LibreOffice-Suite-Base/C4/Database-Design-Primary-Key-and-Relationships/Bodo

Time	Narration
00:00	LibreOffice Base(लिब्रिअफिस बेस) नि रायज्लायनाय फोरोंथायाव बरायबाय।
00:04	बे फोरोंथाया Database Design(डेटाबेस डिजाइन)नि सोमोन्दै आवगायनि फोरोंथायनि लिनथ्रियै सोलिबायथानाय बाहागो ।
00:10	आरो जों गाहायाव होनाय आयदाफोरखौ बेयावहाय सोलोंगोन
00:13	फोरमायथिफोरनि आयदाफोरखौ column (कलाम) आव सोलाय
00:17	primary keys (प्राइमारि किस) फोरखौ रोखायै दिन्थि
00:20	table relationships (टेबिल रिलेस्वनसिपस) खौ गायसन्नाय
00:23	थांखांनाय फोरोंथायाव, जोङो मोनसे गोर्लै Library application(लाइब्रेरि एप्लिकेसन) नि थाखाय डेटाबेस डिजाइननि नेमखान्थिखौ बानायखाबाय।
00:30	जों गिबियावनो Library database(लाइब्रेरि डेटाबेस) सोरजिनायनि थांखिखौ थि खालामदोंमोन ।
00:36	बिनिउनाव जों बिजाबबाख्रिनि सोमोन्दै तथ्य नागिरनाय आरो थुबुर खालामनाय फोरमायथिनि फारिखान्थि आरो
00:44	जों गासैबो फोरमायथिखौ Tables(टेबिलस) आव रानजोबदोंमोन।
00:49	आरो बिनिखायनो, जोंनि बिजाबबाख्रिनि डेटाबेसआव जों गंब्रै टेबिलफोर सिनायथि खालामदों : Books(बु्क्स) , Authors(अथरस), Publications (पाब्लिकेसन्स) आरो Members(मेम्बारस)
01:00	दानिया जों उननि खोलोबाव थांनि, जेराव फोरमायथिनि आयदाफोरखौ columns (कलामस) आव सोलाय हो।
01:07	बेयावहाय,जों गंफ्रोम्बो table(टेबिल) आव लाखिनो गोनां फोरमायथिनि आयदाफोरखौ थिरांथा खालामगोन।
01:13	जों आवगायावनो सिनायथिनाय , मोनफ्रोम्बो फोरमायथिनि आयदाया मोनसे field (फिल्द) आरो तेबिलआव कलाम महरै दिन्थि जागोन ।
01:23	स्क्रिननि सावगारियाव जाबायदि दिन्थिदों,Books' (बुक्स) तेबिलआव मोन 5 column(कलाम) दङ, जायफोरखौ fields(फिल्डस) बुंनाय जायो।
01:31	बिदिब्ला, बेफोरनि मोनफ्रोम र एबा record (रेकर्ड) आव गांसे बिजाबनि सोमोन्दै फोरमायथि बेनि मोनफ्रोम कलामफोराव दङ।
01:40	रोखोमसेयै,Authors (अथरस) तेबिलनि मोनफ्रोम्बो फोरमायथियाव सासेल' लिरगिरिनि सोमोन्दै तथ्य दङ।
01:49	Publishers(पाब्लिसार) तेबिलनि मोनफ्रोम फोरमायथियाव सासेल' फोसावगिरिनि सोमोन्दै तथ्य दङ।
01:58	दानिया, जों जोंनि गोनांजानायबादि कलामफोरखौ आरोबाव सोदांनो हायो।
02:04	बिदिन्थि महरै, जों Author name(अथर नेम) खौ First Name (फार्स्ट नेम) आरो Last Name(लास्ट नेम) आव बोखावनो हागोन, जेराव बे कलाम बादियै नागिरनो एबा फारिलाइ खालामनो गोर्लै जायो।
02:17	तेबिलफोराव सान्नायनि फिथाइफोरखौ आलादा कलाम महरै दोनथुमनो गोनांथि गैया।
02:24	मानोना नोंथाङा जेब्लानो सान्नायनि फिथाइफोरखौ नायनो लुबैयो, Base (बेस) आ अब्लानो बेफोरखौ सान्नो हायो।
02:31	दानिया जों तेबिलफोर आरो कलामफोरनि सोमोन्दै रोखा मिथिबाय, दानिया primary keys (प्राइमारि कि) खौ माबोरै थि खाामनाय जायो बेनि सोमोन्दै उनाव सोलोंनाय जाथों।
02:41	मोनसे primary key (प्राइमारि कि) आ माखौ बुङो?
