೀತಿಯ ರಿಪೋರ್ಟ್ ಗಳನ್ನು ನಾವು ತಯಾರಿಸಬೇಕು?
03:42 ಸದಸ್ಯರ ಪೈಕಿ ಅತ್ಯಂತ ಹೆಚ್ಚಿನ ಸಂಖ್ಯೆಯಲ್ಲಿ ಓದಿದ ಪುಸ್ತಕ ಯಾವುದು?
03:46 ಮತ್ತು, ಪುಸ್ತಕವನ್ನು ಎರವಲು ಪಡೆದಿರುವ ಸದಸ್ಯರಿಂದ ಮರಳಿಸಲು ಬಾಕಿ ಇರುವ ಪುಸ್ತಕಗಳ ಪಟ್ಟಿಯನ್ನು ನಾವು ಹೇಗೆ ರಚಿಸಬಹುದು?
03:55 ನಮ್ಮ ಬಳಿ ಒಂದಷ್ಟು ಮಾಹಿತಿ ಇರುವುದರಿಂದ, ಈ ಮಾಹಿತಿಯನ್ನು ಟೇಬಲ್ ಗಳಾಗಿ ಹೇಗೆ ವಿಂಗಡಿಸಬಹುದು ಎಂಬುದನ್ನು ಈಗ ನೋಡೋಣ.
04:02 ನಾವು ನಮ್ಮ ಐಟಂಗಳು ಅಥವಾ ಅಟ್ರಿಬ್ಯೂಟ್ ಗಳೆನಿಸಿರುವ ಮಾಹಿತಿಯನ್ನು ಮೇಜರ್ ಎಂಟಿಟಿಗಳು ಅಥವಾ ಸಬ್ಜೆಕ್ಟ್ ಗಳಾಗಿ ವಿಂಗಡಿಸಲಿದ್ದೇವೆ.
04:11 ಪ್ರತಿ ಸಬ್ಜೆಕ್ಟ್ ನಂತರ ಟೇಬಲ್ ಆಗುತ್ತದೆ.
04:14 ಹೀಗೆ, ಟೇಬಲ್ ಗಳ ಆರಂಭಿಕ ಪಟ್ಟಿಯು ಸ್ಕ್ರೀನ್ ನಲ್ಲಿ ತೋರಿಸಿರುವ ಚಿತ್ರದಂತೆ ಇರುತ್ತದೆ.
04:21 ಇಲ್ಲಿ ತೋರಿಸಿರುವ ಮೇಜರ್ ಸಬ್ಜೆಕ್ಟ್ ಗಳು ಅಥವಾ ಎಂಟಿಟಿಗಳು ಪುಸ್ತಕಗಳು ಮತ್ತು ಸದಸ್ಯರಾಗಿವೆ.
04:26 ಹೀಗಾಗಿ, ಎರಡು ಟೇಬಲ್ ಗಳನ್ನು, ಅಂದರೆ ಒಂದು ಪುಸ್ತಕಗಳಿಗಾಗಿ ಹಾಗೂ ಇನ್ನೊಂದು ಸದಸ್ಯರಿಗಾಗಿ, ಆರಂಭಿಸುವುದು ಸಮಂಜಸವೆನಿಸುತ್ತದೆ.
04:33 ನಾವೀಗ Books ಟೇಬಲ್ ಅನ್ನು ವಿವರವಾಗಿ ನೋಡೋಣ.
04:37 ಇದು, ನಾವು ಹಿಂದೆ ನಿರೂಪಿಸಿದ 10 ಅಟ್ರಿಬ್ಯೂಟ್ ಗಳು ಅಥವಾ ಕಾಲಂಗಳನ್ನು ಹೊಂದಿದೆ:
04:43 ಅವೆಂದರೆ Title, Author, Publisher, PublisherAddress, PublisherCity, PublisherPhone, PublishYear, Price, AuthorBirthDate ಮತ್ತು AuthorCountry.
04:58 ಈಗ, ಈ ಟೇಬಲ್ ನಲ್ಲಿ ಡೇಟಾವನ್ನು ಹೇಗೆ ಡಿಸ್ಪ್ಲೇ ಮಾಡಲಾಗುತ್ತದೆ ಎಂಬುದನ್ನು ನೋಡೋಣ.
05:03 ಪ್ರತಿ ಸಾಲು ಅಥವಾ ರೆಕಾರ್ಡ್, ಪುಸ್ತಕ, ಇದರ ಲೇಖಕ ಮತ್ತು ಪ್ರಕಾಶಕರ ಕುರಿತು ಮಾಹಿತಿ ಹೊಂದಿರುತ್ತದೆ ಎಂಬುದನ್ನು ಗಮನಿಸಿ.
05:13 ಈ ವಿನ್ಯಾಸದಲ್ಲಿ ಎರಡು ನ್ಯೂನತೆಗಳಿವೆ.
05:17 ಒಂದೇ ಲೇಖಕರ ಅಥವಾ ಪ್ರಕಾಶಕರ ಅನೇಕ ಪುಸ್ತಕಗಳು ಇರಬಹುದು.
05:23 ಹೀಗಾಗಿ, ಲೇಖಕರ ಮತ್ತು ಪ್ರಕಾಶಕರ ವಿವರಗಳು ಅನೇಕ ಬಾರಿ ಪುನರಾವರ್ತನೆಯಾಗುವುದನ್ನು ನಾವು ಗಮನಿಸಬಹುದು.
05:31 ಇದು ಕಂಪ್ಯೂಟರ್ ನ ಡಿಸ್ಕ್ ಸ್ಥಳವನ್ನು ಪೋಲು ಮಾಡುತ್ತದೆ.
05:34 ಈ ವಿನ್ಯಾಸದಲ್ಲಿ ಇರುವ ಎರಡನೇ ಸಮಸ್ಯೆ ಎಂದರೆ:
05:38 ಇದು ಡೇಟಾಬೇಸ್ ನಲ್ಲಿ ಅನೊಮಲಿಗಳನ್ನು ಸೇರಿಸುತ್ತಾ ರನ್ ಮಾಡುತ್ತದೆ.
05:44 ಹಾಗಾದರೆ, ಅನೊಮಲಿ ಎಂದರೆ ಏನು?
05:47 ಸರಳವಾಗಿ ಹೇಳುವುದಾದರೆ ಇದು ಡೇಟಾಬೇಸ್ ನಲ್ಲಿನ ದೋಷ ಅಥವಾ ಅಸಂಗತತೆ.
05:53 ನಾವು ಮೂರು ವಿಧದ ಅನೊಮಲಿಗಳನ್ನು ಕಾಣಬಹುದು:
05:57 ಮೊದಲನೆಯದು ಇನ್ಸರ್ಷನ್ ಅನೊಮಲಿ.
06:01 ಹೊಸ ರೆಕಾರ್ಡ್ ಅನ್ನು ಸೇರಿಸಿದಾಗ ಇದು ಉಂಟಾಗುತ್ತದೆ.
06:06 ಅಥವಾ, ಇತರ ಅಟ್ರಿಬ್ಯೂಟ್ ಗಳ ಉಪಸ್ಥಿತಿ ಇಲ್ಲದೆ ಇದ್ದ ಸಂದರ್ಭದಲ್ಲಿ ಡೇಟಾಬೇಸ್ ಗೆ ಕೆಲವು ಅಟ್ರಿಬ್ಯೂಟ್ ಗಳನ್ನು ಸೇರಿಸಲು ಆಗದೇ ಇದ್ದಾಗ ಉಂಟಾಗುತ್ತದೆ.
06:14 ಉದಾಹರಣೆಗೆ,'ಪೆಂಗ್ವಿನ್' ಹೆಸರಿನ ಹೊಸ ಪಬ್ಲಿಷರ್ ಇದ್ದಾರೆ ಅಂದುಕೊಳ್ಳೋಣ.