02:44	गंफ्रोम्बो टेबिलाव मोनसे कलाम एबा कलामनि मोनसे थुबुर सोेदेरफानाया गोनांथार, जाय गंफ्रोम्बो तेबिलआव दोनथुमनायाव रखौ सरासनस्राङै सिनायथिनायाव मदद होयो।
02:54	बे कलाम एबा कलामफोरनि थुबुरखौ तेबिलनि primary key(प्राइमारि कि) बुंनाय जायो।
03:00	बेयो सरासनस्रायै मोनसे गुबुन सिनायथिनाय अनजिमा जायो, जेरै गांसे Book Id (बुक आइडि) एबा सासे Author Id(अथर आइडि) ।
03:08	बे 'primary key'(प्राइमारि कि) खौ बाहायनानै, जों जोबोर गोख्रैयै गोबां तेबिलनिफ्राय सोमोन्दो गोनां तथ्यखौ गोरोबहोनो हायो आरो तथ्यखौ लोगोसेयै जोंनि थाखाय लाबोनो हायो।
03:21	आरो लोगोसेयै गुदि कि आव जायखिजाया दब्लिकेट मान मोन्नो हानाय नङा।
03:26	बिदिन्थि बादियै, जों गुदि कि महरै, सुबुंनि मुंखौ बाहायनो हानाय नङा, मानोना मुंफोरा सरासनस्रानङै नङा।
03:34	गंसे तेबिलावनो रोखोमसे मुंनि सानै सुबुं थानो हागौ।
03:40	लोगोसेयै, मोनसे primary key (प्राइमारि कि) आव अराय मोनसे मान थानो हागौ।
03:45	जेब्ला बेयो लाथिख एबा Null (नाल) जायो, अब्लानिया जों बेखौ गुदि कि महरै गनाय जाया।
03:52	आरो मोनसे गुदि कि कलमखौ अराय जायखिजाया मोनसे मान थानोथाखाय जों ब्राब्रा मावहोनो नांगोन,जों बै कलामनि तथ्यनि रोखोमखौ ‘AutoNumber’(अट नाम्बार) खालामनो हागौ,जायनि मानखौ Base(बेस) आ गावनोगाव सोरजिगोन।
04:09	स्क्रिनाव दिन्थिनाय सावगारि बादियै, नोंथाङा बिबादि तेबिलनि थाखाय गुदि किखौ गाहायाव होनाय बादि गायसन्नो हायो:
04:20	Books (बुक्स) तेबिलनि थाखाय BookId (बुक आइ डि),
04:24	Authors (अथरस) तेबिलनि थाखाय AuthorId(अथर आइडि)
04:28	Publishers (पाब्लिसारस) तेबिलनि थाखाय (पाब्लिसारस आइडि)
04:33	रोखोमसेयै, थेवबो बेयावहाय दिन्थिनाय जायाखै, Members'(मेम्बारस) तेबिलनि थाखाय गुदि कि MemberId(मेम्बार आइडि) जागोन।
04:42	जोबथारनायाव, जों तेबिलआव गुदि किखौ गायसन्नानै, जों Entity Integrity(इनटिटि इनटिग्रिटि) खौ मावफुंबाय थादों।
04:52	'Entity Integrity'(इनटिटि इनटिग्रिटि) आ रोखा खालामोदि तेबिलआव जेबो रोखोमसे महरनि रेकर्डफोर गैया।
05:00	बेखौबो रोखा खालामोदि, जाय field(फिल्ड) आ तेबिलनि मोनफ्रोम्बो रेकर्डखौ सिनायथियो बेखौ unique(इउनिक) जायो आरो जेब्लायबो Null(नाल) जाया।
05:10	दानिया जाय गंथाम तेबिलफोराव गुदि किफोर दङ,जों relationships(रिलेस्वनिप) खालामनानै तेबिलफोरखौ खौसे खालामनो हायो।
05:20	मानोना जों Base(बेस) आव सोमोन्दो जथायनो हायो,बेखौ मोनसे Relational Database Management System(रिलेस्वनेल डेटाबेस मेनेजमेन्ट सिस्टेम) एबा सुंदयै बुंनो थाङोब्ला RDBMS (आरडिबिएमएस) बुंनाय जायो।
05:32	relationships (रिलेस्वनसिपस) आ मोन्नैसो रोखोमनि दङ आरो दानिया जों बेफोरखौ सावरायनि।
05:37	गिबियावनो मिनथिग्रोनि One-to-Many relationship(उवान-टु-मेनि रिलेस्वनसिपस) एबा सेनिख्रुइ बांसिन सोमोन्दोआ मा
05:43	दानिया सावगारियाव दिन्थिनायबादि Books(बुक्स) आरो Authors(अथर्स) तेबिल गंनैखौ नाय।
05:49	गांसे बिजाबखौ सासे लिरगिरिजों लिरजानाय होन्नानै हमनानै ला।
05:55	बेबायदिबो जायो, जेब्ला सोरबा सानै एबा गोबां सुबुङा गांसे बिजाबखौ जयै लिरनाय जायो।
06:02	नाथाय जों जोंनि बिदिन्थियाव सासेल लिरगिरिजों गांसेल बिजाब लिरजानायखौ सावरायनायाव लाखिगोन।
06:10	जोंनि बिदिन्थियाव, सासे लिरगिरिया गोबां बिजाबफोर लिरनो हागोन।
06:17	बिनिखायनो,Authors(अथरस) तेबिलाव थानाय सासे लिरगिरिनि थाखाय,Books (बुक्स) तेबिलाव बै लिरगिरिजों लिरजानाय गोबां बिजाबफोर थानो हागौ।
06:28	बेयो मोनसे one-to-many relationship(उवान-टु-मेनि रिलेस्वनसिपस) एबा सेनिख्रुइ बांसिन सोमोन्दोनि थाखाय जानाय सोमोन्दो।
06:32	आरो बेखौ जोंनि बिजाबबाख्रिनि डेटाबेसआव दिन्थिनो हागोन।
06:36	जों Authors (अथरस) तेबिलआव गुदि कि अदेबानि Author Id(अथर आइडि) खौ लाना आरो बेखौ Books(बुक्स) तेबिलाव दाजाबदेर।
06:46	बिदिब्ला, Books(बुक्स) तेबिलाव Author Id(अथर आइडि) आ जागोन Foreign key(फरेन कि)।
06:53	रोखोमसेयै, Publishers(पाब्लिसार) तेबिलाव गुदि कि अदेबानि Publisher Id(पाब्लिसार आइडि) खौ Books(बुक्स) तेबिलाव दाजाबदेरनानै बेयो Books(बुक्स) तेबिलाव Foreign key(फरेन कि) जाहैयो।
07:06	बिदिब्ला, मोनसे कलाम एबा मोनसे थुबुर कलामफोरखौ रान्नायाव, जों डेटाबेस one-to-many relationships(उवान टु मेनि रिलेस्वनसिप) सोमोन्दो बानायनो हायो।
07:17	आरो Foreign keys(फरेन किस)फोरखौ बाहायनानै table relationships(टेबिल रिलेस्वनसिप) गायसन्नो हायो।
07:23	बिदिब्ला,relationship(रिलेस्वनसिप) गायसन्नो थाखाय,गंसे तेबिलनि गुदि किखौ नैथि तेबिलाव थानाय 'foreign key'(फरेन कि) बायदि गायसन्नो हायो
07:34	फिथायमहरै जों Referential integrity(रिफारेनसियेल इनतिग्रिति) खौ मावथारनांगौ खालामो।
07:39	ओंथिया जाबाय, गंसे तेबिलाव मोनफ्रोम्बो फरेन किनि माना सोमोन्दोगोनां तेबिलाव जायखिजाया मोनसे गुदि किनि मानजों समान जागोन।
07:50	बिनिउनाव, Many-to-Many relationship (मेनि-टु-मेनि रिलेस्वनसिप) माखौ बुङो, जों मिथिग्रोनि।
07:56	दानिया तेबिलनि डिजाइनसिम फिन थांफिननाय जाथों।
07:59	गांसे बिजाबखौ बिजाबबाख्रिनि जायखिजाया सोद्रोमाफोरनो हरनो हायो,(बेावहाय जों हमनानै लादों, बिजाबनि माखासे कपिफोर बिजाबबाख्रियाव दङ)।
08:09	रोखोमसेयै, सासे सोद्रोमाया जायखिजाया बिजाबफोर लांथ'नो हायो (बेावहाय जों हमनानै लादों,थारैनो,बिजाबबाख्रियाव दङ माखासे बिजाबफोर दङ)
08:17	बिदिब्ला, जोंनियाव माखासे बिजाबफोरखौ माखासे सोद्रोमाफोरनो हरनाय बिदिन्थि दङ।
08:25	जायखौ Many-to-many relationship.(मेनि-टु-मेनि रिलेस्वनसिप) बुंनाय जायो।