06:21 ಈಗ, ನಮ್ಮ ಲೈಬ್ರರಿಯು ಕನಿಷ್ಠ ಒಂದಾದರೂ ಪುಸ್ತಕವನ್ನು ಪೆಂಗ್ವಿನ್ ಪಬ್ಲಿಷರ್ ನಿಂದ ಪಡೆಯುವ ತನಕ ನಮ್ಮ ವಿನ್ಯಾಸವು, ಇವರ ಕುರಿತು ಮಾಹಿತಿಯನ್ನು ಸೇರಿಸಲು ಬಿಡುವುದಿಲ್ಲ.
06:34 ಎರಡನೆಯದನ್ನು ಡಿಲಿಷನ್ ಅನೊಮಲಿ ಎಂದು ಕರೆಯಲಾಗುತ್ತದೆ.
06:39 ರೆಕಾರ್ಡ್ ಒಂದನ್ನು ಡಿಲೀಟ್ ಮಾಡಿದಾಗ ಇದು ಉಂಟಾಗುತ್ತದೆ.
06:43 ಇಲ್ಲಿ, ಡೇಟಾಬೇಸ್ ನಲ್ಲಿ ರೋ ಅಥವಾ ರೆಕಾರ್ಡ್ ಒಂದನ್ನು ಡಿಲೀಟ್ ಮಾಡಿದಾಗ, ನಾವು ಡಿಲೀಟ್ ಮಾಡಲು ಇಚ್ಛಿಸಿದ ಡೇಟಾಕ್ಕಿಂತ ಹೆಚ್ಚಿನ ಮಾಹಿತಿಯನ್ನು ಇದು ಡಿಲೀಟ್ ಮಾಡುತ್ತದೆ.
06:51 ಉದಾಹರಣೆಗೆ, ನಮ್ಮ ಲೈಬ್ರರಿಯಲ್ಲಿ, 'Orient Publishers' ಕೇವಲ ‘Paradise Lost’ ಹೆಸರಿನ ಒಂದೇ ಪುಸ್ತಕವನ್ನು ಹೊಂದಿರುವುದನ್ನು ನಾವು ಗಮನಿಸಬಹುದು.
07:01 ಒಂದುವೇಳೆ ನಾವು ಇಡೀ ರೆಕಾರ್ಡ್ ಅನ್ನು ಡಿಲೀಟ್ ಮಾಡಿದರೆ, ನಾವು ಓರಿಯಂಟ್ ಪಬ್ಲಿಷರ್ಸ್ ಕುರಿತ ಎಲ್ಲಾ ಮಾಹಿತಿಯನ್ನು ಕಳೆದುಕೊಳ್ಳುತ್ತೇವೆ.
07:10 ಮತ್ತು ಲೇಖಕ John Milton ಕುರಿತ ಮಾಹಿತಿಯನ್ನು ಸಹ ನಾವು ಕಳೆದುಕೊಳ್ಳುತ್ತೇವೆ.
07:16 ಅಂತಿಮವಾಗಿ, ಅಪ್ಡೇಟ್ ಅನೊಮಲಿ ಎಂದರೆ ಏನು ಎಂಬುದನ್ನು ನೋಡೋಣ.
07:21 ರೆಕಾರ್ಡ್ ಅನ್ನು ಅಪ್ಡೇಟ್ ಮಾಡುವಾಗ ಇದು ಉಂಟಾಗುತ್ತದೆ.
07:26 ಉದಾಹರಣೆಗೆ, Cambridge Publishers ಹೊಸ ವಿಳಾಸವನ್ನು ಪಡೆದಿದ್ದಾರೆ ಎಂದು ಭಾವಿಸೋಣ.