08:29	बिदिब्ला, जों जोंनि डेटाबेसआव many-to-many relationship(मेनि-टु-मेनि रिलेस्वनसिप) गायसन्नो हायो
08:35	गंसे थामथि तेबिल, BooksIssued(बुक्सइसुइड) तेबिल सोरजिनानै, जायखौ मोनसे Junction table(जांकसन टेबिल) बुंनाय जायो।
08:45	आरो बेयावहाय, Books(बुक्स) आरो Members(मेम्बार्स) बे गंनै तेबिलनिफ्राय गुदि किखौ BooksIssued (बुक्सइसुइड) तेबिलसिम दाजाबदेरगोन ।
08:57	फिथायमहरै, BooksIssued (बुक्सइसुइड) तेबिलआव सासे सोद्रोमानो हरनाय गांफ्रोम बिजाबफोरनि रेकर्डफोरा दङ।
09:05	बिदिब्ला,मोनसे थामथि junction(जांकसन) तेबिल सोर्जिनानै जों many-to-many relationships(मेनि-टु-मेनि रिलेस्वनसिप) गायसन्नो हायो।
09:13	आरो जोबथारनायाव One-to-one relationship(उवान-टु-उवान रिलेस्वनसिप)ऩि सोमोन्दै सावरायनाय जाथों।
09:18	माब्लाबा,खायसे गोनांथार एबा कलामफोरा खायसे रोखा थि तथ्यनि फारसे थायो आरो बिनिखायनो कलामफोराव इसेल तथ्य थायो।
09:30	जेरै हमनानै ला, सासेल' लिरगिरिनियाव उइबसाइट थं दङ आरो गुबुनफोरनियाव गैया।
09:38	आरो Authors (अथरस) तेबिलाव गोदान उइबसाइट कलामआव बांसिन बाहागोआनो लांदां थानायाव, डिस्कनि गोबां बाहागोआ गाज्रि जागोन।
09:47	बिदिब्ला, जों बे कलामखौ मोनसे गोदान उफ्रा तेबिलाव सोलायहोनो हागोन, जायनि गुदि किया रोखोमसे Author Id (अथर आइडि) आनो जागोन।
09:58	उफ्रा तेबिलनि मोनफ्रोम रेकर्डफ्रा गाहाय तेबिलाव नंगुबै रेकर्डआव गोरोबथिगोनाङै गोरोबगोन।
10:06	जाय One-to-one relationship(उवान-टु-उवान रिलेस्वनसिप) खौ फोरमायो।
10:10	बिदिब्ला बैयावहाय, जों डेटाबेसनि सोमोन्दै सोमोन्दो जथायनो सोलोंबाय।
10:15	बेयावहायनो LibreOffice Base (लिब्रिअफिस बेस) आव डेटाबेस डिजाइननि सोमोन्दै फोरोंथायनि नैथि खोन्दोआ जोब्बाय।
10:23	गुदि खोथा महरै जों डेटाबेस डिजाइनआव गाहायनि आयदाफोरखौ सोलोंबाय :
10:28	फोरमायथिफोरनि आयदाफोरखौ column (कलाम) आव सोलायनाय
10:32	primary keys (प्राइमारि किस) फोरखौ रोखायै दिन्थिनाय
10:34	table relationships (टेबिल रिलेस्वनसिपस) खौ गायसन्नाय
10:38	रायज्लायनाय फोरोंथाय हाबाफारिया Talk to a Teacher (तक तु ए तिसार) हाबाफारिनि मोनसे बाहागो, बेखौ भारत सरकारनि National Mission on Education (नेसनेल मिसन अन इदुकेसन) नि ICT (आइ.सि.टि.), MHRD (एम. एइस.आर.दि.), नि गेजेरजों मदद होदों।
10:48	बे हाबाफारिया http://spoken-tutorial.org. (इस ति ति पि कलन स्लेस स्पकेन हाइफेन टिउतरियेल डट अ आर.जि) जों दैदेन जादों।
10:54	बे हाबाफारिनि गोबांसिन मिथिथाया गाहायनि link (लिंक) आव दङ
10:58	बे सिक्रिपखौ दिनेश चन्द्र ब्रह्मआ मदद होदों आरो बेयो जादों मौसुमि मेधि आइ आइ टि बम्बेनिफ्राय, फोजोबबाय, हेफाजाब होनायनि थाखाय साबायखर बाउबाय।

Contributors and Content Editors

Dinesh80Brahma