07:32 ಈಗ, ಈ Publisher ಗೆ Address ಕಾಲಂ ಅನ್ನು ಅಪ್ಡೇಟ್ ಮಾಡಬೇಕಾದರೆ ನಾವು ಒಂದಕ್ಕಿಂತ ಹೆಚ್ಚು ಕಡೆ ಬದಲಾವಣೆ ಮಾಡಬೇಕಾಗುತ್ತದೆ.
07:40 ನಮ್ಮ ವಿಷಯದಲ್ಲಿ ಎರಡು ಕಡೆ ಹೀಗೆ ಮಾಡಬೇಕು.
07:43 ಒಂದುವೇಳೆ ಸಾವಿರದಷ್ಟು ಪುಸ್ತಕವನ್ನು ಕ್ಯಾಂಬ್ರಿಜ್ ಒದಗಿಸಿದ್ದರೆ, ಈ ಎಲ್ಲಾ ಸಾವಿರ ರೆಕಾರ್ಡ್ ಗಳಲ್ಲಿ ನಾವು ಬದಲಾವಣೆ ಮಾಡಬೇಕಾಗುತ್ತದೆ.
07:54 ನಾವು ಆಕಸ್ಮಿಕವಾಗಿ ಒಂದು ಕಡೆ ವಿಳಾಸವನ್ನು ಬದಲಾಯಿಸಿ, ಇತರ ಕಡೆಗಳಲ್ಲಿ ವಿಳಾಸ ಬದಲಾಯಿಸಲು ಮರೆತು ಬಿಡಬಹುದು.
08:02 ಇದರಿಂದಾಗಿ ಮಾಹಿತಿಯ ನಿಖರತೆ ಕಾಪಾಡಲು ಸಾಧ್ಯವಾಗುವುದಿಲ್ಲ. ಹೀಗಾಗಿ ಡೇಟಾ ಇಂಟೆಗ್ರಿಟಿಯ ನಷ್ಟವಾಗುತ್ತದೆ.
08:11 ನಾವು ಈ ಸಮಸ್ಯೆಗಳನ್ನು ಹೇಗೆ ಪರಿಹರಿಸಬಹುದು?
08:14 ಪ್ರತಿ ಸಂಗತಿಯ ಒಂದು ಮಾತ್ರ ರೆಕಾರ್ಡ್ ಇರುವಂತೆ ನಾವು ಮರುವಿನ್ಯಾಸ ಮಾಡಬೇಕು.
08:20 ಒಂದುವೇಳೆ, ಒಂದೇ ಮಾಹಿತಿಯನ್ನು ಒಂದಕ್ಕಿಂತ ಹೆಚ್ಚು ಕಡೆಗಳಲ್ಲಿ ಪುನರಾವರ್ತನೆಯಾಗಿದ್ದರೆ, ನಾವು ಆ ಮಾಹಿತಿಯನ್ನು ಪ್ರತ್ಯೇಕ ಟೇಬಲ್ ನಲ್ಲಿ ಇಡಬೇಕು.
08:29 ಇದು ಹೇಗೆ ಎಂಬುದನ್ನು ನೋಡೋಣ.
08:31 ಈಗ ನಾವು ಬುಕ್ಸ್ ಟೇಬಲ್ ಅನ್ನು ಬುಕ್ಸ್, ಆಥರ್ಸ್, ಮತ್ತು ಪಬ್ಲಿಷರ್ಸ್ ಆಗಿ ಪ್ರತ್ಯೇಕಿಸಿದ್ದೇವೆ.
08:38 ಪ್ರತಿ ಟೇಬಲ್ ನಲ್ಲಿರುವ ಕಾಲಂಗಳು ಆ ಎಂಟಿಟಿ ಅಥವಾ ವಿಷಯದ ಕುರಿತು ಮಾತ್ರ ಸಂಗತಿಗಳನ್ನು ಶೇಖರಿಸುತ್ತವೆ ಎಂಬುದನ್ನು ಗಮನಿಸಿ.
08:47 ಈ ರೀತಿ ನಾವು ಪ್ರಕಾಶಕರ ಮಾಹಿತಿಯನ್ನು ಪಬ್ಲಿಷರ್ ಟೇಬಲ್ ಒಳಗಡೆ ಒಮ್ಮೆ ಮಾತ್ರ ರೆಕಾರ್ಡ್ ಮಾಡಬಹುದು.
08:55 ಇದೇ ರೀತಿ, ಪ್ರತ್ಯೇಕ Authors ಟೇಬಲ್ ಇದ್ದರೆ ಇದು ಲೇಖಕರ ಮಾಹಿತಿಯನ್ನು ಒಮ್ಮೆ ಮಾತ್ರ ರೆಕಾರ್ಡ್ ಮಾಡಲು ಅನುವು ಮಾಡಿಕೊಡುತ್ತದೆ.
09:04 ಈ ಟೇಬಲ್ ಗಳನ್ನು ಬುಕ್ಸ್ ಟೇಬಲ್ ಗಳಿಗೆ ಹೇಗೆ ಸಂಪರ್ಕಿಸಬಹುದು ಎಂಬುದನ್ನು ನಾವು ಮುಂದಿನ ಟ್ಯುಟೋರಿಯಲ್ ನಲ್ಲಿ ನೋಡೋಣ.
09:12 ಈ ಮೂಲಕ ನಾವು ಲಿಬರ್ ಆಫಿಸ್ ನ ಡೇಟಾಬೇಸ್ ಡಿಸೈನ್ ಕುರಿತ ಟ್ಯುಟೋರಿಯಲ್ ನ ಮೊದಲ ಭಾಗದ ಕೊನೆಯ ಹಂತಕ್ಕೆ ಬಂದಿದ್ದೇವೆ.
09:19 ಸಂಕ್ಷಿಪ್ತವಾಗಿ ನಾವು, ಡೇಟಾಬೇಸ್ ಡಿಸೈನ್ ನಲ್ಲಿ: ಈ ಕೆಳಗಿನ ವಿಷಯಗಳನ್ನು ಕಲಿತೆವು:
09:25 ನಮ್ಮ ಡೇಟಾಬೇಸ್ ನ ಉದ್ದೇಶವನ್ನು ನಿರ್ಧರಿಸುವುದು,
09:28 ಬೇಕಾಗಿರುವ ಮಾಹಿತಿಯನ್ನು ಹುಡುಕುವುದು ಹಾಗೂ ಅದನ್ನು ಅಣಿಗೊಳಿಸುವುದು,
09:32 ಮತ್ತು ಮಾಹಿತಿಯನ್ನು ಟೇಬಲ್ ಗಳಾಗಿ ವಿಂಗಡಿಸುವುದು.
09:36 ‘ಸ್ಪೋಕನ್ ಟ್ಯುಟೋರಿಯಲ್’ ಪ್ರೊಜೆಕ್ಟ್, ರಾಷ್ಟ್ರೀಯ ಸಾಕ್ಷರತಾ ಮಿಷನ್, ICT, MHRD ಮೂಲಕ ಭಾರತ ಸರ್ಕಾರದ ನೆರವು ಪಡೆದಿದೆ.
09:48 ಈ ಪ್ರೊಜೆಕ್ಟ್ ಅನ್ನು ಸಂಯೋಜಿಸಿದವರು: http://spoken-tutorial.org.
09:54 ಕೆಳಗಿನ ಲಿಂಕ್ ನಲ್ಲಿ ಈ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಿದೆ.
09:58 ಈ ಸ್ಕ್ರಿಪ್ಟ್ ನ ಅನುವಾದಕರು ಮಂಗಳೂರಿನಿಂದ ಮೆಲ್ವಿನ್ ಮತ್ತು ಧ್ವನಿ ಶ್ರೀ ನವೀನ್ ಭಟ್, ಉಪ್ಪಿನಪಟ್ಟಣ.

ಧನ್ಯವಾದಗಳು.

Contributors and Content Editors

NaveenBhat, Sandhya.np14